مسیح باغ وِچ تے پھاٹک توں باہر

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہناں آیتاں نوں ایہہ احساس کیتے بغیر پڑھنا ناممکن اے کہ انسان دے گمراہ ہون دے بعد خدا دی بجا طور تے پرستش دے لئی لہو دا وگایا جانا ضروری سی۔ میرے خیال وِچ، ساڈے پہلے ماں پیو نوں لباس پہنان دے لئی اِک جانور دی قربانی دین تے نظر پانا، ایہہ وہ ناممکن اے تے ہابل دے ذریعے توں خدا دی پرستش وِچ اُوس دا اِک برّے نوں ذبح کرنا، اُوہدے تے نظر پانا ایہہ وہ ناممکن اے تے بغیر ایہہ احساس کیتے کہ دوویں ای واقعات وِچ لہو دا وگایا جانا اُوس لہو دے بارے چہ مخصوص اے جیہڑا پیدائش3: 15 وِچ پیش گوئی نوں پورا کرن دے لئی ساڈے خداوند یسوع مسیح دے ذریعے توں وگایا جائے گا، ’’اُو تیرا سر کُچلے گا تے توں اُوہدی اَڈھی تے کٹے گا‘‘ (پیدائش3: 15)۔ دوویں ای لہو دا وگایا جانا آدم تے حوا دے لئی کھال بنان دے لئی، تے اُو لہو جیہڑا ہابل دے ذریعے توں خدا دی پرستش وِچ اُوہنے وگایا، مسیح دے عمل دے لئی نشاندہی کردے نے۔ اُو لہو جیہڑا کھال بنان دے لئی وگایا گیا تے اُو لہو جیہڑا ہابل دے ذریعے توں وگایا گیا مسیح دی اذیت دے مختلف پہلوواں نوں اُجاگر کردے نے۔ کُج ای لوکی ایس صورتحال توں متفق نہئیں ہون گے۔ مگر میں چاہنا واں کہ اَسی ایہناں دوویں لہوواں دے وگائے جان دی تشبیہات دے توجہ مرکوز کریے۔ شاید تُسی سوچ کہ میں انتہائی دور چلا گیا آں، لیکن میہنوں اینج محسوس ہوندا اے کہ دوویں ای واقعات ساڈے خداوند دے دوویں لہوواں دے وگائے جان دے بارے وِچ خصوصی طور تے گل کردے نے۔ آؤ نئے عہدنامے وِچ دوویں شبیہات تے تشبیہات دا موازنہ کریے۔

I۔ پہلی گل، اُو لہو جیہڑا خداوند نے کھال بنان دے لئی باغ عدن وِچ وگایا سی۔

ایس گل تے غور کیتا جانا چائیدا اے کہ جدوں خدا نے ساڈے پہلے ماں پیو نوں ’’کھال دا لباس‘‘ بنا کے دِتا تے باغ وِچ لہو وگایا گیا سی – کیوں جے اُوہناں نوں اُوس ویلے تیکر باغ وِچوں کڈیا نہئیں گیا سی جدوں تیکر کہ اُوہناں دے لئی کھال دے اُو لباس بنان دے لئی لہو نہئیں وگایا گیا سی۔ میری رائے وِچ ایہہ تشبیہہ اے۔

نئے عہدنامہ وِچ تشبیہ دے پورا کیتے جان دی تشبیہہ کیتھے اے؟ میہنوں اے واضح وکھائی دیندا اے کہ شبیہہ دا پورا کیتا جانا اِک ہُور باغ وِچ ہویا سی – گتسمنی دے باغ وچ۔ سی۔ایچ۔ سپرجیئن C. H. Spurgeon نے کہیا،

سانوں ایہہ فیصلہ نہئیں کر لیہنا چائیدا اے کہ جیویں باغ وِچ، آدم دی خود دی بیوقوفی نے سانوں تباہ کیتا، تے اِک ہُور باغ وِچ [آخری] آدم دے دُکھاں نوں سانوں بحال کرنا چائیدا اے [؟]۔ گتسمنی اُوہناں بیماریاں دے لئی دوا دا بندوبست کردا اے جیہڑا عدن دے منع کیتے ہوئے پھل دی وجہ توں آندی نے (سی۔ ایچ۔ سپرجیئن C. H. Spurgeon، گتسمنی وِچ دُکھ The Agony in Gathsemane،‘‘ میٹروپولیٹن عبادت گاہ دی واعظ گاہ The Metropolitan Tabernacle Pulpit، پلگِرم اشاعت خانے Pilgrim Publications، فیر توں اشاعت 1971، جلد بیسویں، صفحہ 589)۔

ایویں، میں یقین کرنا آں کہ عدن دے باغ وِچ ساڈے ماں پیو دے لئی کھال بنان وِچ جیہڑا لہو وگایا گیا سی گتسمنی دے باغ وِچ مسیح دے ْذریعے توں لہو دے وگائے جان نوں ظاہر کردا اے۔ تے اُو لہو جیہڑا ساڈے خداوند دے مصلوب کیتے جان توں اِک رات پہلاں گتسمنی دے باغ وِچ وگایا گیا سی اُو عدن دے باغ وِچ وگائے گئے لہو دی پیشن گوئی دا پورا کیتا جانا یا شبیہہ اے۔

عدن دے باغ وِچ، آدم نے گناہ کیتا تے نسل انسانی نوں تباہی تے لے آیا۔ گتسمنی دے باغ وِچ، مسیح نے نسل انسانی دے گناہ نوں خود تے لد لیہیا، تے ساڈی گناہ وِچ ڈِگی ہوئی گمراہ نسل نوں بحال کرن دے لئی اپنے لہو نوں وگانا شروع کیتا۔

اپنے شاگرداں دے نال فسح دا کھانا کھا چکن دے بعد، یسوع اُوہناں دے نال گتسمنی دے باغ دے لئی باہر گیا۔ کیوں مسیح نے اپنے دُکھ دے آغاز دے لئی گتسمنی دے باغ نوں چُنیا؟ کی ایہہ ایس لئی نہئیں سی کہ آدم دے گناہ نے انسان نوں اِک دوجے باغ وِچ تباہ کیتا سی؟ مسیح نے کیوں گتسمنی دے باغ وِچ خونی پسینہ وگایا سی؟ کی ایہہ اُوس پہلے لہو وگان دی پیشنگوئی دا پورا کیتا جانا نہئیں سی، تاکہ آدم تے حوا نوں اُوس پہلے عدن دے باغ وِچ لباس پہنایا جا سکے؟

’’فیر اُو سخت درد و کرب وِچ مبتلا ہو کے ہُور وی دلسوزی نال دعا کرن لگا تے اُوہدا پسینہ لہو دی بونداں وانگوں زمین تے ٹپکن لگا‘‘ (لوقا 22: 44).

باغ وِچ اُوہدی اذیت دا سبب کی سی؟ میں یقین کرنا واں کہ ایہہ اُوتھے ای سی کہ خدا نے اُوہنوں ساڈے لئی غم وِچ مبتلا کیتا۔ یہ کُج ناقابل فہم طور تے ہولناک سی – جیہڑا خدا باپ وَلوں اُوہدے تے لدیا گیا سی۔ گتسمنی دے باغ وِچ اُوس اذیت دے سبب توں تعلق رکھدے ہوئیاں سارے شکوک نوں اشعیا دے انبیانہ لفظاں توں ختم ہو جانا چائیدا اے،

’’خداوند نے اساں ساریاں دی بدکاری اُوہدے تے لد دِتی‘‘ (اشعیا53: 6)،

جیویں کہ مسیح نے اذیت ناک طور تے گتسمنی وِچ پسینہ وگایا ’’جیویں کہ اُو لہو دی وڈیاں وڈیاں بونداں ہون۔‘‘

’’[خداوند نے] اساں ساریاں دی بدکاری اُوہدے تے لد دِتی‘‘ (اشعیا53: 6)،

اُوس باغ وِچ۔ ہُن مسیح نے اُوس لعنت نوں برداشت کرنا شروع کر دِتا سی جیہڑی گناہ توں بھرپور انسان تے گمراہی دی وجہ سی۔ ایتھے گتمسنی دے باغ وِچ اُوس اذیت وِچ اِک اسرار اے جِنہوں کہ ساڈی محدود عقل مکمل طور تے سمجھن توں قاصر اے۔ جیویں کہ پیوریٹن حمدوثنا دے مصنف جوزف ہارٹ Joseph Hart ایہنوں لکھدے نے،

ایہہ صرف خدا دے لئی اے، تے تنہا خدا دے لئی،
کہ اُوہناں دی شدت نوں مکمل طور تے جانا جائے۔
(’’تیرے انجانے مصائب Thine Unknown Sufferings‘‘ شاعر
جوزف ہارٹJoseph Hart، 1712۔1768)۔

یسوع جیہڑا خدا دا برّہ اے اُوہنے اپنے بدن تے نسل انسانی دے گناہواں نوں برداشت کیتا، تے اُوہناں گناہواں دے بوجھ نوں اپنی روح تے لَد لیہیا۔

’’اُو آپئے اپنے ای بدن تے ساڈے گناہواں دا بوجھ لئے ہوئے سولی تے چڑھ گیا‘‘ (1 پطرس2: 24)۔

میں قائل ہو چکیا آں کہ گتسمنی دے باغ وِچ ساڈے گناہواں نوں اُوہدے تے لَد دِتا گیا سی، تے اگلے دِن اُو اُوہناں نوں چُک کے سولی دے لئی لے گیا سی۔ اُوہنے باغ وِچ اِک رات پہلاں ساڈے گناہواں نوں خود تے لَد لیہیا تے اُوس توں اگلے دِن اُوہناں نوں سولی تیکر چُک کے لے گیا۔

’’اُو آپئے اپنے ای بدن تے ساڈے گناہواں دا بوجھ لئے ہوئے سولی تے چڑھ گیا… اُوہدے مار کھان توں تُسی شفا پائی‘‘ (1۔ پطرس 2: 24).

ایویں اَسی تشبیہ تے اُوہدے مکمل طور تے پورے کیتے جان نوں مسیح وِچ ویکھنے آں۔ اُو لہو جیہڑا خدا نے ساڈے پہلے ماں پیو نوں کھال دا لبادہ پہنان دے لئی وگایا اُو باغ عدن وِچ وگایا گیا سی۔ اُوہناں دے اُوہنوں مصلوب کیتے جان توں اِک راتی پہلاں مسیح دی اذیت دا خونی پسینہ گتسمنی دے باغ وِچ وگایا گیا سی۔

II۔ دوجی گل، ہابل دی قربانی دا لہو باغ عدن توں باہر وگایا گیا سی۔

ایہہ آدم تے حوا دے باغ عدن وِچوں کڈ دِتے جا چکن دے بعد ہویا سی کہ اُوہنا ںدے بیٹے ہابل نوں خدا دے لئی خونی قربانی دا نزرانہ پیش کیتا سی۔ ہابل نوں یقین طور تے آدم دے ذریعے توں دسیا گیا سی کہ اِک خونی قربانی دا دِتا جانا ضروری اے – جیہڑا کہ سولی تے مسیح دی کامل قربانی دے لئی نشاندہی کردا اے۔ کِدروں ہابل ایہو جئی لہو دی قربانی دین دے بارے وِچ جان پایا ہووے گا ماسوائے اپنے باپ دے؟ تے ایویں اَسی پیدائش4: 4 وِچ ساڈی دوجی تلاوت وِچ پڑھنے آں،

’’تے ہابل وی اپنے پھیڈ بکریاں دے چند پہلوٹھے بچے تے اُوہناں دی چربی لے آیا۔ خداوند نے ہابل تے اُوہدے ہدیہ نوں قبول فرمایا‘‘ (پیدائش 4: 4).

اَسی اکثر سُننے آں کہ خداوند نے ہابل دے ہدیہ نوں قبول کیتا۔ مگر اگلے چند لفظان ’’تے اُوہدے ہدیہ نوں‘‘عموماً تھوڑے جئے خیالات دے نال نظرانداز کر دِتا جاندا اے (پیدائش4: 4)۔ ایمان دی وجہ توں ’’خداوند نے ہابل تے اُوہدے ہدیہ نوں قبول کیتا۔‘‘ بائبل واضح طور تے کہندی اے،

’’ایمان ای توں ہابل نے قائن توں افضل قربانی پیش کیتی‘‘ (عبرانیوں11: 4)۔

’’خداوند نے ہابل دے ہدیہ نون قبول فرمایا‘‘ اُوہدے ’’ایمان‘‘ دی وجہ توں۔ مگر پیدائش4: 4 وِچ مذید ہُور وی اے۔ ایہہ کہندی اے، ’’تے خداوند نے ہابل تے اُوہدے ہدیہ نوں قبول فرمایا۔‘‘ خداوند نے ہابل دی ایمان نوں قبول فرمایا سی، ’’تے اُوہدے ہدیہ نوں قبول فرمایا سی۔‘‘ ایس لئی خدا نے دوواں نوں قبول فرمایا سی (1) ہابل دے ایمان نوں (2) تے ہابل دے لہو دے ہدیہ نوںَ دوویں وسائل جِنہاں نال ہابل دی منظوری ہوئی اُوہناں نوں الگ نہئیں کیتا جا سکدا: ایمان تے لہو۔ تے ایہہ سانوں یسوع مسیح وِچ پیشنگوئی دے پورے کیتے جان دی دوجی تشبیہہ وَل لے جاندے نے۔

اُو خونی قربانی جیس نے آدم تے حوا دے لئی کھال بنائی سی باغ عدن وِچ وقوع پزیر ہوئی سی۔ مسیح دا گتسمنی دے باغ وِچ لہو دا وگایا جانا خصوصی طور تے اُوہدے وَن نظر پاندا اے تے اُوہنوں پورا کردا اے۔

مگر ہُن، ہابل دی قربانی باغ عدن توں باہر رونما ہوندی اے، اُوہدے ماں پیو دے جنت وِچ کڈے جا چکن دے بعد۔ ایہہ دوجی تشبیہہ اے۔ ایہہ مسیح دے ذریعے توں باغ توں باہر اپنے لہو وگان نال پوری کیتی گئی سی۔ مسیح نوں گتسمنی وِچ گرفتار کیتا گیا سی تے باغ توں گھسیٹ کے لے جایا گیا سی – جیویں آدم تے حوا نوں اُوہناں دے کھال دے لباس وِچ باغ توں کڈیا گیا سی۔ مسیح نے کوڑے مارے گئے سن تے فیر یروشلم دی دیواراں توں باہر لے جایا گیا سی، جِتھے اُوہنوں کِلاں نال سولی تے جڑ دِتا گیا سی۔ تے ایہہ اُوسی سولی تے سی کہ گناہ دے لئی کفارہ ادا کیتا گیا سی، جیہڑا اُوہنے گتسمنی دے باغ توں چکیا سی۔ اُو باغ وِچ نہئیں مریا سی۔ اوہ، جی نہئیں! اُو گتسمنی دے باغ توں باہر مریا سی، بِلاشبہ اُو یروشلم شہر دی دیواراں توں باہر مریا سی۔ بائبل کہندی اے،

’’ایسے لئی مسیح نے وی لوکاں نوں خود اپنے لہو توں پاک کرن دے لئی شہر دے پھاٹک دے باہر دُکھ چُکیا‘‘ (عبرانیوں 13: 12).

اُوہنے دُکھ چکیا تے پھاٹک توں باہر مریا، یروشلم شہر دی دیواراں توں باہر تے گتسمنی توں باہر۔ ایہہ شبیہہ اے۔ ہابل نے اپنی لہو دی قربانی دا نزرانہ باغ عدن دے باہر پیش کیتا سی؛ یسوع نے اپنے لہو دی قربانی دا نزرانہ گتسمنی دے باغ توں باہر پیش کیتا سی – ایتھوں تیکر کہ یروشلم دی دیواراں توں وی باہر۔

ایس توں اَسی کی نتیجہ اخذ کر سکنے آں؟ میرے خیال وِچ ایہہ کہنا محفوظ اے کہ لہو دا وگایا جانا، جدوں باغ عدن وِچ کھال دے اُو لباس بنائے گئے سن، گتسمنی دے باغ وِچ ساڈے گناہواں دے لئی یسوع دے دُکھاں دی عکاسی کردے نے؛ تے میں یقین کرنا آں کہ عدن دے باغ توں باہر ہابل دی لہو دی قربانی دا نزرانہ، گتسمنی دے باغ توں باہر، بلکہ، شہر دی انتہائی دیواراں توں باہر، سولی تے مسیح دی موت دی تشبیہہ پیش کردا اے تے مستقبل دے لئی ایس نوں ظاہر کردا اے۔

ایس لئی جدوں توں انسان باغِ عدن وِچ گناہ وِچ گمراہ ہویا اُودھوں توں مسیح ساڈا نجات دہندہ رہیا اے، تے اُو ہُنے وی، ساڈی گمراہ حالت وِچ، ساڈے لئی قربانی دین آلا متبادل رہندا اے۔ اُو سانوں اپنی موت دے وسیلے توں تے اپنے لہو دے وسیلے توں بچاندا اے حالانکہ ہابل وانگوں، اَسی بیچارے گمراہ مخلوق آں جیہڑے باغ عدن توں باہر، ایس دشوار گزار، بے دین تے گناہ دی لعنت توں بھری ہوئی دُنیا وِچ جلا وطنی دی حیاتی گزار رئے آں۔ تے اُوس عظیم سچائی نوں پولوس رسول دے ذریعے توں بیان کیتا گیا سی جدوں اُوہنے کہیا،

’’مسیح یسوع گنہگاراں نوں نجات دین دے لئی دُنیا وِچ آیا‘‘ (1 تیمتھیس 1: 15)۔

کی تُسی اِک گنہگار اُو؟ تے فیر مسیح تہانون بچان دے لئی آیا سی! کی تُسی گواچے ہوئے گمراہ اُو تے اپنے گناہ دے لئی خود نوں موردِ اِلزام تے خدا دی سزا دے تحت سمجھے اُو؟ تے فیر مسیح تہانوں بچان دے لئی آیا سی! ایمان ای نال خود نوں یسوع دے حوالے کر دیو تے اُو تہاڈی روح تیکر نوں بچا لے گا تے خود اپنے لہو دے وسیلے توں تہاڈے گناہ نوں پاک صاف کر دے گا۔ مذید ہُور شک نہ کرو۔ اُو تہناوں بچا لئے گا۔

’’مسیح یسوع گنہگاراں نوں نجات دین دے لئی دُنیا وِچ آیا‘‘ (1 تیمتھیس 1: 15)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔