ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کلام پاک دے ایس حوالے توں تعلق رکھدے ہوئے انتہائی بے شمار نظریات رہ چکے نے۔ سکوفیلڈ مطالعۂ بائبل The Scofield Study Bible (پیدائش6: 4 تے غور طلب گل وِچ) دو سب توں بوہتے قابلِ ذکر نظریات پیش کردی اے۔ میں ایہناں نظریات دے سارے جُزیات وِچ نہئیں جا رہیا آں کیوں جے میں محسوس کرنا آں کہ ایہہ حوالے اہم موضوع توں پرے لے جان گے جیہڑا اے،

’’تے خداوند نے ویکھیا کہ زمین تے انسان دی بدی حد توں ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5).

کیویں نسل انسانی ایس افسوس ناک حالت وِچ پہنچی؟ نسل انسانی خُدا لئی ایس قدر بیہودہ ہو گئی سی کہ نسل انسانی نوں خُدا عظیم سیلاب وچ تباہ کرن دے قریب ای سی۔ لیکن اینج کیویں ہویا سی؟ کیویں نسل انسانی ایس قدر بُری طرح نال بدحال ہو چُکی سی؟ میرا یقین اے کہ پیدائش6: 1۔4 وچ تِن وضاحتاں موجود نے۔

I۔ پہلی گل، ابلیسیت اُوہناں تے حاوی ہو گئی سی۔

مہربانی نال پیدائش6: 1۔2 اُچی اواج نال پڑھو۔

’’تے جدوں رُوئے زمین تے بندیاں دی تعداد ودھن لگی تے اُوہناں دی تیہیاں پیدا ہوئیاں تے خُدا دے پُتراں نے ویکھیا کہ بندیاں دیاں تیہیاں خوبصورت نے تے اُوہناں نے جنہاں جنہاں نوں چُنیا اُوہناں نال ویاہ کر لہیا‘‘ (پیدائش 6: 1۔2).

میرے خیال وچ ڈاکٹر جان ایف۔ والوورد Dr. John F. Walvoord تے ڈاکٹر رُائے بی زُک Dr. Roy B. Zuck دا تبصرہ درست اے جدوں اُو کہندا اے،

اُو خُدا دے پُتر الہٰی نئیں سن؛ اُو گرفتِ ابلیس وچ سن۔ اُوہناں دی ایہنی عورتاں نال شادیاں کرنا جیہنی اُو چاہندے سی… اُوہناں دی بنیادی جبلت نوں تسلی دینا سی۔ اُو مخلوقات دا محض اِک دوجا کم تر درجہ سی، حالانکہ طاقتور سن تے متاثرینِ ابلیس سن (جان ایف۔ والوورد، پی ایچ۔ ڈی، John F. Walvoord, Ph.D. تے رُائے بی۔ زُک، ٹی ایچ۔ ڈی Roy B. Zuck, Th.D.، دی بائبل نالج ھینڈبُک The Bible Knowledge Handbook، پرانا عہد نامہ، وکٹر بُکس Victor Books، اشاعت 1985، صفحہ36)۔

مینوں پیدائش6: 1۔2 دی اُو اِک سمجھ چہ آن آلی وضاحت لگدی اے۔ جیمیسن Jamieson، فوسٹ Fausset تے براؤن Brown نے کہیا کہ ایہہ تصور کہ ’’خُدا دے پُتر‘‘ آسمان توں رد کیتے ہوئے فرشتے نے ’’انتہائی قدیم زمانے دے بارے وچ‘‘ اے جیہدے تے جوزیفس Josephus، یہودی ربّی، تے ابتدائی مسیحی عالمین الہٰیات جیویں جسٹن Justin تے ٹرٹولیعین Tertullian دے نال نال ہور زیادہ جدید تبصرہ نگار جیویں ڈاکٹر فرانس ڈیلیٹزشچ Dr. Franz Delitzsch (رابرٹ جیمیسن، پی ایچ۔ ڈی Robert Jamieson, Ph. D.، پرانے تے نئے عہد نامے تے اِک تبصرہ A Commentary on the Old and New Testament، ولیم بی۔ عیئرڈ مینز اشاعتی کمپنی William B. Eerdmans Publishing Company، فیر اشاعت1976، جلد اوّل، صفحہ87)۔ ایہی نظریہ ڈاکٹر جان میک آرتھر Dr. John MacArthur نے وی پیش کیتا جیہڑے بےشک مسیح دے لہو دے بارے وچ غلط نے، میرے خیال وچ درست طور پر کہندے نے،

خُدا دے پُتر [بائبل وچ] دوجی تھاں تے تقریباً مکمل طور تے فرشتیاں دے طور تے شناخت کیتے گئے [نے] (ایوب1: 6؛ 2: 1؛ 38: 7)... ایہہ حوالہ [پیدائش6: 1۔2] انسان بمقابلہ فرشتیاں دے امتزاج تے شدید زور پاندا اے۔ NT [نیا عہد نامہ] ایس واقعے نوں پیدائش دے واقعات دے دوجے واقعیاں دے نال ترتیب وچ رکھدا اے تے ایہنوں آسمان توں خارج کیتے گئے اُوہناں فرشتیاں دے طور تے شناخت کردا اے جیہڑے لوکاں وچ شامل ہون لئی آ بسے سن۔ (جان میک آرتھر، ڈی۔ڈی۔ John MacArthur, D.D.، میک آرتھر دا مطالعۂ بائبل The MacArthur Study Bible، ورلڈ بائبلز World Bibles، 1997، پیدائش6: 2 تے غور طلب گل)۔

میری رائے وچ، ایہہ معاملہ سی۔ پیدائش 6: 2 وچ ’’خُدا دے پُتر‘‘ جیویں کہ والووردWalvoord تے زُک Zuck دا تبصرہ کہندا اے، ’’گرفتِ ابلیس سن... تے متاثرین ابلیس سن‘‘ (ibid.)۔ ایویں اسی پہلی وجہ ویکھنے آں کہ سیلاب توں پہلاں نسل انسانی ایس قدر افسوس ناک حالت وچ سی۔

’’تے خداوند نے ویکھیا کہ زمین تے انسان دی بدی حد توں ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5).

کی ایہدا اِطلاق ساڈے زمانے وچ کِتھے ہوندا اے؟ میں یقین کرنا آں کہ ہوندا اے۔ یسوع نے کہیا،

’’جیویں نوح دے دِناں وچ ہویا سی اوویں ای ابنِ آدم دی آمد دے ویلے ہووے گا‘‘ (متی 24: 37).

انسان شروع توں ای شیطان دے اثر دے تحت تابع رہیا اے۔ پولوس رسول سانوں دسدا اے کہ شیطان

’’نے اُوہناں بے اعتقاداں دی عقل نوں انّھا کر دِتا اے‘‘ (2۔ کرنتھیوں 4: 4).

ایویں، ’’اُوہناں لئی جیہڑے کھوئے ہوئے نے‘‘ خوشخبری پوشیدہ اے (2۔ کرنتھیوں4: 3)۔ پولوس رسول نے اِیس بارے وچ وی دسیا

’’ہوا دی عملداری دے حاکم شیطان دی پیروی کردے سن جیہدی رُوح ہُن تیکر نافرمان لوکاں وچ تاثیر کردی اے‘‘ (افسیوں 2: 2).

ایہہ حوالے اُوہناں وچ جیہڑے غیر تبدیل شُدہ نے شیطان دے انّھے کر دین آلے تے اسیری وچ مبتلا کر دین آلے اعمال لئی حوالہ پیش کردے نے۔ مگر بائبل دی پیشن گوئیاں کہ اینج دی شیطانی سرگرمیاں ایس زمانے دے خاتمے تے ودھ جان گئیاں،

’’تے ایس سبب نال خُدا اُوہناں تے گمراہی دا ایسا اثر پائے گا کہ اُو جھوٹ نوں سچ تسلیم کرن لگن گے۔ تے جیہڑے لوکی سچائی دا یقین نئیں کردے بلکہ ناراستی نوں پسند کردے نے اُو سارے سزا پان گے‘‘ (2۔ تھسلنیکیوں 2: 11۔12).

اسی تاریخ چہ اُوسی دور وچ حیاتی لنگھاندے ہوئے محسوس ہونے آں۔ پہلاں دے مقابلے وچ شیطان ہور زیادہ سرگرم عمل اے۔

’’جیویں نوح دے دِناں وچ ہویا سی اوویں ای ابنِ آدم دی آمد دے ویلے ہووے گا‘‘ (متی 24: 37).

بدی دے ایہناں دِناں وچ، تہانوں مکمل طور تے مسیح ول رُخ کرنا چائیدا اے، اُوہنوں اپنے نجات دہندہ دے طور تے قبول کرنا چائیدا اے، تے مقامی گرجہ گھر دی مکمل رُکنیت وچ آنا چائیدا اے، جیویں کہ نوح کشتی وچ داخل ہویا سی۔ صرف مسیح ای تہانوں بچا سکدا اے۔ آن آلے فیصلے توں بچن دا ہور کوئی راستہ نئیں اے۔

’’تے خداوند نے ویکھیا کہ زمین تے انسان دی بدی حد توں ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5).

سیلاب توں پہلاں دے دِناں وچ، ابلیسی سرگرمیاں انتہائی حداں تے پہنچی ہوئی سن، لوکاں دے ذہناں نوں انّھا کر رئیاں سن، تے اُوہناں نوں شیطانی اسیری وچ گھسیٹ رئیاں سن۔ سیلاب توں پہلاں نسل انسانی دی ہولناک حالت لئی ایہہ حوالہ سانوں پہلی وجہ پیش کردا اے۔ اُو ابلیسیت اُوہناں تے حاوی ہو گئی سی۔

II۔ دوجی گل، اُوہناں نے پاک روح دے کَمّاں دی مخالفت کیتی سی۔

مہربانی نال پیدائش6: 3 اُچی اواج نال پڑھو۔

’’تے خُداوند نے کہیا میری روح انسان دے نال ہمیشہ مزاحمت نئیں کردی رہوے گی کیوں جے اُو فانی اے۔ اُوہدی عمر اِک سو وی برس دی ہووے گی‘‘ (پیدائش6: 3).

ڈاکٹر ھنری ایم۔ مورس Dr. Henry M. Morris نے کہیا،

حوالے دی سب توں زیادہ قدرتی آیت خُدا دے پاک روح دی ’’گناہ، راستبازی تے انصاف دی دُنیا نوں مجرم قرار دین‘‘ دے بارے وچ اُوہدی منادی وچ اے (یوحنا16: 8)۔ جیویں جیویں دقیانوسی دُنیا دا اخلاقی تے روحانی کردار وگڑ رہیا سی، خاص طور تے [پیدائش6: 1۔2 وچ] پہلاں ای بیان کیتے گئے ابلیس دے قبضے نوں مانن توں، ایہہ واضح ہو جاندا سی کہ لوکی اِصلاح توں بوہتی پرے ایس قدر مایوسانہ طور تے بدکار ہو گئے سن۔ اُو مکمل تے ناقبل تنسیخ طور تے روح دی گواہی دی مزاحمت کر چکے سن… خُدا ہمیشہ توں ای شدید تکلیف وچ رہیا اے، ایتھوں تیکر کہ ایس قدر ناخوشگوار حالات وچ جیویں کہ نوح دے دِناں وچ قائم ہو چُکے سن (1 پطرس3: 20)۔ حالانکہ ساریاں نے اُوہنوں مسترد کیتا، اُوہنے فیر وی نوع انسانی نوں محض ایس اِمکان دی روشنی وچ 120 ورے دی عمر عطا کیتی کہ شاید کُج لوکی ’’توبہ لئی آ جان‘‘ (2پطرس3: 9)۔ ایہہ معقول ویلے توں زیادہ سی (ھنری ایم۔ مورس، پی ایچ۔ ڈی۔ Henry M. Morris, Ph.D.، پیدائش دا ریکارڈ The Genesis Record، بیکر بُک ہاؤس Baker Book House، 1986 ایڈیشن، صفحات170۔171)۔

سیلاب توں پہلاں پاک روح دی سرگرمی دے بارے وچ ڈاکٹر جے ورنن میکجی دی عظیم بصیرت سی۔ اُوہناں نے کہیا،

اسی یقین رکھنے آں کہ نوح نے 120 وریاں تیکر تبلیغ کیتی سی، تے اُوس ویلے دے دوران خدا دا روح لوکاں دے نال جدوجہد کر رہیا سی۔ پطرس ایس نوں انتہائی واضح کردا اے کہ ماضی وِچ نوح دے دِناں وِچ خدا دا روح لوکاں دے نال جدوجہد کر رہیا سی کہ اُو شاید اُوہناں نوں خدا وَل رجوع کروا سکے – لیکن اُوہناں نے رُخ پھیر لہییا سی… (1پطرس3: 18۔19)۔ ایہہ روحاں قید وِچ سن جدوں پطرس نے لکھیا سی، مگر ایہناں نوں نوح دے دِناں وِچ تبلیغ کیتی گئی سی۔ سانوں ایس بارے چہ کیویں پتا چلدا اے؟ [1پطرس3: 20] 20ویں آیت پڑھو، ’’ایہہ اُوہناں لوکاں دیاں روحاں نے جِنہاں نے نوح دے زمانے وِچ خدا دی نافرمانی کیتی سی۔ حالانکہ خدا نے صبر کر کے اُوہناں نوں توبہ کرن دا موقع بخشیا سی۔ اُوس ویلے نوح کشتی تیار کر رہیا سی جس وِچ صرف آٹھ ہستیاں سوار ہو کے پانی توں صحیح سلامت بچ نکلے سن۔‘‘ وہ کدوں نافرمان سن؟ نوح دے زمانے وِچ خدا دے صبر دے دوران – اُوہناں 120 وریاں دے دوران (جے۔ ورنن میکجی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرزThomas Nelson Publishers، 1981، جلد اوّل، صفحات36۔37)۔

ایویں، نوح دے زمانے دے لوکاں نے سرزدہ کیتا سی جیس نوں ہُن اَسی ’’ناقابلِ معافی گناہ‘‘ کہنے آں۔ پیدائش6: 3 توں تعلق رکھدے ہوئیاں، ڈاکٹر جان آر۔ رائس Dr. John R. Rice نے کہیا،

اِک ناقابلِ معافی گناہ؟ جی ہاں، تے حتّیٰ کہ اَج وی، بِلاشُبہ روح بُلاندا اے تے بُلاندا اے۔ لیکن اِک دِل شاید خدا دے خلاف ایس قدر تیار ہو جاندا اے تے اُوہدے میٹھے اصرار تے ہُن کوئی وی تیار نہئیں ہوندا تے ایویں اُوس ویلے توں پرے نکل جاندا اے جیس وِچ اُو کدی بچایا جا سکدا سی۔ خدا نہئیں بدلدا اے، لیکن جدوں ایہہ ممکن ای نہئیں رہ جاندا کہ کسی نوں بچایا جا سکے، تے خدا دا روح اپنا بُلانا چھڈ دیندا اے: کلام پاک کہندا اے، ’’میری روح ہمیشہ تیکر انسان دے نال مزاحمت نہ کردی رہوے گی۔‘‘ (جان آر۔ رائس، ڈی۔ڈی۔ John R. Rice, D.D.، آغاز وِچ In the Beginning، سورڈ آف دی لارڈ پبلیشرز Sword of the Lord Publishers، 1975، صفحہ 190)۔

ایہناں لفظاں وِچ اِک بہوتی وڈی تنبیہہ اے، ’’میری روح ہمیشہ تیکر انسان دے نال مزاحمت نہ کردی رہوے گی‘‘ (پیدائش6: 3)۔ ڈاکٹر رائس نے اپنے مشہور گیتاں وِچوں اِک وِچ ایس تنبیہہ نوں انتہائی واضح طور تے دسیا:

تُسی سُستی وکھائی تے اِنتظار کیتا فیر وی نجات دہندہ نوں مسترد کیتا؛
     ایس قدر صبر دے نال اُوہدی ساری تنبیہات، ایس قدر مہربان اُوہدی ساریاں التجاواں؛
ایویں تُسی منع کیتا ہویا پھل کھایا، تُسی شیطان دے وعدے دا اعتبار کیتا؛
     ایویں تہاڈا دِل سخت ہو چُکیا اے؛ گناہ تہاڈے ذہن نوں تاریک کر چُکیا اے۔
فیر کیس قدر افسوسناک فیصلے دا سامنا تہانوں بغیر رحم دے نال یاد کرنا ہووے گا
     کہ تُسی سُستی وکھائی تے فضول وچ ویلہ لنگھایا جدوں تیکر کہ روح ٹُر نئیں گیا؛
کیہو جئی الزام تراشی تے ماتم، جے جدوں موت تہانوں بے اُمید پاندی اے،
     تُسی فضول وچ ویلہ لنگھا دِتا تے سُستی وکھائی تے بوہتا زیادہ ای انتظار کیتا!
(’’جے تُسی زیادہ دیر سُستی وکھائی If You Linger Too Long‘‘ شاعر ڈاکٹر جان آر۔ رائس Dr. John R. Rice، 1895۔1985)۔

جی ہاں، اُوہناں نے بہوتا زیادہ انتظار کیتا۔ اُوہناں نے پاک روح دے کماں دے نال مزاحمت کیتی۔ اُو شیطان دے ذریعے توں انّھے ای بنے رہئے۔ لیکن ساڈی تلاوت دی اِک تیجی وضاحت اے،

’’تے خداوند نے ویکھیا کہ زمین تے انسان دی بدی بہوتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5).

III۔ تیجی گل، اُو آسمان توں ٹھکرائی ہوئی مخلوقات سن۔

مہربانی نال پیدائش 6: 4 اُوچی واج نال پڑھو۔

’’اُوہناں دِناں وِچ زمین تے وڈے قد آلے تے مضبوط لوکی موجود سن بلکہ بعد چہ وی سن جدوں خدا دے پُتر اِنساناں دی دیھیاں دے کول گئے تے اُوہناں توں اولاد پیدا ہوئی۔ ایہہ قدیم زمانے دے سورما تے وڈے نامور لوکی سن‘‘ (پیدائش 6: 4).

ایہہ اُوہناں انتہائی تھاواں وِچوں اِک اے جِیتھے میں سوچنا آں کہ کنگ جیمس بائبل نوں صفائی دی لوڑ پیہندی اے۔ ایتھے عبرانی لفظ ’’نفلیّمnephilim‘‘ دا ترجمہ ’’دیوقامتgiants‘‘ کیتا گیا اے۔ ایہہ ایس لئی اے کیوں جے کنگ جیمس بائبل دے ترجماناں نے پرانے عہدنامے دی قدیم ترین یونانی ترجمے [Spetuagint] دے ’’نیفلیمnephilim‘‘ توں ’’دیو ہیکلgigantes‘‘ تے انحصار کیتا سی۔ لیکن اصلی عبرانی لفظ ’’نیفلیمnephilim‘‘ ایہہ اشارہ نہئیں دیندا کہ سیلاب توں پہلاں اُو دیو ہیکل لوکی سن۔ میرے خیال وِچ ڈاکٹر ھنری ایم مورس Dr. Henry M. Morris نے ایس دا کی مطلب ہوندا اے دی اِک واضح تصویر پیش کیتی جدوں اُوہناں نے کیہیا،

عبرانی وِچ لفظ نیفیلیم nephilim اے تے فعل نفعالnaphal (’’رد کیے ہوئے یا گِرے ہوئے fall‘‘) توں آندا اے۔ حالانکہ کُج تبصرہ نگار رائے دیندے نے کہ لفظ دا مطلب ہوندا اے ’’اُو جیہڑے آ پیہئے سن‘‘ – یعنی کہ، ’’حملہ آور‘‘ – مذید بہتر قدرتی تے ممکنہ مطلب اے ’’اُو جہیڑے گناہ وِچ مر چکے نے یا اُ وجیہڑے مسترد کیتے جا چکے نے‘‘ (ھنری ایم۔ مورس، پی ایچ۔ڈی۔ Henry M. Morris, Ph.D.، ibid.، صفحہ172)۔

غور کرو کہ ’’نفیلیمnephilim‘‘ ابلیسیت دے داخلے توں پہلاں وجود رکھدے سن،

’’اُوہناں دِناں وِچ [نوح دے زمانے چہ] زمین توں وڈے قد آلے تے مضبوط لوکی [’نیفلیمnephilim – مسترد کیتے ہوئےfallen ones‘] موجود سن تے بعد چہ وی سن جدوں خدا دے پُتر اِنساناں دیاں دیھیاں دے کول گئے تے اُوہناں توں اولاد پیدا ہوئی۔ ایہہ قدیم زمانہ دے سورما تے وڈے نامور لوکی بنے سن‘‘ (پیدائش 6: 4).

ڈاکٹر میکجی نے کہیا،

اُو غیر معمولی انسان نہئیں سن؛ اُو لوکی سن۔ ایتھے ریکارڈ انتہائی واضح کردا اے کہ [’’آسمان توں ڈِگے ہوئے یا مسترد کیتے ہوئے‘‘] ایہدے [پیدائش6: 2] رونما ہون توں پہلاں زمین تے سن، تے ایس دا سادہ جیہا مطلب ہوندا اے کہ ایہہ بطچے قابلِ ذکر افراد سن (جے۔ ورنن میکجی، ٹی ایچ۔ ڈی۔ J. Vernon McGee, Th.D.، ibid.)۔

میں یقین کرنا آں کہ ’’نیفلیمnephilim‘‘ محض انسان دی اُوہدی گناہ وِچ ڈِگی ہوئی حالت دے بارے چہ گل کردے نے – اُو ’’جیہڑے گناہ وِچ ڈِگے ہوئے‘‘ سن۔ میں جاننا آں کہ ایہہ کہنا ضرورت توں کِدرے بوہتا عجیب تے دلچسپ ہووے گا، جیویں کہ کُج کہندے نے، کہ ایہہ لوکی دیو قامت درندے سن، لیکن میں پیدائش 6: 4 آیت وِچ ایس دے لئی کوئی جواز تلاش نہئیں کر سکیا آں۔ تاہم، بائبل وِچ سانوں بے شمار تھاواں تے باغ عدن وِچ انسان دے گناہ وِچ ڈِگن دے بارے چہ دسدے ہوئے پا سکنے آں۔ بائبل کہندی اے،

’’اِک آدمی دے زریعہ توں گناہ دُنیا چہ داخل ہویا‘‘ (رومیوں 5: 12).

آرتھر ڈبلیو۔ پنک Arthur W. Pink نے کہیا،

آدم نے معاملات خود اپنے ہتھاں وِچ لے لئے، خدا توں بغاوت کیتی تے اُوس [خدا] دے قانون نوں اپنے پیراں ہیٹاں روندیا… اپنے سربراہ [آدم] دے گناہ دے ذریعے توں [انسانی] نسل تباہ ہو گئی سی تے انتہائی ہولناک اِخلاقی جھوٹ دی حالت وِچ گِر گئی سی۔ ساڈی گناہ وِچ ڈِگی ہوئی دُںیا اے؛ خدا تے بزرگی دے مخالف، بدکرداری اُوہدے وِچ حد توں بوہتی، موت اُوہدے تے حکومت کر رئی اے، ھوس تے جرم اُوہدی کردار سازی کر رئے نے، مصائب تے بدحالی اُوہنوں بھر رئے نے (آرتھر ڈبلیو۔ پنک Arthur W. Pink، کلام پاک توں ذخیرۂ معلومات: انسان دی مکمل خباثت Gleanings From the Scriptures: Man’s Total Depravity، موڈی پریس Moody Press، 1981 ایڈیشن، صفحہ 46)۔

ایہہ گناہ وِچ ڈِگی ہوئی اِک نسل دی تصویر اے جیہڑی سانوں ساڈی تلاوت وِچ پیش کیتی گئی،

’’تے خداوند نے ویکھیا کہ زمین تے انسان دی بدی بوہتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5).

نسل انسانی اُوس ویلے دے مقابلے وِچ ہُن وی اُوہنی مختلف نہئیں اے۔ انسان اپنی گنہگار فطرت دی بدولت خدا توں کٹ چکیا اے، اپنے دِل وِچ خدا دی شدت دے نال مخالفت کردا ہویا، تے مستقبل وِچ اِک خوف توں بھرپور فیصلے دی بدقسمتی وِچ گِھردا ہویا۔ ایسے لئی یسوع مسیح ایس دُںیا چہ آیا۔ بائبل کہندی اے،

’’مسیح یسوع گنہگاراں نوں نجات دین دے لئی دُنیا چہ آیا‘‘ (1۔ تیموتاؤس 1: 15).

مسیح سولی تے تہاڈے گناہ دا کفارہ ادا کرن دے لئی قربان ہو گیا سی۔ اُو مُردیاں وِچوں تہانوں حیاتی دین دے لئی جی اُٹھیا سی۔ مسیح وَل رُخ موڑو تے اُو تہانوں بچائے گا، تے اپنے قیمتی لہو نال تہاڈے گناہواں نوں دھو ڈالے گا۔

ایہو جئے ویلیاں دے دوران، تہانوں اِک نجات دہندہ دی لوڑ ہوندی اے،
ایہو جئے ویلیاں دے دوران، تہانوں اِک رابطہ کار دی لوڑ ہوندی اے؛
انتہائی یقین کرو، انتہائی یقین کرو
تہاڈا رابطہ کار مضبوط چٹان نوں گرفت وِچ کیتے تے چُکے ہوئے اے!
ایہہ چٹان یسوع اے، جی ہاں، ایہہ اوہی اِک اے؛
ایہہ چٹان یسوع اے، اُوہی تنہا واحد!
انتہائی یقین کرو، انتہائی یقین کرو
تہاڈا رابطہ کار مضبوط چٹان نوں گرفت وِچ کیتے تے چُکے ہوئے اے!
     (’’ایہو جئے ویلیاں دے دوران In Times Like These‘‘ شاعر رُوتھ کائی جونز Ruth Caye Jones، 1944)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔