اَسی اُوہدی کوئی قدر نہ کیتی

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

’’اُوس بندے وانگوں سی جِنہوں ویکھ کے لوکی مُکھ موڑ لیہندے نے، اُو حقیر سمجھیا گیا تے اَسی اُوہدی کُجھ قدر نہ کیتی۔‘‘

سارے لوکاں دی قدرتی حالت ایہو ای اے۔ اُو سارے جیہڑے مسیح وِچ ایمان نئیں لیہیائے ہوئے نے اُوہدے کولوں اپنے چہریاں نوں لُکہاندے نے تے اُوہدی کُجھ قدر نئیں کردے۔

’’اَسی اُوہدی کُجھ قدر نہ کیتی‘‘ (اشعیا 53: 3)۔

تُسی غالباً ایہ ای سوچدے ہوو گے کہ ایہ گل تہاڈے لئی سچی نئیں اے – لیکن ایہ تہاڈے بارے وِچ سچی اے۔ ایہ [ایس] ذریعے توں ثابت ہو جاندی اے تہاڈے

1. مسیح دے لئی محبت دا گھاٹا (مسیح دے محبت دے بارے وِچ کوئی باطنی خیالات نئیں)۔

2. بائبل وِچ دلچسپی دا وقدان (روزانہ بائبل پڑھن نال تہانوں خوشی نئیں ہوندی)۔

4. تہاڈی تھاں تے مسیح دا تکلیفاں برداشت کرن تے شکر گزاری دا گھاٹا (ایہ تہاڈے لئی کوئی تعجب دی گل نئیں لگدی اے)۔

جے تُسی اپنے آپ توں مخلص اُو تے تُسی اقرار کرو گے کہ ایہ گلاں تہاڈے لئی سچیاں نے۔

’’اَسی اُوہدی کُجھ قدر نہ کیتی‘‘ (اشعیا 53: 3)۔

ایہدے علاوہ، ایہو ای وجہ اے کہ تُسی ’’حل تلاش کرن‘‘ دی کوشش کردے اُو کہ کیویں نجات پائی جائے۔ تُسی کدی ایس گل نوں تے کدی اُوس گل نوں آزماندے اُو، لیکن تُسی مسیح وِچ سکون نئیں پاندے – کیوں جے تُسی اُوہدے قدر نئیں کیتی۔ ڈاکٹر ڈبلیو جی ٹی شیڈ Dr. W. G. T. Shedd دی گل نوں سُنو،

’’روح القدس عام طور تے کسی بندے نوں اُوس ویلے تیکر دوبارہ پیدا نئیں کردا جدوں تیکر کہ اُو سزا یافتہ بندہ نہ ہو … جرم تے خطرے دا احساس ایہدے کولوں نجات دے لئی اِک ’ابتدائی تیاری‘ اے‘‘ (شیڈ Shedd، ڈوگمیٹک علمِ الہٰیات Dogmatic Theology، پی اور آر پبلیشرز P and R Publishing، دوبارہ اشاعت 2003، صفحہ 775)۔

جدوں تیکر تہانوں احساس جرم تے خطرے دا احساس نہ ہووے تُسی مسیح دی قربانی دے بارے وِچ بہوتا نئیں سوچو گے۔ ایہ گل تہاڈے بارے چہ ہُنے وی سچی ہووے گی،

’’اَسی اُوہدی کُجھ قدر نہ کیتی‘‘ (اشعیا 53: 3)۔

I۔ پہلی گل، تُسی مسیح تے اُوہدی مصیبتاں دے بارے وِچ اُوس ویلے تیکر نئیں سوچو گے جدوں تیکر تُسی اپنا کھیڈ کھیلنا بند نئیں کرو گے۔

تُسی مسیح دی تکلیف دے بارے وِچ سُنندے اُو، لیکن تہاڈے تے ایہدا کوئی اثر نئیں ہوندا اے۔ تُسی مسیح دے جذبے تے جنون دے بارے چہ سُنندے اُو تے ایہ تہانوں ترس یا غصے دے نال تحریک دیہندا اے – لیکن اینج صرف بہوتی گھٹ ویلے رہندا اے۔ چند منٹاں وِچ تہاڈا دماغ اِک وری فیر دوجی شیواں دے بارے چہ سوچن لگدا اے۔

’’ہلاک ہون آلیاں دے لئی تے سولی دا پیغام بیوقوفی اے‘‘ (I کُرِنتھِیوں 1: 18)

تُسی ایہنوں تسلیم نئیں کرو گے، لیکن ایہ حقیقت وِچ تہاڈے دِل دی کیفیت اے۔ جے ایہ تہاڈے دِل دی صحیح حالت نہ ہوندی، تے تُسی مسیح دے جذبے دے بارے وِچ سوچ کے مغلوب ہو جاندے۔ تہاڈی تھاں تے تہاڈی خاطر اُوہدے دُکھ سہنا تہانوں گہری اذیت نال بھر دے گا۔ ایہ تہاڈے ذہن وِچ مسلسل ظاہر ہوندا رئے گا۔

باطن توں سوچو۔ کی ایہ سچ نئیں اے کہ تُسی مسیح دی تکلیف دے بارے وِچ جانندے اُو، لیکن تُسی اُوہدے بارے وِچ بہوتی گھٹ سوچیا اے؟ کی ایہ سچ نئیں اے؟ تے جے ایہ تہاڈے باطن وِچ ماڑا جیہا وی سچ اے تے۔ تے کی ایہ سچ نئیں اے کہ – حقیقت وِچ – تہاڈے لئی ’’سولی دا پیغام … بیوقوفی اے؟ باطن نال سوچو۔

کی ایہ سچ نئیں اے کہ اُوہدی تکلیف نوں تہانوں گرفت وِچ لے لیہنا چائیدا سی؟ کی ایہدے نال تہانوں اندروں ٹوٹ نئیں جانا چائیدا سی؟ کی ایہدے نال تہانوں غم تے رنج نال مغلوب نئیں ہو جانا چائیدا سی – کہ اُو تہاڈے گناہواں دا کفارہ ادا کرن دے لئی ایہناں ساریاں تکلیفاں توں لنگہیا؟ کی تہانوں اپنے توں بوہتی ازیت تے درد محسوس نئیں کرنا چائیدا سی؟ تے حقیقت ایہ اے کہ ایہدا تہاڈے تے بہوتا گہرا اثر ہویا اے – کی ایہ ظاہر نئیں کردا کہ تُسی ہُنے وی کھیڈ کھیڈ وِچ مخول ای کر رئے اُو – صرف مسیح دے نال مخول کر رئے اُو؟ اپنے نال ایماندار رہوو۔ باطن توں سوچو۔ کی تُسی اُوہناں وِچوں نئیں اُو جِنہاں دے بارے چہ کہیا جاندا اے،

تُسی مسیح تے اُوہدے دُکھاں دے بارے وِچ اُوس ویلے تیکر نئیں سوچو گے جدوں تیکر کہ تُسی اُوہناں نوں سنجیدگی نال نئیں لہؤو گے۔

II۔ دوجی گل، تُسی مسیح تے اُوہدی مصیبتاں دے بارے وِچ اُوس ویلے تیکر نئیں سوچو گے جدوں تیکر تُسی موت توں خوفزدہ نئیں ہوو گے۔

موت دا خوف کوئی غیر معمولی حالت نئیں اے۔ بُہتیرے لوکی اینج ای سوچدے نے۔ اُوہناں دے خیال وِچ موت توں ڈرنا عجیب تے غیرطبعی اے۔ لیکن اُو غلط نے۔ ایہ عام لوکی نے جیہڑے موت توں ڈردے نے۔ عظیم مبشر جان ویزلی نوں اپنے مسیح وِچ ایمان لیہیان دی تبدیلی توں پہلاں موت دا بہوتا ای خوفناک خوف سی۔ عظیم اصلاح پرست لوتھر دے نال وِی اینج ای سی۔ ساڈے بپتسمہ دین آلے باپ دادا جان بنیعان دے نال وی اینج ای سی۔ تے اینج ای تہاڈے نال وی ہونا چائیدا اے۔ مسیح دے کول آؤ

’’اُوہناں نوں جیہڑے حیاتی بھر موت دے خوف توں غلامی وِچ گرفتار رئے چُھڑا لئے‘‘ (عبرانیوں 2: 15)۔

اُو اُوہناں لوکاں نوں نجات دلان آیا سی جیہڑے موت دے خوف نال ساری حیاتی غلامی دے تابع رئے۔ لیکن میں دعویٰ کرنا آں کہ ایہ خدا دا فضل تے رحم اے جیہڑا کسی نوں دماغ دی ایس حالت وِچ رکھدا اے۔ میرا یقین اے کہ ایہ خدا دا فضل اے جیہڑا انسان نوں غلامی تے موت دے خوف وِچ پا دیہندا اے۔ خدا دے مہربان فضل دے بغیر انسان موت نوں اپنے دماغ توں مکمل طور تے کڈ دے گا، تےایس اہم اموضوع دے بارے وِچ بہوتی زیادہ سنجیدگی نال نئیں سوچےھ گا، جے ماڑا جیہا سوچے وی۔

جدوں کوئی بندہ موت دے خوف نال جکڑا ہویا محسوس کردا اے، تے ایہ عام طور تے ایس لئی ہوندا اے کہ خدا اُوہدے دِل وِچ کام کر رہیا اے۔ ورنہ اُو بہوتا لاپرواہ ہووے گا، تے اُوہدے بارے وِچ بہوتی گھٹ سوچے گا۔ اُو یقینی طور تے موت دے خوف دی ’’پابندی‘‘ یا ’’غلامی‘‘ وِچ نئیں ہووے گا جدوں تیکر کہ ایہ خدا دے فضل نال اُوہدے اندر پیدا نہ ہووے۔ جیویں کہ جان نیوٹن نے اُوہنوں اپنے مشہور حمدوثنا دے گیت، ’’حیرت انگیز فضل‘‘ وِچ لکھیا اے، ’’ایہ فضل ای سی جِنہے میرے دِل نوں ڈرنا سِکھایا۔‘‘ داؤد نے موت دے خوف دے بارے وِث گل کیتی جیہڑا اِک بندے نوں نجات دے لئی تیار کردا اے جدوں اُوہنے کہیا،

’’موت دی ہیبت میرے تے طاری اے۔ خوف تے کپکپی نے میہنوں پھڑ لیہیا اے، تے دہشت نال میرے لوں کنڈے کِھلو گئے نے۔ تے میں کہیا …. اپنے لئی پناہ گہا لبھ لیہندا‘‘ (زبور 55: 4۔8)۔

خدا نے خود داؤد نوں ’’موت دی دہشت‘‘ پہیجھی تاکہ اُو اُوہناں کولوں ’’بچن دی چھیتی‘‘ کرے۔

میں تہانوں یقین دلانا آں کہ تُسی مسیح دی قدر نئیں کرو گے، تُسی اُوہدے بارے وِث عزت و احترام نال نئیں سوچو گے، جدوں تیکر کہ تُسی وی موت دے خوف دی غلامی وِچ نہ ہوو، تے موت دے خوف تہاڈے تے خدا دے فضل تے رحم نال نازل نہ ہو جان۔ تے جے تُسی کدی وی ’’موت دی دہشت‘‘ وِچوں کسی دا تجربہ نئیں کردے تے میہنوں شک اے کہ تُسی کدی وی مسیح دے بارے وِچ یا تہانوں ایس [خوف] توں بچان دے لئی اُوہدے لہو دی قربانی دے بارے وِچ بہوتا زیادہ نئیں سوچو گے۔ تُسی اُوس ویلے تیکر مسیح دی بہوتی زیادہ عزت نئیں کرو گے جدوں تیکر کہ تہانوں موت دا کُجھ خوف نہ ہووے۔ ہُنے وی تہاڈے بارے چہ کہیا جائے گا،

’’اَسی اُوہدے کولوں اپنے چہریاں نوں لُکہایا ….تے اَسی اُوہدی کوئی قدر نہ کیتی‘‘ (اشعیا 53:3)۔

III۔ تیجی گل، تُسی مسیح تے اُوہدی مصیبتاں دے بارے وِچ اُوس ویلے تیکر نئیں سوچو گے جدوں تیکر تُسی آپئے ہمت نئیں ہار جاندے۔

جدوں تیکر تُسی سوچدے اُو کہ تُسی اپنی طاقت نال حیاتی دی رکاوٹاں تے مسئلیاں تے قابو پا سکدے اُو تُسی مسیح وِچ ایمان لیہیا کے تبدیل نئیں ہوو گے۔ میں صرف اُوہناں لوکاں نوں جاننا آں جیہڑے مسیح وِچ حقیقی نجات دا تجربہ کردے نے، ایہ اُو لوکی نے جِنہاں نے اپنے وِچ تے اپنی صلاحیتاں وِچ ساریاں اُمیداں چھڈ دِتیاں نے۔ کی تُسی ایہ گل باطنی طور تے سوچی اے؟ تہاڈے اپنے اندر، کی تُسی سوچیا اے، ’’میں مسیحی ہون دے لئی بہوتی زیادہ پست تے بہوتا عجیب آں، تے اندروں بہوتا برباد ہو چکیا آں‘‘؟ جدوں تیکر کہ تہاڈے اندرونی خیالات اینج نئیں چلدے نے، تے جدوں تیکر تُسی اینج دے خیالات نئیں رکھدے، میں تہاڈے وِچ مسیح دی قدر کرن دی کوئی اُمید نئیں ویکھدا، اپنے پورے دِل نال اُوہنوں لبھہن دے لئی ایس بارے وِچ بہوتا سوچنا۔ تہانوں مسیح دی لوڑ کیوں اے جے تُسی سوچدے اُو کہ تُسی اپنے سارے مسئلے آپئے حل کر سکدے اُو؟

لیکن جدوں خدا دا روح تہاڈی روح تے اپنا کام شروع کردا اے، اُودھوں تُسی اپنے اندر کہوو گے،

’’ہائے! میں کیہو جیہا بدبخت آدمی آں! ایس موت دے بدن توں میہنوں کون چھڑائے گا؟‘‘ (رومیوں 7: 24)۔

جدوں تُسی اپنی کمزوری تے نظر پاؤ گے، تے اپنے دِل دی گندگی تے سرکشی نوں باطنی طور تے ویکھو گے، تے تُسی اپنے ذہن وِچ ایہ الفاظ کہن تے آمادہ ہو جاؤ گے،

’’ہائے! میں کیہو جیہا بدبخت آدمی آں! … میہنوں کون چھڑائے گا؟‘‘ (رومیوں 7: 24)۔

ایہ اُوسی ذہنی حالت وِچ ہوندا اے جدوں تُسی اپنے ایمان نوں ترک کردے اُو، کہ تُسی مسیح دی قدر کرن دے لئی تیار اُو، تے اُوہدے بارے وِچ عزت و اِحترام نال سوچدے نے کہ صرف ممکنہ طور تے اُو ای اِک اے جیہڑا تہاڈی مدد کر سکدا اے تے تہانوں تہاڈے گناہ دے مصائب، تے آن آلی سزا توں بچا سکدا اے۔ جدوں تیکر تُسی اپنے آپ نوں نئیں چھڈو گے، اُودھہوں تیکر تہاڈے بارے وِچ ایہو ای کہیا جائے گا،

’’اَسی اُوہدے کولوں اپنے چہریاں نوں لُکہایا ….تے اَسی اُوہدی کوئی قدر نہ کیتی‘‘ (اشعیا 53:3)۔

IV۔ چوتھی گل، تُسی مسیح تے اُوہدی مصیبتاں دے بارے وِچ اُوس ویلے تیکر نئیں سوچو گے جدوں تیکر تُسی قائل نئیں ہو جاندے تے گناہ دی سزایابی وِچ نئیں آ جاندے۔

’’کیوں جے میں اپنی خطاواں نوں جاننا آں، تے میرا گناہ ہمیشہ میرے سامنے رہندا اے۔ میں فقط تیرے خلاف، صرف تیرے ای خلاف گناہ کیتا اے، تے میں اُوہی کام کیتا اے، جیہڑا تیری نظر وِچ بُرا اے‘‘ (زبور 51: 3۔4)۔

ایہ گناہ دی سزایابی وِچ ہونا اے، شاید بائبل وِچ سچی ندامت و شرمساری تے سب توں وڈی آیتاں۔ تے جے تُسی کدی وی ایہدے وِچوں کسی شے نوں محسوس نئیں کردے اُو، تے تُسی کدی وی مسیح دی ایس قدر بھرپور طریقے نال قدر نئیں کرو گے کہ تُسی اپنی گناہ توں بھری ساکھ وِچ اُوہدی راستبازی نوں قصوروار ٹھہران تے انصاف پان دے لئی اُوہدے کول محفوظ طریقے نال آؤ۔ ڈاکٹر شید نے کہیا،

’’[مسیح وِچ ایمان لیہیان دی تبدیلی] دے نال منسلک مشکلات ایس حقیقت نال پیدا ہوندیاں نے کہ لوکی … غیر تبدیل شُدہ گنہگار دے نقطہٗ نظر تے حالت توں اعتراض کرنے آں۔ اُو انکار کردے نے کہ اُو بے بس گنہگار نے۔ یا اُو انکار کردے نے کہ گناہ لامتناہی سزا دا متقاضی اے۔ یا اُو ایس گل توں انکار کردے نے کہ گناہ دی معافی دے لئی متبادلیاتی کفارہ درکار ہوندا اے۔ اِک ایہو جیہا ذہن جیہڑا [ایہناں گلاں تے سوال چُکدا اے] [اُو مسیح وِچ ایمان لیہیان دی تبدیلی] دے لئی ’تیار‘ نئیں ہوندا اے‘‘ (ڈبلیو۔ جی۔ ٹی۔ شیڈ W. G. T. Sheed، ڈوگمیٹک علمِ الہٰیات Dogmatic Theology، پی اور آر پبلیشرز P and R Publishing، دوبارہ اشاعت 2003، صفحہ 777)۔

ہلاک ہون آلیاں دے لئی تے سولی دا پیغام بیوقوفی اے‘‘ (I کُرِنتھِیوں 1: 18(۔ ایہ بہوتی ساری لفظاں وانگوں لگدا اے، یا ’’ایس طریقے نال اُو ہمیشہ اپنے واعظاں دا اِختتام کردا اے،‘‘ تے تہاڈا دماغ عین اُوسی لمحے ماؤف ہو جاندا اے کہ جیس ویلے تہانوں سُننا چائیدا اے جیویں تہاڈی حیاتی دا انحصار ایہدے تے اے – جیویں کہ واقعی اینج ای ہوندا اے۔

فیر وی، جدوں میں مسیح دی متبدلیاتی موت تے تہاڈے گناہواں نوں دھون دے لئی اُوہدے لہو دے بارے وِچ منادی کرنا شروع کرنا آں، تے تُسی ’’پٹری توں لتھ‘‘ جاندے اُو تے اپنے دماغ نوں بھٹکن دیہندے اُو۔ ایہ سچ اے، ایہ سچ ہونا چائیدا اے، کہ سولی دی تبلیغ صرف اِک مبلغ دے احمقانہ الفاظ دے سوا کُجھ نئیں اے۔ ایہ باطنی طور تے تہاڈے لئی ایس قدر سچی گل کیوں اے؟ اینج کیوں اے کہ مسیح دا جذبہ تہانوں ایس قدر گھٹ اہمیت دا حامل لگدا اے کہ جدوں میں ایہدا ذکر کرنا آں تے تہادی اَکھاں جُھک جاندیاں نے؟ جواب بہوتی سادہ اے۔ تُسی گناہ دی سزایابی دے تحت نئیں ہوندے اُو۔ جے تُسی گناہ دی سزایابی دے تحت ہوندے، جیویں کہ داؤد سی، تے تُسی داؤد دے نال پکارو گے،

’’میرا گناہ ہمیشہ میرے سامنے اے‘‘ (زبور 51:3)۔

فیر تُسی مسیح تے اُوہدے جذبے، تے لہو دے لئی اپنی لوڑ نوں بہوتی سختی نال ویکھو گے۔

لہٰذا، میں کہنا آں کہ جدوں تیکر تُسی اپنے گناہ دے قائل تے سزایافتہ نئیں ہو جاندے تُسی مسیح دے بارے وِچ عزت و احترام نال نئیں سوچو گے۔ جدوں تیکر کہ تہانوں اپنے گناہ دی سزا نئیں لبھدی، تُسی ایہناں وِچوں اِک ہوو گے جِنہاں نوں ساڈی تلاوت وِچ بیان کیتا گیا اے:

’’اَسی اُوہدے کولوں اپنے چہریاں نوں لُکہایا ….تے اَسی اُوہدی کوئی قدر نہ کیتی‘‘ (اشعیا 53:3)۔

تُسی کدی وی مسیح دے بارے وِچ عزت و احترام نال نئیں سوچو گے، تُسی کدی وی اُوہدی عظیم طور تے قدر نئیں کرو گے،

جدوں تیکر کہ تُسی کھیڈ سمجھ کے ٹالن توں گریز نئیں کرو گے۔
   جدوں تیکر تُسی موت توں نئیں ڈرو گے۔
      جدوں تیکر تُسی خود توں ہمت نئیں ہار جاندے۔
         جدوں تیکر تُسی گناہ دے قائل تے سزایافتہ نہ ہو جاؤ۔

جے تُسی ایہناں ’’تیاریاں‘‘ دا تجربہ نئیں کردے اُو، تے تُسی کدی وی سادہ ایمان دے نال یسوع دے کول نئیں آؤ گے تے ایہ تلاش نئیں کر پاؤ گے کہ، آخرکار، ’’اُوہدے کوڑے کھان نال اَسی شفا پانے آں‘‘ (اشعیا 53: 5)۔

جے ایس واعظ نے تہانوں سوچن تے مجبور کیتا اے، تے میہنوں اُمید اے کہ تُسی ہُنے آؤ گے تے میہنوں یا ڈاکٹر کیگن نوں مِلو گے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔