ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

نسل انسانی دے بزرگ حنوک سیلاب توں پہلاں، قدیم دُنیا وِچ رہندے سن۔ تلاوت کہندی اے اُو 65 وریاں دی سن جدوں اُوہناں دا پُتر متوسلح پیدا ہویا سی۔ اُوہناں دے ابتدائی 65 وریاں وِچ اُوہناں دے نال کی ہویا ایہدے بارے چہ سانوں کُج نہئیں دسیا گیا اے۔ ایہہ اِک بدکار دور سی – جیہڑا عظیم سیلاب وَل ودھ رہیا سی۔ ہو سکدا اے کہ حنوک جدوں تیکر 65 وریاں دے نہ ہو گئے مذہبی نہئیں سن۔ شاید اُوہناں نوں اُوہناں دے اردگرد بدکاری دی وجہ توں اِک قسم دے مذہب وِچ سکون رہیا ہووے گا۔ سانوں نہئیں دسیا گیا اے کہ حنوک دی خداوند دے نال کوئی مخصوص تعلق داری سی جدوں جدوں تیکر کہ اُوہدے ہاں پُتر نہ پیدا ہو گیا۔ ڈاکٹر میکجی Dr. McGee نے کہیا ایویں لگدا اے کہ بچے نے اُوہناں نوں خدا وَل رجوع کرایا سی۔ ایہہ کدی کدی اُوس ویلے ہوندا اے جدوں انسان باپ بندا اے۔ لیکن ایہہ اِک بہوتا بدکار تے بے دین زمانہ سی، اُوس دور وَل ودھ رہیا سی جدوں

’’خداوند نے ویکھیا کہ زمین تے انسان دی بدی بہوتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5).

ڈاکٹر ایم۔ آر۔ ڈیحان Dr. M. R. DeHaan نے اشارہ دِتا کہ ایہہ مذہبی اِرتداد، سفر، شہر تعیمر کرنے، اِک توں بہوتی بیویاں رکھن، وڈی وڈی زرعی کامیابیاں پان، موسیقی، تےمثل ظلم و تشدد دا اِک دور سی (ایم۔ آر۔ ڈیحان ایم ڈی۔، Dr. M. R. DeHaan M. D.,، نوح کے دن The Days of Noah، ژونڈروان Zondervan، اشاعت 1979، صفحہ 41)۔ دوجے لفظاں وِچ، اُو دُنیا جیس وِچ حنوک رہ رہیا سی بہوتی حد تیکر ساڈی وگری اِج دی دُںیا وانگوں سی۔ تے یسوع نے کہیا، ’’جیویں نوح دے دِناں وِچ ہویا سی، اُونج ای ابنِ آدم دی آمد دے ویلے ہووے گا‘‘ (متی24: 37)۔ ایہہ اے اُو دُنیا جیس وِچ حنوک رہ رہیا سی۔ ایہہ بہوتی حد تیکر ساڈے شہر تے ساڈی دُنیا وانگوں سی۔ ہر گل جیہڑی اَسی حنوک دے بارے چہ جاننے آں کلام پاک دے تین حوالیاں وِچ پیش کیتی گئی اے۔ اَج راتی اَسی اُوہناں تیناں نوں ای ویکھن جا رئے آں۔ کلام پاک دے اُوہناں حوالیاں وِچ اَسی تین گلاں ویکھاں گے۔

I۔ پہلی گل، حنوک خداوند دے نال ٹُردا رہیا۔

ساڈی تلاوت کہندی اے،

’’جدوں حنوک پینٹھ وریاں دا سی اُودھوں اُوہدے ہاں متوسلح پیدا ہویا۔ تے متوسلح دی پیدائش دے بعد حنوک تین سو وریاں تیکر خدا دے نال نال ٹُردا رہیا تے اُوہدے ہاں ہُور پُتر تے دیہیاں پیدا ہوئیاں۔ حنوک دی کُل عمر تین سو پینٹھ وریاں دی ہوئی‘‘ (پیدائش 5: 21۔24).

اپنی حیاتی دے پہلے 65 وریاں دے دوران اُوہنے کوئی اینج دا کام نہئیں کیتا جیس دا تزکرہ کلام پاک وِچ کیتا جاندا۔ غالباً اُو اِک بُرا شخص نہئیں سی۔ لیکن اُو کوئی اینج دا شاندار ایماندار وی نہئیں لگدا سی۔ لیکن اُوس ویلے توں جدوں اُوہدا پُتر متوسلح پیدا ہویا سی اُوہنے خدا دے نال ٹُردے رہنا شروع کیتا، ’’تے متوسلح دی پیدائش دے بعد حنوک تین سو وریاں تیکر خدا دے نال نال ٹُردا رہیا…‘‘ (پیدائش5: 22)۔ میہنوں ایتھے تہانوں ایہہ دسن دے لئی رُکنا پیہئے گا کہ عظیم سیلاب توں پہلاں ایس دور وِچ، لوکاں دی عمراں اَج دی لوکاں دی عمراں توں کِدرے زیادہ ہوندیاں سن۔ ایہہ بہوتی حد تیکر ایس لئی سی کیوں جے زمین آسمان وِچ پانی دی اِک چھتری دے ہیٹاں سی، جیہڑی سورج دی بنفشی شعاعاں نوں چھاندی سی، تے اِک کافی بوہتا متوازن تے صحت بخش ماحول پیدا کردی سی، جیس نال اِک یکساں درجہ حرارت مہیا ہوندا، تے طوفاناں تے ہوا دی بہوتی وڈی وڈی حرکات وِچ رکاوٹ پیدا ہوندی۔ ایہہ ماحول، تے ایس دے نال نال شدید غذائیت توں بھرپور پھلاں تے سبزیاں نے انسان دی حیاتی نوں صدیاں تیکر دراز کر دِتا۔

ایس سیلاب توں پہلاں دی دُنیا وِچ، حنوک خدا دے نال ٹردا رہیا سی۔ ایس دا مطلب اے کہ اُو خداوند نوں پسند سی۔ اُوہنے کیویں خداوند نوں خوش کیتا سی؟ سانوں عبرانیوں11 باب وِچ دسیا گیا اے کہ ’’اُو خداوند نوں پسند سی۔ کیوں جے ایمان دے بغیر خداوند نوں پسند آنا ممکن نہئیں‘‘ (عبرانیوں11: 5، 6)۔ خدا دے نال اِکٹھے ٹرن دا مطلب قربت تے پیار ہوندا اے۔ تے ایہہ خداوند تے انسان دے وِچکار اُوس ویلے تیکر موجود نہئیں ہو سکدا اے جدوں تیکر کہ اُو انسان ایمان دے ذریعے توں بچایا نہئیں گیا اے۔ یاد رکھو کہ حنوک تہاڈے تے میرے وانگوں سی۔ اُو اِک گنہگار پیدا ہویا سی، تے آدم دی اولاد توں سی۔ ایس لئی اُوہنوں معافی تے صفائی دی لوڑ سی جیویں کہ سانوں ہوندی اے۔ کوئی وی خداوند دے نال نہئیں ٹُر سکدا جدوں تیکر کہ اُوہدا گناہ معاف نہئیں ہوندا اے تے اُو ایمان دے ذریعے توں راستباز نہئیں ہوندا اے۔ عبرانیوں11: 6 کہندی اے، ’’ایمان دے بغیر خداوند نوں پسند آنا ممکن نہئیں اے‘‘۔ لہٰذا ایمان دے ذریعے توں حنوک نوں خدا نے پسند کیتا سی، جیویں کہ اَج اَسی آں۔ جے تُسی خداوند دے نال ٹرنا چاہندے اُو تے تہانوں چاہیے کہ خداوند یسوع مسیح وِچ یقین دے ذریعے توں شروع کرو۔ عظیم ترین بزرگی گناہ دے اعتراف توں تے ایمان دے ذریعے توں مسیح نوں اپنا لین نال شروع کرنی چائیدی اے۔ کلام پاک کہندا اے، ’’چونکہ ہُن تُس مسیح یسوع نوں اپنا خداوند مان لیہیا اے، ایس لئی اُوہدی رفاقت وِچ حیاتی لنگہاؤ‘‘ (کُلسیوں2: 6)۔ اَسی بے شمار نوجوان لوکاں نوں خدا دے نال ٹردے رہن دی کوشش کردے ہوئے ویکھیا اے، لیکن اُو لڑکھڑائے تے ناکام ہوئے کیوں جے اُوہناں دا مسیح وِچ حقیقی ایمان نہئیں سی۔ ایمان دے ذریعے توں حنوک خداوند دی رضامندی وِچ آیا سی، تے ایمان دے ذریعے توں خداوند دے نال ٹُردا رہیا سی – ایتھوں تیکر کہ سیلاب توں پہلاں دے شیطانی تے گناہ توں بھرپور دور وِچ وی۔

فیر، وی، خداوند نے نال حنوک دے ٹُرن دا مطلب سی کہ اُوہنوں خود اپنے اندار خداوند دی موجودگی دا احساس ہو گیا سی۔ تُسی کدی وی اِک بندے دے نال نہئیں ٹر سکدے جِنہوں تُسی ذاتی طور تے نہئیں جاندے اُو۔ حنوکہ نے اپنے نال خدا دی موجودگی دی آگاہی دے نال حیاتی بسر کیتی سی۔ ایہہ سانوں ظاہر کردا اے کہ حنوک اِک دعا گو بندہ سی۔ جدوں اُو خداوند دی قربت وِچ ہوندا سی تے اُو خداوند دے نال اینج گل کردا سی جیویں کہ کسی قریبی بیلی نال کردا سی۔ خدا نے حنوک توں لے کے بُہتیرے دوجے لوکاں نال اینج کیتا سی۔ خدا سانوں اپنے راز دسدا اے، خداوند دا راز، جیہڑا اُو صرف اُوہناں دے ظاہر کردا اے جیہڑے اُوہنوں پیار کردے تے اُوہنوں جانندے نے، تے اَسی اُوہنوں اپنی خوشیاں، اپنے دُکھ تے اپنے گناہ اعتراف وِچ دسنے آں۔ اَسی اپنے خوف تے پریشانیاں دا وزن خدا دے سامنے ہلکا کرنے آں جیہڑا سانوں سنبھالدا اے۔ تے اُو سانوں ساڈے وَل اُوہدے پیار دا احساس دِلاندا اے۔ ایہو ای طریقہ اے جیس نال حنوک خدا دے نال ٹُردا رہیا۔ تے اُوہنے اینج کدی کدی نہئیں کیتا سی۔ تے خداوند دے نال تین سو وریاں تیکر ٹُردا رہیا سی! کیہو جئی اِک شاندار رفاقت! تین وریاں تیکر دی اِک رفاقت! جے حنوک نے کسی ہُور دے نال ایہنی لمبی رفاقت رکھی ہوندی، تے شاید اُو اُوہدے نال اُکتا جاندا۔ لیکن اُو خدا دے نال تین صدیاں تیکر رفاقت وِچ رہیا، تے ایہہ ایہنا شاندار سی کہ اِک دِن اُو وقت تے تھاں توں پرے چلدا چلا گیا، جدوں تیکر کہ اُو جنت وِچ نہئیں پہنچ گیا، جیتھے اُو ہُنے وی خداوند دی حضوری وِچ چل رہیا اے۔ ایس دے علاوہ، ایہنے رفاقت دے دوران ترقی وی کیتی اے۔ تین وریاں دے اِختتام دے بعد اُوہنے خدا دی موجودگی توں ہُور لطف اُٹھایا، اُوہنے ہُور زیادہ سمجھیا، اُوہنے مذید ہُور پیار کیتا، اُوہنے ہُور زیادہ پایا، تے اُو ہُور زیادہ دوجیاں دے لئی دے سکیا ہووے گا، کیوں جے اُو اَگے چلا گیا سی تے فضل وِچ ودھدا رہیا سی۔ جیویں حنوک خدا دی رفاقت وِچ آگے چلدا چلا گیا، میں دعا کرنا آں کہ تُسی وی اینج ای ودھدے جاؤ۔ گفتگو خدا دے نال ساڈی رفاقت دے صرف نقطہٗ آغاز ہوندی اے! اپنی رفاقت دا آغاز مسیح تے پروہسا کرن نال شروع کرو، تے روزانہ دی دعا دے ذریعے توں اپنی رفاقت نوں جاری رکھو۔

II۔ دوجی گل، حنوک خدا دے لئی بولدا سی۔

اُو ناصرف خداوند دے نال بولدا سی بلکہ خدا دے لئی وی بولدا سی۔ یاد رکھو کہ حنوک نے بہوتی بُرائی دے دور وِچ حیاتی لنگہائی سی۔ اُو اُوس دور وِچ سی جدوں گناہ نے زمین نوں ڈھانپنا شروع کیتا سی۔ ہُنے بوہتا ویلہ نہئیں لنگہیا سی کہ ایس توں پہلا ای خداوند نے نوع انسانی دی بدکاری ویکھی تے اُوہناں ساریاں نوں زمین دے چہرے توں سیلاب دے پانیاں وِچ وگا کے لے گیا ماسوائے نوح تے اُوہدے خاندان دے۔ حنوک نے اُوہناں دِناں وِچ حیاتی لنگہائی جدوں لوکی خدا دا تمسخر اُڑاندے سی تے اپنی جنسی خواہشات دے پیچھے چلدے سی۔ اَسی ایہہ یہودہ دی کتاب وِچ حنوک دے بارے چہ پڑھن نال جاننے آں۔ مہربانی نال یہودہ دی کتاب کھولو، تے آیت 14 توں پڑھنا شروع کرو کراں گے،

’’حنوک نے وی جیہڑا آدم توں ساتویں پُشت وِچ سی ایہناں دے بارے وِچ پیشن گوئی کیتی سی کہ ویکھو! خداوند اپنے لکھاں مقدساں دے نال آندا اے تاکہ سارے لوکاں دا اِنصاف کرے تے سارے بے دیناں نوں سزا دا حکم دیوے، ایس لئی کہ اُوہناں نے بے دینی نال مجبور ہو کے بہوتے بے دینی دے کام کیتے نے، تے خداوند بے دین گنہگاراں نوں وی سزا دا حکم دے گا کیوں جے اُوہناں نے اُوہدے خلاف بڑی سخت گلاں کہیاں نے۔ ایہہ لوکی ہمیشہ بڑبڑاندے تے شکایت کردے نے۔ ایہہ اپنی خواہشاں دے مطابق حیاتی لنگہاندے نے تے اپنے متعلق وڈے بول بولدے نے تے اپنے فائدے دے لئی دوجیاں دی خوشامد کردے نے۔ لیکن عزیزو! ایہناں گلاں نوں یاد رکھو جیہڑیاں ساڈے خداوند یسوع دے رسول پہلاں کہہ چکے نے؛ اُوہناں نے تہانوں کہیا سی کہ آخیرلے دِناں وِچ ٹھٹھا کرن آلے طاہر ہون گے جیہڑے اپنی بے دینی دی خواہشاں دے مطابق چلن گے۔ ایہو ای اُو لوکی نے جیہڑے تفرقے ڈالدے نے۔ ایہہ نفسانی لوکی نے تے روح توں بے بہرہ نے‘‘ (یہودہ 14۔19).

اپنی نسل دے لئی حنوک دا پیغام نرم تے سکون پہنچان آلا نہئیں سی۔ اُوہنے انصاف دی گل کیتی سی۔ اُوہنے دلچسپی نال، مسیح دی دوجی آمد دی گل کیتی – اُوس ویلے ماضی وِچ، سیلاب توں پہلاں!

’’حنوک نے وی جیہڑا آدم توں ساتویں پُشت وِچ سی اِیہناں دے بارے وِچ ایہو ای پیشن گوئی کیتی سی کہ ویکھو! خداوند اپنے لکھاں مقدساں دے نال آندا اے تاکہ سارے لوکاں دا انصاف کرے تے سارے بے دیناں نوں سزا دا حکم دے، ایس لئی کہ اُوہناں نے بے دینی توں مجبور ہو کے بہوتاں نال بے دینی دے کام کیتے نے۔ تے خداوند بے دین گنہگاراں نوں وی سزا دا حکم دیوے گا کیوں جے اُوہناں نے اُوہدے خلاف بڑی سخت گلاں کہیاں نے‘‘ (یہودہ 14۔15).

آخاہ! لوتھر Luther نے کہیا حنوک نے ’’شیطان دی کلیسیا تے اُوس کاہن دی نسل دے خلاف خداوند تے اُوہدی کلیسیا دے لئی گواہی دین وِچ بہوتی زیادہ جرأت کیتی سی‘‘ (لینسکی Lenski)۔ اُوہنے خداوند دے غیظ و غضب تے مسیح دی دوجی آمد دے پیغام دے نال اُوہناں دی کھالاں اُدھیڑ ڈالیاں سن! میرا خیال اے کہ ایہو ای ایس نسل نوں وی سُنن دی لوڑ اے! اُوہناں نے پیاری چھوٹی چھوٹی گلاں جوئیل آسٹن تے اینچ دے ای لوکاں کولوں سُنیاں نے۔ میرے خیالات وِچ طلاق، آزاد جنسی مِلاپ، اسقاطِ حمل، خوراک دا ضیائع، اُوچی بے ھنگم موسیقی، منشیات تے اوباما دے ایس بے دین دور وِچ اُوہناں نوں حنوک دی تبلیغ دی اِک چنگی تیز ہوا دی لوڑ اے!

’’حنوک نے وی جیہڑا آدم توں ستویں پُشت وِچ سی ایہناں دے بارے وِچ پیش گوئی کیتی سی کہ ویکھو! خداوند اپنے لکھاں مقدساں دے نال آندا اے تاکہ سارے لوکاں دا اِنصاف کرے …‘‘ (یہودہ 14۔15).

ساڈے گرجا گھر وِچ اپنے بیلی یا رشتہ دار نوں لیہیان توں خوفزدہ مت ہوو۔ اُوہناں نوں آن آلی قیامت دے بارے وِچ سُن لین دیو۔ ایس نال اُوہناں نوں فائدہ ہووے گا! اکثر اِک چُھبن آلا لفظ ای دراصل ہوندا اے جیس دی لوکاں نوں اُوہناں دی غفلت تے گناہ دی نیند توں جھنجھوڑن دی لوڑ ہوندی اے! ویسے، کی تُسی آن آلی قیامت دے لئی تیار اُو؟ کُی تُسی خداوند دے غیظ و غضب تے مسیح دے اِنصاف دے لئی تیار اُو جیہڑا ساڈی قوم تے ساڈی دُنیا تے پیہن آلا اے؟ کی تُسی تیاری اُو؟ بائبل کہندی اے، ’’اپنے خدا نوں مِلن دی تیاری کر‘‘ (عاموس4: 12)۔ کی تُسی تیار اُو؟ تہاڈے خفیہ گناہواں دے بارے وِچ کی خیال اے؟ تہاڈے گناہ توں بھرپور خیالات دے بارے وِچ کی خیال اے؟ تہاڈا مسیح نوں بار بار مسترد کرن دے بارے وِچ کی خیال اے؟ تُسی کیویں اپنے دِل و دماغ وِچ ایس قدر دھیڑ سارے گناہ دے بوجھ دے نال خداوند دی حضوری وِچ کِھلو سکدے اُو؟ حنوک خداوند دے نال نال چلدا رہیا۔ حنوک خدا دے لئی بولیا سی۔ لیکن ایتھے ہُور وی نے۔

III۔ تیجی گل، حنوک نوں خدا دے نال ہون دے لئی موت توں پہلاں ای چُک لیہیا گیا سی۔

مہربانی نال عبرانیوں 11: 5 آیت کھولو۔ کِھلو جاؤ تے ایہنوں اُوچی واج نال پرھو۔

’’ایمان ای نال حنوک اپنی موت توں پہلاں ای چُک لیہیا گیا تے اُوہدا پتا نہ چلیا کیوں جے خدا نے اُوہنوں چُک لیہیا سی۔ اُوہدے چُکے جان توں پہلاں اُوہدے حق وِچ گواہی دِتی گئی کہ اُو خداوند نوں پسند سی‘‘ (عبرانیوں 11: 5).

تُسی تشریف رکھ سکدے اُو۔ ایس توں پہلاں پیدائش دی کتاب وِچ اَسی پڑھیا،

’’حنوک خدا دے نال نال چلدا رہیا: تے فیر خدا نے اُوہنوں چُک لیہیا تے اُو نظراں توں غائب ہو گیا‘‘ (پیدائش 5: 24).

’’اُو نظراں توں غائب ہو گیا؛ کیوں جے خداوند نے اُوہنوں چُک لیہیا۔‘‘ ایہدا کی مطلب ہوندا اے؟ جواب عبرانیوں 11: 5 وِچ پیش کیتا گیا اے، ’’حنوک اپنی موت توں پہلاں ای چُک لیہیا گیا تے اُوہدا پتا نہ چلیا کیوں جے خدا نے اُوہنوں چُک لیہیا سی …‘‘ دوبارہ، معمول دے مطابق، کنگ جیمس بائبل جدید نسخیاں دے مقابلے وِچ بہتر اے۔ نئی کنگ جیمس وِچ ایہہ ایویں بیان کیتا گیا اے، ’’اُوہنوں لے لیا گیا سی۔‘‘ دی نیوں انٹرنیشنل ورژن NIV وِچ ایویں لکھیا گیا اے، ’’ایس حیاتی توں لے لیہیا گیا سی۔‘‘ لیکن حقیقت وِچ یونانی لفظ دا مطلب ’’تبدیل ہونا، منتقل ہونا، چُک لیہیا جانا‘‘ اے۔ (فریٹز رائینیکر Fritz Reinecker، پی ایچ۔ ڈی۔، یونانی نئے عہدنامے دے لئی زباندانی دی لغت A Linguistic Key to the Greek New Testament، ژونڈروان اشاعتی گھر Zondervan Publishing House، 1980، صفحہ 707؛ عبرانیوں 11: 5 تے غور طلب گل)۔

اِک وری فیر موڈی Moody دی توضیح دے لئی، ’’کنگ جیمس بائبل جدید نسخیاں تے بہوتے زیادہ چنگے طریقے نال روشنی ڈٓالدی اے!!‘‘ جی نہئیں، حنوک نوں صرف ’’لے لیہیا گیا‘‘ نہئیں سی۔ ایہنوں زمین توں آسمان دے لئی ’’موت توں پہلاں چُک لیہیا گیا سیtranslated‘‘! جیویں کہ مسٹر مینسیا تے مسٹر سونگ نے انگریزی توں ھسپانوی تے چینی زبان وِچ ترجمہ کیتا، لہٰذا حنوک ایس دُنیا توں تیجے آسمان وِچ اِک ہُور وسعت چہ خداوند دے نال ہون دے لئی ’’موت توں پہلاں چُک لیہیا گیا‘‘ سی!

’’حنوک خدا دے نال نال چلدا رہیا: تے فیر خدا نے اُوہنوں چُک لیہیا تے اُو نظراں توں غائب ہو گیا‘‘ (پیدائش 5: 24).

عبرانی لفظ ’’اُو نظراں توں غائب ہو گیا‘‘ دے ترجمہ دا مطلب ’’اُو چلا گیا سی‘‘ اے۔ ’’فیر خدا نے اُوہنوں اُٹھا لیہیا‘‘ وِچ لفظ ’’اُٹھا لیہیا‘‘ ’’لاکاچlaqach‘‘ اے۔ ایس دا مطلب ’’لے لیہیا گیا‘‘ یا ’’کھینچ لیہیا گیا‘‘ ہوندا اے۔ ایہہ اُوہی [عبرانی] لفظ شامل کردا اے جیہڑا 2سلاطین 2: 3، 5 وِچ ایلیاہ دے آسمان وَل چُک لیے جان وِچ استعمال ہویا سی‘‘ (لینسکیLenski)۔ ’’تے ایلیاہ اِک بگولے وِچ آسمان وَل چُک لیہیا گیا‘‘ (2سلاطین2: 11)۔ کُج یہودی رواجاں دے مطابق حنوک نوں آسمان وِچ ایس ای طریقے نال چُک لیہیا گیا سی جیویں کہ ایلیاہ نوں آسمان وِچ چُک لیہیا گیا سی۔ لیکن ایہہ صرف قیاس آرائی اے کیوں جے بائبل سانوں ایہو جئی کوئی تفضیل پیش نہئیں کردی اے‘‘ (میک آرتھر MacArthur)۔

اِک گل تے یقینی اے – حنوک دا آسمان وِچ چُک لیہیا جانا اِک طرح توں ایمانداراں دا زندہ بدلاں تے یسوع دے استقبال دے لئی چُک لیے جان دی اِک قسم اے۔ ایہہ اُوس ویلے دی نشاندہی کردا اے جدوں حقیقی مسیحیاں نوں ایس دور دے اِختتام تے اُتے آسمان وِچ لے لیہیا جائے گا۔ اُو ’’اِک لمحے وِچ، پلک دے چھپکن وِچ‘‘ خدا وَلوں چُک لیہیے جان گے (1 کرنتھیوں15: 52)۔ پولوس رسول نے کیہیا،

’’کیوں جے خداوند خود بڑی للکار تے مقرب فرشتہ دی آواز تے خدا دے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہون گے اُوہناں دے نال بادلاں تے چُک لیہیے جان گے تاکہ ہوا وِچ خداوند دا اِستقبال کریے تے ہمیشہ اُوہدےنال رہیے‘‘ (1۔ تسالونیِکیوں 4: 16۔17).

ایہہ الفاظ حقیقی مسیحیاں نوں بہوتا آرام تے سکون پہنچان دے لئی موجود نے۔ لیکن ایہناں نال ہو سکدا اے کہ تہاڈے وِچوں اُو جیہڑے مسیح وِچ نجات نہئیں پائے ہوئے نے دے دِلاں وِچ دھشت اِختیار کر جائے۔

میں جاننا آں کہ کُج لوکی سوچدے نے کہ اِک مبشر نوں لوکاں نوں بائبل دی پیشن گوئی دے نال خوفزدہ نہئیں کرنا چائیدا اے۔ لیکن میں ایس نال متفق نہئیں آں۔ سارے نئے عہدنامے وِچ بائبل دی پیشن گوئی توں تعلق رکھن آلی ہولناک دھمکیاں موجود نے۔ مثال دے طور تے 2 تسالونیکیوں وِچ لکھیا اے،

’’خداوند یسوع اپنے قوی فرشتیاں دے نال بھڑکدی ہوئی آگ وِچ آسمان توں ظاہر ہووے گا۔ تے اُوہناں نوں سزا دیوے گا جیہڑے خدا نوں نہئیں جانندے تے ساڈے خداوند یسوع مسیح دی خوشخبری نوں نہئیں مانندے۔ اُو ہمیشہ دے لئی ہلاک کر دِتے جان گے تے خداوند یسوع مسیح دے چہرہ تے اُوہدی قدرت دے جلال نوں کدی نہ ویکھ سکو گے۔ ایہہ اُوس دی آمد دا دِن ہووے گا جدوں اُو اپنے لوکاں وِچ جلال پائے گا … ایمان لیہیائے اُو‘‘ (2۔ تھسلنیکیوں 1: 7۔10).

تے خداوند یسوع مسیح نے خبردار کیتا سی کہ، آسمان وِچ بدلاں تے اُوہدے استتقبال دے لئی چُک لئے جان تے،

’’جیہڑی کنواریاں تیار سن دُلہا دے نال شادی دی ضیافت وِچ اندر چلی گئیاں تے بوہا بند کر دِتا گیا۔ بعد چہ باقی کنواریاں وی آ گئیاں تے کہن لگیاں: اے خداوند! اے خداوند! ساڈے لئی بوہا کھول دے۔ لیکن اُوہنے جواب دِتا: سچ تے ایہہ اے کہ میں تہانوں جانندا ای نہئیں۔ لہٰذا جاگدے رہوو کیوں جے تہانوں نہ تے اُوس دِن دا پتا اے نہ اُوس گھڑی دی خبر اے‘‘ (متی 25: 10۔13).

ایہو ای طریقہ اے جیہڑا آسمان وِچ یسوع دے استقبال دے لئی بدلاں تے اُٹھا لیہئے جان دا ہووے گا۔ جے تُسی تیار نہئیں ہوندے اُو تے بوہا ’’بند‘‘ کر دِتا جائے گا۔ تُسی چیخ سکدے اُو، جیویں کہ بلاشک و شبہ نوح دے دِن لوکی چلائے سن، تے کشتی دے بوہے نوں پیٹدے رئے سن۔ لیکن تہاڈے لئی ایہہ بوہتی دیر ہو جائے گی، جیویں کہ ایہہ اُوہناں دے لئی ہو گئی سی۔ تُسی زمین تے بے شمار دھشتناکیاں دے لئی چھڈ دِتے جاؤ گے۔ تہاڈے دِل تے دماغ دے گناہ تہانوں ملامت کرن گے۔ تہاڈا ریکارڈ یسوع دے لہو نال پاک صاف ہونا چائیدا اے، ورنہ تہاڈے کول آسمان وِچ اُوہدے استقبال دے لئی بدلاں وِچ چُک لہئے جان دی کوئی اُمید نہئیں ہووے گی۔ بالکل وی کوئی اُمید نہئیں ہووے گی!

ماضی وِچ 1970 دی ابتدائی دہائی وِچ سان فرانسسکو دے نیڑے میں اِک گرجا گھر شروع کیتا سی جیتھے لوکی گیت گایا کردے سن جیہڑے مسٹر گریفتھ نے ایس واعظ توں قبل گایا سی۔ میں ایہنوں واضح کرن دے لئی صرف چند اِک لفظاں دی ترمیم کیتی اے،

حیاتی بندوقاں تے جنگ نال بھری پیہئی سی،
     تے ہر کوئی فرش تے روندا جا رہیا سی،
میں خواہش کرنا آں کہ اَسی سارے تیار ہوندے۔
     بچے مرے، دِن سرد ہوندے چلے گئے،
روٹی دا اِک ٹکڑا سونے دی اِک تھیلی خرید سکدا سی،
     میں خواہش کرنا آں کہ اسی سارے تیار ہوندے۔
اپنا ذہن بدلن دے لئی کوئی ویلہ نہئیں بچیا اے،
     تُسی کینج ایس قدر انّہے ہو سکدے اُو؟
نجات دہندہ نے بُلایا لیکن تُسی نہئیں سُنیا،
     پُتر آ چکیا اے تے تُسی پیچھے چھڈے جا چکے اُو۔

شوہر تے ووہٹی بستر وِچ سوئے ہوئے نے،
     اُو واج سُنندی اے تے سر گھماندی اے – اُو جا چکیا اے۔
میں خواہش کرنا ٓاں اَسی سارے تیار ہوئے ہوندے۔
     دو بندے اُتے پہاڑ تے جا رئے نے،
اِک غائب ہو جاندا اے تے اِک ساکن کھڑا چھڈ دِتا جاندا اے،
     میں خواہش کرنا ٓاں اَسی سارے تیار ہوئے ہوندے۔
اپنا ذہن بدلن دے لئی کوئی ویلہ نہئیں بچیا اے،
     تُسی کینج ایس قدر انّہے ہو سکدے اُو؟
نجات دہندہ نے بُلایا لیکن تُسی نہئیں سُنیا،
     پُتر آ چکیا اے تے تُسی پیچھے چھڈے جا چکے اُو۔
تُسی پیچھے چھڈے جا چکے اُو،
     تُسی پیچھے چھڈے جا چکے اُو۔
(’’میں خواہش کرنا ٓاں اَسی سارے تیار ہوئے ہوندے I Wish We’d All Been Ready‘‘ شاعر لیری نارمن Larry Norman، 1947۔2008؛ پادری نے ترمیم کیا)۔

تُسی شاید کہہ سکدے اُو، ’’ایہہ میہنوں خوفزدہ کردا اے!‘‘ چنگا اے! جے ایہہ تہانوں تہاڈے گناہ سوچن دے لئی تے مسیح تے پروہسا کرن دے لئی تحریک دیندا اے، تے چنگا اے! عظیم اصلاح پرست لوتھر Luther (1483۔1546) نے کہیا،

ایہہ ضروری اے، جے تُسی مسیح وِچ تبدیل ہو جاؤ، کہ تُسی دھشت زدہ ہوندے اُو، یعنی کہ، تہاڈے کول اِک خبردار تے کپکپا دین آلا ضمیر اے۔ فیر، ایس شرط دے تخلیق کیتے جان دے بعد، تہانوں [مسیح] نوں گرفت وِچ لیہنا چائیدا اے۔ خداوند … نے اپنا پُتر یسوع مسیح دُنیا وِچ دھشت زدہ گنہگاراں نوں خدا دے رحم دا اعلان کرن دے لئی پیجھیا۔ ایہو ای طریقہ اے کہ مسیح وِچ تبدیلی رونما ہوندی اے؛ دُوجے ذرائع غلط ذرائع نے (زبور 51: 13 دی تفسیر؛ اے۔ ڈی۔ 1532)۔

جے تہاڈا ضمیر خبردار اے تے اپنے گناہ توں دھشت زدہ اے، میں تہانوں ایمان دے نال یسوع دے کول آن دے لئی کہنا آں، تے اُوہدے لہو توں پاک صاف ہون دے لئی کہنا آں۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔