ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

وطن نال محبت کرن آلے یعقوب دے بارہ پُتر سن۔ یوسف راخل توں اُوہدا پتر سی، تے اُو ’’یوسف نوں اپنے دوجے پُتراں توں بوہتا عزیز رکھدا سی کیوں جے اُو اُوہدے بڑھاپے دا بیٹا سی … تے اُوہدے پراہواں نے جدوں ایہہ ویکھیا کہ اُوہناں دا پیو اُوہنوں اُوہناں توں بوہتا پیار کردا اے تے اُو اُوہدے توں حسد کرن لگے‘‘ (پیدائش37: 3۔4)۔ اُو یوسف توں ایس قدر سڑدے سن کہ اُوہناں نے ’’اُوہدے خلاف اُوہنوں قتل کرن دی سازش کیتی‘‘ (پیدائش37: 18)۔

ایک دِن یوسف باہر بیابان وِچ اپنے پراہواں نوں لبھہن دے لئی نکلیا کیوں جے اُو اپنی پھیہڈاں تے بکریاں چرا رئے سن۔ اُوہناں نے یوسف دی قبا ہتھیا لئی تے اُوہنوں اِک کھڈے وِچ سُٹ دِتا۔ اُو اُوہنوں قتل کرن ای آلے سن جدوں یہودہ نے مشورہ دِتا کہ اُو اُوہنوں غلام دی حیثیت نال بیج دینے آں، جیہڑا اُوہناں نے اِک کارواں دے تاجراں دے اِک گروہ دے اَگے اُوہنوں بیچ کے کیتا۔ فیر اُوہناں نے اُوہدی قبا لئی تے اُوہنوں بکرے دے لہو وِچ ڈبویا۔ جدوں اُو قبا لے کے اپنے پیو یعقوب دے کول گئے، اُوہنے کہیا، ’’ایہہ میرے پُتر دی قبا اے؛ اُو کسی خونخوار جانور دا لقمہ بن گیا اے؛ سچ مچ یوسف پھاڑ ڈالیا گیا اے‘‘ (پیدائش37: 33)۔

ایس ای دوران یوسف نوں مصر لے جایا گیا تے پوطیفار دے کول بیچ دِتا گیا، جیہڑا فرعون دا اِک افسر سی۔ پوطیفر نوں پتا چلیا کہ یوسف اِک انتہائی قابل بندہ سی، تے اُوہنے اُوہنوں اپنے گھر دا مختیار مقرر کیتا تے اپنا سب کُج اُوہدے ہتھاں وِچ سونپ دِتا‘‘ (پیدائش39: 4)۔

لیکن پوطیفار دی ووہٹی نے جدوں اُو گھر وِچ تنہا سن اُوہنوں اپنے نال ہمبستر ہون تے مجبور کرن دی کوشش کیتی۔ یوسف اُوہدے کولوں نٹھ گیا، لیکن اُوہنے اپنے شوہر پوطیفار دے نال جھوٹ بولیا، تے کہیا کہ یوسف نے اُوہدے نال زبردستی کرن دی کوشش کیتی سی۔ پوطیفار غصے وِچ بھر گیا تے اُوہنے یوسف نوں قید خانے وِچ ڈلوا دِتا۔

لیکن خداوند یوسف دے نال سی۔ واقعات دے اِک سلسلے دے ذریعے توں اُو قید خانے دے ہر کام دا ذمہ دار بن گیا۔ بعد چہ، فرعون نے اُوہنوں قید توں رہائی دلائی تے اُوہنوں سارے مصر تے وزیر اعظم مقرر کر دِتا۔

جیویں جیوں ویلہ لنگہدا گیا کنعان دی سرزمین تے بوہتا وڈا قحط پیہہ گیا تے یعقوب نے اپنے پُتراں نوں اناج خردین دے لئی مصر پیہجیا۔ جدوں اُو یوسف دے کول پہنچے، اُوہناں نے اُوہنوں نئیں پہچانیا کیوں جے اُوہنے سر تے داڑھی تے اُسترا پھیروایا ہویا سی، تے مصریاں وگرا لباس پہنا ہویا سی۔ اُوہدے پراہواں نے اُوہدے کولوں اناج خریدیا تے اُوہنوں کنعان وِچ یعقوب دے کول لے گئے۔

کُج عرصے دے بعد اُو فیر توں اناج دی قلت وِچ سن، تے یعقوب نے اُوہناں نوں مصر توں ہُور خوراک خریدن دے لئی پیہجیا۔ یوسف نے اُوہناں تے اپنے آپ نوں ظاہر کیتا، اُوہناں نے مذید ہُور خوراک دِتی، تے اُوہناں نوں واپس اپنے پیو یعقوب دے کول پہیجیا۔ تے ایہہ گل سانوں اَج دی شامی ساڈی تلاوت تے لے جاندی اے۔ مہربانی نال کھڑے ہو جاؤ تے اپنی بائبل وِچوں پیدائش45: 25 توں لے کے 46: 1 تیکر پڑھو۔

’’چنانچہ اُو مصر توں روانہ ہوئے تے ملک کنعان وِچ اپنے پیو یعقوب دے کول چلے آئے تے اُوہنوں کہیا: یوسف ہُن تیکر زندہ اے۔ اُو واقعی سارے مُلک مصر دا حاکم اے۔ ایہہ سُن کے یعقوب دا دِل دھک نال رہ گیا۔ اُوہنے اُوہدا یقین نئیں کیتا۔ لیکن جدوں اُوہناں نوں اُوہنوں اُو ساریاں گلاں دِسیاں جیہڑیاں یوسف نے اُوہناں نوں کہیاں سن تے جدوں اُوہنے اُو گڈیاں ویکھیاں جیہڑیاں یوسف نے اُوہنوں لیہیان لئی بھیجی سن اُودھوں اُوہناں دے پیو یعقوب دی جان چہ جان آئی تے اسرائیل نے کہیا: میہنوں یقین ہو گیا کہ میرا پُتر یوسف ہُن تیکر زندہ اے۔ ہُن تے میں اپنے مرن توں پہلاں جا کے اُوہنوں ویکھ لہواں گا۔ فیر اسرائیل اپنا سب کُج لے کے روانہ ہویا …‘‘ (پیدائش 45: 25۔46:1).

تُسی تشریف رکھ سکدے اُو۔

وطن نال محبت کرن آلا یعقوب اپنے ردعمل وِچ ایتھے، جے تشبیہہ نئیں اے تے یقیناً اِک مثال اے۔ اُو مثال توں اُوس بندے نوں واضح کردا اے جیہڑا خوشخبری نوں تے سُناندا اے مگر مسیح دے کول آن دے لئی دِل دا بہوتا کمزور اے۔

جیویں کہ اَسی گذشتہ اِتوار نوں (یوسف – مسیح دی اِک مشہابت،‘‘ 17 \ 2 \ 2003 شام نوں) وِچ ویکھیا کہ یوسف بالکل یقینی طور تے یسوع دی اِک تشبیہہ اے۔ اَسی ویکھیا کہ ڈٓاکٹر آئی ایم ھیلڈمین نے نجات دہندہ تے یوسف دے وِچکار 101 مماثلتاں دسیاں۔ ایہہ شاید کُج بوہتی مبالغہ آرائی ہو گئی، لیکن یوسف یقینی طور تے یسوع دی اِک تشبیہہ اے۔ ایہہ ای ساڈی تلاوت وِچ یعقوب دا سچ اے جیہڑا اِک ایہو جئے شخص دی مثال اے جیہڑا خوشخبری تے سُناندا اے لیکن مسیح دے کول آن دے لئی خوفزدہ اے۔ ہُن ایہہ خاصی اہم گل اے کیوں جے ہر مبشر، جیہڑا اصل وِچ لوکاں دی سُندا اے جدوں اُو اِک پیشہ اختیار کر لیہندا اے، تے اُوہنوں پتا چلدا اے کہ ایہناں وِچوں ہمیشہ کُج ایہو جے ہوندے نے جیہڑے رُک جاندے نے تے مسیح دے کول آن دے لئی دِل دے انتہائی کمزور ہوندی نے۔

اُوسی طرح دا انسان یعقوب سی۔ اُو اِک شخص سی جیہڑا اکثر گلاں دے منفی رُخ نوں ویکھدا سی۔ اُو ہمیشہ بُری خبر تے یقین کرن دے لئی تیار رہندا سی۔ ہُن، فیر، بزرگ یعقوب نوں اپنی تلاوت دی تین آیتاں وِچ ویکھنے آں۔

I۔ پہلی گل، یعقوب نے اپنے پُتراں دی گواہی تے یقین نئیں کتیا سی۔

اُوہناں نے اُوہنوں دَسیا، ’’یوسف ہُنے تیکر زندہ اے۔ اُو واقعی سارے مُلک مصر دا حاکم اے۔ ایہہ سُن کےیعقوب دا دِل دھک کر کے رہ گیا‘‘ (پیدائش45: 26)۔ اُو ثبوت جیہڑا یعقوب نے سُنیا سی اِک ذاتی شہادت سی۔ اُو مصر توں ہو کے آئے سن۔ اُوہناں نے یوسف نوں ویکھیا سی۔ اُوہناں نے ایہہ اپنے پیو یعقوب نوں وی دسیا۔ ایویں ای بوہتے گواہ سن جِنہاں نے اقرار کیتا سی کہ یسوع زندہ اے۔

بوہتی معتبر گواہیاں نے ایس حقیقت دی تصدیق کیتی کہ یسوع مُردیاں وِچوں جی اُٹھیا سی۔

’’تے کیفا نوں تے فیر دوجے رسولاں نوں وکھائی دِتا۔ اُوہدے بعد پنج سو توں زیادہ مسیحی پراہواں نوں اِک نال وکھائی دِتا … اُوہدے بعد فیر یعقوب نوں وکھائی دِتا۔ ایہدے بعد سارے رسولاں نوں تے سب توں آخیر وِچ میہنوں وی وکھائی دِتا جیہڑا گویا … پولوس رسول نے کہیا (1۔ کرنتھیوں 15: 5۔8).

اُوہناں شاگرداں نے مسیح دے جسمانی طور تے مُردیاں وِچوں جی اُٹھن دی گواہی نوں اپنی ساری حیاتیاں وِچ برداشت کیتا تے سہا سی۔ اُو ایہنے پُریقین سن کہ اُو جی اُٹھیا اے کہ اُوہناں نے اذیتاں برداشت کیتیاں تے ایہدا انکار کرن دے بجائے شہیداں دے طور تے ہولناک اموات مرے۔ ماسوائے یوحنا دے باقی سارے اینج ای مرے کہ اُوہناں نے اقرار کیتا کہ زندہ جی اُٹھے مسیح دے چشم دید گواہ رہ چکے نے۔ اُوہناں نے کہیا کہ اُوہناں نے اُوہدے نال کھانا کھایا سی، تے ایہناں وِچوں کُج نے کہیا کہ اُوہناں نے اُوہنوں چھویا وی سی۔ اُوہناں وِچوں اِک نے جِنہے پہلاں شک کیتا سی اُوہدے ہتھاں تے پیراں وِچ کیلاں توں ہوئے چھیداں وِچ اُنگلیاں ڈال کے ویکھیا سی۔

ایہدے توں وی ودھ کے، مسیح دے مُردیاں وِچوں جی اُٹھن دی گواہی پاک روح نے دِتی۔ مسیح دے واپس آسمان وِچ اُٹھائے جان دے بعد، پاک روح اُوہناں تے نازل ہویا سی۔ تے اُوہناں نے پوری دُنیا وِچ انجیل دی خوشخبری سُننان دے لئی پیہجیا سی۔ تے پاک روح نے اُوہناں نوں معجزات کرن دے لئی قوت بخشی سی، ایس حقیقت دی گواہی دے طور تے کہ یسوع ہُنے تیکر زندہ اے۔ میرے لئی، تے کسی دے لئی وی ایہہ ثبوت ای بہوتا کافی ہونا چائیدا اے – ایماندار لوکاں دی گواہی، تے پاک روح دی گواہی۔

ایس تمام دے علاوہ، اَج دی راتی ایتھے ساڈے وِچوں بہوتے لوکی نے جیہڑے جیوندے جاگدے مسیح دے ذریعے توں معاف کیتے جا چکے نے۔ ہم موت توں بچ کے حیاتی نال وی جا ملے آں، تے ساڈے دِل تے حیاتیاں ایس حقیقت دی گواہی دیندیاں نے کہ ساڈا سامان جیوندے جاگدے مسیح نال ہویا اے! مسیح نے سانوں اِک نئی قدرت عطا کیتی اے، تے اِک نئی حیاتی بخشی اے۔ اَسی ایس حقیقت دے جیوندے جاگدے گواہ آں کہ بالکل ہُنے ای، ایس ای ویلے، اَج دی ای راتی، یسوع اِک جیوندا جاگدا نجات دہندہ اے! جے تُسی ایہناں ساریاں گواہیاں تے یقین نئیں کرو گے، ’’تے جے [تُسی] مُردیاں وِچوں زندہ ہو جاؤ فیر وی اُو قائل نئیں ہون گے‘‘ ایس گل دی گواہی دین دے لئی کہ مسیح زندہ اے! (لوقا16: 31)۔ اُوہناں نے ’’اُوہنوں کہیا: یوسف ہُںے تیکر زندہ اے۔ اُو واقعی سارے مُلک مصر دا حاکم اے۔ ایہہ سُن کے یعقوب دا دِل دھک کر کے رہ گیا۔ اُوہنے اُوہناں دا یقین کیتا‘‘ (پیدائش45: 26)۔

میتھیو ھنری Mathew Henry نے کہیا، ’’یعقوب نے ماضی وِچ آسانی نال اپنے پُتراں دا یقین کر لیہیا سی جدوں اُوہناں نے اُوہنوں دسیا سی، ’یوسف مر گیا اے،‘ ہُن اُو اُوہناں دا مشکل نال یقین کر سکدا سی کہ اُو اُوہنوں دس رئے نے، ’یوسف زندہ اے۔‘ کمزور تے نرم جاناں اُمید دے مقابلے وِچ خوف دے ذریعے توں بوہتی متاثر ہو جاندیاں نے، تے اُوہناں دے تاثرات دے مقابلے وِچ جیہڑے حوصلہ افزا ہوندے نے اُوہناں نوں تاثرات نوں چھیتی قبول کرن دے لئی تیار ہو جاندیاں نے جیہڑے حوصلہ شکنی دے ہوندے نے‘‘ (میتھیو ھنری دا پیدائش 45: 26 تے تبصرہ)۔

میں ایہہ نئیں کہہ رہیا آں کہ یعقوب اِک کھویا ہویا آدمی سی۔ یعقوب وریاں پہلاں ای فنی ایل دے مقام تے تبدیل ہو گیا سی، جدوں اُوہنے قبل ازیں متجسم مسیح دے نال ساری راتی کُشتی کیتی سی تے کہیا سی، ’’میں خدا نوں روبرو ویکھیا تاں وی میری جان سلامت رئی‘‘ (پیدائش32: 30)۔ جدوں اُس راتی اُو تبدیل ہویا سی تے اُوہدا ناں یعقوب (جیہڑا چکمے نال کسی شخص یا شے نوں ہٹا کے اُوہدی تھاں لے لئے) توں بدل کے اِسرائیل (خدا دا اِک شہزادہ) رکھیا گیا سی۔ لیکن ایتھے، تقریباً 32 وریاں بعد، خدا دی روح اُوہنوں دوبارہ ’’یعقوب‘‘ کہندی اے۔ ’’تے یعقوب دا دِل دھک کر کے رہ گیا، کیوں جے اُوہنے اُوہناں دا یقین نہ کیتا،‘‘ (پیدائش45: 26)۔ اُو ہُن اِخلاقی طور تے ڈِگ گیا سی، تے جیویں کہ ڈاکٹر لیوپولڈ Dr. Leupold نے ایہنوں لکھیا، ’’پرانی قوت نے خود نوں منوانا شروع کر دِتا سی،‘‘ اپنی ’’روایتی تاریکی‘‘ دے نال (ایچ۔ سی۔ لیوپولڈ، ڈی۔ڈی۔، پیدائش دی تفسیر Exposition of Genesis، جلد دوئم، بیکر کتاب گھر Baker Book House، اشاعت 1985، صفحہ 1101)۔

ایس اِخلاقی طور تے گری ہوئی حالت وِچ اُو اِک وری فیر ’’یعقوب‘‘ کہلایا جاندا اے۔ اُو ہُں یقین کرن توں انکار کردا اے، تے اینج کرن نال اُو اِک وری فیر اِک بے اعتقادے دی عکاسی کردا اے۔ کی اَج دی راتی ایہہ تہاڈی وضاحت نئیں کردا اے؟ تُسی بے شمار معتبر ذرائع توں سُنیا ہووے گا کہ مسیح، ساڈا یوسف، زندہ اے۔ ایہدے باجود وی تُسی ہچکچاہٹ کردے اُو۔ تُسی خوشخبری نوں سنن دے لئی انکار کردے اُو۔ تے تُسی یسوع دے کول آن دے لئی انکار کردے اُو۔ ’’تے یعقوب دا دِل دھک کر کے رہ گیا، کیوں جے اُوہنے اُوہناں دا یقین نہ کیتا‘‘ (پیدائش45: 26)

II۔ دوجی گل، یعقوب دی جان وِچ جان آ گئی سی جدوں اُوہنے یوسف دے الفاظ سُنے، تے اُو گڈیاں ویکھیاں جیہڑیاں یوسف نے اُوہنوں لیہیان دے لئی پیہجیاں سن۔

’’لیکن جدوں اُوہناں نے اُوہنوں اُو ساریاں گلاں دسیاں جیہڑیاں یوسف نے اُوہناں نال کیتیاں سن تے جدوں اُوہنے اُو گڈیاں ویکھیاں جیہڑیاں یوسف نے اُوہنوں لیہیاں دے لئی پیہجیاں سن فیر اُوہناں دے پیو یعقوب دی جان چہ جان آئی‘‘ (پیدائش 45: 27).

یعقوب نے ’’اُو ساریاں گلاں جیہڑیاں یوسف نے اُوہناں نال کیتیاں سن‘‘ سُنیاں سن (پیدائش45: 27)۔ جدوں اُوہناں نے اُوہنوں دسیا کہ یوسف زندہ سی اُوہدا ’’دل دھک کر کے رہ گیا، کیوں جے اُوہنے اُوہناں دا یقین نئیں کیتا سی۔‘‘ بے اعتقادی ہمیشہ روح دی پژمُردگی لیہیاندی اے۔ لیکن جِنہی چھیتی اُوہنے ’’یوسف دی گلاں سُنیاں‘‘ اُنہی ای چھیتی اُوہدے دِل وِچ نئی روح آنا شروع ہو گئی سی۔ بے اعتقادی سانوں اُداس تے افسردہ کر دیہندی اے۔ تہاڈے وِچوں کُج نے اینج جینا سِکھیا سی – اِک اُداس تے نااُمید حالت وِچ۔ اُوس ویلے تیکر جدوں تیکر تُسی یقین نئیں کردے تُسی ہمیشہ دِل دےکمزور ای رہوو گے۔ لیکن کیوں اینج ای حیاتی لنگہاندے رہیے؟ ’’تے اوہناں نے اُوہنوں یوسف دیاں ساریاں گلاں دسیاں، جیہڑیاں اُوہنے اُوہناں دے نال کیتاں سن۔‘‘ میں دعا کرنا آں کہ تُسی ساڈے یوسف دی گلاں سُنو جیہڑا ساڈا یسوع اے، جنہے کہیا،

’’اے محنت کشو تے بوجھ نال دبے ہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

یسوع دی گلاں نوں سنو، ساڈے یوسف نوں! یسوع نے کہیا،

’’میں تہانوں سچ سچ کہنا آں کہ جیہڑا کوئی میرا کلام سُن کے میرے بھیجن آلے تے ایمان لیہیاندا اے ہمیشہ دی حیاتی اُوہدی اے تے اُوہدے تے سزا دا حکم نئیں ہوندا بلکہ اُو موت توں بچ کر حیاتی نا جا مِلدا اے‘‘ (یوحنا 5: 24).

جدوں یعقوب نے ’’یوسف دی گلاں سُنیاں جیہڑیاں اُونے اُوہناں نوں کہیاں سن … تے یعقوب اُوہناں دے پیو دی جان چہ جان آئی‘‘ (پیدائش45: 27)۔ یسوع دیاں گلاں سُنو۔ اُوہدے تے ایمان لیہیاؤ، تے تہانوں حیاتی لبھے گی!

فیر، وی، یعقوب نے ’’گڈیاں ویکھیاں جیہڑیاں یوسف نے اُوہنوں لیہیان دے لئی پیہجیاں سن۔‘‘ ایہہ شاید یوسف دے الفاظ دا سُن لیہنا ای کافی نئیں سی، لیکن جدوں اُوہنے گڈیاں ویکھیاں، اُوہدی جان وِچ جان آئی تے اُوہنے کہیا، ’’ایہہ کافی اے … میں جاواں گا تے اُوہنوں ویکھ لہواں گا‘‘ (پیدائش45: 28)۔ میرے خیال نال اُو گڈیاں ایہہ جیہڑے واعظ تسی سُندے اُو تہانوں یسوع دے کول لے جان دا اِک ذریعہ نے۔ انجیلی بشارت دے واعظ تہانوں یسوع، جیہڑا کہ ساڈا یوسف اے، اُوہدے کول لے جان دے لئی گڈیاں وانگوں ہوندے نے۔

جیویں کہ میں ایس حوالے تے سپرجیئن دے واعظ دی تبلیغ نئیں کر رہیا آں، لیکن میں اُوہدے موضوعات وِچوں اِک ایتھے پیش کراں گا۔ سپرجیئن نے کہیا،

میرے گلاں کردے رہن دا، تےگلاں کردے رہن دا، تے گلاں کردے رہن دا کی فائدہ اے، جدوں تیکر کہ ایتھے اِک جیتا جاگدا مسیح نئیں اے تے جدوں تیکر کہ اُو جیوندا جاگدا مسیح بچان دے قابل نئیں اے؟ اُو تہاڈے کول اِک مذہبی رہنما پیہجدا اے جیہڑا، اپنی ساریاں کمزوریاں دے نال، تہاڈی جاناں نال پیار کردا اے، تے جیہڑا تہانوں مسیح دے کول لیہیان دے لئی [قابل توجہیح طور تے] کُج وی کرے گا جے اُو صرف ایہہ جانندا ہووے کہ اُوہنوں ایہہ کینج کرنا اے۔ یقیناً، خدا نے، جے اُوہدا مطلب تہانوں برکت دینا نئیں سی تے سانوں اُوہدے ناں وِچ گلاں کرن دے لئی تے تہاڈی جاںاں دے بارے وِچ سانوں تکلیف چکن دے لئی نئیں پیہجیا۔ ایس لئی، مسیحی منادی خود اپنے آپ وِچ اِک ’’گڈی‘‘ وانگوں اے جیہدے چہ لوکاں نوں مسیح دے کول لیہیا جائے …. اپنی جاناں دے نال، تے خدا دے نال تے جنت تے جہنم دے نال ویلہ برباد نہ کرو! جے ایہناں معاملات دے بارے وِچ میں تہاڈے نال جھوٹ بولیا اے، تے میہنوں سزا دیو، کیوں جے میں ایہدا حقدار آں؛ لیکن جے میں تہاڈے نال سچ بولیا اے، تے میہنوں سنو، یا جے تُسی میہنوں سُنندے نئیں اُو، تے گھٹ توں گھٹ خود اپنے ضمیر دی ای تھوڑی جئی آواز سُن لوؤ، یا ترجیحاً، خدا دی واج سُنو جیہڑا تہاڈے نال میرے ذریعے توں گلاں کرتا رہیا اے۔ یسوع وِچ ہُنے یقین کرو کہ تُسی اِک واعظ دے زیر اثر اُو جیہڑا تہاڈے لئی شاید اینج دا ای ہووے جیویں یوسف دی گڈیاں بوڑھے یعقوب دے لئی سن (سی۔ ایچ۔ سپرجئین، دی میٹروپولیٹن عبادت گاہ دی واعظ گاہ The Metropolitan Tabernacle Pulpit، جلد XLII، پلگرم اشاعت خانے Pilgrim Publications، دوبارہ اشاعت 1976، صفحہ 294)۔

بائبل کیوں ایس قدر بوہتے بُلاویاں دے نال بھری ہوئی اے جے خدا دا مطلب ایہنوں اِک ’’گڈی‘‘ بنانا نہ ہوندا جیہڑی تہانوں تہاڈے یوسف دے کول لیہیائے، ایتھوں تیکر کہ یسوع دے کول لیہیائے؟ جدوں تُسی ویکھدے اُو کہ خدا ایہنا کُج تہانوں نجات نوں پان وِچ مدد دین دے لئی کر رہیا اے، تے یقیناً تہانوں کہنا چائیدا اے، ’’ایہہ کافی اے؛ یسوع ہُنے زندہ اے۔ اُو میہنوں بچا سکدا اے، تے اُو میہنوں بچائے گا۔‘‘

III۔ تیجی گل، یعقوب نے، جیہڑا ہُن اسرائیل کہلاندا سی، کہیا، ’’میہنوں یقین ہو گیا؛ یوسف میرا پُتر ہُنے تیکر زندہ اے: ہُن تے میں مرن توں پہلاں جا کے اُوہنوں ویکھ لیہواں گا۔‘‘

آمین!

’’تے اِسرائیل نے کہیا: میہنوں یقین ہو گیا کہ میرا پُتر یوسف ہُنے تیکر زندہ اے۔ ہُن تے میں اپنے مرن توں پہلاں جا کے اُوہنوں ویکھ لہواں گا‘‘ (پیدائش 45: 28).

ایس گل نے اکثر میہنوں حیرت زدہ کیتا اے جدوں میں اُوہناں لوکاں نوں ویکھنا آں جیہڑے کہندے نے، ’’جی ہاں، میں یقین کرنا آں کہ مسیح زندہ اے،‘‘ تے ایہدے باوجود ہُنے تیکر اُو بچائے نئیں گئے نے۔ تہاڈے وِچوں کُج نے شاید بوہتی وری گایا ہووے،

اُوتھے لہو نال بھریا اِک چشمہ اے
     عمانوئیل دی رگاں توں کھیچیا گیا:
تے گنہگار، اُوہدے سیلاب ہیٹاں ڈبکی لگاندے نے،
     اپنے سارے قصوراں دے دھبے دھو لیہندے نے؛
(’’اُوتھے اِک چمشہ اے There Is a Fountain ‘‘ شاعر ولیم کاؤپر William Cowper، 1731۔1800)۔

تُسی اُو الفاظ گائے سن۔ کی تُسی اُوہناں تے یقین کیتا اے؟ کی تُسی اُوہناں لفظاں تےیقین کیتا اے؟ تے فیر کیوں تُسی اپنے قصوراں آلے دھبے کھوئے نئیں نے؟ یسوع نے کہیا، ’’اُو جیہڑا میرے تے ایمان لیہیاندا اے ہمیشہ دی حیاتی پاندا اے‘‘ (یوحنا6: 47)۔ کی تُسی یقین کردے اُو جیہڑا یسوع نے کہیا سی؟ کوئی کہندا اے، ’’جی ہاں، میں یقین کرنا آں جیہڑا اُوہنے کہیا۔‘‘ تے فیر اُوہدے لفظاں نوں فیر توں سنو، ’’اُو جیہڑا میرے تے ایمان لیہاندا اے ہمیشہ دی حیاتی پاندا اے۔‘‘ تُسی کہندے اُو کہ تُسی ایس آیت تے یقین کردے اُو، تے ایہدے باوجود تُسی یسوع چہ یقین نئیں کیتا اے! میں کسی ایہو جئے نوں سمجھ سکنا آں جیہڑا بائبل نوں مسترد کردا اے۔ لیکن میں ایہو جئے اِک شخص نوں نئیں سمجھ سکدا جیہڑا بائبل وِچ یقین رکھدا اے تے ایس دے باوجود یسوع وِچ یقین رکھن نوں مسترد کردا اے۔ جے انجیل سچی اے تے فیر کیوں تُسی ایہدا یقین نئیں کردے اُو؟ تُسی کہندے اُو کہ اِک شخص نوں صرف یسوع وِچ یقین رکھن دی لوڑ اے – تے ایہدے باوجود وی تُسی اُوہدے چہ یقین نئیں کرو گے! ایہہ میری سمجھ توں بالکل ای بالا تر اے۔ ایہہ بالکل اینج ای اے جیویں یعقوب نے کہیا ہووے، ’’یوسف میرے پُتر ہُنے تیکر زندہ اے، لیکن میں نئیں جاواں گا تے اُوہنوں نئیں ملاں گا۔‘‘ اُوہ، جی نئیں! یعقوب اینج گل نئیں کردا اے۔ اُو کہندا اے، ’’یوسف میرا پُتر ہُنے زندہ اے: ایس توں پہلاں کہ میں مر جاواں میں اُوہنوں جا کے مِلاں گا۔‘‘ تے اِسرائیل سفر دے لئی روانہ ہویا‘‘ (پیدائش46: 1)۔

اِک وجہ کہ یعقوب نے مصر وِچ جان دے لئی چھیتی کیتی سی ایہہ سی کیوں جے اُو واقعی اپنے پُتر نوں ملنا چاہندا سی۔

روبرو میں اُوہنوں مِلاں گا،
   ستاریاں نال بھرے آسمان توں پرے؛
روبرو اُوہدے سارے جلال وِچ،
   میں اُوہنوں گاہے بگاہے مِلاں گا!
(’’روبرو Face to Face‘‘ شاعر کیری ای۔ برک Carrie E. Breck، 1855۔1934)۔

تُسی اُوس کورس دے نال متفق سی۔ تُسی اپنے دِلاں وِچ کہیا سی، ’’جی ہاں، میں یسوع نوں گاہے بگاہے روبرو ویکھنا چاہواں گا۔‘‘ لیکن یعقوب نے ایہہ نئیں کہیا سی۔ اُوہنے نئیں کہیا سی، ’’میں اُوہنوں فیر کسی ہُور دِن مِلاں گا، میں اُوہنوں آندے تے جاندے مل لہواں گا۔‘‘ جی نئیں! یعقوب نے کہیا، ’’میں مرن توں پیشتر اُوہدے نال جا کے مِلاں گا۔‘‘ ایہو ای اے جیہڑا میں چاہنا آں کہ اَج دی راتی تُسی ایہہ کہوو، ’’میں مرن توں پہلاں اُوہنوں جا کے مِلاں گا۔‘‘ اُوس ویلے تیکر دا انتظار نہ کرو کہ تُسی مر جاؤ! جے تُسی کردے اُو، تے تُسی اُوہنوں ویکھو گے، لیکن اُودھوں تیکر بوہتی دیر ہو جائے گی، کیوں جے تُسی اُوہنوں ویکھو گے بالکل اُوس توں پہلاں جدوں تُسی اَگ دی جھیل وِچ جھونکے جاندے اُو، آخری سزا دے موقع تے! اوہ، میں کیس قدر دعا منگنا آں کہ تُسی کہوو گے، ’’میہنوں یقین ہو گیا؛ میرا نجات دہندہ ہُن تیکر زندہ اے: میں مرن توں پہلاں اُوہنوں جا کے مِلاں گا۔‘‘

میہنوں ایہہ سوچدے رہنا یاد اے، ’’میں انگلستان ویکھنا چاہواں گا، اُو تھاں جیتھے میرے دادا پیدا ہوئے سن۔‘‘ تے میں اُوس تھاں نوں ویکھن دے لئی گیا سی، دو وری۔ میہنوں اُو سوچنا یاد اے، ’’میں مصر ویکھنا چاہواں گا، تے اُوس عظیم اہرام مصر نوں جیس دی گلاں اکثر میری ماں کردی سی۔‘‘ تے میں واقعی اُو ویکھن دے لئی گیا سی، تے ایتھوں تیکر کہ میں اُوس اہرام مصر وِچ اِک سُرنگ دے ذریعے چڑھائی وی کیتی سی! میہنوں سوچنا یاد اے، ’’میں گلیل دا سمندر ویکھنا چاہواں گا، تے پطرس دا گھر، جیتھے یسوع رُکیا سی۔‘‘ تے میں واقعی گیا سی تے اُوہناں نوں ویکھیا سی۔ میں چاہواں گا کہ جاواں تے عظیم دیوارِ چین ویکھاں، تے شاید کسی دِن میں اُوہنوں ویکھن دے لئی چلا جاواں گا۔ ایس دُنیا وِچ شاید بُہتیریاں ایہو جئی شیواں نے جِنہاں نوں تُسی ویکھنا چاہوو گے۔ لیکن ایس دے باوجود تُسی اُو ساریاں شیواں جیہڑیاں اِک انسان ایس دُنیا وِچ ویکھنا چاہندا اے ویکھن توں قاصر رہ جاندا اے، تے میں تہانوں دسنا آں – یسوع نوں ایمان دی اَکھ دے ذریعے توں ویکھن توں مت قاصر رہوو۔ یسوع دے مقابلے وِچ کسی وی ہُور شے نوں ویکھن وِچ کوئی حیاتی نئیں اے، جِنہے کہیا، ’’اے انتہائی زمین دے سارے رہن آلیو، تُسی میرے وَل پھرو تے نجات پاؤ‘‘ (اشعیا45: 22)۔ میں دعا کرنا آں کہ اَج راتی تُسی بوڑھے یعقوب دے نال مِل کے کہوو گے، ’’میہنوں یقین ہو گیا؛ یسوع میرا نجات دہندہ اے: میں مرن توں پہلاں اُوہنوں جا کے مِلاں گا؛ میں جاواں گا تے اَج دی ای راتی اُوہدے چہ یقین کراں گا۔ میں بوہتا انتظار کر لیہیا اے!‘‘

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔