ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیتاں ظاہر کردیاں نے کہ خدا نے آدم تے حوا نوں ہابل دی تھاں ’’جِنہوں قائن نے قتل کیتا‘‘ اِک ہُور پُتر دِتا سی (’’فرزند seed،‘‘ پیدائش4: 25)۔

’’سیت دے ہاں وی اِک پتر پیدا ہویا تے اُوہنے اُوس دا ناں انوس رکھیا: اُوس ویلے توں لوکی خداوند دا ناں لے کے دعا کرن لگے‘‘ (پیدائش4: 26)۔

لفظاں تے ایہتھے کُج گڑبڑ اے، ’’اُوس ویلے توں لوکی خداوند دا ناں لے کے دعا کرن لگے‘‘ (پیدائش4: 26)۔ کُج الفاظ دا ترجمہ اینج کردے نے جیویں اُو ساڈے کول کنگ جیمس بائبل وِچ نے، جیہڑا کہ میں یقین کرنا آں کہ دُرست ترجمہ اے۔ لیکن دوجے ایس دا ایویں ترجمہ کردے نے، ’’اُوس ویلے توں لوکی یہوواہ دا ناں لے کے دعا کرن لگے‘‘ ( دیکھو سیکوفیلڈ مطالعۂ بائبل Scofield Study Bible مرکزی غور طلب گل ویکھو)۔ ڈاکٹر جان گِلDr. John Gill نے دوواں ای دی استعمال وِچ لیہیان دے عمل دی نشاندہی کیتی، جیویں کہ دوجے مشہور تبصرہ نگاراں نے وی کیتی سی۔ میرا نقطۂ نظر شاید ایہہ ظاہر کرنا اے کہ ایس دا مطلب کی ہوندا اے ایس توں تعلق رکھدے ہوئے کُج ابہام ہون۔ بہرحال میں کنگ جیمس بائبل نوں ای درست تسلیم کرنا آں۔ پیدائش دے چوتھے تے پنجویں باب وِچ بعض گلاں انتہائی واضح نے، اُو گلاں جیہڑیاں کنگ جیمس بائبل دے ترجمے دی تائید تے وضاحت کردیاں نے۔

I۔ پہلی گل، سیت وَلوں کوئی خدائی گروہ، یا ’’نسل‘‘ نہئیں سی۔

’’خداوند دا ناں لے کے‘‘ دعا کرنا یا بُلانا مذہیب اشتیاق وَل واپسی دی تفصیل نہئیں اے جیس دا معنی کُج تبصرہ نگار لیندے نے۔ ایس دا مطلب ایہدے علاوہ جو کُج وی اے، میں یقین کرنا آں کہ ایہہ سیتیاں Sethites دی کمزوری نوں ظاہر کردا اے، جیہڑے ’’خداوند دا ناں لے کے‘‘ دعا کردے یا بُلاندے نے۔ سانوں ایہہ جانن دی لوڑ اے کہ سیت دی ’’نسل‘‘ وِچ سارے زندہ لوکی ماسوائے نوح تے اُوہدے خاندان دے سب دے سب سیلاب وِچ مر گئے سن! میرے خیال وِچ سانوں ایہنوں فیر توں اِک نئے طریقے نال ویکھنا چائیدا اے۔ تے جے اَسی اینج کرنے آں، تے اَسی ویکھاں گے کہ اُو سارے لوکی جیہڑے قائین دی نسل توں سن تے اُو جیہڑے سیت دی نسل توں سن، جیہڑے کہ اُوس زمانے وِچ زندہ سن، سیلاب وِچ غرق ہو گئے سن۔ ایویں، میرے خیال وِچ ڈاکٹر بی۔ ایچ۔ کیرول Dr. B. H. Carroll دے بیان وِچ اِک غلطی اے کہ سیت دی بچے ’’نیک نسل دے سن‘‘ (بی۔ ایچ۔ کیرول ڈی۔ ڈی۔ B. H. Carroll, D.D.، انگریزی بائبل دی اِک تاویل An Interpretation of the English Bible، بیکر بُکس ہاؤس، اشاعت1976، جلد اوّل، صفحہ137)۔ دوواں نسلاں وِچوں سیت دی آل اولاد بِلاشک و شُبہ ظاہری طور تے بوہتی مذہبی سی، لیکن میہنوں شُبہ اے کہ اُو سارے دے سارے ’’نیک نسل دی پود‘‘ سن جیویں کہ ڈاکٹر کیرول نے کہیا۔ ڈاکٹر کیرول اِک نفیس انسان سن تے اِک عظیم مبلغ سن، لیکن میرے خیال وِچ اُو ایس موضوع تے غلط سن۔

جی نہئیںِ میہنوں ایہہ واضح وکھائی دیندا اے کہ ’’نیک‘‘ یا ’’دیندار‘‘ کہلائی جان آلی سیت دی نام نہاد نسل، ماسوائے چند مثتثنیٰ قرار دی جان آلی گلاں دے، محض ظاہری طور تے مذہبی سن تے کدی وی ایس دا تجربہ نہئیں کیتا ہووے گا جِنہوں کہ اَسی ہُن ’’تبدیلی‘‘ کہنے آں۔ سیت دی نسل دی اِک وڈی اکثریت مسیح دے زمانے وِچ فریسیاں دے مقابلے چہ تھوڑی بہتر وکھائی دیندی اے۔ میں ایہہ دلیل پیدائش6: 5 دے سادہ لفظاں تے قائم کرنا آں،

’’تے خداوند نے ویکھیا کہ زمین تے انسان دی بدی بوہتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش6: 5)۔

خدا دی نظر وِچ، دوویں ای قائین تے سیت دی ’’نسلاں‘‘ وِچ انسان دی ایہہ حالت سی۔ اُو سارے دے سارے جیہڑے سیلاب دے زمانے وِچ سن باقی زندہ بچے سن۔ دوویں قائین دے نسل تے سیت دی نسل دے لوکی، ’’صرف بدی وَل مائل رہندے‘‘ سن۔ درحقیقت، میں انتہائی حد تیکر شک کرنا آں کہ ’’سیت دی دیندار نسل‘‘ کُج انتہائی چند لوکاں توں بوہتی نشاندہی کردی اے۔ ایہہ ’’نسل‘‘ صرف دس لوکاں دے لئی نشاندہی کردی وکھائی دیندی اے، جِنہاں دا 5 ویں باب وِچ ناں لیہیا گیا، تے شاید کُج دوجیاں دے لئی وی۔ ایس نوں پہچانن دی ناکامی نے ایس غلطی نوں جنم دِتا کہ سیت دی ساری دی ساری آل اولاد تبدیل شُدہ لوکی سن۔ ایہو ای اے جیہڑا ڈاکٹر بی۔ ایچ۔ کیرول لاگو کردے ہوئے وکھائی دیندے نے جدوں اُوہناں نے کہیا، ’’ایس درجہ بندی وِچ آدم دی نسل سیت دی نسل تیکر محدود اے۔ ایہہ ایس لئی اے کہ قائین دی ساری دی ساری آل اولاد سیلاب وِچ غرق ہو گئی سی‘‘ (ibid.، صفحات136۔137)

میں آپئے بائبل وِچ ایہہ ویکھن چہ ناکام رہیا آں۔ ڈاکٹر کیرول نے کیہیا، ’’ایس درجہ بندی وِچ آدم دی نسل سیت دی نسل تیکر محدود اے۔ ایہہ ایس لئی اے کہ قائین دی ساری دی ساری آل اولاد سیلاب وِچ غرق ہو گئی سی‘‘ (ibid.)۔ ذرا اِک منٹ رُکیئے گا! دُنیا وِچ ہر کوئی (نوح تے اُوہدے خاندان نوں مثتثنیٰ قرار دین دے نال) سیلاب وِچ غرق ہو گیا سی! کوئی سیت دی نسل توں نہئیں بچیا سی ماسوائے نوح تے اُوہدے خاندا دے! نیا عہدنامہ ایس نوں انتہائی واضح کردا اے جدوں اُو کہندا اے،

’’تے پرانے زمانے دے لوکاں [برابری نال قائین دی نسل تے سیت دی نسل] نوں وی نہ چھڈیا بلکہ بے دیناں دی زمین تے [برابری نال قائین دی نسل تے سیت دی نسل] سیلاب بھیج کے صرف راستبازی کرن آلے نوح نوں تے بقیا ست ہستیاں نوں بچا لیہیا‘‘ (2پطرس2: 5)۔

ایویں، جدوں اَسی پنجویں باب وِچ سیت دی آل اولاد تے نظر پانے آں تے سانوں اُو نہئیں لبھدا اے جیس نوں ڈاکٹر کیرول نے ’’نیک نسل دی پود‘‘‘ کیہیا اے، بلکہ ایس دے بجائے سانوں دس دیندار لوکاں دی فہرست لبھدی اے جیہڑے آدم تے سیت دی فریسیانہ نسل توں اُبھر کے باہر نکلدے نے۔ ایہناں لوکاں دی پرورش خداوند نے روحانی اِرتداد دے بیچوں بیچ کیتی سی۔ تے میرا نہئیں خیال کہ ساڈے کول کوئی وجہ یا وارنٹ ہووے جیہڑا بائبل وِچ پیش کیتی گئی ہو ایہہ فرض کرن دے لئی کہ سیت دی ساری دی ساری ’’نسل‘‘ یا تے نی تے دیندار یا تبدیل شُدہ سی، کیوں جے اُو سارے دے سارے جیہڑے رہ گئے سن اپنی کم مذہبی دے لئی سیلاب نال مارے گئے سن، جیہڑا کہ اِک سچی تبدیلی وَل رہنمائی نہئیں کردا تے اُوہناں نوں سیلاب دی عالمگیری سزا توں نہئیں بچاندا،

’’بے دینوں دی زمین تے سیلاب بھیج کے‘‘ (2 پطرس2: 5)،

جہیڑی کہ، جیویں میں کیہیا، اُوہناں ساریاں دے ساریاں سیت دے لوکاں تے جیہڑے بچ گئے سن تے اُوہناں دے نال نال قائین دے لوکاں تے وی اِک سزا سی۔

II۔ دوجی گل، سیلاب توں پہلاں دے بزرگان مخصوص لوکی سی جِنہاں نوں خدا نے گناہ وِچ ڈِگی ہوئی دُںیا دے لئی بطور گواہیاں بُلایا سی۔

ایہناں دس ہستیاں دی فہرست پیدائش5 باب وِچ موجود اے۔ ڈاکٹر ھنری ایم۔ مورس Dr. Henry M. Morris

دے وسیلے توں اُوہناں دے ناں تے تواریخ پیش کیتی گئی نے:

بُزرگ                       پیدائش دا سال               اگلے بزرگ دی پیدائش تے عمر              مرن دا سال

آدم                             1                                        130                                            930 
سیت                          130                                     105                                            1042 
انُوس                          235                                    90                                              1140 
قینان                           325                                    70                                              1235 
محلل ایل                      395                                    65                                              1290 
یارد                            460                                    162                                            1422 
حنوک                         622                                    65                                              987 
متوسلح                        687                                    187                                            1656 
لمک                           874                                    182                                            1651 
نوح                            1056                                  500                                            2006 

(ھنری ایم۔ مورس، پی ایچ۔ ڈی۔ Henry M. Morris, Ph. D.، پیدائش دا ریکارڈ The Genesis Record، بیکر بُک ہاؤس، 1986 ایڈیشن، صفحہ154)۔

اَسی پیدائش دے پنچ باب وِچ جو ویکھنے آں اُو ’’اِک نیک نسل دی پود‘‘ نہئیں اے، بلکہ ایہدے بجائے، دس ہستیاں دی اِک فہرست اے جِنہاں نے خدا تے یقین کیتا تے اِک مردی ہوئی زوال پزیر دُنیا دے وسط وِچ گواہان دے طور تے کِھلوتے رئے۔ لوتھر نے کیہیا،

ایہہ (پنجواں) باب (پیدائش دا) سانوں کُل بزرگان دی دُںیا دے اِک تصویر پیش کردا اے۔ ایہہ دس بزرگان دےنال اُوہناں دی دس نسلاں نوں اِک اِک کر کے دسدا اے… موسیٰ [پیدائش دا پہلا انسانی مصنف] ساڈے کولوں چاہندا اے کہ ایس پہلی دُنیا دے جلال تے غور کریے (کیوں جے اُو بزرگان دے دور دا ذکر کردا اے)۔ آدم نوح دی پیدائش توں کُج ای عرصہ پہلاں [مریا] سی۔ سیت نوح دے پیدا ہون توں صرف چودہ وریاں پہلاں مریا سی۔ انوس تے دوجے بزرگان، ماسوائے حنوک دے، نوح دے ہم عصر سن۔ ایس لئی بہوتے بزرگان… نے اِک ای دور وِچ حیاتی لنگہائی… ایہہ پہلی دُںیا دے پہلے قابلِ احترام بزرگان دا جلال سی کہ ایس قدر بوہتے پرہیزگار تے دانا مقدسین اِکٹھے زندہ سن۔ سانوں ایہہ نہئیں سوچنا چائیدا اے کہ ایہہ لوکی عام انسان سن۔ ایس دے بجائے اُو (ایمان دے) ایس دُنیا وِچ عظیم ترین ہیروز سن، ماسوائے مسیح تے یوحنا بپتسمہ دین آلے دے۔ قیامت دے روز اَسی اُوہناں دا جلال ویکھاں گے تے اُوہنوں سراہواں گے۔ فیر سانوں اُوہناں دی شاندار حیاتیاں تے نیک کماں دے بارے وِچ دسیا جائے گا۔ ایس دِن اَسی (مکمل طور تے) جان جاواں گے کہ آدم، سیت، متوسلح تے [اُوہناں] دوجیاں نے کی تکمیل کیتا سی، تے کیوں اُوہناں نے وعدہ کیتے گئے نجات دہندہ وِچ ایمان دے لئی مصائب برداشت کیتے سن… اُوہناں خطرات تے سزاواں وِچ جِنہاں دا اُوہناں نے جرأت مندی نال سامنا کیتا (مارٹن لوتھر، ٹی ایچ۔ ڈی۔ Martin Luther, Th.D.، پیدائش تے لوتھر دا تبصرہ Luther’s Commentary on Genesis، ژونڈروان پبلیشنگ ہاؤس Zondervan Publishing House، دوبارہ اشاعت1958، جلد اوّل، صفحہ119)۔

فیر وی، ایتھوں تیکر کہ حنوک، نوح تے دوجے بزرگان دی عظیم گواہی دے نال، صرف آٹھ لوکی بچائے گئے سن جدوں سیلاب آیا سی، کیوں جے خدا نے

’’… پرانے زمانے دے لوکاں نوں وی نہ چھڈیا بلکہ بے دیناں دی زمین تے سیلاب پیہجھ کے صرف راستبازی دی منادی کرن آلے نوح نوں تے دیگر سات ہستیاں نوں بچا لیہیا‘‘ (2پطرس2: 5)۔

تے ’’بے دیناں دی دُںیا‘‘ وِچ دوویں قائین دے نسل دے لوکی تے سیت دی نسل دے لوکی شامل سن، ماسوائے نوح تے اُوہدے خاندان دے۔ دوویں ’’نسلاں‘‘ سیلاب دے ذریعے توں تباہ کر دِتیاں گئیاں سن، تے دوویں نسلاں نوں ای 2۔پطرس2: 5 وِچ ’’بے دین‘‘ کہیا گیا۔

ایہہ ’’خداوند دا ناں لین‘‘ یا ’’خود نوں یہوواہ دے ناں توں بلوان‘‘ دی کُل ناکامی نوں ظاہر کردی اے۔ سیلاب توں پہلاں ’’انجیلی بشارت‘‘ دی تحریک اِک ہولناک ناکامی سی۔ لوتھر نے کہیا،

لیکن جے پہلی دُںیا، جیہڑی کہ بہترین سی… ایس وِچ صرف آٹھ لوکی سن جیہڑے سیلاب توں محفوظ رئے، تے قیامت دے روز کی ہووے گا جدوں کہ خوشخبری، جیہڑی کہ نور پھیلان دے لئی [اصلاح دے ذریعے توں] تازہ تازہ ای بحال ہوئی اے ایس دی ایس قدر شدت دے نال تحقیر کیتی گئی؟ سانوں ڈر اے کہ کُج ای مدت وِچ بدکار بالادستی اِختیار کر لین گے تے دُنیا نوں خطا دے نال ایس قدر لبریز کر دین گے کہ (الہٰی) دُںیا مکمل طور تے نیست و نابود ہو جائے گی۔ لوقا18: 8 وِچ، مسیح سانوں ایہہ ہولناک تنبیہہ پیش کردا اے، ’’جدوں ابنِ آدم آئے گا تے کی اُو زمین تے ایمان پائے گا؟‘‘ فیر توں متی24: 37۔42 آیات وِچ، اُو (آخیرلی) نسل دا موازنہ نوح دے زمانے دے نال کردا اے، تے جو اُو کہندا اے اُوہدے تے غور کرنا ہولناک اے (لوتھر Luther، ibid.، صفحہ120)۔

میں لوتھر دے نال ایس موضوع تے متفق آں۔ مونرجیسٹکmonergistic نجات (تنہا خدا دے فضل دے وسیلے توں نجات) توں تعلق رکھدے ہوئے اصلاح دی روشنی ساری دی ساری پُٹ کے سُٹی جا چکی اے، تے چارلس جی فنّی Charles G. Finney تے ’’فیصلہ سازیتdecisionism‘‘ جیس نے ساڈے زمانے چہ گرجا گھراں نوں ڈھانپ رکھیا اے ایس دے ذریعے توں بدلی جا چکی اے، جیہڑی انسان نوں تنہا فضل دے وسیلے توں نجات دے بجائے خدا دے فضل دے نال ’’تعاون‘‘ کروا رئی اے۔ ایس حقیقت نوں تاریخ وِچ آئعین ایچ میورےIain H. Murray اپنی عظیم کتاب حیات نو تے حیات نو سازی: امریکی انجیلی بشارت سازی دا بننا تے وگڑنا1750۔1858 Revival and Revivalism: the Making and Marring of American Evangelicalism 1750-1858 (دی بینر آف ٹرتھ ٹرسٹ The Banner of Truth Trust، 2005) وِچ واضح طور تے ظاہر کر چکے نے۔ ایہناں کتاباں نوں انٹر نیٹ تے ایمزان ڈٓاٹ کام Amazon.com توں خریدا جا سکدا اے۔

III۔ تیجی گل، پیدائش چار توں لے کے چھ باب تیکر انسان دے مکمل اِخلاقی زوال نوں ظاہر کردے نے، دوویں قائین دی نسل دے لوکی تے سیت دی نسل دے لوکی، تے ساڈے زمانے دے مرکزی موضوع دے طور تے تنہا فضل دے وسیلے توں نجات تے انسان دے اخلاقی زوال توں فیر توں زیر غور لیہیان دی لوڑ نوں ظاہر کردے نے۔

آدم دے گناہ دی ایس تہمت نوں ہر برزگ دی موت دے ذریعے توں ظاہر کیتا گیا اے۔ بائبل کہندی اے،

’’پیس جیویں اِک بندے تے ذریعے گناہ دُںیا وِچ داخل ہویا تے گناہ دی وجہ توں موت آئی اُونج ای موت سارے انساناں وِچ پھیل گئی کیوں جے سب نے گناہ کیتا‘‘ (رومیوں 5: 12).

ایویں بزرگان دے لحاظ توں ’’گناہ دے ذریعے‘‘ توں تہمت نوں ساڈے تے ہر وری نقش کیتا گیا اے

تے آدمی پورے نو سو تیس وریاں تیکر زندہ رہیا تے فیر اُو مر گیا‘‘ (پیدائش5: 5).

’’تے سیت پوری نو سو بارہ وریاں زندہ رہن دے بعد مر گیا‘‘ (پیدائش5: 8).

’’تے انوس دی کُل عمر نو سو پنج وریاں دی ہوئی تے اُو مر گیا‘‘ (پیدائش 5: 11).

’’تے قینان دی کُل عمر نو سو دس وریاں دی ہوئی تے اُو مر گیا‘‘ (پیدائش5: 14).

’’تے محلل ایل دی کُل عمر آٹھ سو پچانوے وریاں دی ہوئی تے اُو مر گیا‘‘ (پیدائش 5: 17).

’’تے یارد دی کُل عمر نو سو باسٹھ وریاں دی ہوئی تے اُو مر گیا‘‘ (پیدائش5: 20).

’’تے متوسلح دی کُل عمر نو سو اُنہتر وریاں دی ہوئی تے اُو مر گیا‘‘ (پیدائش5: 27).

’’تے لمک دی عمر ست سو ستہرتر وریاں دی ہوئی تے اُو مر گیا‘‘ (پیدائش 5: 31).

تنہا حنوک نے موت توں فرار حاصل کیتی سی۔ آیت 24 تے نظر پاؤ۔

’’تے حنوک خدا دے نال نال چلدا رہیا تے فیر خدا نے اُوہنوں اُٹھا لیہیا تے اُو نظراں توں غائب ہو گیا‘‘ (پیدائش 5: 24).

خدا نے حںوک نوں ’’اُٹھا لیہیا‘‘، تے اُو سچے مسیحیاں دی اِک تشبیہہ بن گیا، جِنہاں نوں ایس زمانے دے خاتمے تے ’’اُٹھا لیہیا‘‘ جائے گا۔

’’ایمان ای دی وجہ توں حنوک اپنی موت توں پہلاں ای اُٹھا لیہیا گیا تے اُوہدا پتا نہ چلیا کیوں جے خدا نے اُوہنوں اُٹھا لیہیا سی۔ کیوں جے اُوہدے اُٹھائے جان توں پہلاں اُوہدے حق چہ گواہی دِتی گئی کہ اُو خداوند نوں پسند سی‘‘ (عبرانیوں 11: 5).

’’کیوں جےخداوند خود وڈی للکار تے مُقرب فرشتہ دی واج تے خدا دے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے پہلے زندہ ہو جان گے۔ فیر اَسی جیہڑے زندہ باقی ہون گے اُوہناں دے نال بدلاں وِچ اُٹھا لئے جان گے تاکہ اَسی ہوا وِچ خداوند دا اِستقبال کریے تے ایویں ہمیشہ اُوہدے نال رہیے‘‘ (1۔ تھسلنیکیوں 4: 16۔17).

ایس لئی، موت دا رنج، ایتھوں تیکر کہ سچے ایمانداراں دی موت، ایس پورے پنچویں باب وِچ پھیلی ہوئی اے، جیہڑی ظاہر کردی اے کہ گناہ وِچ ڈِگن دے نتیجے دے طور تے سارے نسل انسانی دے لئی ’’گناہ دے ذریعے توں موت‘‘ منسوب کیتی گئی سی۔

فیر، وی، سیلاب توں پہلاں دے زمانے وِچ تبدیل شُدہ لوکاں دی قلت وِچ انسان دے اِخلاقی زوال نوں آشکارہ کیتا گیا اے۔ حالانکہ نوع انسانی دے کول ایہناں بزرگاں دی بوہتی وڈی گواہی موجود سی، چند اِک ای سیت دی نسل توں بچائے گئے سن۔ ساڈے کول یہودہ 14 تا 15 آیات وِچ، تے 2 پطرس 2: 5 آیت وِچ دوویں حنوک تے نوح دی تبلیغ دے حوالے نے۔ ایس دے باوجود انتہائی چند سیت دی نسل دے لوکی تبدیل ہوئے سن تے خدا نے

’’… پرانے زمانے دے لوکاں نوں وی نہ چھڈیا بلکہ بے دیناں دی زمین تے سیلاب پیہجھ کے صرف راستبازی دی منادی کرن آلے نوح نوں تے دیگر سات ہستیاں نوں بچا لیہیا‘‘ (2پطرس2: 5)۔

تصویر دا دوجا رُخ فضل دے وسیلے توں نجات اے، تے انسان دی اخلاقی زوال دا واحد جواب اے۔ پیدائش6: 8 تے نظر پاؤ۔ نوح تنہا فضل دے وسیلے توں بچایا گیا سی، تنہا ایمان دے ذریعے توں۔

’’لیکن نوح خدا دی نظر وِچ مقبول ہویا‘‘ (پیدائش 6: 8).

سانوں عبرانیوں 11: 2 آیت وِچ دسیا گیا کہ سارے بزرگان تنہا ایمان دے وسیلے توں بچائے گئے سن،

’’اُوسی [ایمان] دی وجہ توں ساڈے بزرگاں دے حق وِچ گواہی دِتی گئی‘‘ (عبرانیوں 11: 2).

لیکن لوتھر نے خبردار کیتا سی کہ تنہا ایمان دے ذریعے توں تنہا فضل دے وسیلے توں نجات نوں مسترد کیتا جائے گا، تے سینرجیسٹک synergistic ’’فیصلہ سازیتdecisionism‘‘ بالا دستی قائم کر لئے گی تے ’’دُںیا نوں خطا‘‘ توں لبریز کر دیوے گی۔ اَج لوکی سوچدے نے کہ اُو بچائے گئے نے کیوں جے اُوہناں نے خداوند دا ناں لے کے دعا‘‘ کیتی سی (پیدائش4: 26)، کیوں جے اُوہناں نے اِک ’’فیصلہ‘‘ کیتا یس تے ’’گنہگاراں دی دعا‘‘ پڑھی سی۔ تے ایویں ایہو ای غمگین اِرتداد جیہڑا سیلاب توں پہلاں آیا سی واپس گرجا گھراں وِچ فنّیFinney دے زریعے توں تے ’’فیصلہ ساز decisionist‘‘ انجیلی بشارت آلیاں دے ذریعے توں تے اُوہناں پادریاں دے ذریعے توں جِنہاں نے اُوہدی پیروی کیتی، لیہیائی جا چکی اے۔ ایویں ساڈے گرجا گھر کاتھولک اِزم دی اصلاح توں پہلاں دی سینرجیسٹکsynergistic غلطی دے لئی ماضی وِچ جا چکے نے، تےلوتھر دا ڈر سچا ثابت ہو چکیا اے۔ بوہتے لوکی رومیوں10: 13 ویں آیت دے مگر چُھپن گے، لیکن اُو رومیوں10: 14ویں آیت تے غور نہئیں کردے نے، جیہڑی کہ سادگی نال ظاہر کردی اے کہ ایہہ دعا نہئیں اے جیہڑی نجات دلاندی اے۔ کوئی وی دعا پڑھن نال کدی وی بچایا نہئیں گیا اے۔ ایہہ اُو لعنتی بدعت اے جیہڑی فنّیFinney تے ’’فیصلہ سازdecisionist‘‘ مبلغاں جِنہاں نے انجیلی بشارت دی تعلیم نوں تباہ کیتا اُوہناں دے ذریعے توں لیہیائی گئی۔

’’جیویں نوح دے دِناں وِچ ہویا سی اُوہنج ای ابنِ آدم دی آمد دے ویلے ہووے گا۔ کیوں جے طوفان توں پہلاں دے دِناں وِچ لوکی کھاندے پیندے تے شادی بیاہ کردے کراندے سن۔ نوح دے کشتی وِچ داخل ہون دے دِن تیکر ایہہ سب کُج ہوندا رہیا۔ اُوہناں نوں خبر تیکر نہ سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں بہا کے لے گیا ابن آدم دی آمد وی اینج ای ہووے گی‘‘ (متی24: 37۔39).

اَسی یقینی طور تے اَج اُوسی حالت وِچ حیاتی گزاردے ہوئے ظاہر ہونے آں۔ آن آلے فیصلے توں بچن دا صرف واحد اِک ای راستہ اے۔

’’سچی گل تے ایہہ اے کہ جے تُسی تبدیل ہو کے چھوٹے بچیاں وانگوں نہ بنو، تُسی آسمان دی بادشاہی وِچ ہرگز داخل نہ ہوو گے‘‘ (متی 18: 3).

تہانوں آپئے اپنے گناہ، تے اپنے پیدائشی اِخلاقی زوال تے نری نااہلیت توں قائل ہونا چائیدا اے۔ تہانوں عاجز ہونا چائیدا اے تے اپنی مزاحمت تے تکبر توں ٹُٹیا ہویا ہونا چائیدا اے۔ تہانوں تنہا خدا دے فضل دے وسیلے توں مسیح وَل کھینچے چلے آنا چائیدا اے، کیوں جے یسوع نے کہیا،

’’میرے کول کوئی نہئیں آندا جدوں تیکر کہ باپ جیس نے میہنوں پیہجھیا اے اُوہنوں کھیچ نہ لیہیائے تے میں اُوہنوں آخری دِن فیر توں زندہ کر دیاں گا‘‘ (یوحنا 6: 44).

پس، نجات تنہا فضل دے وسیلے توں، صرف مسیح وِچ ایمان دے ذریعے توں ای ہوندی اے۔ باقی سب کُج لکڑی، سوکھی گھاس تے بھوسہ اے۔ پیدائش دے چوتھے، پنجویں تے چھٹے باب دے مقالبے وِچ ایہہ کسی ہُور تھاں تے ایس قدر واضح نہئیں کیتا گیا اے۔

ایہو جئے ویلیاں دے دوران، تہانوں اِک نجات دہندہ دی لوڑ ہوندی اے،
ایہو جئے ویلیاں دے دوران، تہانوں اِک رابطہ کار دی لوڑ ہوندی اے؛
انتہائی یقین کرو، انتہائی یقین کرو
تہاڈا رابطہ کار مضبوط چٹان نوں گرفت وِچ کیتے تے چُکے ہوئے اے!
     (’’ایہو جئے ویلیاں دے دوران In Times Like These‘‘ شاعر رُوتھ کائی جونز Ruth Caye Jones، 1944)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔