’’تُسی کدہو تیکر دو خیالاں وِچ ڈانواڈول رہوو گے؟‘‘

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ ایلیاہ نبی دے الفاظ نے۔ اُوہناں دی گل کرمل پہاڑ تے لوکاں دے اِک وڈے گروہ نال ہوئی سی۔ اُو خدا توں دور ہو چکے سن۔ لیکن اپنے ضمیراں نوں خاموش کرن دے لئی اُوہناں نے جھوٹے معبوداں دی پرستش شروع کر دِتی سی۔ فیر وی اُوہناں دے ضمیر نے اُوہناں نوں پریشان کیتا۔ اُوہناں نے سوچیا کہ اکہ اُو صحیح نے۔ ایویں اُو غیر فیصلہ کُن سن۔ اُو دو خیالاں دے وِچکار ’’ڈانواڈول‘‘ ہو گئے۔ عبرانی وِچ لفظ دا مطلب اے ’’رقص‘‘۔ اُو جھوٹے مذہب تے خدا دی عبادت دے وِچکار نچ رئے سن۔ تے نبی نے جھوٹے مذہب تے سچے مذہب دے وِچکار شدید فرق پیدا کیتا۔ اوہنے کہیا، تُسی کدہو تیکر ڈگمگاندے رہوو گے؟ کدہو تیکر اَگے پِیچھے نچدے رہوو گے؟ جے خداوند خدا ہے تے اُوہدی پیروی کرو! جے تہاڈا جھوٹا مذہب سچا اے تے اُوہدے تے عمل کرو۔ تہانوں دو خیالاں دے وِچکار نچنا تے ڈگمگانا بند کرنا ہووے گا۔ ’’تے لوکاں نے اُوہنوں اِک لفظ وی جواب چہ نئیں کہیا‘‘ (I سلاطین 18: 21)۔ اُو کیویں کر سکدے سن؟ اُوہنے جو کہیا اُو تے سامنے سی۔ ایہنے اہم موضوع تے ڈٓانواڈول ہونا پاگل پن اے! تہاڈی ابدی روح دی نجات داؤ تے لگی ہوئی اے۔ جنت تے جہنم داؤ تے نے! اُٹھو تے اِک پاسے یا دوجے پاسے جاؤ۔

’’تُسی کدہو تیکر دو خیالاں وِچ ڈانواڈول رہوو گے؟‘‘ (I سلاطین 18: 21)

میں اَج تہاڈے نال گل کر رہیا آں۔ تُسی مسیح تے ایمان لیہیا کے تبدیل ہوئے بغیر مرنا نئیں چاہندے، کی تُسی چاہندے اُو؟ کی واقعی تُسی چاہندے اُو؟ تے فیر وی تُسی ہچکچاندے اُو، تُسی ڈگمگاندے اُو، تُسی مسیح دے کول جان نوں روک دِتا اے۔ تُسی اُوہدے کول جان توں ڈگمگاندے اُو یا اُوہنوں تھوڑی دیر تیکر روکے رکھن دے وِچکار ڈگمگاندے اُو۔ خدا دا نال لے کے پُچھنا آں کدہو تیکر انتظار کرو گے؟ کدہو تیکر ڈگمگاندے رہوو گے؟ تُسی موت دا ایہہ نچ کدہو تیکر نچدے رہوو گے؟

’’تُسی کدہو تیکر دو خیالاں وِچ ڈانواڈول رہوو گے؟‘‘

I۔ پہلی گل، تُسی ایہنی دیر تیکر مسیح دے کول آن نوں کیوں نظر انداز کیتا؟

ایہ واضح اے کہ خدا گنہگاراں نوں مسیح دے کول آن توں قاصر ہون دی سزا نئیں دیہندا۔ اُوہدے کول آن دے لئی تیار نہ ہون دی وجہ توں اُوہناں دی مذمت کیتی جاندی اے۔ ہُن جہنم وِچ بہتیرے گنہگار نے۔ کی اُو مسیح دے کول آن دے قابل نئیں سن؟ پاویں اُو قابل سن یا نئیں، خدا اُوہناں نوں اینج نہ کرن دی سزا دیہندا اے! یسوع نے کہیا، ’’تُسی میرے کول نئیں آؤ گے تاکہ حیاتی پاؤ‘‘ (یوحنا 5: 40)۔

تُسی مسیح نال ایہنی محبت کیوں نئیں کردے کہ تُسی اُوہدے کول آؤ؟ تہانوں گناہ تے افسوس کیوں نئیں ہوندا؟ تُسی دُنیا توں باہر کیوں نئیں آندے – تے مسیح دے کول کیوں نئیں آندے؟ تُسی ایہ پہلاں ای کیوں نئیں کیتا؟ ایہ ایس لئی نئیں اے کہ کدا کسی مشکل یا غیر معقول شے دا تقاضا کردا اے۔ گمراہ رہ جان توں نجات پا جانا بہوتا خوشگوار اے۔ ایہہ جاننا زیادہ خوشگوار اے کہ تُہاڈے گناہواں نوں معاف کر دِتا گیا اے ایس فکر وِچ رہن نال کہ تُسی جہنم وِچ جا سکدے اُو! فیر تُسی مسیح دے کول کیوں نئیں آئے؟

’’تُسی کدہو تیکر دو خیالاں وِچ ڈانواڈول رہوو گے؟‘‘

کی ایس لئی کہ تہانوں کسی نے نئیں دسیا کہ کی کرنا اے؟ میہنوں شک اے کہ تہاڈے وِچوں کوئی ایہ کہہ سکدا اے کہ تہانوں مسیح دے کول آن دے لئی نئیں کیہیا گیا اے! تُسی ایہہ نئیں کہہ سکدے کہ تہانوں ایہ نئیں دسیا گیا کہ جنت تے جہنم اے۔ تُسی ایہ نئیں کہہ سکدے کہ تہانوں مسیح دے لہو نال پاک صاف ہون دے لئی آن واسطے نئیں کہیا گیا۔ تُسی ایہ نئیں کہہ سکدے کہ تہانوں آن آلے غضب توں نٹھن دے لئی خبردار نئیں کیتا گیا سی – اُوہدے شعلیاں تے عذاباں توں بچن دے لئی اپنے ساریاں دی ساریاں کوششاں کرن دے لئی! تُسی ایہ نئیں کہہ سکدے کہ خدا دی روح تہاڈے نال جدوجہد نئیں کر رئی اے! تُسی ایہ نئیں کہہ سکدے کہ تہاڈے دِل وِچ بالکل وی یقین نئیں رہیا۔ تُسی ایہ نئیں کہہ سکدے کہ تہانوں اپنے دِل وِچ روح دی کوششاں دے خلاف مزاحمت کرن دے خوفناک خطرے توں خبردار نئیں کیتا گیا اے!

تے نہ ای تُسی ایہ کہہ سکدے اُو کہ تہانوں حیاتی دی غیر یقینی صورتحال توں خبردار نئیں کیتا گیا اے۔ تُسی ایہ نئیں کہہ سکدے کہ تُسی نئیں جانندے سی کہ تُسی ایس حیاتی چہ آزمائش وِچ اُو – کہ تہانوں وی مسیح دے کول آنا چائیدا اے یا تُسی ہمیشہ دے لئی جہنم وِچ ڈِگ جاؤ گے۔ تُسی ایہ کہہ کے اپنے آپ نوں معاف نئیں کر سکدے کہ تہانوں ایہ گلاں معلوم نئیں سن! تُسی ایہ گلاں ہر اِتوار نوں سنندے اُو! فیر، تُسی یسوع دے کول کیوں نئیں آئے؟ یقیناً تُسی ایہ نئیں کہہ سکدے کہ تہانوں خبردار نئیں کیتا گیا اے!

’’تُسی کدہو تیکر دو خیالاں وِچ ڈانواڈول رہوو گے؟‘‘

کی ایہدی وجہ ایہ اے کہ تہاڈے کول ویلہ نئیں اے؟ سوچو! اِک لمبی مدت توں – تُسی حیاتی تے موت نوں اِک توں بعد دوجے واعظ وِچ اپنے سامنے پایا اے! ہفتے دے بعد تہانوں مسیح نوں منتخب کرن تے اُوہدے کول آن دے لئی بُلایا جاندا اے۔ تہانوں گناہ کرن دا ویلہ لبھ گیا اے۔ اینج کیوں اے کہ تہاڈے کول توبہ کرن تے مسیھ دے کول آن دا ویلہ نئیں اے؟ جے تُسی کل یا پچھلے مہینے مر گئے ہوندے تے کی ہووے گا؟ تُسی ایہ نئیں کہہ سکدے کہ تہاڈے کول موت دی تیاری دا ویلہ نئیں سی! نئیں – تہاڈے مسیح دے کول نہ آن دی وجہ یقیناً ایہہ نئیں اے کہ تہاڈے کول ویلہ نئیں سی!

’’تُسی کدہو تیکر دو خیالاں وِچ ڈانواڈول رہوو گے؟‘‘

کی ایس لئی کہ موضوع اہم نئیں اے؟ نجات دا موضوع سب توں اہم موضوع اے! ایس توں بوہتی اہم کوئی شے نئیں اے کہ تُسی جنت وِچ جاؤ گے یا اَگ دی جھیل وِچ! نجات دے موضوع دے مقابلے چہ، باقی سارے مضامین مجازی غیر اہمیت وِچ گھٹ ہو جاندے نے! سوچو! دُنیا خود چھیتی مُکن آلی اے۔ لیکن تہاڈی روح لافانی اے۔ جیہڑا کُجھ تہاڈے کول اے ایہدے وِچوں، تہاڈی روح اکیلے زندہ رہووے گی جدوں دُنیا شعلیاں وِچ جل جائے گی۔

’’آدمی نوں کی فائدہ، جے اُو ساری دُنیا حاصل کر لئے تے اپنی جان گنوا دے؟‘‘ (مرقس 8: 36)۔

ابدی حیاتی تے ابدی موت تہاڈے سامنے اے۔ کی تُسی ہُنے وی سمجھدے اُو کہ موضوع اہم نئیں اے؟ جے تہانوں صرف 1,000 وریاں تیکر جہنم دی سزا دِتی جائے تے تُسی کیہو جیہا محسوس کرو گے؟ تے فیر وی کلام پاک کہندا اے کہ عذاب ہمیشہ دے لئی اے! کی تہانوں گھبرانا نئیں چایئدا اے؟

’’تُسی کدہو تیکر دو خیالاں وِچ ڈانواڈول رہوو گے؟‘‘

جے اِک گمراہ ہوئے گنہگار نوں جہنم وِچ چند وریاں دے بعد معاف کیتا جا سکدا اے تے ایہ ایہنا خطرناک نئیں ہووے گا۔ اَسی اُوہدے نجات پا جان دے لئی بہوتی فکر مند نئیں ہواں گے۔ اَسی ہُنے ای مسیح دے کول آن دے لئی اُوہدے تے ایہنا دباؤ نئیں پاواں گے۔ اَسی اُوہنوں اکلیاں چھڈ دیاں گے۔ لیکن اینج نئیں اے۔ جدوں تہاڈی روح موت چہ ٹر جاندی اے – ایہ ہمیشہ دے لئی مُک جاندی اے! کوئی وی کدی واپس نئیں آ سکدا تے بچایا جا سکدا اے۔ تہانوں ہمیشہ دے لئی تکیلف اُٹھانا ہووے گی۔ ایس لئی تہاڈے مسیح دے کول نہ آن دی وجہ ایہ نئیں ہو سکدی کیوں جے ایہ اہم نئیں اے!

’’تُسی کدہو تیکر دو خیالاں وِچ ڈانواڈول رہوو گے؟‘‘

کی ایہدی وجہ ایہ اے کہ نجات تہانوں آزادانہ طور تے پیش نئیں کی جاندی اے؟ نجات آزادانہ طور تے پیش کیتی جاندی اے۔ یسوع کہندا اے،

’’اے محنت کش تے بوجھ نال دبے ہوئے لوکو، میرے کول آؤ تے میں تہانوں آرام دیاں گا‘‘ (متی 11: 28)۔

تہانوں دعوت دِتی جاندی اے، تہانوں اُوہدے کول آن دا حکم دِتا جاندا اے! ایہ ہمیشہ سچ رہیا اے۔ نجات ہمیشہ تہانوں آزادانہ طور تے پیش کیتی گئی اے! ایہ اَج وی تہانوں آزادانہ طور تے پیش کیتی جاندی اے! ایہدے تے انحصار کرو– اِک وری جدیوں تُسی حد پار کر جاؤ– ملامت وِچ یا موت وِچ – ایہ تہانوں فیر توں پیش کدی وی نئیں کیتی جائے گی!

’’تُسی کدہو تیکر دو خیالاں وِچ ڈانواڈول رہوو گے؟‘‘

کی ایہ ایس لئی اے کہ تُسی مسیح وِچ ایمان لیہیا کے تبدیل ہوئے بغیر مرن دا اِرادہ رکھدے اُو؟ اگرچہ تُسی اپنے خوف نوں خاموش کران تے اپنے ضمیر نوں پُرسکون کران دی کوشش کر سکدے او، لیکن تُسی ہمیشہ اینج کرن وِچ کامیاب نئیں ہو سکدے۔ اگرچہ تُسی اپنے خوف نوں دور کردے اُو، لیکن بعض اوقات تُسی ایہ سوچے بغیر نئیں رہ سکدے کہ قیامت دا دِن آن آلا اے۔ بعض اوقات تُسی سوچے بغیر نئیں رہ سکدے لیکن حیاتی دی تنگی دے بارے چہ سوچدے اُو – کہ ایہدی خوشیاں چھیتی ای مُک جان گئیاں تے ہمیشہ دے لئی ختم ہو جان گئیاں۔ ہنسی وِچ وی دِل اُوداس اے ایس حیاتی دی شیواں تیزی نال ختم ہو رہیاں نے، تے چھیتی ای ہمیشہ دے لئی ختم ہو جان گئیاں۔

تُسی جانندے اُو ک تہانوں مرنا اے تے سزا لئی جانا اے۔ آہو، تہاڈا جسم مُک کے مر جائے گا۔ میں جاننا آں کہ تُسی اِک نجات یافتہ شخص دے طور تے مرن دے اِرادہ رکھدے اُو۔ اینج ای شریر عیسو نے کیتا – جیہڑا ہُن جہنم وِچ اے۔ جے تُسی اُوہناں لوکاں نال گل کر سکدے اُو جہیڑے ہُن جہنم وِچ نے تے تہانوں معلوم پیہئے گا کہ ایہناں وِچ وں کسی نے وی ایس عذاب دی تھاں جان دا اِرادہ نئیں کیتا سی۔ لیکن ہُن تُسی اُوہناں دے نقش قدم تے ٹر رئے اُو – جھوٹی اُمیداں نوں پھڑے ہوئے، جیویں کہ اُوہناں نے کیتا سی۔

اَسی جاننے آں کہ تُسی نجات دے بغیر مرن دا اِرادہ نئیں رکھدے – کیوں جے، تہانوں یقین نال معلوم ہوندا اے کہ تُسی چند دِناں وِچ مر جاؤ گے، تے جہنم دے شعلیاں وِچ ہوو گے، تے تُسی لعنتیاں دی چیخ و پکار وِچ پھوٹ پیہوؤ گے۔ تہاڈا دِل اضطراب تے خوف نال بھریا ہووے گا۔ ’’کون بھسم کرن آلی اَگ دے نال رہ سکدا اے؟ کون ابدی جلن دے نال رہ سکدا اے؟‘‘ فیر ایہ واضح ہو جاندا اے کہ تُہاڈی مسیح نوں منتخب نہ کرن دی وجہ ایہ نئیں اے کہ تُسی گمراہ ہوئی حالت وِچ مرن دی توقع رکھدے اُو۔ فیر تہاڈی مشکل کی اے؟ تہاڈی نجات دا موضوع بہوتا اہم اے۔ نجات مسیح دے ذریعہ آزادانہ طور تے پیش کیتی جاندی اے۔ تہاڈی کی مشکل اے؟ ہُن میں تہانوں دسنا آں۔

1. تہاڈے مسیح دے کول نہ آن دی وجہ ایہ نئیں اے کہ تُسی آ نئیں سکدے، بلکہ ایس لئی کہ تُسی نئیں آؤ گے۔

2. خدا دی تہانوں سزا دین دی وجہ ایہ نئیں اے کہ تُسی نئیں کر سکدے، بلکہ ایس لئی کہ تُسی مسیح دے کول نئیں آؤ گے۔

3. ایس وجہ توں کہ خدا دی طاقت تہانوں کھینچن دے لئی ضروری اے اُوہدی وجہ ایہ نئیں اے کہ تُسی نئیں کر سکدے، بلکہ ایس لئی کہ تُسی مسیح دے کول نئیں آؤ گے۔

انسان دا دِل ایس قدر بدکار اے کہ اُوہنوں خدا دی طاقتت دی لوڑ اے کہ اُو اُو کر سکے جیہڑا اُو کر سکدا اے – اُو نئیں جیہڑا اُو نئیں کر سکدا۔ ایہنوں سمجھان دے لئی ہُور وی بہوتے طریقے آزمائے گئے لیکن سارے ناکام رئے۔ تہاڈا اپنا ضمیر متفق اے کہ ایہ تہاڈی اپنی غلطی اے کہ تسی مسیح دے کول نئیں آئے۔

’’تُسی کدہو تیکر دو خیالاں وِچ ڈانواڈول رہوو گے؟‘‘ (I سلاطین 18: 21).

II۔ دوجی گل، تُسی کدہوں تیکر انتظار کرن دا اِرادہ رکھدے اُو؟

’’تُسی کدہوں تیکر رُکو گے؟‘‘ تُسی کدہوں تیکر نجات دے دائمی مصائب دے وِچکار ڈگمگاندے رہوو گے؟ تُسی ایس اہم موضوع نے کدہوں دا ٹٓال چُکے اُو؟ تُسی مسیح دے بغیر کیہنے ورے لنگہائے نے؟ تُسی کیہنی تنبیہات نوں نظر انداز کیتا اے؟ خدا دی روح کدہوں توں تہاڈے نال کوشش کر رئی اے؟ تہاڈی جانچ پرکھ دے کیہنے ورے پہلاں ای ضائع ہو چکے نے؟ اُوس ویلے خدا تہانوں بُلاندا رہیا اے۔ کی نئیں بُلاندا رہیا؟ تُسی ہُنے تیکر مسیح دے کول کیوں نئیں آئے؟ ایہنے میہنے، تے تہاڈے وِچوں کُجھ دے لئی، تہاڈے امتحان دے ورے لنگھ چکے نے تے تُسی کُجھ نئیں کیتا! نجات دا بہوتا قیمتی دِن لنگ چکیا اے – تے ایس سارے عرصے وِچ تُسی صرف اپنے دِل نوں سخت کیتا اے۔

تُسی جیہڑیاں وی تنبیہات سُنیاں نے اُوہناں دا تہاڈے تے کوئی اثر نئیں ہویا۔ کدی کدی، فلیکس وانگوں، تُسی ابدیت دی خوفناک حقیقتاں دے بارے وِچ سوچنا شروع کر دِتا اے۔ اِک لمحے دے لئی تہانوں مسیح دے حوالے کرن دے قریب لیہایا گیا اے۔ لیکن ہر وری تُسی ٹر جاندے اُو تے سار کُجھ بُھل جاندے اُو۔ اِجلاس ختم ہو چکے ہوندے نے تے تہانوں بچایا نئیں گیا سی – تُسی صرف پہلاں توں بوہتی ڈھیٹ ہو گئے اُو۔

تُسی ہُنے تیکر مسیح نوں کدی نئیں چُنیا اے۔ کدہوں تیکر اینج چلن دا اِرادہ اے؟ اَسی تہاڈے کولوں مطالبہ کرنے آں کہ اُوہناں لوکاں وِچوں نکل آؤ، تے ہُنے ای مسیح دے کول آؤ، ایس توں پہلاں کہ خدا تہاڈے کولوں ہمیشہ دے لئی اپنا فضل واپس لے لوؤ۔

جے مسیحیت وِچ کُجھ نئیں اے، تے ایہنوں یکسر ترک کر دیو! جے بائبل سچ نئیں اے، تے ایہنوں سُٹ دیو! لیکن جے ایہ سچ اے، جیویں کہ تُسی کہندے اُو، تے تُسی مسیح دے سامنے سر تسلیم خم کرن توں کیوں ہچکچاندے اُو؟ چونکہ بائبل سچ اے – تے ایہ بے حدا سچ اے – دُنیا شعلیاں وِچ ہووے گی! تُسی دو خیالاں دے وِچکار کدہوں تیکر ڈٓانواڈول رہوو گے؟

تُسی ہںے وی ڈانواڈول اُو، دو خیالات دے وِچکار ڈگمگا رئے اُو۔ اِک پاسے تُسی ڈردے اُو کہ تُسی کوئی ایہو جئی شے گنوا دیو گے جیہڑی ایس دُنیا وِچ قیمتی تے اہم معلوم ہوندی اے۔ تہانوں شرم آندی اے کہ لوکی سوچدے نے کہ تہانوں اپنی جان دی فکر اے۔ تُسی دُنیا دے سامنے آن توں شرمندہ اُو، تے کُھلے عام مسیح وِچ اپنے ایمان دا اعلان کرن توں شرمندہ اُو۔ تسی ڈردے اُو کہ کوئی کی کہے گا۔ تُسی انتظار کر رئے اُو کہ آیا کوئی ہُور مسیح دے لئی سامنے آئے گا۔ کیوں؟ کیوں جے تُسی مسیح اَگے شرمندہ اُو! ایس لئی تُسی اُوہدے کول نئیں آؤ گے۔

تُسی جانندے اُو کہ تُہاڈی حیاتی چھیتی ای ختم ہو جائے گی تے ہمیشہ دے لئی ختم ہو جائے گی – کہ تہانوں مرنا تے سزا دے لئی جانا چائیدا اے۔ تُسی جانندے اُو کہ خدا دی روح ہمیشہ تہاڈے نال کوشش نئیں کرے گی – کہ تہاڈے فضل دا دِن محدود اے – کہ چھیتی ای خدا تہانوں اِک ملامت زدہ ذہن دے حوالے کر دیوے گا۔ بعض اوقات ایہ خیالات تہانوں سراسیمہ کر دیہندے نے۔ کی اینج نئیں اے؟ تُسی کدہوں تیکر اپنی جان گنوان دا خطرہ مول لہوو گے؟ ابدی حقیقتاں توں کدہو تیکر کھیڈو گے؟ تہاڈی بے اعتنائی ای تہاڈے کیس نوں بہوتا خطرناک بناندی اے۔ تُسی تباہی دے راستے تے اُو۔ ایہ اُو راستہ اے جیہدے تے سارے بدکار ٹر چکے نے، جیہڑے تہاڈے توں پہلاں جہنم وِچ گئے سن۔ اُو اَگے ودھے، دے خیالاں دے وِچکار ڈانواڈول ہوئے، تے اپنے آپ نوں جھوٹی تسلی دیہندے رئے، ایتھوں تیکر کہ اُو پھسل کے جہنم دی اَگ وِچ ڈِگ گئے۔ تے کہ تُسی اُوہناں دے نقشِ قدم تے نئیں چل رئے؟

تہانوں انتخاب کرنا پیہئے گا۔ خدا تہاڈے پورے دِل دا تقاضا کردا اے۔ جے اُوہدے کول تہاڈا دِل نئیں اے، تے اُو تہانوں سرے توں قبول ای نئیں کرے گا۔ تہانوں اپنے گناہواں دا اعتراف کرن تے چھڈن دی لوڑ ایہ – دُنیا دیاں [گلاں توں] باہر آن دے لئی – تے گرجا گھر وِچ جھوٹے پروفیسراں توں دور ہون دے لئی – سولی توں چُکن گے مسیح دی پیروی کرن دےلئی جیویں شمعون قرینی نے کیتا سی۔ جے تُسی ایہدے تے ڈٓانواڈول ہو گئے تے تہانوں دی وی نجات نئیں لبھے گی۔ جے تُسی ایہدے تے ٹھہر جاندے اُو، تے مسیح دا تہاڈے نال کوئی تعلق نئیں رہووے گا! اُو عدالت دے روز تہاڈے تے شرمندہ ہووے گا۔

تُسی سوچ سکدے اُو کہ تُسی اُوہنوں اپنی خدمات دا حصہ دے کے – خدا دے نال سمجھوتہ کر کے خدا دی برکات حاصل کر سکدے اُو۔ لیکن ایہ کدی وی کامیاب نئیں ہوئے گا۔ ’’کوئی بندہ دو مالکاں دی خدمت نئیں کر سکدا۔‘‘

سمجھوتہ کرن نال تُسی اِک جھوٹی اُمید حاصل کر سکدے اُو، لیکن تُسی نجات حاصل نئیں کر پاؤ گے۔ خدا تہاڈے سارے کماں نوں حقیر سمجھے گا۔ اُو کہوے گا کہ ’’تیری ساری راستبازی صرف گندے چیتھڑے نے۔‘‘ جے تُسی اپنے آپ نوں مکمل طور تے مسیح دے حوالے کرن دے لئی تیار نئیں اُو، تے تُسی جیتھے اُو اُوتھے رُک سکدے اُو۔ جنت دا راستہ بہوتا تنگ اے۔ ایتھوں تیکر کہ راستباز وی ’’بمشکل بچائے گئے‘‘ نے۔

کی تُسی اپنے گمراہ ہوئے بیلیاں دی ملامت توں ڈردے اُو؟ کی تُسی ایہنے کمزور اُو تے ایہنے ڈرپوک اُو؟ سوچو! گمراہ ہوئے بیلیاں دا تمسخر خداوند دی تیز سانواں دے مقابلے چہ کی اے؟ میں تہانوں نصیحت کرنا آں کہ مذید ڈٓنواڈول نہ رہوو۔ حیاتی تے موت ہُن تہاڈے اَگے آے۔

’’تُسی کدہو تیکر دو خیالاں وِچ ڈانواڈول رہوو گے؟‘‘

جے جنت دی خوشیا اہم نئیں لگدیاں نے – جے لہو وگان آلا نجات دہندہ اہم نئیں لگدا اے – جے جہنم دی تنبیہات تہاڈے وِچ دہشت پیدا نئیں کردیاں نے – اَگے ودھو – اپنے خوف نوں دور کرو – خدا دے پُتر نوں پیراں ہیٹاں روند دیو – خدا دی روح دے یقین دے خلاف مزاحمت کرو – خدا دی گرجاں دی مزاحمت کرو۔ لیکن یاد رکھو کہ تہاڈی جوانی چھیتی ای مُک جائے گا۔ جدوں تہاڈی حیاتی ختم ہو جائے گی تے تُسی قبر وِچ ڈِگ جاؤ گے، تے تہاڈی روح ناراض خدا دے ہتھ وِچ آ جائے گی۔

(ایہ واعظ ڈاکٹر اسہیل نیٹلٹن Dr. Asahel Nettleton (1783۔1844) دے ذریعہ ’’مذہب وِچ بے اعتنائیIndecision in Religion‘‘ توں جدید استعمال دے لئی ترمیم تے اخذ کیتا گیا سی، اسہیل نیٹلٹن: دوجی عظیم بیداری توں واعظAsahel Nettleton: Sermons From the Second Great Awakening، انٹرنیشنل آؤٹ ریچ، 1995 ایڈیشن، صفحہ 17-24)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔