ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

غور کرو کہ ساڈی تلاوت کہندی اے، ’’جیس دِن توں ایہنوں کھائیں گا توں یقیناً مر جائیں گے۔‘‘ میں سوچنا آں کہ آرتھر ڈبلیو۔ پنک Arthur W. Pink نوں ایس تے بصیرت ہوئی سی جدوں اُوہناں نے کہیا،

ایہہ آدم چہ کُج نہئیں سی جیہڑا اُو مر گیا سی، مگر خود آدم – خدا دے نال اپنے رشتے چہ مر گیا سی۔ ایہہ ای اُوہدی اولاد دے لئی سچ اے۔ اُو بِلاشُبہ اپنی وجودیت دے آغاز توں ای خدا وَل ’’گناہواں تے قصوراں وِچ مُردہ‘‘ نے [افسیوں2: 1]، مگر اُوہناں دے باطن وِچ کُج وی اُوس لفظ دے عام معنیاں وِچ مثبت طور تے مُردہ نہئیں نے۔ اصطلاح دے مقدس معنیاں وِچ، ’’موت‘‘ کدی وی فنا ہون دا مطلب بیان نہئیں کردی، مگر جدائی دا مطلب دیندی اے۔ جسمانی موت وِچ روح غٓائب نہئیں ہو جاندی مگر جسم توں جدا ہو جاندی اے؛ تے آدم دی روحانی موت اُوہدی وجودیت دے کسی حصے دا غائب ہو جانا نہئیں سی مگر پاک خداوند دے نال اُوہدی رفاقت دی علیحدگی دا عمل سی۔ ایہہ ای اُوہدے سارے بچیاں دے بارے وِچ سچ اے (آرتھر ڈبلیو۔ پنک Arthur W. Pink، صحائف توں چُنیدہ گلاں: انسان دا مکمل اخلاقی بگاڑ Gleanings from the Scriptures: Man’s Total Depravity، موڈی پریس Moody Press، 1991 دوبارہ اشاعت، صفحات 82۔83)۔

’’جِیس دِن توں اُوہنوں کھائیں گا توں مر جائیں گا‘‘ (پیدائش2: 17).

ساڈے پہلے ماں پیو نے منع کیتے ہوئے پھل وِچوں کھادا سی۔ اُو اُوس ای دِن مر گئے سن۔ اُو غائب نہئیں ہوئے سن۔ اُوہناں نے اپنی وجودیت نوں ختم نہئیں کیتا سی۔ مگر اُوہناں دے جسماں وِچ موت حرکت چہ آ گئی سی، تے اُوہناں دی روحواں مر گئیاں سی – اُو حیاتی دے منبع وِچوں جدا کر دِتے گئے سن، جیہڑا خود خدا سی۔ ایہنوں ’’انسان دی برگشتگی‘‘ کہندے نے، کیوں جے ساری دی ساری نسل انسانی آدم [دی وجہ توں] تباہ چہ ڈِگ گئی سی، تے اُوہدی مُردہ فطرت ہر بنی نوع انسان وِچ منتقل ہو گئی سی، جیویں کہ بائبل تعلیم دیندی اے، ’’اِک آدمی دی وجہ توں گناہ دُنیا چہ داخل ہویا‘‘ (رومیوں5: 12)۔ ایس آیت تے جینیوا بائبل دی غور طلب گل کہندی اے، ’’آدم توں، جیس وِث سارے گناہ کر چکے نے، دوویں جرم تے موت اُوہناں ساریاں [لوکاں] تے آندی اے‘‘ (جینیوا بائبل The Geneva Bible، 1599، رومیوں5: 12 آیت تے غور طلب گل)۔

ایس عقیدے دا ثبوت ایس حقیقت وِچ مِلدا اے کہ آدم توں پیدا ہون آلا پہلا بچہ قائن سی، جیہڑا زمین دا آدمی سی، اِک گمراہ یا کھویا ہویا تے انسان جیس نے بچائے جان توں اِنکار کیتا سی۔ لہٰذا ایہہ آدم دی ساری دی ساری آل اولاد دے لئی کہیا جا سکدا اے، ’’ایہناں تے افسوس کیوں جے ایہہ قائن دی راہ تے چلے‘‘ (یہوداہ 11)۔

’’سارے دے سارے گمراہ ہو گئے، اُو کسی کم دے نہئیں رئے، کیوں نہئیں جیہڑا بھلائی کردا ہووے، اِک وی نہئیں‘‘ (رومیوں3: 12)۔

’’اُو سارے دے سارے گناہ دے قابو وِچ نے‘‘ (رومیوں3: 9)۔

’’کیوں جے جیس دِن توں اٰیہنوں کھائیں گا توں یقیناً مر جائیں گا‘‘ (پیدائش2: 17)۔

تے اُو مر گئے سن، تے ساری دی ساری نسل اِنسانی اپنے جسماں تے روحواں وِچ وراثت چہ برگشتگی دا زہر لئے ہوئے، اُوہناں دے نال مر گئی سی۔ کیویں، فیر، تہانوں آدم دی برگشتگی متاثر کردی اے؟ برگشتگی دے بے شمار بُرے اثرات نے، مگر میں اَج دی راتی روحانی اثرات دی دو گلاں دا تزکرہ کراں گا۔

I۔ پہلی گل، نسل انسانی خداوند توں جدا ہو گئی سی۔

ایہہ یکدم رونما ہویا سی جدوں آدم نے گناہ کیتا سی۔ اُو ایس توں پہلاں خدا دے نال مکمل رفاقت نوں جانندا سی۔ مگر جیس لمحے اُوہنے گناہ کیتا اُو خدا توں جدا ہو گیا سی۔

’’تے آدم تے اُوہدی ووہٹی خداوند خدا دے حضور توں باغ دے درختاں وِچ چُھپ گئے‘‘ (پیدائش3: 8)۔

ایہہ علیحدہ ہو جانا، ایہہ جُدائی، ایہہ بیگانگی، ہر انسانی ذہن تے دِل وِچ موجود اے۔

اُو پاویں گرجا گھر دی انتہائی حدود وِچ پرورش پائے۔ اُوہنوں شاید مسیحی گھرانے تے اِک مسیحی سکول وِچ تربیت دِتی گئی ہووے، مگر اُو ہُنے وی خود نوں ’’خداوند خدا دی حضوری توں‘‘ لُکہاندا اے۔ اُوہدی ہُنے وی

’’عقل تاریک ہو گئی اے تے اُو اپنی سخت دِلی دے باعث جہالت وِچ گرگتار اے تے خدا دی دِتی ہوئی حیاتی وِچ اُوہدا کوئی حِصہ نہئیں‘‘ (افسیوں4: 18)۔

اُو بیگانگی، اُو جدائی، آدم دے ہر بچے وِچ موجود اے۔ ایہہ اے جیس دا مطلب ’’گناہواں وِچ مُردہ‘‘ ہونا ہوندا اے (افسیوں2: 5)۔ آرتھر ڈبلیو۔ پنک Arthur W. Pink نے کہیا،

جدوں مسیح نے باپ دی نمائندگی کردے ہوئے کہیا سی، ’’ایہہ میرا پُتر جیہڑا مر چکیا سی… (لوقا15: 24)، اُوہدا یقینی طور تے ایہہ مطلب نہئیں سی کہ اُو گمراہ یا کھویا ہویا [پتر] وجودیت گنوا چکیا سی، مگر کہ اُو ’’اِک دور دراز دے مُلک‘‘ وِچ [سی]… اپنے باپ توں جدا سی (پنک Pink، ibid.، صفحہ 83)۔

اِک ’’فیصلہ ساز‘‘ دا مینوں دسنا کہ کھویا ہویا پُتر مر نہئیں چکیا سی مینوں یاد اے۔ میں بائبل کھولی تے اُوہدا لوقا15: 24 پڑھن دے لئی کہیا، جیتھے باپ نے سادگی نال کہیا،

’’میرا پتر جیہڑا مر چکیا سی‘‘ (لوقا15: 24)۔

ایہہ خداوند دا کلام اے۔ جے تُسی غیر نجات یافتہ اُو تے کسی نوں خود نوں مت کہن دیو کہ تُسی مُردہ اُو، کیوں جے بائبل صاف صاف کہندی اے کہ تُسی ’’گناہواں وِچ مُردہ‘‘ اُو (افسیوں2: 5)۔ ایہہ ای 1599 دی جینیوا بائبل وِچ افسیوں2: 1 تے غور طلب گل دے ذریعے بیان کیتا گیا اے، ’’ایس لئی اُودھوں توں اُوہنے اُوہناں نوں مُردہ کہیا، جِنہاں وِچ فیر توں جان نہئیں آندی اے… جیہڑے کہ ناصرف اَدھے مُردہ پیدا ہوندے نے، بلکہ کُلی طور تے مکمل مُردہ ہوندے نے۔‘‘ یعنی کہ، تُسی کُلی تے مکمل طور تے خدا توں علیحدہ کر دِتے جاندے اُو، جیویں کہ کھویا ہویا بیٹا مجموعی طور تے اپنے باپ توں علیحدہ کر دِتا گیا سی، تے ایویں ’’مُردہ‘‘ کہلایا سی (لوقا15: 24)۔ ایہو ای وجہ اے کہ خدا غیر حقیقی ظاہر ہوندا اے تے تہاڈے توں دور وکھائی دیندا اے – کیوں جے تُسی ’’گناہواں وِچ مُردہ‘‘ ہوندے اُو (افسیوں2: 5)۔ تے تُسی گناہ وِچ خدا دے لئی ہمیشہ مُردہ رہوو گے جدوں تیکر کہ مسیح تہاڈے لئی نہئیں آندا، خود تہاڈی ذات توں باہر ہو کے، تے تہانوں ایس توں بچاندا نہئیں۔ تُسی مُردہ اُو تے مُردہ رہوو گے، جدوں تیکر کہ مسیح تہاڈے لئی نہئیں آندا، خدا تہاڈی ذات توں باہر ہوکے، تے تہانوں ایس توں بچاندا نہیں، کیوں جے خدا نے آدم نوں کہیا،

’’جیس دِن توں ایہنوں کھائیں گا توں یقیناً مر جائیں گا‘‘ (پیدائش 2: 17)۔

تے، آدم وِچ، تُسی خدا دے لئی مُردہ اُو، اُوہدے کولوں ہُنے تے ہمیشہ دے لئی علیحدہ کیتے ہوئے – جدوں تیکر مسیح نہئیں آندا، باہر توں، تہانوں ایہدے توں بچان دے لئی۔

II۔ دوجی گل، نسل اِنسانی اسیری وِچ آ گئی سی۔

ایہہ وی فوراً ہو گیا سی جدوں آدم نے گناہ کیتا۔

’’جیس دِن توں ایہنوں کھائیں گا توں یقیناً مر جائیں گا‘‘ (پیدائش 2: 17)۔

انتہائی اُوسی دِن، بالکل اُوسی لمحے، آدم اسیری وِچ آ گیا سی، تے غلامی دی اُو حالت اُوہدی ساری آل اولاد دے لئی منتقل ہو گئی سی۔ نسل انسانی ’’طبیعتاً قہر دے بچے‘‘ بن گئی سی (افسیوں2: 3)، خود اپنی نجات نوں لیہیان دے لئی کُج وی کر سکن دے لئی مکمل طور تے نااہل،

’’ایس لئی کہ جسمانی نیت خدا دی مخالفت کردی اے‘‘ (رومیوں8: 7)۔

انسانی دائمی طور تے خدا دے خلاف باغی ہو گیا۔ انسان ’’گناہواں وِچ مُردہ‘‘ بن گیا (افسیوں2: 5)۔

انسان دائمی طور تے خدا دے خلاف باغی ہو گیا۔ انسان ’’گناہواں وِچ مُردہ‘‘ بن گیا (افسیوں2: 5)۔ پنک Pink نے کہیا، ’’گنہگار دی مرضی [جیل] دی بیرک وِچ [زنجیراں وِچ بنہھے] اِک قیدی وانگوں ہوندی اے۔ اُوہدی زنجیر دی وجہ توں اُوہدی حرکت وِچ رخنہ اندازی ہوندی اے، تے اُوہناں دیواراں دی وجہ توں جِنہاں نے اُوہنوں قید کیتا ہوہندا اے اُوہدی راہ وِچ روڑے اٹکاندے نے۔ اُو چلن دے لئی آزاد ہوندا اے، مگر ایس قدر ازراہِ مجبوری دے تحت تے ایس قدر محدود تھاں وِچ کہ اُوہدی آزادی اِک اسیری ہوندی اے – گناہ دے لئی اِک غلامی‘‘ (ibid.، صفحہ 85)۔

ایہہ بالکل ایس ای موقعے تے ہوندا اے کہ جدید ’’فیصلہ سازیت‘‘ تاریخی بپتسمہ دین آلیاں دے تے پروٹسٹنٹاں دے عقیدے توں جدا ہو جاندی اے۔ اِک ’’فیصلہ ساز‘‘ کہندا اے کہ انسان دی مرضی، اُوہنوں مسیح نوں چُنن دے صلاحیت، ہر ویلے آزاد ہوندی اے؛ کہ اُو جدوں چاہے مسیح نوں چُن سکدا اے۔ ڈاکٹر اے۔ ڈبلیو۔ ٹوزر Dr. A. W. Tozer اِک پنج نقاطی کیلوِنسٹ Calvinist نہئیں سن، ایس دے باوجود اُوہناں نے دُرست طور تے کہیا،

ایتھے اِک ہُور بدترین بُرائی اے…. ایہہ ایس گل دی عادت اے…نجات نوں ’’قبول کرنا‘‘ جیویں کہ ایہہ کوئی ماڑا جیہا معاملہ سی تے مکمل طور تے تہاڈے اپنے ہتھاں وِچ سی۔ لوکاں نوں گلاں دے بارے وِچ سوچن تے مسیح دے لئی ’’فیصلہ کرن‘‘ دے لئی جوش دلایا جاندا اے، تے ’’روز فیصلہ Decision Day‘‘ تے… لوکاں توں توقع کیتی جاندی اے کہ او تکبر کرن [ایس گل تے] کہ اُوہناں نے مسیح نوں اُوہناں دی جان بچان دے لئی حق دِتا اے، اِک حق جیس توں اُو واضح طور تے اُوس ویلے تیکر دے لئی اُوہنوں [مسیح نوں] ٹھکرا چکے ہوندے نے۔ ایویں مسیح نوں دِس دِتا جاندا اے… کہ اِک فرد دی خوشی دے لئی انتظار کرے، تے اِک طویل مدت دے عاجزانہ انتظار دے بعد یا تے مُنہ موڑ لئے یا مخدومانہ [تکبرانہ] طور تے تسلیم کر لئے… [مگر] ایہہ ہُنے وی سچ اے کہ لوکی خود اپنی آرزو نال [مسیحی] نہئیں بنندے بلکہ آقاؤں دے بُلان نال مسیحی بنندے نے۔ کی خدا نے اینج دے ای لفظاں دی وجہ توں اُو حتمی چناؤ ساڈے ہتھاں توں کھو نہئیں لہییا؟ کوئی انسان وی میرے کول نہئیں آ سکدا جدوں تیکر کہ میرا باپ اُوہنوں میرے کول نہ پیہجے… کوئی انسان میرے کول نہئیں آ سکدا، جدوں تیکر کہ میرا باپ اُوہنوں نہ بخشے (اے۔ ڈبلیو۔ ٹوزر، ڈی۔ڈی۔ A. W. Tozer, D.D، الہٰی فتح The Divine Conquest، مسیحی پبلیکیشنزChristian Publications، 1950، صفحہ 48) ۔

انگریزی بولن آلی دُنیا وِچ بِنا کسی سوال دے جارج وائٹ فیلڈ George Whitefield سارے زمانیاں دے عظیم ترین مبشر سن۔ اپنے انجیلی بشارت دے پرچار دے واعظاں وِچ وائٹ فیلڈ نے کئی وری کھوئے ہوئے لوکاں نوں دسیا کہ اُوہناں نوں خود اپنے دِلاں دے اِخلاقی وگاڑ نوں محسوس کرن دی لوڑ اے، اُوہناں نوں خود اپنی مرضیاں دی مُردگی نوں محسوس کرن دی لوڑ اے، اُوہناں نوں مسیح دے کول آن دے لئی قدرتی نااہلیت نوں محسوس کرن دی لوڑ اے، کہ جے اُو کدی فیر توں نئے سرے توں جنم لیندے نے تے ایہہ تنہا خدا دا ای کم ہو سکدا اے،

’’اُو نہ تے لہو نال، نہ جسمانی خواہش نال تے نہ اِنسان دے اپنے اِرادے توں بلکہ خدا توں پیدا ہوئے‘‘ (یوحنا1: 13)۔

’’جیس دِن توں ایہنوں کھائے گا توں یقیناً مر جائیں گا‘‘ (پیدائش2: 17)۔

برگشتگی توں پہلاں انسان دے کول کھان یا نا کھان دے وِچکار چُنن دے لئی آزادی سی، مگر اُوہدے کھا چکن دے بعد، اُو تے اُوہدی ساری دی ساری آل اولاد نے ایس آزادی نوں گنوا دِتا۔ ہُن اُو سارے دے سارے ’’گناہ دے تحت‘‘ سن (رومیوں3: 9)۔ ہُن اُو سارے دے سارے ’’گناہواں تے قصوراں وِچ مُردہ‘‘ سن (افسیوں2: 1)۔

’’جیس دِن توں ایہنوں کھائیں گا توں یقیناً مر جائیں گا‘‘ (پیدائش2: 17)۔

پیدائش دا تیجا باب احتیاط دے نال پڑھو۔ تے، جدوں تُسی ایہنوں احتیاط دے نال پڑھ چکو، تے خود توں پُچھو آدم نے کیتھے بچائے جان دے لئی ’’فیصلہ‘‘ کیتا سی۔ خود توں پُچھو کیتھے اُوہنے ’’گنہگاراں دی دعا‘‘ منگی سی – یا ایتھوں تیکر کہ کیتھے اُوہنے خدا نوں اُوہنوں بچان دے لئی ’’پُچھیا‘‘ سی۔ تہانوں پیدائش دے تیجے باب وِچ ’’فیصلہ سازیت‘‘ دا کوئی وی نشان نہئیں لبھے گا۔ تہانوں جے کُج لبھے گا تے اُو ’’گناہ وِچ‘‘ اِنسان تے لعنتاں تے سزا دا حکم لبھے گا، جدوں تیکر کہ خدا نے، اپنے فیصلے دے ذریعے توں، انسان نوں چمڑے دی کھال دا لبادہ نہ پہنا دِتا – جدوں تیکر کہ خدا نے خود اُوہناں نوں اُو بخشن دے لئی نہ چُنیا جیس نوں سیکوفیلڈ مطالعہٗ بائبل وِچ ’’’مسیح نوں ساڈے لئی راستبازی ٹھہرایا گیا‘ دی اِک شبیہہ دے طور تے بیان کیتا گیا اے – اِک الہٰی طور تے مہیا کیتا گیا لبادہ کہ جیس نے پہلاں گنہگاراں نوں خدا دی موجودگی وِچ ہون دے لئی موزوں بنایا‘‘ (سیکوفلیڈ مطالعۂ بائبل The Scofield Study Bible، پیدائش3:21 تے اِک غور طلب گل)۔ عدن وِچ اُوہناں گنہگاراں نے خود نوں لبادہ نہئیں پہنایا سی۔ خداوند نے اُوہناں نوں قبل ازیں متجسم مسیح دی راستبازی تے لہو وِچ ڈھانپیا سی۔

’’خداوند خدا نے آدم تے اُوہدی ووہٹی دے لئی چمڑے دے کُرتے بنا کے اُوہناں نوں پہنا دِتے‘‘ (پیدائش 3: 21).

فیر، اَج دی راتی، میں تہانوں پُچھنا آں، کی تہاڈے کول آدم وِچ اپنی حالت توں تعلق رکھدے ہوئے بصیرت اے؟ کی تُسی ویکھدے اُو کہ تُسی اپنی فطرت دی بدکاری دے ذریعے توں خدا توں علیحدہ ہو گئے نے؟ کی تُسی گناہ وِچ اپنی اسیری دے بارے وِچ محسوس کردے اُو؟ اِک بندے نے کہیا، ’’میں گناہ کرن توں باز نہئیں رہ سکدا۔‘‘ کی تُسی اُو محسوس کیتا – اُو غلامی، ’’گناہ دے تحت‘‘ تہاڈی مرضی دی اسیری (رومیوں3: 9)؟ کی مسیح اپنے لہو وِچ تہانوں پاک صاف کرن دے لئی کِھیچ رہیا اے – یا تُسی ’’گناہواں تے قصوراں وِچ مُردہ‘‘ چھڈ دِتے گئے سن (افسیوں2: 1) دائمی تباہی دا اِنتظار کرن دے لئی، ’’اَگ دی جھیل وِچ جھونکے جان‘‘ دا انتظار کرن دے لئی چھڈ دِتے گئے نے (مکاشفہ20: 15)؟ <

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔