ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جان سی وہِٹکومب Dr. John C. Whitcomb نے کہیا کہ ایہہ سیلاب توں تعلق رکھدے ہوئیاں بائبل دے سب توں بوہتے اہم حوالے وِچوں اِک اے:

کلام پاک دے ایس حوالے وِچ، پطرس رسول نے اپنے نقطۂ نظر توں اِک ایہو جئے دِن، لیکن مستقبل دے بارے وِچ گل کیتی، جدوں لوکی مسیح دی دوجی آمد دے بارے چہ سنجیدگی نال نہئیں سوچن گے کہ دُںیا دے معاملات وِچ خدا دی اِک تباہ کن، عالمگیر مداخلت اے۔ تے ایس شک آلے رویے دی وجہ مکمل یکسانیت دے نظریے دی اَنّی پابندی دے علاوہ کوئی ہُور نہئیں ہووے گی – اِک ایہو جیہا نظریہ جیہڑا ایس گل نوں برقرار رکھدا اے کہ خدا دی مداخلت دے ذریعے توں قدرتی قوانین تے عمل وِچ ہُنے تیکر کدی کوئی رکاوٹ نہئیں پائی گئی اے تاکہ انسانی تہذیت دی مکمل تباہی نوں براہ راست روکیا جا سکے۔ تے چونکہ (سانوں دسیا جاندا اے کہ) ماضی دی تاریخ وِچ اینج کدی نہئیں ہویا، ایس لئی ایس خود دی کوئی وجہ نہئیں ہونی چائیدی کہ ایہہ مستقبل وِچ کدی پیش آئے گا!
     آخری ویلے دے ایہناں شکوک و شبہات دا جواب دیندیاں ہوئے، پطرس نے … سیلاب وَل اشارہ کیتا، جیس نے دوجی آمد تے دُنیا دی آخری تباہی دے نال پطرس دے موازنہ دی بنیاد دے طور تے کام کیتا۔ کیوں جے جیس طرح [’’اُو دُنیا جیہڑی اُوس ویلے سی‘‘] پانی دے ذریعے توں تباہ ہو گئی سی، اینج ای [’’آسمان تے زمین، جیہڑے ہُن نے، بے دین لوکاں دی بربادی تے قیامت دے دِن دے خلاف اَگ دے لئی ایس ای لفظ دے ذریعے محفوظ رکھے گئے نے‘‘]…
     اِک واقعہ جِنہوں پطرس نے پیش کیتا جیس نے نہ صرف زمین بلکہ انتہائی آسماناں دی وی تبدیلی لیہیائی سی، اُو سیلاب سی۔ ایہہ سیلاب ای سی جیس نے پطرس رسول دے [الفاظ وِچ] [’’قدیم زمانے… آسماناں‘‘] تے [’’اُو آسمان… جیہڑے ہُن نے‘‘] اُوہناں دے وِچکار حدبندی دی لکیر بنائی۔ ایہہ سیلاب ای سی جیس نے پانی دے وسیے سمندراں نوں استعمال کیتا جیس وچوں تے جیس دے وِچکار زمین ’’تشکیل‘‘ ہوئی سی، تاکہ اُوس ویلے دے عالم [دُںیا] دی مکمل تباہی ہو جائے۔ ایہہ اُو سیلاب سی جیس دے لئی پطرس نے اپنی آخری اپیل کیتی سی… اُوہناں لوکاں نوں جواب جِنہاں نے اُوس حقیقت توں جان بُجھ کے لاعلمی وِچ رہن دا انتخاب کیتا سی کہ ماضی وِچ خدا نے اِک ویلے چہ اپنے مقدس غضب نوں [اِک] کائناتی تباہی جیہڑی قیامت دے دِن [دے برابر] سی وِچ ظاہر کیتا سی، جیس وِچ خدا…زمین نوں اَگ نال بھسم کر دے گا (ڈاکٹر جان سی وہِٹکومب، ٹی ایچ ڈی، Dr. John C. Whitcomb, Th.D., ، اُو دُنیا جیہڑی تباہ ہو گئی سیThe World That Perished، بیکر بک ہاؤس، 1993 ایڈیشن، صفحہ 58-59)۔

دوجے لفظاں وِچ، پطرس نے پیشن گوئی کیتی سی کہ اِک دِن آئے گا جدوں لوکی کہین گے ’’اُودھوں توں لے کے ہُن تیکر سب کُج اُونج ای چلیا آ رہیا اے جیویں کہ دُنیا دے پیدا ہون دے ویلے سی‘‘ (II پطرس 3: 4)۔ ایہہ پیشن گوئی 19 ویں صدی وِچ اُوس ویلے پوری ہوئی جدوں چارلس لائل Charles Lyell (1797-1875) نے عِلم ارضیات دے اصولThe Principles of Geology دی (3 جلداں) تحریر کیتیاں، جیہدے وِچ ایہہ خیال پیش کیتا گیا کہ دُنیا لاکھاں وریاں پرانی اے تے ارضیاتی طبقے اِک کیک دی تہواں وانگہوں واقع ہوندے نے، ہر ’’زمانے‘‘ وِچ جانداراں دے انواع و اِقسام دے آثار متحجر [فوسلز] نوں ریکارڈ کرنا تے ایہہ ظاہر کرنا کہ سیلاب وگری تباہی کدی نہئیں آئی۔ لائل دے نظریہ نوں ’’یکسانیت پسندی‘‘ کہیا جاندا اے۔ جیس دا لفظی مطلب اے ’’ساریاں شیواں اینج ای جاری رہندیاں نے جیویں اُو تخلیق دے آغاز توں سن‘‘ بغیر کسی تبدیلی دے۔

تاہم، لائل دا ماڈل بوہتا ناقص ثابت ہویا اے۔ مثال دے طور تے، زمین تے کدرے وی لائل دے ’’کیک‘‘ دی تہواں نہئیں لبھیاں نے۔ ارضیاتی ’’تہواں‘‘ جیہڑیاں تُسی نصابی کتاباں وِچ ویکھدے اُو، اِک دھوکہ جیویں ’’پیلٹ ڈاؤن آدمی Piltdown Man‘‘، جیس دی کوئی حقیقی سانئسنی حمیات نہئیں اے۔ جِںہوں مناسب سائنسی ثبوت دے بغیر برقرار رکھیا گیا اے کیوں جے، ڈاروِن دے اِرتقاء وانگوں، سائنسی برادری وِچ ایس توں بہتر ماڈل نوں قبول نہئیں کیتا گیا اے۔ درحقیقت، یکساں ارضیات تے ڈارون دا ارتقاء مغربی دُنیا دی جدید تاریخ وِچ دو سب توں وڈے دھوکے نے۔

لاس اینجلس ڈیلی نیوز، (جولائی 7، 2002، صفحہ4) توں لہیا گیا ایہہ حیران کُن پیراگراف سُنو:

پنچ وریاں پہلاں، مریخ تے اُترن دے تین دِن بعد، پاتھ فائنڈر خلائی جہاز نے اُو شے حاصل کیتی جیہڑی سائنس داناں دے بقول ناقابلِ تردید فوٹو گرافی دے ثبوت سن کہ زبردست سیلاب نے سیارے دے ہُن بنجر زمین دی تزئین نوں تباہ کر دِتا۔

’’بلاشبہ فوٹو گرافی دا ثبوت‘‘ مریخ دی سطح تے ایہو جئی تھاواں دی تصویران سن جیہڑیاں گرینڈ وادی Grand Canyon وانگوں نظر آندیاں سن! ایہہ کینج اے کہ ایہہ سائنس دان مریخ نوں ویکھدے نے تے کہندے نے کہ ’’زبردست سیلاب نے ایس دی سطح نوں تباہ کر دِتا‘‘، فیر وی جدوں اُو زمین تے ایہو شواہد ویکھدے نے تے اُو کسی ہُور نتیجے تے پہنچدے نے؟ جواب آسان اے: اپو سیلاب دے ثبوت نوں توڑ مروڑ کے پیش کردے نے تاکہ ایہنوں اپنے پہلاں توں تصور شُدہ یکساں ماڈل دے مطابق بنایا جا سکے۔ ایس طرح، بائبل کہندی اے ’’اُو اپنی مرضی توں جاہل نے‘‘ (II پطرس 3: 5)۔ ڈاکٹر ھنری ایم مورس Dr. Henry M. Morris نے کہیا،

اُو شیواں جیہڑیاں اَج جاری نے، اُو کہندے نے، اُو شیواں نے جیہڑیاں ہمیشہ توں نے تے ایس لئی، ہمیشہ رہن گئیاں۔ ایہہ یکسانیت دا نام نہاد اصول اے۔ ایس اصول دے مطابق، ایہہ فرض کیتا جاندا اے کہ جیہڑے عمل اَج فطرت تے حکومت کردے نے اُو ماضی وِچ ہمیشہ اِک وگرے رئے نے تاکہ حال ماضی دی کُلید ہووے۔ چونکہ اَج کوئی تخلیق نہئیں ہو رئی، ایس لئی ماضی وِچ وی اینج کدی نہئیں ہویا۔ ’’ساریاں شیواں جاری رہندیاں نے‘‘ – نہ صرف تخلیق دے مکمل ہون دے بعد، بلکہ ’’تخلیق دے آغاز توں۔‘‘ اینج ای جِنہوں لوکاں نے تخلیق کہیا اے اُو ایہناں ای فطری عملاں نال مکمل ہویا جیہڑا اَج وی جاری اے۔ ایس دا مطلب ایہہ اے کہ تخلیق ایہنی ہولی ہولی ٹردی رئی اے کہ انسانی ریکارڈ دے چند ہزار وریاں وِچ ایس دا مشاہدہ نہئیں کیتا جا سکدا۔ ایہہ عمل قابل ذکر عقیدہ ارتقائی یکسانیت پرستی اے، تے ایہہ پوری دُنیا وِچ ہر قوم دے سائنسی تے تعلیمی اداریاں تے حاوی اے۔ ایہہ، درحقیقت، پطرس دی پیشن گوئی دی اِک انتہائی قابلِ ذکر تکمیل اے، تے یقینی طور تے ایس گل دی نشاندہی کرنی چائیدی اے کہ ایہہ دِن واقعی ’’اَخیرلے دِن‘‘ نے…
    ایہہ قابلِ ذکر اے کہ ابتداء، معنی تے تقدیر دا ایہو جیہا عالمگیر مختارانہ نظریہ قطعی طور تے کسی حقیقی ثبوت تے مبنی نہئیں ہو سکدا (ھنری ایم مورس، پی ایچ ڈی، Henry M. Morris, Ph.D.,، مطالعہ بائبل دا دفاع کرن آلے The Defender’s Study Bible ، ورلڈ پبلشنگ، 1995 ایڈیشن، صفحہ 1406)۔

ہُن مہربانی نال آیات 5 تے 6 نوں پڑھو۔

’’ایس ای لئی اُو جان بُجھ کے ایہہ بُھل جاندے نے کہ آسمان خدا دے حکم دےمطابق زمانۂ قدیم توں موجود نے تے زمین پانی وِچوں بنی تے پانی وِچ قائم اے پانی ای نال اُوس ویلے دی دُںیا ڈُوب کے تباہ ہو گئی‘‘ (II پطرس3: 5۔6).

بائبل سیکھاندی اے کہ ایہہ سائنس دان ’’جان بُجھ کے جاہل‘‘ نے کیوں جے اُو اپنے نظریہ دی بنیاد قیاس آرائیاں تے رکھدے نے۔ بغیر کسی حقیقی ثبوت دے، اُو صحیفیاں دی ظاہر کردہ شیواں نوں رد کردے نے، ’’کہ خدا دے حکم دے مطابق زمانۂ قدیم توں موجود نے تے زمین پانی وِچوں بنی تے پانی وِچ قائم سی‘‘ (II پطرس 3: 5)۔ ایہہ پیدائش 1: 7 وَل نشاندہی کردی اے،

’’تے خدا نے فِضا نوں قائم کیتا فِضا دے ہیٹاں دے پانی نوں فضا دے اُتے دے پانی توں جدا کر دِتا تے اینج ای ہویا‘‘ (پیدائش1: 7)۔

اصل زمین پانی دے دو جسماں دے نال تخلیق کیتی گئی سی – زمین تے پانی، تے زمین دے گرد پانی دی اِک چھتری، بیرونی ٹروپوسفیئرtroposphere وِچ، ’’اُو پانی جیہڑے آسمان دے اُوتے سن‘‘ (پیدائش 1: 7)۔ ’’جیس نال اُو دنیا جیہڑی اُوس ویلے سی، پانی وِچ وَگ گئی، فنا ہو گئی‘‘ (II پطرس 3: 6)۔ ڈاکٹر مورس نے کہیا،

نہایت قدیم دُنیا… ’’سیلاب دی پانی نال بھر گئی‘‘ سی (یونانی وِچ کٹاکلوزو katakluzo، اِک لفظ جیہڑا صرف ایتھے استعمال ہوندا اے لیکن ظاہر اے کہ کاٹاکلوسموس kataklusmos توں متعلق اے، جیہڑا کہ نوح دی تباہی سی) فضا تے اُتے تے ہیٹاں ابتدائی پانیاں دے نال (’’گہرائیاں دے‘‘ تے ’’آسمان دی کھڑکیاں دے چشمے‘‘…) تے فنا ہو گئی، تباہ نہئیں ہوئی بلکہ مکمل طور تے برباد ہوئی تے تبدیل ہو گئی (مورسMorris، ibid.)

سیلاب دی تباہی دا ثبوت دُنیا بھر وِچ موجود اے، جانوراں تے پودیاں دے فسلز یعنی آثار متحجر دی وسیع تہواں وِچ جیہڑے زمین دی پرت دی سیڈیمنٹری تہواں وِچ محفوظ نے۔ ڈاکٹر مورس نے کہیا،

ایہناں آثار متحجر [فوسل] دی تہواں نوں ارتقائی سائنس داناں نے کئی زمانیاں وِچ حیاتی دی ارتقاء دے ریکارڈ دے طور تے غلط بیان کیتا اے ایہناں ارباں [دے حساب نال] آثارِ متحبرات [فوسلز] وِچ کسی حقیقی عبوری شکل دی ہر تھاں [عالمگیری] عدم موجودگی دے باوجود)۔ اُو واقعی جس شے دی اصل وِچ نمائندگی کردے نے اُو عظیم سیلاب دے ویلے اِک زمانے وِچ حیاتی دی تباہ کُن تباہی اے۔ دوویں سیڈیمنٹری چٹاناں تے مٹی دی نرم تہواں دوویں ای زیادہ تر پانی دے ہیٹاں جمع ہو چکی نے، تے ہُن زمین دی زیادہ تر سطح دے نال نال سمندر دے ہیٹاں دی سطح نوں وی ڈھانپ لیندیاں نے۔ مذید ایہہ کہ سیلاب دی روایات زمین دی تقریباً ساریاں قوماں تے قبائل وِچ پائی جاندیاں نے۔ مذید ایہہ کہ سیلاب دی روایات زمین دی تقریباً ساریاں قوماں تے قبائل وِچ پائی جاندیاں نے۔ سائنس تے تاریخ دے حقیقی حقائق بائبل وِچ سیلاب دے واقعات دی مکمل تائید کردے نےئ، جدوں کہ صرف جان بُجھ کے جہالت ای ایہناں شواہد دی اِرتقائی تشریح دی ضمانت دے سکدی اے، تے پطرس نے کہیا کہ اَخیرلے دِناں وِچ اینج ای ہووے گا۔ سب توں اہم، یقیناً، خود بائبل دا لہٰی الہٰامی ریکارڈ (پیدائش 6: 9)، جیس دی تصدیق مسیح، پطرس تے دیگر نے کیتی اے (لوقا 17: 26، 27؛ متی 24: 37-39)، کہ سیلاب، درحقیقت، اِک عالمی تباہی سی۔ اینج ہون دی وجہ توں، آثارِ متحجرات [فوسلز] دا ریکارڈ (جیہڑا کہ اِرتقاء پسنداں دی اہم اُمید اے) زیادہ تر سیلاب دا ریکارڈ اے، اِرتقاء دا نہئیں (مورسMorris، ibid.)۔

اپنی شُہرہ آفاق کتاب پیدائش دا سیلابThe Genesis Flood وِچ ڈاکٹر وِہٹکومب Dr. Whitcomb تے ڈاکٹر مورسDr. Morris نے کہیا،

     تے ایہہ اُو تھاں اے جیتھے بائبل دی شدید طغیانی [سیلاب] دی گواہی بوہتی اہم ہو جاندی اے! کیوں جے اگر بائبل دا ریکارڈ درست اے تے، [زمین دی] زیادہ تر تہواں نوں یکساں حالات وِچ ویلے دے اِک طویل عرصے تیکر جمع نہئیں کیتا جا سکدا سی لیکن تباہ کُن حالات وِچ اِک ای ورے دے دوران رکھ دِتا گیا سی۔ ارتقاء دے مقدمے دی آخری پناہ گہا فوراً غائب ہو جاندی اے، تے چٹاناں دا ریکارڈ اِک زبردست گواہ بن جاندا اے، جیہڑا کہ بے دین ترقی تے پیشرفت دے فطری عمل دا نہئیں بلکہ ایس دے بجائے تخلیق دے زندہ خدا دی پاکیزگی، انصاف تے طاقت دی تخلیق اے! (جان سی وِہٹکومب، ٹی ایچ ڈی۔ John C. Whitcom, Th.D. تے ھنری ایم مورس، پی ایچ ڈی۔ Henry M. Morris, Ph.D.، پیدائش دا سیلاب: بائبلی ریکارڈ تے ایس دے سائنسی اِطلاق The Genesis Flood: the Biblical Record and its Scientific Implications، بیکر کتب گھر Baker Book House، 1983 ایڈیشن، صفحہ451)۔

’’اُو دُنیا جیہڑی اُوس ویلے سی، پانی توں لبریز ہو چکن نال، فنا ہو گئی‘‘ (II پطرس3: 6)۔

ہُور اِک ہُور گل: کیوں بوہتی لوکی کشتی وِچ داخل نہئیں ہوئے تے اُوس ساری تبلیغ دے بعد جیہڑی اُوہناں نے نوح نال سُنی سی کیوں بچائے نہئیں گئے؟ ایتھے چھ وجوہات نے جِنہاں دی وجہ توں زیادہ تر لوکی نجات دی کشتی وِچ داخل نہئیں ہوئے۔ اُو اُوہی وجوہات نے جیہڑیاں تہاڈے وِچوں کُج دے کول نجات دے لئی مسیح دے کول نہ آن دی نے۔ ایہناں وِچوں بوہتی [لوکی] کشتی وِچ داخل نہئیں ہوئے؟

1.  اُو دُنیا دیاں شیواں وِچ پھنس گئے سن۔

2.  اُوہناں نے تبلیغ نوں ٹھکرا دِتا سی۔

3.  اُو تجرباتی طور تے خدا دے غضب دے بارے وِچ کُج نہئیں جانندے سن (یعنی اُو گناہ دے سزا یافتہ نہئیں سن)۔

4.  اُو تجرباتی طور تے اپنی بدکاری (خدا نال دشمنی) دے بارے وِچ کُج نہئیں جانندے سن۔ اُوہناں نے اپنی بدحالی تے اعتماد کرن دے بجائے خود تے اعتماد کیتا۔

5.  اُو اُوہناں دے اپنے باطنی گناہواں نوں نہئیں جانندے سن، جیہڑے اُوہناں تے عظیم سیلاب وِچ لعنت بھیجن گے۔

6.  باطنی سزایابی دے وسیلے توں تیار نہئیں سن، اُوہناں نے کشتی دی کوئی وڈی لوڑ محسوس نہئیں کیتی سی (مسیح دی کوئی وڈی لوڑ نہئیں سمجھی)۔

میں اُمید کرنا آں تے دعا کرنا آں کہ ایہہ وجوہات تہانوں یسوع دے کول آن توں نہئیں روکن گئیاں، جیہڑا اَج نجات دی حقیقی کشتی اے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔