خوشخبری دا اوّلین پرچار

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

آدم تے حوا دے گناہ کر چکن دے بعد خداوند خدا باغ عدن وِچ ہیٹاں آیا۔ اُوہنے اُوہناں دا ایہہ پُچھدے ہوئے سامنا کیتا،

’’کی توں اُوس درخت دا پھل کھادا اے جِنہوں کھان توں میں تیہنوں منع کیتا سی؟‘‘ (پیدائش3: 11)۔

آدم نے اپنی ووہٹی نوں اُو منع کیتا ہویا پھل اُوہنوں پیش کرن دے لئی موردِ اِلزام ٹھہرایا۔ مگر حوا بوہتی ای صاف گو سی تے کہیا،

’’سَپ نے مینہوں بہکایا تے میں کھادا‘‘(پیدائش 3: 11)۔

ایس دے باوجود اُوہناں وِچوں کسی نے وی اپنے گناہ دے لئی معافی نہئیں منگی۔ ڈاکٹر ھنری ایم مورس Dr. Henry M. Morris نے کہیا،

حالانکہ اُوہناں نوں دُکھ سی کہ اُو پھڑے جا چکے سن… ایتھے کسی سچی ندامت دی کوئی نشاندہی نہئیں اے، مگر ایس دے بجائے خود دا اِنصاف کرن دے لئی محض اِک کوشش اے۔ ایس دے مطابق، خداوند خدا دے لئی ماسوائے سزا جاری کرن دے عمل دے ہُور کوئی چارہ نہئیں سی (ھنری ایم۔ مورس، پی۔ایچ۔ ڈی Henry M. Morris, Ph.D.، پیدائش دا ریکارڈ The Genesis Record، بیکر کُتب گھر Baker Book House، 1896 ایڈیشن، صفحہ117)۔

ایویں، خداوند خدا نے لعنتاں دے اِک سلسلے دا اعلان کیتا، جیس وِچ شامل سی – سَپ تے لعنت، بچے نوں جنم دین تے لعنت، آدم تے اُوہدی آل اولاد تے لعنت، تے خود تخلیق تے لعنت۔ اَج رات دی ساڈی تلاوت دا تعلق ایہناں لعنتاں وِچوں پہلی نال اے – سَپ تے لعنت۔ آیت 14 وِچ اَسی سَپ تے لعنت نوں ویکھنے آں۔ آیت 15 وِچ اَسی شیطان تے خدا دے وِچکار کشمکش، تے شیطان تے مسیح دی فتح نوں ویکھنے آں۔

’’اُودھوں خداوند خدا نے سَپ نوں کہیا چونکہ توں ایہہ کیتا اے، ایس لئی چوپائیاں وِچ تے سارے دشتی جانوراں وِچ ملعون ٹھہرا! توں اپنے پیٹ دے بل رینگے گا تے اپنی عمر بھر خاک چٹیں گا‘‘ (پیدائش3: 14).

جدوں آدم نے گناہ کیتا تے اُو روحانی طور تے مر گیا سی جسمانی موت اُوہدے بدن وِچ شروع ہو گئی سی۔ ڈاکٹر مورس نے کہیا،

چونکہ آدم نوں زمین تے حکومت کرن دے لئی مقرر کیتا گیا سی، تے چونکہ آدم مرن دا آغاز کر چکیا سی، تے اُوہدی حکمرانی نے وی ’’مرنا‘‘ شروع کر دِتا سی۔ اُوس ویلے توں، ’’اَسی جاننے آں کہ ساری خلقت اَج تیکر کراہندی اے گویا کہ اُو درِ زہ وِچ مبتلا اے‘‘ (رومیوں8: 22)۔ پولوس رسول وَلوں ایس حالت نوں ’’بدی دی اسیری‘‘ کہیا گیا اے… کیوں جے تخلیق نوں فنا دی غلامی دے ماتحت کر دِتا گیا سی…‘‘ (رومیوں8: 20، 21) (ibid.، صفحہ117)۔

لعنت پہلاں شیطان تے، فیر حوا تے، فیر آدم تے اُوہدی آل اولاد تے نازل ہوئی سی؛ ’’شیطان دے لئی ایہہ حتمی تے ناقابلِ تنسیخ سی۔ اُوہنے ناصرف خدا دے خلاف آسمان وِچ بغاوت کیتی سی، بلکہ ہُن اُوہنے اپنی بغاوت دے نال نسل انسانی نوں وی عفونت دار کر دِتا سی‘‘ (ibid.)۔

سَپ ’’سارے چوپایاں وِچ تے سارے دشتی جانوراں وِچ ملعون ٹھہرایا‘‘ گیا سی (پیدائش3: 14)۔ خدا نے سَپ نوں انسان دے لئی اِک یاد دہانی دے طور تے ملعون ٹھہرایا سی کہ ایہہ مخلوق اُو آلہ سی جیس دے ذریعے توں شیطان نے انسان نوں آزمائش چہ مبتلا کیتا تے اُوہدے برگشتگی دا سبب بنیا، تے شیطان دی حتمی تباہی دی یاد دہانی دے طور تے ملعون ٹھہرایا سی۔ ڈاکٹر مورس نے کہیا، پہلاں اُوہدی پاویں کیہو جئی بے خوبصورتی تے اُوہدی کیہو جئی وضع رئی ہووے، ہُن توں ایہہ اپنے پیٹ دے بل رینگے گا تے سب دے لئی خوف تے تنفر دا موجب ہووے گا‘‘ (ibid.، صفحات117۔118)۔ ڈاکٹر ڈبلیو۔ اے۔ کرسویل Dr. W. A. Criswell نے کہیا، ’’خُداوند خُدا نے شیطان نوں سزا دِتی کیوں جے ایس مخلوق نے خود نوں آزمائش وِچ مبتلا کرن آلے دے لئی مہیا کیتا سی جیس نے پہلے دو انساناں دے برگشتگی دے بنیاد رکھی سی۔ خداوند خدا نے سَپ نوں فوراً ای سزا دے سپرد نہئیں کیتا سی بلکہ اِک نہایت ای کم تر تے حقیر مخلوق دے طور تے اِک طویل جدوجہد دے بعد سزا دا موجب ٹھہرایا سی‘‘ (ڈبلیو۔ اے۔ کرسویل، پی ایچ۔ ڈی W. A. Criswell, Ph. D.، کرسویل دا مطالعہ بائبل The Criswell Study Bible، تھامس نیلسن Thomas Nelson، 1979، پیدائش3: 14 تے اِک غور طلب گل)۔ ڈاکٹر رائیری Dr. Ryrie نے کہیا، ’’جانوراں کی ساری دی ساری سلطنت انسان دی برگشتگی توں متاثر ہوئی سی (حوالہ دیکھیں یرمیاہ12: 4 ؛ رومیوں8: 20)، مگر سَپ نوں انتہائی جسامت تے حرکات نوں بدل دِتا گیا تے اُو شکستہ ہو گیا‘‘ (چارلس سی۔ رائیری، پی ایچ۔ ڈی Charles C. Ryrie, Ph. D.، رائیری دا مطالعہ بائبل The Ryrie Study Bible، موڈی پریس Moody Press، 1978، پیدائش3: 14 تے اِک غور طلب گل)۔

مہربانی نال کِھلو جاؤ تے پیدائش3: 15 آیت اُوچی واج نال پڑھو۔

’’تے میں تیرے تے عورت دے وِچکار، تے تیرے نسل تے اُوہدی نسل دے وچکار، عداوت پاواں گا اُو تیرا سر کُچلے گی تے توں اُوہدی ایڑی تے کٹیں گا‘‘ (پیدائش3: 15)۔

تُسی تشریف رکھ سکدے اُو۔ ایس آیت نوں ’’خوشخبری دا اوّلین پرچار protevangelium‘‘ کہیا جاندا رہیا اے = خوشخبری دا پہلا تزکرہ۔ تزکرہ۔ ڈاکٹر ایم۔ آر۔ ڈیحان Dr. M. R. DeHaan نے کہیا،

اَسی تہانوں یاد دِلا دیے کہ ایہہ اِک صاف تے واضح پیش گوئی تے مسیح اُوس نجات دہندہ دی تصور اے (ایم۔ آر۔ ڈیحان، ایم۔ ڈی۔ M. R. DeHaan, M. D.، پیدائش وِچ مسیح دی شبیہات Portraits of Christ in Genesis، ژونڈروان اشاعتی گھر Zondervan Publishing House، 1966، صفحہ 62)۔

1. پہلی گل، ایہہ شیطان، خداوند خدا دے دشمن دے لئی بولی گئی سی۔ ایہہ شیطان تے اِک اشتہار دی خدمت سرانجام دیندی اے کہ اُو بالاآخر عورت دی ’’نسل‘‘ توں شکست کھائے گا۔

2. دوجی گل، ایہہ ظاہر کردی اے کہ آن آلے زمانیاں وِچ شیطان دی ’’نسل‘‘ تے عورت دی ’’نسل‘‘ کدی نہ ختم ہون آلی کشمکش وِچ مبتلا رہوے گی: ’’میں تیرے تے عورت دے وِچکار، تیری نسل تے عورت دی نسل دے وِچکار عداوت پاواں گا۔‘‘ ڈاکٹر میگی Dr. McGee نے کہیا،

سب توں بوہتی نمایاں سوچ اُو حتمی فتح نہئیں اے جیہڑی آئے گی [’’عورت دی نسل‘‘ توں] بلکہ طویل مسلسل جدوجہد اے… ایہہ اُوس حقیقت نوں آشکارہ کردی اے کہ نیکی تے بدی دے مابین اِک طویل جدوجہد ہونی اے… یوحنا… ایس کشمکش دا تزکرہ 1 یوحنا3: 10 وِچ کردا اے: ایس توں ای ظاہر ہوندا اے کہ کون خدا دے فرزندہ نے تے کون ابلیس دے۔ جیہڑا کوئی راستبازی دے کم نہئیں کردا اُو خدا نہئیں، تے اُو جیہڑا اپنی بھرا نال محبت نہئیں رکھدا اُو وی خدا توں نہئیں۔‘‘ ایویں اَسی اپنے سامنے ایہہ حقیقت لیہیا چکے آں کہ ایتھے اِک کشمکش اے، ایتھے جدوجہد اے، تے ایتھے اِیس دُنیا وِچ دو نسلاں نے (جے۔ ورنن میگی، ٹی ایچ۔ ڈی۔ J. Vernon McGee, Th. D.، بائبل میں سے Thru the Bible، تھامس نیلسن Thomas Nelson، 1981، جلد اوّل، صفحہ 26)۔

ہر اُو بندہ جیہڑا مسیحی بنن دے بارے وِچ سوچ رہیا اے اُوہنوں ایس گل دا احساس ضرور ہونا چائیدا اے کہ اُوہنوں کشمکش وِچ کسی نہ کسی پاسے ہونا ای اے۔ یا تے اُوہنوں شیطان دی ’’نسل‘‘ وَل ہونا اے یا فیر اُوہنوں عورت دی ’’نسل‘‘ وَل ہونا اے، جیہڑی کہ مسیح اے۔ درمیانی راہ کوئی نہئیں اے۔ تُسی ایس طویل جنت وِچ یا تے مسیح وَل اُو، یا فیر تُسی شیطان وَل اُو۔ کوئی وی غیر جانبدار نہئیں اے۔ خود توں ایمانداری دے نال پوچھو، اَج دی راتی تُسی اُوس جاری رہن آلی جدوجہد وِچ کیہڑے پاسے اُو، اُوہناں وَل جیہڑے شیطان دی پیروی کردے نے یا اُوہناں وَل جیہڑے مسیح دے پیروکار نے۔ تُسی کیہڑے پاسے اُو؟

3. تیجی گل، غور کرو کہ مسیح ’’عورت دی نسل‘‘ اے۔ ’’تیری نسل [شیطان دی نسل] تے عورت دی نسل دے وِچکار۔‘‘ بائبل وِچ ایہہ واحد تھاں اے جیتھے اِک عورت نوں ’’نسل‘‘ رکھن دے لئی کہیا گیا اے۔ ایہہ مسیح دی کنواری توں پیدائش دی پہلی پیشن گوئی اے، جیس نوں ’’عورت دی نسل‘‘ کہیا گیا اے۔ اشعیا نے ایس دی پیشن گوئی بعد وِچ کیتی سی جدوں اُوہنے لکھیا، ’’ویکھو، اِک کنواری [عبرانی صحائف وِچ ’’علماء almah‘‘ ہمیشہ کنواریاں دے بارے وِچ گل کردے نے، تے متی1: 23 وِچ تے لوقا1: 27 وِچ الہٰام توں ظاہر ہوندا اے کہ ’’کنواری‘‘ ای اُوس دا مطلب اے]… اِک کنواری حاملہ ہووے گی، اُوہدے ہاں اِک پُتر پیدا ہووے گا، تے اُو اُوہدا ناں عمانوائیل رکھے گی‘‘ (اشعیا7: 14) – ’’خداوند خدا ساڈے نال ہووے‘‘ – مسیح دی اِک تفصیل، اُو خدائے انسان، جیہڑا انسانی جسم وِچ آیا۔ ’’خدا نے اپنے پتر نوں پیجیا جیہڑا عورت توں پیدا ہویا‘‘ (گلِتیوں4: 4)۔ مسیح ’’عورت دی نسل‘‘ اے۔ سارے دے سارے وڈے وڈے تبصرہ نگار ایس گل تے متفق نے۔

4. چوتھی گل، جیویں کہ عورت دی ’’نسل‘‘ مسیح وِچ اختتام پزیر ہوندی اے، اُونج ای سَپ دی ’’نسل‘‘ دشمنِ مسیح Antichrist وِچ اپنے خاتمہ تے پہنچدی اے۔ پیدائش3: 15 وِچ اختتام پزیر ہون دی جدوجہد دی پیش گوئی دشمنِ مسیح [دجال] تے مسیح دے وِچکار وقوع پزیر ہووے گی۔ مسیح دی آمدثانی تے مسیح دے دشمن [دجال] نوں اَگ دی جھیل وِچ سُٹ دِتا جائے گا (مکاشفہ19: 20)۔ شیطان، جیہڑا کہ مسیح دے دشمن [دجال] دے اندر رہندا اے (جیویں کہ اُو سَپ وِچ رہیا) اُوہنوں بادشاہت دے زمانے دے آغاز توں ای اَگ دی جھیل وِچ سُٹ دِتا جائے گا (مکاشفہ20: 2۔3)۔

5. پنجویں گل، پیدائش3: 15 وِچ جدوجہد دے آغاز دے وِچکار تے ایہدے اختتام تے مکاشفہ20 وِچ، کشمکش شیطان دی حمایت چہ ہوندی وکھائی دیندی اے۔ غور کرو کہ آیت وِچ دو ’’ٹھیس پہنچان آلی گلاں نے۔ 1599 دی جینیوا بائبل سَپ دے لئی خدا دے کلام دا ترجمہ بطور ’’اُو تیرے سر نوں کُچلے گا، تے اُوہدی ایڑی تے کٹے گا‘‘ (جینیوا بائبل The Geneva Bible، 1599، ٹول لیگی Tolle Lege، دوبارہ اشاعت 2006، پیدائش3:15)۔ سَپ دی نسل عورت دی نسل دی ایڑی تے کٹے گی۔ مگر مسیح، جیہڑا کہ عورت دی ’’نسل‘‘ اے، آخر چہ شیطان دے سر نوں ’’کچلے‘‘ گا۔ ڈاکٹر ڈیحان نے کہیا،

ایہناں وِچ اِک تاریخ اے – جدوں نجات دہندہ پہلی وری آیا تے اُو دشمن دے لئی اِک فتح وکھائی دِتی، کیوں جے نجات دہندہ نوں سولی تے چڑھا دِتا گیا سی۔ ایتھے اُوہدی تے کٹیا گیا سی، جیہڑا کہ ساڈے نجات دہندہ دی موت تے مصیبتاں دی علامت سی جیہڑا ’ساڈی خطاواں دی سبب توں گھائل کیتا گیا تے ساڈی بداعمالی دے باعث کُچلا گیا‘ (اشعیا53: 5)۔ پیدائش 3: 15 آیت دی پیشن گوئی … دا ایہہ حصہ تاریخ اے۔ ایہہ تقریباً دو ہزار وریاں پہلاں رونما ہو چکیا اے، مگر ایہہ صرف مسیح دی ایڑی سی جیس تے کٹیا گیا سی۔ سَپ دے سر دا جیہڑا دوجا ’کٹیا جانا‘ [یا ’کچلیا جانا‘ – جینیوا بائبل] ہَلے وی مستقبل چہ اے… نجات دہندہ دی ایڑی تے اُوہدی پہلی آمد تے کٹیا گیا سی، مگر شیطان دا سر [مسیح دی] دوجی آمد تے کُچلیا جائے گا۔ صرف ایہہ ای پیدائش3: 15 آیت دی پیشن گوئی دی ممکنہ تاویل اے… [مسیح دی] ایڑی تے کٹیا جانا کوئی [حتمی طور تے] مہلک نہئیں سی، مگر [شیطان دے] سر دا چوٹ کھانا یا [کُچلیا جانا] مہلک اے… ایہہ رونما ہووے گا جدوں [مسیح] زمین تے واپس آئے گا، ذاتی طور تے، تے طاقت دے نال، تے جدوں اُو اژدھا، اُو بُڈھا سَپ، جیہڑا کہ ابلیس اے تے شیطان اے اِک ہزار وریاں تیکر دے لئی بنھیا جائے گا تے ڈونگیاں گہرائیاں وِچ سُٹ دِتا جائے گا‘‘ (ڈیحانDeHaan، ibid.، صفحات 64۔65)۔

ہُن خدا نے ہمیشہ دے لئی اُوس ملعون سَپ نوں علامت ٹھہرایا ایہہ دسن دے لئی کہ گناہ دے سبب توں زمین خود لعنت دی زد وِچ اے، تے سانوں یاد دلان دے لئی کہ شیطان آپئی، پرانا سردار سَپ تے اژدھا، اِک دِن ڈونگیاں گہرائیاں آلے کھڈے وِچ سُٹ دِتے جان گے! سَپ ساری نسل انسانی دے ویکھن دے لئی گناہ دی تے گناہ تے خدا دے انصاف دی اِک علامت بن جاندا اے (جان آر۔ رائس، ڈی۔ ڈی۔ John R. Rice, D.D.، ابتداء وِچ In the Beginning، خداوند دی تلوار پبلیشرز Sword of the Lord Publishers، 1975، صفحہ 138)۔

’’تے میں تیرے تے عورت دے وِچکار، تے تیری نسل تے اُوہدی نسل دے وِچکار، عداوت پاواں گا اُو تیرا سر کُچلے گا تے توں اُوہدی ایڑی تے کٹیں گا‘‘ (پیدائش3: 15).

ہُن، میں اِطلاق دیاں تِن گلاں پیش کراں گا۔ اَسی تلاوت توں تین اہم گلاں سیکھنے آں:

1. پہلی گل، ایتھے تہاڈی روح دے لئی اِک جدوجہد اے۔

’’تے میں تیرے تے عورت دے وِچکار، تے تیری نسل تے اُوہدی نسل دے وِچکار، عداوت پاواں گا …‘‘ (پیدائش3: 15الف).

دُنیا ہُن بوہتے وڈے پیمانے تے شیطان دی حکومت دے تحت اے۔ اُوہنوں موجود زمانے چہ ’’ایس جہاں دا خدا‘‘ کہیا گیا اے (2 کرنتھیوں4: 4)۔ اُوہدی حکومت دے تحت، ایہہ دُنیا مسیح دے خلاف اے۔ ایتھے تہاڈے باطن وِچ اِک جدوجہد اے، آیا تُسی شیطان دی ’’نسل‘‘ دا حصہ ہووے گے یا مسیح دی ’’نسل‘‘ دا۔ تہانوں اِک دا یا دوجے دا [حصہ] ہونا چائیدا اے۔ ایہناں دے وِچکار کوئی راہ نہئیں اے۔ خداوند خدا کہندا اے، ’’اُوہناں وِچوں نکل کے الگ رہوو… فیر میں تہانوں قبول کراں گا، تے میں تہاڈا پیو ہوواں گا‘‘ (2 کرنتھیوں6: 17۔18)۔ تہاڈی روح وِچ اِک اندرونی جدوجہد جاری رہندی اے، کی تُسی ایس جہاں دے نال ٹردے رہوو گے – یا کی تُسی مسیح دے لئی ایس جہاں توں باہر آؤ گے؟ ایہنوں اِک یا دوجا ہونا چائیدا اے، کیوں جے ایتھے ’’تیری نسل تے اُوس [یسوع] دی نسل دے وِچکار اِک متواتر جنگ اے (پیدائش3: 15الف(۔

’’اُو تیرا سر کُچلے گا‘‘ (پیدائش3: 15 ب(، جینیوا بائبل The Geneva Bible, 1599)۔

خُدا نا صرف سَپ دا سر کٹے گا تے کُچلے گا، اُو تہاڈا سر وی کُچل ڈالے گا جے تُسی گناہ وِچ جاری رہندے اُو۔ یاد رکھو کہ خدا تہاڈی حیاتی تے دِل دا ہر گناہ ویکھدا اے۔ ’’کیوں جے خدا ہر اِک فعل نوں ہر اِک پوشیدہ گل سمیت، خواہ اُو چنگی ہووے یا پہیڑی، عدالت وِچ لیہیائے گا‘‘ (واعظ 12: 14)۔ اَخیرلی عدالت وِچ تہاڈا انصاف خدا دی کتاباں وِچ ’’اُوہناں اعمال دے مطابق کیتا جائے گا جیہڑا اُوہناں کتاباں وِچ درج سن‘‘ (مکاشفہ20: 12)۔ جے تہاڈے گناہواں نوں مسیح دے لہو نال پاک صاف تے ڈھکیا نہئیں گیا اے تے تہانوں ’’اَگ دی جھیل وِچ سُٹ دِتا‘‘ جائے گا (مکاشفہ20: 15)۔

3. تیجی گل، نجات صرف مسیح دے ذریعے توں آندی اے، جیہڑا عورت دی حتمی ’’نسل‘‘ اے۔ مسیح اِک کنواری توں پیدا ہویا سی، لہٰذا اُوہدی طبعیت وِچ آدم دے گناہ دی کوئی آلودگی نہئیں سی۔ شیطان نے مسیح نوں بوہتی وری سولی تے چڑھن توں روکن دے لئی قتل کرن دی کوشش کیتی سی۔ کُج کہندے نے کہ گتسمنی دے باغ وِچ شیطان نے اُوہنوں قتل کرن دی کوشش کیتی سی، تے ایہدے وِچ شاید کُج نہ کُج سچائی ہووے، کیوں جے ایہہ کئی رُخ رکھن آلا اِک سوال اے۔ شیطان توں متاثر ہوئے لوکاں نے اُوہنوں سولی تے کِیلاں نال جڑیا، ایہہ سوچدے ہوئے کہ اینج اُو اُوس عورت دی ’’نسل‘‘ نوں تباہ کر دین گے۔ مگر اُوہناں نے دوجا رُخ نہئیں ویکھیا سی، کہ خدا نے تے اُوس [یسوع] تے پہلاں ای ایہہ حکم نافذ کیتا ہویا سی کہ ایویں ساڈے گناہواں دی ادائیگی دے لئی مرنا اے۔

’’جدوں اُو خدا دے مقررہ انتظام تے علم سابق دے مطابق پکڑوایا گیا تے تُسی اُوہنوں غیر یہودیاں دے ہاتھاں توں سولی تے ٹنگوا کے قربان کروایا۔ لیکن خدا نے اُوہنوں موت دے شکنجہ توں چُھڈا کے زندہ کر دِتا کیوں جے ایہہ ناممکن سی کہ اُو موت دے قبضہ وِچ رہندا‘‘ (اعمال2: 23۔24)۔

خدا دے انصاف توں بچن دے لئی صرف اِک ای راہ اے۔ خدا دی ’’کتاباں‘‘ وِچ تہاڈے گناہواں نوں ڈھانپن تے پاک صاف کرن دے لئی صرف اِک ای راہ اے۔ تے اُو اِک راہ مسیح دے لہو دے ذریعے توں اے، جیہڑا عورت دی ’’نسل‘‘ توں اے، جیہڑا صلیب تے تہانوں تہاڈے گناہ دے لئی سزا توں بچان دے لئی قربان ہو گیا۔

جان بریڈفورڈ John Bradford (1510۔1555) ایڈورڈ ششم بادشاہ King Edward VI دا پروٹسٹنٹ پادری سی۔ اُو انگلستان وِچ سب توں بوہتے اہم پیورٹن مبلغین وِچوں اِک بنیا سی۔ فیر پروٹسٹنٹ بادشاہ ایڈورڈ مر گیا تے کاتھولک ملکہ ’’خونی مریمBloody Mary‘‘ تخت نشین ہوئی۔ اُوہنے ٹاور آف لندن وِچ جان بریڈفورڈ نوں مسیح دے ذریعے توں صرف فضل دے وسیلے نال نجات دی تبلیغ کرن تے کلیاں اٹھارہ مہینیاں دے لئی قید کر دِتا۔ جدوں اُوہدے تے اُوہدے پروٹسٹنٹ اعتقاداں دے لئی اِک بدعتی دے طور تے حتمی کوشش کیتی گئی تے ملکہ میریMary نے اُوہنوں کھمبے نال بنھوا کے ہُولے ہُولے اَگ لگوائی – زندہ بھون کے مارن دا حکم دِتا! پیدائش3: 15 آیت تے لکھدے ہوئے، جان ٹریپ John Trapp(1601۔1669) نے کہیا، ’میں اُوس مقدس شہدی [جان بریڈفورڈ] دے اُوس یادگار قول توں نتیجہ اخذ کرنا واں – جے سانوں سَپ دے زہر دا احساس ہوندا، تے اَسی اپنے کپتان [مسیح] وِچ خوشی مانندے، جیس نے اُوہدے سر نوں کُچلیا سی‘۔‘‘ (جان ٹریپ John Trapp، نئے تے پرانے عہد نامے تے اِک تبصرہ A Commentary on the Old and New Testament، ٹرانسکی اشاعت خانے Transki Publications، دوبارہ اشاعت 1997، جلد اوّل، صفحہ 20)۔

میں اپنے سارے دِل دے نال تہانوں مسیح نوں قبول کرن تے اُوہدے لہو دے وسیلے توں گناہ توں پاک صاف ہو جان دی تمنا رکھنا آں! زمانیاں دے جان بریڈفورڈ تے مقدس شُہداء دے نال شامل ہوؤ! مسیح نوں قبول کرو تے یسوع دے لہو دے وسیلے توں جیہڑا سارے گناہ توں پاک صاف کردا اے خدا دے قہر تے انصاف توں نجات پاؤ!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔