ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پطرس رسول سانوں دسدا اے کہ نوح دی کشتی تے بپتسمہ نجات دی تشبیہ تے عکاسی نے۔ اُو دوواں نوں اِک نال رکھدا اے (کشتی تے بپتسمہ) ایس گل دی وضاحت دے لئی کہ اَسی کیویں بچائے گئے آں (1 پطرس 3: 20-21)۔ نوح نوں دُنیا چھڈ کے جانا پیہیا۔ سیلاب اُوتوں دی نازل ہویا جدوں کہ نوح کشتی وِچ دفن ہویا، کشتی دے ہیٹاں دے پانیاں تے اُوتے دے پانیاں دے وِچکار دفن ہویا۔ فیر، اِک ویلے دے بعد، نوح کشتی توں نکل کے اِک نئی دُنیا وِچ آیا، فیر توں زندہ ہویا۔ اینج ای، اِک بندہ جیہڑا نجات پاندا اے بپتسمہ لیہندا اے۔ سب توں پہلاں۔ اُو دُنیا نوں چھڈ کے مسیح وِچ آندا اے۔ اُو مسیح دے نال دفن ہوندا اے تے فیر حیاتی دے نئے پن وَل اُٹھدا اے (رومیوں 6: 3-4)۔

بپتسمہ ایس ای گل دی اِک تشبیہ یا تصویر اے جیس دا تجربہ نوح نے کشتی وِچ کیتا سی – کہ نجات موت دے، دفن ہون دے تے جی اُٹھن دے ذریعے توں اے۔ نوح دُنیا توں چلا گیا۔ اُو کشتی وِچ داخل ہویا، اِک مخصوص ویلہ ہوندا اے جدوں مسیح وِچ ایمان لیہیا کے تبدیل ہون آلا دُنیا نوں چھڈ کے مسیح وِچ شامل ہوندا اے۔ فیر نوح نوں اندر بند کر دِتا گیا۔ اُوہدے تے ’’وعدے دے مطابق اُوہدی روح القدس نال مہر لگائی گئی‘‘ (افسیوں 1: 13)۔ نوح کشتی وِچ گیا، ’’تے خداوند نے اُوہنوں اندر بند کر دِتا‘‘ (پیدائش 7: 16)۔ اُو اُوس ویلے تیکر باہرنہئیں آ سکدا سی جدوں تیکر خدا نے بوّہا نہئیں کھولیا۔ سیلاب باہر بپھریا ہویا سی، لیکن نوح نے پایا کہ اُو کشتی وِچ محفوظ اے۔ اینج ای اِک نئے مسیحی دے نال ہوندا اے۔ اِک ویلہ ہوندا اے، جدوں اُو مسیح وِچ شامل ہوندا اے، کہ حملیاں دا سیلاب آندا اے، لیکن مسیحی نوں معلوم ہوندا اے کہ اُو مسیح [یسوع] وِچ محفوظ اے۔ فیر اِک ویلہ آندا اے جدوں خدا بوہا کھولدا اے، تے مسیحی خدا دے گواہ تے خادم دے طور تے اِک نئی دُنیا وِچ چلا جاندا اے۔ اُو اِک کامل آدمی نہئیں اے، کیوں جے اُو ہُنے وی ’’بچپن توں بُرائی وَل مائل‘‘ اے (پیدائش 8:21)، لیکن اُو اپنے لئی مسیح دی قربانی نوں یاد کردا اے۔ اُو مسیح دی وجہ توں قبول کیتا جاندا اے، ’’جیتھے اُوہنے سانوں [اپنے] عزیز [پُتر] دے وسیلے توں عنایت فرمایا‘‘ (افسیوں 1: 6)۔ تے خداوند کہندا اے، ’’میں فیر توں لعنت نہئیں پیہجاں گا … نہ … فیر ماراں گا‘‘ (پیدائش 8: 21)۔

پیدائش دی کتاب اِک حقیقی سچائی دی کتاب اے، جیہڑی آن آلے مسیح دی تشبیہات تے سائیاں توں بھری ہوئی اے، تے صلیب تے ایہدی قربانی دے ذریعے نجات اے۔ جے تُسی ایہناں خیالات نوں ذہن وِچ رکھدے ہوئے پیدائش [دی کتاب] نوں پڑھن، تے تُسی ایمان دے وسیلے توں خدا دی بہوتی گہری گلاں نوں ویکھو گے۔ لیکن ہُن اَسی تلاوت وَل آنے آں،

’’تے خداوند تیکر اِک فرحت بخش خوشبو پہنچی تے خداوند نے دِل ای دِل وِچ کہیا، میں انسان دے سبب توں فیرکدی زمین تے لعنت نہئیں پیہجاں گا حالانکہ اُوہدے دِل دا ہر خیال بچپن ای توں بدی وَل مائل ہوندا اے تے آئندہ کدی سارے جانداراں نوں ہلاک نہ کراں گا جیویں کہ میں کر چکیا آں‘‘ (پیدائش8: 21)۔

ایس آیت وِچ اَسی دو عظیم سچائیاں نوں ویکھنے آں۔

I۔ پہلی گل، اِنسان دی فطرت وِچ بدکاری اے۔

’’کیوں جے انسان دے دِل دا ہر خیال بچپن ای توں بدی وَل مائل ہوندا اے‘‘ (پیدائش8: 21)۔

تُسی یاد رکھو گے، سیلاب توں پہلاں، کہ

’’خداوند نے ویکھیا کہ زمین تے انسان دی بدی بوہتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش6: 5)۔

لیکن سیلاب نےانسانی فطرت نوں نہئیں بدلا۔ سیلاب دے بعد انسان دا دِل اُونج دی ای سی۔ تُسی سوچ سکدے اُو کہ ایہو جئی ہولناک آفت انساناں نوں بدل دیوے گی، گھٹ توں گھٹ کشتی وِچ بچ جان آلیاں نوں بدل دے گی۔ لیکن بائبل سانوں دسدی اے کہ ایس نال انسان دی فطرت بالکل نہئیں بدلی۔ تے اینج، جیویں کہ نوح خداوند نوں بھسم ہون آلی قربانیاں پیش کردا اے، خدا فیر کہندا اے،

’’انسان دے دِل دا ہر خیال بچپن ای توں بدی وَل مائل ہوندا اے‘‘ (پیدائش8: 21)۔

اینج ای ساری بائبل وِچ خدا دے ذریعے توں انسان نوں بیان کیتا گیا اے۔

’’کوئی ایہو جیہا بندہ نہئیں جیس نے گناہ نہئیں کیتا‘‘ (II تواریخ6: 36)۔

’’زمین تے ایہو جیہا راستباز کوئی نہئیں اے جیہڑا صرف نیکی ای نیکی کرے تے کدی خطا نہ کرے‘‘ (واعظ 7: 20)۔

’’بنی آدم دے دِل بدی توں تے اُوہناں دے سینے عمر بھر دیوانگی نال بھرے رہندے نے‘‘ (واعظ 9: 3)۔

’’ساڈے وِچوں ہر اِک نے اپنی اپنی راہ لئی‘‘ (اشعیا53: 6)۔

’’دِل ساریاں شیواں توں ودھ کے حیلہ باز تے لاعلاج ہوندا اے‘‘ (یرمیاہ17: 9)۔

’’سارے دے سارے گناہ دے قابو وِچ نے؛ جیویں کہ لکھیا اے، کوئی راستباز نہئیں، اِک وی نہئیں‘‘ (رومیوں3: 9۔10)۔

پس، سانوں دسیا جاندا اے کہ سارے دے سارے

’’قصوراں تے گناہواں وِچ مُردہ نے‘‘ (افسیوں2: 1)۔

خدا دے لئی سانوں مسیح وِچ ایمان دِلا کے تبدیل کرنا ضروری اے، کیوں جے ساڈی آدم آلی فطرت ایہنی بُری تے مُردہ اے کہ سزا دا سیلاب وی اُوہدے بُرے تصورات دا علاج نہئیں کر سکدا! سپرجیئن نے کہیا،

اوہ خدایا! انسانی فطرت کیہنی نااُمید اے! ایہہ کیہنا ناممکن اے کہ جسمانی نیت رکھن آلے دماغ دا خدا نال میل ملاپ ہووے! ایہہ کیہنا ضروری اے کہ تُسی سانوں نئے دِل تے صحیح روحاں دیو، ایہہ ویکھدے ہوئے کہ [آدم آلی] فطرت ایہنی بُری اے کہ سزا دا سیلاب وی اُوہنوں اُوہدے بُرے تصورات توں دور نہئیں کر سکدا! (سی ایچ سپرجیئنC. H. Spurgeon، ’’انسانی بدکاری تے الہٰی رحم Human Depravity and Divine Mercy‘‘، میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پلگرِم اشاعت خانے Pilgrim Publications، دوبارہ اشاعت 1979، جلد XI، صفحہ99)۔

II۔ دوجی گل، مسیح دا کفارہ خدا دے غضب نوں تسلی بخشدا اے۔

خداوند نے زمین تے انسان دے بدکار دِل دی وجہ توں سیلاب دے ذریعے توں لعنت پیہجی (پیدائش6: 5۔7)، لیکن ہُن اُو کہندا اے،

’’میں انسان دے سبب توں فیرکدی زمین تے لعنت نہئیں پیہجاں گا حالانکہ اُوہدے دِل دا ہر خیال بچپن ای توں بدی وَل مائل ہوندا اے تے آئندہ کدی سارے جانداراں نوں ہلاک نہ کراں گا جیویں کہ میں کر چکیا آں‘‘ (پیدائش8: 21)۔

ایس پُٹھے فیصلے دی وجہ کی رئی سی؟ خدا نے ہُن کیوں کہیا کہ اُو فیر توں ’’زمین تے لعنت‘‘ نہئیں پیہجے گا، حالانکہ اُوہنے ہُنے ای انسان دے بُرے دِل دی وجہ توں اینج کیتا سی؟ انسان وِچ ایہو جیہا کُج نہئیں ہو سکدا جیہڑا بدل جائے۔ ایہہ نوح دا تقویٰ تے پرھیزگاری نہئیں ہو سکدی جیس نے خدا دے غضب نوں تسلی بخشی۔ لوتھر نے کہیا،

ایہہ افسوس دی گل اے کہ ایس عبارت دا ترجمہ [کیتھولک بائبل وِچ لاطینی وِچ، تے ہُن جدید ’’فیصلہ ساز‘‘ ترجمیاں وِچ] ایس طرح کیتا گیا اے کہ ایس نے صوفیاء [قرونِ وسطیٰ دے کیتھولک اُستاداں] نوں ایس دی تشریح کرن دا موقع فراہم کیتا اے۔ انسان دا تخیل بذاتِ خود برائی نہئیں سی بلکہ صرف بُرائی وَل مائل سی [جیویں کہ اَج NIV ’’تخیل‘‘ دا ترجمہ ’’جھکاؤ‘‘ دے طور تے کردی اے تے NASB ایس دا ’’اِرادہ‘‘ رکھدی اے] … ساڈی تلاوت (پیدائش8: 21) دے سلسلے وِچ اینج لگدا سی اُو کہندے نے کہ جدوں کہ انسان گناہ وَل ’’مائل‘‘ اے لیکن ایس دا جھکاؤ [یا اِرادہ] آزاد مرضی دی طاقت دے تابع اے، تے ایس لئی انسان گناہ کرن دا پابند نہئیں اے۔ ایس دے باوجود اگرچہ ایہناں صوفیاں [یا ’’فیصلہ پسنداں‘‘] نے انسانی فطرت دی خرابی دی تردید کیتی، لیکن اُوہناں نے ظاہر کیتا کہ اُو اپنی اُلجھی ہوئی سوچ وِچ واضح نہئیں سن، کیوں جے اُوہناں دا کہنا سی کہ (انسان دی مرضی وِچ) خدائی فضل دا اِضافہ ہونا چائیدا اے، جیہڑا انسان نوں خوش کردا اے۔ ایس دا مطلب ایہہ اے کہ خدا انسان دے فطری تقویٰ تے کمال (جیویں کہ اُو دعویٰ کردے نے) توں مطمئین نہئیں اے۔ لیکن ایہناں نال بحث کرنا ضروری نہئیں کیوں جے موسیٰ واضح طور تے کہندا اے کہ انسان دے دِل دا ’’خیال‘‘ بُرا اے۔ ’’تخیل‘‘ توں موسیٰ دا مطلب انسانی عقل تے اِرادہ تے حکمت اے ایتھوں تیکر کہ جدوں اُو خدا تے غور کردا اے تے بہترین کام انجام دین دی کوشش کردا اے … عقل ہمیشہ الہٰی قانون دے خلاف اے، ہمیشہ گناہ دے تحت، ہمیشہ الہٰی غضب دے تحت، تے [ہمیشہ] ناکام ایس عظیم مصیبت توں اپنے آپ نوں آزاد کرن دے لئی اے، کیوں جے مسیح یوحنا8: 36 وِچ کہندا اے، ’’ایس لئی جے بیٹا تہانوں آزاد کرے گا، تے تُسی واقعی آزاد ہوو گے۔‘‘ ایہدے نال [اَسی ویکھنے آں کہ انسان دی طاقتاں] اِخلاقی نہئیں بلکہ غیر اِخلاقی نے [تے انسان اپنے آپ نوں آزاد نہئیں کر سکدا] (مارٹن لوتھر، ٹی ایچ۔ ڈی۔ Martin Luther, Th.D.، پیدائش تے مارٹن لوتھر دا ترجمہ Luther’s Commentary on Genesis، ژونڈروان اشاعتی گھر Zondervan Publishing House، دوبارہ اشاعت1958، جلد اول، صفحہ 459)۔

لوتھر دی صحیفیاں دی تفسیر توں، اَسی ویکھنے آں کہ انسان ’’گناہواں وِچ مُردہ‘‘ اے (افسیوں2: 5)۔ اَسی ویکھنے آں کہ ایہہ گناہ وَل انسان دا ’’مائل ہونا‘‘ یا ’’اِرادہ ہونا‘‘ نہئیں اے، بلکہ ایہہ کہ، ’’انسان دے دِل دا ہر خیال بچپن ای توں بدی وَل مائل ہوندا اے۔‘‘ انسان دی فطرت بالکل مسخ شُدہ اے۔ زوال دے بعد توں ایس وِچ نیکی دی کوئی ’’چنگاری‘‘ باقی نہئیں رئی اے تاکہ انسان دے دِل نوں خدا دے فضل دے نال تعاون کرن دے قابل بنایا جا سکے (جیویں کہ سینرجیسٹس، کیتھولک تے جدید ’’فیصلہ ساز‘‘ اعلان کردے نے)، لیکن انسان دے اندر روحانی موت دے سوا کُج نہئیں اے۔ جدوں انسان خدا نوں خوش کرن دی کوشش کرتا اے تے اُو ہمیشہ ناکام رہندا اے، کیوں جے اُو ’’گناہواں وِچ مُردہ‘‘ نے (افسیوں2: 5)۔ تے، ایس لئی، انسان نوں اپنی صلاحیتاں نوں مکمل طور تے ترک کر دینا چائیدا اے، تے پولوس رسول دے نال کہنا چائیدا اے،

’’ہائے میں کیہو جیہا بدبخت آدمی آں! ایس موت دے بدن توں کیہڑا میہنوں چُھڑائے گا؟‘‘ (رومیوں7: 24)۔

لہٰذا، ایہہ آدم وِچ نیکی دی کوئی ’’چنگاری‘‘ نہئیں سی جیس نے اُوس نوں خدا دے حوالے کیتا تے اُوہنوں زمین تے مذید لعنت توں آزاد کیتا۔ سانوں ایہہ جانن دے لئی کِدرے ہُور ویکھنا چائیدا اے کہ خدا نے انسان دے بُرے خیالات دی وجہ توں زمین تے سیلاب دی لعنت پیہجی سی، لیکن ہُن اسی وجہ توں فیر توں اینج نہ کرن دا فیصلہ کیتا اے – یعنی کہ ’’انسان دے دِل دے خیالات‘‘ سیلاب توں پہلاں)۔ سیلاب دے بعد وی ایہنا ای دغاباز سی۔

بظاہر ایس تصاد نوں، ایس پُٹھی گل نوں کینج سمجھایا تے سمجھا جا سکدا اے؟ ابتدائی ربّی تے مسیحی مصنفین ایس گل تے حیران سن کہ خدا دا ذہن انسان دی گنہگار حالت دی بارے وِچ کیوں بدل گیا، جیہڑا سیالب دے بعد وی اونج ای رہیا۔ میتھیو ھنری ایس پہیلی دا جواب دیہندا اے جدوں اُو کہندا اے،

ایس دے بعد، اُوہنے دُنیا نوں فیر توں کدی وی نہ ڈوبن دا عزم کیتا۔ ایتھے ایس دی، نوح دی قربانی تے ایہنی نظر نہئیں سی جیہنی کہ مسیح دی اپنی [صلیب دی] قربانی تے سی۔ جیس دی ایس دے ذریعہ تشبیہ دِتی گئی سی تے ایس دے ذریعے توں نمائندگی کیتی گئی سی، تے جیہڑی درحقیقت اِک فرحت بخش خوشبو دی پیشکش سی، افسیوں5: 2۔ (ساری بائبل تے میتھیو ھنری دا تبصرہ Mathew Henry’s Commentary on the Whole Bible، ھینڈریکسن پبلیشرز، دوبارہ اشاعت1996، جلد اول، صفحہ 55)۔

ڈاکٹر لیوپولڈ نے کہیا،

روحِ مکاشفہ ایہہ دسدا اے کہ خدا دا ایہہ عزم [فیر توں کدی وی سیلاب دے نال دُنیا تے لعنت نہ پیہجنا] قربانی دا … جواب سی (ایچ۔ سی۔ لیوپولڈ، ڈی ڈی H. C. Leupold, D.D.، پیدائش دی تفسیرExposition of Genesis، بیکر بُکس ہاؤس، دوبارہ اشاعت1984، جلد اول، صفحہ323) ۔

تے ایہہ نوح دی پیش کشاں دی بنیاد تے سی کہ خدا نے اپنے سابقہ عمل نوں تبدیل کیتا تے ہُن کہیا کہ اُو ’’انسان دی خاطر‘‘ فیر توں دُنیا نوں تباہ نہئیں کرے گا۔ کیوں جے انسان دے دِل دا ہر خیال بچپن ای توں بدی وَل مائل ہوندا اے‘‘ (پیدائش8: 21)۔ آرتھر ڈبلیو پنک نے کہیا کہ،

سیلاب دے ذریعے خدا دی لعنت دا خاتمہ اُوس سوختنی قربانیاں تے مبنی سی جیہڑی نوح نے پیش کیتی سی … اُوس ’’برکت‘‘ دی بنیاد بھسم ہون آلی قربانی سی اُوہدا ڈیزائن ایس الہٰی احسان نوں ظاہر کرنا سی جیہڑا آدم تے حوّا تے کیتا گیا سی [تجدید شُدہ] نسلِ انسانی دے لئی بزرگان تے تکیہ کرنا چائیدا اے (آرتھر ڈبلیو پنک Arthur W. Pink، پیدائش دی جھلکیاں Gleanings in Genesis، موڈی پریس، 1981 دوبارہ اشاعت، جلد اول، صفحہ 111)۔

نوح کے لئی خدا دا فضل، نوح دی بھلائی تے نہئیں، بلکہ مسیح دی رحمت تے مبنی سی، جیہڑا اُوہنوں تے اُوہدے خاندان نوں اُوس قربان گاہ تے پیش کیتی گئی ’’خوشبودار قربانی‘‘ دی ذریعے پھیلایا گیا۔ جیویں کے میں پیدائش دے پچھلے واعظاں وِچ کہیا اے، نوح دا قربانی وگرا ہدیہ صلیب تے مسیح دی قربانی دی انبیانہ تشبیہ تے اِک نشاندہی سی، جیہڑی مسیح وِچ پوری ہوئی، جیویں کہ پولوس رسول نے کہیا،

’’جیویں مسیح نے ساڈے نال محبت کیتی تے اپنے آپ نوں ساڈے لئی خوشبو وانگوں خدا دی نذر کر کے قربان کیتا‘‘ (افسیوں5: 2)۔

ایہہ مسیح دی مصلوبیت سی، جیہڑی نوح دی تشبیہات وِچ بیان کیتی گئی سی، جیس نے خدا دے غضب نوں تشفی بخشی تے خدا دے لئی اِک فرحت بخش خوشبو، آرام دی خوشبو سونگھنا ممکن بنایا، جیس نے اُوہدے غضب نوں تسکین بخشی، تے اُوہدے لئی انسان دے دِل دے گناہواں نوں معاف کرنا تے ’’ٹل جانا‘‘ ممکن بنایا۔ اینج، جیہڑے نذرانے نوح نے جلائے سن اُو اِک واضح تشبیہ تے مسیح دی عکاسی سی جیہڑی اپنے آپ نوں سولی تے پیش کر کے گنہگار انسان نوں اِنصاف دلان تے بچان دے لئی سی۔ قربانی وِچ ایہہ مسیح سی جس نے خدا دے غضب دا رُخ موڑیا سی، تے انسان دے گناہ توں بھرے دِل دے خلاف اُوہدے غصے نوں جذب کیتا۔ جیویں کہ عبرانیوں دی کتاب کہندی اے،

’’ایہہ ممکن نہئیں اے کہ بیلوں تے بکروں دا لہو گناہواں نوں دور کرے‘‘ (عبرانیوں10: 4)۔

لیکن اسی آں

’’اُوسی مرضی دا نتیجہ کہ یسوع مسیح دے اِک ای وار قربان ہون دے وسیلے توں پاک کر دِتے گئے آں‘‘ (عبرانیوں10: 10)۔

تے ایہہ نوھ دی قربانی سی جیس نے سولی تے یسوع دے جسم وَل نشاندہی کیتی۔ نوح دے نذرانیاں نے مصلوبیت دی نشاندہی کیتی، جیس نے خدا دے غضب نوں پرسکون کیتا، کہ انسان نوں فیر توں کدی سیلاب نال ’’لعنت‘‘ نہئیں کرنی چائیدی اے۔

’’تے نوح نے خدا دے لئی اِک مذبح بنایا تے سارے چرندیاں تے پرندیاں وِچوں جِنہاں دا کھانا جائز سی چند لو لے کے اُوس مذبح تے سوختنی قربانیاں چڑھائیاں۔ جدوں اُوہناں دی فرحت بخش خوشبو خداوند تیکر پہنچی تے خداوند نے دِل ای دِل وِچ کہیا: مٰں انسان دے سبب توں فیر کدی زمین تے لعنت نہئیں پیہجاں گا حالانکہ اُوہدے دِل دا ہر خیال بچپن ای توں بدی وَل مائل ہوندا اے تے آئندہ کدی سارے جانداراں نوں ہلاک نہئیں کراں گا جیوں کہ میں کیتا‘‘ (پیدائش 8: 20۔21)۔

III۔ تیجی گل، ایہہ تہاڈے تے کینج لاگو ہوندی اے۔

تُسی فطرتاً گنہگار اُو۔ تہاڈا گناہ تہاڈے تے خدا دا غضب نازل کردا اے۔ تُسی ایہو جیہا نہ کُج کر سکدے اُو نا کہہ سکدے اُو جیہڑا تہاڈے دِل دے بُرے خیالات دے لئی اُوہدے غصے دا رُخ موڑ دیوے گا۔ تہانوں اپنے گناہ دے لئی جہنم دے شعلیاں وِچ جھونکنا پیہئے گا۔ اِک گل، تے صرف اِک ای گل، تہاڈے تے جہنم دے وِچکار کھڑی اے، تے اُو اے سولی تے مسیح دی قربانی دی موت۔ ایس لئی بائبل کہندی اے،

’’مسیح ساڈے گناہواں دے لئی قربان ہویا‘‘ (I کرنتھیوں15: 3)۔

’’ایس لئی کہ مسیح نے وی یعنی راستباز نے ناراستاں دے گناہواں دےبدلے اِچ اِک ای وار دُکھ چُکیا تاکہ اُو تہانوں خدا تیکر پہنچائے‘‘ (I پطرس3: 18)۔

جیس طرح نوح دی قربانیاں خدا نے قبول کیتیاں، تے اُوہنے وعدہ کیتا کہ فیر کدی وی زمین تے لعنت نہئیں پیہجے گا۔ اینج ای، سولی تے مسیح دی موت نوں خدا نے قبول کیتا اے، تے جے تُسی سادہ ایمان دے ذریعے مسیح دے کول آندے نے، جیویں کہ نوح نے کیتا سی جدوں اُو ایہناں قربانیاں نوں لیہایا سی – جے تُسی سادہ اعتماد تے ایمان دے ذریعے مسیح دے کول آندے اُو، تے خدا تہاڈے گناہواں نوں مسیح دی خاطر، معاف کر دیوے گا تے تہانون یسوع دے آں آلے غضب توں بچایا جائے گا، جیس نے تہاڈے نال ایہنی محبت کیتی کہ تہاڈے نال ایس قدر محبت کیتی کہ سولی تے تہاڈے گناہواں دا کفارہ ادا کیتا تاکہ خدا تہاڈے گناہواں نوں ٹال سکے تے تہاڈے دِل دے بُرے خیالات دے لئی مذید ہُور تہاڈے تے ’’لعنت‘‘ نہ پیہجے۔

تے اینج ای، اِسی ایس واعظ نوں اِک سادہ التجا دے نال ختم کردے نے – یسوع دے کول آؤ تے اُوہدے لہو وِچ پاک صاف ہو جاؤ! یسوع دے کول آپ، جیہڑا تہاڈے نال ایہنی محبت کردا اے، تے ہمیشہ تے ہمیشہ دے لئی خدا دے غضب توں نجات پاؤ، ابدیت تیکر دے لئی! انجیل دے ایس پرانے گیت دے لفظاں نوں سُنو،

مسیح ساڈا مُنّجی سولی تے مر گیا،
     گنہگاراں دے لئی مریا، اپنا سارا فرض ادا کیتا۔
اُو سارے جیہڑے اُوہنوں قبول کردے نے خوفزدہ کدی نہ ہون،
     جی ہاں، اُو ٹل جائے گا، تہاڈے توں ٹل جائے گا۔
جدوں میں لہو ویکھاں گا، جدوں میں لہو ویکھاں گا،
     جدوں میں لہو ویکھاں گا، میں ٹل جاواں گا، میں تہاڈے توں ٹل جاواں گا۔

بدترین گنہگاراں نوں یسوع بچائے گا؛
     اُو سارے جیہڑے وعدے کر چکیا اے، اُو اُوہنوں پورا کرے گا؛
ہائے، اے گنہگار، اُوہدے کلام تے پروہسا کر،
     فیر اُو ٹل جائے گا، تہاڈے توں ٹل جائے گا۔
جدوں میں لہو ویکھاں گا، جدوں میں لہو ویکھاں گا،
     جدوں میں لہو ویکھاں گا، میں ٹل جاواں گا، میں تہاڈے توں ٹل جاواں گا۔
(’’جدوں میں لہو ویکھاں گا When I see the Blood‘‘ شاعر جان جی فوٹے John G. Foote، 19ویں صدی)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔