>بُلائے ہوئے تے بُہتیرے نے مگر چُنے ہوئے گھٹ نے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

انجیلی بشارت دے نال جُڑے ہوئے اِسرار دی اِک خاص مقدار اے۔ اَسی باہر جانہے آں تے بہتیرے لوکاں نوں مسیح دے کول آن دی دعوت دیہنے آں، لیکن ایہناں وِچوں صرف چند اِک ای حقیقی مسیحی بنندے نے۔ کدی کدی اَسی سوچ سکنے آں کہ کہ اَسی صحیح طریقے نال بشارت دے رئے آں۔ اَسی سوچ سکنے آں کہ جے اَسی مختلف طریقے نال انجیلی بشارت کیتی ہوندی تے شاید بہوتے لوکی سُنندے۔ لیکن شادی دی دعوت دی تمثیل، جیہڑی مسیح نے متی 22: 1۔14 آیتاں وِچ پیش کیتی اے، ایس غلط فہمی نوں دور کردی اے، حالانکہ ایہہ ساڈی تلاوت دے اِسرار دی مکمل وضاحت نئیں کردی،

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

کُجھ کہندے نے کہ ایس توں مُراد ’’عام بُلاہٹ‘‘ اے، لیکن ’’مؤثر بُلاہٹ‘‘ نئیں۔ دوجے کہندے نے کہ ایتھے جیہڑی دعوت دِتی گئی اے اُو نجات دی دعوت اے، لیکن اکثر لوکی ایہنوں مسترد کردے نے۔ میں سوال دے دوویں رُخ پڑھے نے، لیکن حقیقت ایہ اے کہ ایہ معاملہ ہُنے وی زیر بحث اے، میہنوں ایہ ظاہر ہوندا اے کہ ایہدے نال کوئی نہ کوئی راز جڑیا ہویا اے۔ ’’اِسرار‘‘ توں میرا مطلب صرف ایہ سی کہ میرے خیال وِچ ایہ موضوع پوری طرح نال سمجھنا ساڈی انسانی صلاحیت توں باہر اے۔ چونکہ ایہہ ’’اُوہدی مرضی دے راز‘‘ توں متعلق اے (افسیوں 1: 9)، ایہدی مکمل طور تے مذہبی طور تے وضاحت نئیں کیتی جا سکدی۔ اگرچہ مذہبی حوالے توں ایس حوالے نال نمٹنا دلچسپ ہووے گا، لیکن میہنوں نئیں لگدا کہ ایہدے نال تہانوں بہوتی مدد لبھے گی۔ ایس لئی، میں مذہبی بنیاداں توں ایس حوالے نال رجوع نئیں کراں گا۔

نہ ای میں تمثیل دے نال تاریخی نقطہ نظر توں نمٹاں گا۔ میں قوم اسرائیل دی اکثریت وَلوں یسوع نوں مسترد کرن دے بارے وِچ تفصیل چہ جا سکنا آں، تے ایس حوالے توں جڑی تاریخ دی وضاحٹ کر سکنا آں۔ اگرچہ ایہہ دلچسپ ہووے گا، میہنوں نئیں لگدا کہ ایس نال تہاڈی بہوتی مدد ہووے گی۔

ایس لئی میں ایس تمثیل نال جڑی ہوئی الہٰیات یا تاریخ نئیں پیش کرن جا رہیا۔ ایہدے بجائے، میں ایہدے نال عمل سطح تے نمٹاں گا۔ میں تہانوں وکھان جا رہیا آں کہ ایہدا اِطلاق ایس انجیلی بشارت تے کیویں ہوندا اے جیہڑی اَسی ہر ہفتے کرنے آں۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

اُو لوکی جِنہاں نے کسی وی لمبے عرصے تیکر انجیلی بشارت کیتی اے اُو بخوبی جانندے نے کہ عملی نقطہ نظر توں، مسیح دا کی مطلب سی۔ ایہدے نال کوئی فرق نئیں پیہندا اے کہ اَسی انجیلی بشارت دی کیہڑی شکل استعمال کردے نے، صرف چند لوکی ای مسیح وِچ ایمان لیہیا کے تبدیل ہون گے تے مقامی گرجا گھر وِچ شامل کیتے جان گے۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

اِس تلاوت تے میہنوں ایڈم کلارک Adam Clarke دا تبصرہ پسند اے:

بہتیرے لوکاں نوں انجیل دی تبلیغ دے ذریعے مسیح دی کلیسیا [چرچ آف کرائسٹ] دی ظاہری برادری وِچ بُلایا جاندا اے۔ لیکن نسبتاً چند نوں خدا وِچ جلال دے نال رہن دے لئی چُنا جاندا اے، کیوں جے اُو شادی دے لباس دے لئی دعوت دے مالک دے کول نئیں آندے … ایہہ اپنی ملیشیا [فوج] نوں بڑھان دے رومی رواج وَچ اشارہ اے؛ ساریاں نوں اِکٹھا کیتا گیا، لیکن خدمت دے لئی صرف ایہناں لوکاں نوں منتخب کیتا گیا، جیہڑے مناسب پائے گئے (ایڈم کلارک، ایل ایل ڈیAdam Clarke, LL.D.، کلارک دا تبصرہ Clarke’s Commentary، ایبنگڈن، این ڈی، جلد 3، صفحہ 211)۔

میرے خیال وِچ کلارک شاید درست سی، کہ جیس طریقے نال رومیاں نے اپنی فوجاں بڑھائیاں مسیح اُوس بارے چہ سوچ رہیا سی۔ اُوہناں نے ہر بندے نوں آن دے لئی بُلایا، لیکن اُوہناں نے صرف اُوہناں لوکاں نوں منتخب کیتا جیہڑے اہل سن۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

ساریاں نوں نجات دے لئی مسیح دے کول آن دے لئی بُلایا جاندا اے، لیکن زیادہ تر لوکی خود نوں نااہل قرار دیہندے نے۔ کی شے اُوہناں نوں نجات پان دے لئی نا اہل بناندی اے؟ مسیح نے ایس تمثیل وِچ جواب دِتا۔ اُو سانوں چار قسم دے لوکاں دے بارے وِچ دسدا اے جیہڑے نجات توں خارج نے۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

I۔ پہلی گل، اُو جیہڑے نئیں آن گے نجات پان توں خارج کر دِتے جان گے۔

’’آسمان دی بادشاہی اِک بادشاہ [خدا باپ] وانگوں اے جِنہے اپنے پُتر [یسوع] دی شادی دے موقع تے اپنے غلاماں نوں پیہجھیا کہ اُو اُوہناں لوکاں نوں جِنہاں نوں شادی دی دعوت دِتی گئی سی بُلا لیہیان، ٰلیکن اُو نئیں آئے‘‘ (متی 22: 2۔3)۔

خدا سانوں ہر اِک نوں مسیح دے کول آن دے لئی بُلان دے لئی پیہجھدا اے، لیکن بُہتیرے لوکی بس آندے ای نئیں۔ حقیقت وِچ، وڈی اکثریت نئیں آئے گی۔ ایہدے نال کوئی فرق نئیں پیہندا کہ اَسی کی کرنے آں یا کہنے آں، ایہہ لوکی مسیح دے کول نئیں آن گے تے [اُوہدے وِچ ایمان لیہیا کے] تبدیل نئیں ہون گے۔ ایہ اُوہناں بہوتی سارے لوکاں دی تفصیل اے جِنہاں نال اَسی انجیلی بشارت دے کام وِچ ملنے آں، جدوں اَسی لاس انجیلز دی سڑکاں تے کالجاں وِچ جانے آں۔ اَسی مسیح دے نال کہہ سکنے آں، ’’اُو نئیں آن گے‘‘ (متی 22: 3)۔ ساڈی خواہش اے کہ اُو آن، لیکن اُو نئیں آن گے۔ یسوع نے سانوں دسیا کہ اینج ای ہووے گا جدوں اُوہنے کہیا،

’’اُو بوہا چوڑا تے اُو راستہ کشادہ اے جیہڑا ہلاکت وَل جاندا اے تے اُوہدے وِچوں داخل ہون آلے بہتیرے نے کیوں جے اُو بوہا تنگ تے اُو راستہ سُکڑا اے جیہڑا حیاتی وَل جاندا اے تے اُوہدے پان آلے تھوڑے نے‘‘ (متی 7: 13۔14)۔

زیادہ تر لوکی جہنم وَل جان آلی چوڑی سڑک تے ٹردے رہن گے۔ صرف چند لوکی ای ایس تنگ سڑک وِچ داخل ہون گے جیہڑی مسیح وِچ حیاتی وَل لے جاندی اے۔

ایہہ سچ اے، حیاتِ نو دے اوقات وِچ، ’’ جدوں خداوند وَلوں تہانوں روحانی تازگی دے دِن آن گے‘‘ (اعمال 3: 19)، کہ بہوتی سارے لوکی مسیح دے کول آن گے تے اُوہدے توں بہوتی سارے لوکی نجات پان گے جیہڑا اَسی ہُنے ویکھ رئے آں – لیکن ایتھوں تیکر کہ خدا دے پیہجھے ہوئے حیاتِ نو دے حقیقی موسم وِچ ہمیشہ بہوتا کُجھ ہوندا اے جیہڑا جعلی تے جھوٹا ہوندا اے۔ ایس لئی سانوں حیران نئیں ہونا چائیدا اے کہ چین وِچ فرقیاں دے بدعتاں دی افزائش ہو رئی اے، جیتھے ہُن اِک عظیم حیاتِ نو ہو رہیا اے۔ ایہہ ہمیشہ حیات نوں دے اوقات وِچ ہویا اے۔ عظیم مبشر آساحل نیٹلٹن Asahel Nettleton نے کہیا، ’’جدوں خدا اِک گرجا گھر بناندا اے، تے شیطان یقین طور تے اِک اگلے بوہے نون بنائے گا۔‘‘ پس، عظیم حیاتِ نو دے ویلے ویلے وی، بہتیرے لوکی، شاید زیادہ تر، مسیح دے کول نئیں آن گے،

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

II۔ دوجی گل، اُو جیہڑے توجہ نئیں دین گے ناجت پان توں خارج کر دِتے جان گے۔

مہربانی نال کھڑے ہو جاؤ تے متی 22: 4۔5 آیتاں نوں پڑھو۔

’’فیر اُوہنے ہُور غلاماں نوں ایہہ کہہ کے روانہ کیتا کہ جِنہاں نوں میں دعوت دِتی اے اُوہناں نوں کہوو کے کھانا تیار ہو چکیا اے، میرے بیل تے موٹے موٹے جانور ذبح کیتے جا چکے نے تے سب کُجھ تیار اے۔ شادی دی دعوت وِچ شریک ہون دے لئی آ جاؤ۔ لیکن اُوہناں نے کوئی پرواہ نئیں کیتی [کوئی توجہ نئیں دِتی] تے ٹر پیہئے۔ کوئی اپنے کھیتاں وَچ ٹر گیا، کوئی اپنے کاروبار چہ لگ گیا‘‘ (متی 22: 4۔5).

ایہ لوکی پہلے گروہ دے طور تے ایہنے دو ٹوک نئیں نے، جیہڑے بس صرف ’’نئیں آن گے‘‘ (متی 22: 3)۔ اُو اکثر چند وری انجیل سُنن دے لئی گرجا گھر آن گے۔ لیکن اُو مسیح وِچ ایمان لیہیا کے تبدیل نئیں ہوندے۔ یسوع نے اُوہناں دے بارے وِچ کہیا،

’’جدوں اُو سُن لین تے اَگے ودھن، تے ایس حیاتی دی فکراں تے دولت تے لذتاں نال دب جان، تے کامل ہون دے لئی کوئی پھل نہ لیہیان‘‘ (لوقا 8: 14)۔

اینج لگدا اے کہ اُو مسیح دی خوشخبری سُنندے نے۔ اُو مقامی گرجا گھر وِچ خوش وکھائی دیہندے نے۔ لیکن جلد یا بدیر دُنیا دی فکراں تے پریشانیاں، تے پیسے تے لذت دی خواہش ایہناں دا گلا گھونٹ دیہندی اے تے اُو مقامی گرجا گھر توں دور ہو جاندے نے۔ جدوں دُنیا دی ’’فکراں‘‘ تے لذتاں ایہناں دی برداشت توں باہر ہون لگدی اے، تے اُوہناں دا ’’دم گھٹن‘‘ لگدا اے تے اُو گمراہ ہون لگدے نے۔ ایہہ روئیہ اُوہناں نوں سچے مسیحی بنن توں نااہل کر دیہندا اے۔ ایہدی وجہ توں اُو خوشخبری تے کوئی توجہ نئیں دیہندے، تے دُنیا دی فکراں تے پریشانیاں وَل پلٹنا شروع کر دیہندے نے۔ اینج، اُو وی سچے مسیحی بنن دے لئی نااہل ہو گئے نے،

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

III۔ تیجی گل، اُو جیہڑے بغاوت کردے نے نجات پان توں خارج کر دِتے جاندے نے۔

آیت چھ نوں کھولو۔ آؤ کھڑے ہو جائیے تے ایہنوں اُوچی واج نال پڑھیے۔

’’تے بقیہ [بچ جان آلیاں] نے اُوہدے خادماں نوں پھڑ لیہیا، تے اُوہناں نال بدتمیزی کیتی [تے اُوہناں نال بدسلوکی کیتی]، تے اُوہناں نوں مار ڈالیا‘‘ (متی 22: 6)۔

البرٹ بارنس اپنی معیاری تفسیر وِچ ایہدی وضاحت کردا اے:

تے باقیاں دا، یعنی، ایہدا اِک حصہ روشنی بنیا۔ خاموش حقارت دے نال ایہدے نال برتاؤ کیتا، تے ٹھنڈے دِل نال اپنے کاروبار وِچ مصروف ہو گئے۔ دوجے ایہدے توں مطمئن نئیں سن، لیکن مثبت بددیانتی دا مظاہرہ کیتا۔ کُجھ گنہگار محض مذہب نوں نظر انداز کر کے مطمئن نظر آندے نے۔ [لیکن] دوجے ایہدے خلاف کھلے عام تشدد تے تلخ بدتمیزی دے نال اَگے ودھدے نے۔ تے ایہناں نال بدتمیزی کیتی۔ سخت لفظاں دا استعمال کیتا۔ اُوہناں نوں بُرا بھلا کیہیا تے گالی دِتی۔ ایہہ ایس لئی کیتا گیا کیوں جے او بادشاہ [خدا] کولوں نفرت کردے تے حقیر جانندے سن۔ ایس لئی گنہگار اکثر مذہبی خدمت گاراں نوں گالی دیہندے نے تے [بدزبانی] کردے نے کیوں جے اُو خود خدا توں نفرت کردے نے، تے کسی ہور طریقے نال اپنے نفرت نوں ایہنی چنگی طرح نال ظاہر نئیں کر سکدے نے (البرٹ بارنسAlbert Barnes، نئے عہد نامے تے غور طلب گلاں Notes on the New Testament، بیکر کُتب گھرBaker Book House، 1983 دوبارہ اشاعت، متی 22: 6 تے غور طلب گل)۔

تہانوں حیران نئیں ہونا چائیدا اے جدوں انجیلی بشارت دے دوران کُجھ لوکی تہاڈے نال بہوتے نارض ہوندے نے۔ یسوع نے کیہا،

’’میں تہانوں دُنیا وِچوں چُن لیہیا اے، اس لئی دُنیا تہاڈے نال نفرت کردی اے … جے اُوہناں نے میہنوں ستایا اے تے اُو تہانوں وی ستان گے‘‘ (یوحنا 15: 19-20)۔

ایہہ اُوس قیمت دا حصہ اے جیہڑی اَسی انجیل دی تبلیغ وِچ کھوئے ہوئے یا گمراہ ہوئے لوکاں تیکر انجیل نوں لے جان دے لئی ادا کرنے آں ہمیشہ کُجھ لوکی ایہو جئے ہون گے جیہڑے خوشخبری نوں وڈڈن تے ساڈے نال ناراض ہوندے نے۔ اُو واقعی مسیح دے خلاف بغاوت وِچ نے۔ ایویں، اُو وی سچے مسیحی بنن دے لئی نال اہل ہو گئے نے۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

IV۔ چوتھی گل، اُو جیہڑے مقامی گرجا گھر وِچ تے آہندے نے مگر مسیح وِچ ایمان لیہیا کے تبدیل نئیں ہوندے نے نجات پان توں خارج کر دِتے جاندے نے۔

’’لہٰذا اُو غلام گئے تے جِنہے بُرے بھلے [لوکی] اُوہناں نوں لبھے، ساریاں نوں جمع کر کے لے آئے تے شادی خانہ مہماناں نال بھر گیا‘‘ (متی 22: 10)۔

ڈاکٹر گل نے کہیا کہ شادی ’’خدا دے گھر تے کلیسیا دی تصویر اے، جیہدے وِچ غیر قوماں دی وڈی تعداد نوں لیہیا گیا سی‘‘ (جان گل، ڈی۔ڈی John Gill, D.D.، نئے عہد نامہ دی تفسیرAn Exposition of the New Testament، دی بیپٹسٹ سٹینڈرڈ بیئررThe Baptist Standard Bearer، 1989 دوبارہ اشاعت، جلد اول، صفحہ 254)۔ ڈاکٹر گل نے ایس گل دی وی نشاندہی کیتی کہ ’’بُرے تے بھلے‘‘ دا کیا مطلب اے۔ اُوہناں نے کہیا کہ ’’بھلے‘‘ دا مطلب اے اُو لوکی جیہڑے گرجا گھر وِچ لیہیائے جان دے بعد حقیقی طور تے مسیح وِچ ایمان لیہیا کے تبدیل ہو جاندے نے۔ اُوہناں نے کہیا کہ ’’بُرے‘‘ دا مطلب اے ’’خالی پروفیسرز‘‘، جیہڑے کلیسیا وِچ لیہیائے جاندے نے، تے بظاہر مذہبی ہوندے نے، لیکن غیر تبدیل شُدہ [مسیح وِچ ایمان نہ لیہیائے ہوئے] رہندے نے (ibid.)۔ میرے خیال وِچ اطلاق شدہ نئے عہد نامے دا تبصرہ The Applied New Testament Commentary درست اے جدوں ایہ کہندا اے،

شادی دے مناسب لباس دے بغیر اِک مہمان ایہناں ساریاں لوکاں دی نمائندگی کردا اے جِنہاں نے واقعی مسیح تے ایمان نئیں لیہایا تے اُوہدی راستبازی نوں نئیں پہنیا۔ اُو بُرے مہمان نے جِنہاں دا تزکرہ آیت 10 وِچ کیتا گیا اے … حالانکہ اُو سارے دوجے مہماناں دے نال بادشاہ دے گھر آئے نے … اُوہناں نوں باہر سُٹ دِتا جائے گا (اطلاق شدہ نئے عہد نامے دا تبصرہ The Applied New Testament Commentary، کنگزوے اشاعت خانہKingsway Publications، 1997، صفحہ 212)۔

یاد رکھو کہ ایس تمثیل وِچ ’’بادشاہ‘‘ خدا اے۔ ایس گل نوں ذہن وِچ رکھدے ہوئے، آیت گیا رہ نوں ویکھو۔

’’تے جدوں بادشاہ مہماناں نوں ویکھن دے لئی اندر آیا تے اُوہنے اُوتھے اِک آدمی نوں ویکھیا جیہدے کول شادی دا لباس نئیں سی‘‘ (متی 22: 11)۔

شادی دا لباس مسیح دی راستبازی دی نمائندگی کردا اے، جیہڑا مسیح وِچ ایمان لہیا کے تبدیل ہوندے ویلے پہنیا جاندا اے، جدوں کوئی بندہ مسیح تے پروہسا کردا اے، شادی دے لباس دے بغیر ایہ بندہ دسویں آیت وِچ کہے گئے ’’خراب انڈیاں‘‘ وِچوں اِک اے، جیہڑے مقامی گرجا گھر وِچ آندے نے تے مسیح وِچ ایمان لیہیا کے تبدیل ہون دا بہانہ کردے نے، لیکن اُوہناں دی مسیح وِچ ایمان لیہیان دی تبدیلی جھوٹی اے۔

جھوٹے پروفیسر دا کی بنے گا؟ آیت تیرہ نوں ویکھو۔

’’فیر بادشاہ نے غلاموں نوں کیا، اُوہدے ہتھ پاؤں بنہھ کے اُوہنوں لے جا کے باہر دی تاریکی وِچ سُٹ دیو۔ اُوتھے رونا تے دنداں دا پیسنا ہووے گا‘‘ (متی 22: 13)۔

ایہ ظاہر کردا اے کہ مسیح وِچ ایمان لیہیا کے تبدیل ہوئے بغیر تُہانوں کلیسیا دی رفاقت وِچ آن نال کوئی فائدہ نئیں ہووے گا۔ تہانوں حقیقت وِچ مسیح دے کول آنا چائیدا اے تے نئے سرے توں جنم لینا چائیدا اے۔ یسوع نے کہیا،

’’جدوں تیکر کوئی نئے سرے توں پیدا نئیں ہوندا، اُو خدا دی بادشاہی نوں نئیں ویکھ سکدا‘‘ (یوحنا 3: 3)۔

مسیح وِچ نجات دے بغیر، گرجا گھر دے حاضرین نوں ’’بیرونی انہیرے وِچ … جھونک دِتا جائے گا؛ اُوتھے رونا تے دنداں دا پیسنا ہووے گا‘‘ (متی 22: 13)۔

ہمیشہ کُجھ لوکی ایہو جئے ہویا کرن گے جیہڑے مقامی گرجا گھر دی رفاقت وِچ آندے نے لیکن مسیح وِچ ایمان نہ لیہیائے ہوئے یعنی غیرتبدیل شُدہ ای رہندے نے۔ پس، اُو وی نااہل ہو جاندے نے۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

میرے خیال وِچ ایڈم کلارک Adam Clarke شاید صحیح سن، کہ رومیاں نے اپنی فوجاں کیس طریقے نال ودھائیاں مسیح ایس بارے وِچ سوچ رہیا سی، جدوں اُوہنے کہیا،

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

رومیاں نے ہر بندے نوں معائنہ دے لئی باہر آن دے لئی بُلایا، لیکن اُوہناں نے صرف ایہناں لوکاں دا انتخاب کیتا جیہڑے اہل سن۔

جے تُسی نئیں آؤ گے تے تُسی نااہل اُو۔ جے تُسی توجہ نئیں دیہندے اُو تے تُسی نااہل اُو۔ جے تُسی بغاوت کردے اُو تے تُسی نا اہل اُو۔ جے تُسی گرجا گھر آندے اُو لیکن مسیح وِچ ایمان نہ لیہیائے ہوئے بندے ای رہندے اُو تے تُسی نااہل ہو جاندے اُو۔

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

سانوں ایس تمثیل توں دو سبق سیکھنے چائیدے نے۔ سب توں پہلاں، ایہ تہاڈے وِچوں ایہناں لوکاں دے لئی اِک تنبیہ اے جیہڑے اَج راتی ایتھے نئے، لیکن ہُنے تیکر مسیح وِچ ایمان لیہیا کے تبدیل نئیں ہوئے نے۔ یاد رکھو کہ زیادہ تر لوکی نجات کدی وی نئیں پان گے۔ زیادہ تر لوکی جہنم وِچ جان گے۔ ایہو گل یسوع نے متی 7: 13-14 وِچ تے بائبل وِث بہتیرے دوجی تھاواں تے سکھائی اے۔ مسیح نے سیکھایا کہ صرف چند لوکی ای نجات پان گے۔ یقینی بناؤ کہ تُسی اُوہناں وِچوں اِک اُو! تہاڈے گناہواں دا کفارہ ادا کرن دے لئی یسوع سولی تے مریا۔ اُو جسمانی طور تے مُردیاں وِچوں جی اُٹھیا، تے واپس آسمان تے چڑھ گیا، جیتھے اُو ہُن خدا دے داہنے ہتھ تے بیٹھا اے۔ پورے دِل نال مسیح دے کول آؤ۔ ’’خداوند یسوع مسیح تے ایمان لیہیا، تے تُوں نجات پائیں گا‘‘ (اعمال 16: 31)۔

دوجا سبق جیہڑا سانوں ایس تمثیل توں سیکھنا چائیدا اے اُو ایہ اے کہ جدوں اَسی انجیلی بشارت دے لئی نکلیے تے حوصلہ مت ہارو۔ جدوں اَسی بشر پرور [لوکاں نوں جیتن آلے] ہوندے نے تے اَسی پہلاں ای کامیاب ہو چکے ہونے آں، پاویں کوئی ساڈے وَل توجہ دے یا نہ دے۔

’’تے [بادشاہ] نے اپنے نوکراں نوں پیہجھیا کہ اُو اُوہناں نوں بُلا لیہیان جِنہاں نوں شادی وِچ مدعو کیتا گیا سی …‘‘ (متی 22: 3)۔

جدون اَسی اپنے بادشاہ خدا دی اطاعت کرنے آں، تے اَسی پہلاں ای کامیاب ہو چکے آں! اَسی خدا دا اطاعت وِچ کامیاب ہو گئے آں! ایہہ کامیابی سب توں وڈی کامیابی اے!

جے کوئی سُنندا اے، تے مسیحی بن جاندا اے، تے اَسی خوشی مناواں گے۔ لیکن جے کوئی نہ سُنے، فیر وی اَسی خوش ہوواں گے! خدا وَلوں ساڈے انعامات ایہناں دی اطاعت تے منحصر نئیں نے اُو ساڈی فرمانبرداری تے منحصر نے،

’’کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

   تہاڈا زمینی نقصان آسمانی فائدہ اے:
لوکی تہانوں سُنندے نے، تہاڈے نال محبت کردے نے، تہاڈی ستائش نئیں کردے،
   اُو مالک ستائش کردا اے: لوکی کی نے؟

جاؤ، محنت کرو، خرچ کر دیو تے خرچ ہو جاؤ،
   باپ دی مرضی پوری کرن وِچ تہاڈی خوشی:
ایہہ اُوہی راہ اے جیہدے تے مالک گیا سی۔
   کی خادم نوں ہُنے وی چلنا نئیں چائیدا اے؟
جاؤ، محنت کرو۔ خرچ کر دو اور خرچ ہو جاؤ،
   (’’جاؤ، محنت کرو، خرچ کر دیو تے خرچ ہو جاؤ Go, Labor On; Spend and Be Spent‘‘ شاعر ھورٹیئس بونارHoratius Bonar، 1808۔1889)۔

میں تہانوں کہواں گا کہ اپنی حیاتی نوں نئے سرے توں انجیلی بشارت تے بشراں نوں جیتن دے لئی وقف کر دیو۔ یسوع نے کہیا،

’’باہر شاہراہواں تے باڑھاں وِچ جاؤ، تے اُوہناں نوں اندر آن تے مجبور کرو، تاکہ میرا گھر بھر جائے‘‘ (لوقا 14: 23)۔

کی تُسی اُوہدی فرمانبرداری دے لئی اپنی حایتی وقف کرو گے یا فیر توں وقف کرو گے؟ جے تُسی [وقف] کرو گے تے اَگے ودھو تے ایتھے منبر دے سامنے گھٹنے ٹیک دیو۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔