بُزدل اپنی جان کھو دیں گے

THE FEARFUL WILL LOSE THEIR SOULS!
(Urdu)

ڈاکٹر آر ایل ہائیمرز جونیئر کی جانب سے
by Dr. R. L. Hymers, Jr.

جمعہ کی شام کو واعظ کی منادی کی گئی، 19 اگست، 2005
لاس اینجلز کی بپتسمہ دینے والی عبادت گاہ میں
A sermon preached on Friday Evening, August 19, 2005
at the Baptist Tabernacle of Los Angeles

’’مگر بزدلوں … کی جگہ آگ اور گندھک سے جلنے والی جھیل میں ہوگی‘‘ (مکاشفہ 21: 8)۔

گنہگاروں کی ایک فہرست یہاں پر دی گئی ہے، جن میں سے سبھی جہنم کے شعلوں میں ابدیت گزاریں گے۔ آج شام میرا مقصد اس پوری فہرست سے گزرنا نہیں ہے، بلکہ صرف پہلی قسم کے گنہگاروں کو لینا ہے – ’’بزدل۔‘‘ یونانی لفظ ’’ڈیلوسdeilos‘‘ ہے۔ یہ لفظ بزدلی اور ڈرپوکی کو ظاہر کرتا ہے اور کبھی بھی اچھے معنی میں استعمال نہیں ہوتا ہے۔

یہ خوفزدہ ہونے کا حوالہ نہیں دیتا ہے۔ اس کے لیے ایک اور یونانی لفظ ہے، وہ لفظ ’’فُھبُوسphŏbŏs‘‘ ہے۔ ہمارا انگریزی لفظ ’’فوبیا‘‘ اسی سے آیا ہے۔ یونانی لفظ ’’فُھبُوسphŏbŏs‘‘ کا مطلب ہے ڈرنا، خوف اور دہشت سے بھرا ہونا۔ یہ ہماری تلاوت میں ’’خوف زدہ‘‘ کا ترجمہ شدہ لفظ نہیں ہے۔

’’مگر بزدلوں … کی جگہ آگ اور گندھک سے جلنے والی جھیل میں ہوگی‘‘ (مکاشفہ 21: 8)۔

نہیں، ہماری تلاوت میں اس لفظ کا مطلب یہ نہیں ہے کہ وہ دہشت سے بھرے ہوئے ہیں، کہ ان کے رونگٹے کھڑے ہیں کیونکہ وہ خوفزدہ ہیں۔ یہ فُھبُوس نہیں ہے. یہ ڈرایا نہیں جا رہا ہے۔

نہیں، یہ لفظ ’’ڈیلوس‘‘ بہت نرم اور لطیف لفظ ہے۔ اس سے مراد خوف و ہراس کے عمل سے نہیں بلکہ ایک شخص کے کردار سے ہے۔ اس کا یہ مطلب نہیں کہ وہ اچانک خوفزدہ ہو گیا۔ نہیں، یہ اس کے کردار کی طرف اشارہ کرتا ہے۔ ’’ڈیلوس‘‘ کا مطلب ہے ڈرپوک، بزدل، حواس باختہ، ہچکچاہٹ، کارروائی کرنے سے خوفزدہ۔ اب آپ کی سمجھ میں آ چکا ہو گا! ڈرپوک، بزدل، کمزور دِل، ہچکچاہنے والا، بزدلانہ، خطرے مول نہ لینے والا شخص، عملی قدم اٹھانے سے ڈرنے والا، اس کا

’’… حصہ آگ اور گندھک سے جلنے والی جھیل میں ہو گا‘‘ (مکاشفہ 21: 8)۔

یہ ایک بوڑھی عورت کی طرح ہے جو ایک ہی وقت میں ریس کے پیڈل اور بریک پر اپنا پاؤں جماتی ہے – اتنی خوفزدہ، ہچکچاہنے والی، اور ڈرپوک، اور غلطی کرنے سے ڈرنے والی ہے، کہ اُس پر سکتہ طاری ہو جاتا ہے، منجمد ہو جاتی ہے، اس کے پاؤں دونوں پیڈلوں پر ہوتے ہیں، آپ کی طرح – ’’اپنی مرضی سے [شیطان] نے اسیر کر لیا‘‘ (II تیمتھیس 2: 26)۔

ڈاکٹر گل نے کہا کہ یہ بزدل لوگ ہیں۔

سچائی کے لیے بہادر نہیں ہیں، لیکن جو خوف کے باعث… مسیح اور اس کی انجیل کا کوئی اقرار نہیں کرتے… ایسا نہ ہو کہ وہ مصیبت یا ایذاء کا شکار ہو جائیں۔ یہ وہ ہیں جو حیوان سے ڈرتے ہیں، اور اس کی غلامی میں رہتے ہیں [شیطان کی غلامی میں قید] (جان گل، ڈی ڈی John Gill, D.D.، نئے عہد نامہ کی ایک تفسیر An Exposition of the New Testament، دی بیپٹسٹ سٹینڈرڈ بیئرر، 1989 دوبارہ اشاعت، جلد III، صفحہ 858)۔

’’مگر بزدلوں … کی جگہ آگ اور گندھک سے جلنے والی جھیل میں ہوگی‘‘ (مکاشفہ 21: 8)۔

یہ ڈرپوک، بزدل، کمزور دِل والے لوگ کون ہیں؟ اور وہ مسیح کے پاس آنے سے کیوں ڈرتے ہیں؟

I۔ پہلی بات، یہاں وہ لوگ ہیں جو لوگوں سے ڈرتے ہیں۔

وہ ہچکچاتے ہیں، وہ مسیح کے پاس آنے سے ڈرتے ہیں، کیونکہ وہ اس بات سے ڈرتے ہیں کہ کوئی گمراہ ہوا شخص ان کے بارے میں کیا سوچ سکتا ہے۔ کیا آپ ایسے ہیں؟ کیا آپ ڈرتے ہیں کہ کوئی گمراہ ہوا بچہ کیا سوچ سکتا ہے؟ کیا آپ ڈرتے ہیں کہ اگر آپ مسیحی بن گئے تو وہ مُنہ دبا کر، دانت نکل کر ہنسیں گے، اور آپ کا مذاق اڑائیں گے؟ کیا حماقت ہے! کیا سراسر حماقت ہے! ’’انسان کا خوف پھندا ثابت ہو سکتا ہے‘‘ (امثال 29: 25)۔ انسان کا خوف ایک خطرناک جال ہے! ایسے بزدلانہ خوف سے دور رہیں! اسے دور رکھیں! بھول جائیں کہ دوسرے کیا کہیں گے! مسیح کے پاس آئیں اور ابھی ہی ایسا کریں، کیونکہ اگر آپ ہچکچاتے ہیں اور مزید انتظار کرتے ہیں تو آپ کبھی نجات نہیں پائیں گے۔ خدا آپ کے ساتھ ہمیشہ کے لیے جدوجہد نہیں کرے گا۔ ’’میری روح ہمیشہ انسان کے ساتھ جدوجہد نہیں کرے گی‘‘ (پیدائش 6: 3)۔ عنقریب خداوند آپ کو چھوڑ دے گا۔

’’مگر بزدلوں … کی جگہ آگ اور گندھک سے جلنے والی جھیل میں ہوگی‘‘ (مکاشفہ 21: 8)۔

II۔ دوسری بات، یہاں وہ لوگ ہیں جو کچھ نہ کچھ کھونے سے ڈرتے ہیں۔

وہ خوفزدہ ہیں، وہ ہچکچاتے ہیں، انہوں نے مسیح کے پاس آنا ترک کر دیا کیونکہ وہ ڈرتے ہیں کہ یہ انہیں بہت زیادہ مہنگا پڑے گا۔

کیا آپ ایسے ہیں؟ کیا آپ ڈرتے ہیں کہ اگر آپ حقیقی مسیحی بن جاتے ہیں تو یہ آپ کو کسی نہ کسی طرح نقصان پہنچائے گا؟ مسیح کہتا ہے، ’’تم اتنے ڈرپوک کیوں ہو؟ یہ کیونکر ہے کہ تمہارا ایمان نہیں؟ (مرقس 4: 40)۔ وہ کہتا ہے، ’’تمہارا دل پریشان نہ ہو، نہ ڈرے‘‘ (یوحنا 14: 27)۔

سوچو یارو! سوچو! ’’آدمی کو کیا فائدہ، اگر وہ ساری دنیا حاصل کر لے اور اپنی جان کھو دے؟‘‘ (متی 16: 26)۔ اپنی جان کھو دینے سے بہتر ہے کہ سب کچھ کھو دیا جائے! کیا یہ کامل معنی نہیں رکھتا؟ کیا یہ خدا کے کلام میں ایک مطلق سچائی نہیں ہے؟ یقینا یہ ہے!

پھر، انتظار کیوں؟ اپنی نجات کو ایک گھنٹہ اور کیوں ٹال دیں؟ آپ کے راستے پر چلنے کا کیا مطلب ہے؟ دو آراء کے درمیان ٹھہر کیوں جاتے ہیں؟

’’تم کب تک دو خیالات میں ڈانوڈول رہو گے؟ اگر خداوند ہی خدا ہے تو اُس کے پیروکار ہو جاؤ اور اگر بعل خدا ہے تو اُس کی پیروی کرنے لگو‘‘ (I سلاطین 18: 21)۔

لیکن مسیح کے پاس آنے سے روکنے، ہچکچانے، ڈرنے کے نتائج پر غور کریں۔ آپ کی تاخیر کے نتائج کسی بھی خوف سے کہیں زیادہ خوفناک ہیں جو آپ ابھی محسوس کرتے ہیں، کیونکہ

’’بزدلوں … کی جگہ آگ اور گندھک سے جلنے والی جھیل میں ہوگی‘‘ (مکاشفہ 21: 8)۔

III۔ تیسری بات، یہاں وہ لوگ ہیں جو غلطی کرنے سے ڈرتے ہیں۔

وہ ہچکچاتے ہیں، انہوں نے مسیح کے پاس آنا روک دیا کیونکہ وہ ڈرتے ہیں کہ وہ واقعی اس کے پاس نہیں آئیں گے۔ وہ پیچھے ہٹتے ہیں کیونکہ وہ ڈرتے ہیں کہ وہ غلطی کریں گے۔ ان کا خاص طور پر ہماری تلاوت میں ذکر کیا گیا ہے۔ وہ بزدل [جن کا] حصہ آگ اور گندھک سے جلتی جھیل میں ہوگا‘‘ (مکاشفہ 21: 8)۔

اگر آپ یسوع میں یقین کرنے سے ڈرتے ہیں تو عظیم سپرجیئن کو سنیں۔ اس نے کہا

’’یہ ہماری غیر صحت مندانہ فطرت کی ایک عجیب پیداوار ہے – یقین کرنے کا خوف۔ پھر بھی میں نے اسے اکثر [دیکھا] ہے… اگر [وہ] بےایمان ہونے سے ڈرتے تو [اس] خوف میں اچھی بات ہوتی؛ لیکن [مسیح] پر بھروسہ کرنے سے خوفزدہ ہونا ایک بہترین تمسخر انگیزی ہے۔ یسوع نے کہا ہے، ’’جو میرے پاس آئے گا اسے میں ہرگز خود سے جدا نہیں کروں گا [یوحنا 6: 37]… جب آپ نجات دہندہ پر بھروسہ کرتے ہیں تو تمام خوف کو مسترد کر دیں… [کیا آپ سوچتے ہیں] کہ اگر آپ یسوع پر بھروسہ کرتے ہیں اور پھر بھی ہلاک ہوجاتے ہیں تو یہ ایک خوفناک چیز ہوگی؟ ایسا ہی ہوگا۔ لیکن [چونکہ] آپ کو فنا ہونا چاہیے اگر آپ بھروسہ نہیں کرتے ہیں، بدترین خطرہ بہت بڑا نہیں ہے… آپ کے پاس کھونے کے لیے کچھ نہیں ہے، کیونکہ آپ پہلے ہی سب کچھ کھو چکے ہیں۔ لہٰذا اس کے لیے چُستی دکھائیں، اور [یسوع] پر یقین کرنے کی ہمت کریں‘‘ (سی ایچ سپرجیئنC. H. Spurgeon، چھوٹی کھڑکی جس سے لین دین ہوتا ہے اُس کے اِردگِرد Around the Wicket Gate، کرسچن فوکس پبلیکیشنز، 1987 دوبارہ اشاعت، صفحہ 35-36)۔

دلیری سے مسیح کے پاس آئیں! اپنے آپ کو ایمان کے ساتھ اُس کے حوالے کر دیں! ’’آپ اتنے ڈرتے کیوں ہیں؟ یہ کیونکر ہے کہ تمہارا ایمان نہیں؟ (مرقس 4: 40)۔ اپنے خوف کو دور کریں! اور سادہ ایمان سے اپنے آپ کو یسوع مسیح کے حوالے کر دیں۔ سپرجیئن نے کہا، ’’یسوع کی بانہوں میں گر جاؤ۔ یہ ایمان کا ایک بڑا حصہ ہے – ہر دوسری پکڑ کو ترک کرنا، اور صرف مسیح کی پیروی کرنا۔ خوف کی کوئی وجہ نہیں ہے: صرف جہالت ہی آپ کے خوف کا سبب بنتی ہے جو آپ کی ابدی حفاظت ہوگی… یسوع کے پاس ایمان کے ساتھ آئیں، کیونکہ اس کے بغیر آپ ہمیشہ کے لیے ہلاک ہو جاتے ہیں‘‘ (ibid.، صفحہ 37، 39)۔ یا، جیسا کہ حمد و ثنا کے گیت لکھنے والے اس حساس پیوریٹن مصنف جوزف ہارٹ نے کہا،

اس پر مہم جوئی کرو، پوری طرح سے مہم جوئی کرو۔
     کسی دوسرے پر اعتماد کو مداخلت نہ کرنے دیں:
مسیح کے سوا کوئی نہیں، مسیح کے سوا کوئی نہیں،
     بے بس گنہگاروں کا بھلا کر سکتے ہیں۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

اُس پر ہی مہم جوئی کرو! خود کو اُسی کے حوالے کر دیں! وہ آپ کو خود سے جُدا نہیں کرے گا!

’’مگر بزدلوں … کی جگہ آگ اور گندھک سے جلنے والی جھیل میں ہوگی‘‘ (مکاشفہ 21: 8)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔