نجات دلانے والے ایمان کا مقصد – مسیح

رائے شماری کرنے والے جارج برنا نے ایک قومی سروے کیا۔ جب اس بیان کا جواب دینے کے لیے کہا گیا، ’’کچھ بھی یقینی طور پر نہیں جانا جا سکتا سوائے ان چیزوں کے جن کا آپ اپنی زندگی میں تجربہ کرتے ہیں،‘‘ 60 فیصد بالغوں نے اتفاق کیا، اور 26 سال سے کم عمر کے 71 فیصد نے اتفاق کیا۔ برنا نے اسے ’’زندگی کے بارے میں ایک خودغرض، تجرباتی نظریہ‘‘ کہا (برنا رپورٹ، 1992-1993، صفحہ 36)۔

یہ رائے شماری بارہ سال پہلے کی گئی تھی۔ لوگوں کو مشورہ دینے کے اپنے تجربے سے، مجھے لگتا ہے کہ یہ نظریہ آج کل اور بھی زیادہ مقبول ہے۔ میں جس اوسط شخص سے بات کرتا ہوں وہ سوچتا ہے، ’’کچھ بھی یقینی طور پر نہیں جانا جا سکتا سوائے ان چیزوں کے جن کا آپ اپنی زندگی میں تجربہ کرتے ہیں۔‘‘ یہ مابعد جدیدیت [دورِ حاضرہ کے اصولوں اور طریقوں کے خلاف ردعمل] کا اصل جوہر ہے۔ اور یہ بائبل کی مسیحیت کے براہ راست مخالف ہے۔

’’کچھ بھی یقینی طور پر معلوم نہیں ہوسکتا ہے سوائے ان چیزوں کے جن کا آپ اپنی زندگی میں تجربہ کرتے ہیں۔‘‘ کیوں، یہ مسیحیت کا بالکل مخالف ہے! یہ شیطان کا جھوٹ ہے! اس نے آپ کو خدا کی سچائی سے اندھا کر دیا ہے! اس نے آپ کو نجات سے بچا رکھا ہے! اس سے دور رہیں! میں ایسا کیوں کہتا ہوں؟

I۔ پہلی بات، کیونکہ بائبل مسیح کی جانب نشاندہی کرتی ہے، ناکہ تجربے کی جانب۔

تلاوت پر نظر ڈالیں۔ تمام آیت کو پڑھیں۔

’’اور کس طرح تو بچپن سے اُن مقدس کتابوں سے واقف ہے جو تجھے مسیح یسوع پر ایمان لا کر نجات حاصل کرنے کا عرفان بخشتی ہیں‘‘ (II تیمتھیس 3: 15)۔

تیمتھیس نے بچپن سے ہی بائبل پڑھی تھی۔ پولوس رسول نے اُسے بتایا کہ پاک صحیفے ایک شخص کو حکمت عطا کرتے ہیں جو ”اُس ایمان کے ذریعے جو مسیح یسوع پر ہے“ نجات کی طرف لے جاتی ہے۔

تو، بائبل آپ کی نشاندہی کس طرف کراتی ہے؟ یہ آپ کے باطن کی طرف نشاندہی نہیں کراتی۔ یہ آپ کو باطنی تجربے کی طرف نشاندہی نہیں کراتی ہے۔ یہ آپ کی ظاہری طور پر ’’وہ ایمان جو مسیح یسوع میں ہے‘‘ اُس کی طرف نشاندہی کراتی ہے۔ بائبل آپ کی مسیح کی طرف نشاندہی کرتی ہے، نہ کہ ’’اپنی زندگی میں تجربہ‘‘ کرنے کی طرف۔

آجکل بہت سے لوگ بائبل کے مطالعہ کو ہی ختم کر دیتے ہیں۔ اور میں بہت خوفزدہ ہوں کہ تبلیغ کی ایک بہت بڑی تعداد بھی ایسا ہی کرتی ہے۔ ’’ہم بائبل سیکھ رہے ہیں،‘‘ آپ انہیں کہتے سنتے ہیں۔ اور آپ پوچھ سکتے ہیں، ’’ٹھیک ہے، آپ اسے کیوں سیکھ رہے ہیں؟‘‘ بحث کا حصار ہو سکتا ہے، لیکن آپ اکثر سنتے ہوں گے کہ حقیقت میں وہ اسے محض سیکھنے کی خاطر سیکھ رہے تھے۔ یہ صرف ایک فکری مشق ہے۔

یہ میرا ذاتی عقیدہ ہے کہ تقریباً تمام تبلیغ کو انجیلی بشارت پر مبنی ہونا چاہیے۔ اس کے لیے سپرجیئن کو قصوروار ٹھہرایا گیا ہے۔ کچھ لوگوں نے کہا کہ اُنہوں نے بہت زیادہ خوشخبری کی منادی کی۔ میں نے سپرجیئن کو گھنٹوں کے حساب سے پڑھا ہے اور میں ان سے متفق نہیں ہوں۔ میں جتنا عمر رسیدہ ہوتا جاتا ہوں اتنا ہی مجھے لگتا ہے کہ وہ صحیح تھے۔ ہماری تبلیغ کا مرکز مسیح اور انجیلی بشارت پر ہونا چاہیے۔

دورِ حاضرہ کے لوگ گھر کی عزت میں کمی کر دیتے ہیں۔ وہ خود کو جراثیم سے پاک کرتے ہیں، اپنے بچوں کو اسقاط حمل کرواتے ہیں، اور جلد از جلد جو بھی بچے پیدا کرتے ہیں ان سے چھٹکارا پاتے ہیں۔ لیکن ایک مسیحی گھر ایک ایسی جگہ ہے جہاں بچوں کا خیرمقدم کیا جاتا ہے اور عزیز رکھا جاتا ہے اور پیار کیا جاتا ہے۔ اور یہ وہ طریقہ ہے جس طرح سے ایک گرجا گھر ہونا چاہیے – ایک ایسی جگہ جو مسیح میں ایمان لا کر نئے تبدیل ہونے والوں کے ساتھ مسلسل زندہ رہتی ہے، گمراہ ہوئے لوگ [ایسی جگہ میں] آتے ہیں، مختلف مراحلوں سے گزرنے والے لوگ، سزا کے تحت آئے ہوئے لوگ آتے ہیں، مسیح میں ایمان لانے کی تبدیلی میں سے گزرتے ہیں، [اور] مسیح میں بڑھتے ہیں۔ اور [ایسے لوگوں کو] بکثرت پیدا کرنے والے، زندہ گرجا گھر میں انجیل یعنی خوشخبری کی مسلسل تبلیغ کی جانی چاہیے۔ میں سمجھتا ہوں کہ یہی وجہ ہے کہ پولوس رسول نے کرنتھیوں کی کلیسیا سے کہا،

’’میں نے فیصلہ کیا ہوا تھا کہ جب تک تمہارے درمیان رہوں گا مسیح یعنی مسیح مصلوب کی منادی کے سِوا کسی اور بات پر زور نہ دوں‘‘ (I کرنتھیوں 2: 2)۔

گرجا گھر کے مقصد کی جانچ کرنے میں کچھ اہمیت ہو سکتی ہے۔ لیکن ایک گرجا گھر کو کبھی بھی مقصد پر مبنی ہو کر نہیں چلایا جانا چاہیے۔ اِسے انجیل پر مبنی ہونا چاہئے۔ اسے آدھی رات کو خونی پسینے میں یسوع کے بھیگ جانے کے پیغام کے ساتھ چلایا جانا چاہیے – یسوع کو اُس وقت تک کوڑے مارنے پر جب تک کہ اُس کی کھال خونی لوتھڑے نہ بن گئی اِس پیغام کے ساتھ چلایا جانا چاہیے – یسوع کا پیروں اور ہاتھوں میں کیلوں سے صلیب پر جڑے جانے کے پیغام کے ساتھ چلایا جانا چاہیے – یسوع کا انسانی جسم میں مُردوں میں سے جی اُٹھنے کے پیغام کے ساتھ چلایا جانا چاہیے – یسوع کا جسمانی طور تے آسمان میں خداوند کے داہنے ہاتھ پر[بیٹھنے کے لیے] اُٹھائے جانے کے پیغام کے ساتھ چلایا جانا چاہیے! یسوع مسیح ہمارا مقصد ہونا چاہیے! یسوع مسیح کو ہمارا پیغام ہونا چاہیے!

بائبل کا روحِ رواں اس کے دل اور اس کے مرکز میں انجیلی بشارت ہے۔

’’تو اُن مقدس کتابوں سے واقف ہے جو تجھے مسیح یسوع پر ایمان لا کر نجات حاصل کرنے کا عرفان بخشتی ہیں‘‘ (II تیمتھیس 3: 15)۔

آیت کے بعد آیت میں، تمثیل کے ذریعہ، شبیہ کے ذریعہ، تاریخ کے ذریعہ، خط کے ذریعہ، بائبل مسیح کی طرف اشارہ کرتی ہے – انسانی تجربے کی طرف نہیں۔ بائبل کا مقصد آپ کو احساس یا تجربہ حاصل کرانا نہیں ہے۔ بائبل کا مقصد یہ ہے کہ آپ اپنے آپ سے دور نظر آئیں – مسیح کی طرف!

جدید دنیا کہتی ہے، ’’کچھ بھی یقینی طور پر معلوم نہیں ہو سکتا سوائے ان چیزوں کے جن کا آپ اپنی زندگی میں تجربہ کرتے ہیں۔‘‘ لیکن جدید دنیا بہت سی چیزوں کے بارے میں غلط ہے اور سب سے بڑھ کر یہ اس بارے میں غلط ہے۔ آپ ایک دوا لے سکتے ہیں اور ایسا تجربہ کر سکتے ہیں جو بالکل بھی حقیقی نہیں ہے۔ آپ مراقبہ کر سکتے ہیں، اور ایک ٹرانس میں جا سکتے ہیں، اور ایسا تجربہ حاصل کر سکتے ہیں جو بالکل درست نہیں ہے۔ آپ زمین پر گر سکتے ہیں اور اپنے آپ کو ایک جنون میں ڈال سکتے ہیں، اور ایسا تجربہ کر سکتے ہیں جو حقیقت سے بہت دور ہے۔ شیطان آپ کو بہت سارے تجربات دے سکتا ہے۔ لیکن

’’ تو… اُن مقدس کتابوں سے واقف ہے جو تجھے مسیح یسوع پر ایمان لا کر نجات حاصل کرنے کا عرفان بخشتی ہیں‘‘ (II تیمتھیس 3: 15)۔

بائبل یسوع مسیح کی جانب نشاندہی کرتی ہے ناکہ آپ کے اپنے تجربات کی جانب۔

II۔ دوسری بات، مسیح خود کی جانب نشاندہی کرتا ہے ناکہ تجربے کی جانب۔

یسوع نے کہا،

’’اے محنت کشو اور بوجھ سے دبے ہوئے لوگو! میرے پاس آؤ، اور میں تمہیں آرام بخشوں گا‘‘ (متی 11: 28)۔

یسوع نے کہا،

’’جو کوئی میرے پاس آئے گا میں اُسے خود سے کبھی جدا نہ کروں گا‘‘ (یوحنا 6: 37)۔

نجات دلانے والے ایمان کا مقصد یسوع مسیح ہے۔ جب آپ یسوع کے پاس آتے ہیں تو آپ نجات پا جاتے ہیں۔ اُس کے پاس آنا یہ کہنے کا ایک اور طریقہ ہے ’’اُس پر یقین رکھو‘‘۔ یسوع نے کہا،

’’جو بیٹے پر ایمان لاتا ہے وہ ہمیشہ کی زندگی پاتا ہے‘‘ (یوحنا 3: 36)۔

لیکن آپ کے اپنے احساسات یا تجربات سے اس کی توثیق نہیں ہوتی۔

فریڈرک شلیئرماکر Friedrich Schleiermacher (1768۔1834) نے یہ نظریہ پیش کیا کہ مسیح میں ایمان لانے کی تبدیلی [دراصل] احساس، وجدان اور تجربے کا معاملہ ہے۔ اُس کے نزدیک، نجات دلانے والے ایمان کا مقصد بائبل کے ذریعہ ظاہر کردہ مسیح کی طرف نہیں بلکہ مسیح کے بارے میں موضوعی وجدان اور احساس میں تھا۔ شلیئرماکر کے خیالات عقلیت پسندی کے ساتھ رومانویت کے ختم ہونے پر آئے۔

لیکن ہماری تلاوت ہمیں یہ نہیں بتاتی کہ اپنے عقیدے کی بنیاد اپنے احساسات، وجدان یا تجربے پر رکھیں۔ اس کے بجائے، یہ کہتی ہے،

’’ تو… اُن مقدس کتابوں سے واقف ہے جو تجھے مسیح یسوع پر ایمان لا کر نجات حاصل کرنے کا عرفان بخشتی ہیں‘‘ (II تیمتھیس 3: 15)۔

بائبل ہماری مسیح کی جانب نشاندہی کراتی ہے۔ وہ ہمارے جذبات کا مسیح نہیں ہے۔ وہ تو شلیئرماکر کا مسیح ہے! [مسیح تو درحقیقت] بائبل کا مسیح ہے۔ صرف حقیقی مسیح ہی مقدس صحیفوں کا مسیح ہے۔ اور وہ یہی مسیح ہے، پاک کلام کا مسیح، جو کہتا ہے،

’’جو کوئی میرے پاس آئے گا میں اُسے خود سے کبھی جدا نہ کروں گا‘‘ (یوحنا 6: 37)۔

مسیح ہماری اپنی طرف نشاندہی کرواتا ہے۔ آپ کو یہ دیکھنے کے لیے اپنے آپ کو پیچھے نہیں دیکھنا چاہیے کہ آیا آپ کے احساسات، وجدان یا تجربات درست ہیں۔ آپ کو اپنے آپ کو نہیں دیکھنا چاہئے۔ آپ کو خود کی ذات سے پرے دیکھنا چاہیے – مسیح کی طرف!

’’ایمان کے بانی اور کامل کرنے والے یسوع پر نظریں جمائیں‘‘ (عبرانیوں 12: 2)

’’آہ، نہیں،‘‘ پوسٹ ماڈرنسٹ [جدیدیت کے اصولوں اور طریقوں کے خلاف رد عمل میں] کہتے ہیں، ’’کچھ بھی یقینی طور پر نہیں جانا جا سکتا سوائے ان چیزوں کے جن کا میں اپنی زندگی میں تجربہ کرتا ہوں۔‘‘ تو دیکھا آپ نے یہ ہی بات ہے، صاف اور سادہ۔ وہ آدمی اپنی ذات سے باہر دیکھنے سے انکار کرتا ہے۔ وہ شخص پاک صحیفوں کے زندہ مسیح کی جانب نشاندہی کرنے سے انکار کرتا ہے! وہ آدمی بغیر کسی احساس کے، بغیر کسی تجربہ کے مسیح پر قسمت نہیں آزمائے گا۔

’’لیکن، لیکن،‘‘ آپ کہتے ہیں، ’’مجھے صحیح احساس ہونا چاہیے!‘‘ میں آپ کو بتا رہا ہوں کہ آپ غلط ہیں۔ آپ کو احساس کی ضرورت نہیں ہے۔ آپ کو مسیح کی ضرورت ہے!

یہاں متی کی انجیل میں ایک بیان ہے جو ظاہر کرتا ہے کہ میرا کیا مطلب ہے۔ شاگرد گلیل کی جھیل پر باہر تھے۔ رات تھی۔ یسوع پانی پر چلتے ہوئے ان کے پاس آیا۔ پطرس نے کہا،

’’اے خداوند، اگر تو ہی ہے تو مجھے بھی حکم دے کہ میں بھی پانی پر چل کے تیرے پاس آؤں۔ اور اُس نے کہا، آ۔ چنانچہ پطرس کشتی سے اُتر کر یسوع کے پاس جانے کے لیے پانی پر چلنے لگا۔ مگر جب ہوا کا زور دیکھا تو ڈر گیا اور ڈوبنے لگا۔ تب اُس نے چلا کر کہا، اے خداوند! مجھے بچا۔ یسوع نے فوراً ہاتھ بڑھایا اور اُسے پکڑ لیا‘‘ (متی 14: 28۔31)۔

اس واقعے کا مقصد ہمیں پانی پر چلنے کے بارے میں بتانا نہیں ہے۔ مقصد یہ بتانا ہے کہ ایمان کیا ہے؟ آیت 31 اس کو واضح کرتی ہے۔ یسوع نے کہا، ’’اے کم اعتقاد والے…‘‘ اُس نے یہ نہیں کہا کہ پطرس کا ایمان نہیں ہے۔ اس نے کہا کہ اس کا ایمان بہت کم ہے۔ اس کے پاس اتنا یقین تھا کہ وہ کشتی سے باہر نکل کر یسوع کی طرف تھوڑا سا راستہ چل سکتا تھا۔ لیکن پھر اس نے تیز ہوا کی طرف دیکھا اور وہ ڈر گیا۔ اس نے پکارا، ’’اے خداوند، مجھے بچا۔‘‘ اور یسوع نے ”اپنا ہاتھ بڑھا کر اسے پکڑ لیا۔

یہ نجات دلانے والے ایمان کی ایک مثال ہے۔ یسوع آپ کو اس کے پاس آنے کو کہتا ہے۔ آپ یہ کرنا شروع کرتے ہیں، لیکن خوفناک خیالات آپ کو آتے ہیں. آپ سوچتے ہیں، ’’میں یہ ٹھیک نہیں کروں گا! میں ناکام ہو جاؤں گا! مجھے یقین نہیں ہے! خُداوند، مجھے بچا!‘‘ ’’اور یسوع نے اپنا ہاتھ بڑھا کر اسے پکڑ لیا۔‘‘ اور ایسا ہی ہوتا ہے جب کوئی گنہگار یسوع کے پاس آتا ہے۔ جوزف ہارٹ سے بہتر اِس بات کو کسی نے نہیں کہا،

اس پر قسمت آزماؤ، پوری طرح سے قسمت آزماؤ۔
   کسی دوسرے اعتقاد کو مداخلت نہ کرنے دیں:
مسیح کے سوا کوئی نہیں، مسیح کے سوا کوئی نہیں،
   جو بے بس گنہگاروں کا بھلا کر سکتا ہے۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

سپرجیئن نے کہا،

اپنی روح کو اس کی دیکھ بھال میں رکھو… باقی تمام امیدیں چھوڑنے کی ہمت کریں: یسوع پر قسمت آزمائیں؛ میں کہتا ہوں ’’قسمت آزمائیں‘‘ حالانکہ اس میں واقعی کوئی قسمت آزمائی نہیں ہے، کیونکہ وہ بچانے کے قابل ہے۔ اپنے آپ کو صرف یسوع کے حوالے کریں… اس پر یقین کریں، اور اس پر بھروسہ کریں، اور آپ کو کبھی شرمندہ نہیں کیا جائے گا… چاہے آپ محسوس کریں یا محسوس نہ کریں، اپنے آپ کو اس کے حوالے کر دیں، تاکہ وہ اور تنہا وہ ہی آپ کو بچائے (سی ایچ سپرجیئن C. H. Spurgeon، چھوٹی کھڑکی والے گیٹ کے دوسری طرف Around the Wicket Gate، کرسچن فوکس پبلیکیشنز، 1989 دوبارہ اشاعت، صفحات 26، 38)۔

ایک نوجوان لڑکی سپرجیئن کے دفتر میں آئی اور کہا کہ وہ نجات یافتہ نہیں ہے۔ اس نے اسے یسوع کے پاس آنے کی تاکید کی۔ اس [لڑکی] نے کہا، ’’اوہ، جناب، میرے لئے دعا کریں۔‘‘ سپرجیئن نے کہا، ’’میں اس قسم کا کچھ نہیں کروں گا۔ میں خُداوند سے اُس کے لیے کیا مانگ سکتا ہوں جو اُس پر بھروسہ نہیں کرے گا؟ مجھے دعا کرنے کے لیے کچھ نظر نہیں آتا۔ اگر آپ اُس پر یقین کرو گے، تو آپ بچ جاؤ گے۔ اگر آپ اُس پر یقین نہیں کریں گے، تو میں اُس سے آپ کے بے اعتقادے پن کی تسکین کے لیے کوئی نیا طریقہ ایجاد کرنے کے لیے نہیں کہہ سکتا۔‘‘ پھر اس [لڑکی] نے کہا، ’’میں یقین کرنے کی کوشش کروں گی،‘‘ لیکن میں نے اس سے کہا کہ میں اس کی کوئی بھی کوشش نہیں کروں گا... میں نے اسے ایک بار مصلوب ہونے والے لیکن اب آسمان میں اُٹھائے ہوئے خداوند پر مکمل یقین کرنے کی تاکید کی... اس [لڑکی] نے کہا، ’’اوہ، جناب، میں اپنے جذبات کی سُنتی رہی ہوں، اور یہ میری غلطی تھی! (ibid.، صفحہ 32). وہ یسوع کے پاس آئی اور نجات پا گئی۔ اس کے علاوہ کوئی راستہ نہیں ہے۔

اس پر قسمت آزماؤ، پوری طرح سے قسمت آزماؤ۔
   کسی دوسرے اعتقاد کو مداخلت نہ کرنے دیں:
مسیح کے سوا کوئی نہیں، مسیح کے سوا کوئی نہیں،
   جو بے بس گنہگاروں کا بھلا کر سکتا ہے۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔