یوسف تے اُوہدے پراہا | Joseph and His Brothers

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں نئیں سمجھ سکدا کہ کیویں کوئی پیدائش دے آخریلے چند ابواب وِچوں یوسف تے مسیح دے وِچکار مطابقتاں نوں بغیر اُجاگر کیتے تبلیغ کر سکدا اے۔ اُو موازنہ ایس قدر واضح اے کہ ایہنوں نظر انداز کر دینا اینج ای اے جیویں بائبل دے عظیم خزانیاں وِچوں اِک نوں نظر انداز کر دِتا گیا اے۔

پہلی پاشکا دے اِتوار، سجری سویرے، یسوع مُردیاں وِچوں جی اُٹھیا سی۔ اُوس دِن دی دوپہر نوں اُوہنے اماؤس دے راستے تے دو شاگرداں نال گل کیتی سی۔ بعد چہ اُوسی دِن، یسوع اپنے شاگرداں تے اِک بالاخانے وِچ ظاہر ہوندا اے۔ اُوہنے اُوہتھے اُوہناں نال کھانا کھادا، تے جدوں شام دا کھانا ختم ہویا، تے یسوع نے پرانے عہدنامے دے صحائف وِچ اُوہناں نال تعلق رکھن آلی ساریاں گلاں اُوہناں نوں سمجھائیاں۔ جدوں اُو پیدائش دی کتاب تے پہنچیا تے یقیناً اُوہنے یوسف دا حوالہ دِتا سی؛ اُوہنے یقیناً اپنے تے یعقوب دے بیٹے دے وِچکار مماثلت قایم کیتی سی، جیہڑی کہ بائبل وِچ سب توں بوہتی مسیح نال ملدی جُلدی ہستی اے! اَج رات نوں اَسی یوسف تے اُوہدے پراہاواں تے اپنی توجہ نوں مرکوز کراں گے۔ ایس تعلق داری وِچ، یوسف بطور گنہگاراں دے نجات دہندہ دے، مسیح دی قبل از وقت تشبیہہ پیش کردا اے۔

لیکن ایس توں پہلاں کہ اَسی اُوتھے جائیے، میں یوسف دی یسوع دے نال مشہابت دا اُوس ویلے دا جدوں اُوہدا سامنا اپنے پراہواں نال ہویا سی اِک خاکہ پیش کراں گا۔ یسوع وانگوں، یوسف نوں اُوہدا باپ بہوتا پیار کردا سی۔ یسوع وانگوں، اُوہنوں اپنے پراہواں توں نفرت ملی سی، تے اُو اُوہدے نال حسد کردے سن۔ ایہدے علاوہ، اُوہدے خلاف منصوبہ بنایا گیا سی، اُوہدی تضحیک کیتی گئی سی، اُوہدا لباس اُتار لیہیا گیا سی، تے کھڈے وِچ جھونک دِتا گیا سی، جیویں کہ یسوع نوں قبر وِچ ڈالیا گیا سی۔ اُوہدی قبا تے لہو چھڑکیا گیا سی تے اُوہدے پیو یعقوب نوں دِتی گئی سی، جیویں کہ یسوع دا لہو آسمان وِچ اُوہدے پیو نوں پیش کیتا گیا سی۔

یوسف نوں غلام دے طور تے مصر وِچ بیچیا گیا سی، جیویں کہ یسوع نوں بغیر شان و شوکت دے بنایا گیا سی تے ایس دُنیا وِچ اُوہدے آسمانی پیو دے کول اِک اعلیٰ و ارفع تھاں توں پیہجیا گیا سی۔ یوسف وانگوں، خداوند یسوع دے نال سی جدوں اُو ایس زمین تے آیا سی، تے ہر کام نے فروغ پایا جیہڑا اُوہنے کیتا۔ یوسف وانگوں، یسوع دی آزمائش کیتی گئی سی، تے ایہدے باوجود اُوہنےگناہ نئیں کیتا۔ یوسف وانگوں، یسوع تے جھوٹا اِلزام لگایا گیا سی، اُوہنے خود دا دفاع نئیں کیتا سی، قید وِچ ڈالیا گیا سی، شدید مصیبتاں برداشت کیتیاں، دو خطاکاراں دے نال گِنیا گیا، قبر دی قید توں خدا دے ہتھ دے وسیلے توں رہائی پائی سی، دُنیا وِچ اعلیٰ ترین مقام تے عظمت پائی، تیس وریاں دا سی جدوں اُوہنے اپنی حیاتی دے کام دا آغاز کیتا سی، ساریاں لوکاں دا نجات دہندہ بنیا سی، سارے لوکاں دی ضرورتاں نوں پورا کرن دے لئی اُوہدے کول لامحدود وسائل سن۔ یوسف دی کیہو جئی اِک تصویر جیہڑی خداوند یسوع مسیح دے آن توں پہلاں پیش کیتی گئی! لیکن ہُں اَسی یوسف دے اپنے پراہواں دے نال تعلق تے توجہ مرکوز کراں گے – بطور یسوع دی گنہگاراں دے نال تعلق دی اِک تصویر دے۔ اینج کرن نال، میں ڈاکٹر آئی۔ ایم ھالڈمین Dr. I. M. Haldeman دے کام تے بوہتا زیادہ انحصار کر رہیا آں، جیہڑے کہ نیویارک شہر دے پہلے بپتسمہ دین آلے گرجا گھر دے اِک دیرینہ پادری سن۔ ایتھے یوسف تے اُوہدے پراہواں تے یسوع تے گنہگاراں دے وِچکار بے شمار مماثلتاں نے۔

1۔ پہلی گل، یوسف دے پراہا اِک ایہو جئی سرزمین وِچ رہ رئے سن جیتھے اناج نئیں سی۔

’’تے اِسرائیل دے پُتر وی اُوہناں لوکاں وِچ شامل سن جیہڑے اناج خریدن دے لئی گئے کیوں جے مُلک کنعان وی قحط دا شکار سی‘‘ (پیدائش 42: 5).

اُوہناں دے مُلک وچ ایہو جیہا کُج نئیں سی جیہڑا اُوہناں نوں اپنی متوقع موت نوں جاری رکھن دے لئی زندہ رکھدا۔ ایس لئی اسرائیل نے اپنے پُتراں نوں مصر جان تے اُوہدھروں اناج خریدن دے لئی کہیا سی، ’’تاکہ اَسی زندہ رہیے، تے ہلاک نہ ہوئیے‘‘ (پیدائش42: 2)۔ بالکل اینج ای سارے گنہگار ایس دُنیا وِچ رہ رئے نے جیہڑے روحانی قحط دی زد وِچ آئی ہوئی اے، ایس دُنیا وِچ جِیتھے جان دے لئی کوئی خوراک نئیں اے۔ ہر کھویا ہویا بندہ جیہڑا نجات پاندا اے پہلے احساس کردا اے، مصرف بیٹے وانگوں، کہ ایتھے ’’[ایس] سرزمین وِچ اِک قوی قحط‘‘ اے – کہ ایتحے اُوہدے لءی کُج وی نئیں اے ماسوائے ’’بھوسے دے جیہڑا سؤر … کھاندے نے‘‘ (لوقا15: 14، 16)۔ جدوں تیکر اِک کھویا ہویا شخص ایہہ سوچدا رہندا اے کہ ایس دُنیا وِچ کج نہ کُج اے جیہڑا اُوہنوں تسلی دے سکدا اے تے اُوہدی جان نوں خوراک مہیا کر سکدا اے، اُو یسوع دے کول نئیں آئے گا، جِنہے کہیا، ’’حیاتی دی روٹی میں آں: جیہڑا میرے کول آئے گا کدی بھوکا نہ رہووے گا؛ تے جیہڑا میرے تے ایمان لیہیائے گا کدی پیاسا نہ ہووے گا‘‘ (یوحنا6: 35)۔

2۔ دوجی گل، یوسف دے پراہا اُو خریدنا چاہندے سن جیہڑا اُو پا چکے سن۔

’’فیر یوسف دے دس پراہا اناج خریدن دے لئی مِصر روانہ ہوئے‘‘ (پیدائش 42: 3).

ایس باب دی پہلی دس آیتاں وِچ لفظ ’’خریدنا‘‘ موجود نظر آندا اے۔ ایہہ ظاہر کردا اے کہ خوراک مفت وِچ پان دا اُو تصور وی نئیں کر سکدے سن۔ ایہہ کھوئے ہوئے لوکاں دے ذہناں دی تصویر پیش کردا اے۔ اُو سوچدے نے کہ اُوہناں نوں اپنی نجات خدا نوں خوش کرن دے لئی کُج کرن نال حاصل کرنی اے۔ ہر گمراہ ہویا بندہ سوچدا اے کہ اُو کوئی ایہو جیہا کام کرن نال جیہدے نال خدا خوش ہوندا اے، نجات نوں ’’خرید‘‘ سکدا اے۔ مصرف بیٹے نے کہیا سی، ’’میہنوں وی اپنے مزدوراں وِچ شامل کر لے‘‘ (لوقا 15: 19)۔ یعنی کہ، اِک ایہو جیہا شخص جیہڑا کام کردا اے اُوس سب دے لئی جیہڑا اُو پاندا اے۔ گمراہ ہوئے لوکاں دے لئی ایہہ یقین کرن وِچ مشکل ہوندی اے کہ اُو ’’بغیر پیسے تے بغیر قیمت دے‘‘ نجات پا سکدے نے (اشعیا55: 1)۔ اُوہناں دے لئی ایہہ بالکل ناممکن لگدا اے کہ یسوع اُوہناں نوں بچا لئے گا جے اُو محض اُوہدے وِچ یقین کر لیہندے نے۔ اینج ای بالکل یوسف دے پراہواں نال ہویا سی – تے ہر گمراہ ہوئے آدمی تے عورت نال ہوندا اے۔ لیکن بائبل کہندی اے، ’’اُوہنےسانوں نجات دِتی، ایہہ ساڈے نیک کماں دا پھل نئیں سی، بلکہ اُوہدا فضل سی‘‘ (طیطس3: 5)۔

3۔ تیجی گل، یوسف دے پراہواں نوں ایہدے توں پہلاں کہ شفا دِتی جاندی زخمی کیتے جان دی لوڑ سی۔

جدوں اُو یوسف اپنے پراہا دے کول پہنچے تے اُوہناں نے اُوہنوں نئیں پہنچانیا۔ اُوہناں نے اُوہنوں اِک غلام دی حیثیت نال مصر وِچ فروخت کیتا سی۔ ہُن اُوہدے سر تے اُسترا پھیریا ہویا سی، بغیر داڑھی دے، مصریاں وانگوں لباس پہنے ہوئے سی، تے ہُن سارے مصر دا وزیرِ اعظم سی۔ چونکہ اُو نئیں جانندے سی کہ اُو اُوہناں دا پراہا سی، تے اُو ضرور خوفزدہ رئے ہون گے۔ لیکن ایہدے باوجود، اُو اُوہدے کول خود راستبازی دے روئیے دے نال آئے۔ اُودھوں یوسف اُوہناں دے نال ’’سخت لہجے وِچ بولیا سی‘‘ (پیدائش42: 7)۔ غور کرو کہ کیوں اُو اُوہناں دے نال ایس طریقے نال بولیا سی۔ اُوہناں نے کہیا سی، ’’اَسی شریف لوکی آں‘‘ (پیدائش42: 11)۔ جدید نسخہ ایہدا ترجمہ ایویں کردا اے، ’’اِسی ایماندار لوکی آں۔‘‘ جی ہاں، درست! حقیقی ایماندار لوکی! لیکن یوسف بہتر طور تے جانندا سی! اُو جانندے سن کہ اُوہناں نے تقریباً اُوہنوں مار ای ڈالیا سی، تے اپنے باپ نال جھوٹ بولیا سی، ایہہ کہہ کر کہ اُو مر چکیا سی! حقیقی ایماندار لوکی!

تے یسوع تہاڈے بارے چہ وی سب کُج جانندا اے! اُو تہاڈے دِل وِچ ہر گناہ نوں جانندا اے، تے تہاڈی حیاتی وِچ ہر گناہ نوں جانندا اے۔ تُسی اُوہنوں بیوقوف نئیں بنا سکدے، اُوہدے مقابلے وِچ جیہنا اُوہناں نے یوسف نوں بیوقوف بنایا سی! ’’اَسی ایماندار لوکی آں،‘‘ ’’اَسی شریف لوکی آں۔‘‘ جی ہاں، ایہہ اُوہناں دے ذہناں وِچوں باہر کڈنا اے! ایہہ طریقہ اے جیہڑا خدا گنہگاراں تے کام کرن دے لئی شروع کردا اے۔ اُو شفا دین توں پہلاں زخمی کردا اے۔ اُو شریعت دی رو توں ’’برہمی‘‘ نال بولدا اے۔ اُو تہاڈے ضمیر نوں کہندا اے، ’’تُسی قصوروار اُو! تُسی اِک گنہگار اُو! تُسی اِک شریف انسان نئیں اُو!‘‘

گنہگار ایہدے ردعمل دا اِظہار کیویں کردے نے؟ شروع وِچ اُو اپنے آپ دے لئی بہانہ پیش کردے نے۔ لیکن آخر کار اُو اپنے گناہ دا احساس کر لیہندے نے۔ مہربانی نال کھڑے ہو جاؤ تے آیت اکیس اُوچی واج نال پڑھو،

’’اُو آپس وِچ کہن لگے: یقیناً سانوں اپنے پراہا یوسف دے سبب توں سزا مل رئی اے۔ یاد رہوے کہ جدوں اُوہنے سانوں اِلتجا کیتی سی کہ میہنوں جان نال نہ مارو تے اُو کیس قدر بے بس نظر آ رہیا سی۔ فیر وی اَسی اُوہدی نہ سُنی۔ ایس لئی ہُن ایہہ مصیبت ساڈے تے آ پیہئی اے‘‘ (پیدائش 42: 21).

تُسی تشریف رکھ سکدے اُو۔ اِک گمراہ ہوئے بندے نوں اُوہدے گناہ دی آگاہی ہونی چائیدی اے۔ اُوہنوں کہنا چائیدا اے، ’’میں قصور وار آں۔‘‘ اُوہنوں ایس گل دی آگاہی کروانی چائیدی اے کہ اُو اِک ایماندار بندہ نئیں اے، شریف شخص نئیں اے – کہ اُو اِک گنہگار اے! اِسی لئی پاک روح تہانوں گناہ دی سزایابی دے تحت لیہیاندا اے۔ ایہدے توں پہلاں کہ تہانوں شفا دِتی جائے تہاڈا زخمی ہونا ضروری اے۔ تہانوں گھٹ توں گھٹ کُج گناہ دے تحت سزایابی ہونی چائیدی اے – ورنہ یسوع تہانوں ضروری وکھائی نئیں دے گا!

میں تفتیشی کمرے وِچ میہنوں بے شمار لوکاں نوں دسدے ہوئے ویکھیا اے کہ اُوہناں دے کول بچائے جان دے لئی گناہ دے تحت سزایابی کافی نئیں اے۔ ایہہ اِک عام جئی غلطی اے۔ جوزف ہارٹ نے ایہدے بوہتا عمدہ جواب دِتا سی،

’’جے تُسی سُستی جاری رکھو گے جدوں تیکر بہتر نئیں ہو جاندے،
تے تُسی کدی وی نئیں آ پاؤ گے‘‘
(’’آؤ، اے گنہگارو Come, Ye Sinners‘‘ شاعر جوزف ہارٹ Joseph Hart، 1712۔1768)۔

جے تُسی انتظار کردے اُو جدوں تیکر کہ تُسی بہتر نئیں ہو جاندے، یا جدوں تیکر کہ تُسی مذید ہُور سزایابی دے تحت نئیں آ جاندے – تے تُسی کدی وی نئیں آ پاؤ گے! اُو ساری گناہ دے تحت سزایابی جیہدی تہانوں لوڑ اے اُو صرف ایہہ سزایابی اے کہ صرف یسوع ای تہانوں تہاڈے گناہ توں بچا سکدا اے۔ جے تُسی ایس قدر گناہ دے تحت سزایابی وِچ آ گئے اُو کہ اپنے لئی یسوع دی لوڑ نوں محسوس کردے اُو، تے تُسی بالکل ہُنے اُوہدے کول آ سکدے اُو، اَج دی رات نوں ای! لیکن جے تُسی سوچدے اُو کہ جیویں اُو اینج ای ٹھیک اُو تے تُسی کدی وی نجات پائے بغیر مر سکدے اُو!

4۔ چوتھی گل، یوسف دے پراہواں نوں کُج عرصے دے لئی قید وِچ ڈالیا گیا سی۔

میں کہانی دی ساری تفضیلات وِچ تے نئیں جا سکدا۔ تہانوں ایس واعظ دی چھپی ہوئی نقل حاصل کر کے گھر لے جانی ہووے گی تے بائبل وِچوں حوالیاں نوں پڑھ کے کہانی مکمل کرنی ہووے گی۔ میرے لئی ایہہ کہہ دینا ای کافی اے کہ یوسف نے اُوہناں دے نال برہمی دا برتاؤ جاری رکھیا سی تاکہ اُوہناں نوں اُوہناں دی اپنی بدکاری دا احساس دِلا سکے۔ یاد رکھو، اُو ہُنے وی نئیں جانندے سن کہ اُو اُوہناں دا پراہا سی۔ آیت سترہ نوں ویکھو،

’’تے اُوہنے اُوہناں ساریاں نوں تین دِن تیکر حراست [قید خانے] وِچ رکھیا‘‘ (پیدائش42: 17)۔

ایہہ سی جیہدے اُو مستحق سن۔ کدی کدی خداوند گمراہ ہوئے لوکاں دے نال ایس ای طریقے نال پیش آندا اے، اُوہناں نوں قید وِچ چھڈ کے جدوں تیکر کہ اُو ایس گل دا احساس نہ کر لین کہ اُو ماسوائے سزا دے ہُور کسی گل دے مستحق نئیں نے۔ ایس طریقے علاج نال اُوہناں نوں ایہہ ویکھایا جاندا اے کہ مسیح دے ذریعے توں معافی پانا کسی قدر شاندار اے۔ ایویں، ایس توں پہلاں کے اُو عظمت پان اُو ذلیل و رسوا ہوندے نے۔ جان نیوٹنJohn Newton نے کہیا،

ایہہ فضل سی جیس نے میرے دِل نوں خوف کرنا سیکھایا،
تے فضل ای نے میہنوں خوف توں نجات دلائی
(’’حیرت انگیز فضل Amazing Grace‘‘ شاعر جان نیوٹن John Newton، 1725۔1807)۔

بوڑھا نیوٹن جانندا سی کہ قید وِچ مُنہ بند کروا دِتا جانا کینج لگدا اے، یسوع وِچ آزادی پان توں پہلاں خوف کرنا کینج لگدا اے!

5۔ پنجویں گل، یوسف دے پراہواں نے سِکھ لیہیا سی کہ آزادی فضل دے ذریعے توں ہوندی اے۔

تین دِناں تیکر قیدخانے وِچ رہن دے بعد، یوسف نے اُوہناں نوں آزاد کر دِتا۔ پیدائش42: 25 آیت وِچ اَسی پڑھنے آں، ’’فیر یوسف نے حکم دِتا کہ ایہناں دے بوریاں وِچ اناج بھر دِتا جائے، تے ہر آدمی دی چاندی وی اُسی دے بورے وِچ رکھ دِتی جائے، تے اُوہناں نوں زادِ راہ وِچ دِتا جائے،‘‘ ایہہ ایس حقیقیت دی اِک شاندار تصویر اے کہ نجات مفت وِچ لبھدی اے! بائبل کہندی اے، ’’کیوں جے تہانوں ایمان دے وسیلے توں فضل ای نال نجات ملی اے تے ایہہ تہاڈی کوششاں دا نتیجہ نئیں بلکہ خدا دی بخشش اے‘‘ (افسیوں2: 8، 9)۔

جدوں میں ایہناں لفظاں دا مطالعہ ڈاکٹر ھیلڈمین وِچوں کر رہیا سی، میہنوں احساس ہویا کہ اینج دے تجربات بُہتیرے دورِ حاضرہ دے مبشران انجیل توں نئیں سمجھے جا سکن گے۔ اَج دی ’’فیصلہ سازیت‘‘ دے پھیلاؤ دی وجہ توں، اِک گمراہ ہوئے اِنسان نوں عموماً دسیا جاندا اے کہ تیزی نال ’’گنہگاراں دی اِک دعا‘‘ نوں پڑھن تے دسیا جاندا اے کہ اُو بچایا گیا سی! ڈاکٹر ھیلڈمین مسیح وِچ تبدیلی دے بارے چہ پرانے طرز دی مبشران انجیل دی سوچاں نوں پیش کر رئے سن، تے میں قائل ہو گیا آں کہ پرانا طریقہ درست سی! (ویکھو آئعین ایچ۔ میورے Iain H. Murray، قدیم انجیلی بشارت The Old Evangelicalism، سچائی دے علم کا ادارہ The Banner of Truth Trust، 2005)۔

صرف جدوں اِک گمراہ ہویا گنہگار گناہ دے تحت سزایابی نوں محسوس کردا اے فیر ای مسیح دے مفت فضل دے ذریعے توں نجات اہم نظر آن لگدی اے! پرانے مبشران انجیل چلا سکدے سن، ’’حیرت انگیز فضل! کیس قدر میٹھی اُو آواز – جِنہے میرے وگرے تباہ حال نوں بچایا!‘‘ یا ’’فضل! ’ایہہ اِک دلکش آواز!‘‘ یا،

فضل، فضل، خُداوند دا فضل،
فضل جیہڑا معاف کرے گا تے اندر توں پاک صاف کرے گا؛
فضل، فضل، خداوند دا فضل،
فضل جیہڑا ساڈے سارے گناہ توں وڈا اے۔
(’’فضل جیہڑا ساڈے سارے گناہ توں وڈا اے Grace Greater Than Our Sin‘‘ شاعر جولیا ایچ۔ جونسٹن Julia H. Johnston، 1849۔1919)۔

لیکن اینج اَج بُہوتی گھٹ مبشرانِ انجیل چلاندے نے! میں دراصل جدید انجیلی بشارت آلیاں دے بارے وِچ پڑھیا سی جیس وِچ لکھیا سی، ’’فضل دے بارے وِچ ایہو جئی حیرت ناک گل کی اے؟‘‘ کیس قدر افسوس دی گل اے! گناہ دے تحت سزایابی تے مسیح وِچ نجات صرف خداوند دے فضل توں ای آ سکدی اے۔ گنہگار خود نوں بچان دے لئی خود توں کُج وی نئیں کر سکدا۔ بچان دا سارا کام یسوع نوں ای کرنا اے۔ گنہگار نوں تے صرف توبہ کرن تے یسوع تے پروہسا کرن دے لئی کہیا جاندا اے!

یوسف دے پراہواں نے کُج وی ادائیگی نئیں کیتی سی۔ نجات نوں خریدا نئیں جا سکدا اے! یسوع وانگوں، یوسف نے اُوہناں دے پیسے نوں واپس کیتا سی تے اُوہناں نوں معاف کیتا سی، ’’بغیر پیسے دی تے بغیر قیمت دے،‘‘ جیویں کہ اشعیا نے ایہہ لکھیا! (اشعیا55: 1)۔

6۔ چھٹی گل، یوسف دے پراہواں نے پایا کہ اُو خود نوں ’’بے گناہ‘‘ ٹھہرا نئیں پان گے!

پیدائش44: 16 آیت کھولو۔ اُو یوسف دی موجودگی وِچ ای سن، اُوہنوں جانے بغیر۔ ہُن اُو اپنے راستے تے جا رئے سن اُوس خوراک دے نال جیہڑی اُوہنے اُوہناں نوں دِتی سی۔ لیکن یوسف اُوہناں نوں واپس لیہیان دے لئی اُوہناں دے پیچھے اپنے خادم نوں پیہجدا اے۔ یوسف دا خادم پاک روح دی اِک تشبیہہ اے۔ ایویں پاک روح گناہ دی سزایابی دے تحت آئے گنہگاراں نوں واپس مسیح دی موجودگی وِچ لیہیاندا اے۔ ہُن باب 44 آیت 16 تے نظر پاؤ۔

’’یہوداہ نے جواب دِتا: اَسی اپنے خداوند نوں کی کہواں گے؟ اَسی کہہ وی کی سکنے آں؟ اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا …‘‘ (پیدائش 44: 16).

ایس توں پہلاں اُوہناں نے کہیا سی کہ اُو ’’شریف لوکی‘‘ سن۔ ہُن اُو نئیں جانندے سن کہ کی کیہن! خداوند نے اُوہناں دا گناہ پا لیہیا سی، تے اُو خود نوں ’’بے گناہ‘‘ ثابت کرن دے قابل نئیں سن! صرف جدوں گمراہ ہویا گنہگار سوچدا اے کہ ہُن اُوہدے بس توں باہر اے، تے خدا دی حضوری وِچ خود نوں ’’بے گناہ‘‘ ثابت نئیں کر سکدا اے، فیر ای اُوہدی واحد اُمید مسیح وِچ نظر آئے گی! تے ایہہ سانوں ستویں نقطے تے لے جاندی اے۔

7۔ ستویں گل، یوسف نے خود نوں اپنے پراہواں تے ظاہر کر دِتا سی۔

مہربانی نال کھڑے ہو جاؤ تے باب 45 دی آیت 1 پڑھو،

’’فیر یوسف اپنے سارے خدمت گاراں دے سامنے خود نوں ضبط نہ کر سکیا تے اُوہنے اُوچی واج وِچ پکار کے کہیا: سارے ایہدھروں چلے جاؤ۔ فیر یوسف نے اپنے آپ نوں اپنے پراہواں تے ظاہر کیتا تے اُوس ویلے دے خدمت گاراں وِچوں کوئی وی اُوہدے کول نئیں سی‘‘ (پیدائش 45: 1).

غور کرو کہ ہر آدمی نوں، اُوہدے پراہواں دے علاوہ، کہیا گیا سی کہ کمرے توں باہر چلا جائے۔ ایہہ ظاہر کردا اے کہ تہاڈے نال کوئی وی نئیں جا سکدا جدوں تُسی مسیح دے کول جاندے اُو۔ تہانوں اُوہدے کول اکیلے ای جانا چائیدا اے۔ جدوں اُو اکیلے سن، یوسف نے خود نوں اُوہناں تے ظاہر کر دِتا!

’’یوسف نے اپنے سارے پراہواں نوں چومیا تے اُوہناں نال مل کے رویا۔ اُوہدے بعد اُوہدے پراہا وِچ اُوہدے نال بات چیت کرن لگے۔ جدوں ایہہ خبر فرعون دے محل تیکر پہنچی کہ یوسف دے پراہا آئے نے تے فرعون تے اُوہدے نوکر چاگر بہت خوش ہوئے‘‘ (پیدائش 45: 15۔16).

ہر کوئی خوش ہویا سی! یوسف خوش ہویا سی۔ اُوہدے پراہا خوش ہوئے سن۔ فرعون خوش ہویا سی۔ اُوہدے ملازم خوش ہوئے سن۔ اینج ای ہوندا اے جدوں یسوع خود نوں اِک گنہگار تے ظاہر کردا اے! یسوع نے کہیا،

’’پس میں تہانوں کہنا آں کہ اِک گنہگار دے توبہ کرن تے وی خدا دے فرشتیاں دے سامنےخوشی منائی جاندی اے‘‘ (لوقا 15: 10).

ایہہ مصرف بیٹے دی تمثیل اے، اینج ای پرانے عہدنامے وِچ پیش کیتی گئی! جی ہاں! جی ہاں! پیدائش دی کتاب وِچ ایہہ مصرف بیٹے دی کہانی اے! گنہگاراں نوں ساڈے یوسف – جیہڑا کہ یسوع اے، دے ذریعے توں صلح کیتی جاندی تے قبول کیتا جاندا اے! گواچیا ہویا لبھ لیہیا گیا اے! اُوتھے موت توں حیاتی اے!

اَسی دعا کرنے آں کہ اَج رات نوں ایتھے کوئی، یا کوئی جیہڑا انٹرنیٹ تے ویکھ رہیا اے، شاید یسوع دے کول آئے تے اُوہدے تے پروہسا کرے۔ یسوع تے اینج ای پروہسا کرن جیویں اُوہناں گناہ توں بھرپور پراہواں نے یوسف تے پروہسا کیتا سی! یسوع تہاڈے گناہ ماف کرے گا۔ یسوع اپنے قیمتی لہو دے ذریعے توں تہاڈے گناہ نوں پاک صاف کرے گا۔ یسوع تہاڈی جان نوں ساری ابدیت دے لئی بچائے گا۔ اَسی کیس قدر دعا کرنے آں کہ تُسی اَج رات نوں نجات دہندہ تے پروہسا کرو گے! اَسی کیس قدر دعا کرنے آں کہ یسوع خود نوں تہاڈے تے ظاہر کرے گا!

خود تیرا راستہ اپنائیے، خداوندا! خود تیرا راستہ اپنائیے!
توں کمہار اے؛ میں مٹی آں۔
میہنوں اپنی مرضی دے مطابق سانچے وِچ ڈھال،
جدوں کہ میں انتظار کر رہیا آں، ساکن تے دوزانوں ہو کے۔

خود تیرا راستہ اپنائیے، خداوندا! خود تیرا راستہ اپنائیے!
مالک اَج ای، میہنوں تلاش کر تے میہنوں آزما!
برف توں بوہتا سفید، خدایا، میہنوں ہُنے ای دھو ڈال،
جدوں میں تیری حضوری وِچ عاجزی نال سرنگوں ہونا آں۔
(’’ خود تیرا راستہ اپنائیے، خداوندا! Have Thine Own Way, Lord!‘‘ شاعر ایڈلیڈ اے۔ پولارڈ Adelaide A. Pollard، 1862۔1934)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔