ملِک صدق – مسیح دی اِک تشبیہ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

’’ایہہ مِلک صدق، سالم دا بادشاہ تے خدا تعالیٰ دا کاہن سی۔ جدوں ابرام چند بادشاہواں نوں ختم کر کے واپس آ رہیا سی تے مِلک صدق نے اُوہدا استقبال کیتا تے اُوہنوں برکت دِتی۔ ابرام نے اُوہنوں مالِ غنیمت دا دسواں حصہ وی دِتا۔ اوّل تے مِلک صدق دے ںاں دا لفظی مطلب اے ’راستبازی دا بادشاہ‘۔ فیر چونکہ اُو سالم دا بادشاہ اے، ایس لئی اُوہدے ناں توں ’صلح دا بادشاہ‘ وی مُراد اے۔ اُو باپ دے بغیر سی، اُو ماں دے بغیر سی، اُوہدا کوئی نسب نامہ نہئیں، نہ اُوہدی عمر دا شروع اے نہ حیاتی دا آخر۔ اُو خدا دے پُتر وانگوں بنایا گیا اے تے ہمیشہ دے لئی کاہن اے‘‘ (عبرانیوں7: 1۔3)۔

مہربانی نال اپنی بائبل نوں ایس ای تھاں توں کُھلا رکھو۔ پیدائش14 باب بائبل میں ذکر کیتی گئی پہلی جنگ دے واقعے توں شروع ہوندا اے۔ جدوں ابرام نوں پتا چلیا کہ اُوہدا بھتیجا لوط گرفتار کیتا جا چکیا اے تے اُوہنے اپنے 318 تربیت یافتہ خدمت گاراں نوں پیہجیا تے لوط نوں آزاد کروایا، ’’اُوہنے سارے مال و متاع تے قبضہ کر لیہیا تے اپنے رشتہ دار لوط نوں تے اُوہدے مال نوں عورتاں تے دوجے لوکاں سیمت واپس لے آیا‘‘ (پیدائش14: 16)۔ آرتھر ڈبلیو۔ پنک Arthur W. Pink نے کہیا،

ایہہ صرف ایس ای موقع تے اے کہ اِک انتہائی شاندار ہستی بنام مِلک صدق نوں ساڈے سامنے لیہایا گیا اے… ایہناں لفظاں وِچ ’’خدا دے پُتر وانگوں بنایا گیا اے‘‘ (عبرانیوں7: 3) ساڈے کول اُو کُلید اے جیہڑی مِلک صدق دے گرد مرکز کردی اے۔ مِلک صدق مسیح دی اِک تشبیہ سی (اے۔ ڈبلیو۔ پنک A. W. Pink، پیدائش دی کتاب وِچ نمایاں گلاں Gleanings in Genesis، موڈی پریس Moody Press، اشاعت 1981، صفحہ159)۔

I۔ پہلی گل، مِلک صدق اپنے ناں وِچ مسیح دی اِک تشبیہ سی۔

ملِک صدق دا مطلب ہوندا اے ’’راستبازی دا بادشاہ۔‘‘ عبرانیوں7: 2 پڑھو۔

’’ابرام نے اُوہنوں مالِ غنیمت دا دسواں حصہ وی دِتا۔ اوّل تے مِلک صدق دے ںاں دا لفظی مطلب اے ’راستبازی دا بادشاہ‘۔ فیر چونکہ اُو سالم دا بادشاہ اے، ایس لئی اُوہدے ناں توں ’صلح دا بادشاہ‘ وی مُراد اے‘‘ (عبرانیوں 7: 2).

مِلک صدق پہلاں ’’راستبازی دا بادشاہ‘‘ سی تے فیر، ’’سالم دا بادشاہ،‘‘ جیس دا مطلب ہوندا اے ’’صلح دا بادشاہ۔‘‘ ایہہ ظاہر کردا اے کہ مسیح جیہڑا مِلک صدق دی شبیہہ اے اُوہنے گنہگاراں دے لئی کی کیتا۔ اِک گنہگار دی پاک خدا دے نال صُلح ہون سکن توں پہلاں شریعت دے راستباز تقاضیاں دا پورا کیتا جانا ضروری سی۔ ایہہ گل رومیوں3: 21۔26 وِچ ظاہر کیتی گئی اے،

’’مگر ہُن خدا نے اِک ایہو جئی راستبازی ظاہر کیتی اے جیس دا تعلق شریعت توں نہئیں اے حالانکہ شریعت تے نبیاں دی کتاباں ایس دی گواہی ضرور دیندیاں نے۔ ایہہ خدا دی اُو راستبازی اے جیہڑی انسان نوں صرف یسوع مسیح تے ایمان لیہیان توں حاصل ہوندی اے یعنی ایہدے تے ایمان لیہیان آلے سب دے سب بِلا تفریق راستباز ٹھہرائے جاندے نے۔ کیوں جے ساریاں نے گناہ کیتا تے خدا دے جلال توں محروم نے۔ مگر اُوہدے فضل دے سبب اُوس مخلصی دے وسیلہ توں جیہڑی یسوع مسیح وِچ اے مفت راستباز ٹھہرائے جاندے نے۔ خدا نے یسوع نوں مقرر کیتا کہ اُو اپنا لہو وگائے تے اِنسان دے گناہ دا کفارہ بن جائے تے ایس تے ایمان لیہیان آلے فائدہ چُکن۔ ایہہ کفارہ خدا دے اِنصاف نوں ظاہر کردا اے ایس لئی کہ اُوہنے بوہتے صبر تے تحمل دے نال اُوہناں گناہواں نوں جیہڑے پیشتر ہو چکے سن برداشت کیتا۔ خدا ایس زمانے وِچ وی اپنا انصاف ظاہر کردا اے کیوں جے اُو عادل وی اے تے ہر بندے نوں جیہڑا یسوع تے ایمان لیہیاندا اے راستباز ٹھہراندا اے۔‘‘ (رومیوں3: 21۔26)۔

سولی تے ساڈے گناہ دے خلاف خدا دے راستباز قہر دی تشفی دے لئی اُوہنے اپنا لہو وگایا۔ ’’چونکہ اَسی ایمان دی وجہ توں راستباز ٹھہرائے گئے آں ایس لئی ساڈے خداوند یسوع مسیح دے وسیلہ توں ساڈے خدا دے نال صلح ہو چکی اے‘‘ (رومیوں5: 1)۔ فیر توں، اَسی پڑھنے آں، ’’خدا دی مرضی ایہہ وی سی کہ مسیح دے لہو دے سبب توں جیہڑا سولی تے وگیا صُلح کر کے ساریاں شیواں دا اپنے نال میل کر لئے‘‘ (کُلسیوں1: 20)۔

مِلک صدق ’’راستبازی دا بادشاہ‘‘ تے ’’صلح دا بادشاہ‘‘ سی۔ ایہہ ظاہر کردا اے کہ اُو خداوند یسوع مسیح دی اِک تشبیہہ یا تصویر سی۔ جیویں کہ حمدوثنا دا اُو پرانا گیت ایس گل نوں لکھدا اے،

پاشکائی برّہ، جِنہوں خدا نے متعین کیتا، اُوسی تے ساڈے سارے گناہ لدے گئے؛
خدا تعالیٰ دی محبت نال مسح کیتا گیا، جیس نے مکمل کفارہ ادا کیتا۔
تیرے سارے لوکی بخشے گئے، تیرے لہو دی پاکیزگی دے ذریعےتوں،
جنت دے بوہے کُھل چکے نے، خدا تے انسان دے مابین صُلح ہو چکی اے۔
(’’ستائش ہو، یسوع توں جیہڑا کدی تحقیر کیتا گیا! Hail, Thou Once-Despised Jesus!‘‘ شاعر جان بیکویل John Bakewell، 1721۔1819)۔

II۔ دوجی گل، مِلک صدق اپنے اصل وِچ مسیح دی اِک تشبیہ سی۔

’’اُو باپ دے بغیر سی، اُو ماں دے بغیر سی، اُوہدا کوئی نسب نامہ نہئیں، نہ اُوس دی عمر دا شروع اے نہ حیاتی دا آخیر۔ اُو خدا دے پُتر وانگوں بنایا گیا اے تے ہمیشہ دے لئی کاہن اے‘‘ (عبرانیوں 7: 3).

ملِک صدق، جیہڑا مسیح وانگوں سی، اُو باپ دے بغیر سی، اُو ماں دے بغیر سی، اُوہدےکوئی آل اولاد [نسب نامہ] نہئیں، نہ اُوہدی عمر دا شروع اے نہ حیاتی دی آخیر۔‘‘

ایس دا ایہہ مطلب نہئیں کہ مِلک صدق کوئی فوق الفطرت بشر سی۔ ایہدا صرف ایہہ مطلب اے کہ پیدائش دی کتاب وِچ اُوہدا تزکرہ کسی نسب نامے دے بغیر اے تے اُوہدی موت دا ذکر کیتے بغیر اے۔ اے ڈبلیو پنک نے کہیا، ’’اُوہدی ولدیت توں تعلق رکھدے ہوئیاں [پیدائش دی کتاب] دی خاموشی وِچ اِک پُرمعنی مقصد بیان کیتا گیا اے۔ خداوند یسوع دی اِک مکمل تشبیہہ نوں ظاہر کرن دی خاطر … مِلک صدق دی نسل، پیدائش یا موت دے لئی کسی وی حوالے دا مکمل طور توں فراموش کر دِتا جانا، پاک روح دے حکم توں سی‘‘ (ibid.، صفحہ160)۔ بنجمن کیِچ Benjamin Keach [1640۔1704] نے کہیا، ’’اُوہدے دوویں ماں تے پیو تے آل اولاد سی … مگر خدا نے مقصداً اُوہناں نوں پوشیدہ رکھیا، کہ اُو ہُور بوہتا مسیح دی تشبیہہ نوں ظاہر کرے، جو کہ سچے طور تے خدا دے بغیر سی اپنی آدمیت دے حوالے یا انسانی قدرت دے حوالے توں؛ تے ماں دے بغیر سی اپنی خدائی دے حوالے توں‘‘ (بنجمن کیِچBenjamin Keach، بائبل دی تشبیہات تے مماثلتاں نال منادی Preaching From the Types and Metaphors of the Bible، کریگل پبلیکیشنز Kregel Publications، دوبارہ اشاعت 1972، صفحہ 973)۔

مِلک صدق دی مسیح دے نال مشابہت ایس بات تے قائم اے جیہڑی پیدائش نے جان بوجھ کے چھڈ دِتی، ناکہ مِلک صدق بذاتِ خود دی وجہ توں۔ عبرانیوں7: 3 وی اُوہناں آیتاں وِچوں اِک اے جیہڑی ’’متجسماتی بیٹا ہون دی حق incarnational Sonship‘‘ نوں غلط ثابت کردی اے۔ مسیح خدا دا بیٹا ’’زمانیاں دے آغاز‘‘ دے بغیر سی۔ اُو ہمیشہ توں خدا دا پُتر سی!

III۔ تیجی گل، مِلک صدق اپنی کاہانت وِچ مسیح دی اِک تشبیہہ سی۔

مِلک صدق ’’خدا دے پُتر وانگوں بنایا گیا [جیہڑا] ہمیشہ دے لئی کاہن اے‘‘ (عبرانیوں7: 3)۔ زبور نویس نے کہیا،

’’خداوند نے قسم کھائی اے، تے اُو اپنا اِرادہ نہئیں بدلے گا کہ توں مِلک صدق دے طور تے ابد تیکر کاہن اے‘‘ (زبور 110: 4).

’’توں مِلک صدق دے طور تے ابد تیکر کاہن اے‘‘ (عبرانیوں 5: 6).

مِلک صدق ساڈے عظیم کاہنِ اعظم یسوع دی اِک تشبیہہ یا تصویر اے۔ ڈاکٹر میگی Dr. McGee نے کہیا، ’’زبور110 وِچ پیش کیتی گئی پیشن گوئی توں اَسی ویکھنے آں کہ مِلک صدق مسیح دی اِک تصویر اے … [مسیح] اِک کاہن اے کیوں جے اُو خدا دا پُتر اے تے اُو ابد تیکر رئے گا۔ یعنی کہ، اُو کاہن ہونا جاری رکھدا اے – اُوہناں دی کہانت وِچ کوئی وی تبدیلی نہئیں ہووے گی کیوں جے اُو دائمی اے‘‘ (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز Thomas Nelson Publishers، 1983، جلد پنجم، صفحہ552؛ عبرانیوں7: 3 تے غور طلب گل)۔

مِلک صدق موسیٰ دے تحت ہارون دی کہانت دے قائم ہون توں بوہتا عرصہ پہلے سی۔ ہارون دی کہانت دا کاتمہ 70 بعد از مسیح وِچ اُوس ویلے ہویا سی جدوں رومیاں نے ہیکل نوں نیست و نابود کیتا سی۔ لیکن یسوع، جیہڑا خدا دا دائمی پُتر اے، اُو ساڈا وی دائمی کاہن اے۔ بینجمن کیِچBenjamin Keach نے مسیح تے مِلک صدق دے وِچکار ایہہ موازنہ پیش کیتا: ’’مِلک صدق اِک کاہن سی، ہارون دی کہانت دے قائم ہون دے بعد نہئیں؛ اُوہدا کسی مادی تیل نال مسح نہئیں کیتا گیا سی، ناہ ای اُوہنے اپنی کہانت کسی ہُور توں پائی سی بلکہ اینج خدا دے مُنہ توں اعلان ہویا سی۔ اُوہدی کہانت کسی دوجے بندے نوں منتقل نہئیں کیتی گئی؛ کیوں جے ایہنے ایس نوں کسی توں وی نہئیں پایا سی، لہٰذا اُوہنے ایہنوں کسی ہُور نوں دِتا وی نہئیں، نا ای کوئی … اُوہدا وارث ٹھہرا: ایویں مسیح نے [مِلک صدق جیہڑا تشبیہہ سی اُوہدے پورے کیتے جان دی حیثیت نال] اپنی کہانت ماسوائے بذاتِ خود خدا دےکسی ہُور توں نہئیں پائی، تے نہ ای اُوہنوں کسی مادی تیل دے نال مسح کیتا گیا سی… تے جیویں کہ [مسیح] نے اپنی کہانت کسی ہُور توں نہئیں پائی، لہٰذا اُو ایہنوں کسی ہُور دے حوالے کر کے وی نہئیں گیا؛ [مسیح] دا کوئی نہئیں سی جیہڑا اُوہدا وارث ہوندا بلکہ اُو آسمان وِچ … ہمیشہ دے لئی اِک کاہن اے‘‘ (بینجمن کیِچBenjamin Keach، ibid.، صفحہ973)۔

جیویں کہ ساڈے کاہن، یسوع نے ساڈے گناہواں دے لئی اِک کامل قربانی دِتی۔ اُو سولی تے ساڈے گناہواں نوں چُکدا اے جِیتھے اُوہنے اپنے قیمتی لہو نوں وگایا۔ عبرانیوں دی کتاب کہندی اے،

’’لیکن مسیح بہتر برکتاں دا سردار کاہن بن کے آ چُکا اے جیہڑیاں ہُن موجود نے تے اُو جیس خیمہ توں خدمت انجام دیندا اے اُو بوہتا وڈا تے کامل اے تے اِنسانی ہتھاں دا بنایا ہویا یعنی ایس دُنیا دا نہئیں۔ اُو بکریاں تے وچھڑیاں دا نہئیں بلکہ اپنا لہو لے کے اِک ای وری پاک ترین مکان وِچ داخل ہویا تے سانوں ایہو جئی نجات دلائی جیہڑی ابدی اے۔ کیوں جے جدوں بکریاں تے بیلاں دا لہو تے گائے دی راکھ دے چھڑکے جان نال ناپاک لوکی جسمانی طور تے پاک ٹھہرائے جاندے نے تے مسیح نے ازلی روح دے وسیلہ توں اپنے آپ نوں خدا دے حضور وِچ اِک بے عیب قربانی دے طور تے پیش کیتا تے کی اُوہدا لہو ساڈے ضمیر نوں ایہو جئے کاماں نال ہُور وی بوہتا پاک نہ کرے گا جِنہاں دا انجام موت اے تاکہ اَسی زندہ خدا دی عبادت کریے؟‘‘ (عبرانیوں 9: 11۔14).

اُو اپنے لہو دے نال آسمان وِچ ’’اِک ای وری داخل ہویا۔‘‘

مذہبی خادماں دے حیثیت توں کاتھولک کلیسیا وِچ ’’کاہن‘‘ ہوندے نے۔ لیکن ایس گل دے لئی کوئی بائبل دا سبب موجود نہئیں اے۔ نیا عہدنامہ کدی وی پادری صاحبان نوں ’’کاہن‘‘ نہیں کہندا۔ بپٹسٹ تے پروٹسٹنٹ لوکاں نے ہمیشہ ای یقین کیتا اے کہ کاہن صرف اِک ای اے، اُو خداوند یسوع مسیح! تے اَسی کسی وی ’’عبادتMass‘‘ وِچ مسیح نوں فیر توں قربان نہئیں کردے۔ ’’خود اپنے لہو دے وسیلے توں اِک ای وری پاک ترین مقدس وِچ گیا، تے سانوں ایہو جئی نجات دلائی جیہڑی ابدی اے‘‘ (عبرانیوں9: 12)۔ کسی وی عبادت وِچ اِک نئی قربانی دی کوئی لوڑ نہئیں اے۔ مسیح ہمیشہ دے لئی اِک ای وری ساڈے گناہواں دا کفارہ ادا کرن دے لئی مریا تے اُوہنے اپنا قیمتی لہو وگایا!

’’یہودیاں دا سردار کاہن پاک ترین مکان وِچ ہر سال دوجیاں دا یعنی جانوراں دا لہو لے کے جاندا اے لیکن مسیح اپنے آپ نوں بار بار قربان کرن دے لئی داخل نہئیں ہوندا۔ ورنہ دُنیا دے شروع توں لے کے ہُن تیکر اُوہنوں بار بار دُکھ چُکنا پیہیا۔ مگر ہُن زمانیاں دے آخیر وِچ مسیح اِک ای وری ظاہر ہویا تاکہ اپنے آپ نوں قربان کرن نال گناہ نوں نیست کر دیوے‘‘ (عبرانیوں 9: 25۔26).

’’کیوں جے اُوہنے تے اپنے آپ نوں قربان کر کے اِک ای وری قربانی چڑھائی‘‘ (عبرانیوں 7: 27).

ساڈے گناہ دا کفارہ ادا کرن دے ئلی اُو اِک ای وری مریا! سانوں سارے گناہ توں پاک صاف کرن دے لئی اُوہنے اِک ای وری اپنے لہو نوں وگایا!

یسوع نے نا صرف گناہ دے لئی اِک کامل قربانی پیش کیتی۔ ساڈا سردار کاہن ہون دی حیثیت نال، اُو آسمان وِچ خدا باپ دے داہنے ہتھ تے ساڈے لئی شفاعت وی کردا اے۔

’’پیس جیہڑے لوکی اُوہدے وسیلہ توں خدا دے کول آندے نے اُو اُوہناں نوں پوری پوری [مکمل طور تے] نجات دے سکدا اے کیوں جے اُو اُوہناں دی شفاعت کرن دے لئی ہمیشہ زندہ اے‘‘ (عبرانیوں 7: 25).

اُو ہمیشہ عالمِ بالا وِچ رہندا اے، میرا ثالثی بن جان دے لئی؛
     اپنی تمام تر مخلصانہ محبت، تے اپنے قیمتی لہو توں التجا کرن دے ئلی؛
اُوہدےلہو نے ساڈی ساری نسل دے لئی کفارہ ادا کیتا،
     تے ہُن فضل دا تخت نچھاور کردا اے،
تے ہُن فضل دا تخت نچھاور کردا اے۔
     (’’اُٹھ! میری جان، اُٹھ! Arise! My Soul, Arise!‘‘ شاعر چارلس ویزلی Charles Wesley، 1707۔1788)۔

حتمی طور تے، یسوع اِک نہایت محبت آلا سردار کاہن اے۔ عبرانیوں4: 14۔16 آیات کھولو۔ مہربانی نال کِھلو جاؤ تے اُیہناں آیتاں نوں اُوچی واج نال پڑھو۔

’’پس جدوں ساڈا اِک عظیم سردار کاہن اے جیہڑا آسماناں توں گزر گیا یعنی خدا دا پُتر یسوع تے آؤ اَسی اپنے ایمان تے قائم رہیے۔ کیوں جے ساڈا سردار کاہن اینج دا نہئیں جیہڑا ساڈی کمزوریاں وِچ ساڈا ہمدرد نہ ہو سکے بلکہ اُو ساریاں گلاں وِچ ساڈے وانگوں آزمایا گیا مگر بے گناہ رہیا۔ لہٰذا اَسی خدا دے فضل دے تخت دے کول دلیری نال چلیے تاکہ اُو ساڈے تے رحم کرے تے اَسی اُوس فضل نوں حاصل کریے جیہڑا ضرورت دے ویلے ساڈے کام آئے‘‘ (عبرانیوں 4: 14۔16).

تُسی تشریف رکھ سکدے اُو۔ ڈاکٹر میگی نے کہیا،

’’آؤ فیر [عظیم آزادی دے نال] کیوں نہ فضل دے تخت دے لئی جائیے۔‘‘ اَسی خداوند یسوع مسیح دے نال آزادانہ گل بات کر سکنے آں۔ میں اُوہنوں اُو گلاں دس سکنا آں جیہڑیاں میں تہانوں نہئیں دس سکدا۔ اُو میہنوں سمجدا اے۔ اُو میری کمزوریاں نوں جانندا اے… میں اُوہدے کول شدید آزادی دے نال جا سکنا آں۔ میں اُوہنوں اُو گل بتا سکنا آں جیہڑی میرے دِل وِچ اے۔ میں اُوہدے سامنے اپنے دِل دی گل کر سکنا آں (جے۔ ورنن میگی، ٹی ایچ۔ ڈی۔ J. Vernon McGee, Th.D.، ibid.، صفحہ537؛ عبرانیوں4: 16 تے غور طلب گل)۔

یسوع اُوتھے ہر سچے مسیحی دی مدد کرن دے لئی اُوہناں دی ’’لوڑ دے ویلے‘‘ موجود اے۔ اُو اُوتھے تہاڈے لئی موجود اے۔ اُو تہاڈی سخت مشکل وِچوں نکلن وِچ مدد کرے گا۔ جدوں تُسی افسردہ تے دِل شکستہ محسوس کردے اُو تے اُوہدے کول آؤ، ’’ضرورت دے ویلے وِچ مدد دے لئی فضل پاؤ۔‘‘ اُو تہانوں ناکام نہئیں کرے گا۔

مذہبی خدمت وِچ تقریباً 54 وریاں تیکر رہن دے بعد میں جاننا آں کہ ایہہ سچ اے۔ مسیح تہانوں ناکام نہئیں کرے گا! پاویں تُسی کیہنے ای افسردہ تے دِل شکستہ ہوو، یسوع تہاڈی مدد کرے گا۔ اُو تہانوں ناکام نہئیں کرے گا! تُسی صدمیاں وِچ لنگ جاؤ گے کیوں جے یسوع تہانوں ایہناں وِچوں چُک لئے گا! ’’خواہ میں موت دی تاریک وادی وِچوں ہو کے گزراں… توں میرے نال اے‘‘ (زبور23: 4)۔

مِلک صدق ابرام دے کول آیا تے اُوہنوں کھانا کھلایا تے اُوہنوں برکت دِتی جدوں اُو اِک جنگ دے لڑن نال شکستہ سی۔ لہٰذا، یسوع تہاڈے کول آئے گا، برکت دیوے گا تے خوراک مہیا کرے گا جدوں تُسی مسیحی حیاتی دی جنگاں توں افسردہ تے تھکے ہوئے ہوو گے!

تے جے تُسی فیر وی اِک گمراہ گنہگار ہوندے اُو، تے تُسی یسوع دے کول آ سکدے اُو۔ اُو تہانوں ٹھکرائے گا نہئیں۔ یسوع نے کہیا، ’’جیہڑا کوئی میرے کول آئے گا میں اُوہنوں خود توں جدا نہئیں ہون دیاں گا‘‘ (یوحنا6: 37)۔ یسوع دے کول آؤ۔ اُو تہاڈے گناہ معاف کر دیوے گا تے اپنے قیمتی لہو نال تہانوں پاک صاف کر دیوے گا۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔