آقا کو اپنا بہترین پیش کریں

مہربانی سے میرے ساتھ کھڑے ہوں اور لوقا، 9 باب، 23 ویں آیت کھولیں۔

’’پھر یسوع نے اُن سب سے کہا، اگر کوئی میری پیروی کرنا چاہے تو وہ اپنی خود انکاری کرے اور روزانہ اپنی صلیب اُٹھائے اور میرے پیچھے ہو لے۔ کیونکہ جو کوئی اپنی جان کو محفوظ رکھنا چاہتا ہے وہ اُسے کھوئے گا لیکن جو کوئی میرے لیے اپنی جان کھوئے گا وہ اُسے محفوظ رکھے گا۔ آدمی اگر ساری دُنیا پا لے مگر اپنا نقصان کر لے یا خود کو گنوا بیٹھے تو کیا فائدہ؟‘‘ (لوقا9: 23۔25)۔

آپ تشریف رکھ سکتے ہیں۔

ڈاکٹر جان آر، رائس Dr. John R., Riceنے اپنی کتاب، ایک اچھا مسیحی ہونے کی کیا قیمت چکانی پڑتی ہےWhat it Costs to be a Good Christian میں ان آیات پر تبصرہ کیا (سورڈ آف دی لارڈ پبلشرز Sword of the Lord Publishers، 1952)۔ ڈاکٹر رائس نے کہا،

خُدا کو خود آپ کی اپنی زندگی کے تمام معاملات کو مکمل طور سے حوالے کر دینے کے مقابلے میں کچھ کم درکار نہیں ہے۔ یہ تبھی ہے جب آپ نے یسوع کی پیروی کرنے کے لیے اپنی صلیب اٹھا لی ہے… کہ آپ آنے اور ’’میرے پیچھے چلنے‘‘ کے لیے موزوں ہیں جیسا کہ یسوع نے لوقا9: 23 میں کہا تھا۔ اور یاد رکھیں کہ اس نے کہا تھا کہ یہ ہر روز [روزانہ] کیا جائے!
     خدا آپ کے منصوبوں کو شاید مکمل طور پر تبدیل کرنا چاہتا ہے جیسا کہ اس نے مجھے تبدیل کیا جب اس نے مجھے کالج کے استاد ہونے کے بعد خوشخبری کا مبلغ بننے کے لئے بلایا… خدا آپ کو پیار کرنے اور عزت دینے، آپ کے دوستوں کے درمیان سے ایک نکالا ہوا ہونے اور احمق سمجھنے کے لئے بلائے گا۔ آپ کے خاندان کی طرف سے… کوئی بھی حقیقی معنوں میں خداوند یسوع کی پوری طرح سے خدمت نہیں کر سکتا، جب تک کہ وہ قربان گاہ پر سب کچھ رکھ کر یہ نہ کہہ دے، ’’میری مرضی نہیں، بلکہ تیری مرضی پوری ہو،‘‘ جیسا کہ نجات دہندہ نے خود کہا۔ دراصل خدا … مکمل ہتھیار ڈالنے کا… تقاضا کرتا ہے۔ وہ وہ سب کچھ چاہتا ہے جو آپ کے پاس ہے اور جو کچھ آپ ہیں (جان آر. رائس، ڈی ڈی John R. Rice, D.D.، ایک اچھا مسیحی ہونے کی کیا قیمت چکانی پڑتی ہےWhat it Costs to be a Good Christian، سورڈ آف لارڈ پبلشرز Sword of the Lord Publishers، 1952، صفحہ 29)۔

خُدا وہ سب چاہتا ہے جو آپ کے پاس ہے اور جو کچھ آپ ہیں! میں ڈاکٹر جان آر رائس سے متفق ہوں۔

ایک ہفتہ قبل ہماری عبادت میں، ہم نے نہایت اعلیٰ معیاری مشنری فلم دیکھی، ’’تھرو گیٹس آف اسپلنڈر Through Gates of Splendor۔‘‘ ہم نے دیکھا کہ کس طرح جم ایلیٹ Jim Elliotایک مشنری کے طور پر ایکواڈور Ecuador میں انڈیئینز کے ایک ناقابلِ پہنچ والے قبیلے میں گئے۔ ہم نے دیکھا کہ وہ کس طرح 28 سال کی عمر میں مسیح کے لیے شہید ہوئے، آپ میں سے بہت سے لوگوں کی عمر سے زیادہ عمر نہیں تھی۔ قتل کرنے سے پہلے اس نے اپنی ڈائری میں جو کچھ لکھا تھا ہم اسے پڑھتے ہیں، ’’وہ کوئی احمق نہیں ہوتا جو وہ [چیز] اپنے پاس نہیں رکھ سکتا اُسے دے دیتا ہے، وہ حاصل کرنے کے لیے جسے وہ کھو نہیں سکتا۔‘‘ میرے خدا، یہ بات کیسے ہمارے متن کی بازگشت کرتی ہے۔

’’پھر یسوع نے اُن سب سے کہا، اگر کوئی میری پیروی کرنا چاہے تو وہ اپنی خود انکاری کرے اور روزانہ اپنی صلیب اُٹھائے اور میرے پیچھے ہو لے۔ کیونکہ جو کوئی اپنی جان کو محفوظ رکھنا چاہتا ہے وہ اُسے کھوئے گا لیکن جو کوئی میرے لیے اپنی جان کھوئے گا وہ اُسے محفوظ رکھے گا‘‘
     (لوقا9: 23۔24)۔

جم ایلیوٹ جب وہ ابھی کالج کا طالب علم تھا تو اُس نے مشن کے میدان میں جانے سے پہلے ہی اپنی پوری زندگی خدا کی مرضی کے سپرد کر دی تھی ۔ ڈاکٹر رائس کی باتوں سے وہ پہلے ہی مکمل طور پر متفق تھے،

خُدا کو خود آپ کی اپنی زندگی کے تمام معاملات کو مکمل طور سے حوالے کر دینے کے مقابلے میں کچھ کم درکار نہیں ہے … آپ کے پاس جو کچھ ہے اور جو کچھ آپ ہیں، وہ وہ چاہتا ہے۔

جم ایلیٹ نے شاید وہی واعظ سنا جس کا میں نے ابھی حوالہ دیا تھا، جب ڈاکٹر رائس نے کرسچن کالج میں کئی بار تبلیغ کی تھی تو جم ایلیٹ نے شرکت کی تھی۔

ڈاکٹر رائس سے اس جیسے بہت سے واعظ سننے کے بعد، کالج کے اس نوجوان طالب علم جم ایلیٹ نے اپنی پوری زندگی اور جان یسوع مسیح کے حوالے کر دی۔ وہ ایکواڈور میں مشن کے میدان میں شہید ہو گئے اس سے پہلے کہ وہ ان اینڈیئینز کو گواہی پیش کر سکتے۔ کیا جم ایلیٹ کو ناکامی ہوئی تھی؟ ان کی اہلیہ الزبتھ نے کہا کہ وہ ناکامی نہیں بلکہ کامیابی ہے، کیونکہ ’’کامیابی خدا کی مرضی پوری کرنا ہے۔‘‘ جم ایلیٹ کامیاب ہوا کیونکہ وہ خُدا کی مرضی کو پورا کرتے ہوئے مر گیا!

آپ نے اس مبلغ، ریورنڈ ہائیک ہوسیپین Rev. Haik Hovsepianکو دیکھا۔ لیکن خوفناک ظلم و ستم کے وقت کے دوران، اسے اس کے گرجا گھر سے لے جایا گیا اور مسیح میں اس کے ایمان کی وجہ سے بے دردی سے قتل کر دیا گیا۔ کیا وہ ناکام ہوا تھا؟ نہیں! کسی لحاظ سے نہیں۔ برادر ہائیک ایک مسیحی کی حیثیت سے بہت بڑی کامیابی تھا – کیونکہ ان کے پاس وہی عزم تھا جو جم ایلیٹ کے پاس تھا، اور مجھے یقین ہے کہ وہ جم ایلیٹ کے مشہور نعرے سے واقف تھے، اور خود اس پر یقین رکھتے تھے، ’’وہ کوئی احمق نہیں ہوتا جو وہ [چیز] اپنے پاس نہیں رکھ سکتا اُسے دے دیتا ہے، وہ حاصل کرنے کے لیے جسے وہ کھو نہیں سکتا۔‘‘ جم ایلیٹ اور اس مبلغ نے وہ کچھ دے دیا جو وہ خود نہیں رکھ سکتے تھے (اپنی انتہائی زندگیاں) وہ حاصل کرنے کے لیے جو وہ کھو نہیں سکتے تھے (خدا کی ابدی بادشاہی میں زندگی کا تاج)۔

جانJohn اور بیٹی اسٹامBetty Stam چین پر کمیونسٹ قبضے سے کچھ دیر پہلے مشنریوں کی حیثیت سے امریکہ سے چین گئے تھے۔ وہ اور اس کی بیوی اور بیٹی ان لوگوں میں جنہوں نے کبھی مسیح کے بارے میں نہیں سنا تھا، خوشخبری سنانے کے لیے چین کے اندرونی حصے میں گئے۔ جلد ہی کمیونسٹ ڈاکو آئے اور اس قصبے پر حملہ کر دیا جہاں جان اسٹام تبلیغ کر رہے تھے۔ وہ ڈاکو جان اور بیٹی اسٹام کو لے گئے اور ان کے سر کاٹ دیے۔ صرف ان کا بچہ بچ گیا اور اسے رشتہ داروں کے ساتھ رہنے کے لیے واپس امریکہ بھیج دیا گیا۔

بہت سے لوگوں کا خیال تھا کہ یہ ایک المیہ ہے کہ ان نوجوانوں کو انجیل کی تبلیغ کے لیے بے دردی سے قتل کیا گیا۔ کچھ لوگوں کا خیال تھا کہ وہ چین نہ جاتے اگر انہیں معلوم ہوتا کہ اس سے ان کی جان چلی جائے گی، اور اپنی چھوٹی بچی کو امریکہ میں خاندان کے افراد کے ذریعہ پرورش کے لیے چھوڑ دیں گے۔

لیکن ایک شخص نے جسے ڈاکٹر رائس جانتے تھے اُسے کچھ دکھایا جسے بیٹی اسٹام نے کالج میں لکھا تھا۔ یہ ایک پُرخلوص قسم تھی جو اس نے اور اس کے شوہر نے چین کے ساحل پر پہنچنے سے پہلے لکھی تھی۔ بیٹی اسٹام نے اپنی ڈائری میں لکھا،

خُداوند، میں خود اپنے مقاصد اور منصوبے، اور اپنی تمام خواہشات اور امیدوں اور عزائم کو ترک کرتا ہوں… اور اپنی زندگی کے لیے تیری مرضی کو قبول کرتا ہوں۔ میں اپنے آپ کو، اپنی زندگی کو، [اور] اپنا سب کچھ تیرے حوالے کرتا ہوں...

اور پھر اس نے اپنی ڈائری میں اس اندراج میں پولوس رسول کا حوالہ دیا،

’’کیونکہ زندگی تو میرے لیے مسیح اور موت نفع‘‘ (فلپیوں1: 21)۔

اس کے شوہر جان نے بھی اپنی زندگی مسیح کے حوالے کر دی تھی، جیسا کہ اس نے کہا، ’’چاہے زندگی سے یا موت سے۔‘‘ خُدا نے اُنہیں مسیح کی خوشخبری کے لیے مرنے کا اعزاز بخشا۔ کتنا بڑا اعزاز ہے! خدا کی بادشاہی میں ان کا کتنا بڑا اجر ہے! جب ڈاکٹر رائس نے جان اور بیٹی اسٹام کے بارے میں لکھا، تو اُنہوں نے کہا، ’’میں نہیں جانتا کہ آپ کے لیے خدا کی مرضی کیا ہے۔ لیکن میں جانتا ہوں کہ آج آپ کو اپنی زندگی، اپنا خاندان، اپنا کیریئر، اپنا وقت [اور] اپنا پیسہ – جو کچھ آپ ہیں اور ہو سکتے ہیں – یسوع مسیح کے لیے قربان گاہ پر قربان کرنا چاہیے۔‘‘ (جان آر رائس، ibid.، صفحہ 34-35)۔ کیونکہ جیسا کہ جم ایلیٹ نے کہا، ’’وہ کوئی احمق نہیں ہوتا جو وہ [چیز] اپنے پاس نہیں رکھ سکتا اُسے دے دیتا ہے، وہ حاصل کرنے کے لیے جسے وہ کھو نہیں سکتا۔‘‘ [خدا کی ابدی بادشاہی میں]۔

اور میں جانتا ہوں کہ گزشتہ اتوار کو فلم میں جس پادری کو ہم نے دیکھا تھا، ریورنڈ ہائیک ہوسیپین Rev. Haik Hovsepian ، جسے انجیل کی تبلیغ کرنے کے لیے انتہا پسندوں کے ہاتھوں قتل کر دیا گیا تھا، نے جم ایلیٹ سے مکمل اتفاق کیا ہوگا – اور جان اور بیٹی اسٹام سے، جو ڈاکوؤں کے ہاتھوں مارے گئے تھے، چین میں مسیح کے لیے شہید ہوئے۔ ’’وہ کوئی احمق نہیں ہوتا جو وہ [چیز] اپنے پاس نہیں رکھ سکتا اُسے دے دیتا ہے، وہ حاصل کرنے کے لیے جسے وہ کھو نہیں سکتا۔‘‘

نوجوان مردوں اور عورتوں کے الفاظ اور خیالات جو آپ میں سے زیادہ تر [لوگوں] سے زیادہ بوڑھے نہیں ہیں۔ کیا آپ ان کی مثال کی پیروی کریں گے اور اپنی زندگی کو مکمل طور پر یسوع مسیح کے حوالے کر دیں گے، جو کچھ بھی خدا آپ سے کرانا اور بنانا چاہتا ہے اُس کے لیے تیار ہیں؟ کیا آپ تیار ہیں؟

آج چین میں ایک زبردست بحالی ہو رہی ہے۔ ہزاروں لوگ مسیح کے پاس آ رہے ہیں۔ لیکن وہ عظیم حیات نو صرف رابرٹ موریسن Robert Morrison(1782-1834) جیسے پہلے مشنریوں کی زبردست قربانی کی وجہ سے آیا جو 1807 میں سکاٹ لینڈ سے چین گئے، اور پوری بائبل کا چینی زبان میں ترجمہ کیا۔ اس نے 27 سال تک چین میں اپنا کام جاری رکھا، 1834 میں اپنی موت تک، چینیوں میں مستقبل کی بہت سی مشنری کوششوں کی بنیاد رکھی۔

جیمز ہڈسن ٹیلر (1832-1905) کی پرورش انگلینڈ میں ایک گہرے مذہبی میتھوڈسٹ خاندان میں ہوئی۔ پانچ سال کی عمر میں اُنہوں نے کہا کہ وہ کسی دن چین میں مشنری بننا پسند کریں گے، لیکن وہ سترہ سال کی عمر تک تبدیل نہیں ہوئے تھے۔ اس وقت اُنہوں نے اپنی زندگی مسیح اور اس کی خدمت کے حوالے کر دی۔ اُنہوں نے میڈیکل اسکول میں تعلیم حاصل کی اور چینی زبان سیکھی۔ وہ 1853 میں بحری جہاز کے ذریعے چین گئے، اُنہوں نے چینی لباس اپنایا اور اندرونی چین مشن China Inland Mission کی بنیاد رکھی۔ ان کی بیوی اپنے پانچویں بیٹے کے ساتھ ہیضے کی وبا میں مر گئی۔ لیکن ہڈسن ٹیلر آگے بڑھے اور مسیح کے لیے ان کا پیش قدمی کا کام پورے چین کے اندر پھیل گیا، وہ اور ان کے ساتھی وہاں وہاں جا رہے ہیں جہاں کبھی کوئی مغربی نہیں گیا تھا – مسیح کی انجیل کے ساتھ۔ انیسویں صدی کے آخر تک چین میں آدھے پروٹسٹنٹ مشنری چائنا ان لینڈ مشن سے آئے۔ جیمز ہڈسن ٹیلر کا انتقال 1905 میں چانگشا Changshaمیں ہوا۔

مندرجہ ذیل سوانحی خاکے بیجنگ میں یسوع: مسیحیت کیسے چین کی ماہیّت بدل رہی ہے اور قوت کے عالمگیری توازن کو تبدیل کر رہی ہے Jesus in Beijing: How Christianity is Transforming China and Changing the Global Balance of Power سے اخذ کیے گئے ہیں، تحریر ڈیوڈ ایکمین David Aikman، ریجنری پبلیکیشنز، انکارپوریشن Regnery Publishing, Inc.، 2003، صفحات 47۔67 .

وینگ مینگڈاؤ Wang Mingdao (1900۔1991) بیسویں صدی کے سب سے نمایاں چینی مسیحیوں میں سے ایک بن گئے۔ 1949 میں کمیونسٹوں کے اقتدار سنبھالنے کے بعد مغربی مشنریوں کو چین سے نکال دیا گیا۔ کمیونسٹ کے زیر انتظام ’’تھری سیلفThree Self‘‘ گرجا گھر میں شامل ہونے سے انکار کی وجہ سے، اُنہیں 22 سال تک لیبر کیمپ میں قید رکھا گیا۔ اس حراستی کیمپ میں مصائب کے درمیان ان کی ہمت نے چین میں دوسرے مسیحی رہنماؤں کو متاثر کیا۔ جیمز ہڈسن ٹیلر III، ہڈسن ٹیلر کے پوتے نے وانگ منگ ڈاؤ کے بارے میں کہا، ’’بیسویں صدی میں کسی بھی مسیحی رہنما نے یسوع مسیح کی انجیل کی طاقت کو زیادہ واضح طور پر بیان نہیں کیا، یا اس سے زیادہ پُرجوش تجربہ نہیں کیا جسے پولوس رسول نے مسیح کے دکھوں میں ـبانٹنے کی رفاقت‘ کے طور پر بیان کیا ہے۔‘‘

ایلن یوآن Allen Yuan نے کمیونسٹ حمایت یافتہ گرجا گھر میں شامل ہونے سے انکار کرنے اور انجیل کے مکمل پیغام کی تبلیغ جاری رکھنے پر، جسے کمیونسٹ حکومت نے منع کیا تھا، جیل کے کیمپ میں بائیس سال سخت مشقت میں بھی گزارے۔ جیل سے رہائی کے بعد، ایلن یوآن نے انجیل کی تبلیغ جاری رکھی، ہر سال بیجنگ میں سیکڑوں مذہب تبدیل کرنے والوں کو، اکانوے سال کی عمر میں، 2005 میں اپنی موت تک، بپتسمہ دیتے رہے۔

سیموئیل لیمب Samuel Lamb کی کہانی وانگ منگ ڈاؤ اور ایلن یوآن سے بہت ملتی جلتی ہے۔ اُنہیں 1958 میں گرفتار کیا گیا اور بیس سال قید کی سزا کا آغاز کیا۔ کمیونسٹوں نے ان پر منحرف انقلابی ہونے کا الزام لگایا، جزوی طور پر اس لیے کہ وہ وانگ منگ ڈاؤ سے ملے تھے۔ سیموئیل لیمب کو پورے چین میں کمیونسٹ کنٹرول کے خلاف مزاحمت، انجیل کی اُن کی شعلہ انگیز تبلیغ، اور لیبر کیمپ میں برسوں کی آزمائشوں اور اپنے خاندان کے متعدد افراد کے نقصان کے باوجود اپنی خوشی اور سکون کے لیے جانے جاتے ہیں۔ وہ چینی مسیحیوں کے ایک سرپرست ہیں، جو عظیم مصائب سے بچ گئے، لیکن کھوئے ہوئے لوگوں کو خوشخبری سنانے کے لیے اس س ے بھرپور توانائی سے باہر آئے۔

موسٰی زی Moses Xie (جس کا تلفظ ’شے Shay‘ ہے) 1918 میں پیدا ہوئے تھے۔ اُنہوں نے چوبیس سال جیل میں گزارے۔ کئی طریقوں سے، اُنہوں نے وانگ منگ ڈاؤ، ایلن یوآن یا سیموئیل لیمب سے بھی زیادہ تکالیف کا سامنا کیا۔ 1956 میں ان کی پہلی گرفتاری کے بعد، ان کی کلائیوں میں 133 دنوں تک مسلسل ہتھکڑیاں لگائی گئیں۔ ہتھکڑیاں اتنی سخت تھیں کہ وہ ان کی جلد کو کاٹ کر براہ راست ہڈی میں کُھب گئیں۔ محافظوں نے ان کے بال کھینچے، اُنہیں اپنے جوتوں سے لاتیں ماریں، اور دن بہ دن کوششیں کی کہ وہ مسیح میں اپنا ایمان ترک کرنے پر مجبور ہو جائے۔ اذیت کے دوران اُنہوں نے تقریباً ہمت ہار دی تھی، لیکن پھر ایک رات اُنہوں نے مسیح کو تین بار یہ کہتے ہوئے سنا، ’’میرا فضل تیرے لیے کافی ہے‘‘ (2 کرنتھیوں12: 9)۔ اس کے بعد، موسٰی زی نے کہا، ’’خدا کا فضل واقعی زبردست تھا۔ اس کے بعد جب مجھے مارا پیٹا گیا تو مجھے درد محسوس نہیں ہوا۔ ان کی سزا میں مزید دو سال کی توسیع کی گئی تھی کیونکہ کسی نے اُنہیں دوسرے قیدی کو انجیل کی وضاحت کرتے ہوئے سنا تھا۔ اُنہوں نے چوبیس سال قید میں گزارے، مسیح کے لیے اذیتیں برداشت کیں۔

یہ وانگ منگ ڈاؤ، ایلن یوآن، سیموئیل لیمب، اور موسی زی جیسے لوگ ہیں جنہوں نے چین میں مسیحیت کو متاثر کیا، اور اس عظیم حیات نو کی راہ ہموار کی جو اب دنیا کے اس حصے میں رونما ہو رہی ہے۔ یہ وہ لوگ ہیں جنہوں نے ہماری تلاوت میں یسوع کی کہی ہوئی بات کو سنجیدگی سے لیا،

’’اور یسوع نے اُن سب سے کہا، اگر کوئی میری پیروی کرنا چاہے تو وہ اپنی خود انکاری کرے اور روزانہ اپنی صلیب اُٹھائے اور میرے پیچھے ہو لے۔ کیونکہ جو کوئی اپنی جان کو محفوظ رکھنا چاہتا ہے وہ اُسے کھوئے گا لیکن جو کوئی میرے لیے اپنی جان کھوئے گا وہ اُسے محفوظ رکھے گا۔ آدمی اگر ساری دُنیا پا لے مگر اپنا نقصان کر لے یا خود کو گنوا بیٹھے تو کیا فائدہ؟‘‘ (لوقا9: 23۔25)۔

یہ وہ لوگ ہیں جنہوں نے ڈاکٹر جان آر رائس کے اس خیال کو سنجیدگی سے لیا جس کا اظہار کیا گیا، ’’خُدا کو خود آپ کی اپنی زندگی کے تمام معاملات کو مکمل طور سے حوالے کر دینے کے مقابلے میں کچھ کم درکار نہیں ہے … آپ کے پاس جو کچھ ہے اور جو کچھ آپ ہیں، وہ وہ چاہتا ہے۔‘‘ یہ وہ لوگ ہیں جنہوں نے جم ایلیٹ کی بات سے پوری طرح اتفاق کیا، ’’وہ کوئی احمق نہیں ہوتا جو وہ [چیز] اپنے پاس نہیں رکھ سکتا اُسے دے دیتا ہے، وہ حاصل کرنے کے لیے جسے وہ کھو نہیں سکتا۔‘‘ اور یاد رکھیں کہ ان لوگوں نے اپنے آپ کو مکمل طور پر مسیح کے لیے وقف کر دیا تھا جب وہ جوان تھے، اس سے بہت پہلے کہ مسیح نے انہیں ان حراستی کیمپوں میں تکلیف اٹھانے کے لیے بلایا تھا۔

میں آج صبح آپ کو اپنی زندگی یسوع مسیح کے حوالے کرنے کے لیے بلا رہا ہوں، اب جب آپ جوان ہیں، جیسا کہ ان بہادر مردوں نے کیا، جب وہ جوان تھے، بہت پہلے مسیح کے لیے اذیت سے دوچار ہوئے۔ اس میں کرسمس اتوار اور نئے سال کے گرجا گھر میں ہونا شامل ہے۔ اس میں آپ کے مقامی گرجا گھر میں ہر ہفتے اپنے [دہہ یکی] دسواں حصہ کو خُداوند کے حوالے کرنا شامل ہے۔ اس میں مسیح کے لیے بشروں کو جیتنے کے لیے ہر ہفتے انجیلی بشارت پر جانے کے لیے اپنے وقت کو پیش کرنا شامل ہے۔ کیونکہ، جیسا کہ جم ایلیٹ نے کہا تھا، ’’وہ کوئی احمق نہیں ہوتا جو وہ [چیز] اپنے پاس نہیں رکھ سکتا اُسے دے دیتا ہے، وہ حاصل کرنے کے لیے جسے وہ کھو نہیں سکتا۔‘‘

آقا کو اپنا بہترین پیش کریں؛
     اپنی جوانی کی قوت کو پیش کر دیں۔
نجات کے مکمل بکتر میں ملبوس،
     حق کی جنگ میں شامل ہوں۔
(’’آقا کو اپنا بہترین پیش کروGive of Your Best to the Master‘‘ شاعر ہاورڈ بی گروس Howard B. Grose، 1851۔1939)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔