آنکھیں کھول دیں

آج شام میں آپ کو سی۔ ایچ۔ سپرجئین C. H. Spurgeon کے واعظ کا ایک آسان اور مختصر ذرا سی تبدیل شُدہ نقل پیش کر رہا ہوں، ’’آنکھیں کھل دیں،‘‘ جو عظیم مبلغ نے 18 مارچ 1866 کو ویسٹبورن گروو چیپل، بائیس واٹر، انگلینڈ میں دیا تھا (میٹروپولیٹن کی عبادت گاہ کی واعظ گاہ سے The Metropolitan Tabernacle Pulpit، نمبر 681، پِیلگرِم اشاعت خانے Pilgrim Publications، 1980 دوبارہ پرنٹ، جلد XII، صفحہ 157-168)۔

پِیلگرِم اشاعت خانے کے میرے دوست، ڈاکٹر باب راس نے تجویز کیا کہ میں نے پچھلے ہفتے سپرجیئن کا یہ واعظ پڑھا تھا۔ میں نے واقعی میں اسے پڑھا تھا، اور میں نے فیصلہ کیا کہ آج رات آپ کو اس کا روحِ رواں ایک مختصر ذرا سی تبدیل شُدہ نقل میں پیش کروں۔ تلاوت یہ ہے:

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

باغِ عدن میں انسان کا زوال آپ کے پورے وجود کے لیے تباہ کن تھا۔ ’’جس دن تو اسے کھائے گا یقیناً مر جائے گا‘‘ (پیدائش 2: 17) کوئی بے بنیاد خطرہ نہیں تھا۔ آدم اسی لمحے مر گیا جب اس نے خدا کے حکم کے خلاف گناہ کیا۔ وہ بہت بڑی روحانی موت مر گیا جس نے اسے اور اس کی تمام اولاد کو خدا کی باتوں یا کاموں کے لیے مردہ بنا دیا۔ گمراہی کے ذریعے انسان کا روحانی مزاج بدچلن ہو گیا، اس لیے وہ جہنم کا زہر چنتا ہے اور جنت کی روٹی سے نفرت کرتا ہے۔ وہ سانپ کی خاک چاٹتا ہے اور فرشتوں کے کھانے کو رد کرتا ہے۔ روحانی سماعت مردہ ہو گئی، اور اب انسان قدرتی طور پر خدا کا کلام نہیں سن سکتا، لیکن خدا کی آواز پر کان بند کر لیتا ہے۔ اس سے کوئی فرق نہیں پڑتا ہے کہ ایک پادری کتنی اچھی تبلیغ کرتا ہے، پھر بھی مسیح پر ایمان نہ لایا ہوا بندہ مبلغ کی آواز نہیں سنتا ہے۔ روحانی احساس خوفناک طور پر ہمارے اِخلاقی زوال کی وجہ سے ختم ہو گیا ہے۔ وہ چیزیں جو لوگوں کو خطرے اور دہشت سے بھر دیتی تھیں اب زیادہ جذبات پیدا نہیں کرتیں۔ انسان مر جاتا ہے جب وہ سنتا ہے کہ اس نے خدا کے قانون کو توڑا ہے اور جہنم کے خطرے میں ہے۔ انسان کی توجہ کم ہے، اور جب وہ مسیح کی خوشخبری سنتا ہے تو وہ بہت کم پرواہ کرتا ہے۔ شریعت کی دھمکیاں اور مسیح کی انجیل کی خوشخبری دونوں مردہ کانوں میں پڑتی ہیں۔ وہ فہم جو روح کی آنکھ ہے، جہالت کے ترازو سے ڈھکی ہوئی ہے۔

اس لیے آپ کی حالت انتہائی خوفناک ہے، لیکن ساتھ ہی یہ آپ کو بچانے کے لیے خُدا کے فضل کی درخشانیوں کے لیے جگہ پیش کرتی ہے۔ پیارے دوست، آپ اتنے برباد ہو گئے ہیں، اتنے مکمل طور پر برباد ہو گئے ہیں، کہ اگر آپ کو بچانا ہے، تو سارا کام خدا کو کرنا ہے۔ آپ کی آنکھیں روحانی موت کی وجہ سے اس قدر اندھی ہو گئی ہیں کہ خُدا کو انہیں ضرور کھولنا چاہیے، جیسا کہ اُس نے ہاجرہ کے معاملے میں کیا تھا۔

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

شاگردوں کے معاملے میں بھی یہ بات سچی تھی، کیوں کہ لوقا 24: 31 کہتی ہے،

’’اور اُن کی آنکھیں کُھل گئیں اور اُنہوں نے اُسے پہچان لیا‘‘ (لوقا 24: 31).

ہماری آنکھیں کھل جانی چاہئیں، ورنہ ہم ہاجرہ جیسی پیاس سے مر جائیں گے، زندگی کا چشمہ قریب میں ہو گا، لیکن ہمیں نظر نہیں آئے گا۔ شاگرد اب بھی اداسی سے بھرے ہوں گے، اپنے نجات دہندہ کی تلاش میں جب وہ وہیں بالکل ان کے ساتھ ہی ہو گا۔ ’’نجات دہندہ کو دیکھنے کے لیے زندگی ہے،‘‘ لیکن اُس کی طرف دیکھنے کی انتہائی صلاحیت ہمیں خُدا کی طرف سے دی جانی چاہیے، ورنہ صلیب پر ہمارے لیے مسیح کی موت سے کوئی نجات نہیں ہوگی۔

ہاجرہ کے معاملے کو لیتے ہوئے، میں کچھ غیر تبدیل شدہ [مسیح میں ایمان نہ لائے ہوئے] لوگوں سے بات کروں گا جو امید کی حالت میں ہیں۔

I۔ پہلی بات، ھاجرہ رحمت کے لیے تیار کی گئی تھی۔

ہم ہاجرہ کے معاملے میں دیکھتے ہیں کہ آپ میں سے کچھ، اس کی طرح، رحمت کے لیے تیار ہیں۔ بہت سے طریقوں سے وہ خدا کی رحمت کے لیے تیار تھی۔ اس کی بوتل میں پانی ختم ہو چکا تھا۔ وہ بیہوش ہونے کو تیار تھی۔ اس کا بچہ مرنے کے لیے تیار تھا۔ اس کی ضرورت کے احساس نے اسے شدید خواہشات سے بھر دیا۔

ایک گنہگار کو مسیح کے لیے چاہت کروانا بہت مشکل ہے۔ یہ اتنا مشکل ہے، کہ اگر ایک گمراہ یا کھویا ہوا گنہگار واقعی یسوع کے لیے ترستا اور پیاسا ہے، تو خُدا کی روح پہلے سے ہی اس کی جان میں خفیہ طور پر کام کر رہی ہو گی، جو مسیح کے لیے اس خواہش کو پورا کر رہی ہے۔ لہٰذا، اگر آپ واقعی مسیح کو چاہتے ہیں، تو یہ خواہش آپ کے معاملے کو بہت پرامید بناتی ہے۔ آپ پہلے سمجھ چکے تھے کہ مسیح کے خون کے علاوہ کوئی چیز آپ کے گناہوں کو دھو نہیں سکتی، لیکن اب آپ دھونا چاہتے ہیں۔

خداوند آپ کو اس حالت میں لایا ہے۔ یہ امید افزا ہے، لیکن میں آپ کو یاد دلاتا ہوں کہ یہ اکیلی [حالت ہی] آپ کو نہیں بچائے گا۔ یہ جاننا اچھا ہے کہ آپ بیمار ہیں، لیکن بیماری میں مبتلا رہنے سے آپ کا علاج نہیں ہوگا۔ مسیح کی خواہش کرنا ایک بہت اچھی علامت ہے، لیکن محض خواہشات آپ کو نہیں بچائیں گی۔ اگر خواہشات آپ کو بچا سکتی ہیں تو بہت کم لوگ گمراہ ہوں گے۔ ہو سکتا ہے کہ آپ مسیح کے بعد بھوکے اور پیاسے ہوں، لیکن بھوک اور پیاس آپ کو نہیں بچائے گی۔ آپ کے پاس مسیح ہونا ضروری ہے – کیونکہ آپ کی نجات بھوک اور پیاس سے نہیں آتی، نہ کہ عاجزی سے، یا دعاؤں سے۔ نجات مسیح میں ہے جو صلیب پر مر گیا، آپ میں نہیں۔ پھر بھی یہ امید افزا نشانیاں ہیں، اور یہ کسی بھی حد تک جا سکتے ہیں، میں آپ میں ان کے لیے شکر گزار ہوں۔

آپ کے معاملے میں آپ کا غرور ختم ہو گیا ہے۔ ہاجرہ کی طرح آپ عاجز ہیں، اور خود مایوسی میں مبتلا ہیں۔ ایک وقت تھا جب آپ نے نجات دہندہ کی اپنی ضرورت کو تسلیم نہیں کیا تھا، آپ کو اپنی دعاؤں، توبہ اور احساسات سے سکون ملتا تھا۔ لیکن اب آپ کی بوتل سے پانی ختم ہو گیا ہے، اور آپ ہاجرہ کے ساتھ بیٹھے ہوئے مایوسی سے پکار رہے ہیں – مبارک، خدا کی بھیجی ہوئی ایک مایوسی۔ خدا آپ کو یہ اس سے زیادہ دے! خود مایوسی مسیح میں اعتماد کا اگلا دروازہ ہے۔

آپ کو یقین ہو سکتا ہے کہ جب تک آپ خالی نہیں ہوں گے، یسوع آپ کو کبھی نہیں بھرے گا۔ جب تک آپ کو محروم نہیں کیا جائے گا، وہ آپ کو کبھی نہیں مہیا کرے گا۔ جب تک خودی مر نہ جائے مسیح آپ میں زندہ نہیں رہے گا۔ خدا آپ کو زیادہ سے زیادہ ناامیدی اور مایوسی کا احساس دلائے۔ میں بہت پرامید ہوں کہ آپ کی مایوسی آپ کو مسیح کے پاس لے آئے گی۔ لیکن مزید، کہیں زیادہ کی ضرورت ہے۔

ہاجرہ کے معاملے میں یہ بات بالکل یقینی ہے کہ وہ پانی تلاش کرنے کے لیے تیار تھی۔ اگر آپ نے اس سے کہا، ’’اگر پانی ہوتا تو کیا تم پینے کو تیار ہو؟‘‘ - وہ کہے گی، ’’چاہتی ہوں؟ میرے سوکھے ہونٹوں کو دیکھو، میری فریاد سنو، میرے غریب مرتے ہوئے بچے کو دیکھو! آپ مجھ سے کیسے پوچھ سکتے ہیں کہ کیا میں پانی پینا چاہتی ہوں جب کہ میرا بچہ پیاس سے مر رہا ہے؟‘‘

اور ایسا ہی آپ کے ساتھ ہے۔ اگر میں آپ سے پوچھوں، ’’کیا آپ نجات پانے کے لیے تیار ہیں؟‘‘ – آپ میری طرف دیکھ کر کہہ سکتے ہیں، ’’تیار ہوں! اوہ، جناب، میں اس مرحلے سے بہت پہلے گزر چکا ہوں۔ میں ہانپ رہا ہوں، کراہ رہا ہوں، پیاسا ہوں، مسیح کو ڈھونڈنے کے لیے مر رہا ہوں۔ اگر وہ آج شام میرے پاس آئے تو میں اسے خوشی سے قبول کر لوں گا۔ یہ سب امید افزا ہے، لیکن میں آپ کو ایک بار پھر یاد دلانا چاہتا ہوں کہ آدمی کی امیر بننے کی خواہش اسے امیر نہیں بناتی۔ اور نجات پانے کی خواہش خود آپ کو نہیں بچا سکتی۔ صحت کی خواہش بیمار آدمی کو شفا نہیں دیتی، حالانکہ یہ اسے اپنی دوا لینے پر مجبور کر سکتی ہے۔ اور آپ کی نجات کی خواہش آپ کو نہیں بچا سکتی۔ آپ کو اس سے آگے بڑھ کر عظیم طبیب، مسیح بخود کے پاس آنا چاہیے!

دیکھو، پانی ہاجرہ کے قدموں میں تھا، اس کے بالکل قریب تھا۔ وہ اس کی پیاسی ہے، وہ اسے حاصل کرنے کے لیے تیار ہے، وہ جانتی ہے کہ وہ اس کے بغیر نہیں رہ سکتی۔ اور پھر بھی وہ پانی کی کمی کی وجہ سے مر جائے گی جب تک کہ کوئی اور کام نہ کیا جائے، جو پہلے نہیں کیا گیا تھا۔

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

II۔ دوسری بات، ھاجرہ کے لیے رحمت تیار کی گئی تھی۔

ہم دیکھتے ہیں کہ ہاجرہ کے لیے رحمت تیار کی گئی تھی، اور یہ ان لوگوں کے لیے تیار کی گئی ہے جو اس کی مانند ہیں۔ وہاں پانی تھا۔ اس نے سوچا کہ اس ویرانے میں پانی کا ایک قطرہ نہیں ہے، لیکن پانی وہاں تھا۔ اگر آپ کا ضمیر آپ کے گناہ پر پریشان ہے، تو مسیح میں معافی ہے۔ رحمت آپ کے لیے اب ہے، اگر آپ یسوع پر بھروسہ کرتے ہیں۔ ہاجرہ کی پیاس بجھانے کے لیے پانی کو کوئی نئی چیز نہیں بنایا گیا تھا۔ یہ وہاں پہلے سے موجود تھا۔ اگر وہ اسے دیکھ لیتی تو شاید وہ اسے پہلے ہی مل جاتا، لیکن وہ اسے نہیں دیکھ سکی۔ رحمت ہے، آپ کے لیے رحمت ہے۔ جو کمی ہے وہ یہ ہے کہ آپ اسے دیکھیں۔ اگر آپ نے اسے دیکھا ہوتا تو آپ اتنی دیر تک مایوسی، شک اور خوف میں مبتلا نہ ہوتے۔ مسیح میں معافی ہے، اور آپ اسے ضرور حاصل کریں گے۔ مجھے امید ہے کہ آپ اسے اب حاصل کر لیں گے!

پانی ہاجرہ کے لیے قریب ہی تھا۔ اور اسی طرح آج رات مسیح آپ کے قریب ہی ہے۔ یہ مت سوچیں کہ آسمان میں مسیح آپ کی پہنچ سے باہر ہے، اور اس نے اپنے پیچھے کوئی رحمت نہیں چھوڑی ہے! وہ آپ کے قریب ہے۔ روح القدس اسے قریب لاتا ہے۔ وہ اب روح میں اتنا ہی قریب ہے جتنا وہ شاگردوں سے تھا جیسا کہ اس نے اماؤس میں ان سے بات کی تھی۔ لیکن وہ اُس کو نہیں جانتے تھے جب تک کہ خُدا کی طرف سے اُن کی آنکھیں نہ کھلیں۔

’’اور اُن کی آنکھیں کُھل گئیں اور اُنہوں نے اُسے پہچان لیا‘‘ (لوقا 24: 31)۔

بالکل اِس ہی طرح، کنویں کا پانی بھی ہاجرہ کے بالکل ہی قریب تھا، لیکن وہ اُسے اُس وقت تک نہ دیکھ سکی تھی جب تک کہ اُس کی آنکھیں کھول نہ دیں گئیں۔

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

خُدا کی روح کے وسیلے سے، یسوع قریب ہی ہے۔ نجات دہندہ پہلے ہی یہاں ہے، اور آپ کی نجات ختم ہو چکی ہے۔ لیکن آپ کو مسیح کو ایمان سے دیکھنا چاہیے اور تب آپ کو خوشی اور سکون ملے گا۔

ہاجرہ کے کیس میں پانی نہ صرف قریب تھا بلکہ اسے حاصل کرنا بھی آسان تھا۔ اس نے بس بوتل لی اور اسے بھرا، اور اپنے بچے کو پینے کے لیے دیا۔ اگر آپ گنہگار ہیں تو رحمت آپ کی دسترس میں ہے۔ مسیح پر بھروسہ کرنا انسانی دل کے آسان ترین کاموں میں سے ایک ہے۔ یسوع پر بھروسہ کرنا روح کے ساتھ اس کی جانب جھکنا ہوتا ہے، جس طرح میں اپنے جسم کو اس منبر سے جھکا رہا ہوں۔ اسے نہ سیکھنے کی ضرورت ہے، نہ پچھلی تعلیم کی، نہ کسی تناؤ یا ذہنی کوشش کی ضرورت ہے۔ خُداوند یسوع کا یہ سادہ بھروسہ یسوع مسیح کی طاقت کے ذریعے نجات دلاتا ہے۔ کوئی بھی بات ایسی نہیں جو ایمان سے پہلے چلی جائے اور ایمان حاصل کر چکنے کے بعد ملنے والی کوئی بھی چیز آپ کو نجات نہیں دلائے گی۔ صرف ایمان ہی بچانے والا فضل ہے۔ جس لمحے مرتے ہوئے چور نے مصلوب نجات دہندہ کی طرف دیکھا اور کہا، ’’خداوند، مجھے یاد رکھنا،‘‘ اُس نے ایسے ہی نجات پا لی تھی جیسے پولوس نے پائی تھی۔ آپ اس لمحے نجات پا جاتے ہیں جب آپ یسوع مسیح پر بھروسہ کرتے ہیں۔

جب میں نجات پا گیا تو میں نے سوچا، ’’میں کیسا احمق تھا کہ پہلے مسیح پر بھروسہ نہیں کرتا تھا!‘‘ میں نے سینکڑوں بار خوشخبری سنی ہو گی، لیکن مجھے سمجھ نہیں آئی۔ میں آنکھیں بند کیے ہاجرہ کی طرح تھا۔ مجھے ہر اتوار کو آپ کو بتانا ضروری ہے کہ یسوع پر بھروسہ کرنا ہی نجات پانے کا راستہ ہے۔ لیکن جب آپ یہ سینکڑوں بار سن چکے ہیں کہ آپ سمجھ نہیں پائیں گے کہ ہمارا کیا مطلب ہے، یا ایسا کریں، جب تک کہ خدا کی روح اس راز کو ظاہر نہ کرے۔ لیکن جب آپ یسوع پر بھروسہ کرتے ہیں، تو آپ اپنے آپ سے کہیں گے، ’’یہ کیسے ہو سکتا ہے؟ میرے قدموں میں پانی کی لہروں سے مجھے پیاس لگ رہی تھی۔ میں بھوک سے مر رہا تھا، اور کھانا میرے سامنے میز پر پڑا تھا۔ میں بچائے جانے کی فکر کر رہا تھا، لیکن یسوع میرے سامنے اپنی بانہیں پھیلائے کھڑا تھا۔‘‘ اگر خُدا کا روح آج رات آپ کو یہ سمجھنے کے قابل بناتا ہے کہ مسیح پر بھروسہ کرنا کیا ہے، تو میں دعا کرتا ہوں کہ آپ اُس کی اطاعت کریں گے، یسوع پر بھروسہ کریں گے اور اُس کے خون سے دُھل کر پاک صاف ہو جائیں گے۔ خود کا بھروسہ یسوع پر رکھیں اور وہ آپ کو نجات دلائے گا۔ اُس نے کبھی کسی قابل اعتماد شخص سے انکار نہیں کیا۔ میں کہتا ہوں، ’’مسیح پر بھروسہ رکھیں، اور وہ آپ کو بچا لے گا۔‘‘ میں اسے اور بھی واضح کر دوں گا: ’’مسیح پر بھروسہ کریں، آپ نجات پا گئے ہیں۔‘‘ جس لمحے آپ خدا کے بیٹے پر بھروسہ کرتے ہیں، خدا کی کتاب میں آپ کے خلاف کوئی گناہ باقی نہیں رہتا۔

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

III۔ تیسری بات، راہ میں ایک رکاوٹ تھی کیونکہ وہ پانی نہ دیکھ پائی تھی۔

ہاجرہ کی آنکھیں بالکل اچھی تھیں، لیکن وہ پانی نہیں دیکھ سکتی تھی۔ ہو سکتا ہے آپ کا دماغ بہت اچھا ہو اور پھر بھی اس سادہ سی بات کو نہ سمجھیں – خداوند یسوع مسیح پر ایمان۔ آپ ایک قسم کے کہرے کا شکار ہیں جو آپ کی بصارت پر بادل ڈالتا ہے اور آپ کو صحیح جگہ پر دیکھنے سے روکتا ہے۔

[ڈاکٹر ہائیمرز کی غور طلب بات: میں ہر روز بیس منٹ یا اس سے زیادہ تیراکی کرتا ہوں۔ کلورین کو اپنی آنکھوں سے دور رکھنے کے لیے میں پرانے چشموں کا ایک جوڑا پہنتا ہوں۔ میں اپنے جم میں اولمپک سائز کے پول میں تیراکی کرتا ہوں۔ ہر تنگ راستے کو نشان زدہ کرنے کے لیے پول کے نیچے ایک سیاہ لکیر ہے۔ آپ کو اس کالی لکیر کو دیکھنے کے قابل ہونا پڑے گا۔ میرے چشمے اتنے پرانے ہو گئے تھے کہ میں مزید لائن نہیں دیکھ سکتا تھا۔ ایک دوست نے مجھے صابن سے دھونے کو کہا۔ میں نے انہیں صابن سے دھویا، اور اب میں دوبارہ لائن دیکھ سکتا ہوں۔ جب خُدا آپ کی آنکھیں کھولے گا تو آپ خُداوند یسوع مسیح کو ایمان سے دیکھیں گے۔]

یسوع پر سادہ اعتماد میں یہ مشکل ہے – کہ یہ مشکل نہیں ہے۔ لہٰذا انسانی ذہن یہ ماننے سے انکاری ہے کہ اسے اتنے آسان طریقے سے بچایا جا سکتا ہے۔ یہ کیسا اندھا پن ہے! کس قدر بے وقوفانہ اور اتنا مہلک!

آپ میں سے اکثر کے نجات نہ پانے کی بنیادی وجہ یہ ہے کہ آپ اس سے زیادہ کی تلاش میں ہیں جو آپ کو ملے گا۔ اس طرح، آپ کی آنکھیں تصورات سے چمک رہی ہیں. مجھے لگتا ہے کہ آپ میں سے کچھ توقع کرتے ہیں کہ آپ کو بجلی کا جھٹکا لگے گا، یا اول درجے کا خوفناک انسانی دیوانہ پن۔ آپ کو ایک خیال ہے کہ دوبارہ پیدا ہونا تھرتھری پیدا کر دینے والی چیز ہے، یا ہڈیوں کا کپکپانا ہے – ایک ناقابل بیان احساس۔ لیکن نئے سرے سے پیدا ہونے میں توہم پرستی کا خاتمہ اور جذبات سے جینا شامل ہے، اور آپ کو سادہ اور واضح سچائی کی دنیا میں لے آتا ہے۔

’’جو اُس [بیٹے] پر ایمان لاتا ہے اُس پر سزا کا حکم نہیں ہوتا‘‘ (یوحنا 3: 18)۔

ایک بار پھر، مجھے ڈر ہے کہ کچھ لوگ، اپنے پیروں میں پڑے پانی کے ساتھ، مبلغین کی طرف سے دی جانے والی غلط ہدایات کی وجہ سے اسے پی ہی نہ لیں۔ [ہمارے زمانے میں] جب ایک پادری اپنا واعظ بند کرتا ہے، تو وہ اکثر کہتا ہے، ’’اگر آپ نجات پانا چاہتے ہیں تو آگے آئیں اور دعا کریں۔‘‘ یہ بری نصیحت ہے۔ [سپرجیئن کے زمانے میں، انہوں نے کہا، ’’گھر جاؤ اور دعا کرو‘‘۔ ہمارے زمانے میں، وہ کہتے ہیں، ’’آگے آئیں اور دعا کریں۔‘‘] دعا کرنا اچھا ہے، لیکن دعا آپ کو نجات نہیں دلائے گی۔ [رومیوں 10: 13 آج کل عام طور پر غلط استعمال کی جاتی ہے۔ اس غلطی کی وجہ سے لاکھوں لوگ جہنم میں ہوں گے۔ جو شخص خُداوند کا نام پکارتا ہے اُسے پہلے ہی یسوع پر ایمان لا کر نجات ملنی چاہیے، اس سے پہلے کہ وہ دعا کرے، رومیوں 10: 14؛ ان آیات پر ڈاکٹر جان آر رائس کے تبصرے ان کے کتابچے’’مجھے نجات پانے کے لیے کیا کرنا چاہیے؟‘‘ میں دیکھیں]۔ دعا نے خود ہی کبھی کسی کو نجات نہیں دلائی۔ لاکھوں لوگ جہنم میں ہوں گے کیونکہ انہوں نے اس حقیقت پر بھروسہ کیا اور انحصار کیا کہ انہوں نے گنہگار کی دعا مانگی، یا ’’خداوند کے نام سے پکارا‘‘۔ کیسا ایک فریب! آپ کو یہ نہیں کہا جانا چاہیے کہ آپ آگے آئیں اور دعا کریں۔ آپ کو یسوع پر بھروسہ کرنے کے لیے کہا جانا چاہیے!

یہ دعا نہیں ہے، بلکہ یسوع پر ایمان لانا ہے، جو بندے کو نجات دلاتا ہے! یہ صرف خُداوند یسوع مسیح پر انحصار ہے جو حقیقی اہم عمل ہے جس کے ذریعے روح کو ابدی زندگی کے لیے زندہ کیا جاتا ہے۔

اب، میں آپ سے یہ نہیں کہتا، ’’جب تک آپ گھر نہ پہنچ جائیں ٹھہر جائیں‘‘ – ہو سکتا ہے کہ آپ زندہ کبھی گھر نہ پہنچ جائیں۔ میں آپ سے یہ کہنے کی ہمت نہیں کرتا، ’’انتظار کرو جب تک کہ آپ توبہ کرنے والے دل کو محسوس نہ کریں‘‘ – آپ ابھی مر سکتے ہیں، اس سے پہلے کہ آپ کا دل توبہ کی حالت میں پہنچے۔ لیکن میں آپ سے کہتا ہوں کہ اگر ابھی، ہاجرہ کی طرح آپ بھوکے اور پیاسے ہیں تو نجات آپ کی پہنچ میں ہے۔ یسوع مسیح پر بھروسہ کریں، اور اس کا خون اور راستبازی آپ کی ہے۔

اگر آپ مسیح پر بھروسہ کرتے ہیں اور امن اور معافی نہیں پاتے ہیں، تو میں جس خوشخبری کی تبلیغ کرتا ہوں وہ جھوٹ ہے، اور میں اسے ترک کر دوں گا۔ لیکن پھر بائبل بھی جھوٹی ہوگی، کیونکہ اس کتاب سے میرا پیغام آتا ہے۔ یہ وہ خوشخبری ہے جو ہم نے حاصل کی ہے، اور جس کی تبلیغ کے لیے مسیح نے ہمیں بھیجا ہے – کہ جو کوئی اس پر ایمان لاتا ہے اس کی سزا کا حکم نہیں ہوتا۔

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

IV۔ چوتھی بات، اِلہٰی طور پر رکاوٹ کا ہٹایا جانا۔

ہاجرہ کا اندھا پن خدا نے دور کر دیا تھا۔ کوئی اور اسے ہٹا نہیں سکتا تھا۔ خُدا کو ایک آدمی کی آنکھیں کھولنی چاہئیں کہ مسیح میں واقعی اعتقاد کیا ہوتا ہے۔ وہ سادہ سچائی – یسوع مسیح پر بھروسہ کرنے سے نجات – اب بھی اس وقت تک دیکھنا بہت مشکل ہے جب تک کہ خدا کی طاقت کو دل میں آنے پر مجبور نہیں کیا جاتا۔

’’اور خدا نے اُس کی آنکھیں کھول دیں اور اُس نے پانی کا ایک کنواں دیکھا‘‘ (پیدائش21: 19)۔

’’اور اُن کی آنکھیں کُھل گئیں اور اُنہوں نے اُسے پہچان لیا‘‘ (لوقا 24: 31)۔

بہت سے لوگ فضل کے ثبوت کو دیکھنے کے لئے اپنے اندر تلاش کر رہے ہوتے ہیں جب کہ ان کی پریشانی کو ہی کافی ثبوت ہونا چاہئے۔ میں امید کرتا ہوں کہ آپ میں سے بہت سے لوگ ایسے ہیں جو جانے بغیر نجات کے کنارے پر ہیں۔ آپ کا دل مہینوں سے، اور شاید برسوں سے ایک الہی خواہش سے چمک رہا ہے، اور پھر آخر کار ایک لمحے میں حتمی حرکت ہو جاتی ہے، اور آپ مسیح کی طرف دیکھتے ہیں اور اُس پر بھروسہ کر کے نجات پاتے ہیں۔ آج کی رات ایسی ہی ہو جائے۔ آپ میں بہت زیادہ تیاری کا کام کیا گیا ہے، کیونکہ آپ کو نجات دہندہ کی چاہت کے لیے لایا گیا ہے۔ آپ اُس کے ذریعے نجات پانے کی خواہش رکھتے ہیں۔ وہ وہاں ہے – اسے اپنا لیں! اپنا بنا لیں اُسے! پانی کا کنواں آپ کے سامنے ہے۔ اسے پی لیں! پہلے اپنے منہ کو دھونے یا کپڑے تبدیل کرنے کی ضرورت نہیں ہے۔ اسے ایک دم پی لیں۔ یسوع کے پاس آئیں جس بھی حالت میں آپ آج شام ہیں!

اگر آپ اس بارے میں مجھ سے بات کرنا چاہتے ہیں، تو براہ کرم کمرے کے پچھلے حصے کی طرف بڑھیں جب کہ ہم گانے کے ورق پر سے آخری گانا گاتے ہیں۔ ہمارے گیت کا پہلا بند گانے کے بعد کمرے کے پچھلے حصے کی طرف قدم بڑھائیں۔ آئیے کھڑے ہو کر اسے گائیں۔

آؤ، اے گنہگارو، غریب اور خستہ حال،
   کمزور اور زخمی، بیمار اور دُکھی،
یسوع تمہیں بچانے کے لیے تیار کھڑا ہے،
   ہمدرردی، محبت اور قوت سے بھرپور،
وہ لائق ہے، وہ لائق ہے، وہ تیار ہے،
   مذید اور شک مت کرو۔
وہ لائق ہے، وہ لائق ہے، وہ رضامند ہے،
   مذید اور شک مت کرو۔
(’’آؤ اے گنہگارو، غریب اور بدبختوCome, Ye Sinners, Poor and Wretched‘‘ شاعر جوزف ہارٹJoseph Hart، 1712-1768)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔