پاک کلام دا بے خطا ہونا | The Infallibility of Scripture

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مندرجہ ذیل پیغام نوں 11 مارچ 1888 نوں سی ایچ سپرجیئن C. H. Spurgeon وَلّوں دِتے گئے اِک واعظ توں مُرتب تے موافق کیتا گیا اے۔

جو کُجھ اشعیا نے کہیا، ’’خداوند اپنے مُںہ توں ایہ فرماندا اے‘‘، لہٰذا یہوواہ وَلّوں، خدا وَلّوں کہیا گیا سی۔ ایہ اشعیا نامی آدمی دے لکھے گئے الفظ سن، لیکن ایہ الفاظ دراصل خدا وَلوں دِتے گئے سن۔ ساری بائبل خدا دے الہام توں اے، تے ایس لئی خداوند نے اپنے مُنہ توں ایہنوں فرمایا ہے۔

اَج بہتیرے لوکی بائبل دی بے عزتی کردے نے، لیکن ساڈے خداوند یسوع مسیح نے جیہڑا ساڈا مالک تے خداوند اے، ایہدا بہوتا اِحترام کیتا۔ ایہ جاننا ضروری اے کہ یسوع مسیح بائبل دا بہوتا احترام کردا سی۔ مسیح خدا دا اِکلوتا پُتر سی، تے اُو جانندا سی کہ بائبل قابلِ اعتبار ہے یا نئیں۔ فیر وی اُو پرانے عہدنامے دے صحیفیاں توں مسلسل حوالہ دیہندا رہیا۔ مسیح نے ہمیشہ بائبل دے نال شدید تعظیم دا سلوک کیتا۔ مسیح نے کدی وی بائبل دے نال اینج دا سلوک نئیں کیتا جیویں کہ ایہدے چہ غلطیاں ہون۔ جیویں کہ دورِ حاضرہ وِچ شکی لوکی اکثر کردے نے۔ میہنوں یقین اے کہ اَسی یسوع مسیح دی مثال دی نقل کردے ہوئے غلط نئیں ہو سکدے، جِنہے کہیا، ’’پاک کلام غلط نئیں ہو سکدا‘‘ (یوحنا 10:35)۔

میں کہنا آں کہ چونکہ مسیح، خدا دے الہٰی بیٹے نے بائبل دا حوالہ دِتا، تے ایہنوں اپنی تعلیم وِچ استعمال کیتا، ایس لئی سانوں ایہدی مثال تے کِدرے بوہتا عمل کرنا چائیدا اے۔ مسیح نے ہر اِک لفظ دی قدر کیتی

’’خداوند اپنے مُنہ توں ایہ فرماندا اے‘‘ (اشعیا 1: 20)۔

رسولاں نوں وی بائبل دا بہوتا احترام سی۔ اُو عہدنامہ قدیم دے قدیم صحیفیاں نوں اپنا اعلیٰ اختیار سمجھدے سن۔ اُوہناں نے اپنے بیانات دی تائید صحیفیاں دے حوالے توں کیتی۔ یسوع دے کسی شاگرد نے کدی موسیٰ دے الفاظ، یا نبیاں، یا زبور دے اِختیار تے سوال نئیں چُکیا۔ جے تُسی ایہ کہنا چاہندے اُو کہ تہاڈے خیال وِچ بائبل چہ غلطیاں نے، تے تُسی کسی وی رسول نوں تہاڈے نال متفق نئیں پاؤ گے۔ نئے عہدنامے دے مصنفاں نے پرانے عہدنامے تے یقین کیتا تے ایہنوں خدا دے کلام دے طور تے بغیر کسی سوال دے سب کُجھ سمجھیا۔ تُسی تے میں اِک گرجا گھر توں تعلق رکھنے آں جیہڑا اینج کردا رہووے گا، جیہڑا کُجھ وی دوجے کہن گے۔ دوجے لوکی [جیہڑا چاہے] ایہدی پیروی کر سکدے نے، لیکن، ساڈے لئی، خدا ساڈا مالک تے خداوند اے، تے اَسی ایہ ماننے آں کہ عبرانی تے یونانی بائبل دا ہر اِک لفظ خدا وَلوں دِتا گیا سی،

’’خداوند اپنے مُنہ توں ایہ فرماندا اے‘‘ (اشعیا 1: 20)۔

I۔ سب توں پہلاں، ایہ ایس گل دا اِختیار اے جیہڑی اَسی مننے تے تبلیغ کرنے آں۔

’’خداوند اپنے مُنہ توں ایہ فرماندا اے‘‘ (اشعیا 1: 20)۔

اشعیا نے کی کہیا ایہدے تے گل کرنا اہم نئیں ہووے گا، جے اشعیا نے سانوں صرف اُو ای دِتا جیہڑا اُوہنے سوچیا سی۔ نہ ای سانوں پولوس رسول دی نئے عہدنامے دی تحریراں دا مطالعہ کرن وِچ گھنٹے صرف کرنے چائیدے نے جے پولوس دی تحریراں صرف اُوہدے خیالات تے نظریات سن۔ لیکن چونکہ ’’خداوند اپنے مُنہ توں ایہ فرماندا اے،‘‘ یہ ساڈے لئی افسوس دی گل اے جے اَسی بائبل وِچ دِتی گئی خوشخبری دی تبلیغ نہ کریے۔ اَسی تہاڈے کول ایہ کہندے ہوئے آنے آں کہ ’’خداوند ایویں فرماندا اے‘‘ تے ساڈے کول تبلیغ دی کوئی بنیاد نئیں ہوندی، جے ساڈے کول بائبل توں ایہ پیغام نہ ہوندا، ’’خداوند اپنے مُںہ توں ایہ فرماندا اے۔‘‘

مارٹن لوتھر، جیہڑے کدی وی انسان دے چہرے توں خوفزدہ نئیں ہوئے، اُوہناں نے کہیا کہ جدوں اُو تبلیغ دے لئی کھڑے ہوندے سن تے اپنی عظیم ذمہ داری دے احساس دی وجہ توں اکثر اپنے گوڈیاں نوں اِک دوجے نلا ٹکراندے ہوئے محسوس کردے سن۔ افسوس جے اَسی خداوند دا کلام اپنے پورے دِل، جان تے طاقت توں گھٹ بولن دی ہمت کریے! جے بائبل ساڈا اپنا کلام ہوندی تے اَسی اپنی تبلیغ وِچ محض انسانی بیانات نوں استعمال کرن دے لئی آزما سکدے نے۔ لیکن جے ایہ خدا دا کلام اے جیہدی اَسی تبلیغ کرنے آں، تے اَسی اپنی بولن دی صلاحیت ت ےسیکھن دا مظاہرہ کرن دے بارے وِچ سوچن دے متحمل نئیں ہو سکدے۔ سانوں بولنا چائیدا اے، ’’لفظاں دی حکمت نال نئیں، اینج نہ ہووے کہ مسیح دی سولی بے اثر ہو جائے‘‘ (1 کرنتھیوں 1: 17)۔

اَسی خوشخبری دی تبلیغ دے لئی شدید دباؤ وِچ رہنے آں۔ سانوں ایہ کہنا چائیدا اے، ’’خداوند اپنے مُنہ توں ایہ فرماندا اے۔‘‘ بائبل نوں درست کرنا مبلغ دا کام نئیں اے۔ اِک سچا مبلغگ بائبل دے الفاظ نوں اینج دہراندا اے جیویں اِک بچہ اسکول وِچ اپنے اسباق نوں دہراندا اے۔ مبلغین دے طور تے ساڈا کام صحیفیاں نوں درست کرنا نئیں اے، بلکہ صرف ایہدی وضاحت کرنا تے ایہدی تبلیغ کرنا اے۔

ایہ منندے ہوئے کہ ایہ خدا دا کلام اے، میہنوں اپنے نئے تے اصلیل خیالات دی تبلیغ نئیں کرنی چائیدی اے، بلکہ یسوع دے کہنا چائیدا اے، ’’جیہڑا کلام تُسی سُنندے اُو اُو میرا نئیں بلکہ باپ دا اے جِنہے میہنوں پیہجھیا اے‘‘ (یوحنا 14: 24)۔ ایہ یقین رکھدے ہوئے کہ ’’خداوند اپنے مُنہ توں ایہ فرماندا اے‘‘، ایہ میرا فرض اے کہ میں بائبل دے الفاظ نوں تہاڈے سامنے صحیح طریقے نال دہراواں، ایہنوں سُنن تے ایہنوں اپنی روح وِچ محسوس کرن دے بعد۔ میرے لئی خوشخبری نوں تبدیل کرنا یا موافق بنانا درست نئیں اے۔ کی! کی اَسی ایہنوں بہتر بنان دی کوشش کریے جیہڑا خدا نے صحفیاں وِچ نازل کیتا اے؟ بے عیب خدا دے بےنظیر وحی ایس ویلے دے فیشن تے خوش فہمیاں دے مطابق ہون دے لئی اعتدال پسند یا نرم نئیں اے!

خدا سانوں دسدا اے، ’’جیہدے کول میرا کلام اے، اُو میرا کلام ایمانداری نال کہوے‘‘ (یرمیاہ 23: 28)۔ بھوسے دا گندم نال کی مقابلہ؟ خدا دے کلام، دی تعلیمات، بائبل دے مقابلے وِچ انسان دی دریافتاں کی نے؟ ایس لئی سانوں اُوہدے کلام وِچ اضافہ نئیں کرنا چائیدا اے ورنہ اُو اُوہناں آفتاں نوں ساڈے تے پا دے جیہڑیاں ایس کتاب وِچ لکھیاں گئیاں نے۔ تے سانوں بائبل دی الفاظ نوں حذف نئیں کرنا چائیدا اے، اینج نہ ہووے کہ خدا سادے ناواں نوں کتابِ حیات توں ہٹا دیوے!

اِک وری فیر، اَسی ہمت تے پوری یقین دہانی دے نال خدا دی سچائی دسنے آں۔ اَس مصلوب مسیح دی منادی کرنے آں، تے اَس دلیری نال بونے آں، تے ساڈے لئی اینج کرنا درست اے، کیوں جے اَسی خدا دے کلام دی منادی کر رئے آں، نہ کہ اپنے۔ ساڈے تے عقیدہ پرستی دا اِلزام لگایا گیا اے۔ لیکن جدوں اَسی خداوند دے مُنہ توں کہئی گئی گل نوں دہرانے آں تے سانوں اصولی طور تے بولنا چائیدا اے۔ اَسی ’’اگر‘‘ یا ’’لیکن‘‘ نئیں کہہ سکدے کیوں اَسی بائبل وِچ یقین تے کُجھ شیواں نال نمٹ رئے آں۔ جے خدا کہندا اے کہ اینج اے تے اینج اے اے۔ تے ایہ دلیل دی انتہا اے۔ جدوں خدا بائبل وِچ گل کردا اے تے بحث رُک جاندی اے۔

اُو لوکی جیہڑے بائبل دے اِختیار نوں مسترد کردے نے اُو ساڈی تبلیغ نوں چنگی طرح نال ٹھکرا سکدے نے۔ جدوں اُو ساڈی تبلیغ نوں ٹھکراندے نے تے اَسی پریشان نئیں ہوندے۔ لیکن، جدوں اَسی اُو الفاظ بولنے آں جیہڑے خداوند دے مُنہ توں کہے گئے نے، تے اُو لوکی جیہڑے خدا دے کلام نوں سُنن توں اِنکار کردے نے، اپنے لئی وڈے خطرے وِچ اینج کردے نے۔

اِک وری فیر، جے اَسی یقین رکھنے آں کہ ’’خداوند اپنے مُنہ توں ایہ فرماندا اے‘‘ – ایہ سانوں وڈی محبت تے جوش وَل لے جائے گا۔ بائبل دی سچائیاں جین تے مرن دے لائق نے۔ میں پرانے عقیدے دی خاطر میں خود وِچ عیب پا کے بہوتا خوش آں۔ میہنوں اُو پرانے زمانے دا مذہب دیو۔ ایہ میرے لئی کافی چنگی اے۔‘‘ جیویں کہ اِک پرانا گیت کہندا اے،

مسیح دی محبت میہنوں مجبور کردی اے۔
انساناں دی آوارہ روحواں نوں تلاش کرنا؛
رون، التجاواں، اتھروواں دے نال بچان دے لئی
اُوہناں نوں اَگ دی لہر توں چھینن دے لئی۔

میہنوں انجیل دے پیغام دے الفاظ نوں مسلسل دہرانا چائیدا اے، اینج دے الفاظ، ’’کیوں جے خدا نے دُنیا نال ایہو جئی محبت کیتی کہ اُوہنے اپنا اِکلوتا پُتر بخش دِتا، تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دی حیاتی پائے‘‘ (یوحنا 3: 16)۔ سانوں ایہنوں دلیری نال کہنا چائیدا اے، جدوں وی اَسی تبلیغ کرنے آں، ہر تھاں، سانوں ہر مخلوق نوں خوشخبری سُنانی چائیدی اے، ’’کیوں جے خداوند اپنے مُنہ توں ایہ فرماندا اے۔‘‘ تے کی تیرا مُنہ وی ایہدا اعلان نئیں کرے گا؟ بیمار دے کن وِچ سرگوشی کرو۔ اُیہنوں چیخ چیخ کے گلیاں دے کونیاں وِچ دسّو، لیکن ہر تھاں ایہ تہاڈا مقصد ہون دیو – تُسی خوشخبری دی تبلیغ کردے اُو کیوں جے ’’خداوند اپنے مُنہ توں ایہ فرماندا اے۔‘‘ تہاڈے وِچوں کوئی وی خاموش نہ رئے، جیہدی آواز ہووے، جیہڑی پھیل جائے، تاکہ سب سُن سکن، اُو گلاں جیہڑیاں خداوند نے اپنے پُتر، خداوند یسوع مسیح دے ذریعے دِتیاں نے! ’’کیوں جے خداوند اپنے مُنہ توں ایہ فرماندا اے۔‘‘

ہر لفظ جیہڑا خدا نے سانوں بائبل وِچ دِتا اے اُو ساڈی توجہ دا تقاضا کردا اے کیوں جے ایہ واقعی اہم اے۔ چونکہ ’’خداوند اپنے مُنہ توں ایہ فرماندا اے،‘‘ بائبل دے الفاظ بہوتے اہم نے۔ خدا تہاڈے نال نئیں کھیڈدا۔ خدا بہوتی سنجیدہ ہوندا اے جدوں اُو تہاڈے نال گل کردا اے۔ خدا تہاڈے نال بائبل وِچ ابدی شیواں دے بارے وِچ گل کردا اے۔ خدا جو کہندا اے اُو اہم اے کیوں جے تہاڈی حیاتی ایہدے تے منحصر اے۔ میں دعا کرنا آں کہ تُسی سُنن دے لئی کافی ہوشیار ہوو گے، ’’کیوں جے خداوند اپنے مُنہ توں ایہ فرماندا اے۔‘‘

خدا ایہو جئی گلاں نئیں کہندا جیہڑیاں شاید اَن کہی رہ گئی ہون۔ جدوں خدا بولدا اے تے تہانوں سُنن دی لوڑ ہوندی اے۔ میں جاننا آں کہ شیطان کہندا اے کہ تُسی خدا دے کلام نوں سُنےبغیر وی بہوتا چنگا کر سکدے اُو۔ میں جاننا آں کہ تہاڈا اپنا جسمانی دِل تہانوں کہندا اے کہ کاروبار تے لذت دی آواز سنو، لیکن خدا دے کلام نوں نئیں۔ لیکن جے تُسی روح القدس نال سیکھنا چاہندے اُو، تے تہانوں سُننا چائیدا اے کہ خدا بائبل وِچ کی کہندا اے۔ اَج، جے تُسی اُوہدی واج سُنو گے، تے اُوہنوں سُنو۔ کیوں جے اُو فوری توجہ دا مطالبہ کردا اے۔ انتظار کیتے بغیر، اپنے دِل وِچ کہو، ’’بول، خداوند! کیوں جے تیرا بندہ سُںندا اے‘‘ (1 سموئیل 3: 9)۔

میں آپ سے گزارش کرتا ہوں کہ اُو سنو جیہڑا بائبل کہندی اے کیوں جے ایہ تہانوں دسدی اے کہ کیویں نجات پائی جائے۔ کوئی دوجی کتاب نئیں جیہڑی تہانوں نجات حاصل کرن وِچ مدد دے سکے۔ تہانوں بائبل نوں ضرور سُننا چائیدا اے، ’’کیوں جے خداوند اپنے مُںہ توں ایہ فرماندا اے۔‘‘

میں ایس آیت توں تہانوں وکھایا اے کہ اَسی جیہڑے تبلیغ کرنے آں اُوہدے لئی بائبل اتھارٹی اے، تے بائبل تہاڈی توجہ دا تقاضا کردی اے۔

III۔ تیجی گل، ایہ گل بہوتے لوکاں دے لئی بائبل نوں انتہائی پریشان کُن بنا دیہندی اے۔

کی میں تہاڈے لئی پوری آیت فیر پڑھاں؟ ’’لیکن جے تُسی انکار کیتا تے سرکشی کیتی تے تلوار دا لقمہ بن جاؤو گے کیوں جے خداوند نے اپنے منہ نال ایہہ فرمایا اے۔‘‘

خُدا نے ہلے تیکر کدی اینج دی دھمکی نئیں دِتی جیہڑی سچ نہ ہوئی ہووے۔ جدوں خُدا نے فرعون نوں دسیا کہ اُو کی کرے گا، تے اُوہنے اینج کیتا – تے اُوہدیاں آفتاں دی بھرمار آ گئی۔ تے تُسی اوہدے تے انحصار کر سکدے اُو، جدوں یسوع کہندا اے، ’’ایہہ ہمیشہ دی سزا وچ چلے جان گے،‘‘ ایہہ بالکل اوویں ای ہووے گا جیویں اوہنے کہیا سی (متی 25: 46)۔ خُدا دا کلام تہانوں اینج دیاں شیواں توں ڈران لئی نئیں دِتا گیا اے جیہڑیاں حقیقی نئیں نے۔ خُدا نے ہمیشہ اپنی دھمکیاں تے عمل کیتا اے – تے تُسی اوہدے تے انحصار کر سکدے اُو کہ اُو ایویں کردا رہوے گا، ’’کیوں جے خُداوند نے اپنے منہ نال ایہہ فرمایا اے۔‘‘

تُسی بائبل تے کیویں یقین کر سکدے اُو، کیوں جے ایہہ تہاڈی مذمت کردی اے؟ جے تُسی اوہدے تے یقین کرو گے، تے اوہدے کہن تے عمل کرو گے، تے تہانوں جہنم توں بچن دا رستہ مل جاوے گا۔ خُداوند دا منہ تہانوں یسوع نال متحد ہو کے سزا توں بچن لئی کہندا اے۔ بائبل رحمت دے دودھ تے فضل دے شہد دے نال وگدی اے۔ لیکن جے تُسی بائبل نوں مسترد کردے اُو، جے تُسی اُوہدے وعدیاں نوں پامال کردے اُو، تے جے تُسی اُوہنوں اپنے غصے وچ جلا وی دیندے اُو، اُودوں وی بائبل غیر تبدیل شدہ تے ناقابل تبدیل ای رہوے گی، ’’کیوں جے ایہہ خداوند نے مُنہ نال فرمایا اے۔‘‘ ایس لئی تہانوں بائبل نال انتہائی احترام نال پیش آنا چائیدا اے۔ یاد رکھو کہ ’’ایہہ ایس لئی لکھی گئی اے کہ تُسی یقین کرو کہ یسوع ای مسیح اے، جیہڑا خدا دا پُتر اے۔ تے ایہہ کہ اُوہدے ناں دے وسیلہ نال تہانوں ایمان لہیا کے حیاتی ملے‘‘ (یوحنا 20: 31)، ’’ کیوں جے ایہہ خداوند نے مُنہ نال فرمایا اے۔‘‘

IV۔ چوتھی گل، ایہ بائبل نوں ساڈے ایمان دی بنیاد بناندی اے۔

’’خداوند نے اپنے مُنہ نال ایہہ فرمایا اے،‘‘ ساڈے اعتماد دی بنیاد اے۔ تہاڈے گناہ معاف کیتے جا سکدے نے، کیوں جے خُدا نے اینج کہیا اے۔ تُسی کہندے اُو، ’’آہ،‘‘ ’’میں ایہناں کمزور محسوس کرنا آں کہ میں نماز نئیں پڑھ سکدا تے نہ ای کُج ٹھیک کر سکنا آں۔‘‘ کی ایہہ نئیں لکھیا اے، ’’جدوں اسی ہُنے تیکر بے طاقت سی، مسیح مقررہ ویلے تے بے دیناں لئی مر گیا‘‘ (رومیوں 5: 6)؟ لہٰذا، اپنی نااہلی دے باوجود، خُدا دی کہی ہوئی گل تے یقین کرو، ’’کیوں جے خُداوند نے اپنے مُنہ نال ایہہ فرمایا اے۔‘‘

میرا خیال اے کہ میں کسی مسیحی نوں ایہہ کہندے ہوئے سنیا اے، ’’خدا نے کہیا اے، ’میں تہانوں کدی نئیں چھڈاں گا، نہ ای تہانوں خود توں جُدا کراں گا،‘ لیکن میں بڑی مصیبت وچ آں؛ میری حیاتی وچ ہون آلی ساریاں گلاں اوس وعدے دے خلاف لگدیاں نے۔‘‘ فیر وی، ’’خداوند نے اپنے مُنہ نال ایہہ فرمایا اے،‘‘ تے وعدہ سچا اے۔ بُرے حالات وچ خُداوند تے یقین رکھو۔ جے تُسی فرار دا کوئی رستہ یا مدد دا ذریعہ نئیں ویکھ سکدے اُو، اُودوں وی اندیکھے خُدا تے یقین رکھو، تے اُوہدی موجودگی دی سچائی تے یقین رکھو، ’’کیوں جے خُداوند نے اپنے منہ نال ایہہ فرمایا اے۔‘‘ جدوں میں تقریباً مایوسی دی حد تیکر افسردہ ہو جانا آں، تے میں خداوند دے فقط کلام تے قائم رہن دا عزم کرنا آں، تے اُوہنوں اپنے آپ وچ اِک مکمل سہارا ثابت کرنا آں۔ خُدا دے مقصد قائم رہن گے، ’’کیوں جے خُداوند نے اپنے مُنہ نال ایہہ فرمایا اے۔‘‘ ایہناں ساریاں لوکاں توں دور رہوو جیہڑے ایہدی مخالفت کردے نے۔ ساڈا اِک پختہ اعتماد اے، ’’کیوں جے خداوند نے اپنے منہ نال ایہہ فرمایا اے۔‘‘

کسی دن اسی مر جاواں گے۔ موت دا پسینہ ساڈی پیشانیاں تے چمکے گا تے اسی بول نئیں سکاں گا۔ اوہ، فیر، عظیم وڈھیرے جرمن شہنشاہ وانگوں، اسی کہہ سکنے آں، ’’میریاں اکھاں نے تیری نجات ویکھی اے،‘‘ تے ’’اُوہنے اپنے ناں نال میری مدد کیتی اے۔‘‘

پراہوو، اسی چالاکی نال تیار کیتی گئی کہانیاں دی پیروی نئیں کیتی۔ اسی ’’ہوا نال بھرے تھیلیاں تے تیرن آے بے ہودہ مُنڈے‘‘ نئیں آں جیہڑے چھیتی ای ساڈے تھلے پھٹ جان گے۔ اسی مضبوط زمین تے قائم و دائم آں۔ اسی خُود خُدا تے تکیہ [پرہوسا] کرنے آں۔ اُوہدا وعدہ قائم رہنا چائیدا اے، کیوں جے ’’خداوند نے اپنے منہ نال ایہہ فرمایا اے۔‘‘

لوکی کی کہندے نے ایہدے نال کوئی فرق نئیں پیندا، تُسی بائبل دے کول جاندے اُو، تُسی اوہی کردے اُو جو ایہہ کہندی اے۔ خُدا دے کلام نال چمٹے رہنا؛ یسوع مسیح ول رجوع کرو ایہدے لہو دے ذریعے نال گناہ توں پاک صاف ہو جاؤو۔ شہداء دی خوشخبری، اصلاح پسنداں دی خوشخبری، خُدا دے تخت دے سامنے لہو آلود ہجوم دی خوشخبری، ساڈے خُداوند یسوع مسیح دی خوشخبری، تہاڈی خوشخبری ہووے، تے ایہدے سوا کُج نہ ہووے، تے مسیح تہانوں نجات دیوے گا۔ ’’کیوں جے خداوند نے اپنے منہ نال ایہہ فرمایا اے۔‘‘ مسیح یسوع دے وسیلے نال اُوہدے ناں دا جلال ہووے! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔