ہاجرہ دی تبدیلی | The Conversion of Hagar

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج سویرے میں پیدائش دی کتاب وِچوں ہاجرہ دی کہانی تے گل بات کراں گا۔ ہاجرہ دی حیاتی اِک گنہگار دی تبدیلی وِچ خدا دے فضل دی بہترین مثال اے۔ ایہہ اِک بد اِخلاق تے سخت ناگوار کہانی اے۔ ایہہ ظاہر کردی اے کہ سارے انسان اپنی قدرتی حالت وِچ گنہگار نے۔ نسل انسانی دے آغاز وِچ جدوں آدم نے گناہ کیتا سی، قدرتی طور تے ایس دی ساری نسل گنہگار بن گئی سی، کیوں جے ’’جیویں اِک بندے دے ذریعے گناہ دُنیا وِچ داخل ہویا تے گناہ دے سبب توں موت آئی اُونج ای موت سارے انساناں وِچ پھیل گئی کیوں جے ساریاں نے گناہ کیتا‘‘ (رومیوں5: 12)۔ اُوس ویلے توں اَسی سارے اُوسی گناہ وِچ پیدا ہوئے ’’قصوراں وِچ مُردہ‘‘ (افسیوں 2: 5).

میں ہاجرہ دی کہانی وِچ دِتے گئے سارے ہولناک گناہواں دی تفصیل وِچ نہئیں جا رہیا آں۔ اُو اِک مصری سی۔ اُو سارائی دی لونڈی دے طور تے مستعار لئی گئی سی۔ ابرام دی ووہٹی سارائی نے گناہ کیتا سی ایس گل تے ایمان نہ رکھ کے کہ خدا اُوہنوں پُتر دیے گا۔ سارائی نے گناہ کیتا جدوں اُوہنے ابرام نوں ہاجرہ دے ذریعے اِک بچے دا پیو بنن دے لئی کہیا سی۔ فیر خود ابرام نے ایس نوجوان عورت دے نال گناہ کیتا سی۔ لیکن ہاجرہ خود وی اِک کھوئی ہوئی گنہگار سی۔ اُو اِک مصری سی جیہڑی خدا نوں نہئیں جانندی سی۔

میں ہاجرہ دی تبدیلی نوں توجہ دا مرکز بناواں گا، ایس دے باوجود ایہناں واقعات دے شرمناک رُخ نوں نہئیں چھیڑاں گا۔ تے میہنوں یقین اے کہ تہاڈے وِچوں کُج نوں جیہڑے اَج سویرے ہُنے تیکر بچائے نہئیں گئے نے ہاجرہ دی تبدیلی دی ایہہ کہانی مدد ضرور دیوے گی۔

I۔ پہلی گول، ہاجرہ ابرام تے سارائی دی بُرائی دی گواہ ہون دے باجود بچائی گئی سی۔

تہاڈے وِچوں کُج جیہڑے مسیح وِچ ایمان لیہیا کے تبدیل نہئیں ہوئے نے نوجوان نے تے گرجا گھر وِچ پلے بڑھے نے۔ تُسی اُوہناں دیاں جیہڑے دعویٰ کردے نے کہ اُو مسیحی نے بے شمار بُری مثالاں ویکھیاں ہون گئیاں۔ جِنہاں دی وجہ توں اکثر ’’گرجا گھر دی بچے‘‘ ایہہ سوچدے نے کہ، ’’ایہہ سچ نہئیں ہو سکدا۔‘‘ ویکھو ایہہ لوکی کسی طرح نال پیش آندے سن۔‘‘ اُوہناں لوکاں دی بغاوت جِنہاں نے گرجا گھر چھڈ دِتا سی تہانوں ایہہ سوچن تے مجبور کردی اے کہ شاید انجیل حقیقی نہئیں اے۔ شیطان اُوہناں دیاں بُری مثالاں نوں تہانوں آزمائش وِچ پان دے لئی استعمال کردا اے تاکہ تُسی مذہبی تبدیلی دی سچائی تے شک کرو۔ شیطان تہانوں سوچن تے اُکساندا اے، ’’ایہہ کیویں درست ہو سکدا اے؟‘‘ ساری دُنیا وِچ گرجا گھراں چہ ہزارہاں دی تعداد وِچ لوکی اپنی روحاں گرجا گھر دے ارکان دی بُری مثالاں دی وجہ توں گم کر چکے نے۔ ایہہ شیطان دے اوزاراں وِچوں اِک اہم اوزار اے جیس نوں اُو لوکاں نوں اپنے پھندے وِچ پھسان تے جہنم دی گہرائیاں وِچ کھینچن دے لئی استعمال کردا اے۔

ایہہ صرف گرجا گھر دے بچیاں دے بارے وِچ ای درست نہئیں اے۔ اُو نوجوان لوکی جِنہاں نے ہُنے ہُنے گرجا گھر وِچ قدم رکھیا اے، اُوہناں تے وی اینج ای شیطان پھندا پھینکدا اے۔ ہاجرہ وانگوں، اُو نوجوان لڑکی جیہڑی سارائی دی لونڈی سی، تُسی وی اُوہناں لوکاں دی جیہڑے اپنے آپ نوں مسیحی کہندے نے ناھم آہنگیاں تے بداعمالیاں ویکھو گے۔ ہاجرہ نے ابرام تے سارائی دا گناہ ویکھیا سی۔ جیس نے ضرور اُوہنوں بُری طرح اُلجھن وِچ سُٹ دِتا سی۔

تیرہ ورے دی نوعمری وِچ جدوں میں کیلیفورنیا وِچ ہونٹینگٹن پارک دے پہلے بپتسمہ دین آلے گرجا گھر وِچ لیہیا گیا سی، تے میں اینج دے کہلائے جان آلے مسیحیاں نوں آپس وِث ناخوشگوار کام کردے ہوئے ویکھیا سی، تے میں اینج دے کہلائے جان االے مسیحیاں نوں آپس وِچ ناخوشگوار کام کردے ہوئے ویکھیا سی۔ میں ہولناک منقسم گرجا گھر دے درمیان وِچ دھکیلا گیا سی۔ میں نے گرجا گھر دے ارکان نوں اِک دوجے تے لعن طعن کردے ہوئے ویکھیا تے ایتھوں تیکر کہ اِتوار دی سویرے دی عبادت دے دوران اِک دوجے تے حمدوثنا دی کتاباں سٹدے ہوئے ویکھیا سی! تقریباً میری عمر دے سارے نوجوان لوکاں نے کُج عرصے دے بعد اِکٹھے ای گرجا گھر جانا چھڈ دِتا۔ میں کیوں گرجا گھر وِچ رُک گیا؟ میں صرف ایہہ ای کہہ سکنا آں کہ میں رُکا کیوں جے خداوند دا ناقابلِ مزحمت فضل سی! جی ہاں، خداوند د ناقابلِ مزحمت فضل! بائبل کہندی اے،

’’کیوں جے تہانوں ایمان دے وسیلہ توں فضل ای نال نجات ملی اے؛ تے ایہہ تہاڈی کوششاں دا نتیجہ نہئیں: بلکہ خدا دی بخشش اے‘‘ (افسیوں 2: 8).

جدوں می ںوعمری وِچ سی، تے بے شمار بپتسمہ شدہ جِنہاں نوں میں جانندا سی اُوہناں نے میہنوں پریشان کرن دے لئی تے میہنوں مسیحی بنن توں روکن دے لئی تقریباً ہر اُو انسانی عمل کیتا جیہڑا ممکن سی! میں حیران ہونا آں کہ ایس بپتسمہ دین آلے گرجا گھر وِچ بے شمار ہولناک شیواں ویکھن دے بعد وی میں کدی بچا لیہیا گیا سی، ’’حیرت انگیز فضل!‘‘ آؤ ایہنوں گائیے!

حیرت انگیز فضل! کیس قدر میٹھی واج
جیس نے میرے وگرے تباہ حال نوں بچایا!
میں جیہڑا کدی گواچ گیا سی، لیکن ہُن لبھ گیا آں،
انّہا سی لیکن ہُن ویکھنا آں
(’’حیرت انگیز فضل‘‘ شاعر جان نیوٹن، 1725۔1807).

ہاجرہ ای وانگوں، میں بالکل خدا دے فضل نال بچا لیہیا گیا سی، باوجود ایس دے کہ میں اُوس گرجا گھر وِچ اُوہناں بے شمار لوکاں دی جیہڑے اپنے آپ نوں ’’مسیحی‘‘ کہلاندے سن [اُوہناں دیاں] بداعمالیاں تے حد توں ڈگی ہوئیاں کمینگیاں دا گواہ سی!

ایس دے علاوہ کُج ہُور وی اے جیہڑا میں کدی کہنا چاہنا آں۔ ہاجرہ دا معاملہ غیر معمولی نہئیں سی۔ نا ای میرا سی۔ اَج سویرے ایتھے موجود ہر سچا مسیحی اسی قسم دے تجربات توں لنہگ چکیا اے۔ اَج سویرے ایتھے موجود ہر حقیقی مسیحی ناقابلِ مذحمت فضل توں بچا لیہیا گیا سی، باوجود ایس دے کہ اُو دوجے گرجا گھراں دے ارکان دے گناہ تے بداعمالیاں دے گواہ نے۔ ایہناں وِچوں کوئی اِک وی نہئیں اے جِنہاں نوں میں جاننا آں جیہڑے اُوہناں جھوٹے مسیحیاں دی بدکاریاں دے جہنمی راستے نوں ویکھن نا بخشا گیا ہووے! لیکن میں تجربے توں جاننا آں، کہ جے تُسی اُوس اَگ توں لنگہوں گے تے خالص ہو جاؤ گے۔ تُسی خالص سونا بن کے ابھرو گے! اِک پرانی حمد وِچ اے،

جدوں تہاڈا راستہ گرم (جہنمی) گزرگاہ توں ہووے گا،
میرا فضل ای تہاڈے ودھن دے لئی کافی ہووے گا،
تے شعلے تہانوں تکلیف نہئیں دین گے؛ میری ایہو ای منشا اے
تہاڈی میل نوں ختم کر دیاں، تے تہاڈے سونے نوں خالص بنا دیاں۔
(’’اِک بنیاد کیہنی مضبوط اے،‘‘ مصنف انجان،
’’K‘‘ موجود اے ’’رپین دی چنیدہ حمدوثناواں وِچ،‘‘ 1787)۔

ماں پیو تہانوں روک نہئیں سکدے! دوست تہانوں نہئیں روک سکدے! جھوٹے مسیحی جدوں اُو گرجا گھر چھڈدے نے تے اُو تہانوں روک نہئیں سکدے۔ اُو تہانوں نہئیں روک سکدے! اُوتھے ہولناک راستے نے، لیکن اُو تہانوں نہئیں روک سکدے۔ جے خداوند دا ناقابلِ مزحمت فضل تہانوں مسیح وَل کھینچ رہیا اے – فیر اُوہدے کول آن توں تہانوں کوئی نہئیں روک سکدا! ہیلیلویاہ! ہیلیلویاہ! جے تُسی ناقابلِ مزاحمت کھینچے گئے اُو، تُسی مسیح نوں پا لؤو گے – ایہدے نال کوئی فرق نہئیں پیہندا کہ اُو تہانوں نال کی کرن گے! ’’حیرت انگیز فضل۔‘‘ فیر توں گاؤ!

حیرت انگیز فضل! کیس قدر میٹھی واج
جیس نے میرے وگرے تباہ حال نوں بچایا!
میں جیہڑا کدی گواچ گیا سی، لیکن ہُن لبھ گیا آں،
انّہا سی لیکن ہُن ویکھنا آں

II۔ دوجی گل، ہاجرہ نے پہلی وری خدا دا تجربہ کیتا سی۔

ہُن سارائی نے ہاجرہ دے نال مذید ہولناک حرکت کیتی۔ سارائی ہاجرہ دے نال سختی نال پیش آن لگی، ’’اُو اُوہدے کولوں دی نٹھ گئی‘‘ (پیدائش16: 6)۔ ہُن ہاجرہ اکیلی سی، حاملہ، صحرا وِچ، بیاباناں وِچ، جیتھے اُو پھوک تے پیاس نال مر جائے گی۔ اُوتھے تنہائی وِچ اُوس خشک صحرا وِچ۔ میں ڈاکٹر میگی Dr. McGee دے نال متفق آں ’’کہ خداوند دا فرشتہ اُوہدے کول آیا جیہڑا ہُور کوئی نہئیں [سی] بلکہ قبل ازیں متجسم مسیح سی۔ ایہہ ای یسوع دی خصوصیت اے: اُو ہمیشہ گواچے ہوئیاں دی تلاش وِچ رہندا اے‘‘ (جے۔ ورنن میگی، ٹی ایچ، ڈی۔، تُھرو دی بائبل Thru the Bible، تھامس نیلسن اشاعت خانہ، 1981، جلد اوّل، صفحہ 71).

مسیح نے ہاجرہ نوں کہیا کہ واپس لوٹ جا ’’تے اپنے آپ نوں اُوہدے سپرد کر دے‘‘ (پیدائش 16: 9). مہربانی نال پیدائش 16: 13۔14 حوالہ کھولو۔ کِھلو جاؤ تے ایہہ دوویں آیتاں اُوچی واج نال پڑھو۔

’’تے جیس خداوند نے ہاجرہ نال گلاں کیتیاں، اُوہدا ناں اُوہنے اتا ایل روئی رکھیا یعنی ’’توں بصیر خدا اے‘‘ کیوں جے اُوہنے کہیا کہ میں وی ایتھے اُوس بصیر نوں ویکھنا آں۔ ایس ای لئی اُوس کنویں دا ناں بیرلحی روئی (خدائے حی و بصیر دا کنواں) پیہیا۔ اپو قادِس تے بیِرد دے وِچکار واقع اے‘‘ (پیدائش 16: 13۔14).

تُسی تشریف رکھ سکدے اُو۔ ہاجرہ نے جیتھے اُو سی اُوس کنویں دا ناں ’’بیِرلحی روئی‘‘ رکھیا۔ عبرانی وِچ ایہدا مطلب اے، ’’اُوس [خدا] دا کنواں جیہڑا زندہ اے تے میہنوں ویکھدا اے۔‘‘ تے ہاجرہ نے کہیا، ’’اے خداوند توں میہنوں ویکھیا۔‘‘ اُوہنے کہیا، میں ہُن اُوہنوں ویکھ چکی آں جیہڑا میہنوں ویکھدا اے۔

ہاجرہ نے ابرام نوں خداوند دے حضور مذہبی دعاواں تے قربانیاں چڑھاندے ہوئے ویکھیا سی۔ اُوہنے ابرام تے سارائی نوں خدا نال دعا کردے سُنیا سی۔ لیکن اُوہنے کدی خود نال خدا دا تجربہ نہئیں کیتا سی۔ ہُن پہلی وری خدا اُوہدے لئی حقیقی ہستی بنیا سی۔ اُو سی ’’اُو جیس نے میہنوں ویکھیا۔‘‘

ساڈے مناد، ڈٓاکٹر کیگن، اپنی ساری حیاتی مُلحد رئے سن۔ اُوہناں نے کہیا، ’’میں خدا دے وجود تے یقین نہئیں رکھدا سی۔ حالانکہ میں کدی بائبل دا مطالعہ وی نہئیں کیتا سی لیکن میہنوں پکا یقین سی کہ ایہہ غلطیاں نال بھری پیہئی ہووے گی۔ میں سوچدا سی کہ مسیحیت ایہناں جاہل لوکاں دے لئی اے جِنہاں نوں کسی وی شے وِچ یقین کرن دی لوڑ سی۔ جدوں میں اکیس وریاں دا سی میں کُج مبشرانِ انجیل نال مِلیا سی۔ اُو میرے نال بوہتے چنگے سن، لیکن میں یسوع تے یقین کرن توں انکار کر دِتا سی۔ میرے اپنے منصوبے سن۔ میں نہئیں چاہندا سی کہا اُو [یسوع] میرے مستقبل وِچ مداخلت کرے۔ لیکن میں ہُن روحانی گلاں دے بارے وِچ سوچدا رہندا سی۔ اُوسی ویلے دے دوران میں اپنے اِک بیلی نوں کیہیا، ’’جے خدا ناں دی کوئی شے اے، تے اُوہنوں ایس دُنیا دی سب توں قیمتی شے ہونا چائیدا سی‘… فیر 1947 دے موسمِ خزاں وِچ میہنوں اچانک براہ راست خدا دا تجربہ ہو گیا… [خدا وَل] مُنہ موڑن دا موقع اِک سویرے 4:00 بجے آیا سی جدوں میں پکار اُٹھیا سی، ’خدایا میہنوں معاف کر دے۔‘ ایہہ پہلا موقع سی کہ میں اپنی حیاتی وِچ کدی دعا منگی سی… میہنوں اچانک، کدرے دِل دی گہرائی وِچ احساس ہویا کہ خدا حقیقتاً سی… لیکن میں ہُنے تیکر مسیحی نہئیں ہویا سی۔ خدا دے نال میرا جیہڑا تجربہ سی میرے لئی بہوتا حقیقی سی، لیکن میں یسوع مسیح تے یقین کرن دے لئی ہُنے تیکر تیار نہئیں ہویا سی۔ میں اپنے آپ نوں [یسوع] دے حوالے کرن دے لئی تیار نہئیں سی۔ میں دو وریاں تیکر اپنے باطن وِچ خیالات دے نال مسیح دے بارے چہ لڑدا رہیا سی‘‘ (سی۔ ایل۔ کیگن، پی ایچ۔ ڈی۔، فرام ڈاروِن ٹو ڈیزائن From Darwin to Design، وائٹیکر ہاؤس، 2006، صفحہ 17).

میہنوں اَج وی اُو لمحہ یاد اے جدوں پہلی وری خداوند دہشت ناک طور تے میرے لئی حقیقی ہویا سی۔ میں پہلاں ای خدا تے یقین کر چکیا سی، لیکن میہنوں اُو ویلہ یاد اے جدوں میں پاک کلام دے مقدس خدا نال دہشت زدہ ہو گیا تھا۔ میں پندرہ وریاں دا سی۔ میں اتھروواں دے نال زمین تے ڈِگ گیا سی تے خداوند میرے اُتے کسی وزن وانگوں آ گیا سی، میہنوں دبا رہیا سی تے دبا رہیا سی، تے مینہوں میرے گناہ دے لئی دبا رہیا سی۔ میں اُوتھے ای رہیا، گھنٹوں کدرے دور، کُج درختاں دے ہیٹاں۔ لیکن، ڈاکٹر کیگن وانگوں، میں کئی وریاں بعد تیکر وی مسیحی نہئیں ہویا سی۔ ایہناں وریاں دے دوران زیادہ تر ویلہ میں گناہ دے بھاری پچھتاوے دے تحت رہیا، لیکن میں بچایا نہئیں گیا سی۔

ہاجرہ دا معاملہ وی اینج دا ای سی۔ اُو ہُن اپنے دِل دے نال کہہ سکدی سی، ’’خدا نے میہنوں ویکھیا۔‘‘ خداوند اُوہدی حیاتی وِچ پہلی وری اُوہدے لئی حقیقی ہویا سی، لیکن اُو ہُنے تیکر بچائی نہئیں گئی سی۔ ’’حیرت انگیز فضل۔‘‘ ایہنوں گاؤ!

بُہتیرے لوکی خدا وِچ بغیر کسی حقیقی یقین دے، گرجا گھر وِچ قبول کر لیے جاندے نے۔ اُو صرف لوکاں نوں ویکھدے نے۔ اُو کدی محسوس نہئیں کردے کہ خدا اُوہناں نوں ویکھ رہیا اے۔

کی تُسی کدی خداوند دی حیران کُن موجودگی نوں محسوس کیتا اے؟ کی تُسی جانندے اُو کہ اُو تہانوں ویکھدا اے؟ بہوتے گھٹ لوکی بے یقینی توں نکل کے حقیقی مسیحیت وِچ چھلانگ لنگہاندے نے جدوں تیکر کہ پہلاں اُو اپنے دِلاں وِچ جان نہ لین کہ واقعی اِک خدا اے جیہڑا اُوہناں نوں ویکھدا اے، تے اُوہناں دے گناہواں دا انصاف کردا اے، جِنہاں دے بارے وِچ اُو چنگی طرح جانندا اے – تفصیل دے نال – جیہڑے کہ اُوہدی انصاف دی کتاب وِچ درج نے۔ کی تُسی کدی اُوس مقدس خدا دی موجودگی نوں محسوس کیتا اے، جیہڑا تہاڈے گناہواں نوں جانندا اے، تے تہانوں اُوہناں دے لئی جہنم دی سزا سُنائے گا؟

ایس موقع تے، انسان محسوس کردا اے کہ ہاں خدا اے۔ تے اُو جانندے نے کہ خدا اُوہناں نوں ویکھدا اے – ویکھدا اے جدوں اُو گناہ کردے نے، اُوہناں دے دِلاں وِچ گناہ ویکھدا اے، اُوہناں دیاں گنہگار سوچاں تے بدکار دِلاں نوں ویکھدا اے، اُوہناں دے جھوٹ، تے دھوکے، تے بغاوت، تے سڑن، تے جنسی تسکین۔ اِک کُڑی نے کہیا، ’’میں اپنے آپ نال کراہت کرنی آں۔‘‘ تہانوں وی کج محسوس ہووے گا جدوں تُسی احساس کرو، ’’خدا میہنوں ویکھدا اے۔‘‘ ایہہ بوہتا شرمناک ہوندا اے جدوں خدا ہر اُو گناہ جیہڑا تہاڈے کولوں کدی سرزد ہویا ہوندا اے ویکھدا اے! فیر وی، جدوں تیکر تُسی اپنے گناہ دا بوجھ مقدس خدا دی نظراں وِچ محسوس نہئیں کردے، تہانوں کدی وی اپنے لئی خداوند یسوع مسیح لوڑ محسوس نہئیں ہووے گی۔ تہانوں کدی وی یسوع دے گناہواں نوں پاک صاف کرن آلے لہو دی اپنے لئی لوڑ محسوس نہئیں ہوئے گی جدوں تیکر کہ تُسی محسوس نہ کرو، ’’خدا میہنوں ویکھدا اے۔‘‘ ’ایہہ فضل سی جیس نے میرے دِل نوں خوف سیکھایا۔‘‘ ایہنوں گاؤ!

ایہہ فضل سی جیس نے میرے دِل نوں خوف سیکھایا،
تے فضل ای نے میرے خوفاں نوں نجات دِتی؛
ایہہ فضل کیس قدر قیمتی لگدا اے
جیس گھنٹے میں پہلی وری یقین کیتا سی!

III۔ تیجی گل، ہاجرہ دی اَکھاں کُھل گئیاں سن تے اُوہنے کنویوں توں پانی پیتا۔

مہربانی نال پیدائش21 باب کھولو۔ ویکھو۔ سارائی دوجی وری ہاجرہ نوں صحرائی بیاباناں وِچ نکال دیندی اے۔ ہُن خوراک تے پانی سب ختم ہو چکے سن۔ ہاجرہ نے خدا کولوں دعا منگی کہ اُوہدے بچے دی حیاتی بخش دیوے۔ اُو خاصی مایوس سی۔ لیکن مسیح فیر توں اُوہدے کول آیا۔ اُوچی واج نال آیات 15۔19 پڑھو۔

’’جدوں مُشک دا پانی مُک گیا، تے اُوہنے لڑکے نوں اِک جھاڑی دے سائے وِچ چھڈیا تےخود اُودھروں تقریباً سو گز دے فاصلے تے دور جا کے اُوہدے سامنے بیٹھ گئی تے سوچن لگی کہ میں ایس بچے نوں مردے ہوئے کینج ویکھاں گی؟ تے اُو اُوتھے نیڑے بیٹھی ہوئی زار زر رون لگی۔ خدا نے لڑکے دی رون دی واج سُنی تے خدا دے فرشتہ نے آسمان توں ہاجرہ نوں پکارا تے اُوہنے کہیا: اے ہاجرہ! تیہنوں کیا ہویا؟ خوف نہ کر! خدا نے اُوس تھاں توں جیتھے لڑکا پیہیا اے‘ اُوہدی واج سُن لئی اے۔ لڑکے نوں چُک لے تے اُوہدا ہتھ تھام کیوں جے میں اُوہدے توں اِک وڈی قوم پیدا کراں گا۔ اُودھوں خدا نے ہاجرہ دی اَکھاں کھولیاں تے اُوہنے اِک پانی دا کنواں ویکھیا۔ چنانچہ اُو گئی تے اِک مُشک بھر کے لے آئی تے لڑکے نوں پانی پلایا‘‘ (پیدائش21: 15۔19) .

ہائے، ایہہ خداوند دا فضل سی جیس نے اُوہنوں کھینچا، بجائے ایس کے کہ اُو ابرام تے سارائی دی خوفناک گواہ ہوندی۔ ہائے، ایہہ خداوند دا فضل سی جیس نے اُوہنوں ایہہ محسوس کروایا کہ ’’خدا میہنوں ویکھدا اے۔‘‘ تے ہُن ایہہ خدا دا فضل سی جیہڑا اُوہنوں تنہا بیاباناں وِچ لے آیا سی، ’’تے مُشک وِچ پانی مُک گیا … تے اُو بیٹھی … تے زار زار رون لگی‘‘ (پیدائش21: 15۔16)۔ کی تہاڈے وِچوں کوئی اَج سویرے ایس حالت وِچ سی؟ کی تہاڈی بوتل وِچوں پانی مُک گیا سی؟ کی تہاڈی نجات دیاں اُمیداں خشک ہو گئیاں نے؟ کی تُسی ایس دُنیا دے بیاباناں وِچ خود نوں تنہا محسوس کردے اُو؟ کی تُسی اپنے گناہواں تے مایوسی دی حالت تے زار و قطار روئے اُو؟ کی تُسی اُوس ویلے تیکر روئے اُو جدوں تیکر اتھرو خشک نہ ہو گئے؟ کی اَج سویرے تہاڈی گواچی ہوئی حالت تے تہاڈا دِل رویا اے؟ کی تُسی ایہناں وِچوں کسی دا تجربہ کیتا اے؟ اگر ایہدے وِچ تھوڑا بوہتا وی سچ اے، فیر شاید تہاڈے لئی اُمید اے!

مسیح ہاجرہ دے کول اُوہدی مصیبت وِچ آیا سی، جدوں اُو روئی۔ ’’تے خدا نے اُوہدیاں اَکھاں کھو دِتیاں، تے اُوہنے پانی دا اِک کنواں ویکھیا، تے اُو گئی، تے پانی توں مُشک بھریا…‘‘ (پیدائش21: 19)۔ بچے نے [پانی] پیتا، تے ہاجرہ نے پیتا – تے اُو زندہ رئے!

مسیح حیاتی دا پانی اے۔ مسیح نے کہیا، ’’جے کوئی پیاسا اے تے اُو میرے کول آئے، تے پیئے،‘‘ (یوحنا7: 37)۔ ہائے، یسوع دے کول آؤ تے ’’آبِ حیات مفت حاصل کر لو‘‘ (مکاشفہ22: 17)۔ ہاجرہ دی پیاس تے تبلیغ کردے ہوئے، سپرجئین نے کہیا،

تُسی جانندے اُو کہ آبِ حیات خواہش دے قابل اے؛ تُسی ایس توں زیادہ جانندے اُو؛ تُسی اُوہنوں پینے دی اِک باطنی خواہش دے نال پیاس رکھدے اُو۔ تہاڈی روح ہُن اِک ایہو جئی حالت وِچ اے کہ جے تُسی یسوع نوں پا نہ سکے، تے تُسی اُوہدے بغیر کدی وی خوش نہ رہوو گے… تہاڈی مسلسل پکار اے، ’’میہنوں مسیح چاہیے! میہنوں مسیح چاہیے، ورنہ میں مر جاواں گا!‘‘ …
میہنوں اُمید اے کہ تہاڈے وِچوں کُج ایہو جئے نے جیہڑے بغیر جانے نجات دے دہانے تے نے۔ تہاڈے وِچ کافی تیاری دا کام ہو چکیا اے، کیوں جے تُسی لیہیائے گئے اُو [اُوس] نجات دہندہ نوں چاہن دے لئی، تہاڈی [خواہش] اُوہدے ذریعے توں بچائے جان دے لئی۔ اُو اُوتھے اے، اُوہنوں حاصل کر لو! اُوہنوں حاصل کر لو! پانی دا پیالا تہاڈے سامنے رکھیا اے! ایہدے وِچوں دی پی لو! … فوراً ایس وِچوں پی لؤ۔ یسوع دے کول جیہو جئے تُسی ہو اینج ای آؤ۔ (سی۔ ایچ۔ سپرجئین، ’’ہاجرہ: اَکھاں کُھلیاں سن،‘‘ میٹروپولیٹن دی عبادت گاہ دی واعظ گاہ توں، مارچ 18، 1866، بائبل دی عورتاں تے واعظ Sermons on Women of the Bible وِچوں، ہنڈرِیکسن اشاعت خانہ، این۔ڈی۔، صفحات 32،33).

ہاجرہ نے پانی دا کنواں پہلاں کیوں نہئیں ویکھیا سی؟ ڈاکٹر جان گِل (1697۔1771) نے کہیا، ہو سکدا اے کہ رو رو کہ اُوہدیاں اَکھاں سوچ گئیاں ہون۔ خدا نوں اُو اُوہدے لئی کھولنی پیہیاں کہ اُوس کنویں نوں ویکھ سکے جیہڑا بالکل اُوہدے سامنے سی! تہاڈے نال اینج دا معاملہ ہو سکدا اے؟ اینج ہو سکدا اے کہ تُسی ایس قدر روئے ہوو کہ تہاڈے دِل دیاں اَکھاں سوج کر بند ہو گئیاں ہون؟ معاملہ کُج وی رہیا ہووے، حوالہ سانوں دسدا اے، ’’ خدا نے اُوہدیاں اَکھاں کھولیاں، تے اُوہنے پانی دا اِک کنواں ویکھیا‘‘ (پیدائش 21: 19 ). ہائے، کاش بیش قیمت روح القدوس اَج سویرے ایمان دے نال یسوع نوں ویکھن دے لئی تہاڈی اَکھاں کھولے۔ مسیح نے کہیا، ’’جے کوئی پیاسا اے تے میرے کول آئے، تے پیئے،‘‘ (یوحنا 7: 37).

یَنگ جان وائٹ فیلڈ Young John Whitefield (1714۔1770) نے نجات پان دے لئی ہر ممکن کوشش کیتی۔ آخر کار بیچارے وائٹ فیلڈ نے اپنے آپ نوں بستر دے سُٹیا تے پکار اُٹھیا، ’’میں پیاسا آں! میں پیاسا آں!‘‘ تقریباً فوراً یسوع اُوہناں دے کول آیا تے اُوہناں دی پیاسی روح دی پیاس بجھائی، تے اُوہناں نے نجات پا لئی سی! مہربانی نال اپنے گیتاں دے ورق توں حمدوثنا دا گیت نمبر سات کھولو۔ ایہنوں گاؤ!

ہائے! ہر کوئی جیہڑا روح دا پیاسا اے،
     ہائے! ہر کوئی جیہڑا اُداس تے خستہ حال اے،
چشمے دے کول آئے، اُو یسوع توں بھرپور اے،
     تے اُو جیس دی تہانوں چاہت اے، آؤ تے خوش ہو جاؤ۔
جیہڑا پیاسا اے میں اُوہنوں پانی پلاواں گا،
     میں بنجر زمین تے سیلاب اُنڈیلاں گا؛
ایس تحفے دے لئی اپنی دِل کھولو جیہڑا میں لیہیا رہیا آں،
     جدوں تیکر [تُسی] میری تلاش کر رئے اُو، میں پا لیہیا جاواں گا۔

دُنیا دے بچے، کی تُسی قید توں تھک گئے اُو؟
     زمینی خوشیاں دی خستہ حالی توں جیہڑیاں کیہنی جھوتی تے غلط نے؛
[مسیح] دے لئی پیاس دی تڑپ، تے یسوع دی برکت دی بھرپوری؟
     وعدے دے نال جُڑ جاؤ – تہاڈے لئی اِک پیغام۔
جیہڑا پیاسا اے میں اُوہنوں پانی پلاواں گا،
     میں بنجر زمین تے سیلاب اُنڈیلاں گا؛
ایس تحفے دے لئی اپنی دِل کھولو جیہڑا میں لیہیا رہیا آں،
     جدوں تیکر [تُسی] میری تلاش کر رئے اُو، میں پا لیہیا جاواں گا۔
(’’ہائے! ہر کوئی جیہڑا پیاسا اے Ho! Every One That is Thirsty‘‘ شاعر لوسی جے۔ رائیڈر، 1849۔1922؛ پادری نے ترمیم کیتی).

یسوع نے کہیا، ’’جے کوئی پیاسا اے تے میرے کول آئے، تے پیئے،‘‘ (یوحنا 7: 37). ہائے، صرف سادہ ایمان دے نال یسوع دے کول آؤ تے ’’آبِ حیات دا پانی مفت لو‘‘ (مکاشفہ 22: 17). یسوع سولی تے قربان ہو گیا تاکہ ساڈے گناہواں دا کفارہ ادا کرے۔ اُو مُردیاں وِچوں جی اُٹھیا تے واپس آسمان چہ چلا گیا۔ اُو اُوتھے اے تہانوں نجات دلان دے لئی۔ یسوع نے کیہیا، ’’جے کوئی پیاسا اے، اُوہنوں میرے کول آن دیو۔‘‘ کی تُسی اُوہدے کول آؤ گے؟ میں دعا منگنا آں کہ اَج سویرے خداوند تہانوں اینج کرن دے لئی فضل دے۔ ’’دُنیا دا بچہ‘‘ ایہنوں دوبارہ گاؤ!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔