ہم اپنی بے گناہی کیسے ثابت کریں

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یوسف دے پراہواں نے اُوہنوں مصر وِچ غلامی دے لئی بیچ دِتا سی۔ ہُن اُو اِک بہوتے اُوچے رُتبے تے پہنچ چکیا سی، تے فرعون دے بعد دوجے نمبر تے سی۔ قحط دے دوران، اُوہدے پرھا خوراک دے لئی بھیک منگدے ہوئے مصر وِچ آئے سن۔ اُوہناں نے یوسف نوں پہنچانیا نہئیں سی۔ اُوہنے اُوہناں نوں گھر لے جان دے لئی خوراک دیاں بوریاں بھر کے دِتیاں۔ لیکن یوسف نے اُوہناں دا اِمتحان بنیامین دی بوری وِچ اپنا چاندی دا پیالہ چھپا کے لیہیا۔ جدوں یوسف نے ایہنوں دریافت کیتا تے اُوہناں نے انتہائی پریشانی دا عالم وِچ اپنے کپڑے پھاڑ دِتے کیوں جے اُو جانندے سن کہ اُوہنے ایہہ سوچیا سی کہ اُوہناں نے ایہنوں چُرایا سی۔ اُو یوسف دے گھر دے آئے تے اُوہدے اَگے زمین تے گوڈیاں تے جھک گئے۔ جیویں کہ میں کیہیا، یوسف اُوہناں دا اِمتحان لے رہیا سی۔ اُوہنے کہیا، ’’ایہہ تُسی کی کیتا؟ (پیدائش44: 15)۔ فیر یہودہ نے ساڈی تلاوت دے الفاظ ادا کیتے۔ اُوہنے یسوع نوں کیہیا،

’’اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

جینیوا بائبل تے جدید تراجم وِچ ’’بےگناہیclear ‘‘ دے بجائے ’’دلیل نال وضاحت کرنا justify‘‘ لکھیا اے جیویں کہ کنگ جیمش دے نسخے KJV وِچ لکھیا اے۔ لیکن میرا خیال اے کہ کنگ جیمس بوہتی واضح تے زیادہ بامعنی اے۔ عبرانی لفظ ’’تصادقtsadaq‘‘ دا لفظی طور تے مطلب ’’صاف کرنا‘‘ یا ’’خود نوں بے گناہ ٹھہرانا‘‘ ہوندا اے (سٹرانگStrong)۔ میرے خیال وِچ KJV ایس نوں سمجھن وِچ آسانی پیدا کردی اے، ’’اَسی اپنی بے گناہی کیویں ثابت کریے؟‘‘ اَسی اپنے آپ نوں پاک صاف کیویں کریے؟ ’’خدا نے تیرے خادماں دا جرم بے پردہ کر دِتا۔‘‘ خدا نے اُوہناں دے گناہ افشا کر دتے سن، جیس وِچ یوسف نوں بطور غلام دے بیچنا وی شامل سی۔ اُوہناں دا گناہ خدا دے وسیلے توں ’’بے پردہ‘‘ ہو گیا سی۔ یہودہ چلایا،

’’اَسی اپنی بے گناہی کیویں ثابت کریے؟‘‘ (پیدائش 44: 16).

تے ایہو ای اَج دی راتی تہاڈا وی سوال ہونا چائیدا اے۔

خدا نے تہاڈے جرم بے پردہ کر دِتے۔
تُسی اپنی بے گناہی کینج ثابت کرو گے؟

ایہہ سارے سوالاں وِچ سب توں بوہتا اہم اے۔ خدا نے تہاڈے گناہ بےپردہ کر دِتے نے۔ تُسی اپنی بے گناہی کینج ثابت کرو گے؟ خود اپنے آپ نوں پُچھو،

’’میں اپنی بے گناہی کینج ثابت کراں گا؟‘‘
’’میں خود نوں کینج پاک صاف کراں گا؟‘‘

ایتھے کوئی غلطی مت کرو۔ ایس نال تعلق رکھدے ہوئے بائبل تین واضح سچائیاں پیش کردی اے۔

I۔ پہلی گل، خدا مجرم نوں بے سزا نہئیں چھڈا گا۔

’’اُو کسی طور وی مجرم نوں بے سزا نہئیں چھڈے گا‘‘ (خروج 34: 8).

جدید انسان سوچدا اے کہ خدا اپنی اَکھاں گناہ دے لئی بند کر سکدا اے۔ اُو سوچدے نے کہ اُو کہہ سکدا اے، ’’میں ایس گناہ نوں بالکل بُھل جاواں گا۔‘‘ لیکن ایہہ اُو خدا نہئیں اے جیہڑا بائبل وِچ آشکارہ کیتا گیا اے۔ اُو حقیقی خدا، جیہڑا کلام پاک وِچ آشکارہ کیتا گیا اے، اپنی قدرت دے وسیلے توں، ’’مجرم نوں بے سزا نہئیں چھڈ‘‘ سکدا۔ ڈاکٹر میگی Dr. McGee نے کہیا،

گناہ دی سزا ضرور ہوئی چائیدی اے تے اِک جرمانہ لاگو ہونا چائیدا اے۔ خدا کسی طور وی مجرم نوں بے سزا نہئیں چھڈدا اے‘‘ (جے۔ ورنن میکجی، ٹی ایچ۔ ڈی۔، J. Vernon McGee, Th.D.,، بائبل وِچوں Thru the Bible، تھامس نیلسن اشاعت خانے Thomas Nelson Publishers، 1981، جلد اوّل، صفحہ306؛ خروج34: 7 تے اِک غور طلب گل)۔

تُسی شاید ایہدے نال متفق نہ ہوو۔ تُسی شاید سوچدے ہوو کہ خدا تہاڈے گناہ نوں نظر انداز کر دیوے گا۔ لیکن خدا کہندا اے،

’’توں سوچیا کہ میں وی گویا تیرے ای وگرا آں‘‘ (زبُور 50: 21).

’’خداوند دا قہر شدید تہاڈے تے بھڑکن نوں اے‘‘ (2۔ تواریخ 28: 11).

ایہہ بائبل دا خدا اے۔ ایہہ سچا خدا اے۔ ایہہ خدا اے جیہڑا کہندا اے،

’’میں دُنیا نوں اُوہدی بُرائی دی، تے شریراں نوں اُوہناں دے گناہواں دی سزا دیاں گا‘‘ (اشعیا 13: 11).

’’اَسی اپنی بے گناہی کینج ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

ایہہ اے جیہڑا سارے گنہگاراں نوں پُچھنا چائیدا اے۔

اَسی کینج اپنی بے گناہی ثابت کریے؟
خدا نے ساڈے گناہ بے پردہ کر دِتے نے!

افسوس! بوہتی دیر ہو چکی اے! جدوں فیصلہ ہوندا اے،

’’صِیّون وِچ رہن آلے گنہگار خوفزدہ نے؛ تے بے دیناں نوں کپکپی نے آ پھڑیا؛ ساڈے وِچوں کون اُوس مہلک اَگ وِچ رہ سکدا اے؟ ساڈے وِچوں کون ایہناں ابدی شعلیاں دے وِچکار بس سکدا اے؟‘‘ (اشعیا 33: 14).

میں اپنی بے گناہی کیویں ثابت کراں گا؟
خدا نے میرے گناہ بے پردہ کر دِتے نے۔

II۔ دوجی گل، خدا عادل اے جدوں گناہ دا فیصلہ کردا اے۔

’’اُو صادق القول خدا اے جیہڑا بدی توں مبّرا اے، اُو راستباز تے عادل اے‘] (استثنا 32: 4).

خدا مکمل طور تے عادل ہوندا اے جدوں اُو فیصلہ کردا اے۔ خدا دا انصاف گناہ دے لئی فیصلے دا تقاضا کردا اے۔ ایسے لئی خدا ای نوں تہاڈے گناہواں دا انصاف کرنا چائیدا اے، ورنہ اُو راستباز نہئیں ہو سکدا اے۔

آخری فیصلے تے تہاڈی حیاتی دے سارے گناہواں نوں سامنے لیہیا جائے گا۔

’’تے سارے مُردیاں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12).

’’لہٰذا میں تہانوں کہنا آں کہ اِنصاف دے دِن لوکاں نوں اپنی ہر بُری گل دا حساب دینا ہووے گا کیوں جے تُسی اپنی گلاں دی وجہ توں راستباز یا گنہگار ٹھہرائے جاؤ گے‘‘ (متی 12: 36۔37).

’’کیوں جے کوئی شے ڈھکی ہوئی نہئیں اے جیہڑی گھولی نہ جائے گی تے کوئی شے چھپی ہوئی نہئیں اے جیہڑی ظاہر نہ کیتی جائے گی‘‘ (متی 10: 26).

چونکہ تہاڈے ریکارڈ وِچ بے شمار گناہ درج ہوندے نے،

تُسی اپنی بے گناہی کیویں ثابت کرو گے؟
خدا نے تہاڈے جرم بے پردہ کر دِتے نے!

’’اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

اَج دی راتی ایہہ تہاڈا سوال ہونا چائیدا اے! میں کینج اپنی بے گناہی ثابت کر سکنا آں؟ میں کینج اِک منصف تے پاک خدا دی حضوری وِچ کِھلو سکنا آں جیس نے میرے جرم نوں بے پردہ کیتا اے؟ سپرجیئین Spurgeon نے کہیا،

جدوں میں گناہ دی سزایابی دے تحت سی میہنوں خدا دے انصاف دا واضح تے شفاف احساس سی۔ گناہ … میرے لئی اِک ناقابلِ برداشت بوجھ بن چکیا سی … میں خود دا ایہنا دھشت ناک مجرم ہونا جانندا سی کہ میہنوں اُو محسوس کرنا یاد اے کہ جے خدا نے میہنوں گناہ دے لئی سزا نہ دِتی، جیہڑی کہ اُوہنوں دینی چائیدی اے۔ میں محسوس کیتا کہ ساری روئے زمین دے منصف نوں ایہو جئے گناہ نوں جینج دا میرا اے سزا دینی چائیدی اے… میں خود نوں مر جان دے لئی مذمت کیتی، کیوں جے میں ایہہ اعتراف کیتا کہ، کی میں خدا ہو چکیا سی، میں ایس دے سِوا ہُور کُج وی نہئیں کر سکیا کہ میرے وگرے مجرم درندے نوں گہری ترین جہنم دی کھائی وِچ پیہجدا … اُو گناہ جیہڑا میرے توں سرزد ہو چکیا سی اُوہدی سزا میہنوں ملنی چائیدی سی۔ لیکن فیر ایتھے سوال سی کہ خدا کیہو جیہا منصف ہووے گا تے فیر وی میرا جیہڑا ایس قدر قصور وار رہ چکیا سی انصاف کرے گا (سی۔ ایچ۔ سپرجئین C. H. Spurgeon، کینج منصف خدا قصور وار بندے دا اِنصاف کر سکدا اے؟ How Can a Just God Justify Guilty Man?‘‘ چھوٹے گرجہ گھر دی لائیبریری Chapel Library، پینساکولا Pensacola، فلوریڈا Florida)۔

’’اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

III۔ تیجی گل، نیکی کرن دے وسیلے توں خدا دے حضوری وِچ اپنے آپ نوں بے گناہ ثابت کرنا ممکن نہئیں اے۔

کی ہووے گا جے تُسی اپنی بالکل دُرست حیاتی ہُن توں لے کے اُوس ویلے تیکر جدوں تیکر کہ تُسی مردے نہئیں لنگہاندے اُو؟ کی ہووے گا جے تُسی اپنی باقی ساری حیاتی دے لئی، دوویں ظاہری تے باطنی، سارے گناہ چھڈ دیو؟ میں اِک لمحے دے لئی وی یقین نہئیں کردا کہ تُسی اینج کر سکدے اُو۔ لیکن کی ہووے جے تُسی دوبارہ فیر کدی کوئی گناہ نہ کر سکو – لفظی طور تے، خیالات وِچ یا اعمال دے ذریعے توں؟ کی ہووے جے تُسی ہُنے توں گناہ کرنا چھڈ سکدے ہوو، تے فیر دوبارہ کدی وی گناہ نہ کرو؟ تے ایہہ تہانوں کیویں نجات دلائے گا؟ اُو گناہ جیہڑے تہاڈے توں پہلاں ای سرزد ہو چکے نے سارے دے سارے آسمان تے خدا دی کتاباں وِچ درج نے،

’’تے سارے مُردیاں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12)

’’اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

’’اُو کیہڑا اے جیہڑا ناباپ وِچوں پاک شے کڈ سکے؟ کوئی وی نہئیں! (ایوب 14: 4).

ایس دا مطلب اے کہ اپنے گناہ نوں پاک صاف کرنا تہاڈے اپنے ہتھاں وِچ نہئیں اے۔ ایہہ کُج اینج دا اے جیہڑا تُسی نہئیں کر سکدے اُو۔ اینج دا کُج نہئیں ہے جیہڑا تُسی کہندے یا کردے اُو تہانوں پاک صاف کر سکدا ہووے۔ ساڈی ایہو ای تلاوت ایس سچائی نوں سامنے لیہیاندی اے،

’’اَسی اپنی بے گناہی کینج ثابت کریے؟‘‘ (پیدائش 44: 16).

ایس دا جواب بالکل سادہ جیہا اے – تُسی اپنے آپ نوں بے گناہ ثابت نہئیں کر سکدے اُو! تُسی خود نوں ’’پاک صاف‘‘ نہئیں کر سکدے اُو! جے تُسی ای خود نوں پاک صاف تے بے گناہ ثابت کر سکدے ہوندے تے کیوں خدا تہانوں گناہ توں پاک صاف کرن دے لئی بے گناہ ثابت کرن دے لئی مسیح نوں سولی تے پیہجدا؟ کیوں بائبل کہندی اے،

’’یسوع مسیح، جیہنوں خدا نے مقرر کیتا کہ اُو اپنا لہو وگائے تے اِنسان دے گناہ دا کفارہ بن جائے تے اُوہدے تے ایمان لیہیان آلےفائدہ چُکن‘‘ (رومیوں 3: 24۔25).

نا ای توں میرے ہتھاں دی جفاکشی
     تیری شریعت دے تقاضیاں نوں پورا کر سکدی اے؛
میرا جوش عارضی سکون نہئیں جان سکے گا،
     میرے اَتھرو ہمیشہ دے لئی نہئیں وگن گے،
سارے گناہ دے لئی کفارہ نہئیں ہووے گا؛
     تیہنوں بچانا چائیدا اے، تے تنہا تیہنوں ای۔

چٹاناں دے زمانے، میرے لئی پھٹ گئے،
     میہنوں تیرے وِچ خود نوں چھپان دے؛
ایس پانی تے لہو نوں،
     جیہڑا تیرے دریا دے کنڈیاں توں وگایا،
میہنوں ایس جرم تے قوت توں پاک صاف کردا اے۔
     (’’چٹاناں دے زمانےRocks of Ages ‘‘ شاعر اگستس ایم۔ ٹاپلیڈی Augustus M. Toplady، 1740۔1778)۔

’’اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

ایس پانی تے لہو نوں،
جیہڑا تیرے دریا دے کنڈیاں توں وگایا،
گناہ دا دہرا علاج ہووے،
میہنوں ایس جرم تے قوت توں پاک صاف کردا اے۔

کُج وی نہئیں خدا دی کتاباں وِچوں تہاڈی بے گناہی ثابت کر سکدا تے تہانوں گناہواں توں پاک صاف کر سکدا، ماسوائے یسوع دےسولی تے وگائے لہو دے۔ مسیح دے کول آؤ۔ اُوہدے لہو دے وسیلے توں اپنے گناہ توں پاک صاف ہوو ایس توں پہلاں کہ تہاڈے اینج کرن دے لئی ہمیشہ دے لئی بوہتی دی ہو جائے۔

’’اَسی اپنی بے گناہی کیویں ثابت کریے؟ خدا نے تیرے خادماں دا جرم بے پردہ کر دِتا‘‘ (پیدائش 44: 16).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔