خدا جیویں کہ تُسی اُوہنوں نئیں سمجھدے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میرے واعظ دا عنوان گمنام شراب نوشیاں[Alcoholics Anonymous] دے اقدامت وچوں اک توں اخذا کیتا گیا اے کہ ’’خدا نوں تلاش کرو جیویں کہ تُسی اُوہنوں سمجھدے اُو۔‘‘ میرے پادری صاحب اکثر ایہدے خلاف تبلیغ کردے سن، تے ایس واعظ دا عنوان اُوہناں وَلوں براہ راست دہرایا گیا اے۔ بہتیرے لوکی قادرِ مطلق خدا دے بارے چہ غلط نظریہ رکھدے نے، تے خدا دے بارے چہ اُوہناں دی فہم و سمجھ اُوہناں دے اپنے تصورات تے مبنی اے نہ کہ اُوس گل توں جیہڑی خدا نے اپنے بارے وِچ پاک کلام دے ذریعے ظاہر کیتی اے۔ یا اُو صرف کُجھ سچائیاں نوں اپنان گے، صرف اُوہی جیہڑی اُوہناں دے عقائد دے مطابق ہون یا پوری اُتردیاں ہون۔ خدا دی صفتاں وِچوں اِک جیہدا اکثر انجیلی بشارت دا پرچار کرن آلے نئے لوکاں دے ذریعے دعویٰ کیتا جاندا اے اُو اُوہدی محبت دی صفتاں نے۔ تُسی اکثر اُوہناں نوں ایہ کہندے ہوئے سُنندے اُو، ’’جے خدا محبت اے، تے اُوہدی محبت وِچ اُو کسی نوں جہنم وِچ نئیں پیہجھے گا۔‘‘ جی ہاں، خدا دی عظیم صفتاں وِچوں اِک محبت اے، فیر وی بائبل ایہ وی کہندی اے،

’’خدا راستبازاں دا اِنصاف کردا اے، تے خدا ہر روز شریراں توں ناراض ہوندا اے‘‘ (زبور 7: 11)۔

تے، کی اُو محبت دا خدا اے یا غُضیلہ خدا؟ چونکہ ڈاکٹر کیگن نے پچھلے ہفتے اپنی تعلیم وِچ ایہدے بارے چہ گل کیتی سی، میں ایہدی تفصیل وِچ نئیں جاواں گا، لیکن حقیقی خدا اِک ای ویلے وِچ غصہ تے محبت اے! تُسی اِک نوں لے کے دوجے نوں نئیں چھڈ سکدے! ایہ نظر آن آلا تضاد صرف منحوس آدمی دے ذہن وِچ ہوندا اے

’’کیوں جے میرے خیالات تہاڈے خیالات نئیں، نہ تہاڈی راہواں میریاں راہواں نے، خداوند فرماندا اے۔ کیوں جے جیویں آسمان زمین توں اُونچے نے اینج ای میرا راہواں تہاڈی راہواں توں تے میرے خیالات تہاڈے خیالات توں اُوچے نے‘‘ (اشعیا 55: 8-9)۔

تے ایہ کیوں ضروری اے؟ میں پورا اِک واعظ ایہدے لئی کیوں وقف کر رہیا آں؟ ایہدی وجہ ایہ اے کہ ’’خدا جیویں کہ تُسی اُوہنوں سمجھدے اُو،‘‘ واقعی اِک بُت اے، تے تُسی مؤثر طریقے نال خدا دے پہلے دو حکماں نوں توڑیا اے۔ ڈاکٹر اے ڈبلیو ٹوزر نے کہیا،

جِنہاں گناہواں نال انسان دا دِل متاثر ہوندا اے، ایہناں وِچوں شاید اے کوئی دوجا خدا دے نیڑے بُت پرستی توں بہوتا نفرت انگیز ہووے، کیوں جے بُت پرستی اُوہدے کردار تے سب توں بوہتی توھین آمیز تحریر اے۔ بُت پرست دِل ایہ سمجھدا اے کہ خدا ایہدے علاوہ اے – بذاتِ خود اِک شیطانی گناہ اے – تے اُوس حقیقی خدا دا متبادل اے جِنہوں اوہدی اپنی شبیہہ دے بعد بنایا گیا اے‘‘ (اے ڈبلیو ٹوزرA. W. Tozer اُوس پاک ذات دی سمجھ The Knowledge of the Holy، ہارپر ونHarperOne، 2017، صفحہ 3)۔

تہاڈے وِچوں کئی ساڈے گرجا گھر وِچ نئے نے۔ دوجے شاید کُجھ عرصے توں ایتھے رہ رئے ہون، لیکن دوواں گروہ خدا دے بارے چہ غلط نظریہ رکھدے نے۔ ایس واعظ دا مقصد خدا دی چند صفات دا تعارف کرانا اے جیویں کہ کتاب وِچ نازل ہویا اے تے ایہناں دا تہاڈے تے اِطلاق ہوندا اے۔

واہ، خدا دی نعمت، اُوہدی حکمت دے اُوہدا علم بے حد گہرا اے! اُوہدے فیصلے تے اُوہدے ماضی دے طریقے سمجھ توں کیس قدر باہر نے! کیوں جے رب دی عقل نوں کیہنے جانیا اے؟ یا اُوہدا مشیر کون رہیا اے؟‘‘ (رومیوں 11: 33-34)۔

ایہدا مطلب ایہ اے کہ خدا سب کُجھ جانن آلا اے تے اُو کام علم دا مالک اے۔ خدا سِکھ نئیں سکدا۔ ایہ اِک گستاخانہ بیان وانگوں لگ سکدا اے، لیکن جے اُو سِکھدا اے، تے ایہدا مطلب ایہ ہووے گا کہ اُوہدے کول کسی حلقہِ اثر وِچ علم دا گھاٹا سی۔ کُجھ لوکی بحث کر سکدے نے کہ صحیفے خدا نوں سوال پُچھدے ہوئیاں وکھاندے نے جیویں کہ پیدائش 3: 9 وِچ جیتھے اُو آدم دے برگذشتہ ہو جان دے بعد [اُوہنوں] پُچھدا اے، ’’توں کیتھے اے؟‘‘ تاہم، خدا آدم دے جسمانی مقام دے بارے چہ نئیں پُچھ رہیا اے، بلکہ ایہ سوال آدم دے ضمیر دے سامنے اے، تاکہ اُو اپنے گناہ تے غور کرے۔ ٹوزر نے کہیا،

کیوں جے خدا ہر شے نوں بخوبی جانندا اے، ایس لئی اُو کسی وی شے نوں [کسی دوجی شے] توں بہتر نئیں جانندا بلکہ ساریاں شیواں نوں یکساں طور تے جانندا اے۔ اُو کدی کُجھ دریافت نئیں کردا۔ اُو کدی تجسس نئیں کردا، کدی تعجب نئیں کردا۔ اُو کدی وی کسی شے دے بارے چہ حیران نئیں ہوندا اے تے نہ ای [سوائے اُوہدے کہ جدوں لوکاں نوں اُوہناں دے اپنی بھلائی دے لئی کِیھچدا اے) اُو معلومات حاصل کردا اے یا سوالات پُچھدا اے (اے ڈبلیو ٹوزرA. W. Tozer اُوس پاک ذات دی سمجھ The Knowledge of the Holy، ہارپر ونHarperOne، 2017، صفحہ 56)۔

ایہدا مطلب ایہ وی اے کہ خدا ہر شخص نوں چنگی طرح جانندا اے۔ اُو تہانوں جانندا اے۔ اُو تہاڈے دِل نوں جانندا اے، تے اُو تہاڈے گناہ نوں جانندا اے، اگرچہ تُسی نئیں جانندے۔ ایہدے باوجود، جیویں کہ اَسی پہلے آدم دے نال ویکھیا، اُو گنہگار دا پیچھا کردا اے۔ ایہ آدم نئیں سی جِنہے اپنے زوال دے بعد خدا دی تلاش کیتی، بلکہ خدا نے گمراہ ہوئے آدم نوں تلاش کیتا۔ خدا دی ہر شے نوں جانن دے صلاحیت ایہ ظاہر کردی اے کہ اُو جانندا اے کہ تہاڈے لئی کی بہتر اے۔ بھائیو، تُسی کیہنی وری کسی شے دے لئی دعا کیتی تے اُو نئیں لبھی؟ نوکری، گھر، شریک حیات یا بچہ؟ صرف ایس لئی کہ بعد چہ تہاڈے تے خدا دی حکمت ظاہر ہووے۔ میں اپنی حیاتی وِچ کئی وری ایہدا تجربہ کیتا اے، تے میہنوں بے پناہ برکت ملی اے جدوں میں خدا دی حکمت نوں ویکھیا کہ اُوہنے میہنوں اُو نئیں دِتا جیہڑا میں چاہندا سی، بلکہ اُو جیہڑا میرے لئی بہترین سی۔

’’خداوند دی اَکھاں ہر تھاں بُرائی تے نیکی نوں ویکھدیاں نے‘‘ (امثال 15: 3)۔

خدا دی ہمہ گیریت یعنی خدا دا بیک وقت ہر تھاں تے موجود ہون دا مطلب ایہ اے کہ اُو اِک ای ویلے چہ سارے مقامات تے موجود اے۔ ایتھے، اُوتھے، تے ہر تھاں تے۔ تہاڈے نال ملحق کرسی توں لے کے انتہائی دور دی کہکشاں تیکر، مخلوق وِچ کدرے وِی اینج نئیں اے کہ خدا موجود نہ ہووے۔ ایس توں وی ودھ کے ایہ کہ اُوہدی موجودگی دوری نال گھٹ نئیں ہوندی۔ صرف ایس لئی کہ اُو ایتھے موجود اے، چین وِچ اُوہدی موجودگی نوں گھٹ نئیں کردا۔ نہ ای خدا اِک بیکار مشاہدہ کرن آلا اے، لیکن جیویں کہ سپرجیئن نے کہیا، ’’ہر تھاں … موجود اے، نہ صرف خدا، بلکہ خدا دی سرگرمی وی۔ میں جیتھے وی جاواں گا میہنوں کوئی اُونگھن آلا خدا نئیں بلکہ دُںیا دے معاملات وِچ مصروف خدا لبھے گا۔ ٹوزر نے کہیا،

نے عہدنامے دی تعلیم ایہ اے کہ خدا نے کلام نوں لوگوسLogos یعنی کلام دے ذریعے تخلیق کیتا اے تے کلام دی شناخت خدا دی دوجی ہستی نال کیتی گئی اے جیہڑی انسانی فطرت وِچ مجسم ہون توں پہلاں ای دُنیا وِچ موجود سی۔ کلام نے ساریاں شیواں نوں بنایا تے اُوہناں نوں برقرار رکھن تے قائم کرن دے لئی اپنی تخلیق وِچ موجود رہیا تے نال ای نال [اُو] اِک اخلاقی روشنی وی اے جیہڑی ہر انسان نوں اچھائی تے بُرائی وِچ تمیز کرن دے قابل بناندی اے۔ کائنات اِک منظم نظام دے طور تے کام کردی اے، غیر ذاتی قوانین دے ذریعے نئیں بلکہ غیر یقینی تے عالمگیر لوگوس دی تخلیقی آواز دی موجودگی نال۔ (اے ڈبلیو ٹوزرA. W. Tozer اُوس پاک ذات دی سمجھ The Knowledge of the Holy، ہارپر ونHarperOne، 2017، صفحہ 74 )۔

ایس گل دا تُہاڈے لئی کی مطلب ہوندا اے؟ بائبل کہندی اے،

’’خداوند دی اَکھاں ہر تھاں بُرائی تے نیکی نوں ویکھدیاں نے‘‘ (امثال 15: 3)۔

ایہدا مطلب ایہ اے کہ خدا دی سب کُجھ ویکھن آلی اَکھ توں تُسی اپنے گناہ نوں چھپان دے لئی کِدرے نئیں جا سکدے۔ خدا دی موجودگی توں بچن دے لئی تہاڈے کول کوئی تھاں نئیں اے۔ یوناہ نے خداوند دے حضور توں تارشیش وَل نٹھن دی کوشش کیتی۔ لیکن خدا جانندا سی کہ یوناہ کیتھے اے تے اُوہنے سمندر وِچ اِک زبردست طوفان پیہجھ دِتا (یوناہ 1: 3-4)۔ تُسی ناسا NASA یا ای لونElon توں اپنے آپ نوں مریخ تے پیہجھوا سکدے اُو، لیکن تُسی خدا دی موجودگی توں نٹھن د ےقابل نئیں ہوو گے۔ تُسی بند بوہے تے پیچھے چُھپ سکدے اُو، لیکن خدا فیر وی برائی نوں ویکھے گا۔ تاہم، ساڈی تلاوت ایہ وی کہندی اے کہ خدا اچھائیاں نوں وی ویکھدا اے، تے ایہ گل اُوس شخس دے لئی وڈی تسلی والی ہونی چائیدی اے جیہڑا مسیح وِچ اے۔ حیاتی دی ناگزیر آزمائشاں دے دوران، اُو اُوتھے موجود اے۔ جدوں کلام دی خاطر اذیت آندی اے، تے اُو وی اُوتھے ہوندا اے، کیوں جے اُوہنے کہیا، ’’ویکھو، میں دُنیا دے اَخیر تیکر ہمیشہ تہاڈے نال آں‘‘ (متی 28: 20)۔

’’تے میں اِک وڈے ہجوم دی آواز، تے بہتیرے پانیاں دی آواز وانگوں، تے زبردست گرج دی آواز وانگوں، ایہ کہندے ہوئے سُنی، ھیلیلویاہ: کیوں جے خداوند خدا قادرِ مطلق بادشاہی کردا اے‘‘ (مکاشفہ 19: 6)۔

بے حدا قدرت آلا کہن دا اِک ہُور طریقہ اے ’’سب توں بہوتا طاقتور‘‘ یا ’’قادرِ مطلق‘‘۔ کنگ جیمز بائبل وِچ لفظ قادرِ مطلق دا استعمال 57 وری ہویا اے تے ہر وری ایہ خدا دے حوالے توں استعمال ہویا اے، کیوں جے صرف اُو ای قادرِ مطلق اے۔ تخلیق خود حکم دیہندی اے کہ خدا قادرِ مطلق اے۔ ٹوزر نے کہیا،

خدا دے کول طاقت اے۔ چونکہ خدا وہ لامحدود اے، اُوہدے کول جو کُجھ اے اُو بے حد ہونا چائیدا اے۔ ایس لئی خدا دے کول لامحدود طاقت اے، اُو قادرِ مطلق اے۔ اَسی مذید ویکھنے آں کہ خدا خود موجود خالق ساریاں طاقتاں دا سرچشمہ اے … خدا نے اپنی مخلوق نوں طاقت سونپی اے، لیکن خود کفیل ہون دی وجہ توں اُو اپنے کمالات وِچوں کسی وی شے نوں ترک نئیں کر سکدا تے اُو طاقت اُوہناں وِچوں اِک ہون دی وجہ اے۔ اُوہنے اپنی طاقت دے ذرہ برابر وی ہتھیار نئیں سُٹے۔ اُو دیہندا اے لیکن نئیں دیہندا۔ جو کُجھ اُو دیہندا اے اُوہنوں اُو ای رہنا چائیدا اے جیہڑا اُو ہمیشہ توں رہیا اے، خداوند خدا قادرِ مطلق۔ (اے ڈبلیو ٹوزرA. W. Tozer اُوس پاک ذات دی سمجھ The Knowledge of the Holy، ہارپر ونHarperOne، 2017، صفحہ 65-66)۔

تہاڈے وِچوں کُجھ جِنہاں نے طبیعات دا مطالعہ کیتا اے اُو سوچ سکدے نے کہ ٹوزر دا اِقتباز تقریباً تھرموڈینامکس [فزکس دی اُو شاخ جیہدا تعلق توانائی دی مختلف شکاں دی تبدیلی نال اے] دے پہلاں قانون وانگوں لگدا اے، جیہدے چہ کہیا گیا اے کہ توانائی نہ تے تخلیق ہو سکدی اے تے نہ ای تباہ ہو سکدی اے: تے صرف شکل بدل سکدی اے۔ تُسی درست ہوو گے؛ تاہم، ایہ خدا نئیں اے جیہڑا سائنس دے قوانین دی پیروی کردا اے، لیکن سائنس دے قوانین خدا دی کاروائیاں تے عمل کردے نے۔ ٹوزر ایہدی وضاحت ایہ کہندے ہوئے کردے نے،

سائنس مشاہدہ کردید اے کہ خدا دی طاقت کینج کام کردی اے، کِدرے اِک باقاعدہ نمونہ دریافت کردی اے تے اُوہنوں اِک قانون دے طور تے قائم کردی اے۔ اُوہدی تخلیق وِچ خدا دی سرگرمیاں دی یکسانیت سائنس دان نوں قدرتی مظاہر دی پیشن گوئی کرن دے قابل بناندی اے۔ اُوہدی دُنیا وِچ خدا دے طرز عمل دی امانت ساریاں سائنسی سچائیاں دی بنیاد اے۔ (اے ڈبلیو ٹوزرA. W. Tozer اُوس پاک ذات دی سمجھ The Knowledge of the Holy، ہارپر ونHarperOne، 2017، صفحہ 66)۔

ہُن ایہ سب تہاڈے تے کیویں لاگو ہوندا اے؟ زبور نویس نے کہیا، ’’طاقت خدا دی اے (زبور 62: 11)۔ چونکہ خدا ساری طاقت دا سرچشمہ اے، اُوہدے حکم نال کائنات دی ساریاں قوتاں اُوہدے کول نے۔ جو کُجھ وی کیتا جاندا اے یا کرن دی لوڑ ہوندی اے اُوہدے لئی طاقت دی لوڑ ہوندی اے تے تہاڈے کول طاقت دا بہوتا ماڑا جیہا حصہ تہانوں سونپیا جاندا اے۔ ہُن تُسی اپنے آپ نوں دو سوال پُچھو، تہانوں ایہدی کی لوڑ اے؟ تے کی تہاڈے کول ایہنوں حاصل کرن دی کافی طاقت اے؟ آئیے مثال دے طور تے کہنے آں کہ تہانوں خراب مائکروویو نوں چالو کرن دی لوڑ اے، لیکن تہاڈے اِخیتار وِچ صرف اِک یا دو چھوٹے آلے سیل [بیٹری AA] نے۔ اُوہناں نوں اپنی پسند دے کسی وی سرکٹ وِچ ترتیب دیو، تہاڈے کول مائکروویو نوں پاور کرن دے لئی کافی نئیں ہووے گا! تہانوں ایہدے توں بہوتی طاقت دی لوڑ ہووے گی جیہڑی تہاڈے اِختیار وِچ اے۔ ہُن، اِک زیادہ عمل مثال لیہنے آں۔ تہانوں یسوع دے کول آن دی لوڑ اے۔ میں تہانوں یقین دلانا آں کہ تُسی اُوہدے کول آن دے لئی اپنی طاقت وِچ سب کُجھ کر سکدے اُو تے اُوس دِن توں بوہتا نجات دے قریب نئیں ہو سکدے جدوں تُسی پہلی وری گرجا گھر وِچ گئے سی۔ مسیح وِچ ایمان لیہیان دی تبدیلی دے لئی اپنے آپ توں باہر طاقت دی لوڑ ہوندی اے۔ شاگرداں نے پُچھیا، ’’فیر کون نجات پا سکدا اے؟‘‘ (متی 19: 25)، جیہدا یسوع نے جواب دِتا،

’’آدمی دے لئی تے ایہ ناممکن اے؛ لیکن خدا دے لئی سب کُجھ ممکن اے‘‘ (متی 19: 26)۔

تہانوں خدا توں دعا کرنی چائیدی اے کہ اُو تہانوں بیدار کرن، تہانوں گناہ دی سزا سُنان، تے تہانوں اپنے آپ تے اعتماد کرن تے یسوع تے پروہسا کرن دے لئی روح القدس پیہجھے۔ تہاڈے کول اینج کرن دی طاقت نئیں اے، لیکن خدا کردا اے! اُو قادرِ مطلق اے! ہُن، جے سانوں اپنا گرجا گھر بنان دی لوڑ اے تے کی ہووے گا؟ اِک حقیقی گرجا گھر صرف مسیح وِچ ایمان لیہیان دی تبدیلیاں دے ذریعے ترقی کر سکدا اے، ناکہ صرف اِتوار نوں کُرسی تے بیٹھے ہوئے لوکاں دی تعداد نوں شمار کرن نال۔ اَسی اپنی کُرسی تے ہفتہ در ہفتہ، مہینہ در مہینہ، تے ورے در ورے بیٹھ سکدے اُو، تے کسی اِک شخص نوں وی لاتعداد رقم خرچ کر کے مسیح وِچ ایمان لیہیان دی تبدیلی دے ذریعے گرجا گھر وِچ شامل نئیں کر سکدے نے۔ تے فیر، اَسی اپنے گرجا گھر دی تعمیر کینج کریے؟ سانوں اپنی ذات توں باہر جیہڑی طاقت اے اُوہدی لوڑ ہووے گی! جی ہاں خوش قسمتی نال، یسوع نے خود کہیا،

’’آسمان تے زمین تے میہنوں پوار اِختیار دے دِتا گیا اے۔ پس تُسی جاؤ تے ساریاں قوماں نوں تعلیم دیو، اُوہناں نوں باپ تے بیٹے تے روح القدس دے ناں نال بپتسمہ دیو: اُوہناں نوں اُوہناں ساریاں گلاں دی تعمیل کرن دی تعلیم دیو جِنہاں دا میں تہانوں حکم دِتا اے: تے ویکھو، میں دُنیا دے اَخیر تیکر ہمیشہ تہاڈے نال آں۔ آمین‘‘ (متی 28: 18-20)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔