بابل کا بُرج | The Tower of Babel

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

عظیم سیلاب دےبعد خدا نے نوح دے پُتراں دی آل اولاد نوں ’’پھلن پھولن تے تعداد وِچ ودھن تے زمین نوں معمور‘‘ کرن دے لئی کہیا (پیدائش9: 1)۔ خد نے اُوہناں نوں زمین نوں بھرن دے لئی کہیا، ایہنوں آباد کرن دے لئی کہیا۔ جیویں کہ ڈاکٹر میگی Dr. McGee نے ایہنوں لکھیا،

خدا نے انسان نون کہیا کہ اُوہنوں زمین تے پھیل جانا چائیدا اے تے زمین نوں لبریز کر دینا چائیدا اے۔ لیکن انسان نے ایس گل دے نچوڑ دا جواب دِتا، ’’کُج وی نہ کر کے۔ اَسی تِتر بِتر ہون دے لئی نہئیں جا رئے آں؛ اَسی اِکٹھے ہون دے لئی جا رئے آں ۔ اِسی تیرے توں تنگ آ گئے آں۔‘‘ بابل دا بُرج خداوند دے خلاف سی … ایہہ بُرج انسان دے خدا دے خلاف متکبرانہ، گستاخانہ بغاوت دے روئیے نوں ظاہر کردا اے (جے۔ ورنن میگیJ. Vernon McGee، ٹی ایچ۔ ڈی۔، بائبل وِچوں دی Thru the Bible، تھامس نیلسن اشاعت خانے Thomas Nelson Publishers، 1981، جلد اوّل، صفحہ 53؛ پیدائش 11: 4 تے غور طلب گل)۔

نمرود (پیدائش10: 8۔10) نے اُوتھے دریائے دجلہ تے فرات دی وادی وِچ لوکاں دی ایہنا اُوچا بُرج بنان دے لئی جِنہا اُو بنا سکدے سی رہنمائی کیتی۔ اُوتھے اُوس سارے علاقے وِچ ایس قسم دی تعمیرات دی قدیم عمارتاں نے۔ اُوہناں ساریاں دی چوٹی تیکر جان دے لئی راستے نے۔ جدوں اُو چوٹی تےپہنچدے سن تے اُو سورج، چن تے ستاریاں دی پرستش کردے سن۔ ایہہ اُوہناں بُرجاں وانگوں لگدے ہوئے ظاہر ہوندے نے جیہڑے بعد وِچ بابل دے لوکاں نے اُوہناں دے خدا مردوک دی پرستش دے لئی بنائے سن۔ ایہہ ’’برج‘‘ کافی حد تیکر وسطی امریکہ دےقدیم مایانی Mayan مندراں توں وی ملدے جُلدے نے، سامنے وَلوں دے اُوتے جاندے ہوئے راستیاں دے نال اوچی اوچی عمارتاں، جیتھے مایانی لوکی اپنے دیوتاواں دے لئی انساناں دی قربانیاں چڑھاندے سن۔ پولوس رسول رومیوں دے پہلے باب وِچ ایہناں قدیم لوکاں دی بت پرستی دے بارے چہ حوالہ دیہندا اے،

’’اگرچہ اُو خدا دے بارے وِچ جانندے سن لیکن اُوہناں نے اُوہدی تمجید تے شکر گزاری نہ کیتی جیس دے لئی اُو لائق سی۔ بلکہ اُوہناں دی خیالات فضول ثابت ہوئے تے اُوہناں دے ناسمجھ دِلاں تے انہیرا چھا گیا۔ اُو عقلمند ہون دا دعویٰ کردے سن لیکن بے وقوف نکلے۔ تے غیرفانی خدا دے جلال نوں فانی انسان تے پرندیاں، چوپایاں تے کیڑے مکوڑاں دی صورت وِچ بدل ڈالیا۔ ایسی لئی خدا نے وی اُوہناں دے دِلاں دی خواہشاں دے مطابق شہوت پرستی دے حوالے کر دِتا تاکہ اُو اپنے بدناں نال اِک دوجے دے نال گندے تے ناپاک کام کرن۔ اُوہناں نے خدا دی سچائی نوں جھوٹ نال بدل ڈالیا تے خالق دی بہ نسبت مخلوقات دی پرستش و عبادت وِچ بوہتے مشغول ہو گئے حالانکہ خدا ای ابد تیکر حمد و ستائش دے لائق اے۔ آمین‘‘ (رومیوں 1: 21۔25)۔

بابل دے بُرج نے اُوہناں دا مقصد پورا نہئیں کیتا سی۔ اُو چاہندے سن کہ ایہہ ’’آسمان وِچ پہنچ‘‘ جان۔ لیکن ایہہ نہئیں پہنچا۔ اُو چاہندے سن کہ ایہہ اُوہناں دی تہذیب دا مرکز ہون، تے اُوہناں نوں ’’وکھرن‘‘ توں دور رکھن جیویں کہ خدا نے حکم دِتا سی۔ لیکن، اُوہناں دے خواباں نوں پورا کرن دے بجائے، سارے دا سارے منصوبہ ابتری دا شکار ہو گیا۔ ’’اِیسے لئی ایس دا ناں بابل پڑ گیا‘‘ (پیدائش11: 9)۔ لفظ ’’بابل‘‘ دا مطلب ’’بوکھلاہٹ‘‘ اے۔ ایہہ واقعی چہ ’’بوکھلاہٹ دا بُرج‘‘ سی، کیوں جے ایہہ ایتھے ای سی کہ خدا نے اُوہناں دی زباناں وِچ اِختلاف ڈالن دے ذریعے توں اُوہناں دا انصاف کیتا سی۔ ایہہ اے جیتھے ساری دُنیا دی زباناں دا آغاز ہوندا اے، جدوں خدا نے اُوہناں دی زباناں وِچ اِختلاف پایا تے اُوہناں نوں منتشر کر دِتا۔

اَج فیصلے دے طور تے خدا ساڈے وِچکار بوکھلاہٹ پیہج چکیا اے۔ ساڈی یونیورسٹیاں وِچ اُوہناں دے مغرور تے بوکھلائے پروفیسرز نوں خدا دے چہرے تے اپنی مُکے بازیاں دے نال نظر پاؤ۔ ساڈے سیاست داناں نوں ویکھو، اِک دوجے تے اِلزامات لگاندے ہوئے، اِک دوجے تے حملہ کردے ہوئے، اِک دوجے تے انگلیاں چُکدے ہوئے – اُو سارے دے سارے ساڈے معاشی بحران نوں حل کرن دے قابل نہئیں نے، اُو سارے دے سارے اِک افراتفری دی حالت وِچ نے۔ ساڈے نوجوان لوکاں نوں ویکھو، بغیر نوکریاں دے، پریشان حال، مستقبل دی کسی اُمید دے بغیر،

’’ایس دُنیا وِچ خدا دے بغیر نااُمیدی دی حالت وِچ حیاتی لنگہاندے ہوئے‘‘ (افسیوں 2: 12).

ساڈے گھراں تے نظر پاؤ، مکمل طور تے پریشان حال، تے ٹکڑے ٹکڑے ہوندے ہوئے۔ ساڈی قوم تے نظر پاؤ، بالکل ساڈی انتہائی اَکھاں دے اَگے بوسیدہ تے تقسیم ہوندی ہوئی! عالمگیری افراتفری تے نظر پاؤ جیس دے بارے وِچ تُسی ہر روز اخبارات وِچ پڑھدے اُو!

اَج نسل انسانی ابتری دا شکار اے۔ دُنیا وِچ جیہڑی ہولناک پریشانی اے ایس نوں اَسی نفسیات یا عمرانیات دے ذریعے توں بیان نہئیں کر سکنے آں۔ تنہا بائبل وجہ پیش کردی اے۔ انسان دی پریشانی دی جڑ خدا دے خلاف اُوہدا تکبر تے بغاوت اے۔

’’[آؤ] اَسی اپنے لئی اِک شہر وسائیے تے اُوہدے وِچ اِک ایہو جیہا بُرج تعمیر کریے، جیس دی چوٹی آسمان تیکر جا پہنچے تاکہ ساڈا ناں مشہور ہووے تے اَسی ساری روئے زمین تے تِتر بِتر نہ ہوئیے‘‘ (پیدائش 11: 4).

ایہہ کی اے ماسوائے غرور تے تکبر دے، تے بغاوت دے، اُوس خدا دےخلاف جیس نے سانوں تخلیق کیتا؟ انسان دی فطرت وِچ کُج وی نہئیں بدلیا اے۔ انسان دی حتمی پریشانی خدا دے خلاف اُوہدا غرور تے اُوہدی بغاوت اے۔ ایہہ آسمان توں شیطان دے ڈِگن دا سبب سی،

’’توں اپنے دِل وِچ کہندا سی: میں آسمان تے چڑھ جاواں گا؛ تے اپنا تخت خدا دے ستاریاں توں وی اُوچا کراں گا؛ مٰں جماعت دے پہاڑ تے تخت نشین ہوواں گا، اُوس مقدس پہاڑ دی بالائی چوٹیاں تے۔ میں بادلاں دے سِراں توں وی اُوچا چڑھ جاواں گا؛ میں خدا تعالیٰ وانگوں بناں گا‘‘ (اشعیا 14: 13۔14).

کائنات وِچ شیطان دا غرور پہلا گناہ سی۔ لیکن خدا نے اُوہنوں جنت وِچوں کڈ کے زمین دے اِردگرد دی فضا چہ سُٹ دِتا۔ غرور تے بغاوت اُوہنوں ہیٹاں لے آئی۔

’’اِک بندے دے نافرمانی توں بوہتے لوکی گنہگار ٹھہرے …‘‘ (رومیوں 5: 19).

ساری دی ساری نسل انسانی گنہگار بن گئی سی جدوں غرور تے بغاوت وِچ آدم نے خدا دی نافرمانی کیتی سی۔ اَسی ساریاں نوں وراثت وِچ آدم دی گنہگار فطرت ملی جدوں اُو گناہ وِچ ڈِگیا سی۔ اُوہدے گناہ وِچ ڈِگن توں لے کے ہُن تیکر انسان دی فطرت وِچ کُج وی نہئیں بدلیا اے۔ نسل انسانی دی بغاوت تے غرور اُونج ای باقی اے۔ غور کرو کینج اُو سارے بابل دے بُرج تے جاپ وِچ اِکٹھے ہوندے نے۔ میہنوں یقین اے کہ نمرود، بابل دے بانی نے ایس جاپ دی راہنمائی کیتی سی،

اُوہناں نے ایہہ جاپ بار بار دھرایا – اُوہناں وِچوں ہزارہا اِکٹھے ہو کے اِک ای ویلے چہ ایہنوں گاندے سن۔ لیکن ایس گل تے غور کرو – کوئی وی اُوہدے خلاف ایس بغاوت وِچ کھڑا نہئیں ہویا سی۔ اُوہناں ساریاں دے ساریاں لوکاں نے ہجوم دا ساتھ دِتا تے گایا،

کسی نے وی احتجاج نہئیں کیتا۔ اُوہناں ساریاں دی ساریاں نے ایس جاپ وِچ شمولیت کیتی، تے خدا دے خلاف ایس بغاوت وِچ شمولیت کیتی!

ایہہ سانوں نسل انسانی دے گناہ وِچ اتحاد نوں ظاہر کراندی اے

’’جیویں کہ پاک کلام وِچ لکھیا اے: کوئی وی راستباز نہئیں، جی نہئیںِ اِک وی نہئیں: کوئی سمجھدار نہئیں، کوئی خدا دا طالب نہئیں‘‘ (رومیوں 3: 10۔11).

بابل دے بُرج تے اِک واعظ دے خاکے وِچ، ڈٓکٹر مارتن لائیڈ جونز نے کہیا،

انسان دی حتمی پریشانی غرور اے۔ ایہو ای اُوہدے اصلی گناہ وِچ ڈِگن دا سبب [سی]۔ انسان اُوس ویلے توں ای اینج دا ای رہیا اے۔ گناہ وِچ انسان ہمیشہ یقین کردا اے کہ اُو خدا دے برابر ہو سکدا اے تے خدا دی تھاں لے سکدا اے۔ [اسنان ایہہ وی سوچدا اے کہ اُو خود اپنی کوششاں نال حفاظت، خوشی، تے تحفظ حاصل کر سکدا اے۔ ایہہ ہمیشہ تباہی تے پریشانی وَچ لے جاندا اے۔ ایس دا المناک احمقانہ پن [انسان وِچ پنہاں اے] جیہڑا خدا دی عظمت دا احساس نہئیں کر رہیا اے؛ خود دے بارے وِچ [ایس] پریشانی دا احساس نہئیں کر رہیا اے؛ احساس نہئیں کر رہیا کہ خدا مسیح دے [ذریعے توں نجات دی پیشکش کردا اے]۔ آسمان وِچ جان دا واحد راستہ مسیح اے (مارٹن لائیڈ۔ جونز Martyn Lloyd-Jones، ایم۔ ڈی۔، لائیڈ۔ جونز: فضل دا پیغامبر Lloyd-Jones: Messenger of Grace وِچ حوالہ دتا آئیعن ایچ۔ میورےIain H. Murray نے، ٹرُتھ ٹرسٹ دا بینر The Banner of Truth Trust، 2008، صفحہ 89)۔

فیوڈور دوسٹویوسکی Fyodor Dostoyevsky، جیہڑے کہ اِک عظیم روسی مصنف نے، سچے سن جدوں اُوہناں نے کہیا، ’’زمانہ بعید توں لے کے موجودہ سال تیکر دے سارے معاشرتی نظاماں دے تشکیل کُنندہ … خواب ویکھن آلے، طلسماتی کہانیاں دسن آلے رئے سن، کم عقل بدُھو رئے سن جیہڑے خود دا تضاد کردے سن تے کُج وی نہئیں جانندے سن … اُو عجیب جانور آدمی کہلایا سی‘‘ (ڈاکٹر لائیڈ جونز وَلوں، حوالہ دِتا سی آئیعن ایچ میورے نے، ibid.)۔ معاشرتی نظاماں دے سارے تشکیل کُنندہ، نمرود توں لے کے مارکس Marx توں لے کے لیننLenin تیکر، ماؤ سی تُنگ Mao Tse Tung توں لے کے باراک اوباما تیکر، ’’خواباں نوں ویکھن آلے رئے نے، سانوں پریاں دیاں کہانیاں سُناندے رئے نے، کم عقل بدُھو رئے نے جیہڑے خود دا تضاد کردے نے تے کُج وی نہئیں جانندے نے … اُوس عجیب جانور دا ناں آدمی کہلایا‘‘ (میورے، ibid.)۔ ’’معاشرتی نظاماں دے سارے تشکیل کُنندہ ایس گل نوں سمجھن وِچ ناکام رہ چکے نے کہ نسل انسانی بطورِ کُل گناہ وِچ ڈِگن دے ذریعے تباہ ہو گئی اے۔ انسان نوں اِک ’’نئے‘‘ معاشرتی نظام دے ذریعے توں نہئیں بچایا جا سکدا اے۔ انسان نوں صرف یسوع مسیح دے وسیلے توں ای بچایا جا سکدا اے۔

نجات دے لئی واحد راستہ مسیح وِچوں اے، جیہڑا خدا دا دائمی پُتر اے کیوں جے،

’’مسیح یسوع گنہگاراں نوں نجات دلان دے لئی دُنیا وِچ آیا‘‘ (1۔ تیموتاؤس 1: 15).

کُج جِنہاں نے پاک کلام نوں مسترد کیتا اے تکبرانہ تے باغیانہ طور تے کہن گے، ’’جے خدا ’غیرجانبدار‘ سی، تے اُوہنے سارے لوکاں نوں بچایا ہووے گا۔‘‘ ’’غیرجانبداری‘‘ دا تصور بوہتا جدید اے۔ ’’غیرجانبداری‘‘ دے بجائے بائبل ’’انصاف‘‘ دی گل کردی اے۔ چونکہ سارے لوکی خدا دے خلاف باغی تےمغرور نے، ایس لئی خدا دے لئی ایہہ اِنصاف ہووے گا کہ ہر انسان نوں جیہڑا کدی وی جیا اے جہنم دے دائمی شعلیاں دی سزا دیوے۔ اُو مکمل طور تے اِنصاف ہووے گا۔ حالانکہ ایہہ جدید آزاد خیال لوکاں، نشئی دھواں پین آلیاں تے اِرادے دی آزادی دے حامل لوکاں دے انہے دماغاں نوں شاید ’’غیر منصفانہ‘‘ ظاہر ہووے، مگر ایہہ خدا دے لئی بالکل اِنصاف اے کہ ہر ناقابلِ اصلاح گنہگار نوں اَگ دی جھیل دے لئی پیہج دیوے۔ تے بائبل تعلیم دیندی اے کہ سارے لوکی، بِلاشُبہ، ناقابلِ اصلاح گنہگار نے۔

ایسے لئی حقیقی تبدیلی اِک آدمی دے نال، اپنے دِل وِچ ایہہ منن توں ای شروع ہوندی اے کہ اُو رحم دا مستحق نہئیں اے، اپنے دِل وِچ ایہہ تسلیم کرن نال شروع ہوندی اے کہ اُو خدا دے دھشتناک قہر و غضب دا مستحق اے توں ای شروع ہوندی اے، صرف جدوں اِک آدمی خدا دی روح دے وسیلے توں ٹٹدا اے فیر ای اُو حقیقی تبدیلی دے لئی تیار ہوندا اے۔ صرف جدوں اِک آدمی محسوس کردا اے کہ ’’میرا گناہ ہمیشہ دے لئی میرے اَگے اے‘‘ (زبور51: 3)۔ فیر ای اُو خدا دی حضوری وِچ حقیقی تبدیلی دے لئی اِک اُمیدوار بنندا اے۔ ڈاکٹر جے۔ گرے شام میکحن Dr. J. Gresham Machen دی گل دی توضیح کرن دے لئی، ’’خوشخبری صرف اِک بے بنیاد کہانی وانگوں لگے گی‘‘ جدوں تیکر کہ اِک شخص اپنے گناہ، دوویں اُوہدا موروثی گناہ تے اُوہدا اصلی گناہ دے جرم دے ذریعے توں سزایافہ محسوس نہ کرے، صرف جدوں اِک شخص دی روح اُوہدے موروثی گناہ تے اصلی گناہ دے بوجھ ہیٹاں دب کے کُچلدی اے، صرف اُودھوں ای، تے ایس توں پہلاں بالکل وی نہئیں، اُو خدا دے ہتھاں وِچ کھیچے جان دے قابل ہوندا اے، جیہڑا شاید فیر توں اُوہنوں یسوع دے لئی کھِیچ لہووے۔

جدوں تیکر کہ تُسی خود دے نال جیہو جئے تُسی اُو اطمینان رکھدے اُو، تُسی نجات دہندہ دے لئی کدی وی خدا دے روح دے وسیلے توں نہئیں کھیچے جان گے، تے کدی وی دائمی سزا توں بچ نہئیں پان گے! اکثر اپنے گناہ دے بارے سوچا کرو۔ اکثر جہنم دے بارے چہ سوچا کرو۔ ایہہ تہانوں یسوع مسیح وِچ نجات دے لئی تیار کرے گا۔ باقی دوجے سارے طریقے حتمی طور تے ناکام رہ جان گے۔ خود دی اصلاح کرن دی ساری کوششاں رائیگاں جان گئیاں۔ سیکھن تے بائبل دی مطالعہ کرن دے ذریعے توں خود نوں بچان دی ساری کوششاں ناکام ہو جان گئیاں۔ [تہاڈی] خود دی کوششاں دے ذریعے توں حفاظت، خوشی، تے تحفظ حاصل کرن دی کوششاں ناکام رہ جان گیاں۔ ’’ایہہ ہمیشہ تباہی تے پریشانی وَل جاندا اے‘‘ (لائیڈ جونز، ibid.)۔ جیویں کہ ایہہ بابل دے بُرج تے اُوہناں دے نال سی، اینج ای ایہہ تہاڈے نال ہووے گا۔ پریشانی! بوکھلاہٹ! پریشانی دی اِک حیاتی تے پریشانی دی لامحدودیت، اَگ تے گندھک اُوہناں ساریاں دا انتظار کردی اے جیہڑے بغاوت تے غرور وِچ خدا دے خلاف کھڑے ہوندے نے! تباہی تے پریشانی ہمیشہ تہاڈے نال ای ہووے گی جدوں تیکر کہ خدا دی روح تہانوں تہاڈے گناہ دی سزایابی دے تحت نہئیں لہیاندی اے، تے تہانوں تہاڈے لئی یسوع، خدا دے پُتر دی لوڑ نوں محسوس کرن دے لئی بیدار نہئیں کردی اے!

یسوع سولی تے تہاڈے گناہ دا کفارہ ادا کرنے دے لئی قربان ہو گیا سی۔ اُوہنے تہاڈی تھاں تے بطور تہاڈے متبادل دے مصیبتاں برداشت کیتیاں۔ اُو مُردیاں وِچوں جی اُٹھیا تے واپس آسمان تے چُکیا گیا تاکہ تہانوں اِک نیا جنم پیش کرے۔ اُوہدا قیمتی لہو ہمیشہ دے لئی تہاڈے گناہ دھو سکدا اے! لیکن تُسی کدی وی اپنے لئی یسوع دی لوڑ نوں محسوس نہئیں کر پاؤ گے جدوں تیکر کہ تہانوں تہاڈے گناہ دا بوجھ محسوس نہئیں کرایا جاندا، تے تہانوں خدا دے خلاف بغاوت تے تہاڈے غرور دے لئی شرمندہ نہئیں کیتا جاندا۔ فیر شاید خدا دے ذریعے توں تہاڈی راہنمائی ہو جائے اپنے دِل وِچ ایہہ کہن دے لئی کہ،

میری تلاشی لے، اے خدا، تے میرے دِل نوں جان لے؛
میہنوں آزما تے میرے خیالات نوں جان لے۔
تے میرے دِل نوں جان لے؛ میہنوں آزما، تے میرے خیالات نوں جان لےْ۔
تے ویکھ کہ آیا میرے چہ کوئی مکاری تے نہئیں موجود اے،
تے میری رہنمائی ہمیشہ دی راہ تے ٹرن دے لئی کر
(’’میری تلاشی لے، اے خدا Search Me, O God،‘‘ زبور 139: 23۔24)۔

کھڑے ہو جاؤ تے ایہنوں گاؤ۔ ایہہ تہاڈے گیتاں دے ورق تے 8 نمبر گیت اے، ’’میری تلاشی لے، اے خُدا‘‘ (زبور139: 23۔24)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔