ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

گذشتہ چند مہینیاں وِچ پیدائش دی کتاب وِچوں ایہہ سترہواں واعظ اے جیہڑا میں دے چکیا آں۔ میں اُمید کرنا آں کہ اَج دی سویرے ایہہ تُسی ساریاں دے لئی اِک حقیقی برکت ہووے! مہربانی نال اپنی بائبل وِچوں پیدائش 22: 1 آیت کھولو، جیویں ای اَسی اکٹھے کھڑے ہونے آں۔

’’کُج عرصہ بعد خدا نے ابرام نوں آزمایا۔ اُوہنے اُوہنوں کہیا، ابراہام! اُوہنے جواب دِتا: میں حاضر آں۔ فیر خدا نے کہیا، اپنے اِکلوتے پُتر اضحاق نوں جِنہوں توں پیار کرنا اے نال لے کے موریاہ دے علاقہ وِچ جا تے اُوتھے دے اِک پہاڑ تے جیہڑا میں تیہنوں دساں گا اُوہنوں سوختنی قربانی دے طور تے نذر کر‘‘ (پیدائش22: 1۔2)۔

تُسی تشریف رکھ سکدے اُو۔

ایہہ واقعہ کافی سادہ اے، لیکن ایس وِچ اِک بوہتا گہرا پیغام اے، ایس قددر گہرا کہ میں نے ایہدے تے کئی وریاں تیکر مُنادی کرن دے لئی ہچکچاہٹ کیتی اے۔ میں ایہہ گل ہُنے کُچ ای منٹاں وِچ دساں گا۔ لیکن پہلاں میں تہانوں اِک کہانی پیش کراں گا۔ ابراہام اِک بہوتا بوڑھا بندہ سی جدوں اُوہدے ہاں پُتر اضحاق پیدا ہویا سی۔ اُو پچتہر وریاں دا سی جدوں خدا نے اُوہنوں بیٹا دین دا وعدہ کیتا سی۔ اُوہنے پچیس وریاں تیکر انتظار کیتا سی، تے اُو اِک سو وریاں دا سی جدوں اُوہدا پُتر پیدا ہویا سی۔ جدوں اِسی ایس گل تیکر پہنچنے آں، اضحاق تقریباً 26 یا 27 وریاں دا سی۔ ہُن خدا نے ابراہام دا اِمتحان لیہیا۔ اُوہنے اُوہنوں اپنے اِکلوتے پُتر نوں جِنہوں اُو بہوتا پیار کردا سی اپنے نال موریاہ دے علاقہ وِچ لے جان دے لئی کیہیا، ’’تے اُوتھے دے اِک پہاڑ تے اُوہنوں سوختنی قربانی دے طور تے نذر کر‘‘ (پیدائش22: 2)۔ اُوہناں نے اُوس تھاں تیکر دا سفر کیتا۔ ابراہام نے اُو لکڑیاں لیہیاں جیہڑیاں اُو اپنے نال لیہیا سی، اِک الطار بنایا، تے اَگ جلان دے لئی لکڑیاں نوں ترتیب دِتا۔ فیر اُوہنے اضحاق نوں بندھ دِتا تے اُوہنوں لکڑیاں تے لِٹا دِتا۔

’’فیر اُوہنے ہتھ وِچ چُھری لئی تاکہ اپنے پُتر نوں ذبح کرے لیکن خداوند دے فرشتے نے آسمان توں اُوہنوں پکاریا: ابرہام! ابرہام! اُوہنے جواب دِتا: خداوند! میں حاضر آں۔ اُوہنے کہیا: ایس لڑکے تے ہتھ نہ چلا تے اُوہنوں کج نہ کر۔ ہُن میں جان گیا کہ توں اِک خدا ترس اِنسان اے کیوں جے توں میرے توں اپنے پُتر بلکہ اِکلوتے پُتر نوں وی دریغ نہ کیتا۔ ابرہام نے نگاہ چُکی تے اُوہنے اِک مینڈھا ویکھیا جیس دے سینگ جھاڑیاں وِچ پھنسے ہوئے سن۔ اُوہنے جا کے اُوس مینڈھے نوں پھڑیا تے اُوہنوں اپنے پُتر دی بجائے سوختنی قربانی دے طور تے چڑھایا‘‘ (پیدائش22: 10۔13)۔

ایہہ اے واقعہ جیہڑا کُج ہویا سی۔ جیویں کہ میں کہیا، ایہہ کافی سادہ اے۔ لیکن کہانی وِچ بہوتے حصے نے جِنہاں تے ہُنے تیکر میں تبلیغ کرن دے لئی ہچکچاندا رہیا آں۔ فیر میں ڈاکٹر ایچ۔ سی۔ لیوپولڈ H. C. Leopold دا ایس حوالے تے تبصرہ پڑھیا۔ اُوہناں نے کہیا، ’’لیکن حوالے دے تبلیغی استعمال دے لحاظ توں گھٹ توں گھٹ دو حکمتِ عملیاں ممکن نے‘‘ (ایچ۔ سی۔ لیوپولڈ، ڈی۔ ڈی۔، پیدائش دی تفسیر،جلد دوئم، بیکر کتاب گھر Baker Book House، اشاعت 1985، صفحہ 637)۔

ایہہ خیال کہ ایس حوالے تے تبلیغ کرن دے لئی ایس وِچ ’’گھٹ توں گھٹ‘‘ حکمتِ عملیاں نے ایس نے میرے نقطۂ نظر نوں نجات دلائی۔ ایس لئی میں ایس عظیم حوالے دی چار گلاں تہانوں پیش کرن جا رہیا آں۔

I۔ پہلی گل، ایہہ حوالہ ایمان دا اِمتحان لیہیا جاندا اے، ایہدی گل کرتا اے۔

پہلی آیت کہندی اے، ’’کُج عرصہ بعد خدا نے ابرہام نوں آزمایا‘‘ پیدائش22: 1)۔ عبرانی زبان وِچ لفظ ’’للچاناtempt‘‘ دی بنیادی جڑ دا مطلب (شدید) ’’اِمتحان‘‘ ہوندا اے۔ ڈاکٹر میگیDr. McGee نے کہیا، ’’لفظ للچانا ذرا کُج بوہتا شدید اے۔ جیس نے ایس مراسلے وِچ کافی واضح کیتا اے کہ خدا کدی وی کسی نوں بدی دے نال نئیں آزماندا۔ خدا لوکاں نوں ایس طور آزماندا اے کہ اُو اُوہناں دے ایمان دا اِمتحان لیہندا اے۔ خدا نے ابرہام دا ضرور اِمتحان لیہیا سی‘‘ (جے۔ ورنن میگی، ٹی ایچ۔ ڈی۔، بائبل وِچوں Thru the Bible، تھامس نیلسن پبلشرز Thomas Nelson Publishers، 1981، جلد اوّل، صفحہ 90)۔

ساڈی تلاوت چوتھے وڈھے اِمتحان نوں بیان کردی اے جیس وِچ خدا نے ابرہام نوں پایا۔ ہر اِمتحان وِچ کوئی نہ کوئی ایہو جئی شے شامل ہوندی سی جِنہوں اُو پیار کردا سی تے اُوہنوں چھڈنا پیہندا سی۔ سب توں پہلاں اُوہنوں اپنی آبائی سرزمین تے خاندان نوں چھڈن دے لئی بُلایا گیا سی (پیدائش12: 1)۔ دوجی وری، اُوہنوں اُوہدے بھتیجے لوط توں علیحدہ ہون دے لئی کہیا گیا سی (پیدائش13: 1۔8)۔ تیجی وری، اُوہنوں اسماعیل دے لئی اپنے منصوبیاں نوں چھڈن دا کہیا گیا سی (پیدائش17: 17، 18)۔ چوتھی وری، ایتھے اُوہنوں اپنے پیارے پُتر اِضحاق دی سوختنی قربانی چڑھان دے لئی کہیا گیا سی۔ آرتھر ڈبلیو۔ پِنک Arthur W. Pink نے کہیا،

     ایماندار دی حیاتی اِمتحانات دا اِک سلسلہ اے، کیوں جے نظم و ضبط توں ای مسیحی کردار دی تشکیل ہو سکدی اے۔ اکثر اوقات صرف اِک ای اعلیٰ درجے دا اِمتحان ہوندا اے، جیس دے لئی باقی سارے اِمتحانات اِک تیاری ہوندی اے۔ اینج ای ابرہام دے نال سی۔ اُوہدا بار بار اِمتحان لیہیا گیا سی، لیکن جیویں ایتھے اے اینج بالکل وی نئیں۔ خدا دا تقاضا اے، ’’اے میرے پُتر، اپنا دِل میہنوں دے‘‘ (اِمثٓال23: 26)۔ ایہہ ساڈی ذہانت، ساڈی صلاحیتاں یا ساڈا پیسا نئیں بلکہ ساڈے دِل نے جِنہاں نوں خداوند خدا سب توں پہلاں پُچھدا اے۔ جدوں اَسی خداوند خدا دی سب توں اولین شرط دا جواب دے دیہنے آں، تے اپنے ردعمل دے جواب دے لئی فیر اُو اپنا ہتھ کسی ایہو جئی شے تے رکھدا اے جیہڑی ساڈے بہوتی قریب تے سانوں بہوتی پیاری ہوندی اے، کیوں جے خداوند خدا نوں سچائی ساڈے اندرونی اعضا یعنی باطن توں ہوندی اے محض ساڈے ہونٹاں توں نئیں ہوندی۔ اینج دا ای معاملہ ابرہام دے نال اُوہنے کیتا سی (آرتھر ڈبلیو۔ پِنک، پیدائش وِچ قدرتاً حاصل کرنا Gleanings in Genesis، موڈی اشاعت خانہ Moody Press، اشاعت 1981، صفحہ 226)۔

اُوتھے بالکل شروع وِچ اِک وڈا اِمتحان ہوندا اے، جدوں اِک شخص پہلاں خوشخبری سُنندا اے۔ یسوع نے کہیا، ’’اینج ای تہاڈے وِچوں کوئی جیہڑا اپنا سب کُج نہ چھڈ دے، میرا شاگرد نئیں ہو سکدا‘‘ (لوقا14: 33)۔ ایہدا مطلب اے کہ تہانوں مسیح نوں کسی وی شے توں بوہتا چاہنا ہوندا اے۔ گناہ جِنہاں نوں تُسی بوہتا پیار کردے اُو چھڈنے پیہندے نے۔ زمینی ملکتاں ثانوی تھاں تے ہونی چائیدیاں نے۔ خُفیہ احمقانہ حرکات ضرور چھڈ دیہنی چائیدیاں نے۔ تُسی اِک ای ویلے وِچ ایہناں شیواں دی غلامی دے نال مسیحی نئیں بن سکدے او! کوئی کہندا اے، ’’لیکن ایس نال شاید میرے روزگار نوں نقصان ہو جائے۔‘‘ یسوع نے کہیا، ’’تُسی خدا تے دولت دوواں دی خدمت نئیں کر سکدے‘‘ (لوقا16: 13)۔ یسوع نے کہیا، ’’جے کوئی میری پیروی کرنا چاہے تے اُو خود انکاری کرے … تے میرے پیچھے ہو لئے‘‘ (لوقا9: 23)۔ ایہہ اے جِتھے بوہتے لوکی اٹک جاندے نے۔ اُو بغیر کُج چھڈے مسیحی بننا چاہندے نے۔ اُو اپنی حیاتیاں وِچوں بغیر کوئی تبدیلی لیہیائے نجات پانا چاہندے نے۔ اُو اِک ای ویلے چہ کسی گناہ وِچ پیہئے رہنا وی چاہندے نے تے مسیح وِچ تبدیل ہونا وی چاہندے نے! ایہہ ناممکن اے! اینج ہو ای نئیں سکدا! ایہہ ناقابلِ تصور اے، سوال ای پیدا نئیں ہوندا، تے نامعقول تضاد اے! ’’اینج ای، تہاڈے وِچوں کوئی جیہڑا اپنا سب کُج نہ چھڈ دیوے، میرا شاگرد نئیں ہو سکدا‘‘ (لوقا14: 33)۔

کی بالکل اینج ای نئیں سی جیس دا سامنا ابرہام نوں کوہ موریاہ تے کرنا پییہیا سی؟ خداوند خدا نے ابرہام دا اِمتحان لیہیا سی۔ کی اُو اُوس شے نوں چھڈن دے لئی تیار سی جِنہوں اُو ایس دُنیا چہ سب توں بوہتا پیار کردا سی – اُوہدا واحد پُتر؟ خدا نے کہیا، ’’اپنے اِکلوتے پُتر اضحاق نوں جِنہوں توں پیار کردا اے نال لے … تے اُوہنوں سوختنی قربانی دے طور تے نذر کر‘‘ (پیدائش22: 2)۔ تے ایہہ ای اِمتحان اے جیس دا سامنا تہانوں وی کرنا ہوندا اے۔ ہُنے اپنا پیار گناہ پھڑو تے اُوہنوں سوختنی قربانی دے لئی پیش کرو۔ کی تُسی ایہہ کرو گے؟ جے تُسی نئیں کردے اُو تے تُسی حقیقی مسیحی نئیں بن سکدے اُو۔ ایہنوں نئیں چھڈو گے تے تُسی کدی وی مسیح وِچ تبدیل نئیں ہو سکو گے – کدی وی نئیں! کدی وی نئیں! کدی وی نئیں! اوہ، خدا کرے کہ تہاڈی دعا وِچ اُوس پرانے گیت دی گونج ہووے!

اے خداوند یسوع مسیح، آسماناں وِچ اپنے تخت توں ہیٹاں ویکھ،
     تے اِک مکمل قربانی دین دے لئی میری مدد کر؛
میں خود نوں تے جیہڑا کُج میں جاننا آں پیش کرنا آں،
     ہُن میہنوں دھو ڈال تے میں برف توں وی بوہتا سفید ہو جاواں گا …
ہر بُت نوں توڑ دے، ہر دشمن نوں بھگا دے؛
     ہُن میہنوں دھو ڈال تے میں برف توں وی بوہتا سفید ہو جاواں گا …
(’’برف توں بہوتا سفید Whiter Than Snow‘‘ شاعر جیمس نیکولسن James Nicholson، 1828۔1896)۔

II۔ دوجی گل، حوالہ خداوند دے پیار دی گل کردا اے۔

ابرہام جدوں اپنے پیارے پُتر اضحاق نوں خداوند خدا تے قربان کرن دے لئی لے کے گیا تے جیہڑا دِل دا درد اُوہنے محسوس کیتا اُوس دے بارے چہ سوچو!

’’اپنے اِکلوتے پُتر اضحاق نوں جِنہوں توں پیار کردا اے نال لے کے جا … اُوہنوں سوختنی قربانی دے طور تے نذر کر‘‘ (پیدائش 22: 2)۔

آرتھر ڈبلیو۔ پِنک نے کہیا، ایہہ پرانے عہد نامے دی بوہتی گھٹ گلاں وِچ اِک اے جیہڑی ساڈے سامنے ناصرف خدا بیٹے بلکہ خدا باپ نوں وی لیہیاندی اے۔ ایتھے [پرانے عہدنامے وِچ کسی ہُور تھاں دے مقابلے چہ سب توں زیادہ] سانوں باپ دے دِل نوں وکھایا گیا اے۔ ایتھے اے جیہڑا سانوں ایس قدر شاندار طریقے نال کلوری دے الہٰی رُخ نوں تشبیہاتی طور تے وکھایا گیا اے‘‘ (پنگ، ibid.، صفحہ222)۔

پیدائش دے بائیسویں باب وِچ اَسی خدا کینج دا محسوس کردا اے ایس بارے وِچ کُج جاننے آں جدوں

’’اُوہنے اپنے بیٹے نوں بچائے رکھن دی بجائے اُوہنوں اَساں ساریاں دے لئی قربان کر دِتا تے کی اُو اُوہدے نال سانوں ہُور ساریاں شیواں وی عطا نہ کرے گا‘‘ (رومیوں 8: 32).

مسٹر پِنک Mr. Pink نے کہیا، ’’اوہ! کینج خداوند دی روح قربانی دین آلے تے قربانی دوواں تے دھیمی ہو جاندی اے، جیویں کہ دوویں اِک ای طرح دی تشبیہہ [ابرہام] تے اِک الگ طرح دی تشبیہہ [خدا باپ] [دے وِچکار مماثلت] مکمل تے جامع ہونی چائیدی اے – ’تیرا پُتر‘ – ’تیرا اِکلوتا پُتر‘ – ’جِنہوں توں پیار کردا اے‘! … واقعی ایہہ پیدائش22 وِچ مرکزی اے۔ ایس باب وِچ ابرہام دی منظر کشی اضحاق دے مقابلے وِچ بوہتی زیادہ نمایاں طور تے نظر آندی اے … ایہہ باپ دے دِل دا [پیار] اے جیہڑا ایتھے انتہائی واضح طور تے پیش کیتا گیا [اے]‘‘ (پِنک Pink، ibid.)۔ خُدا باپ نے جیہڑا غم تے اُداسی محسوس کیتی سی جدوں یسوع نوں مصلوب کیتا گیا سی سانوں ابرہام وِچ وکھائی گئی ا، کہ خدا باپ کیس طرح دا اے۔

’’کیوں جے خدا نے دُنیا نال ایس قدر محبت کیتی کہ اپنا اِکلوتا پُتر بخش دِتا تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دی حیاتی پائے‘‘ (یوحنا 3: 16).

ایہہ حوالہ سانوں ایمان دے اِمتحان نوں وکھاندا اے، تے خدا باپ دے پیار نوں وکھاندا اے۔ لیکن ایہہ ایس توں وی بوہتا اے، کیوں جےخداوند خدا دے کلام وِچ ایہہ باب بوہتا زرخیز اے۔

III۔ تیجی گل، ایہہ حوالہ سانوں مسیح دی موت تیکر فرمانبردار دی گل کردا اے۔

’’اِضحاق اپنے باپ ابرہام نوں کہن لگا: ابّا! ابراہام نے جواب دِتا: ہاں میرے پُتر؟ اِضحاق نے کہا: اَگ تے لکڑیاں ایتھے نے لیکن سوختنی قربانی دے لئی برّہ کیتھے اے؟ ابراہام نے جواب دِتا: اے میرے پُتر! خدا آپ ای سوختنی قربانی دے لئی برّہ مہیا کرے گا۔ تے اُو دوویں نال نال ٹردے گئے۔ جدوں اُو اُوس مقام تے پہنچے جیہڑا خدا نے اُوہنوں دسیا سی تے ابراہام نے اُوتھے قربان گاہ بنائی تے اُوہدے تے لکڑیاں چُن دِتیاں۔ فیر اُوہنے اپنے پُتر اضحاق نوں رسی نال بنھ کے قربان گھا تے لکڑیاں دے اُوتے رکھ دِتا۔ فیر اُوہنے ہتھ وِچ چُھری لئی تاکہ اپنے پُتر نوں ذبح کرے‘‘ (پیدائش 22: 7۔10).

ویکھو کیس قدر فرمانبرداری تے عاجزی نال اضحاق مذبح خانے تیکر گیا؟ اضحاق تشبیہ اے۔ یسوع شبیہہ اے، تشبہہ نوں پورا کرن آلا۔ اضحاق اپنی موت دے لئی فرمانبرداری دے نال گیا سی، بالکل اینج ای مسیح نے کیتا سی۔ نبی نے کہیا کہ مسیح، ’’برّہ وانگوں ذبح کرن دے لئی لے جایا گیا‘‘ (اشعیا53: 7)۔ اِضحاق نے اپنا دفاع نئیں کیتا سی جدوں اُوہدے باپ نے اُوہنوں بنہیا سی ’’تے قربان گاہ تے لکڑیاں دے اُوتے رکھ دِتا‘‘ (پیدائش22: 9)۔ تے جدوں پیلاطوس نے یسوع نوں سوال پُچھیا، ’’لیکن جواب وِچ یسوع نے اِک لفظ وی نہ کہیا تے پیلاطوس نوں بڑا تعجب ہویا‘‘ (متی 27: 14)۔ تے اشعیا نے کہیا، ’’اُو ستایا گیا، تے زخمی ہویا، فیر وی اُوہنے اپنا مُنہ نہ کھولیا‘‘ (اشعیا53: 7)۔

ایس گل تے وی غور کرو کہ اِضحاق نے لکڑیاں چُکیاں سن۔ حوالہ کہندا اے، ’’ابراہام نے سوختنی قربانی دی لکڑیاں لے کے اپنے پُتر اِضحاق نوں دِتیاں‘‘ (پیدائش22: 6)۔ مسیح دی کیہو جئی اِک تصویر مصلوبیت دی تھاں تے اپنی سولی اُٹھا کے لے جاندے ہوئے! ایتھے سانوں یاد دلایا جاندا اے کہ مسیح نے ’’اپنے آپ نوں فروتن کر دِتا تے موت بلکہ صلیبی موت تیکر فرمانبردار رہیا‘‘ (فلپیوں2: 8)۔

’’رنج و الم دا انسان،‘‘ کیا ای ناں اے
     خدا دے پُتر دے لئی جیہڑا آیا سی
تباہ حال خستہ حال گنہگاراں نوں بچان دے لئی!
     ھیلیلویاہ! کیہو جیہا اِک نجات دہندہ!
(’’ھیلیلویاہ! کیہو جیہا اِک نجات دہندہ!‘‘ Hallelujah, What a Saviour! ‘‘ شاعر فلپ پی۔ بِلس Philip P. Bliss، 1838۔1876)۔

لیکن ایتھے اِک ہور گل وی اے۔

IV۔ چوتھی گل، ایہہ حوالے گنہگاراں دی تھاں تے مسیح دی تبدلیاتی موت دی گل کردے نے۔

ابراہام نے ہتھ ودھائے تے اپنے پُتر اِضحاق نوں قتل کرن دے لئی چُھری اُٹھائی۔ ایہ ابراہام دے لئی وی ایہنا ای عجیب سی جیہنا کہ اہہ تہاڈے یا میرے لئی اے، جدوں اَسی ایس بارے وِچ پڑھنے آں۔ ابراہام یقین کردا سی کہ انسانی قربانی غلط سی۔ جدوں کہ ہُنے تیکر اُوہدے ذہن وِچ وی اِک انسانی جان دی قربانی دے لئی ایہہ گل نئیں آئی سی۔ ایہہ ابراہام دے ذہن وِچ اِک حقیقی بحران نوں پیش کردی اے۔ ابراہام پہلاں ای تین اِمتحانات وِچوں لنہگ چکیا سی۔ پہلا، اُوہنوں کسدیاں دے [شہر] اُور توں اپنے سارے رشتہ داراں نوں چھڈ کے آن دے لئی بُلایا گیا سی۔ اُوہنوں اپنا سارا خاندان چھڈنا پیہیا سی۔ اُو ابراہام دے لئی اِک حقیقی اِمتحان سی۔ میں جاننا آں کہ کینج دا محسوس ہوندا اے کہ اِک غیر مسیحی خاندان وِچ ہونا جیہڑا سوچدا ہووے کہ تُسی مسیحی بنن دے لئی دیوانے ہو چکے اُو۔ ایس لئی میں جاننا آں کہ ابراہام نوں اُوہناں نوں پیچھے چھڈن وِچ کیہنی اُداسی ہوئی سی۔ فیر اُوتھے اِک اِمتحان سی جیہڑا اُوہدے بھتیجے لوط دے نال پیش آیا سی۔ اُو اُوہدے نال رہن آلا اُوس خاندان دا آخری فرد سی۔ لیکن اِک ویلہ آندا اے جدوں اُوہنوں جدا ہونا پیہندا اے، تے لوط سدوم دے شہر وِچ رہن دے لئی چلا گیا۔ فیر ہاجرہ نال اُوہدے پُتر دا اِمتحان سی۔ اُو نوجوان اسماعیل نوں پیار کردا سی، تے اُوہدے توں جدا ہون نال نفرت کردا سی۔ ابراہام نے خدا نوں رو کے کہیا سی، ’’کاش اسماعیل ای تیرے رحمت دے سایہ وِچ جیوندا رہووے!‘‘ (پیدائش17: 18)۔ ہُن ابرہام اپنے اعلیٰ ترین درجے دے اِمتحان وِچ پہنچدا اے، جیہڑا اُوہدی حیاتی وِچ چوتھا سب توں وڈھا بحران سی – خدا نے اُوہنوں اضحاق نوں قربان کرن دے لئی کہیا سی! ابرہام نوں ایہدی بالکل وی سمجھ نئیں لگی سی، چونکہ خدا نے اُوہنوں کہیا سی، ’’اضحاق ای توں تیری نسل جاری ہووے گی‘‘ (پیدائش21: 12)۔ ابرہام نئیں سمجھ پایا سی کہ کیوں اُوہنوں اُو پُتر مارنا سی جیس دے لئی وعدہ کیتا گیا سی کہ اُو وریاں تیکر جیے گا۔ لیکن ابرہام دا ایمان ایس قدر مضبوط سی، کہ ہُن اُوہنے ایہدا یقین کر لیہیا سی کہ ’’خدا اُوہنوں مُردیاں وِچوں زندہ کرن دی قدرت رکھدا سی‘‘ (عبرانیوں11: 19)۔

تُسی ویکھدے اُو کہ ہر وری جدوں تُسی اِک اِمتحان وِچ کامیاب ہوندے اُو جیہڑا خداوند خدا تہانوں دیہندا اے، تے تہانوں مذید ہُور ایمان لبھدا اے، تے تہاڈا ایمان ہُور مضبوط ہو جاندا اے۔ میری حیاتی وِچ کئی وری اینج ہو چکیا اے جدوں میں سوچیا کہ میں بطور مسیحی مذید ہُور نئیں چل سکاں گا۔ ایہہ بہوتی وڈی مایوسی تے انتہائی گہرے امتحان دے دور سن بلاشبہ بہوتے گہرے امتحان۔ لیکن ماضی وِچ جھانکدے ہوئے میں ہُن ویکھ سکنا آں کہ خدا میرا کسی وجہ دے لئی امتحان لے رہیا سی۔ میں اَج جیہڑی ہستی آں نہ ہوندا جے خدا نے میہنوں ایہناں ناخوشگوار اِمتحانات توں لنگہن تے فضل عنایت نہ کیتا ہوندا۔ تے اینج ای ابرہام دے نال وی سی۔

لیکن ہُن، جدوں ابرہام نے اپنے پُتر نوں ذبح کرن دے لئی ہتھاں وِچ چھری اُٹھائی، تے اچانک خدا اُوہنوں پکاردا اے،

’’ایس لڑکے تے ہتھ نہ چلا تے ایہنوں کُج نہ کر۔ کیوں جے ہن میں جان گیا کہ توں اِک خدا ترس انسان اے کیوں جے توں نے میرے توں اپنے پُتر بلکہ اِکلوتے بیٹے نوں وی دریغ نہ کیتا‘‘ (پیدائش 22: 12).

خدا جانندا سی کہ ابرہام ایس توں پہلاں وی اُوس توں خوف کھاندا سی، لیکن اُوہدا خاندان تے خود اِضحاق پُریقین نئیں ہووے گا – جدوں تیکر کہ اُوہناں نے ویکھیا نئیں کہ اُو ایہہ اوّلین درجے دی قربانی دین دے لئی تیار سی۔ اَسی لئی یعقوب رسول نے کہیا کہ ابرہام اپنے ’’عمل توں راستباز‘‘ ٹھہرایا گیا (یعقوب2: 17)۔ اُوہدے ایمان نے اُوہدے چنگے اعمال نوں جنم دِتا سی۔ اِسی وجہ توں یعقوب نے کہیا، ’’ایس لئی جیس ایمان دے نال اعمال نئیں اُو ایمان مُردہ اے‘‘ (یعقوب2: 17)۔ ابرہام نے اپنے اعمال دے ذریعے توں خدا دی فرمانبرداری دے لئی اپنی مرضی نال اِضحاق دی قربانی دین توں اپنے ایمان نوں ثابت کیتا۔

لیکن ذرا ٹھہرو! ایہو ای اُو مقام سی جیتھے میں پریشان ہو گیا سی جدوں میں ماضی وِچ ایس باب نوں پڑھیا سی۔ میں حیران ہویا سی کہ کیویں تشبیہہ اضحاق توں مینڈھے وِچ بدل گئی ہووے گی، کیوں جے اَسی پڑھیا،

’’ابرہام نے نگاہ چُکی تے اُوہنے اِک مینڈھا ویکھیا جیس دے سینگ جھاڑیاں وِچ پھنسے ہوئے سن۔ اُوہنے جا کے اُوس مینڈھے نوں پھڑیا تے اُوہنوں اپنے پُتر دی بجائے سوختنی قربانی دے طور تے چڑھایا‘‘ (پیدائش22: 13)۔

ساڈی متبادل قربانی دے طور تے مسیح دی تشبیہہ اِضحاق توں اُوس مینڈے وِچ بدل جاندی اے۔ ایتھے ای ڈاکٹر لیوپولڈ Dr. Leopold نے میری مدد کیتی جدوں اُوہناں نے ایس حوالے تے تبلیغ کردے ہوئے کہیا، ’’گھٹ توں گھٹ دو غور طلب گلاں ممکن نے۔‘‘ میں اصل وِچ پایا کہ ایتھے گھٹ توں گھت چار غور طلب گلاں ممکن نے۔

تشبیہہ ایتھے بدلدی اے تے اضحاق گنگہار دی تشبیہ بن جاندا اے، خدا دی شریعت دے ذریعے توں سزا پایا ہویا، جیہڑا گنہگار نوں موت دی سزا دا حکم سُنادی اے۔ جی ہاں، اضحاق گنہگار سی، جیویں کہ سارے انسا نے۔ تے جی ہاں، ’’گناہ دی مزدوری موت اے‘‘ (رومیوں6: 23)۔ تے ایہہ کیہنی شاندار تشبیہہ اے! اِضحاق جیہڑا گنہگار سی اُوس مینڈھے دے ذریعے توں خدا دی شریعت دے فیصلے توں بچایا گیا سی، جیہڑا ابرہام نے پھڑیا سی تے ’’اپنے پُتر دے بجائے سوختنی قربانی دے لئی … پیش کیتا سی‘‘ (پیدائش22: 13)۔ نیا عہد نامہ کہندا اے، ’’مسیح ساڈے گناہواں دے لئی مریا سی‘‘ (1۔ کرنتھیوں15: 3)۔ تے پطرس رسول نے کہیا،

’’ایس لئی کہ مسیح نے وی یعنی راستباز نے ناراستاں دے گناہواں دے بدلہ وِچ اِک ای وری دُکھ اُٹھایا تاکہ اُو سانوں خدا تیکر پہنچائے۔‘‘ (1۔ پطرس 3: 18).

پیدائش 22: 14 تے غور کرو۔ ’’ایس لئی ابرہام نے اُوس تھاں دا ناں یہوواہ یری رکھیا، جیس دا مطلب اے ’’خدا مہیا کرے گا۔‘‘ خدا نے یسوع نوں ساڈی تھاں لین دے لئی گناہ نوں چُکن آلے دے طور تے مہیا کیتا، بالکل اینج ای جیویں اُوہنے اُو مینڈھا اِضحاق دی تھاں لین دے لئی مہیا کیتا سی! یسوع تے پروہسا کرو تے اُو تہاڈی تھاں لیہندا اے، تے سولی تے تہاڈے گناہ دے لئی کفارہ ادا کردا اے! ایہہ میری دعا اے کہ تُسی اپنے گناہ توں مُنہ موڑو تے یسوع تے ہُنے ای پروہسا کرو۔ اُو تہاڈی تھاں تے مریا، تہاڈے گناہواں نوں بخشن دے لئی، تے تہانوں خدا دے کول لیہیان دے لئی!

تُسی شاید خوف کردے ہوو کہ تہانوں بوہتا زیادہ بدلنا ہووے گا جدوں تُسی مسیح تے پروہسا کردے اُو۔ جے تُسی اُوس اِمتحان وِچ ناکام ہو جاندے اُو تے تُسی کدی وی نجات نئیں پاؤ گے! تہاڈے لئی ضروری اے کہ اپنے خوف دے خلاف کھڑے ہوو تے مسیح دے کول فخر دے نال آؤ۔ ہچکچاؤ نئیں! ایمان دے نال اپنے آپ نوں نجات دہندہ دے لئی وقف کر دیو۔ اُو تہانوں خدا دے قہروغضب تے گناہ دے فیصلے توں بچائے گا۔ یسوع دا لہو تہانوں سارے گناہواں توں پاک صاف کر دے گا۔ سولی تے تہاڈی تھاں اُوہدی موت تہاڈے گناہ دی قیمت ادا کر دے گی، تے تہانوں کدی وی سزا نئیں ملے گی۔

جے تُسی ماڑی جئی وی حقیقی مسیح بنن دے لئی دلچسپی رکھدے اُو، تے مہربانی نال ہُنے اپنی تھاں چھڈو تے ایس اجتماع گاہ دے پچھلے پاسے چلے جاؤ۔ ڈٓاکٹر کیگن Dr. Cagan تہانوں اِک پُرسکون مقام تے لے جان گے جیتھے اَسی تہاڈے سوالات دے جواب دے سکاں گے، تے گل بات تے دعا کر سکاں گے۔ مہربانی

آپ شاید خوف کرتے ہوں کہ آپ کو بہت زیادہ بدلنا ہوگا جب آپ مسیح پر بھروسہ کرتے ہیں۔ اگر آپ اُس امتحان میں ناکام ہو جاتے ہیں تو آپ کبھی بھی نجات نہیں پائیں گے! آپ کے لیے ضروری ہے کہ اپنے خوف کے خلاف کھڑے ہوں اور مسیح کے پاس فخر کے ساتھ آئیں۔ ہچکچائیں نہیں! ایمان کے ساتھ اپنے آپ کو نجات دہندہ کے لیے وقف کر دیں۔ وہ آپ کو خُدا کے قہرو غضب اور گناہ کے فیصلے سے بچائے گا۔ یسوع کا خون آپ کو تمام گناہ سے پاک صاف کر دے گا۔ صلیب پر آپ کی جگہ اُس کی موت آپ کے گناہ کی قیمت ادا کر دے گی، اور آپ کو کبھی بھی سزا نہیں ملے گی۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔