ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پیدائش دا اُنیسواں باب سُدوم دے شہر دی اِک انتہائی بداِخلاق تصویر پیش کردا اے۔ ڈاکٹر جے۔ ورنن میکجی Dr. J. Vernon McGee نے ایہدا موازنہ لاس اینجلز دے شہر دے نال کیتا، جیس چہ اُو رہندے نے۔ اُوس عظیم تے بدکار شہر چہ لوط نامی اِک بندہ اپنی ووہٹی تے اپنی دو دھیہیاں دے نال رہندا سی۔ خدا سدوم نوں اِک ہولناک فیصلے چہ تباہ کرن آلا سی۔ لیکن اُوہنے دو فرشتیاں نوں لوط تے اوہدے خاندان نوں شہر توں باہر کڈن دی راہنمائی دے لئی سزا تے عمل پزیر ہون توں پہلاں پیجھیا۔ ایس دے باوجود لوط شوچ چہ پیہہ گیا۔ اُو جانندا سی کہ شہر نے تباہ ہو جانا سی، لیکن اُو ہچکچایا سی۔ اینج کرن دے نال اُو سانوں اِک بیدار گنہگار دی یاد دلاندا اے۔ لوط وانگوں، بیدار گنہگار جانندا اے کہ فیصلہ ہون آلا اے۔ لوط وانگوں، اُو جانندا اے کہ اُوہنے گناہ توں مُنہ موڑ لیہنا چائیدا اے، دُنیا توں باہر نکلنا تے یسوع دے کول آنا چائیدا اے۔ لیکن جیویں لوط سدوم چہ سوچ وِچ پیہہ گیا سی، اِک بیدار گنہگار شاید ہچکچائے، پیچھے ہٹ جائے، تے سوچ چہ پیہیا رئے، یسوع دے کول آئے بغیر۔

کُج لوکی نجات دہندہ دے کول چھیتی آ جاندے نے۔ کُج ای عرصے چہ اُو نجات پا جاندے نے۔ لیکن بوہتے دوجے لوکی ٹھہر جاندے نے، تے سوچ چہ پیہہ جاندے نے، تے خطرے دی تھاں تے اِک لمبے عرصے دے لئی ہچکچاندے نے۔ پیغامبراں دے طور تےلوچ نوں خطرے توں کڈن دے لئی فرشتے پیہجھے گئے سن۔ تے اِسی لئی اَج گنگہاراں نوں تباہی دے راستے توں پرے رہنمائی کرنا تے مسیح وَل لیہانا ’’فرشتیاں آلا‘‘ اِک کام اے۔ جے سانوں اُوہناں فرشتیاں وانگوں ہونا اے، تے اپنے دوستاں تے پیاریاں نوں نجات دلان دے لئی استعمال ہونا اے، تے سانوں اُوہی کرنا چائیدا اے جیہڑا اُوہناں فرشتیاں نے کیتا، تے اُوہناں نوں فیصلے توں دور ہون دے لئی مجبور کرنا چائیدا اے تے مسیح دے کول لیہیانا چائیدا اے۔ ایہہ اِک گمراہ ہوئے بندے دے لئی خدا دے رحم دا اِک نشان ہوندا اے جدوں اُوہدے کول دوست یا رشتہ دار ہوندے نے جیہڑے اُوہنوں مسیح دے کول آن دے لئی حوصلہ دیہندے نے۔ ایس لئی تلاوت سانوں دسدی اے، ’’خداوند اُوہدے تے مہربان ہویا سی۔‘‘ جدوں اُو تہاڈے کولوں بچائے جان دے بارے وِچ گل کر رئے ہوندے نے تے پریشان نہئیں ہونا چائیدا اے۔ لفظ ’’فرشتے‘‘ دا مطلب ’’پیغام لیہیان آلا‘‘ ہوندا اے۔ اُو جیہڑے تہانوں مسیح دے کول آن دے لئی ہمت بندھاندے نے خد دے فرشتے نے، خدا دے پیغام لیہیان آلے نے۔ اِک مبشر دی حیثیت توں، میں اُوہناں وِچوں اِک آں۔ اَسی خوشی مناواں گے جے اَسی تہانوں سوچ وِچ پیہن توں روکن تے مسیح دے کول لیہیان دے لئی استعمال کیتے جاندے نے۔ خدا دا رحم ساڈے وگرے پیغام لیہیان آلیاں نوں تہانوں سزا دے شعلیاں توں بچان دے لئی پیہجھدا اے!

’’ہُںے اُو سوچ ای رہیا سی کہ کی کرے کہ اُوہناں مرداں نے اُوہدا تے اُوہدی ووہٹی تے اُوہدی دوویں بیٹیاں دا ہتھ پھڑیا تے اُو اُوہناں نوں حفاظت دے نال شہر توں باہر لے گئے کیوں جے خداوند اُوہناں تے مہربان ہویا سی‘‘ (پیدائش 19: 16).

ہُن، ایس سویرےمیں تہاڈے وِچوں اُوہناں دے نال پہلے گل کرن جا رہیا آں جیہڑے خدا دے پیغام بر نے۔ فیر میں تہاڈے وِچوں اُوہناں نال گل کراں گا جیہڑے ہُنے تیکر سوچ وِچ پیہئے ہوئے نے، یسوع دے کول اان دے بجائے ہُنے تیکر ٹھہرے ہوئے نے۔

I۔ پہلی گل، میں خدا دے پیغام لیہیان آلیاں نال گل کراں گا۔

سدوم دے شہر وِچ فرشتے بطور پیغام بر آسمان توں اپنا کام کرن دے لئی ہیٹاں آئے سن۔ کدی کدی تہاڈے وِچوں اُو جیہڑے بطور گواہ جاندے نے محسوس کردے نے کہ تہانوں سراہا نئیں جاندا اے۔ تُسی گمراہ ہوئے لوکاں دے مگر جاندے اُو تے اُوہناں نوں خوشخبری سُنان دے لئی گرجا گھر لیہیاندے اُو۔ لیکن اُو جِنہاں دے کول تُسی جاندے اُو عموماً شکرگزار نئیں ہوندے نےھ۔ کدی کدی تے اُو تہاڈے توں باغی ہو جاندے نے۔ اُو تہاڈے نال گل کرن تے یسوع تے پروہسا کرن دے بجائے اُمید دے بغیر حیاتی لنگہاندے رہن نوں ترجیح دیہندے ہون گے۔ ایس گل تے ایہنا بہوتا حیرت زدہ نہ ہوؤ۔ ایہدے نال کوئی فرق نئیں پیہندا کہ اُو کی کہندے یا کردے نے، ایہہ اُوہنا بُرا نئیں ہووے گا جِنہا اُوہناں نے یسوع دے نال جو کُج کیتا سی۔ ’’مسیح یسوع دُنیا چہ گنہگاراں نوں بچان دے لئی آیا‘‘ (1۔ تیموتاؤس 1: 15)۔ لیکن ایہدے بارے چہ سوچو کہ یسوع دے نال کی ہویا سی۔ اُوہدی اپنی ماں تے اُوہدے اپنے بھائیاں نے یقین نئیں کیتا سی۔ اُوہدے عزیزاں نے کہیا، ’’اُو اپنے آپے وِچ نئیں اے‘‘ (مرقس3: 21) – اُوہناں نے کہیا کہ اُوہدا دماغ پھر گیا سی! مذہبی رہنماواں نے کہیا، کہ اُوہدے وِچ ’’بدروح‘‘ سی – کہ اُو سامری سی (یوحنا8: 48)۔ اُوہناں نے تے ایتھوں تیکر… اُوہدے تے برسان دے لئی وٹے چُک لیہئے سن‘‘ (یوحنا8: 59)۔ جدوں پولوس رسول نے فِستُس دے سامنے گواہی دِتی سی، تے اُوہنے کہیا، ’’پولوس توں دیوانہ ہو گیا اے، علم دی زیادتی نے تیہنوں پاگل کر دِتا اے‘‘ (اعمال26: 24)۔ پولوس رسول دا نیرو بادشاہ نال مسیح دے بارے وِچ گواہی دین تے سر قلم کروا دِتا سی۔ خود یسوع مسیح نوں گرفتار کر لیہیا گیا سی تے اُوہنوں گمراہ ہوئی دُنیا نوں خوشخبری دی چنگی نوید سُنان دے لئی مصلوب کر دِتا گیا سی۔ تے یسوع نے کہیا سی،

’’جے دُنیا تہاڈے نال دشمنی رکھدی اے تے یاد رکھو کہ اُوہنے پہلاں میرے نال وی دشمنی رکھی اے۔ جے تُسی دُنیا دے ہوندے تے دُنیا تہانوں اپنایاں وانگوں عزیز رکھدی لیکن ہُن تُسی دُنیا دے نئیں اُو کیوں جے میں تہانوں چُن کے دُنیا توں الگ کر دِتا اے۔ ایہو ای وجہ اے کہ دُنیا تہاڈے نال دشمنی رکھدی اے میری ایہہ گل یاد رکھو کہ کوئی نوکر اپنے مالک توں وڈا نئیں ہوندا۔ جے دُنیا آلیاں نے میہنوں ستایا اے تے اُو تہانوں وی ستان گے۔ جے اُوہناں نے میری گل تے عمل کیتا تے تہاڈی گل تے وی عمل کرن گے‘‘ (یوحنا 15: 18۔20).

جے اَسی مسیح دے لئی وفادار گواہ بنن جا رئے آں تے سانوں سدوم وِچ فرشتیاں دے نال کی ہویا، یا مسیح دے نال کی ہویا یا پولوس رسول دے نال کی ہویا اُوہدے مقابلے وِچ ایس گناہ توں بھرپور دُنیا توں کسی بہتری دی توقع نئیں کرنی چائیدی اے۔

جدوں تہانوں مسترد کیتا جاندا اے کیوں جے تُسی مسیح دے لئی گواہی دِتی، تے ہمیشہ یاد رکھو کہ نجات دہندہ نے کہیا،

’’مبارک ہو تُسی جدوں اِبنِ آدم دی وجہ توں لوکی تہاڈے نال کینہ رکھن، تے تہانوں الگ کر دین، تہاڈی بے عزتی کرن تے تہاڈے ناں نوں بُرا جان کے کاٹ دین۔ اُوس دِن خوش ہونا تے خوشی دے مارے اُچھلنا کیوں جےتہانوں آسمان تے وڈا اجر حاصل ہووے گا، ایس لئی کہ اُوہناں دے باپ دادا نے نبیاں دے نال وی اینج ای سلوک کیتا سی‘‘ (لوقا 6: 22۔23).

’’اُوس دِن خوش ہونا‘‘! ’’آسمان وِچ تہاڈا اجر بوہتا وڈا اے‘‘! ڈاکٹر جان آر۔ رائس Dr. John R. Rice نے کہیا،

تجدید نو دی قیمت، لوکاں دا دِل جِتن دی قیمت،
     کئی گھنٹیاں دیاں دعاواں، بوجھ، اَتھرو؛
گنہگاراں دے نال التجاواں حالانکہ اکیلا، اِک اجنبی،
     آسمان وچ چھانٹے جان لئی تلافی کیتی گئی اے۔
چھانٹیا جانا، جنت وچ چھانٹیا جانا!
     ایتھے تھلے زمین تے بشراں نوں جِتن نال۔
(’’تجدید نو دی قیمت The Price of Revival‘‘ شاعر جان آر۔ رائس John R. Rice، ڈی۔ ڈی۔، 1895۔1980)۔

(’’کیہنا گھٹ ویلہ So Little Time ‘‘ شاعر ڈاکٹر جان آر۔ رائس Dr. John R. Rice، 1895۔1980 )۔

تے ہُن کُج الفاظ اُوہناں دے لئی جیہڑے گمراہ ہوئے لوکاں نوں ٹیلی فون کردے نے، خوشخبری سُنن دے لئی تے گرجا گھر وِچ اندر آن دے لئی۔ میں جاننا آں کہ تُسی اپنا بوہتا ویلہ اُوہناں نوں گرجا گھر وِچ اندر لیہیا دے لئی فون کرن وِچ لنگہا دیہندے نے۔ میں جاننا آں کہ کیویں اُو کدی کدی جواب دین توں انکار کر دیہندے نے جدوں تُسی اپنا نمبر واپس کال کرن دے لئی چھڈ دیہندے اُو۔ میں جاننا آن کہ کیوں اُو تہاڈے نال گستاخانہ الفاظ بولدے نے۔ میں جاننا آں، ایتھوں تیکر کہ تہاڈے نال وعدہ کرن دے بعد وی، اُو کیوں تہانوں فون تے کدی کدی لکھ کے پیغام دیہندے نے تے اَخیرلے منٹ تے آنا ملتوی کر دیہندے نے۔ ایہو جئے ویلیاں وِچ، حوصلہ نہ ہارو۔ یاد رکھو کہ کیویں سدوم دے لوکاں نے پیغامبر فرشتیاں دے نال سلوک کیتا سی۔ یاد رکھو کہ اُوہناں نے یسوع دے نال کیہو جیہا برتاؤ کیتا سی، تے پولوس دے نال کیہو جیہا برتاؤ کیتا سی۔ تے اُوہناں ویلیاں وِچ، ڈاکٹر رائس دا پسندیدہ گیت یاد رکھو،

دُنیا نوں مینوں حقیر جانن دیو تے مینوں چھڈ دین دیو،
     اُوہناں نے میرے نجات دہندہ نوں وی چھڈ دِتا سی؛
انسانی دِل تے چہرے مینوں دھوکہ دیندے نے؛
     لوکاں وانگوں تیرا چہرہ جھوٹا نئیں اے؛
تے جدوں کہ تُو میرے تے مسکرا رہیا اے،
     حکمت دا خدا، میہنوں قوت تے پیار دیہندا اے،
دشمن شاید نفرت کرن، تے بیلی شاید میرے توں اجتناب کرن؛
     اپنا چہرہ وکھا تے ساریاں تے نُور اے۔

فضل توں جلال تیکر تُسی چھیتی پہنچے،
     ایمان نال لیس، تے دعا وچ پرواز نال؛
تہاڈے سامنے آسمان دے دائمی دِن سن،
     خُدا دا اپنا ہتھ اوتھے تہاڈی رہنمائی کرے گا۔
جلد ای تہاڈی زمینی مشن ختم ہو جائے،
     تہاڈے مسافرت دے دِن چھیتی نال لنگھ جان گے،
اُمید پُرمسرت نتیجے وچ بدل جاوے گی،
     حضوری لئی ایمان تے ستائش لئی دعا۔
(’’یسوع، میں اپنی صلیب چُک لئی اے Jesus, I My Cross Have Taken‘‘ شاعر ھنری ایف۔ لائٹ Henry F. Lyte، 1793۔1847)۔

ہمت نہ ہارو! اُوس دِن خوش ہوو! آسما وِچ تہاڈا اجر عظیم اے! آمین!

II۔ دوجی گل، میں اُوہناں نال چند الفاظ کہواں گا جیہڑے سوچ چہ پیہئے ہوئے نے۔

’’ہُںے اُو سوچ ای رہیا سی کہ کی کرے کہ اُوہناں مرداں نے اُوہدا تے اُوہدی ووہٹی تے اُوہدی دوویں بیٹیاں دا ہتھ پھڑیا تے اُو اُوہناں نوں حفاظت دے نال شہر توں باہر لے گئے کیوں جے خداوند اُوہناں تے مہربان ہویا سی‘‘ (پیدائش 19: 16).

ایس موقع تے میں ضرور کہنا چاہنا آں، کہ ایہہ چھوٹا جیہا واعظ سپرجیئن دے اِک واعظ وِچوں سرسری طور تے اخذ کیتا گیا اے، جیہڑا مبشراں دا شہزادہ اے (’’سوچ وِچ پیہن آلے جلدبازی کردے نے Lingerers Hastened، ایم ٹی بی نمبرMTP number 789 )۔ سپرجئین نے کہیا، ’’میہنوں ہُن اپنے بھرہاواں نوں چھڈ دینا چائیدا اے۔ خود نوں سوچ وِچ پیہئے ہویاں نال مخاطب ہون دے لئی جِنہاں دی تعداد ہُن بوہتی زیادہ موجود اے، جیہڑے سدوم دے پھاٹکاں تے سوچ وِچ پیہئے ہوئے نے، نجات نہ پائے ہوئے تے تباہی دی خطرے وِچ نے۔‘‘ تُسی انتظار کر رئے اُو، تے انتظار کر رئے اُو، تے اِنتظار کر رئے اُو، بار بار تے بار بار ڈاکٹر کیگن دے نال گل بات کرن دے لئی آ رئے نے۔ لیکن تُسی یسوع دے کول نئیں آندے اُو۔ تُسی سدوم دے پھاٹک تے سوچ وِچ پیہہ جاندے اُو۔

تُسی کیوں انتظار کردے تے سوچ وِچ پیہہ جاندے اُو؟ میرے خیال چہ لوط سوچ وِچ پیہیا سی کیوں جے شہر چہ اُوہدی جائیداد سی، تے اُو اُوہنوں چھڈنا نئیں چاہندا سی۔ ہو سکدا اے کہ شاید اُوہدی پھیڈاں دے ریوڑ اُوس ویلے دی سدوم دی زرخیز زمیناں وِچ چردیاں سن۔ کی تُسی سوچ وِچ پیہندے اُو کیوں جے تُسی خوفزدہ اُو کہ کِدرے تُسی اپنے کاروبار یا کیرئیر وِچوں کُج گنوا نہ دیو؟ میرے بیلی، تُسی کُج وی کھو دیو، اپنی جان تے نہ گنواؤ! اُو دِن آئے گا جدوں تُسی اپنی جان دے نال موازنہ کردے ہوئے اپنے سارے روپے پیسیاں نوں بے قیمت ویکھو گے جیہڑے تہاڈے کول نے۔

لوط دی بیوی کیوں سوچ وِچ پیہہ گئی سی؟ ایہدے چہ کوئی شک نہئیں کہ اُوہدی دوجی دھیہیاں ہون، کیوں جے اُو دو جیہڑیاں اُوہدے نال سن غیر شادی شُدہ سن، تے ایہدے باوجود سانوں دسیا گیا اے کہ اُوہدے داماد سن جِنہاں نے اُوہدا مخول اُڑایا سی جدوں لوط نے اُوہناں نوں آن آلی سزا دے بارے چہ دسیا سی۔ ایہہ حقیقت کہ لوط دے داماد سن ظاہر کردی اے کہ اُوہدی دوجی شادی شُدہ ھیہیاں سن۔ کی لوط دی ووہٹی سوچ چہ پیہہ گئی سی، تے فیر پیچھے ویکھیا سی، کیوں جے اُوہدی دھیہیاں سن جِنہاں نوں چھڈنا اُوہدی برداشت توں باہر ہووے گا؟ کی اُوہدے بیلی وی سن جِنہاں نے شہر نئیں چھڈیا ہووے گا؟ اینج ہو سکدا اے کہ دوویں سچے ہون۔ جے تُسی سوچ چہ پیہئے ہوئے اُو، تے مسیح دے کول نئیں آ رئے اُو، تے کی تہاڈی وی وجہ ایہو ای تے نئیں اے؟ میں تہانوں دسنا آں، ایہہ بہتر ہووے گا کہ اپنے سارے خاندان تے اپنے سارے دوستاں نوں وی گنوا دیو، بجائے ایہدے کہ اُوہناں دی دوستی تے خیال نوں رکھن نال اپنے جان نوں گنوا دیو! بندھن نوں توڑ دیو، جے ایہہ تہانوں تباہ کرن دے لئی باندھدا اے۔ چھری دے نال کاٹ دیو، تے اُوس سجے ہتھ نوں وی کاٹ دیو، تے اُوس سجی اَکھ نوں وی پھوڑ دیو، چھیتی کدرے اُوہناں دے بدلے وِچ جہنم دی اَگ چہ غائب نہ ہونا پیہہ جائے، پرجیئن نے کہیا – ’’تے اُو اینج کہن وِچ سچے سن!‘‘

میں نئیں جاننا آں کہ کیوں لوط دی دھیہیاں سوچ وِچ پیہہ گئی سن۔ لیکن اُوہناں دے غالباً شہر وِچ دوست سن جِنہاں نوں اُو گنوانا نئیں چاہندیاں سن۔ تہانوں وِچوں کُج نوجوان لوکاں دے شاید گمراہ ہوئے دوست ہون جِنہاں توں علیحدہ ہون نال تُسی خوفزدہ ہوو۔ شاید تُسی خوفزدہ ہوو کہ اُو تہاڈے تے ہسن گے۔ لیکن میں تہانوں کہنا آں کہ جدوں تُسی مرو تے مشہور ہون تے جہنم دی اَگ وِچ جھونکے جان دے مقابلے وِچ اپنا مخول اُڑوایا جانا تے آسمان وِچ جانا کِہیں درجے بہتر اے! تہاڈا شاید جہنم وِچ جان تے مذاق اُڑایا جائے، لیکن تہاڈا ایہدے نال فیر توں باہر نکلن تے مخول نئیں اُڑایا جا سکدا!

سوچو! ایس دُنیا وِچ حاصل کرن دے لئی ایہو جیہا کی اے جیہڑا تہاڈی جان نوں گنوا دین دے مقابلے وِچ بہتر ممکن ہو سکدا اے؟ تُسی کیوں باہر آن تے یسوع دے کول جان توں انکار کردے اُو؟ تُسی کیوں سوچ وِچ پیہئے ہوئے اُو؟ جے ایہہ گنہگاراں دی دوستی دی وجہ توں اے، تے تُسی اِک دیوانے وانگوں سوچ وِچ پیہہ گئے اُو! اوہ، خدا کرے تہاڈے دیوانگی چھیتی نال علاج پا جائے ایس توں پہلاں کہ ہمیشہ دے لئی بوہتی دیر ہو جائے!

کی تُسی سوچدے اُو کہ تُسی خطرے وِچ نئیں اُو؟ فیر میں تہاڈے لئی افسردہ ہوواں گا، کیوں جے خطرہ بوہتا شدید اے۔ جدوں لوکی مردے نے، تے اُو کُتیاں وانگوں نئیں مردے نے! اُوہناں دی روحاں زندہ رہندیاں نے! ایتھے اِک دِن آ رہیا اے جیہدے چہ تُسی خدا تے مسیح دی عظیم سفید تخت دی حضوری وِچ کِھلوتے ہوو گے۔ تہاڈی بے اعتقادی خطرے نوں دور نئیں لے جاندی اے۔ خدا تہاڈے گناہ پڑھے گا، سارے دے سارے، اپنی کتاباں وِچوں۔ تے تہاڈا نصیب دائمی اَگ ہووے گی۔ تُسی جو خدا نوں بُھل جاندے اُو، تہانوں کانبنا چائیدا اے کیوں جے اُوہدے اپنے الفاظ کہندے نے، ’’شریر تے اُو ساریاں قوماں جیہڑیاں خدا نوں بُھلا دینہدیاں نے عالم اسفل وِچ [جھونکی] جاندیاں نے‘‘ (زبور 9: 17)۔

یا تُسی سوچ وِچ پیہہ جاندے اُو کیوں جے تہانوں بچاؤ دے راستے تے شک ہوندا اے؟ میں اُمید کرنا آں کہ ایہہ ایس لئی نئیں اے کیوں جے تہانوں ایس دی سمجھ نئیں آندی اے۔ جے تُسی ایس گرجا گھر وِچ پاویں تھوڑے ای عرصے دے لئی آ چکے اُو، تے میں یقین کرنا آں کہ تُسی ایہنوں ضرور سمجھدے ہوو گے۔ میں ایہنوں بار بار تقریباً ہر واعظ وِچ واضح کر چکیا آں: ’’خداوند یسوع مسیح وِچ یقین کرو، تے تُسی نجات پا جاؤ گے‘‘ (اعمال16: 31)۔ ’’میرے کول آؤ … میں تہانوں آرام دیاں گا‘‘ (متی11: 28)۔ ’’اُوہدے پُتر یسوع مسیح دا لہو سانوں سارے گناہواں توں پاک صاف کردا اے‘‘ (1 یوحنا1: 7)۔ جیہڑا کوئی وی یسوع وِچ ایمان لیہیاندا اے، تے اُوہدے کول آندا اے، اُوہدے لہو دے ذریعے توں سارے گناہواں توں پاک صاف کیتا جائے گا، تے ہمیشہ دی حیاتی پائے گا۔ کی تُسی ایس قسم دے بچاؤ دے راستے نوں مسترد کردے اُو؟ میں دعا کرنا آں کہ تُسی ایہدے تے یقین کرو گے تے یسوع دے ذریعے توں بچائے جاؤ گے! ہزارہاں لوکی ہُن زمین تے تے ہزارہاں لکھاں آسمان وِچ یسوع دا یقین کر چکے نے، تے ہُن خوشی منا رئے نے کیوں جے اُوہناں دے گناہ مٹ چکے نے تے اُو بچائے گئے نے! نجات دے راستے تے شک نہ کرو۔ ایہہ ای تہاڈی واحد اُمید اے! مسیح نوں مسترد کردے اُو تے تُسی اپنی روح دی واحد اُمید نوں نوں مسترد کردے اُو۔ تُسی جان بُجھ کے اپنے آپ نوں تباہ کردے اُو جدوں تُسی خدا دے اِکلوتے پُتر دی خوشخبری نوں مسترد کردے اُو!

ایہہ ممکن اے کہ تُسی سوچ وِچ پیہہ جاندے اُو کیوں جے تُسی کسی پسندیدہ گناہ وِچ جاری رہنا چاہندے اُو؟ خدا تہانوں اَج دی سویر کہندا اے، ’’کی تُسی اپنے گناہواں نوں اپنے کول رکھو گے تے جہنم جاؤ گے، یا کی تُسی اُوہناں نوں چھڈ دیو گے تے مسیح چہ پروہسا رکھو گے تے بچائے جاؤ گے؟‘‘ خدا کرے کہ تُسی درست چناؤ کرو۔ لیکن اُوس پسندیدہ گناہ نوں چھڈ دینا چائیدا اے۔ کوئی وی گناہ جیہڑا تُسی رکھدے اُو نجات دے برابر نئیں ہو سکدا۔ تہانوں ایس نوں ضرور پاک روح دی قوت وِچ پھینک دینا چائیدا اے۔ کیوں جے تُسی اُوس گناہ دے نال جُڑے رہندے اُو، تے تُسی جہنم دے نال جُڑے رہندے اُو، تے تُسی ہمیشہ دے لئی ایہنوں جھیلو گے۔

’’شعلے جِنہاں نوں کوئی مداخلت نئیں جاندی،
حالانکہ نمکین اتھرو ہمیشہ دے لئی وگدے رہندے نے۔‘‘

ایہدے باوجود شاید میں تہاڈے سوچ چہ پیہن دے لئی صحیح وجہ نوں نا چھویا ہووے۔ ہو سکدا اے کہ شاید تہاڈے کول اِک کاہل روح ہووے، جیہڑی یسوع تیکر پہنچن تے اُوہدے تے پروہسا کرن وِچ انتہائی سُست ہووے۔ لیکن تہانوں ضرور اُوہدے کول آنا چائیدا اے ورنہ تُسی نیست و نابود ہو جاؤ گے! کی تہاڈی نظر وِچ تہاڈی روح دی ایس قدر گھٹ قیمت اے کہ تُسی جہنم دے دہانے تے سونا تے اونگھنا جاری رکھ سکدےاُو؟ اپنے آپ نوں جھنجھوڑو! جاگو! ورنہ اِک دِن تُسی ’’عذاب وِچ مبتلا ہو کے … جہنم وِچ‘‘ اپنی اَکھاں چُکو گے (لوقا16: 23)۔

میہنوں ہُنے، بالکل ایس ای لمحے کہنا چائیدا اے، تُسی خطرے وِچ اُو! میں کدی کدی کنمب جانا آں جدوں میں سوچنا آں کہ میہنوں تہاڈے وِچوں کج دے اَگے آخری عدالت وِچ اِک گواہ دے طور تے کِھڑا ہونا ہووے گا، میہنوں کہنا پیہئے گا، ’’اُو بندہ خوشخبری نوں جانندا سی، لیکن اُوہنے کہیا، ’ہُںے نئیں! ہُنے نئیں! میں ایہنوں کُج ہُور دیر دے لئی ملتوی کرنا آں، جدوں تیکر کہ ہمیشہ دے لئی دیر نئیں ہو جاندی!‘‘ تےایہہ واقع انتہائی آسان اے! تہانوں صرف یسوع تے پروہسا کرنا ہوندا اے تے تُسی حیاتی پاؤ گے! ایس قدر سادہ! ایس قدر آسان! تے ایہدے باوجود اُو سدوم دے دروازےتے سوچ وِچ پیہہ جاندے نے!

میں تہانوں اِلتجا کرنا آں، ایتھے ہر ہفتے دے بعد بیٹھے نہ رہو، کدرے تُسی خوشخبری دی آواز دے ہیٹاں سوندے سوندے شعلیاں چہ نہ ڈِگ جاؤ؛ تے فیر جہنم وِچ دھنسدے جاؤ، نااُمید تے بغیر کسی وجہ دے۔

ہُن، ایہہ کون ہووے گا؟ ہر گل دا اِنحصار ایس گل تے ہوندا اے کہ تُسی خداوند یسوع تے پروہسا کردے اُو یا نئیں۔ تے تُسی اُوہدے تے پروہسا کردے اُو تے تُسی ہمیشہ دے لئی سفید لبادے دے نال جلال وِچ ہوو گے۔ لیکن جے تُسی اُوہدے تے پروہسا نئیں کردے اُو، فیر تُسی، جِنہاں نوں ایس بپتسمہ دین آلے گرجا گھر آنا پسند اے، تُسی جیہڑے ہسن تے گل بات کرن نال پیار کردے اُو، تے عبادتاں دے بعد ساڈے نال کھانا کھاندے اُو – تہانوں چھیتی ای سزا دی ناخوشگوار آواز سُنائی دے گی، ’’ہمیشہ بلدی رہن آلی اَگ وِچ چلے جاؤ جیہڑی ابلیس تے اُوہدے فرشتیاں دے لئ تیار کیتی گئی اے‘‘ (متی25: 41)۔ اُوس دِن میرے نال انصاف دا گھٹ توں گھٹ ایہہ اِک کام کر دینا – خدا نوں دسنا کہ میں نے تہانوں اُوہدے غصے توں دور ہون دے لئی تے یسوع تے پروہسا کرن دے لئی خبردار کیتا سی۔

اُوہدے کول سادہ ایمان دے نال آؤ۔ اُوہدے کول آؤ تے اُو تہانوں گناہ توں پاک صاف کر دے گا! جی ہاں! اُو تہانوں معاف کر دے گا! جی ہاں! یسوع تہانوں بچائے گا، تے اُو ایہہ ہُنے کرے گا! آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔