مسیح میں ایمان لانے کی بحرانی تبدیلی اور خدا کی شریعت

آج سے پہلے میں نے تنہائی پر تبلیغ کی، جیسا کہ میں نے کئی اتوار تک کیا ہے۔ یہ واعظ اتوار کی صبح ’’فطری آدمی یعنی پاک روح کے بغیر انسان‘‘ کو دیے جاتے ہیں (1 کرنتھیوں 2: 14)۔ ہم بہت سارے گمراہ ہوئے لوگوں کو صبح کی عبادتوں میں لاتے ہیں۔ ان میں سے اکثر نے کبھی انجیل نہیں سنی۔ لہذا ہم ان سے ان کی فطری حالت میں اپیل کرتے ہیں۔ ہم یہ نہیں سمجھتے کہ انہیں روحانی چیزوں کے بارے میں کوئی آگاہی ہے، اس لیے ہم ان کی ’’تمنائی ضرورت یعنی آرزو‘‘ کے لیے بات کرتے ہیں، پھر بھی ہم بائبل کے مطابق ایسا کرتے ہیں۔ ہم ان کو اپنی تنہائی کے بارے میں سوچنے کی کوشش کرانے اور گرجا گھر واپس آنے کی چاہت کے لیے بات کرتے ہیں۔ یہ ایک اچھی شروعات ہے۔ یہ شروع کرنے کا طریقہ ہے۔ لیکن صرف گرجا گھر میں آنا کسی کو نجات نہیں دلائے گا۔ [بندے کی] روح میں خدا کے گہرے کام کی شدت ہونی چاہیے۔ میں اسے ’’مسیح میں ایمان لانے کی بحرانی تبدیلی‘‘ کہتا ہوں۔ لفظ ’’بحران‘‘ کا مطلب ہے ’’رُخ بدل دینے والا موڑ۔ اور یہی ایک اہم موڑ ہے، یہ بحران، جس کے بارے میں پولوس رسول ہماری تلاوت میں بات کرتا ہے۔ رسول ہمیں اپنے ذہن کے اندر لے جاتا ہے اور ہمیں دکھاتا ہے کہ اس کی تبدیلی کا بحران کیسے پیش آیا۔ اس کا اپنا تجربہ ایک نمونہ ہے، ایک مثال ہے، کہ مسیح میں ایمان لانے کی حقیقی تبدیلی کا بحران کیسے ہوتا ہے۔

I۔ پہلی بات، شریعت کے بغیر زندگی۔

رسول کہتا ہے،

’’ایک وقت تھا کہ میں شریعت کے بغیر زندہ تھا…‘‘ (رومیوں 7: 9)۔

جب وہ کہتا ہے کہ وہ کبھی ’’شریعت کے بغیر زندہ تھا‘‘ تو اس کا مطلب یہ نہیں ہے کہ اس نے کبھی شریعت نہیں سنی۔ اس کی سماعت میں ہر سبت کے دن عبادت گاہ میں شریعت پڑھی جاتی تھی۔ اس کا مطلب یہ نہیں ہے کہ وہ اسے نہیں جانتا تھا۔ وہ شریعت کو اچھی طرح جانتا تھا۔ اس میں وہ خوب پڑھا لکھا تھے۔ وہ اسے دل سے جانتا تھا۔ ایک ربی کے طور پر اس نے نہ صرف اسے سیکھا تھا بلکہ کئی سالوں تک دوسرے ربیوں کے ساتھ اس پر بہت تفصیل سے تبادلہ خیال کیا تھا۔

اگرچہ وہ شریعت کو ذہنی طور پر جانتا تھا، لیکن وہ کہتا ہے کہ وہ اس کے بغیر ’’زندہ‘‘ تھا۔ شریعت نے اس کے ضمیر کو کبھی نہیں چھیدا تھا۔ اس لیے وہ جھوٹی سیکیورٹی کی حالت میں زندگی گزار رہا تھا۔ اس نے سوچا کہ وہ شریعت کی پاسداری کر رہا ہے۔ وہ مرنے سے نہیں ڈرتا تھا۔ اسے آخری عدالت میں خدا کے سامنے کھڑے ہونے کا کوئی خوف نہیں تھا۔ اسے لگا کہ وہ اس کے لیے تیار ہے۔ وہ پرسکون تھا۔ اسے کسی چیز نے پریشان نہیں کیا۔ وہ رات کو اپنے گناہ کے بارے میں سوچ کر بستر پر اونگھتا نہیں تھا۔ اس نے سوچا کہ وہ بالکل محفوظ ہے۔ اس نے سوچا کہ وہ وہ سب کر رہا ہے جو اسے کرنا چاہیے۔ نتیجے کے طور پر، وہ ’’شریعت کے بغیر زندہ‘‘ تھا۔

اس سے اسے جھوٹا تحفظ ملا۔ اس نے اپنی دہ یکی ادا کی۔ اس نے تمام عبادتوں میں شرکت کی۔ اس نے اپنی دعائیں کیں۔ اس نے ظاہری گناہ سے پرہیز کیا۔ اس کے پاس مذہب کی ایک شکل تھی۔ وہ محفوظ تھا۔ اس نے خود کو محفوظ محسوس کیا۔ لیکن یہ ایک غلط تحفظ تھا۔ اس کے باطنی گناہوں کی وجہ سے اس کا ضمیر کبھی نہیں جھنجھلایا تھا۔ شریعت نے کبھی اس کے ضمیر کو نہیں چھوا تھا۔ اس طرح وہ کہہ سکتا ہے، ’’ایک وقت تھا کہ میں شریعت کے بغیر زندہ تھا۔‘‘

شریعت کے بغیر زندگی نے اسے نہ صرف تحفظ کا جھوٹا احساس دیا بلکہ اس نے اس کے دل میں فخر بھی پیدا کیا۔ اس نے محسوس کیا کہ وہ دوسروں سے بہتر ہے۔ اگر وہ کسی ٹیکس لینے والے یا گنہگار عورت سے ملا تو اس نے منہ موڑ لیا۔ اس نے غیر قوموں کو ’’کتے‘‘ کہا۔ اسے اپنی خوبی پر اتنا ناز تھا کہ دوسروں کو حقیر نظر سے دیکھتا تھا۔ وہ اس کی طرح ذہین نہیں تھے۔ وہ اس کی طرح اچھے نہیں تھے۔ اس نے سوچا کہ وہ شریعت کی پاسداری کر رہا ہے، اور اس لیے اس نے سلامتی کی اس جھوٹی حالت میں پرامن اور پرسکون محسوس کیا۔ ’’ایک وقت تھا کہ میں شریعت کے بغیر زندہ تھا۔‘‘

کیا آج رات یہاں کوئی ایسا ہے؟ کیا آپ ایسے ہیں؟ کیا آپ تحفظ کی جھوٹی حالت میں ہیں؟ کیا آپ کا ضمیر کمزور ہے؟ کیا آپ کو خدا کا خوف نہیں؟ کیا آپ کو اپنے باطنی گناہوں پر ضمیر کی کوئی تکلیف نہیں ہے؟ کیا آپ گناہ میں سو رہے ہو؟ کیا آپ محفوظ محسوس کرتے ہیں؟ پولس کی یہی حالت تھی جب اس نے کہا، ’’ایک وقت تھا کہ میں شریعت کے بغیر زندہ تھا۔‘‘ آئعین ایچ میورے نے کہا،

شریعت کے ذریعے لوگ اپنی بے بسی سیکھتے ہیں۔ جہاں اس علم کی کمی ہے وہاں نجات کی راہ میں ایک بنیادی رکاوٹ ہے۔ یہ ان کی اپنی قابلیت پر اعتماد تھا جس کی وجہ سے یہودیوں نے مسیح کو مسترد کر دیا… جب تک اس ذہنیت کو درست نہ کیا جائے مسیح کے کام کو سمجھا نہیں جا سکتا۔ وہ لوگ جو نہیں جانتے کہ وہ پابند اور قیدی ہیں، اُس ’’چھٹکارے‘‘ کی کوئی خواہش نہیں رکھتے جو گناہ کی طاقت اور قید سے آزاد ہو جاتی ہے۔ جو لوگ یہ نہیں جانتے کہ وہ شریعت توڑنے والے ہیں وہ اس کی طرف نہیں دیکھیں گے جس نے گنہگاروں کی جگہ شریعت کی عزت کی ہے۔ جو لوگ خدا کی ناراضگی کو نہیں جانتے وہ ’کفارہ‘ کے پیغام کو نہیں سنیں گے – قہر کو ایک طرف کر دیا گیا ہے اور مسیح میں معافی فراہم کی گئی ہے (آئعین ایچ میورے Iain H. Murray، پرانی انجیلی بشارتی تعلیم: نئی بیداری کے لیے پرانی سچائیاں The Old Evangelicalism: Old Truths for a New Awakening، دی بینر آف ٹُرتھ ٹرسٹ The Banner of Truth Trust، 2005، صفحہ 13)۔

اگر یہ سچائیاں آپ نے کبھی محسوس نہیں کیں تو آپ خود نہیں جانتے۔ آپ اپنے دل کو نہیں جانتے۔ آپ کو اپنی بے بسی کا احساس نہیں۔ آپ اپنی طاقت اور راستبازی میں آرام کرتے رہے۔ آپ کو کبھی شریعت کے ذریعے قتل نہیں کیا گیا۔ آپ اپنی غیر تبدیل شدہ حالت میں پولوس کی طرح ہیں، ’’ایک وقت تھا کہ میں شریعت کے بغیر زندہ تھا۔‘‘

جو شخص کبھی شریعت کے بارے میں نہیں سوچتا وہ اس آدمی کی طرح ہے جو کریڈٹ کارڈ پر رہ کر امیر ہونے کا ڈرامہ کرتا ہے۔ وہ سوچتا ہے کہ سب کچھ ٹھیک ہے۔ وہ ان کریڈٹ کارڈز پر ایک کے بعد دوسرے قرض پر گزارا کرتا ہے، اور ایک امیر آدمی کی طرح زندگی گزارتا ہے۔ آپ اسے خبردار کر سکتے ہیں، لیکن وہ نہیں مانے گا۔ وہ سمجھتا ہے کہ آپ کی تنبیہیں محض احمقانہ باتیں ہیں۔ وہ لاپرواہی کا مظاہرہ کرتا ہے، ایک امیر آدمی کی طرح زندگی گزارتا ہے، ان کارڈوں پر ایک کے بعد ایک قرض چڑھاتا ہے۔ لیکن یوم حساب آتا ہے۔ عدل و انصاف نازل ہوتا ہے۔ سب کھو گیا ہے۔ اس نے کیوں نہیں سنا؟ وہ ایسے کیوں زندگی گزارتا رہا؟ ’’ایک وقت تھا کہ میں شریعت کے بغیر زندہ تھا۔‘‘ سپرجیئن نے کہا،

اوہ! اگر آپ [خدا کی] شریعت کو جانتے ہیں، لیکن سمجھتے ہیں کہ یہ کتنی پیچیدہ ہے، اور اس کا یہ اعلان کتنا سچ ہے کہ وہ مجرموں کو ہرگز نہیں بخشے گا، جس کا مطلب ہے کہ وہ آپ کو ہرگز نہیں بخشے گا، تو آپ جلد ہی اپنی اس سہل یا آسان زندگی کو ایک طرف رکھ دیں گے۔ اور آپ اُس طرح زندہ نہیں رہیں گے جیسے آپ اب رہتے ہیں: آپ کو خداوند کے کلام سے قتل کیا جائے گا (سی ایچ سپرجیئن C. H. Spurgeon، ’’بشر کا سب سے بڑا بحران The Soul’s Great Crisis،‘‘ میٹروپولیٹن عبادت گاہ کی واعظ گاہ سے The Metropolitan Tabernacle Pulpit، پِلگرِم پبلیکیشنزPilgrim Publications، دوبارہ اشاعت 1980، جلد LXI، صفحہ 424)

صرف تب ہی آپ یہ کہہ سکنے کے قابل ہو پائیں گے، ’’ایک وقت تھا کہ میں شریعت کے بغیر زندہ تھا۔‘‘

II۔ دوسری بات، شریعت کے تحت زندگی۔

پولوس شریعت کے بغیر رہ رہا تھا۔ گناہ اس کے لیے ایک مردہ مسئلہ تھا۔ وہ گناہ کے بارے میں فکر مند نہیں تھا کیونکہ وہ ’’شریعت کے بغیر‘‘ زندگی گزار رہا تھا – کبھی یہ نہیں سوچا کہ اس نے خدا کے احکام کو توڑا ہے، اپنے گناہ پر کبھی فکر مند نہیں ہوا، ’’ایک وقت تھا کہ [وہ] شریعت کے بغیر زندہ تھا۔‘‘ اس کا مطلب یہ ہے کہ شریعت اس کے اندر اپنا کام نہیں کر رہی تھی، اس کے ضمیر کو نہیں چھو رہی تھی، اسے اس کے گناہ کا احساس نہیں دلوا رہی تھی۔

لیکن پھر شریعت اُس پر ٹوٹ پڑی۔ آیت نو کی دوسری شق کو دیکھیں، ’’مگر جب‘‘ کے الفاظ سے شروع ہوتی ہے۔ آیت کے بیچ میں ان چند الفاظ کو بلند آواز سے پڑھیں،

’’مگر جب حکم آیا تو گناہ زندہ ہو گیا…‘‘ (رومیوں 7: 9)۔

برائے مہربانی اِدھر دیکھیے۔

اس آیت پر ڈاکٹر لائیڈ جونز نے یہ رائے پیش کی۔

جب حکم آیا، تو گناہ زندہ ہو گیا… (رومیوں 7: 9)۔ ’’جب حکم آیا‘‘! لیکن حکم ہمیشہ موجود تھا! موسیٰ کی شریعت پولوس کے پیدا ہونے سے صدیوں پہلے دی گئی تھی… تمام بنی نوع انسان کے لیے بنیادی اہم شریعت شروع سے ہی موجود تھی۔ پھر بھی وہ کہتا ہے، ’جب حکم آیا‘... اس کا مطلب یہ ہے کہ اگرچہ [شریعت] کا حکم موجود تھا وہ اس کے پاس کبھی ’نہیں آئی‘ تھی، لیکن اس نے اسے کبھی ’حاصل‘ [برقرار] نہیں کیا تھا...[شریعت] ہمیشہ وہاں تھی… لیکن اس نے اُسے ’قبول‘ نہیں کیا، اس نے اسے قابو میں نہیں کیا، اس نے اس سے بات نہیں کی۔ وہ دوسرے لفظوں میں، طاقت اور یقین [گناہ کے] اور سمجھ کے ساتھ نہیں آیا… یہ ایک ننگی [مردہ چیز] تھی؛ (مارٹن لائیڈ جونز، ایم ڈی۔ Martyn Lloyd-Jones, M.D.، رومیوں: 7: 1۔8: 4، ابواب کی ایک تفسیر Romans: An Exposition of Chapters 7:1-8:4، دی بینر آف ٹرٹھ ٹرسٹ The Banner of Truth Trust، دوبارہ اشاعت 2001، صفحہ 134)۔

’’جب حکم آیا، تو گناہ زندہ ہو گیا…‘‘ (رومیوں 7: 9)۔

ڈاکٹر لائیڈ جونز نے کہا،

یہ، پہلی نظر میں، ایک انتہائی حیران کن بیان ہے۔ ہم نے فطری طور پر سوچا ہو گا کہ شریعت کے آنے کا اثر گناہ کو ’زندہ‘ کرنے کے لیے نہیں بلکہ اسے مار ڈالنے کے لیے ہوتا… لیکن تجربہ میں اس کے بالکل برعکس ہوتا ہے۔ دوسرے لفظوں میں، جو ہوتا ہے وہ یہ ہے کہ شریعت حقیقی طاقت کو ظاہر کرتی ہے اور گناہ کی اصل نوعیت اور کردار کو ظاہر کرتی ہے۔ شریعت گناہ کو مشتعل کرتی ہے، اس میں خلل ڈالتی ہے… جب شریعت رسول کے پاس ’’آئی‘‘ [اس نے بغاوت کی]۔ شریعت کے ’آنے‘ کے بغیر [وہ اس کے خلاف مزاحمت کو محسوس نہیں کرتا] وہ گناہ کی طاقت سے واقف نہیں تھا… جب شریعت طاقتور طور پر آئی… اچانک ایسی چیزوں کی زبردست خواہش محسوس ہوئی [جس کی شریعت نے مذمت کی]۔ (لائیڈ جونز Lloyd-Jones، پہلی کہی ہوئی بات سے تسلسل ibid.، صفحہ 139)۔

’’جب حکم آیا، تو گناہ زندہ ہو گیا…‘‘ (رومیوں 7: 9)۔

اب، اسے آسان بنانے کے لیے، کیا ایسا نہیں ہے جو آپ میں سے کچھ کے ساتھ ہو رہا ہے؟ آپ کبھی دنیا میں بے پرواہ زندگی گزار رہے تھے۔ آپ اپنے گناہ، یا آپ کی گناہ کی فطرت، آپ کے بد اعتقادی دل سے بالکل پریشان نہیں تھے۔ پھر

’’جب حکم [آپ کے پاس] آیا، تو گناہ زندہ ہو گیا…‘‘ (رومیوں 7: 9)۔

جب آپ واقعی اپنے گناہ سے بھرے دل کی حقیقت کے لیے بیدار ہوئے تو آپ دیکھیں گے کہ آپ نے شریعت کے خلاف بغاوت کی۔ آپ نے گناہ کے خیال کو اپنے دماغ سے نکالنے کی کوشش کی۔ باغ میں آدم اور حوا کی طرح، آپ نے اپنے آپ کو اپنی نیکی کے پیچھے چھپانے کی کوشش کی۔ اور آپ نے، اُن کی طرح، شریعت کے ذریعے آپ کے ضمیر سے بات کرتے ہوئے خُدا کی آواز سے بھاگنے کی کوشش کی۔ آدم اور حوا کی طرح، آپ نے اپنے جھوٹے مذہب کے تہبند بنائے تاکہ خدا آپ کو اپنے گناہ کی ننگی حالت میں نہ دیکھ سکے۔

’’جب حکم آیا، تو گناہ زندہ ہو گیا‘‘ (رومیوں 7: 9)۔

ہمارے پہلے والدین کے ساتھ بھی ایسا ہی ہوا جب گناہ کرنے کے بعد خدا کی شریعت کی آواز نے انہیں پکارا۔ اُن میں ’’گناہ زندہ ہوا‘‘۔ ایک جدید ترجمہ ’’گناہ پیدا ہوا‘‘ ہو سکتا ہے اور وہ خدا سے چھپ کر گناہ کرتے رہنا چاہتے تھے۔

آپ میں سے کچھ کو ایسا ہی تجربہ ہوا ہے۔ آپ نے گناہ اور خدا کی شریعت کے بارے میں کچھ نہیں سوچا۔ لیکن جب روح القدس نے خُدا کی شریعت کو آپ کے ضمیر میں ڈالا، تو آپ نے قبول نہیں کیا، آپ گہرے یقین کے تحت نہیں آئے، جیسا کہ آپ کو ہونا چاہیے تھا۔ اوہ، نہیں!

’’جب حکم آیا، تو گناہ زندہ ہو گیا‘‘ (رومیوں 7: 9)۔

یہ لفظی طور پر آپ میں زندگی کو جنم دیتا ہے۔ آپ کے دل نے آدم اور حوا کی طرح خدا کے خلاف بغاوت کی۔ آپ نے خدا کو اپنے ذہن سے نکالنے کی کوشش کی اور بھول گئے کہ آپ شریعت توڑنے والے تھے – جیسا کہ آدم اور حوا تھے۔ آپ نے اپنے دل سے خُدا کی روح کے قابلِ سزا کام کو دھکیل دیا۔ آپ نے روح کو ’’کُچل‘‘ دیا۔ اس طرح، آپ نے وہ چھوٹا سا یقین کھو دیا جو آپ کو کبھی ملا تھا۔ اداس چہرے کے ساتھ گرجہ گھر میں آنے کے بجائے، اس یقین سے بھرا ہوا جو آپ نے چند ہفتے پہلے حاصل کیا تھا، اب آپ مسکراتے ہوئے چہرے کے ساتھ آتے ہیں۔ آپ نے وہ تمام خُدا کا دیا ہوا یقین کھو دیا ہے کیونکہ

’’جب حکم آیا، تو گناہ زندہ ہو گیا‘‘

اور آپ کا دل اپنا یقین کھو بیٹھا ہے اور واپس سو گیا ہے۔ ہولناک! آپ اب تمام یقین کھو چکے ہیں کیونکہ جب حکم آپ کے پاس آیا تو آپ کے اندر ’’گناہ زندہ ہو گیا‘‘۔ اب آپ پہلے سے بدتر حالت میں ہیں۔ آپ کو خُدا سے التجا کرنی چاہیے کہ آپ کو اُس گناہ کی سزا واپس دے جو آپ نے بہت کم وقت پہلے حاصل کی تھی۔

’’جب حکم آیا، تو گناہ زندہ ہو گیا‘‘

آپ کے باطن میں۔ آپ سے گناہ کی اس نئی طاقت کے خلاف مزاحمت کرنے کی التجا کرتا ہوں! میں آپ سے التجا کرتا ہوں کہ خدا کے روح سے دوبارہ سچا یقین حاصل کریں! اگر یہ نہیں آتا ہے، تو آپ برباد ہیں، ہمیشہ کے لیے اور ہمیشہ کے لیے، کیونکہ کوئی حقیقی تبدیلی اس وقت تک نہیں ہو سکتی جب تک کہ گناہ کی طاقت اور کشش آپ کے اندر خُدا کی طرف سے، اُس کی شریعت کے ذریعے سے ختم نہ ہو جائے۔

III۔ تیسری بات، شریعت کے ذریعے سے موت۔

نویں آیت کے آخر میں مذید تین الفاظ ہیں۔ براہ کرم کھڑے ہو جائیں اور انہیں بلند آواز سے پڑھیں،

’’اور میں مر گیا‘‘ (رومیوں 7: 9)۔

آپ تشریف رکھ سکتے ہیں۔ پولوس کو یقین ہو گیا کہ وہ روحانی طور پر مر چکا ہے – کہ وہ کبھی بھی خدا کی شریعت کے مطابق نہیں رہ سکتا۔ وہ جانتا تھا کہ وہ ایک ’’مردہ‘‘ آدمی ہے۔ افسیوں 2: 5 میں، اس نے کہا، ’’جب ہم گناہوں میں مر چکے تھے‘‘ (افسیوں 2: 5)۔ ’’ہم مر چکے تھے۔‘‘ یہ اُس کا اپنا تجربہ تھا، ساتھ ہی اُن لوگوں کا بھی جن کو اُس نے اِفسس میں لکھا تھا۔ یہ اس کی [مسیح میں ایمان لانے کی] تبدیلی کا بحران تھا،

’’گناہ زندہ ہو گیا اور میں مر گیا‘‘ (رومیوں 7: 9)۔

سپرجیئن نے کہا،

کیا مر گیا تھا … پولوس میں وہ بہت ہی بڑی ’’میں‘‘ تھی – ’’گناہ زندہ ہو گیا اور میں مر گئی تھی‘‘ – وہ ’’میں‘‘ جو کبھی کہا کرتی تھی، ’’میں تیرا شکر ادا کرتا ہوں کہ میں دوسرے لوگوں کی مانند نہیں ہوں‘‘ – وہ ’’میں‘‘ جس نے اطمینان سے اپنے بازوؤں کو جوڑ دیا – وہ ’’میں‘‘ جس نے نماز میں اپنے گھٹنوں کو جھکا دیا، لیکن توبہ میں دل کو کبھی نہیں جھکایا – وہ ’’میں‘‘ مر گئی تھی۔ شریعت نے اسے مار ڈالا۔ یہ اس طرح کی روشنی میں نہیں رہ سکتی جیسی کہ [شریعت کی] ہوتی ہے۔ یہ ایک ایسی مخلوق تھی جو صرف اندھیرے کے لیے موزوں تھی، اور جب شریعت آئی تو یہ بہت بڑی ’’میں‘‘ مر گئی (سپرجیئن Spurgeon، پہلی کہی ہوئی بات سے تسلسل ibid.، صفحہ 427)۔

سپرجیئن نے پانچ طریقے بتائے جن میں پولوس کی موت ہوئی۔ اور یہ پانچ طریقے کسی بھی گمراہ ہوئے یا کھوئے ہوئے شخص پر لاگو ہوتے ہیں جو شریعت کے ذریعے اپنے گناہ کے لیے بیدار ہوتا ہے۔ (1) اس نے دیکھا کہ اسے موت کی سزا دی گئی ہے۔ وہ اس معنی میں مر گیا کہ اس نے محسوس کیا کہ اس پر مذمت کی گئی ہے۔ کیا آپ نے محسوس کیا ہے کہ آپ شریعت کی طرف سے مذمت کر رہے ہیں؟ (2) اس کی گزشتہ زندگی کی تمام امیدیں دم توڑ گئیں۔ اُس نے محسوس کیا کہ اُس نے نا کبھی خُدا سے محبت کی تھی، نہ اُس کی شریعت سے۔ کیا آپ نے اس میں سے کچھ محسوس کیا ہے؟ (3) مستقبل کے بارے میں اس کی تمام امیدیں دم توڑ گئیں۔ اس نے خدا کی شریعت کو توڑا تھا، اور اسے مستقبل میں رکھنے کی اس کی تمام کوششیں اس کے ماضی کے گناہوں کو مٹا نہیں سکتی تھیں۔ (4) اس کی اپنی تمام طاقت مرتی نظر آئی۔ اس سے پہلے کہ وہ سوچے کہ ’’میں خدا کی شریعت کو برقرار رکھ سکتا ہوں۔‘‘ لیکن اب اس نے دیکھا کہ وہ اسے مکمل طور پر برقرار نہیں رکھ سکتا – کہ شریعت اسے نہیں بچا سکتی – بلکہ صرف اس کی مذمت کر سکتی ہے۔ (5) چنانچہ اس کی تمام امیدیں دم توڑ گئیں۔ امید کی آخری کرن ختم ہو چکی تھی۔ اس شخص کی مایوسی سے بڑی کوئی مایوسی نہیں جو کبھی محفوظ تھا۔ خود سے نجات پانا ختم ہوگیا تھا۔ وہ جانتا تھا کہ گمراہ ہونے یا کھو جانے کا کیا مطلب ہے! ایک ’’بہتر انسان‘‘ بننے کی تمام امیدیں ختم ہو گئیں۔ جب آپ ایسا محسوس کریں گے، تب ہی، آپ کو معلوم ہوگا کہ ٹاپ لیڈی کا کیا مطلب تھا جب اُنہوں نے کہا،

نا ہی تو میرے ہاتھوں کی جفاکشی
تیری شریعت کے تقاضوں کو پورا کر سکتی ہے؛
کیا میرے جوش کو عارضی سکون میسر نہیں ہوگا،
کیا میرے آنسو ہمیشہ ہی بہتے رہ پائیں گے،
سب اِس لیے کیونکہ گناہ کا کفارہ نہیں ہوگا،
تجھے بچانا چاہیے، اور تنہا تجھے ہی۔
   (’’زمانوں کی چٹان، میرے لیے چیری پھاڑی گئی Rock of Ages, Cleft for Me‘‘ شاعر اگستس ایم۔ ٹاپلیڈی Augustus M. Toplady، 1740۔1778)۔

اگر آپ بحران کے اس مقام پر آئے ہیں، تو آپ کو وہاں لایا گیا ہے تاکہ آپ سمجھ سکیں کہ نجات آپ کے باہر سے آنی چاہیے – یسوع کی طرف سے! آپ کو مسیح یسوع کے ذریعے بچا لیا جانا چاہیے، ورنہ آپ کبھی بھی نہیں بچ پائیں گے! جب تک آپ خود پر انحصار کرتے ہیں، آپ کبھی بھی یسوع پر انحصار نہیں کریں گے۔ لیکن اگر آپ محسوس کرتے ہیں کہ آپ کے اندر کوئی اچھائی نہیں ہے، تو اپنے آپ [اُس یسوع کے] حوالے کر دیں۔

’’اُس خدا کے برّے [کے]، جو جہاں کے گناہ اُٹھا لے جاتا ہے‘‘ (یوحنا 1: 29)۔

اُس کی طرف دیکھو جسے خُدا کی شریعت کو توڑنے کے لیے آپ کا جرمانہ ادا کرنے کے لیے مصلوب کیا گیا تھا! اپنے آپ کو اُس کے حوالے کر دیں جو آپ کو زندہ کرنے کے لیے مُردوں میں سے جی اُٹھا! جب آپ اپنے آپ کو یسوع کے حوالے کرتے ہیں،

’’حالانکہ تمہارے گناہ قرمزی ہیں، وہ برف کی مانند سفید ہو جائیں گے؛ اور گو وہ ارغوانی ہیں، وہ اُون کی مانند اُجلے ہو جائیں گے‘‘ (اشعیا 1: 18)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔