ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر اے۔ بی۔ سمپسن Dr. A. B. Simpson (1843۔1919) نے کہیا کہ ’’ابراھام دا ایمان ... بلاشبہ سارے زمانیاں لئی اک نمونہ اے۔ رومیوں4: 11‘‘ (اے۔ بی۔ سمپسن، ڈی۔ڈی۔، بائبل دے تبصرے وِچ مسیح The Christ in the Bible Commentary: وِنگ سپریڈ پبلیشرز Wing Spread Publishers، دوبارہ اشاعت2009، صفحہ78)۔

ایس نقطے تے میں ڈاکٹر سمپسن دے نال اِتفاق کرنا آں۔ ابراھام ’’ایمان دا سارے زمانیاں دے لئی نمونہ [مثال دی سب توں اہم قسم] اے۔‘‘ پولوس رسول نے اُوہناں دے بارے چہ دسیا اے ’’جیہڑے ساڈے باپ ابراھام دے اُوس ایمان دی پیروی کردے نے‘‘ (رومیوں4: 12)۔ ایہہ ای اَج دی راتی میرا موضوع اے۔ ’’ابراہام – حقیقی تبدیلی دی اِک تشبیہ۔‘‘ ’’ایمان دی پیروی‘‘ توں میری مُراد اُو ہے جیہڑا سپرجئین نے کہیا سی، ’’اَسی درجہ بندیاں توں ایمان دے لئی آنے آں… عموماً اَسی ایمان تیکر مراحل وِچ پہنچنے آں‘‘ (سی۔ ایچ۔ سپرجئین، ذیلی دروازے دے اِردگرد Around the Wicket Gate، پلگرم اشاعت خانے Pilgrim Publications، دوبارہ اشاعت 1992، صفحہ 57)۔

ایس واعظ وِچ پیدائش وِچوں میں تِین اہم تلاوتاں پیش کراں گا جیہڑیاں عظیم بزرگ ابراہام دی حقیقی تبدیلی نوں ظاہر کردیاں نے۔

I۔ پہلی گل، ابراھام دی بُلاہٹ۔

مہربانی نال، پہلی تلاوت فیر توں کھولو، تے ایہنوں اُوچی واج نال پڑھو،

’’ہُن خداوند نے ابرام نوں کہیا: توں اپنے وطن اپنے لوکاں تے اپنے پیو دے گھر توں باہر نکل تے اُوس مُلک وِچ ٹر جا جیہڑا میں تیہنوں وکھاواں گا‘‘ (پیدائش 12: 1).

خدا نے ابراہام نوں بُلایا ’’جدوں اُو حاران وِچ مقیم ہون توں پہلان میسوپتامیہ وِچ رہندا سی، خدا نے اُوہنوں کہیا، اپنے وطن تے رشتہ داراں نوں چھڈ کے اُوس مُلک وِچ جا کے رہ جیہڑا میں تیہنوں وکھاواں گا‘‘ (اعمال7: 2۔3)۔

خدا نے ابرام نوں تے اُور دے کسدیاں دی کافرانہ بُت پرستی دی تاریکی وِچوں باہر بُلایا سی۔ لیکن ابرام نے خد دی مکمل فرمانبرداری نہئیں کیتی سی۔ پیدائش12: 1 کہندی اے، ’’ہُن خداوند نے ابرام نوں کہیا سی: توں اپنے وطن اپنے لوکاں تے اپنے پیو دے گھر توں روانہ ہو تے اُوس مُلک وِچ چلا جا…‘‘ (پیدائش12: 1)۔ ایہدے بجائے، ابرام نے صرف جزوی طور تے خدا دی فرمانبرداری کیتی سی۔ اُوہنے اُور نوں چھڈ دِتا سی، لیکن اُوہنے اپنے بُتاں دی پرستش کرن آلے پیو نوں نہئیں چھڈیا سی۔ ایس دے بجائے اُوہنے تاراح تے اپنے بھتیجے لوط نوں اپنے نال لیہیا۔ تے کنعان جان دے بجائے، اُو حاران وِچ رُک گیا، تے اُوتھے ای ٹھہرایا رہیا جدوں تیکرکہ اُوہدا باپ فوت نہئیں ہو گیا (ویکھو پیدائش11: 31، 32)۔ آرتھر ڈبلیو۔ پنک Arthur W. Pink نے کہیا، ’’ابرام دی بُلاہٹ سانوں ایمان دی حیاتی دا نقطۂ آغاز وکھاندی اے۔ پہلی ضرورت دُنیا توں علیحدگی اے… ابرام دا کوئی ہُور اِلہٰام ملن دا اندراج نہئیں لبھدا جدوں تیکر کہ [خدا دی] بُلاہٹ کام طور تے پوری نہئیں کیتی گئی… ایہہ اُوس ویلے تیکر نہئیں ہوندا جدوں تیکر کہ ایس دُنیا توں جیس دی خدا دے نال رفاقت [مسیح دے وسیلے توں] ممکن اے حقیقی تبدیلی نہئیں ہوندی اے‘‘ (آرتھر ڈبلیو۔ پنک، پیدائش وِچ ثمرپانا Gleanings in Genesis، موڈی پریس، اشاعت 1981، صفحات 141، 143، 144).

اَج ایہہ ساڈے واسطے کیہو جئی اِک چنگی مثال اے! ہجرت کرن آلیاں دی ترقی Pilgrim’s Progress وِچ جان بنیعن John Bunyan نے نجات نہ پائے ہوئے اِک بندے دے بارے چہ دسیا جیس نون اُونج ای بُلایا گیا سی جیویں کہ ابرام نوں بُلایا گیا سی، لیکن اُوہنوں مسیح وِچ نجات پان دے لئی اپنی ہجرت دے سفر وِچ ’’تباہی دا شہر‘‘ چھڈنا پیہندا سی، تے خود اپنے خاندان نوں چھڈنا پیہندا سی۔

خدا نے ’’تہانوں تاریکی وِچ باہر اپنی شاندار پُرنور روشنی وِچ بُلایا‘‘ اے (1 پطرس2: 9)۔ ’’جیہڑا کوئی دُںیا دا بیلی چاہندا اے اُو اپنے آپ نوں خدا دا دشمن بناندا اے‘‘ (یعقوب4: 4)۔ اُوہناں وِچوں نکل کے الگ رہوو تے جیہڑی شے ناپاک اے اُوہنوں مت چھوؤ، فیر میں تہانوں قبول کراں گا۔ میں تہاڈا باپ ہوواں گا، تے تُسی میرے بیٹے بیٹیاں ہوو گے، ایہہ قول خداوند قادرِ مطلق دا اے‘‘ (2 کرنتھیوں17۔18)۔ ایہدا بِلاشبہ مطلب ایہہ نہئیں اے کہ خانقاہ وِچ شمولیت کر لئی جائے، یا کسی قسم دی وی دُنیا نال کوئی رابطہ نہ رکھیا جائے۔ یسوع نے کہیا،

’’میری دعا ایہہ نہئیں کہ تُوں اُیہناں نوں دُنیا توں چُک لئے بلکہ ایہہ اے کہ اُوہناں نوں شیطان توں محفوظ رکھ‘‘ (یوحنا 17: 15).

بہوتی وری اَسی نوجوان لولاں نوں اَگے پِیچھے وَل تذبذب دا شکار ویکھنے آں، جیویں کہ ابرام سی۔ اُو دو دنیاواں وِچ رہنا چاہندے نے، ہفتے دے دوران گواچے تے گمراہ ہوئے بیلیاں دے گروہ دے نال، تے ہفتے دے چُھٹی دے دِناں وِچ مسیحی بیلیاں دے گروہ دے نال فیر اُو حیران ہوندے نے کہ اُو کیوں مسیح وِچ نجات نہئیں پا سکے! ایس دی وجہ انتہائی سادہ اے۔ اُوہناں نوں فینی کراسبی Fanny Crosby (1820۔1915) دے نال کہنا چائیدا اے، ’’دُںیا لے لے، لیکن یسوع میہنوں دے دے۔‘‘ ایہنوں گاؤ!

دُںیا لے لے، لیکن یسوع میہنوں دے دے،
     اُوہدی ساریاں خوشیاں ماسوائے اِک ناں دے کُج وی نہئیں نے؛
لیکن اُوہدا پیار ہمیشہ دے لئی قائم اے،
     دائمی وریاں دے دوران وی یکساں …
(’’دُںیا لے لے، لیکن یسوع میہنوں دے دے Take the World, But Give Me Jesus‘‘
شاعر فینی کراسبی Fanny Crosby، 1820۔1915)۔

تہاڈا رویہ ایہو ای ہونا چائیدا اے، ’’دُںیا لے لے، لیکن یسوع میہنوں دے دے،‘‘ ورنہ تُسی کدی وی مسیح وِچ ایمان لیہیا کے تبدیل نہئیں ہو پاؤ گے!

یسوع نے کیہیا، ’’بُلائے ہوئے تے بہوتے نے لیکن چُنے ہوئے گھٹ نے‘‘ (متی22: 14)۔ صرف اُو ای جیہڑے مؤثر طریقے نال بُلائے جاندے نے، جیویں کہ ابرام سی، ’’تُسی اِک چُنی ہوئی نسل، اِک شاہی کاہناں دی جماعت، مقدس قوم تے ایہو جئی اُمت ہو جیہڑی خدا دی خاص ملکیت اے تاکہ تہاڈے ذریعے اُوہدی خوبیاں ظاہر ہون جیس نے انہیرے توں تہانوں اپنی عجیب روشنی وِچ بُلایا اے‘‘ (1 پطرس2: 9)۔ ’’بُہتیریاں‘‘ دے لئی خدا دی بُلاہٹ نال کاناں تے جُوں تیکر نہئیں رینگدی۔ ’’بُلائے ہوئے تے بہتیرے نے لیکن چُنے ہوئے بہوتے گھٹ نے‘‘ (22: 14)۔ جیویں کہ اے ڈبلیو پنک A. W. Pink نے ایہنوں پیش کیتا، ’’ابرام نوں خدا وَلوں مذید ہُور کوئی ہُور اِلہٰام ملن دا کوئی اندراج نہئیں اے جدوں تیکر کہ اُوہدی بُلاہٹ وِچ مکمل طور تے فرمانبرداری نہئیں آ گئی‘‘ (پنک، ibid.، صفحہ 143)۔

II۔ دوجی گل، ابراھام دی راستبازی۔

مہربانی نال، پیدائش15: 6 وِچ ساڈی تلاوت نوں کھولو۔ آؤ کِھلو جائیے تے ایہنوں اُوچی واج نے پڑھیے،

’’ابرام خداوند تے ایمان لیہایا تے اُوہنے ایہنوں ابرام دے حق وِچ راستبازی شمار کیتا‘‘ (پیدائش 15: 6).

تُسی تشریف رکھ سکدے اُو۔ میں ایس چھوٹے جیہئے واعظ وِچ ایہنا ویلہ نہئیں لے سکدا کہ تہانوں ابراھام دی حیاتی دی ساری تفصیلات پیش کراں۔ میں پیدائش وِچوں صرف تین اہم آیتاں نوں چُک رہیا آں، تاکہ ’’تہاڈے باپ ابراھام دے ایمان دی اُوس پیروی‘‘ نون ظاہر کراں (رومیوں4: 12)۔

ایتھے، پیدائش15: 6 وِچ، اَسی اُوس لمحے تے آہنے آں جدوں ابراھام راستباز ٹھہرایا سی۔ ایہہ انتہائی شدید اہم آیت اے۔ ایس دا حوالہ نئے عہدنامہ وِچ تِین وری رومیوں4: 3 وِچ، گلِتیوں3: 6 تے یعقوب2: 23 وِچ پیش کیتا گیا اے۔

بہتیرے تبصرہ کہندے نے کہ ابرام آیت پنج وِچ وعدے تے یقین کرن نال راستباز ٹھہرایا گیا سی۔ لیکن ابرام نے پیدائش15: 6 وِچ بہوتی پہلاں ای خدا دی بُلاہٹ تے فرمانبرداری دے لئی اُوس وعدے تے کافی یقین کیتا سی، کیوں جے سانوں عبرانیوں 11: 8 وِچ دسیا گیا اے،

’’ایمان ای نال جدوں ابرہام بُلایا گیا تے اُو خدا دا حکم من کے اُوس تھاں چلا گیا جیہڑی بعد چہ اُوہنوں میراث تے طور تے مِلن آلی سی [حالانکہ اُو ہُنے تیکر بچایا نہئیں گیا سی]؛ حالانکہ اُو جانندا وی نہ سی کہ کیتھے جا رہیا اے‘‘ (عبرانیوں 11: 8).

لیکن پیدائش15: 6 وِچ سانوں کُج نیا دسیا گیا اے۔ ایس توں پہلاں، ابرام نے خداوند دی وجودگی تے یقین کیتا سی، تے ایتھے تیکر کہ اُوہنے ایمان دی مدھم روشنی وِچ جیہڑی اُوہدے کول سی، رُک رُک کے خداوند دی فرمانبرداری کیتی سی، جیس نوں سپرجئین نے ’’ایمان توں پہلاں ایمان‘‘ کہیا سی – یعنی کہ، کسی دے اصل وِچ تبدیل ہون تے سُدھرن توں پہلاں روشن خیالی یا غیبی ہدایت۔

ایس دے باوجود پیدائش15: 6 وِچ اَسی کُج نیا پاہنے آں۔ ابرام نے نا صرف ’’وعدے‘‘ دا یقین کیتا۔ ایس توں وی اہم، ’’اُوہنے خداوند وِچ یقین کیتا؛ تے اُوہنے ایس نوں اپنے حق وِچ راستبازی شمار کیتا۔‘‘ سی۔ ایف۔ کئیلC. F. Keil عبرانی دا ایویں ترجمہ کردے نے، ’’اُوہنے یہوواہ وِچ یقین کیتا سی، تے اُوہنے ایس نوں اپنے حق وِچ راستبازی شمار کیتا۔‘‘ ڈاکٹر کئیل نے ایہہ وی کیہیا کہ ابرام نے جیہڑا خدا نے کہیا سی محض اُوسی تے رضامندی دا اِظہار نہئیں کیتا سی، بالکہ اصل وِچ خداوند تے پروہسا کیتا سی، ’’بطور اِک مضبوط اندرونی، ذاتی، اِک اپنی ہستی تے خود نوں حوالہ کر دین آلی رضامندی… ’خداوند تے یقین کرن دا لئی،‘ اُوہدے تے پروہسا کرن دے لئی‘‘ (سی۔ ایف۔کئیل، پی ایچ۔ ڈی۔، دس جلداں وِچ پرانے عہدنامے تے تبصرہ Commentary on the Old Testament in Ten Volumes، ولیم بی۔ عئیرڈمینز اشاعتی کمپنی William B. Eerdmans Publishing Company، دوبارہ اشاعت 1973، جلد اوّل، صفحہ 212)۔

خدا یا مسیح دے بارے وِچ گلاں تے یقین کر لیہنا ای کافی نہئیں اے۔ تہانوں خدا دی حضوری وِچ راستباز ٹھہران دے لئی اصل وِچ خود مسیح چہ یقین کرنا چائیدا اے۔ جیویں کہ رومیوں چار باب دے پیغام وِچ لکھیا اے،

’’کیوں جے پاک کلام کہندا اے کہ ابرہام خدا تے ایمان لیہایا تے ایہہ اُوہدے لئی راستبازی گِنیا گیا۔ جدوں کوئی بندہ کام کر کے اپنی مزدوری حاصل کردا اے تے اُوہدی مزدوری بخشش نہئیں بلکہ اُوہدا حق سمجھی جاندی اے۔ مگر جیہڑا بندہ اپنے کام تے نہئیں بلکہ بے دیناں نوں راستباز ٹھہران آلے خدا تے ایمان رکھدا اے، اُوہدا ایمان اُوہدے لئی راستبازی گِنیا جاندا اے‘‘ (رومیوں 4: 3۔5).

جدوں تُسی ’’اُوہدے تے‘‘ یقین کردے اُو تہاڈا ایمان ’’راستبازی دے لئی شمار‘‘ کیتا جاندا اے (رومیوں4: 5)۔

ایہو ای اے جیہڑا اُوس دِن ابرام نے کیتا سی، مگر اُوس دِن توں پہلاں نہئیں، کیوں جے اَسی پیدائش15: 18 وِچ پڑھنے آں، ’’اُوس روز [اُسی دِن ’اُوہنے خداوند چہ یقین کیتا سی‘] خداوند نے ابرام دے نال اِک عہد بنھیا سی۔‘‘

یوحنا3: 18 وِچ اَسی ایہ الفاظ پڑھنے آں، ’’اُو جیہڑا اُوہدے تے [یسوع تے] ایمان لیہیاندا اے اُوہدے تے سزا دا حکم نہئیں ہوندا اے‘‘ (یوحنا3: 18)۔ یونانی زبان وِچ ’’تے‘‘ دا ترجمہ ’’ائیس eis‘‘ کیتا۔ ایہدا مطلب ہوندا اے ’’جگہ یا شے وِچ حرکت‘‘ (زوڈھی ایٹزZodhiates)۔ تہاڈے ایمان نوں یسوع وِچ متحرت ہونا چائیدا اے، جیہڑا خداوند دے سجّے ہتھ تے جنت وِچ اے۔ فیر توں بائبل کہندی اے، ’’خداوند یسوع مسیح وِچ ایمان لیہیا تے توں نجات پائے گا (اعمال16: 31)۔ ایتھے یونانی لفظ ’’وِچ‘‘ دا ترجمہ ’’ایپیepi‘‘ کیتا گیا۔ ایس دا مطلب ہوندا اے ’’اُتے‘‘ (زور دے کے)۔ ایتھے ایہہ تصور اے کہ تُسی اپنے آپ نوں یسوع دے حوالے کر دیندے اُو۔ واقعی چہ ’’یسوع تے ایمان لیہیا تے توں نجات پائے گا‘‘ (اعمال16: 31)۔ اپنے گناہواں دی معافی پان دے لئی، تے راستباز شمار کیتے جان دے لئی، تہانوں یسوع ’’وِچ‘‘ (متحد ہون دے لئی) کِھیچے چلے آنا چائیدا اے، تے اُوسی ’’وِچ‘‘ یقین کرنا چائیدا اے۔ اپنے آپ نوں یسوع دے اینج سُٹ دیو جیویں اِک بندہ اپنے آپ نوں اِک اَگ لگی ہوئی عمارت دی کھڑکی وِچوں باہر اُوس جال ’’وِچ‘‘ تے ’’اُتے‘‘ سُٹدا اے جیہڑا اَگ بُجھان آلے عملے دے بندیاں نے اُوہنوں پھڑن دے لئی جدوں اُو ہیٹاں ڈِگدا اے پھیلایا ہوندا اے۔ اپنے آپ نوں یسوع ’’وِچ‘‘ تے یسوع ’’اُتے‘‘ سُٹ دیو! ’’یسوع وِچ ایمان لیہیا تے توں نجات پائے گا‘‘ (اعمال16: 31)۔ ایہہ سی جیہڑا اُس سال ابرام نے کیتا سی۔ ’’اُوہنے خداوند وِچ یقین کیتا سی تے اُوہنے اُوہنوں اپنے لئی راستبازی شمار کیتا‘‘ (پیدائش15: 6)۔

میرے ایمان نے اِک آرام گاہ پا لہئی اے،
     نا ای کسی عقیدے تے یا کسی آلے وِچ؛
میں اُوہدے تے پروہسا کرنا واں جیہڑا ہمیشہ جیوندا رہندا اے،
     میرے لئی اُوہدے زخم اِلتجا کرن گے…
(’’کوئی دوجی التجا نئیں No Other Plea‘‘ شاعرہ علیزہ ای۔ ھیوایٹ Eliza E. Hewitt، 1851۔1920)۔

حالانکہ میں ڈاکٹر جان میک آرتھرDr. John MacArthur نے نال یسوع دے لہو اُتے، تے ’’اوتاری پُتر دے حق‘‘ تے متفق نہئیں آں، میں پیدائ 15: 6 تے اُوہناں دے نال متفق آں۔ اُوہناں نے کیہیا کہ جدوں ابراھام نے ’’خداوند وِچ یقین کیتا،‘‘ ابرام ایمان دے وسیلے توں بحال [فیر توں پیدا] ہو گیا سی!‘‘ (میک آرتھر دا مطالعۂ بائبل The MacArthur Study Bible، ورلڈ بائبلز Word Bibles، 1997، صفحہ 36؛ پیدائش 15: 6 تے غور طلب گل)۔ اُو ایس بارے وِچ بالکل دُرست نے! لیکن ایتھے پیدائش وِچوں ساڈی تیجی تلاوت وِچ ابرام دے بارے چہ سامنے لیہیان دے لئی اِک ہُور موضوع اے۔

III۔ تیجی گل، ابراھام دی تقدیس۔

خدا نے مؤثر طریقے نال ابرام نوں بُلایا سی۔ خدا نے ابرام نوں فیر توں پیدا کیتا تے راستباز ٹھہرایا سی۔ تے فیر خدا فیر توں ابرام تے ’’ظاہر‘‘ ہویا سی تے اُوہنوں اِک مقدس حیاتی لنگہان دے لئی بُلایا سی۔ مہربانی نال کِھلو جاؤ تے پیدائش17: 1 کھولو، تے ایہنوں اُوچی واج نال پڑھو۔

’’تے جدوں ابرام ننانوے وریاں دا ہویا اُودھوں خداوند اُوہدے تے ظاہر ہویا تے اُوہنوں کہیا، میں خدائے قادر آں۔ توں میری راہ تے چل تے کامل ہو‘‘ (پیدائش17: 1)۔

تُسی تشریف رکھ سکدے اُو۔ سپرجئین نے پیدائش17: 1 دی ایہہ وضاحت پیش کیتی۔ اُوہناں نے کہیا،

     اَسی ابرام دی حیاتی دی اپنی تفسیر اُوہدی بُلاہٹ دے نال [شروع] کرنے آں، جدوں اُو کسدیاں دے اُور توں باہر لیہایا گیا سی، تے کنعان وِچ خداوند دے نال علیحدہ ہویا سی۔ اَسی فیر اُوہدے راستباز ٹھہرائے جان تے آ جانے آں، جدوں اُوہنے خدا دا یقین کیتا، تے ایہہ اُوہدے لئی اُوہدی راستبازی شمار کیتا گیا؛ تے ہُن … اَسی اُوس ای موضوع نوں مذید اَگے دے مرحلے وِچ جاری رکھنے آں … ساڈے سامنے موجود باب [پیدائش17] وِچ اَسی خداوند دے لئی اُوہدی تقدیس ویکھنے آں… جیویں مالک دے استعمال دے لئی اِک برتن موزوں کیتا جاندا اے۔ اُو سارے [مؤثر انداز آلے] راستباز کہلاتے ہیں، تے سارے دے سارے راستباز پاک روح دے وسیلے توں مقدس ہوندے نے…
     مہینوں اُو ترتیب تہانوں یا د دلا لین دیو جیہدے چہ ایہہ برکات آئیاں نے۔ جے سانوں تقدیس یا وقف ہون دے عمل دی گل کرنی چائیدی اے تے ایہہ پہلی گل دے طور تے نہئیں ہوندی اے، مگر سیڑھیاں دے پتھراں دے وسیلے توں اے جیہڑے بُلندی تے پہنچن دے طور تے ہوندے نے۔ پاک روح دے [وسیلے] توں بُلائے جان توں پہلاں، خدا دے لئی مقدس ٹھہرائے جان دا لوکاں دا اِظہار رائیگاں ہوندا اے… ایہناں نوں سِکھنا اے کہ اِیہدا مطلب کی ہوندا اے، ’’تہانوں فیر توں پیدا ہونا چائیدا اے،‘‘ کیوں جے بِلاشبہ، جدوں تیکر لوکاں نوں پاک روح [دے وسیلے] توں روحانی حیاتی وِچ نہئیں لیہایا جاندا اُوہناں دی خدا دی خدمت کرن دے بارے وِچ ساریاں گلاں نوں شاید یوشع دے وسیلے توں جواب مِلدا، ’’تُسی خداوند دی خدمت نہئیں کر سکدے اُو۔‘‘ میں وقف ہو دے عمل دے بارے وِچ گل کرنا آں، لیکن ایہہ بطور پہلی گل دے بارے چہ نہئیں اے، تے حتیٰ کہ دوجی گل وی نہئیں اے کیوں جے انسان نوں ایمان دے وسیلے توں راستباز ہونا چائیدا اے جیہڑا کہ یسوع مسیح وِچ اے، ورنہ اُو فضل نہئیں پا سکے گا جیہڑا کہ ساری سچی پاکیزگی دی جڑ اے؛ کیوں جے تقدیس یسوع مسیح وِچ ایمان دے وسیلے توں بڑھدی اے۔ یاد رکھو، پاکیزگی کوئی پھول نہئیں اے بالکہ اِک جڑ اے، ایہہ تقدیس نہئیں اے جیہڑی بچاندی اے، بلکہ نجات اے جیہڑی مقدس بناندی اے۔ اِک انسان اپنی پاکیزگی دی وجہ توں نجات نہئیں پاندا اے، لیکن پاک بن جاندا اے کیوں جے اُو پہلاں ای توں بچایا ہویا ہوندا اے… خدا دے لئی تقدیس بُلاہٹ تے راستبازی دی پیروی کردی اے (سی۔ ایچ۔ سپرجئین C. H. Spurgeon، ’’خُدا دے لئی تقدیس Consecration to God – ابراھام دے ختنے دی مثال توں وضاحت ہوتی ہے،‘‘ دی میٹروپولیٹن عبادت گاہ دی واعظ گاہ The Metropolitan Tabernacle Pulpit، پلگرم اشاعت خانے Pilgrim Publications، دوبارہ اشاعت 1976، جلد XIV، صفحات 685۔686؛ پیدائش17: 1۔2 تے اِک غور طلب گل)۔

اِک بندہ جیہدی مسیح وِچ اِک جھوٹی تبدیلی ہوئی سی ’’خدا دی حضوری وِچ نہئیں چل سکدا، تے نہئیں ہو….کامل [معزز، مخلص، سیکوفیلڈScofield]۔‘‘ چھیتی یا دیر نال ایہہ عیاں ہو جاندا اے کہ اُو کدی وی اِک حقیقی تبدیلی دا تجربہ نہئیں کر سکدا اے۔ صرف اُو ای جیہڑے مؤثر طریقے نال بُلائے گئے، تے مسیح دے نال حقیقی مِلاپ دے وسیلے توں راستباز ٹھہرائے گئے، خدا دی حضوری وِچ چلن دے قابل ہون گے، تے خدا دے فضل دے وسیلے توں بندیاں تے عورتاں وِچ مقبول ہون گے جیہڑے اپنی ساری حیاتیاں وِچ خدا دے لئی جین دے قابل کیتے جان گے۔ اُو جِنہاں نے اپنی ’’گواہیاں‘‘ وِچ ’’الفاظ درست پائے‘‘ آخر کار گناہ وِچ ڈِگ ای جان گے، تے صرف ناں ای دے مسیح رہ جان گے، یا بدتر۔ ’’درست لفظاں‘‘ نوں سیکھن دی کوشش نہ کرو! حتیٰ کہ ’’درست احساسات‘‘ نوں پان دی وی کوشش مت کرو۔ ’’دُرست‘‘ الفاظ تے ’’درست‘‘ احساسات تہانوں نہئیں بچا سکدے! بالکل وی نہئیں! خود یسوع نوں تلاش کرو! صرف خود یسوع ای تہانوں راستباز ٹھہرا سکدا اے تے مسیحی حیاتی جین دے لئی تہانوں فضل دے سکدا اے۔ کسی نے وی ایہنوں واضح نہئیں کیتا اے ماسوائے رومیوں5: 1۔5 وِچ پولوس رسول دے،

’’چونکہ اسی ایمان دی بِنا تے راستباز ٹھہرائے گئے آں ایس لئی ساڈے خداوند یسوع مسیح دے وسیلہ نال ساڈی خدا دے نال صلح ہو چُکی اے۔ ایمان لہیان نال اسی مسیح دے وسیلہ نال اُوس فضل نوں پالیا اے تے اُوہدے تے قائم وی آں تے ایس اُمید تے خوشی مناندے آں کہ اسی وی خدا دے جلال وچ شریک ہواں گے۔ تے صرف ایہی نئیں بلکہ اسی اپنیاں مصیبتاں وچ وی خُوش ہونے آں کیوں جے اسی جاننے آں کہ مصیبت نال صبر پیدا ہوندا اے۔ تے صبر نال مُستقل مزاجی تے مُستقل مزاجی نال اُمید پیدا ہوندی اے۔ ایہو جئی اُمید سانوں مایوس نئیں کردی کیوں جے جیہڑا پاک روح سانوں بخشیا گیا اے اُوہدے وسیلے توں خُدا دی محبت ساڈے دِلاں وچ پائی گئی اے‘‘ (رومیوں 5: 1۔5).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔