سوالوں کا یسوع جواب نہیں دے گا

مسیح کی زمینی مُنادی کا ریکارڈ ہمیں چار انجیلوں میں دیا گیا ہے۔ ہمیں وہ سب کچھ نہیں بتایا گیا جو اُس نے کہا یا کیا، کیونکہ اگر سب کچھ ریکارڈ کر لیا جائے، تو ’’میرا خیال ہے کہ خود دنیا میں بھی وہ کتابیں شامل نہیں ہو سکتی جو لکھی جانی چاہئیں‘‘ (یوحنا 21: 25)۔ ان مثالوں اور الفاظ کو جو چار انجیلوں میں درج ہیں روح القدس کے ذریعہ منتخب کیا گیا تھا جب اس نے انجیل کے مصنفین کو الہامی تلاوت لکھنے کے لئے رہنمائی کی۔ مختلف اعمال اور الفاظ ایک وجہ کے لیے مسیح کی منادی سے منتخب کیے گئے تھے۔ مثال کے طور پر، لوقا ہمیں بتاتا ہے کہ اُس کی خوشخبری لکھی گئی تھی ’’تاکہ تم اُن باتوں کی یقین جانو، جن کی تمہیں ہدایت ملی ہے‘‘ (لوقا 1: 4)۔ انجیل کا مقصد بنیادی طور پر ہمیں وہ بتانا ہے جو ہمیں یسوع کے بارے میں جاننے کی ضرورت ہے اور اس نے کیا سکھایا۔ لہٰذا انجیلیں دینے کی بنیادی وجہ ہمیں مسیح کے بارے میں سکھانا ہے، نہ کہ صرف تاریخی حساب دینا۔

یہ ضروری ہے۔ اور یہ اسی مقام پر ہے کہ مسیح کی زندگی کے ہالی ووڈ ورژن ناکام ہو جاتے ہیں۔ وہ مسیح کی زندگی کو تاریخ کے طور پر پیش کرتے ہیں، اس کی کہانی جو یسوع نے کہا اور بہت پہلے کیا تھا۔ لیکن یہ انجیل لکھنے والوں کا مقصد نہیں ہے۔ جو کچھ لوقا نے یہاں لکھا ہے وہ ہمیں دیا گیا تھا تاکہ ہمیں ’’ہدایت‘‘ یا ’’تعلیم‘‘ دی جا سکے جیسا کہ ہمیں لوقا 1: 4 میں بتایا گیا ہےکہ انجیل کے واقعات خُدا کی طرف سے، مصنفین کے ذریعے، ہمیں وہ چیزیں سکھانے کے لیے دی گئی تھیں جن کی ہمیں مسیح کے بارے میں جاننے کی ضرورت ہے۔

اور ہمیں یہ نہیں سوچنا چاہیے کہ جس مسیح کے بارے میں ہم انجیل میں سیکھتے ہیں وہ اب مختلف ہے جب کہ وہ واپس آسمان پر چلا گیا ہے۔ وہ ’’کل، آج، اور ابد تک ایک ہی ہے‘‘ (عبرانیوں 13: 8)۔ اُس کے اُوپر جانے پر، فرشتوں نے اُسے ’’وہی یسوع کہا، جو آسمان پر آپ کے پاس سے اُٹھایا گیا ہے‘‘ (اعمال 1: 11)۔ لہذا، یسوع آج وہی ہے جیسا کہ وہ انجیل میں تھا جو لوقا نے لکھا تھا۔ وہ ہمارے ساتھ ویسا ہی رد عمل ظاہر کرتا ہے جیسا کہ اس نے تب کیا تھا۔ وہ اب ہم سے وہی باتیں کہتا ہے جو اس نے تب کہی تھی۔

یہ بات مسیح کی زندگی میں اس واقعہ کو ہم سب کے لیے بہت اہم بناتی ہے جو آج رات یہاں موجود ہیں۔ مسیح یروشلم کے راستے میں گاؤں سے گزر رہا تھا۔ لوگ اُس کے کہے کو سننے کے لیے جمع ہوتے ہیں۔ ان میں سے ایک گاؤں میں بھیڑ میں سے ایک آدمی نے اس سے سوال کیا۔ اور مسیح نے کیا کیا (جب سوال پوچھا گیا) آج ہمارے لیے بہت اہم ہے، کیونکہ وہ اُسی طرح جواب دیتا ہے جیسا کہ اُس وقت دیا تھا۔

آدمی اس سے پوچھتا ہے، ’’خداوند، کیا نجات پانے والے تھوڑے ہیں؟‘‘ اور یسوع نے اسے جواب دینے سے انکار کر دیا۔ آدمی ایک سوال پوچھتا ہے، لیکن اسے مسیح کی طرف سے کوئی جواب نہیں ملتا ہے۔ اس کے بجائے، مسیح ہجوم کی طرف متوجہ ہوتا ہے اور ان سے ایک مختلف نقطہ پر بات کرتا ہے۔ اور مجھے یقین ہے کہ یہ بات ہمیں ایک بہت اہم چیز دکھاتی ہے، جو آپ کو جاننے کی ضرورت ہے۔

I۔ پہلی بات، تلاوت ہم پر نجات تلاش کرنے کے غلط طریقے کو ظاہر کرتی ہے۔

یہ واعظ اُس واعط میں سے اخذ کیا گیا ہے جس کی تبلیغ لندن میں ویسٹ منسٹر چیپل کے مرحوم ڈاکٹر مارٹن لائیڈ جونز نے کی تھی۔ مجھے معلوم ہوا کہ ڈاکٹر لائیڈ جونز کے واعظ میں کئی نکات تھے جو میتھیو ہنری کی تفسیر میں بھی سامنے آئے تھے۔ لہذا، ان ذرائع کو استعمال کرتے ہوئے، میں آج آپ کو یہ واعظ پیش کر رہا ہوں۔

سب سے پہلے، ہم نجات حاصل کرنے کا غلط طریقہ سیکھتے ہیں۔ اُس آدمی نے اُس [یسوع] سے پوچھا، ’’خُداوند، کیا نجات پانے والے تھوڑے ہیں؟‘‘ یہ ایک معصوم سوال لگتا ہے۔ لیکن مسیح نے اسے رد کیا۔ اس نے آدمی کو جواب دینے سے انکار کر دیا۔ کیوں؟ کیوں مسیح اس کے سوال کو رد کرے گا اور اس کے بجائے ہجوم کی طرف متوجہ ہو کر ان سے ایک اور بات پر بات کرے گا؟

شاید اس کی وجہ یہ تھی کہ آدمی کا سوال تنقیدی تھا یا غلطی کا پتہ لگا رہا تھا، ’’کیا کچھ ایسے ہیں جو نجات پا جائیں؟‘‘ اُس نے مسیح سے سوال پوچھا، شاید، اُسے پھنسانے کے لیے، اُسے فریب دینے کے لیے۔ اگر مسیح نے کہا کہ بہت سے لوگ بچائے گئے ہیں، تو وہ اُن کے ساتھ بہت زیادہ گھلنے ملنے اور نجات کو بہت عام سا بنانے کے لیے اُس [یسوع] میں نقص کرتے۔ اگر اُس نے کہا کہ صرف چند ہی بچائے جائیں گے، تو وہ بہت سخت اور بہت تنگ ہونے کی وجہ سے اُس میں غلطی تلاش کر سکتے ہیں۔

شاید یہ صرف ایک سوال تھا جو تجسس کی وجہ سے دیا گیا تھا، ’’خداوند، کیا نجات پانے والے چند ہیں؟‘‘ ’’میں اس کے بارے میں متجسس ہوں۔ مجھے بتائیں کہ آپ اس کے بارے میں کیا سوچتے ہیں؟‘‘ وہ شخص شاید اپنے دوستوں سے اس بارے میں بات کر رہا تھا۔ وہ حیران تھے کہ کتنے نجات پا جائیں گے، اور انہوں نے فیصلہ کیا کہ اس آدمی کو مسیح سے اس کے بارے میں پوچھنا چاہیے تاکہ یہ معلوم کیا جا سکے کہ وہ اس موضوع پر کیا سوچتا ہے۔

میرے خیال میں اس کے سوال میں ان دونوں وجوہات میں سے تھوڑی بہت ہو سکتی ہیں – تھوڑی سی تنقید اور تھوڑا سا تجسس۔ کیا آج کل لوگ اس طرح کے سوال نہیں پوچھتے؟ آپ نے لوگوں کو اس طرح کے سوالات کرتے سنا ہے، ہے نا؟ ’’آپ مسیحیوں کا کیا خیال ہے؟ کیا آپ کو لگتا ہے کہ زیادہ تر لوگ جہنم میں جا رہے ہیں؟ کیا آپ کے خیال میں خدا اتنا ظالم ہے کہ وہ درحقیقت زیادہ تر لوگوں کو جہنم میں بھیجے گا اور ان میں سے صرف چند کو بچا لے گا؟ کیا آپ نے ایسے سوالات نہیں سنے؟

میں دوسرے دن جیکوزی میں اپنے جمنازیم میں تھا اور ایک عورت جو یہوواہ کی گواہ [کی تنظیم سے] ہے گرم پانی میں خود کو بھگو رہی تھی، اور ہم میں سے باقی لوگوں کو اپنی مذہبی رائے میں ’’جگتی‘‘ بنا رہی تھی۔ حمام میں موجود لوگوں میں سے ایک نے اسے بتایا کہ میں بپتسمہ دینے والا پادری ہوں۔ یہوواہ کی گواہ [مشن والی] عورت میری طرف متوجہ ہوئی اور مجھ سے وہی سوالات پوچھے جو اس آدمی نے مسیح کے بارے میں پوچھے تھے۔ اس کے سوالات میں تنقید اور تجسس تھا۔ ’’کیا آپ کو لگتا ہے کہ خدا زیادہ تر لوگوں کو جہنم میں بھیجے گا؟ کیا آپ کو لگتا ہے کہ صرف چند ہی بچیں گے؟‘‘ اس نے پوچھا. میں نے اسے کوئی جواب نہیں دیا۔ میں نے بالکل وہی کیا جو اس موقع پر مسیح نے کیا تھا۔ میں نے اس سے منہ موڑ لیا اور اس آدمی سے کہا جس نے اسے بتایا کہ میں ایک پادری ہوں، ’’یسوع نے کہا، ’تمہیں دوبارہ پیدا ہونا چاہیے‘‘ (یوحنا 3: 7)۔ پھر میں نے گرم جکوزی کو چھوڑا اور چند چکر تیرنے کے لیے سوئمنگ پول میں چھلانگ لگا دی۔ اور پھر میں چلا گیا اور خود کو خشک کیا اور جم چھوڑ دیا۔ میں نے اس کے متجسس سوال کا جواب نہیں دیا – اور نہ ہی مسیح نے اس آدمی کا جواب دیا، جیسا کہ ہم تلاوت میں دیکھتے ہیں۔

’’خاموش رہنے کا ایک وقت ہے اور بولنے کا ایک وقت ہے‘‘ (واعظ 3: 7)۔ نوجوان لوگو، اگر آپ مسیحی ہیں، تو ہر احمقانہ، متجسس سوال کا جواب نہ دیں جو لوگ آپ سے نجات کے بارے میں پوچھتے ہیں۔ ان میں سے بہت سے کسی بھی جواب کے مستحق نہیں ہیں۔ یسوع نے کہا،

’’جو مقدس ہے وہ کتوں کو نہ دو، نہ اپنے موتی سؤروں کے آگے ڈالو، ایسا نہ ہو کہ وہ انہیں اپنے پیروں تلے روندیں اور پھر مڑ کر تمہیں پھاڑ کھائیں‘‘ (متی 7: 6)۔

جو شخص اکیلے تجسس میں آکر سوال کرتا ہے اسے جواب نہیں ملنا چاہیے۔ جب میں دیکھتا ہوں کہ لوگ اس حالت میں ہیں، جب وہ تبلیغ کے بعد میرے دفتر میں مجھ سے بات کرنے آتے ہیں، تو میں عام طور پر انہیں جواب نہیں دیتا، یا صرف مختصر جواب دیتا ہوں۔ میں عام طور پر انہیں جاتے ہوئے راہ یا سفر میں پڑھنے کے لیے کچھ دیتا ہوں۔ میں نے گزشتہ برسوں میں پایا ہے کہ اگر وہ محض متجسس ہیں تو طویل جوابات دینا، یہ ان لوگوں کی مدد نہیں کرتا جو بیدار نہیں ہوئے ہیں، اگر وہ نجات کے بعد سنجیدہ استفسار کرنے والے نہیں ہیں۔

یہ نجات تلاش کرنے کا غلط طریقہ ہے – محض تجسس کی وجہ سے سوال کرنا۔ مسیح نے ہیرودیس کو جواب نہیں دیا۔ اس نے پیلاطس کو کوئی جواب نہیں دیا۔ اس نے فریسیوں کے بہت سے سوالوں کا جواب نہیں دیا۔ اگر آپ محض یہ جاننا چاہتے ہیں کہ مسیحی تجسس کی وجہ سے کیا مانتے ہیں، تو ہمیں آپ پر زیادہ وقت ضائع نہیں کرنا چاہیے۔ ہمیں آپ کو ڈاکٹر جان آر رائس، یا کسی اور مصنف کا ایک مختصر سی کتاب یا کتابچہ دینا چاہیے، جیسے کہ آنے والی عدالت، یا جہنم، اور آپ کو جانے دیں۔

وہ جو متجسس ہوتے ہیں اُنہیں نجات نہیں ملتی۔ مشرقی لوگ جو ہمارے گرجہ گھر میں آتے ہیں ایسے ہی ہوتے ہیں۔ وہ اکثر کہتے ہیں، ’’میں ابھی مزید سیکھنے آیا ہوں۔‘‘ وہ اُس آدمی کی طرح ہوتے ہیں، جو سیکھنا چاہتا تھا کہ مسیح کیا کہنا چاہتا ہے۔ لیکن جو لوگ ایسا کرتے ہیں وہ تقریباً کبھی بھی نجات نہیں پاتے۔ کیوں؟ کیونکہ وہ ’’ہمیشہ سیکھتے رہتے ہیں، اور کبھی بھی سچائی کے علم تک نہیں پہنچ سکتے‘‘ (2۔ تیمتھیس 3: 7)۔

اس گرجہ گھر میں پرورش پانے والے بہت سے نوجوان ایسے ہی ہیں۔ وہ عبادت کے بعد میرے دفتر میں مجھ سے ملنے آتے ہیں تاکہ یہ دیکھیں کہ میں انہیں نجات کے موضوع کے بارے میں کیا سکھا سکتا ہوں۔ وہ یہ جاننے کے لیے متجسس ہیں کہ میرا جواب کیا ہو گا۔ وہ نجات کے بارے میں کچھ نیا سیکھنا چاہتے ہیں۔ لیکن یہ غلط طریقہ ہے۔ اور آپ کو کوئی جواب نہیں ملے گا۔

مسیح نے اس آدمی کے سوال کا جواب نہیں دیا کیونکہ یہ صرف نظریاتی تھا، نظریے کے بارے میں ایک سوال۔ یہ سوال دوسرے لوگوں کے بارے میں بھی تھا۔ ’’خداوند، کیا بچائے جانے والے تھوڑے ہیں؟‘‘ یہ قید خانے کے نگران کے سوال سے کتنا مختلف ہے، ’’جناب، مجھے نجات پانے کے لیے کیا کرنا چاہیے؟‘‘ (اعمال 16: 30)۔ اگر آپ عقائد اور نظریات سننا چاہتے ہیں تو یہوواہ کے گواہوں، مورمنز، یا پینٹی کوسٹلز کے پاس جائیں۔ وہ آپ کے ذہن کو نظریات اور جوابات اور افسانوں سے بھر دیں گے۔ لیکن اگر آپ اپنی خود کی نجات کے بارے میں فکر مند ہیں، تو اپنی کھوئی ہوئی حالت کے بارے میں سوالات کے ساتھ آئیں، اور پھر ان جوابات کو سنیں جو ایک بائبل پر یقین رکھنے والا بپتسمہ دینے والا مبلغ آپ کو دیتا ہے۔ اپنی خود کی نجات تلاش کریں، نہ کہ صرف کسی نظریاتی سوال کا جواب۔ یہ نجات کی تلاش کا غلط طریقہ ہے۔

پھر، شیطان یہیں ہے. جی ہاں، شیطان اس واقعہ میں ہے، جو ہماری تلاوت میں دیا گیا ہے۔ ’’شیطان کہاں ہے؟‘‘ آپ کہتے ہیں۔ جہاں وہ ہمیشہ پردے کے پیچھے ہوتا ہے۔ ’’پھر ایک نے اُس سے کہا، خُداوند، کیا بچائے جانے والے تھوڑے ہیں؟‘‘ ابلیس تلاوت میں کھلے عام موجود نہیں ہے، لیکن آپ اسے پردے کے پیچھے سے آدمی کی تربیت کرتے ہوئے دیکھ سکتے ہیں۔

میرے مسیح میں ایمان لا کر تبدیل ہونے سے پہلے جب میں ایک نوجوان تھا، میں نے بہت سے ڈراموں میں اداکاری کی تھی۔ ہمارے پاس ہمیشہ پردے کے پیچھے ایک ’’پرامپٹر[بھولنے پر یاد دلانے والا]‘‘ ہوتا تھا، اگر اسٹیج پر موجود کوئی بھول جائے تو کیا کہنا ہے۔ یہ شیطان کے کام کرنے کا طریقہ ہے۔ وہ ’’ان کی عقلوں کو جو ایمان نہیں لاتے‘‘ اندھا کر دیتا ہے (2۔ کرنتھیوں 4: 4)۔ وہ اپنے اداکاروں کو ’’سچائی کیا ہے؟‘‘ جیسی سطریں کہنے کے لیے ’’آمادہ‘‘ کرتا ہے، جیسا کہ پیلاطس نے کیا تھا، اور پھر جواب کا انتظار نہیں کیا (حوالہ دیکھیں یوحنا 18: 38)۔ شیطان ان واعظوں کے الفاظ کو جو آپ سنتے ہیں آپ کے دلوں سے نکال لیتا ہے، تاکہ واعظ آپ کی مدد نہ کریں، اور آپ کے پاس صرف متجسس سوالات رہ جاتے ہیں جن کا آپ کی جان کی نجات سے کوئی تعلق نہیں ہے (حوالہ دیکھیں لوقا 8: 12) )۔ اگر آپ شیطان کے ’’اشاروں‘‘ پر عمل کرتے ہیں، تو آپ بہت سے سوالات پوچھیں گے، لیکن آپ کبھی مسیح میں ایمان لا کر تبدیل نہیں ہوں گے۔ یہ درج نہیں ہے کہ یہ سوال کرنے والا شخص کبھی نجات بھی پا گیا، حالانکہ نجات دہندہ اس کے بالکل سامنے کھڑا تھا۔ اور آپ کو کبھی بھی نجات نہیں ملے گی اگر آپ سوال پوچھتے رہیں لیکن مسیح میں ایمان لا کر تبدیل ہونے میں سنجیدہ نہیں ہیں۔

بات یہ نہیں ہے، ’’خُداوند، کیا بچائے جانے والے تھوڑے ہیں؟‘‘ جیسے [سوالات] آپ کو پوچھنا چاہئے. آپ کو پوچھنا چاہئے، ’’میرے بارے میں کیا؟ میرے گناہوں کا کیا ہوگا؟ میں اپنے گناہوں سے کیسے چھٹکارا پا سکتا ہوں؟ میں کیسے نجات پا سکتا ہوں؟‘‘

II۔ دوسری بات، تلاوت ہم پر نجات تلاش کرنے کا درست طریقہ ظاہر کرتی ہے۔

’’پھر ایک نے اُس سے کہا، اے خُداوند، کیا نجات پانے والے تھوڑے ہیں؟ اور اُس نے اُن سے کہا، تنگ دروازے سے اندر داخل ہونے کی کوشش کرو کیونکہ میں تم سے کہتا ہوں کہ بہت سے لوگ اندر داخل ہونے کی کوشش کریں گے اور نہ کر پائیں گے‘‘ (لوقا 13: 23-24)۔

مسیح نے آدمی کے سوال کو رد کر دیا۔ اس کے بجائے، وہ بھیڑ کی طرف متوجہ ہوا اور ان سے بات کی۔ آج ہمیں اس واقعے سے بہت کچھ سیکھنے کو ملتا ہے۔

پہلی بات، واعظ کو کیوں نہیں سنتے؟ جو واعظ آپ اس گرجہ گھر میں سنتے ہیں وہ آپ کی نجات سے متعلق ہیں۔ ان پر توجہ کیوں نہیں دیتے اور جب آپ گھر جاتے ہیں تو واعظ کے بارے میں سوچتے ہیں؟ کیوں نہ مُختَصِر اِطلاع نامَہ لے لیں جس میں واعظ کا خاکہ موجود ہے، اور ہفتے کے دوران گھر میں اس پر غور کریں؟ کلام پاک میں وہ دیکھیں جو مختصر اطلاع نامہ کے خاکے میں درج ہیں اور سوچیں کہ پادری صاحب نے کیا کہا۔ سب سے پہلا کام جو آپ کو کرنا چاہیے وہ ہے نجات پر واعظوں کو سنیں۔ لوقا 13: 22 ہمیں بتاتی ہے کہ مسیح اس آدمی کے گاؤں میں ’’تعلیم‘‘ دیتا رہا تھا۔ وہ ان واعظوں کے بارے میں سنجیدگی سے سوچنے کے بجائے ایک نظریاتی، مذہبی طور پر متجسس سوال کے ساتھ کیوں آیا تھا، جو اس نے پہلے ہی مسیح کو منادی کرتے ہوئے سنا تھا؟ اس کی نقل کرنے کے لئے انتہائی بیوقوف نہ بنیں۔ سوچیں! اس کے بارے میں سوچیں جو آپ نے تبلیغ میں سنا ہے۔

دوسری بات، ہم مسیح کے الفاظ کی طرف آتے ہیں، جو اُس نے اس آدمی کے سوال کا جواب دینے سے انکار کرنے کے بعد بھیڑ کو کہے،

’’تنگ دروازے سے اندر داخل ہونے کی کوشش کرو کیونکہ میں تم سے کہتا ہوں کہ بہت سے لوگ اندر داخل ہونے کی کوشش کریں گے اور نہ کر سکیں گے‘‘ (لوقا 13:24)۔

نجات پانے کا صحیح طریقہ یہ ہے کہ واعظوں کو بہت سنجیدگی سے سنیں، اور پھر مسیح میں نجات میں داخل ہونے کی کوشش کریں۔ آپ کو تنگ دروازے سے داخل ہونے کی کوشش کرنی چاہیے جو کہ مسیح ہے۔

مسیح کے پاس آنے والے آدمی نے پوچھا، ’’خداوند، کیا نجات پانے والے تھوڑے ہیں؟‘‘ نہیں! نہیں! یہ سب غلط ہے! اس بارے میں مت سوچیں کہ کتنے دوسرے لوگ بچائے جائیں گے – لیکن اس بارے میں سوچیں کہ کیا آپ نجات پا جائیں گے! اپنے آپ سے پوچھیں، ’’کیا میں بچ گیا ہوں؟‘‘ "کیا میں کبھی نجات پاؤں گا اگر میں اپنے اُسی راستے پر چلوں جس پر میں ہوں؟‘‘

بہت سے لوگ سوچتے ہیں کہ وہ پہلے ہی سے نجات پا چکے ہیں جو اس کے بارے میں تجرباتی طور پر کچھ نہیں جانتے ہیں۔ آپ سوچ سکتے ہیں کہ آپ جانتے ہیں کہ نجات پانے کا کیا مطلب ہے، لیکن آپ غلط ہو سکتے ہیں۔ نجات کیا ہے کے بارے میں آپ کا خیال درست نہیں ہو سکتا۔ آپ سوچ سکتے ہیں کہ آپ پہلے ہی سے نجات پا چکے ہیں، کیونکہ آپ پہلے ہی فیصلہ کر چکے ہیں کہ آپ جانتے ہیں کہ نجات پانے کا کیا مطلب ہے۔ ہو سکتا ہے کہ آپ اپنے ساتھ ایماندار نہ ہوں، اس لیے آپ کو لگتا ہے کہ جب آپ واقعی کھو جاتے یا گمراہ ہو جاتے ہیں تو آپ کو بچایا جاتا ہے۔ اگر آپ اپنی نجات کے بارے میں غلط تصورات کے ساتھ اپنی طرح چلتے ہیں، تو آپ ابدیت کے شعلوں میں سے گزاریں گے۔ جب آپ مر جائیں گے تو یسوع آپ سے کہے گا، ’’مجھ سے دور ہو جاؤ، تم لعنتی، ابدی آگ میں چلے جاؤ‘‘ (متی 25: 41)۔ آپ کو اس جھوٹی امید کو ترک کر دینا چاہیے کہ آپ پہلے ہی نجات پا چکے ہیں، یا یہ کہ آپ جانتے ہیں کہ کیسے نجات پائی جائے۔ آپ کو یسوع کے پاس ایک کھوئے ہوئے گنہگار کے طور پر آنا چاہیے، کیونکہ، ’’جو تندرست ہیں انہیں طبیب کی ضرورت نہیں ہے۔ لیکن وہ جو بیمار ہیں‘‘ (لوقا 5: 31)۔ اگر آپ سوچتے ہیں کہ آپ ٹھیک ہیں، تو آپ یسوع کی تلاش نہیں کریں گے۔ آپ سوچیں گے کہ آپ ٹھیک ہیں۔ جبکہ گناہ کا کینسر آپ کے دل کو کھا جاتا ہے اور آپ کو تباہ کر دیتا ہے۔ کیا آپ نے پچھلے ہفتے اخبار میں لاس اینجلس کے مردہ خانے میں چوہوں کے انسانی لاشوں کے کھانے کے بارے میں پڑھا تھا؟ یہ وہی ہے جو آپ کے گناہ کریں گے۔ گناہ آپ کے دل کو کھا جائے گا اور آپ کو جہنم میں بھیج دے گا، ’’'جہاں ان کا کیڑا نہیں مرتا، اور آگ نہیں بجھتی ہے‘‘ (مرقس 9: 44، 46، 48)۔

آپ کو یہ نہیں سوچنا چاہیے کہ کتنے دوسرے بچائے جائیں گے، یا یہاں تک کہ اور کون بچایا جائے گا۔ کچھ لوگ ہمیشہ سوچتے رہتے ہیں، ’’وہ شخص واقعی بچایا نہیں گیا ہے۔ اس نے سب کو بیوقوف بنایا ہے۔ وہ حقیقی مسیحی نہیں ہے۔‘‘ اگر آپ صحیح ہیں تو کیا ہوگا؟ یہ آپ کی مدد کیسے کرے گا؟ اگر اس گرجہ گھر کا ہر ایک رکن واقعی کھو گیا یا گمراہ ہو گیا تو یہ آپ کی مدد کیسے کرے گا؟ آپ کو خداوند کو جواب دینا پڑے گا۔ آپ کو آپ کے گناہوں کی سزا دی جائے گی۔ آپ کو ابدیت کے لیے سزا دی جائے گی۔ اگر دوسرے جھوٹے مسیحی ہیں تو یہ آپ کی ذرا سی بھی مدد نہیں کرے گا جب آپ مر جائیں گے اور خُدا کے سامنے کھڑے ہوں گے، اور خود کو نجات دِلا نہیں پاتے ہیں۔ آپ کو ’’اندر داخل ہونے کی کوشش‘‘ کرنی چاہیے (لوقا 13: 24)۔

اور پھر، آپ کو اپنی نجات کو اپنی زندگی کا سب سے اہم مقصد بنانا چاہیے۔ نجات حاصل کرنا آپ کے لیے آپ کی زندگی میں کسی بھی چیز سے زیادہ اہم ہونا چاہیے۔ جو لوگ نجات کے تنگ دروازے میں داخل ہونا چاہتے ہیں انہیں اپنے اندر ایک مکمل تبدیلی سے گزرنا ہوگا، جو اس وقت ہوتا ہے جب کوئی شخص نیا جنم لیتا ہے اور مسیح میں ایمان لا کر تبدیل ہوتا ہے۔

اور پھر، جو لوگ مسیح میں ایمان لا کر تبدیل ہونا اور نجات پانا چاہتے ہیں انہیں ’’داخل ہونے کی کوشش کرنی چاہیے۔‘‘ سست لوگ اپنے آپ کو جہنم میں پائیں گے۔ میرے خیال میں یہ ایک وجہ ہے کہ بائبل سستی کی مذمت کرتی ہے۔ ایک سست شخص کو بائبل میں ’’کاہل‘‘ کہا گیا ہے، اور اس کی سستی کی مذمت کی گئی ہے۔ بائبل کہتی ہے،

’’کاہل [سُست شخص] سردی کی وجہ سے ہل نہیں چلائے گا۔ اس لیے وہ فصل کی کٹائی میں بھیک مانگے گا، اور اس کے پاس کچھ نہیں ہو گا‘‘ (امثال 20:4)۔

وہ شخص جو نجات کی تلاش میں بہت سست ہے وہ بھیک مانگے گا، ’’اے خداوند، اے خداوند ہمارے لیے دروازہ کھول دے‘‘ (متی 25: 11)۔ لیکن اس کے پاس کچھ نہیں ہوگا۔ مسیح کہے گا، ’’میں تمہیں نہیں جانتا‘‘ (متی 25: 12)۔ فصل کاٹنا آخری فیصلہ ہے، اور کاٹنے والے فرشتے ہیں۔ سست شخص ’’فصل میں بھیک مانگے گا، اور اس کے پاس کچھ نہیں ہوگا‘‘ (امثال 20: 4)۔ کیوں؟ کیونکہ وہ ہل چلانے میں بہت سست تھا جب وہ چلا سکتا تھا۔ وہ ’’اندر داخل ہونے کی کوشش‘‘ کرنے میں بہت سست تھا۔ ایک بار پھر، بائبل کہتی ہے،

’’کاہل [سُست شخص] کی روح خواہش کرتی ہے، اور اسے کچھ نہیں ملتا: لیکن محنتی [پُرعزم، بیقرار شخص] کی روح موٹی ہو جائے گی [یعنی۔ مطمئن ہو جائے گی]‘‘ (امثال 13: 4)۔

سست شخص شاید بچایا جانا چاہتا ہو، لیکن وہ ’’بغیر کُچھ پائے‘‘ مر جاتا ہے۔ میں نے اکثر لوگوں کو سنا ہے، خاص طور پر نوجوان لوگوں کو جو گرجہ گھر میں پرورش پاتے ہیں، وہ کہتے ہیں، ’’میں نجات پانا چاہتا ہوں۔‘‘ لیکن وہ نجات پانے کے لیے بہت سست ہیں۔ ’’کاہل کی جان خواہش کرتی ہے اور اس کے پاس کچھ نہیں ہوتا‘‘۔ آپ اصل میں نجات پانے کی خواہش کر سکتے ہیں اور پھر بھی کھوئے ہوئے رہ سکتے ہیں۔ تلاوت یہی کہتی ہے، ’’میں تم سے کہتا ہوں کہ بے شمار لوگ، اندر داخل ہونے کی کوشش کریں گے، لیکن اہل نہیں ہوں گے‘‘ (لوقا 13: 24b)۔ وہ نجات کے بارے میں ایک تجسس رکھتے ہیں۔ وہ نجات کے فوائد چاہتے ہیں۔ وہ نجات میں داخل ہونے کے لیے ’’تلاش‘‘ کرتے ہیں۔ یہاں لفظ ’’تلاش‘‘ یونانی میں زیٹیو zēteo‘‘ ہے۔ اس کا مطلب ہے ’’خواہش کرنا،‘‘ ’’تلاش کرنا،‘‘ ’’پوچھنا۔‘‘ کیا وہ آدمی ایسا نہیں کر رہا تھا جس نے یسوع سے یہ سوال کیا تھا؟ وہ نجات کے بارے میں معلومات جاننا چاہتا تھا۔ وہ نجات کے بارے میں علم کی تلاش میں تھا۔ وہ نجات کے بارے میں پوچھ گچھ کر رہا تھا، یا سوال پوچھ رہا تھا۔ دراصل، وہ نجات کے موضوع میں کافی دلچسپی رکھتا تھا۔ لیکن یہ کافی نہیں ہے۔ آپ نے دیکھا کہ وہ شخص بہت سست تھا کہ محض دلچسپی اور خواہش سے آگے بڑھ نہیں پایا تھا۔

کوئی کہتا ہے، ’’میں جنت میں جانا چاہتا ہوں، لیکن میں اتوار کو اپنی نوکری نہیں چھوڑوں گا۔‘‘ ٹھیک ہے، پھر، مجھے آپ کو یہ بتاتے ہوئے افسوس ہوتا ہے کہ آپ ’’اندر داخل ہونے کی کوشش تو کرتے ہیں، لیکن اہل نہیں ہو پائیں گے‘‘ (لوقا 13: 24)۔ نجات آپ کے لیے دلچسپ ہو سکتی ہے – لیکن آپ کے لیے نوکریاں تبدیل کرنا، یا اپنی زندگی میں کوئی اور چیز تبدیل کرنا اتنا اہم نہیں ہے۔ لہٰذا، آپ ’’اندر داخل ہونے کی کوشش کریں گے، لیکن اہل نہیں ہو پائیں گے‘‘ (لوقا 13: 24)۔ آپ حقیقی نجات میں داخل ہونے کے لیے بہت سست ہیں۔

’’کاہل [سُست شخص] کی روح خواہش کرتی ہے، اور اسے کچھ نہیں ملتا: لیکن محنتی [پُرعزم، بیقرار شخص، سٹرانگStrong’s] کی روح موٹی ہو جائے گی [یعنی۔ مطمئن ہو جائے گی]‘‘ (امثال 13: 4)۔

جو شخص نجات پاتا ہے وہ ’’اندر داخل ہونے کی کوشش کرتا ہے‘‘ (لوقا 13: 24)۔ لفظ ’’کوشش‘‘ اصل یونانی میں ’’ایگونائیزومائی agonizomai‘‘ ہے۔ اس کا مطلب ہے ’’تناؤ‘‘۔ آپ کو مسیح کے ذریعے نجات میں داخل ہونے کے لیے دباؤ ڈالنا چاہیے۔ اگر آپ پیچھے رہ گئے تو آپ کو کبھی بھی نجات نہیں ملے گی۔

میتھیو ہنری نے کہا،

جنت میں پہنچنا ایک مشکل معاملہ ہے، اور ایک ایسا نقطہ جو بہت زیادہ دیکھ بھال اور درد، مشکل اور تندہی کے بغیر حاصل نہیں کیا جا سکتا ہے…ہمیں خود اپنے دلوں سے جدوجہد کرنی چاہیے، اذیت ناک – ’’اذیت میں رہنا چاہیے؛ ان لوگوں کی طرح کوشش کریں جو انعام کے لیے بھاگتے ہیں؛ پرجوش رہیں اور اپنی زیادہ سے زیادہ کوشش کریں‘‘ (میتھیو ہنری، پوری بائبل پر تبصرہ، ہینڈرکسن، 1991، جلد 5، صفحہ 586)۔

اس بات کے کہنے مطلب یہ نہیں ہے کہ اس ’’کوشش‘‘ کو طویل عرصے تک چلنے کی ضرورت ہے۔ اس کے برعکس، کچھ بہترین مسیحیوں نے بہت تیزی سے کوشش کی اور تیزی سے نجات میں داخل ہو گئے۔ پولوس رسول دمشق کی سڑک پر بیداری کے فوراً ہی بعد مسیح میں ایمان لا کر تبدیل ہو گیا تھا۔ میری اپنی بیوی کو صرف ایک واعظ سننے کے بعد بچایا گیا تھا – یوحنا 3: 16 پر۔ وقت کی لمبائی اور کئی ہفتوں اور مہینوں تک سیکھنے کا عمل، ضروری نہیں ہے۔

لیکن ایک مضبوط، پُرعزم اور مسیح میں داخل ہونے کی شدید خواہش ضروری ہے۔ آپ کو اپنے آپ پر شک کرنا چاہئے۔ آپ کو مایوسی میں دنیا کو اِتنی ہی جلدی چھوڑ دینا چاہیے، جتنی جلدی رسول اُٹھا تھا، رقم رکھنے والی اپنی میز کو چھوڑا، اور مسیح کے پیچھے چل دیا۔ آپ کو اپنے گناہوں کا یقین ہونا چاہیے، اور آپ کو اس بات کا یقین ہونا چاہیے کہ آپ ایک گنہگار، نہیں، [بلکہ] ایک برے انسان ہیں۔ اور پھر آپ کو اپنے آپ کو – جتنی شدت سے آپ کر سکتے ہیں – نجات دہندہ، یسوع مسیح کے حوالے کر دینا چاہیے۔ وہ آپ کے گناہوں کی ادائیگی کے لیے صلیب پر مرا۔ وہ جسمانی طور پر مردوں میں سے جی اُٹھا اور آسمان پر زندہ ہے۔ اس کے پاس آئیں۔ اپنے آپ کو اس کے حوالے کریں۔ ’’تنگھ دروازے سے اندر داخل ہونے کی کوشش کریں۔‘‘ ابھی یہ کریں! یسوع کے پاس آئیں! یسوع پر یقین کریں! اندر داخل ہوں! اندر داخل ہوں! یسوع میں داخل ہوں – ابھی!

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔