نامعلوم یسوع | The Unknown Jesus

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر گِل دسدے نے کہ یوحنا یروشلم توں تقریباً 26 میل دور دریائے اُردن وِچ لوکاں نوں بپتسمہ دے رہیا سی۔ بہتیرے لوکی یوحنا بپتسمہ دین آلے نوں اِک نبی سمجھدے سن۔ اُو وڈی بھیڑ وِچ اُوہنوں منادی سُنن دے لئی آ رئے سن۔ اُوہنے اُوہناں نوں توبہ کرن تے بپتسمہ لین دے لئی کہیا۔ عدالتِ اعلیٰ تے مجلسِ شوریٰ دے بزرگان نے یروشلم توں کاہناں تے لاویاں نوں یوحنا نال سوال کرن دے لئی پہیجیا سی۔ اُو جاننا چاہندے سن کہ اُو کون سی، تے اُو کیس اِختیار نال منادی تے بپتسمہ دے رہیا سی۔ تُسی اُوہدے نال اُوہدی دشمنی نوں محسوس کر سکدے اُو جیویں اُوہناں نے اُوہدے نال سوال کیتا۔ یوحنا نے اُوہنوں صاف انکار کیتا کہ میں تے مسیحا، اُو مسیح نئیں آں (یوحنا 1: 20)۔

’’تے اُوہناں نے اُوہنوں پُوچھیا، فیر توں کون اے؟ کی توں ایلیاہ اے؟ تے اُوہنے کہیا، میں اُو وی نئیں آں۔ کی توں اُو نبی اے؟ تے اُوہنے جواب دِتا، نئیں فیر اُوہناں نے اُوہنوں کہیا، تے فیر توں کون اے؟ جواب دے تاکہ اَسی اپنے پہیجن آلیاں نوں دس سکیے۔ توں اپنے بارے وِچ کی کہندا اے؟ یوحنا نے اشعیا نبی دے لفظاں وِچ جواب دِتا، میں بیابان وِچ پکارن آلے دی آواز آں، خداوند دے لئی راہ تیار کرو‘‘ (یوحنا 1: 21۔23)۔

یوحنا کولوں سوال کرن آلیاں وِچوں کُجھ فریسی سن، جیہڑے یہودیت دے کٹرترین فرقے توں سن۔

اُو جاننا چاہندے سن کہ یوحنا بپتسمہ دین آلے نوں بپتسمہ دین دا اِختیار کِدروں مِلیا۔ یہودیاں دے لئی غیر قوماں نوں بپتسمہ دینا اِک عام رواج سی جیہڑے یہودی مذہب دے پیروکار بننا چاہندے سن، لیکن کسی نے وی یہودیاں نوں بپتسمہ نئیں دِتا۔ ’’سانوں بپتسمہ لین دی لوڑ نئیں اے،‘‘ [اُوہناں نے] سوچیا۔ ’’اَسی غیر قوماں وانگوں گنہگار نئیں آں۔‘‘ ایس لئی، اُو جاننا چاہندے سن کہ ایہ یوحنا کون سی جیہڑا یہودیاں نوں بپتسمہ دے رہیا سی (نئے عہد نامے دی اطلاق شدہ تفسیرThe Applied New Testament Commentary، کنگزوے اشاعت خانے Kingsway Publications، 1997، صفحہ 361)۔

یوحنا جانندا سی کہ ایہ فریسی ایہدے خلاف سن! ایس لئی اُوہنے اُوہناں نوں کوئی سیدھا جواب نئیں دِتا۔ اُوہنے سادگی نال کہیا،

’’میں پانی نال بپتسمہ دیہنا آں لیکن تہاڈے وِچکار اُو شخص موجود اے جِنہوں تُسی نئیں جانندے‘‘ (یوحنا 1: 26)۔

یوحنا نے اُوہناں دی یسوع وَل نشاندہی کیتی سی، جیہڑا اُوہناں نوں روح القدس نال بپتسمہ دے گا (حوالہ ویکھو، یوحنا 1: 33)۔ یوحنا نے کہیا کہ اُو صرف پانی نال بپتسمہ دے رہیا سی، لیکن یسوع اُوہناں نوں روح القدس نال بپتسمہ دے گا۔

لیکن میں تہاڈی توجہ چھبیسویں آیت دے دوجے حصے وَل موڑاں گا،

’’… تہاڈے وِچکار اُو شخص موجود اے جِنہوں تُسی نئیں جانندے‘‘ (یوحنا 1: 26)۔

تہاڈے وِچکار اُو شخص موجود اے۔ تہاڈے وِچکار۔ اُو ہجوم وِچ غیر ممتاز اے۔ مسیح پہلاں ای آ چکیا سی، تے لوکاں تے ظاہر ہون آلا سی۔ ایہ اگلے دِن تیکر نئیں ہویا سی (آیت 29) کہ یسوع دا مسیحا دے طور تے اعلان کیتا گیا یا اُوہنوں ظاہر کیتا گیا سی … اگرچہ ایہ ممکن اے کہ اُو بھیڑ وِچ سی، فیر وی اُو مسیح دے طور تے نئیں جانا جاندا سی … یسوع اُوہناں ساریاں لوکاں دے قریب سی، لیکن اُو اُوہدی موجودگی توں بے خبر سن … یسوع دُنیا دے لوکاں دے قریب ہو سکدا اے، تے اُو اُوہدے باوجود وی اُوہنوں نئیں جانندے (البرٹ بارنز Albert Barnes، نئے عہد نامے تے غور طلب گلاں Notes on the New Testament، بیکر کُتب گھر Baker Book House، دوبارہ اشاعت 1983، یوحنا 1: 26 پر غور طلب بات)۔

’’تہاڈے وِچکار اُو شخس موجود اے جِنہوں تُسی نئیں جانندے‘‘ (یوحنا 1: 26)۔

ایہ اَج وی سچ اے، تے اَسی ایس تلاوت توں تین سبق حاصل کر سکنے آں،

’’تہاڈے وِچکار اُو شخس موجود اے جِنہوں تُسی نئیں جانندے‘‘ (یوحنا 1: 26)۔

I. پہلی گل، ایہ تلاوت زیادہ تر لوکاں دی غیرمسیحی حالت دی گل کردی اے۔

عام آدمی یسوع مسیح نوں نئیں جانندا۔ چند وریاں پہلاں جارج گیلپ George Gallup دے پرنسٹن مذہبی تحقیقی مرکز نے اِک رائے شماری جاری کیتی جیس وِچ دسیا گیا کہ 76% امریکی ایس بیان توں متفق نے: ’’ابدی حیاتی دی واحد ضمانٹ یسوع مسیح تے ذاتی ایمان اے۔‘‘ لیکن ایس ای رائے شماری نے نشاندہی کیتی کہ صرف 10% لوکی ای ایہو جئے بیانات نال متفق نے، ’’میہنوں یقین اے کہ یسوع مسیح مکمل طور تے انسان تے مکمل طور تے الوہی سی۔‘‘

گیلپ دی ایس رائے شماری نے ظاہر کیتا کہ امریکہ وِچ بہوتی گھٹ لوکی یسوع مسیح نوں جانندے نے۔

’’تہاڈے وِچکار اُو شخس موجود اے جِنہوں تُسی نئیں جانندے‘‘ (یوحنا 1: 26)۔

کی تُسی یسوع نوں جانندے اُو؟ میں تہانوں ایہ نئیں پُچھ رہیا آں کہ کی تُسی ایہدے بارے وِچ جانندے اُو۔ میں تہانوں پُچھ رہیا آں کہ کی تُسی آپئے ایہنوں ذاتی طور تے جانندے اُو۔ کی تُسی مسیح دا تجربہ کیتا اے؟ کی اُو تہاڈی حیاتی وِچ اِک حقیقی، زندہ شخص اے؟

تُسی یسوع نال واقف ہو سکدے اُو، تے فیر وی ایہنوں نئیں جانندے۔ فلپس یسوع دے نال سی۔ فلپس نے اُوہدی تعلیمات سُنیاں سن۔ لیکن اِک دِن یسوع نے اُوہنوں کہیا،

’’فلپس، میں ایہنے عرصے توں تیرے لوکاں دے نال آں، کی تُوں میہنوں نئیں جانندا؟‘‘ (یوحنا 14: 9)۔

فلپس اِک طویل عرصے توں یسوع نال واقف سی، لیکن اُو فیر وی اُوہنوں نئیں جانندا سی! تہاڈے بارے چی کی خیال اے؟

تُسی واقعی مسیح نوں جانے بغیر وریاں تیکر گرجا گھر آ سکدے اُو۔ فلپس یانسی نے ’’جیس یسوع نوں میں کدی وی نئیں جانندا سی The Jesus I Never Knew‘‘ دی عنوان دے نال اِک دلچسپ کتاب لکھی اے۔ میں فلپس یانسی نوں جو کُجھ لکھیا اے اُوہدی تلاش نئیں کر رہیا آں۔ میں صرف ایس اشتعال انگیز عنوان دا حوالہ دے رہیا آں – ’’جیس یسوع نوں میں کدی وی نئیں جانندا سیْ‘‘ کی تُسی اُوہنوں جانندے اُو؟ پولوس رسول نے کہیا،

’’میں جاننا آں کہ میں کیہدے تے یقین کیتا اے‘‘ (II۔ تیمتھیس 1: 12)۔

’’میں … اپنی بھیڑاں نوں جاننا آں تے اُو میہنوں جاندیاں نے‘‘ (یسوع 10: 14)۔

’’ابدی حیاتی ایہ اے کہ اُو تجھ واحد تے سچے خدا نوں جانن تے یسوع مسیح نوں وی جانن، جِنہوں توں پیہجیا اے‘‘ (یوحنا 17: 3)۔

ابدی حیاتی پان دے لئی، تہانوں یسوع مسیح نوں جاننا چائیدا اے۔ کُی تُسی اُوہنوں جانندے اُو؟

’’تہاڈے وِچکار اُو شخس موجود اے جِنہوں تُسی نئیں جانندے‘‘ (یوحنا 1: 26)۔

II۔ دوجی گل، ایہ تلاوت سچے مسیح نوں جھوٹے مسیحیاں وِچوں جانن دی گل کردی اے۔

غور کرو کہ یوحنا بپتسمہ دین آلے نے کہیا، ’’تہاڈے وِچکار اُو شخص موجود اے جِنہوں تُسی نئیں جانندے۔‘‘ صرف اِک ای سچا مسیح اے۔ پولوس رسول نے II کرنتھیوں 11: 4 وِچ ’’دوجے یسوع‘‘ وِچ ایمان لیہان دے امکان دے بارے وِچ گل کیتی۔

کیوں کہ جے کوئی تہادے کول آ کے کسی دوجے یسوع دی منادی کردا اے جیہدی اَسی منادی نئیں کیتی سی …‘‘ (II کرنتھیوں 11: 4)۔

جعلی مسیح The Counterfeit Christ نامی اِک کتاب نشاندہی کردی اے کہ، ’’ہُن اَسی نئے دور دے کائناتی مسیح دا سامنا کر رئے آں۔‘‘ میں کئی جھوٹے ’’مسیحیاں‘‘ دے بارے وِچ سوچ سکنا آں جِنہاں دا اَج لوکی تجربہ کردے نے۔

1. مسیح اِک کائناتی قوت دے طور تے۔ ایہ نیا زمانہ ’’مسیح‘‘ اے، جیہدے تے بہتیرے لوکی یقین رکھدے نے۔

2. مسیح جیہڑا اُوہی شخص اے جو خدا باپ اے۔ ایہ ’’مسیح‘‘ تثلیث دی دوجی ہستی نئیں اے۔

3. مسیح جیہڑا اُوہی شخص اے جو روح القدس اے۔ ایہ ’’مسیح‘‘ تثلیث دی دوجی ہستی نئیں اے۔

4. مسیح بطور عظیم نبی یا استاد۔ ایہ نئے عہد نامے دا مسیح نئیں اے۔

5. مسیح اِک ناراض منصف دے طور تے۔ ایہ نئے عہد نامے دا نجات دہندہ نئیں اے۔

’’کیوں جے جھوٹے مسیح تے جھوٹے نبی اُٹھ کِھلون گے، تے … جے ممکن ہووے تے چُنے ہوءے لوکاں نوں وی گمراہ کر دیں‘‘ (متی 24: 24)۔

تُسی کیویں دس سکدے اُو کی کیس مسیح تے ایمان لیہیانا اے؟ یسوع نے خود سانوں جواب دِتا۔ اُوہنے کہیا،

’’جے کوئی خدا دی مرضی تے ٹرنا چاہے تے اُوہنوں معلوم ہو جائے کہ ایہ تعلیم خدا وَلوں اے یا میری طرف توں اے‘‘ (یوحنا 7: 17)۔

چارلس جان ایلیکوٹ یوحنا 7: 17 تے ایہ تبصرہ کردے نے،

لہٰی مرضی نوں پورا کرن دے لئی انسان دی مرضی اُوہنوں جانن دی شرط اے۔ الفاظ اپنے معنی وِچ لامحدود تے دور رس نے … ’’کسی وی آدمی‘‘ دے بارے وِچ مسیح دے اپنے الفاظ اُوہدی پہنچ توں کسی نوں خارج نئیں کردے نے … اُو جیہڑے … [آمادہ نے] خدا دی مرضی نوں پورا کرن دے لئی، ایس تعلیم دے بارے وِچ جانن توں گریز نئیں کرے گا کہ آیا ایہ خدا دی اے (چارلس جان ایلیکوٹCharles John Ellicott، ساری بائبل تے ایلیکوٹ دی تفسیرEllicott’s Commentary on the Whole Bible،ژونڈروان Zondervan، دوبارہ اشاعت 1954، جلد VI، صفحہ 437)۔

جے تُسی اُو کرن دے لئی تیار اُو جیہڑا خدا تہاڈے کولوں کروانا چاہندا اے، تے تُسی مسیح دے بارے وِچ سچائی نوں جان لوؤ گے، پاویں جو کُجھ مسیح نے بائبل وِچ کیہیا اُو سچ اے یا نئیں۔ تُسی سچے مسیح نوں جان لوؤ گے جیہدے بارے چہ بائبل وِچ کہیا گیا اے – جے تُسی اُوہنوں جاننا چاہندے اُو۔ لوکاں دے جھوٹے مسیحیاں تے یقین کرن دی وجہ ایہ اے کہ اُو سچے مسیح نوں جانن دے لئی تیار نئیں نے، جیہدے بارے وِچ بائبل وِچ واضح طور تے کہیا گیا اے۔ جان ویزلی نے کہیا،

سارے افراد تے عقائد دے حوالے توں، ایہ اِک عالمگیر اصول اے۔ اُو جیہڑا پوری طرح نال اینج کرن تے آمادہ اے، اُو یقینی طور تے جان لئے گا کہ خدا دی مرضی کی اے (جان ویزلیJohn Wesley، نئے عہد نامے تے وضاحتی نوٹسExplanatory Notes Upon the New Testament، بیکر بک ہاؤس، 1983 دوبارہ اشاعت، جلد اول، یوحنا 7: 17 پر غور طلب بات)۔

جے تُسی واقعی حقیقی مسیح نوں جاننا چاہندے اُو، تے خدا آپئے تہانوں اُوہدے بارے وِچ سچائی توں آگاہ کر دے گا۔

’’تہاڈے وِچکار اُو شخس موجود اے جِنہوں تُسی نئیں جانندے‘‘ (یوحنا 1: 26)۔

تُسی ہُنے تیکر مسیح نوں نئیں جانندے ایہدی وجہ ایہ اے کہ تُسی ہُنے تیکر اُوہنوں جانن دے لئی تیار نئیں ہوئے اُو۔ ایہ ایہنی ای سادہ جئی گل اے۔ جدوں تُسی اُوہنوں جانن دے لئی تیار ہوندے اُو، تے تُسی براہِ راست اُوہدے کول آ سکدے اُو تے نجات پا سکدے اُو۔ یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جُدا نئیں ہون دیاں گا‘‘ (یوحنا 6: 37)۔

یسوع کسی ایہو جئے شخس نوں کدی اپنے توں دور نئیں کرے گا جیہڑا ایمان دے وسیلے توں اُوہدے کول آندا اے۔

III۔ تیجی گل، ایہ تلاوت مسیح نوں جانن دی لوڑ دے بارے وِچ گل کردی اے۔

پولوس رسول نے ایس لوڑ دے بارے وِچ دسیا جدوں اُوہنے کہیا،

’’تے مسیح دے بے انتہا محبت نوں سمجھو تاکہ اُوہدی ساری معموری تہاڈے وِچ سما جائے‘‘ (افسیوں 3: 19)۔

مسیح دے بارے چہ سمجھ یا اُوہدا علم انسانی عقل توں بالاتر اے۔ مسیح دا علم اُوہدے تے ایمان لیہیان نال آندا اے۔

بہتیرے لوکی مسیح دی حیاتی دی تاریخ دے بارے وِچ جانن نال مطمئن ہو جاندے نے۔ اُو مسیح دی حیاتی دے بارے وِچ بہوتا کُجھ جانندے نے، بیت اللحم وِچ اُوہدی پیدائش توں لے کے سولی تے اُوہدی موت تیکر۔ اُو مسیح دے بارے وِچ پڑھ کے مطمئن ہوندے نے۔ اُو ایس گل دی گھٹ پرواہ کر سکدے سن کہ اُو اُوس [یسوع] نال ذاتی طور تے نئیں ملے نے۔

صدر نکسن تے ریگن میرے دو پسندیدہ صدر سن۔ میں اُوہناں دے بارے چہ پرھیا، لیکن اُوہنے میہنوں مطمئن نئیں کیتا۔ میں اُوہناں نال ملنا چاہندا سی۔ میں دو وری صدر ریگن نال ملاقات کیتی تے اِک وری صدر نکسن نال۔ میں ایہناں دے بارے وِچ گلاں پڑھ کے مطمئن نئیں ہویا۔ میں ذاتی طور تے اُوہناں نال ملنا چاہندا سی۔ کی تُسی مسیح دے بارے وِچ پڑھن نال، تے واعظاں وِچ مسیح دے بارے چہ سُن کے مطمئن اُو – یا کی تُسی آپئے باہر نکل کے اَگے ودھ کے اُوہنوں ملو گے؟

اِک واعظ وِچ جیس دا عنوان، ’’کی تُسی اُوہنوں جانندے اُو؟‘‘ سپرجیئن نے کہیا،

بہتیرے ایہو جئے نے جِنہاں نے مسیح دے بارے وِچ سُنیا تے مسیح دے بارے وِچ پڑھیا اے، تے ایہ اُوہناں دے لئی بہوتا کافی اے! لیکن ایہ میرے لئی کافی نئیں اے، تے ایہ تہاڈے لئی وی کافی نئیں ہونا چائیدا اے …مسیح دے بارے چہ سُننا تہاڈے تے لعنت پیہیج سکدا اے، ایہ تہاڈے لئی موت دی خوشبو ہو سکدی اے۔ تُسی ایہدے بارے وِچ کناں نال سُنیا اے۔ لیکن ایہ ضروری اے کہ تُسی ایہنوں جانو تاکہ تُسی ہمیشہ دی حیاتی دے حصہ دار بن سکو (سی ایچ سپرجیئن C. H. Spurgeon، ’’کی تُسی اُوہنوں جانندے اُو؟ Do You Know Him?‘‘ میٹروپولیٹن عبادت گاہ دی واعظ گاہ توںThe Metropolitan Tabernacle Pulpit، دوبارہ اشاعت 1991، جلد X، صفحہ 65)۔

تُسی صرف مسیح نوں ویکھ کے ای جان سکدے اُو۔ تہانوں مسیح وَل ویکھنا چائیدا اے، تے اُوہدے تے پروہسا کرنا چائیدا اے۔ یوحنا بپتسمہ دین آلے نے کہیا،

’’ویکھو خدا دا برّہ، جو جہان دے گناہ چُک لے جاندا اے‘‘ (یوحنا 1: 29)۔

گناہ تے سزا توں نجات پان دا ایہو ای راستہ اے۔

’’دیکھو خدا کا بّرہ، جو جہان کے گناہ اُٹھا لے جاتا ہے‘‘ (یوحنا 1: 29)۔

جدوں تُسی ایمان دے نال یسوع وَل ویکھدے اُو، تے اُو تہانوں بچائے گا تے اپنے قیمتی لہو نال تہاڈے گناہواں نوں دھو دئے گا۔

مسیح تہاڈے گناہ دا کفارہ ادا کرن دے لئی سولی تے مریا۔ مسیح اپنے لہو دے ذریعے تہاڈے گناہ نوں معاف کر سکدا اے۔ مسیح مُردیاں وِچوں جی اُٹھیا تے واپس آسمان تے چڑھ گیا۔ اُو اُوتھے اے – خدا دے سجے ہتھ تےبیٹھا اے – انتظار کر رہیا اے کہ تُسی اُوہدے تے پروہسا کرو تے نجات پا جاؤ۔

’’تہاڈے وِچکار اُو شخس موجود اے جِنہوں تُسی نئیں جانندے‘‘ (یوحنا 1: 26)۔

لیکن اُوہنوں اینج رہن دی لوڑ نئیں اے۔ تُسی مسیح دے کول آ سکدے اُو۔ اُو تہانوں معاف کرن تے تہانوں ابدی حیاتی دین دا انتظار کر رہیا اے۔ کی تُسی اُوہدے کول آؤ گے؟ کی تُسی ایہ کرو گے، اَج دی انتہائی سویرے؟

گناہ نال کُچلیا ہویا ہر بندہ، آئے، خداوند دے نال اُوتھے رحم اے،
تے اُو یقینی طور تے تہانوں سکون دئے گا، اُوہدے کلام تے پروہسا کرن دے وسیلے نال
صرف اُوہدے تے پروہسا کرو، صرف اُوہدے تے پروہسا کرو، صرف اُوہدے تے پروہسا کرو۔
اُو تہانوں بچائے گا، اُو تہانوں بچائے گا، اُو تہانوں بچائے گا۔
(’’صرف اُوہدے تے پروہسا کرو Only Trust Him‘‘ شاعر جان ایچ. سٹاکٹنJohn H. Stockton، 1813۔1877).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔