گناہ دے لئی بہانے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

آدم تے حوا نے خدا دے قانون نوں توڑیا تے اُو پھال کھادا جیہڑا اُوہنے اُوہناں نوں نہ کھان نوں کہیا سی۔ فوری طور تے اُوہناں دے ضمیراں نے احساس جرم دا شدید احساس کیتا۔ اُوہناں نے انجیر دے پتیاں دے تہبند بنائے تاکہ اپنے گناہ توں ظاہر ہون آلی برہنگی نوں خدا توں چھپا سکن۔ کیہنی احمقانہ گل اے – ایہہ تصور کرنا کہ خدا ایہناں ناقص تہبنداں دے ذریعے نہئیں ویکھ سکدا!

لیکن ایہناں دے مجرم ضمیر نے اُوہناں نوں ایس توں وی بوہتا احمقانہ کم کرن تے مجبور کیتا۔ اُوہناں نے اپنے آپ نوں خدا توں ’’باغ دے درختاں دے وِچکار‘‘ لُکہا لیہیا سی (پیدائش3: 8)۔ اُوہناں نے خدا کولوں لُکہن دی کوشش کیتی سی لیکن اُو اینج کر نہ سکے۔

ویکھو ہُن اُو کی احمق بن گئے نے کہ اُوہناں نے خدا دے قانون نوں توڑیا اے! ویکھو کہ اُو کینج خدا توں بچن دے لئی ایتھے اُوتھے نڈھدے پھردے نے، پہلاں ایس شے دی کوشش کردے نے، تے فیر اِک ہُور شے دی، اُوہدے دِل نوں چھید ڈالن آلی پکار توں بچن دے لئی، جیویں کہ اُو درختاں دے وِچ چھپ جاندے نے! گناہ نوں اُوہناں نوں اینج احمق بنا دِتا اے کہ اُو تصور کردے نے کہ اُو خدا دی سب کُج عیاں کر دین آلی اَکھ توں چھپ سکدے نے! لیکن خدا دی اَکھ ہر اُوس چال نوں ویکھدی اے جیہڑی انسان اپنے گناہ نوں چھپان دے لئی استعمال کردا اے۔ خدا اُوہناں نوں پھڑدا اے تے اُوہناں نال دو چُبھدے ہوئے سوالات پُچھدا اے۔

’’تیہنوں کیہنے دسیا کہ توں ننگا اے؟ کی توں اُوس درخت دا پھل کھادا اے جِیہنوں کھان توں میں تیہنوں منع کیتا سی؟‘‘ (پیدائش3: 11)۔

ڈاکٹر ھنری ایم مورس نے دانشمندار طور تے کہیا،

…. عریانیت دی شرم تہذیب دی روایات دے زریعہ متعارف کرائی گئی سی، جیویں کہ بعض ماہرین بشریات تے خود خدمت نفیساں نے زور دِتا اے۔ ایہدا ذریعہ گناہ دے بارے چہ ایس ابتدائی بیداری چہ اے، تے ایہنوں صرف اُوس ویلے ضائع کیتا جاندا اے جدوں اِخلاقی ضمیر ایس قدر سخت ہو گیا ہوے کہ گناہ دے لئی ساری حساسیت گواچ جائے۔
ایہہ وی قابلِ ذکر اے کہ لباس جنت چہ پہنا جاندا اے۔ ’’آسمان چہ فوجاں‘‘… نوں ’’باریک کتان، سفید تے صاف لباس وِچ ملبوس‘‘ دے طور تے ویکھیا جاندا اے (مکاشفہ19: 14)، تےجلالی ابنِ آدم [یسوع] نوں یوحنا دے سامنے ’’پیراں تیکر کپڑے پائے ہوئے‘‘ دے طور تے وکھایا گیا اے۔ (مکاشفہ1: 13)۔ ایڈنیک معصومیت دے مختصر عرصے دے علاوہ، اپنے شوہر یا بیوی دے علاوہ کسی ہُور دے اَگے برہنہ ہونا، بائبل چہ، شرمناک سمجھیا جاندا اے (ہنری ایم مورس، پی ایچ ڈی، پیدائش دا ریکارڈ The Genesis Record، بیکر بک ہاؤس، 1986 ایڈیشن، پی پی 116-117)۔

[برہنگی] پہلاں کدی کوئی مسئلہ نہئیں سی، لیکن ایس چہ کوئی شک نہئیں کہ آدم ہُن خدا دی موجودگی چہ برہنہ ہون دے بارے چہ بوہتی زیادہ ہوش چہ سی۔ انجیر دے پتیاں دی کمربند وی [کوئی مدد نہئیں] دی رہئی سی۔ تے [آدم] نوں معلوم سی۔ واضح گناہ آدم دے جسم چہ داخل ہو چکیا سی تے آن آلی ساری نسلاں نوں آلودہ کر دیوے گا (مورس، ibid.، صفحہ 116)۔

ایہہ صرف ساڈے پہلے ماں پیو دے گناہ کرن دے بعد ای ہویا سی کہ ایہناں دے ضمیر ننگے پن نال پریشان سی۔ اُوہناں نے جیس گناہ دا اِرتکاب کیتا اُوہنے ایہناں دی بے گناہی نوں چھین لیہیا، تے اُوہناں نوں ایہہ احساس دلایا کہ اُو خدا دے اَگے ننگے نے۔

اُو اپنی برہنگی تے شرمندہ سن کیوں جے اُوہناں دے ضمیر اگرچہ برگزشتہ ہو چکے سن، گناہ دی وجہ توں مکمل طور تے سخت نہئیں ہوئے سن۔ بعد چہ، جدوں موسیٰ دس احکامات دے نال کوہ سینا توں اُتریا تے لوکی اپنے بنائے ہوئے سنہری بچھڑے دے گرد ننگے ہو کے ناچدے رئے۔ بائبل کہندی اے،

’’… جدوں موسیٰ نے ویکھیا کہ لوکی ننگے سن؛ (کیوں جے ہارون نے اوہناں نوں بے لگام چھڈ دِتا سی تے دشمن اُوہناں تے ہنس رئے سن:) اُودھوں موسیٰ نے خیمہ گاہ دے بوہے تے کِھلو کے کہیا، خداوند آلے پاسے کون کون اے؟ اُوہناں نوں میرے کول آ لین دیو‘‘ (خروج32: 25۔26)۔

فیر موسیٰ نے خدا دے حکم نال یہانں سارے لوکاں نوں قتل کر دِتا جیہڑے بِنا کپڑیاں دے نچ رئے سن، سوائے اُوہناں لوکاں دے جِنہاں نے اپنے گناہ نوں ویکھیا تے توبہ تے شرمندگی دے نال اُوہدے نال کھڑے ہوئے۔ ایہناں وِچوں سخت گنہگار، جِنہاں نے اپنی ننگی بت پرستی توں توبہ کرن توں انکار کیتا، خدا دے حکم نال اِنصاف دے نال قتل کر دِتے گئے۔

جدوں آدم تے حوا نے ممنوعہ پھل کھا کے گناہ کیتا، برہنگی نوں کتاب دے صحفات تے اِک وڈی بُرائی دے طور تے ویکھیا گیا۔ پرانے تے نئے عہدنامے دوواں وِچ برہنگی نوں گناہ تے خدا دے خلاف بغاوت دے جان بُجھ کے عمل دے طور تے پیش کیتا گیا اے۔ مکاشفہ دی کتاب وِچ لاودیکیہ وِچ کلیسیا دے بُرے ارکان گناہ دی وجہ توں ایس قدر ذلیل ہوئے کہ اُوہناں [نوں ایہہ نہئیں پتا سی کہ اُو] ’’اَنّہے، تے ننگے سن‘‘ (مکاشفہ3: 17)۔

مسیح نے کہیا کہ اُو گناہ توں ایہنے سخت ہو گئے سن کہ اُوہناں نے خدا دی نظر چہ ’’اَنّہا، تے ننگا‘‘ ہون چہ کوئی بُرائی نہئیں ویکھی۔ لودیکیہ دے گرجہ گھر دے لوکاں دے ضمیر آدم تے حوا دے ضمیراں توں وی بوہتے سخت سن، جیہڑے خدا دے اُوہناں نوں گناہ وِچ ننگے پا لین دے وجہ توں خوفزدہ سن۔ کی ایہہ تہاڈے بارے چہ سچ اے؟ جدوں خدا تہاڈے دِل وِچ جھاتی ماردا اے، تے کی اُو گناہ نوں ویکھدا اے؟ کی اُو ویکھدا اے کہ تُسی باطنی یا ظاہری طور تے وی گناہ کیتا اے؟

’’اے خداوند توں مینوں جانچ تے میرے دِل نوں پہچان: مینوں آزما تے میرے مضطرب خیالات نوں جان لے‘‘ (زبور139: 23۔ 24)۔

جے تُسی ایس دعا نوں کسی وی درجے دے اِخلاص دے نال پڑھدے اُو تے کیہنے گناہواں توں پردہ اُٹھ جائے گا! خدا، اپنے کلام دے ذریعے، ’’دِل دے خیالات تے اِرادیاں نوں جانن آلا اے‘‘ (عبرانیوں 4: 12)۔ تہاڈے سارے باطنی تے ظاہر گناہ آخیرلی عدالت وِچ ظاہر کیتے جان گے جدوں تیکر کہ اُو مسیح دے لہو نال ڈھکے ہوئے نہ ہون۔

’’کیوں جے خدا ہر اِک فعل نوں، ہر اِک پوشیدہ گل سمیت، خواہ اُو چنگی ہو یا ماڑی، عدالت چہ لیہیائے گا‘‘ (واعظ12: 14)۔

[آدم دا] ضمیر اُوہدی برہنگی تے جذباتی وہ گیا… تے ہُن اُوہنوں خداوند دے مُنہ توں اُوہی خیالات سُننے پیہئے جیہڑے اُوہدے ذہن وِچ سن۔ فیر وی اُوہنے اعتراف کرن توں انکار کر دِتا، تے خاموشی نال اپنے گناہ توں مکر گیا (مارٹن لوتھر، ٹی ایچ ڈی Martin Luther, Th. D.، پیدائش تے لوتھر دا تبسرہLuther’s Commentary on Genesis ، زونڈروان پبلشنگ ہاؤس، 1958 دوبارہ پرنٹ، جلد اول، صفحہ 76)۔

آخر آدم بولیا۔ لیکن اُوہنے اپنے گناہ دا صحیح معنیاں چہ اعتراف نہئیں کیتا۔ ایہدے بجائے، اُوہنے اپنے گناہ دا اعتراف نہئیں کیتا، تے ایس گل تے زور دِتا کہ خدا خود غلطی تے سی۔

’’تے آدم نے کہیا، جیس عورت نوں توں ایتھے میرے نال رکھیا اے اُوہنے میہنوں اُوس درخت دا کُج پھل دِتا تے میں اُوہنوں کھادا‘‘ (پیدائش3: 12)۔

آدم نے اپنی خطا توں انکار کیتا تے اپنے آپ نوں بہانے نال بچا لہیا۔ درحقیقت، اُوہنے خدا تے (اپنے گناہ دا مصنف ہون دا) الزام لگایا۔ ایہہ اُوہنے اُوس ویلے وی کیتا جدوں اُوہنے اپنے ضمیر وِچ سزا سنائی گئی سی تے خدا نے اُوہدے تے ظاہر کیتا سی کہ اُوہنے گناہ کیتا سی۔ ایہدا مطلب خدا توں کہیا سی، ’’جے توں مینوں عورت نہ دیندا تے میں درخت دا پھل نہ کھاندا۔‘‘ تے اُوہنے گناہ دا الزام خدا تے سُٹ دِتا۔ اُوہدی سرکشی، نافرمانی تے کفر توں شروع ہوئی۔ ہُن اُوہنے ایہدے چہ توہین تے بے حرمتی دا اِضافہ کر دِتا۔ اینج ہر گنہگار عذاب توں نفرت کردا اے (جیہڑا اُوہدے گناہ دی وجہ توں اُوہنوں دِتا جاندا اے)۔ (ibid.)

تے، اینج، ہر بیدار گنہگار دوجیاں تے الزام لگا کے، یا ایہہ کہہ کے کہ اُو دوجیاں توں بدتر نہئیں اے، یا خدا دے اَگے اپنے گناہ دا اقرار کرن دے بجائے، دوجیاں دے سامنے قصور وار ٹھہرا کے، اپنے آپ نوں سزا توں معاف کران دی کوشش کردا اے۔

’’تے خداوند خدا نے عورت توں کہیا، توں ایہہ کی کیتا؟ تے عورت نے کہیا، سَپ نے مینوں بہکایا تے میں کھادا‘‘ (پیدائش3: 13)۔

[حوا] نے سَپ تے اِلزام لگا کے خود نوں معاف کرن دی کوشش کیتی، جِنہوں خدا نے بنایا سی۔ اینج اُوہنے الزام لین توں انکار کردے ہوئیاں خالق تے سُٹ دِتا۔ ایہدے نال اَسی سیکھنے آں کہ گنہگار کدی نہئیں چاہندا کہ اُو [اقرار کرے کہ] اُو گنہگار اے تے نہ ای اپنی (منصفانہ) سزا نوں برداشت کرے۔ اُو راستباز ہون دا دکھاوا کردا اے، تے جے اُو ایس چہ کامیاب نہئیں ہوندا اے، تے اُو خدا تے الزام لگاندا اے (ibid.، صفحہ 77)۔

جدوں تیکر اِک گمراہ ہویا گنہگار دوجیاں تے الزام لگاندا رہندا اے، یا اپنے آپ نوں معاف کراندا اے، گناہ دی کدی وی معافی نہئیں ہو سکدی۔ ایہنوں ایہہ گل کہن دے مقام تے خدا دے اَگے لیہایا جانا چائیدا اے،

’’میں اپنے قصوراں نوں مننا آں تے میرا گناہ ہمیشہ میرے اَگے رہندا اے‘‘ (زبور51: 3)۔

جدوں خدا دے سب کُج عیاں کر دین آلی یا سب کُج ویکھ سکن آلی اَکھ تہاڈے دِل چہ داخل ہو جاندی اے، تے تُسی اپنے گناہ دا اعتراف کردے اُو، تے ایہہ تہاڈے تے بوہتا بوجھل ہوندا اے، تے تُسی اپنے گناہ دا اقرار کردے اُو تے اپنے آپ نوں ایس جرم توں بچان دے لئی مسیح دی تلاش کردے اُو۔1 یوحنا1: 8-10 کو کھولو۔

’’جے اَسی دعویٰ کرنے آں کہ اَسی بے گناہ نے، تے اپنے آپ نوں دھوکہ دینے آں تے سادے وِچ سچائی نہئیں۔ لیکن جے اَسی اپنے گناہواں دا اقرار کراں گے تے اُو جیہڑا سچا تے عادل اے ساڈے گناہ معاف کر کے سانوں ساری ناراستی توں پاک کر دیوے گا۔ جے اَسی کہیے کہ اَسی گناہ نہئیں کیتا تے اُوہنوں جھوٹا ٹھہرانے آں تے اُوہدا کلام ساڈے وِچ نہئیں اے‘‘ (1 یوحنا1: 8۔10)۔

میتھیو ہنری نے کہیا، ’’سانوں اپنے گناہواں نوں جھٹلان یا معاف کرن چہ خود نون دھوکہ دین توں ہوشیار رہنا چائیدا اے‘‘ (1 یوحنا 1: 8 تے غور طلب گل)۔ ’’مسیحی مذہب گنہگاراں دا مذہب اے‘‘ (ibid.)۔ دوجی دُنیا دے مذاہب وِچ نجات انسان دے چنگے بنن دے پوری کوشش کرن نال حاصل ہوندی اے۔ لیکن، حقیقی مسیحیت وِچ، نجات گناہ نوں تسلیم کرن، ایس دا اقرار کرن، تے اپنے آپ نوں یسوع دے حوالے کر دین نال حاسل ہوندی اے، جیہڑا گناہ دی ادائیگی دے لئی سولی تے مر گیا، تے اپنا لہو وگایا تاکہ گناہ نوں پاک کیتا جا سکے۔ جیہڑا دِل اپنے گناہ نوں تسلیم کردا اے اُو یسوع دے کول آنا چاہے گا، تے پورے خلوص دے نال گائے گا،

خُداوندا!ً میں آ رہیا آں، میں ہُنے تیرے کول آ رہیا واں!
مینوں دُھو ڈال، مینوں لہو وِچ پاک صاف کر ڈال
جیہڑا کلوری تے وگیا سی۔
(’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔