مسیح دی فضیلَت | The Preeminence of Christ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح گنہگاراں نوں تاریکی دی قوت وِچوں چُھٹکارہ دِلاندا اے۔ اُو اُوہناں نوں اپنی بادشاہی وِچ اُٹھا لیہیاندا اے۔ مسیح اُوہناں نوں لہو دے وسیلے توں گناہواں توں نجات دلاندا اے۔ مسیح اندیکھے خدا دی تصویر اے۔ اُو ساری تخلیق دا پہلا پالن پوسن آلا اے (جان گِلJohn Gill) جیہڑیاں زمین تے آسمان وِچ ویکھی تے اندیکھی نے۔ مسیح ساریاں شیواں توں پہلاں اے، کیوں جے اُوہنے اُوہناں ساریاں نوں تخلیق کیتا، تے اپنی فطرت، ناواں، عُہدیاں تے اعمال وِچ سارے لوکاں تے فرشتیاں توں افضل اے۔ مسیح یوحنا بپتسمہ دین آلے توں پہلاں وجود رکھدا سی، جیہڑا اُوہدی راہ تیار کرن آلا سی، ابراہام توں پہلاں، جِنہے اُوہدے دِن نوں ایمان دے وسیلے نال ویکھیا سی، پہلے انسان توں پہلاں، فرشتیاں دے تخلیق کیتے جان توں پہلاں، کائنات دی تخلیق توں پہلاں وجود رکھدا سی۔ مسیح ابدلاآباد توں اے، ’’تے اُوہدے وِچ ساریاں شیواں قائم نے‘‘ (کُلسیوں1: 17)۔ ’’فطرت دا سارے دا سارے ڈھانچا ٹکڑیاں وِچ ٹوٹ تے وِکھر کے پھٹ جائے گا جے ایہ اُوہدے وسیلے نال اِکٹھا قائم نہ کیتا گیا ہوندا‘‘ (جان گِل)۔ مسیح اُو ’’گوند‘‘ اے جیہڑی ایٹماں دے نیوٹرانز تے پروٹرانز نوں قائم کیتے ہوئے اے۔ اُو سیاریاں نوں اپنی راہ تے متعین رکھن آلا مقناطیس اے۔ اُو سورج نوں اُوہدی قوت بخشدا اے، آدم دے گمراہ بچیاں نوں فیر توں نئی حیاتی بخشدا اے، تے آخیرلے بِگل دے وَجن تے مُردیاں نوں زندہ کردا اے۔ کائنات دے سارے معاملات، ایٹماں توں لے کے سارے عالم تیکر، یسوع مسیح خداوند دے پُتر دے وسیلے توں بنائے جاندے، متعین کیتے جاندے، نپٹائے جاندے تے اِکٹھے قائم کیتے جاندے نے۔

’’کلیسیا اُوہدا بدن اے تے اُو ایس بدنا دا سر اے: اُو ای مبداء اے تے مُردیاں وِچوں جی اُٹھن آلیاں وِچ پہلوٹھا تاکہ ساریاں گلاں وِچ پہلاں درجہ اُوہدا ای ہووے‘‘ (کلسیوں1: 18).

اُو کلیسیا دے جسم دا سر اے – جیہدے بارے وِچ کُلسیوں دے مسیحی جان چکے سن کہ اُو اُوہناں دی اپنی ای مقامی کلیسیا سی۔ مسیح ہر مقامی کلیسیا دا سربراہ ہوندا اے۔ جِم جینٹ Jim Gent نے کہیا،

ابتدائی مسیحیاں دے لئی، زمین تے مقامی کلیسیا الوہی طور تے متعین کیتی گئی زمین تے جماعت سی جیہدے ذریعے نال خداوند نے کام کرنا چُنیا سی تے ایہ ای واحد صرف ایہو جئی جماعت سی (جِم جینٹ، مقامی کلیسیا: سیارہ زمین دے لئی خُداوند دا منصوبہ The Local Church: God’s Plan for Planet Earth، سِمرنہ اشاعت خانے Smyrna Publications، 1994، صفحات 83۔84)۔

’’جیہڑا آغاز اے۔‘‘ مسیح ابدلاآباد توں اے۔ اُو سارے تخلیق کیتے گئے لوکاں دا سبب اے۔ جیویں آدم توں حوّا آئی، اُونج ای مسیح توں کلیسیائیں وجود وِچ آئیاں نے۔

’’مُردیاں وِچوں پہلوٹھا۔‘‘ مسیح دائمی طور تے مُردیاں وِچوں زندہ ہون جان آلا سب توں پہلا سی۔ حالانکہ اُوہدے توں پہلاں دوجے لوکی مُردیاں وِچوں زندہ کیتے گئے سن، مسیح نوں فیر دوبارہ کدی وی نہ مُرن دے لئی مُردیاں وِچوں زندہ کیتا گیا سی، اِک جی اُٹھے جسم وِچ۔

’’تاکہ ساریاں گلاں وِچ پہلاں درجہ اُوسی دا ہووے۔‘‘ اُو یونانی لفظ جیہدے توں ’’فضیلتpreeminence‘‘ دا ترجمہ کیتا گیا ’’پرووٹیؤ prōteuō‘‘ اے۔ ایہدا مطلب ’’سب توں پہلا‘‘ ہوندا اے (Vine)۔ ایس عظیم مسیحیاتی حوالے وِچ، پولوس رسول ہر اِک گل وِچ مسیح دا سب توں پہلا، سب توں برتر ہون؛ پہلی تھاں تے ہون دا اعلان کردا اے۔‘‘

آؤ ہُن ساڈی تلاوت دا اِطلاق مسیح تے ایمان لیہیا کے تبدیل ہون دے لئی لاگو کرئیے۔

I۔ پہلی گل، مسیح تے ایمان لیہیان دی تبدیلی توں پہلاں ای مسیح افضل و برتر اے۔

گمراہ نسل انسانی ایہ گل نئیں جانندی، تاہم، اُوہناں دا رُجحان مسیح دے بارے وِچ اِک عظیم نبی یا اُستاد دی حیثیت نال سوچن دا ہوندا اے۔ اُو مسیح نوں لاؤ ژی Lao Tze یا کُنگ فُو ژی Kung Fu Tze یا موسیٰ دے درجے تے رکھن دا رُجحان رکھدے نے۔ اُوہناں نوں احساس نئیں ہوندا کہ اُو اِک خدا اے، تثلیث دی دوجی ہستی۔ اُو اُوہنوں جو اُو اے اُوہدے توں گھٹ تر دی حیثیت دیہندے نے۔ یسوع نے کہیا،

’’میں تے باپ اِک ای نے۔ اُودہوں یہودیاں نے فیر اُوہنوں سنگسار کرن دے لئی پتھر چُکے۔ لیکن یسوع نے اُوہناں نوں کہیا کہ میں نے تہانوں اپنے باپ وَلوں وڈے وڈے معجزے وکھائے نے۔ اُوہناں وِچوں کیس معجزے دے وجہ توں میہنوں سنگسار کرنا چاہندے اُو؟ یہودیاں نے جواب دِتا، اَسی تیہنوں کسی معجزے دے لئی نئیں بلکہ اُوس کفر دے لئی سنگسار کرنا چاہنے آں کہ محض آدمی ہوندے ہوئے توں اپنے آپ نوں خدا بناندا اے‘‘ (یوحنا 10: 30۔33).

بالکل ایہو ای رُجحان اَج کل بے شمار لوکاں دا مسیح وَل ہوندا اے۔ اِک طرح نال یا دوجی طرح نال، سارے گمراہ لوکی مسیح دی فضیلت نوں ٹھکرا دیہندے نے۔ اُو شاید مسیح دی بُلیاں وِچ عبادت کرن، لیکن اُوہناں دے دِل اُوہدے فضیلت نوں ٹھکرا دیہندے نے۔

’’اُو دُںیا وِچ سی تے دُنیا نے اُوہنوں نئیں پہچانیا حالانکہ دُنیا اُوہدے ای وسیلہ توں پیدا ہوئی‘‘ (یوحنا1: 10).

’’لوکاں نے اُوہنوں حقیر جانیا تے ردّ کیتا … تے اُوس شخص وانگوں سی جِنہوں ویکھ کے لوکی مُکھ مُوڑ لینہدے نے؛ اُو حقیر سمجھیا گیا، تے اِسی اُوہدی کُجھ قدر نہ کیتی‘‘ (اشعیا 53 :3).

گمراہ لوکی مسیح وَل ویکھن دی بجائے خود اپنے احساسات وَل ویکھدے نے۔ گمراہ لوکی مسیح وَل ویکھن دی بجائے خود اپنے خیالات وَل ویکھدے نے۔ گمراہ لوکی مسیح وَل ویکھن دے بجائے خود اپنے اعمال وَل ویکھدے نے۔ گمراہ حالت وِچ سارے لوکی کہندے نے، ’’اَسی اُوہدی کُجھ قدر نہ کیتی‘‘ (اشعیا 53: 3)۔ ایہو ای وجہ اے کہ گمراہ لوکی نجات کیویں پائی جائے ’’جانن‘‘ دے لئی کوشش کردے نے۔ اُو انسانی دانشمندی نوں لبھ رئے ہوندے نے کیوں جے اُو مسیح بخود دی قدر نئیں کردے۔

’’یونانی حکمت دی تلاش وِچ نے: مگر اَسی اُوس مسیح مصلوب دی منادی کردے نے‘‘ (1۔ کرنتھیوں 1:22۔23).

ہُن، ایہ گل تہاڈے بارے وِچ سچی اے، تہاڈی غیر تبدیل شُدہ حالت وِچ، کی اینج نئیں اے؟ آپ کہنا جاری رکھدے اُو، ’’میں جاننا چاہنا آں نجات کینج پائی جاندی اے۔ میں جاننا چاہنا آں مسیح دے کول کینج آیا جائے۔ اُوس یونانی وانگوں، تُسی ’’حکمت نوں لبھدے پھردے‘‘ اُو۔ لیکن اَسی تہانوں اُو نئیں دیہندے جیہڑا تُسی چاہندے اُو۔ اُوہدے بجائے، اَسی مسیح مصلوب دے بارے وِچ منادی کرنے آں۔

’’تاں جے ساریاں گلاں وِچ پہلاں درجہ اُوسی دا ہووے‘‘ (کلسیوں 1:18).

دوجے ’’محفوظ محسوس‘‘ کرنا چاہندے نے یا کسی جذبے دا تجربہ کرنا چاہندے نے۔ کدی کدی اُو نجات یافتہ محسوس کردے نے۔ دوجے ویلیاں وِچ اُو گمراہ محسوس کردے نے۔ اُو مسیح وَل ویکھن دی بجائے اِک جذباتی ’’علامت‘‘ نوں لبھ رئے ہوندے نے۔ اُو اُوہناں یہودیاں وانگوں ہوندے نے جِنہاں دے بارے وِچ پولوس نے کہیا،

’’یہودی معجزیاں دے طالب نے … مگر اَسی اُوسی مسیح مصلوب دی منادی کرنے آں‘‘ (1۔ کرنتھیوں 1: 22۔23).

تُسی ثبوت دے بارے وِچ کسی اندرونی احساس دے لئی تلاش کردے رہنا جاری رکھدے اُو، اپنی نجات نوں جائز ثابت کرن دے لئی کسی نہ کسی جذبے دی تلاش کردے رہنا جاری رکھدے اُو۔ لیکن اَسی مسیح تے منادی کردے رہنا جاری رکھنے آں۔

’’تاں جے ساریاں گلاں وِچ پہلاں درجہ اُوسی دا ہووے‘‘ (کلسیوں 1:18).

مسیح افضل اے، ہر اِک شے توں برتر، لیکن اِک گمراہ انسان نوں ایہ گل وکھائی نئیں دیہندی۔ مسیح اعلیٰ تر اے، اُوہدا کوئی مقابلہ نئیں، تے دُنیا وِچ کسی وی ہُور شے دے مقابلے وِچ سب توں بوہتا بہترین۔ لیکن اِک گمراہ شخص اُوہدے کولوں اپنے مُکھ نوں موڑ لیہندا اے تے اُوہنوں اہمیت نئیں دیہندا۔ ذہنی طور تے، مسیح افضل اے۔ لیکن داخلی طور تے اُو تہاڈے لئی افضل نئیں ہوندا اے۔ تہاڈے خود اپنے خیالات تے احساسات افضل ہوندے نے۔ تُسی ’’اُوہدی قدر نئیں‘‘ کردے (اشعیا 53: 3)۔

II۔ دوجی گل، مسیح تے ایمان لیہیان آلی تبدیلی وِچ مسیح ای ممتاز اے۔

پاک روح دا پہلا کام تہاڈے تے تہاڈے گناہ نوں ظاہر کرنا ہوندا اے۔

’’تے جدوں اُو مددگار آ جائے گا تے جیتھوں تیکر گناہ، راستبازی تے انصاف دا تعلق اے، اُو دُنیا نوں مجرم قرار دے گا … گناہ دے بارے وچ، ایس لئی کہ لوکی میرے تے ایمان نئیں لیہیاندے‘‘ (یوحنا 16: 8۔9)۔

گمراہ گنہگار تیز ہوا وِچ منڈلانڈا پھردا اے۔ اُو نجات پان دے لئی اِک یا دوجی راہ اپنان دی کوشش کردا رہندا اے۔ اُو صحیح لفظاں نوں سیکھن دی کوشش کردا اے۔ اُو صحیح کام کرن دی کوششاں کردا رہندا اے۔ اُو چنگا محسوس کرن دی کوششاں کردا اے۔ لیکن کُجھ وی ’’کام نئیں آندا۔‘‘ اُو ہوا وِچ گھومدے پھردے یا چکراندے رہن دے لئی چھڈ دِتا جاندا اے۔ ایہ گل گنہگار نوں انتہائی پریشان کر دیہندی اے۔ ایہ اِک چنگی گل ہوندی اے۔ ایہ ظاہر کردی اے کہ پاک روح اُوہدی جھوٹی اُمیداں دی دھجیاں اُڑا رہیا اے۔

میں اُمید کرنا آں اَج دی سویرے تُسی تیز ہوا وِچ چکراندے پھرن توں تھک چکے اُو۔ تاہم، جدوں تیکر تُسی پاک روح دے نال متفق نئیں ہو جاندے کہ تُسی اِک بے بس گنہگار اُو، تُسی چکراندے رہنا جاری رکھو گے۔ صرف اُودھوں ای تُسی اپنے لئی مسیح دی لوڑ نوں ویکھ پاؤ گے۔ مارٹن لوتھر Martin Luther نے کہیا،

ایہ ضروری اے، جے تُسی مسیح وِچ ایمان لیہیا کے تبدیل ہو جاندے اُو کہ تُسی دھشت زدہ ہو جاؤ، یعنی کہ، ہُن تہاڈے کول اِک چوکنا ضمیر ہوندا اے۔ فیر، ایس حالت دے تخلیق ہو چکن دے بعد، تہانوں اُوس تسلی نوں گرفت وِچ لے لینا چائیدا اے جیہڑی اُوہدے پُتر یسوع مسیح [وَلوں] آندی اے [جیہڑا] ایس دُنیا وِچ دھشت زدہ گنہگاراں دے لئی خدا دے رحم دا اعلان کرن دے لئی آیا۔ ایہ طریقہ اے جیہدے نال مسیح وِچ ایمان لیہیان دی تبدیلی لیہیائی جاندی اے؛ دوجی راہواں غلط نے (مارٹن لوتھر، زبور51: 13 پر واعظ، 1532)۔

ایسے لئی، اَسی تہانوں انجیل دے منطقی اظہار دے ذریعے توں مسیح وِچ ایمان دِلا کے تبدیل نئیں کر سکدے۔ اَسی تہانوں نجات کیویں پانی اے کہ ’’تعلیم‘‘ نئیں دے سکدے۔ تہانوں پاک روح دی اندرونی عاجزی دا تجربہ کرنا چائیدا اے ورنہ تُسی مسیح نوں گھٹ درجے تے قائم رکھنا جاری رکھو گے۔ صرف جدوں تُسی گِھریا ہویا محسوس کردے اُو، تے گناہ دے جرم توں فرار ہون دے لئی نااہل سمجھدے اُو، فیر ای تُسی مسیح وَل رُخ کرو گے۔

’’تاکہ ساریاں گلاں وِچ پہلا درجہ اُوسی دا ہووے‘‘ (کلسیوں 1: 18).

جدوں دوجیاں ساریاں گزرگاہواں مُک جاندیاں نے، جدوں دوجے سارے تہانوں خدا دے نال امن دلان وِچ ناکام ہو جاندے نے، جدوں تسی اپنے گناہ توں تے خود توں تے اپنے احساسات توں کراہت زدہ ہو جاندے اُو، فیر شاید تُسی مسیح وَل رُخ کر سکدے اُو، تے، جے تُسی اینج کردے اُو، تے اُو تہاڈے دِل تے دماغ وِچ فضیلت نوں بھر دے گا! فیر تُسی مسیح نوں اُوہدے سارے جلال تے اچھائیاں وِچ، اُوہدی شاہانت تے قوت وِچ، اُوہدے رحم تے متکبرانہ محبت وِچ، سولی تے گناہ دے لئی اُوہدی قربانی، اُوہدے لہو دے وگان، پھٹے ہوئے گوشت، اُوہدے جلالی طور تے جی اُٹھن نوں ویکھ پاؤ گے، اُوہدی طاقت توں بھرپور سفارش، تہاڈے وگرے گناہ توں بھرپور شخص تے پاک خدا دے وِچکار اُوس یسوع دے مصالحانہ کام نوں ویکھ پاؤ گے۔

’’تاکہ ساریاں گلاں وِچ پہلا درجہ اُوسی دا ہووے‘‘ (کلسیوں 1: 18).

تُسی مسیح دے بارے وِچ اُوس ویلے تیکر گل نئیں کر سکدے جدوں تیکر تُسی اُوہنوں جان نئیں لیہندے۔ تُسی اُوہنوں جان نئیں سکدے جدوں تیکر تُسی اُوہدے کول آ جئیں جاندے۔ تُسی اُوہدے کول اُوس ویلے تیکر نئیں آ سکدے جدوں تیکر تُسی ویکھ نئیں لیہندے کہ تہانوں اُوہدی لوڑ اے۔ ایہ ای وجہ اے کہ پاک روح دا پہلاں کام تہانوں گناہ دے بارے وِچ قائل کرنا ہوندا اے۔ نا صرف اُوہناں گناہواں دے بارے وِچ جیہڑے تُسی سرزد کر چکے ہوندے اُو، بلکہ پیدائشی گناہ دے بارے وِچ، تہاڈے دِل وِچ اُوس غلیظ عفریت دے بارے وِچ، جیہڑا بُغض تے شہوت، تکبر تے بغاوت توں بھرپور ہوندا اے۔

’’بنی آدم دے دِل بدی توں بھرے رہندے نے‘‘ (واعظ 9: 3).

ایہ تہاڈے تے اُوس ویلے تیکر دے لئی مہر کر دِتا جاندا اے جدوں تیکر کہ تُسی ٹوٹ نئیں جاندے تے عاجز نئیں بن جاندے، جدوں تیکر تُسی پولوس دے نال مل کے نئیں کہندے،

’’میں جاننا آں کہ میرے وِچ (یعنی، میرے جسم وِچ) کوئی نیکی بسی ہوئی نئیں‘‘ (رومیوں 7: 18).

’’ایس موت دے بدن توں میہنوں کون چھڑائے گا؟‘‘ (رومیوں 7: 24).

جدوں آپئے تہاڈے اپنے دِل دی بدکاری توں پردہ اُٹھدا اے، تے تُسی ایہ ویکھن دے قابل ہو جاؤ گے کہ تہاڈے وِچ کوئی وی چنگی گل نئیں ہوندی۔ خود تہاڈی اپنی کسی وی سوچ تے تُسی پروہسا نئیں کر سکدے۔ کوئی احساس جیہڑا تُسی پا سکدے اُو اُوہدے تے پروہسا نئیں کر سکدے۔

’’سارے لوکی گھاس وانگوں ہوندے نے، تے اُوہناں دی ساری رونق میدان دے پُھلاں وانگوں اے۔ گھاس مُرجھا جاندی اے تے پُھل کملا جاندے نے، کیوں جے خداوند دی ہوا اُوہناں تے چلدی اے: یقیناً لوکی گھاس نے۔ گھاس مُرجھا جاندی اے تے پُھل جھڑ جاندے نے‘‘ (اشعیا 40: 6۔8).

پاک روح اُوس گرم، خشک ہوا وانگوں چلدا اے جیہڑی پُھلاں تے گھاس نوں جلا دیہندی اے۔ پُھل تہاڈی اُمیداں دی نمائندگی کردے نے۔ گھاس تہاڈی انتہائی حیاتی دی نمائندگی کردی اے۔ تہاڈی اُمیداں نوں مُرجھا جان چائیدا اے، پاک روح دی اگست دی ہوا وِچ جل کے براؤن ہو جانا چائیدا اے۔ تہاڈی حیاتی نوں مُرجھایا ہویا تے بے بس، دُھندلا تے سوختہ ظاہر ہونا چائیدا اے۔

’’گھاس مُرجھا جاندی اے تے پُھل کملا جاندے نے، کیوں جے خداوند دی ہوا اُوہناں تے چلدی اے‘‘ (اشعیا 7: 40).

پاک روح دا مُرجھا ڈالن آلا کام تہانوں ایہ ویکھن تے مجبور کر دیہندا اے کہ حیاتی بے بس ہوندی اے تے ایہ کہ ابدیت لامحدود اے۔ پاک روح دا مُرجھا ڈالن آلا کام خود تہاڈے اپنے دِل تے پروہسا نہ کرن تے خود تہاڈے اپنے احساسات تے پروہسا نہ کرن تے مجبور کر دیہندا اے۔

فیر تُسی شاید مسیح وَل ویکھدے اُو۔ تُسی اُوہنوں گتسمنی دے باغ وِچ ویکھ پاؤ گے، اُوہدے کپڑیاں وِچوں خونی پسینے نوں وگدے ہوئے ویکھ پاؤ گے۔ اشعیا 63: 2۔3 نوں سُنو۔

’’توں کیوں آپئے اپنے ای لباس چہ لال اے، تے تیرا لباس حوض وِچ انگور کُچلن آلے وانگوں کیوں اے؟ میں کلیاں ای حوض وِچ انگور کُچلے نے؛ تے قوماں دے لوکاں وِچوں کوئی وی میرے نال نہ ٹریا…‘‘ (اشعیا 63: 2۔3).

اشعیا نبی پُچھدا اے کیوں اُوہدا لباس سارے دا سارا لال اے۔

’’توں کیوں آپئے اپنے ای لباس چہ لال اے، تے تیرا لباس حوض وِچ انگور کُچلن آلے وانگوں کیوں اے؟‘‘ (اشعیا 63: 2).

’’میں کلیاں ای حوض وِچ انگور کُچلے نے؛ تے قوماں دے لوکاں وِچوں کوئی وی میرے نال نہ ٹریا‘‘ (اشعیا 63: 3).

ایہ گل سانوں گتسمنی دے باغ وِچ لے جاندی اے جیتھے ساڈا خداوند ’’کلیاں ای حوض وِچ انگور کُچلے نے؛ تے قوماں دے لوکاں وِچوں کوئی وی اُوہدے نال نہ ٹریا۔‘‘

ڈاکٹر میگی Dr. McGee کہندے نے کہ ’’ابتدائی کلیسیا دے آباؤاِجداد اِیہناں … آیتاں نوں مسیح دی پہلی آمد دے نال جوڑدے نے۔ اُوہناں نے حوض وِچ انگور کُچلن نوں مسیح دے دُکھاں دی حیثیت نال غلط سمجھیا اے‘‘ (جے۔ ورنن میگی، بائبل وِچوں Thru the Bible، تھامس نیلسن، 1982، جلد سوئم، صفحہ 340)۔ لیکن میں یقین کرنا آں کہ ایہ ابتدائی مسیح مصنفین دُرست سن۔ جیویں کہ اکثر ایہ معاملہ انبیاء دی تحریراں وِچ ہوندا اے، پیشنگوئی اَگے تے پِیچھے ہوندی رہندی اے، مسیح دی پہلی آمد توں، مسیح دی دوجی آمد تیکر۔ تیجی آیت دا پہلا اَدھا حصہ مسیح دے دُکھاں دے بارے وِچ حوالہ دیہندا اے،

’’توں کیوں آپئے اپنے ای لباس چہ لال اے، تے تیرا لباس حوض وِچ انگور کُچلن آلے وانگوں کیوں اے؟ میں کلیاں ای حوض وِچ انگور کُچلے نے؛ تے قوماں دے لوکاں وِچوں کوئی وی میرے نال نہ ٹریا…‘‘

آیات دا دوجا نصف حصہ مسیح دی دوجی آمد وَل حوالہ دیہندا اے،

’’ایس لئی میں غصہ وِچ اُوہناں نوں لتاڑیا تے اپنے غضب وِچ اُوہناں نوں پیراں ہیٹاں کُچلیا؛ تے اُوہناں دے لہو دے چھینٹے میرے کپڑیاں تے پیہئے، تے میرا سارا لباس آلودہ ہو گیا۔‘‘

ایہدے وِچ اِک بہوتا وڈا سبق موجود اے، جِنہوں نظر اندازا نئیں کیتا جا سکدا، مسیح ساڈے گناہواں دے لئی اپنی اذیت وِچ جیہڑی گتسمنی توں شروع ہوئی سی تے سولی تے مُکی سی، ’’کلیاں ای حوض وِچ انگوراں نوں کُچل‘‘ چکیا سی۔ لیکن اُوہناں دے لئی جیہڑے اُوہدے کفارے نوں ٹھکراندے نے اُو کہندا اے، ’’میں اپنے غصے وِچ اُوہناں نوں لتاڑاں گا، تے اپنے غضب وِچ اُوہناں نوں اپنے پیراں ہیٹاں کُچلاں گا، اُوہناں دے لہو دے چِھیٹے میرے کپڑیاں تے پیہئن گے …‘‘

یقینی طور تے ابتدائی مسیحی دُرست سن کہ ایس آیت دا پہلا حصہ مسیح دے غصے دی اذیت دا اِظہار کردا اے،

’’میں کلیاں ای حوض وِچ انگور کُچلے نے؛ تے قوماں دے لوکاں وِچوں کوئی وی میرے نال نہ ٹریا‘‘ (اشعیا 63: 3).

شاگرد سو گئے سن جدوں یسوع دعا کرن دے لئی گتسمنی دے باغ وِچ اندر تیکر ٹر گیا سی۔ اُو سو گئے سن، تے اُوہناں نے اُوہنوں کلیاں ای چھڈ دِتا سی۔

’’تے فیر اُو سخت درد و کرب وِچ مبتلا ہو کے ہُور وی دِلسوزی نال دعا کرن لگا: تے اُوہدا پسینہ لہو دی بونداں وانگوں زمین تے ٹپکن لگا‘‘ (لوقا 22: 44).

جے تُسی غور کرو، ایہ صرف خونی پسینہ ای نئیں سی، بلکہ ایہ بہوتے وڈے وڈے قطرے سن؛ اُو لہو جیہڑا منجمند ہو چکیا سی، تے وڈے وڈے لوتھڑے بن چکیا سی … تے اُوہدے لباس وِچ جذب ہو چکیا سی جدوں تیکر کہ اُو لال بچھڑے وانگوں نئیں ہو گیا جِنہوں بالکل اُوس ای مقام تے ذبح کر دِتا گیا سی … ایہ ثابت کردا اے کہ گناہ دا بوجھ کیس قدر شدید رہیا ہووے گا جدوں نجات دہندہ نوں کُچلن دے قابل ہویا سی کہ اُوہدے لہو دے قطرے ٹپکن لگے سن! ایہ ثابت کردا اے، میرے بھائیوں، اُوہدے محبت دی شدید قوت (سی۔ ایچ۔ سپرجیئن، ’’گتسمنی،‘‘ میٹروپولیٹن عبادت گاہ دی واعظ گاہ وِچ، پِلگرم Pilgrim، دوبارہ اشاعت1979)، جلد نہم، صفحہ 80)۔

ویکھو مسیح نوں، ’’لہو وِچ تر لباس دے نال ملبوس‘‘ (مکاشفہ 19: 13)۔ اُوہنوں ویکھو، جدوں اُو اُوہنوں گرفتار کرن دے لئی آندے نے، خونی لبادے وِچ کلیاں کِھلوتا ہویا۔ اُو پہلاں ای توں اپنے بدن وِچ تہاڈے گناہواں نوں چُکے ہوئے سی۔

اُوہدے لہو نوں کمر تے اُوہدے زخماں وِچوں دی ہُور بوہتا اُبل کے نکلتا ہویا ویکھو جدوں اُو اُوہدے تے کوڑے برسا رئے سن۔ ایس لہو نے اُوہدے لباس نوں وی آلودہ کر دِتا سی۔

’’فیر پیلاطُس نے یسوع نوں لے جا کے کوڑے لگوائے تے فوج دے سپاہیاں نےکنڈیاں دا تاج بنایا تے اُوہدے سر تے رکھیا تے اُوہنوں سُرخ رنگ دا چوغہ پہنا دِتا۔ اُو بار بار اُوہدے سامنے جاندے تے کہندے سن کہ اے یہودیاں دے بادشاہ! تیہنوں آداب تے اُوہدے مُنہ تے چنڈاں ماردے سن۔ پیلاطُس اِک وری فیر باہر آیا تے یہودیاں نوں کہین لگا، ویکھو میں اُوہنوں تہاڈے کول باہر لہیا رہیا آں۔ تہانوں معلوم ہووے کہ میں کسی وجہ توں وی اُوہدے تے فردِ جرم عائد نئیں کر سکدا۔ جدوں یسوع کنڈیاں دا تاج سر تے رکھے تے لال چوغہ پہنے ہوئے باہر آیا تے پیلاطُس نے یہودیاں نوں کہیا: ایہ رہیا اُو آدمی!‘‘ (یوحنا 19: 1۔5).

ایہ ویکھو اُو آدمی، ایہدا لباس خود اُوہدے اپنے ای لہو وِچ تر اے!

’’ایہ کون اے جیہڑا ادوم تے بصرہ توں آ رہیا اے، جِنہے قرمزی چوغہ پا رکھیا اے؟ ایہ کون اے جیہدے پوشاک درخشاں اے، تے شان و توانائی دے نال ودھدا چلا آ رہیا آے؟ میں جیہڑا راستبازی وِچ دس رہیا آں، بچان دے لئی شدید طاقتور۔ تیرا لباس حُوض وِچ انگور کُچلن آلے وانگوں کیوں اے؟ میں کلیاں ای حُوض وِچ انگور کُچلے نے؛ تے قوماں دے لوکاں وِچوں کوئی وی میرے نال نہ ٹریا‘‘ (اشعیا 63: 1۔3).

اُوہنے باغ وِچ اُوندھے مُنہ لیٹیا ہویا ویکھو؛ زمین تے تہاڈا مالک لیٹیا ہویا اے!
فیر کلوری دی سولی تے اُوہنوں ویکھو، اُوہنوں چیخدیا ہویا سُنو، اُوہدے مرن توں پہلاں،
’’ایہ تمام ہویا!‘‘ ’’ایہ تمام ہویا!‘‘ کی تُسی ویکھ نئیں سکدے اُوہنے قیمت چکا دِتی؟
’’ایہ تمام ہویا!‘‘ ’’ایہ تمام ہویا!‘‘ کی تُسی ویکھ نئیں سکدے اُوہنے قیمت چکا دِتی؟
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768؛ ڈاکٹر ہائیمرز وَلّوں ترمیم کیتی گئی).

مہربانی نال کُلسیوں دا پہلا باب کھولو تے کِھلو جاؤ۔ آیت چودہ نوں اُوچی واج نال پڑھو۔

’’جیہدے وِچ سانوں اُوہدے لہو دے ذریعے مخلصی لبھی، ایتھوں تیکر کہ گناہواں دی معافی‘‘ (کلسیوں 1:14)۔

مہربانی سے تشریف رکھیں۔ اُس کا خون آپ کے گناہ کے لیے کفارہ ادا کرے گا۔ خود کو اُس کے رحم کے حوالے کر دیں۔ وہ تنہا ہی آپ کو آپ کے گناہ سے اپنے خون کے وسیلے سے مخلصی دلا سکتا ہے۔

’’تاکہ سب باتوں میں پہلا درجہ اُسی کا ہو‘‘ (کلسیوں 1: 18).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔