ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج سانوں اکثر دسیا جاندا اے کہ انسان دے مسائل دو ذرائع توں آندے نے – ماحول توں تے موروثیت توں۔ لیکن ساڈے پہلے ماں پیو، آدم تے حوا، ایہناں توں متاثر نہئیں ہوئے سن۔ باغ عدن وِچ اُوہناں دا ماحول بہترین سی۔ ایہہ سچ اے کہ اُوتھے شیطان موجود سی، لیکن اُو اُوہدی گل سُنن دے لئی کیس مجبوری وِچ نہئیں سن۔ اُوہناں نوں وارثت وِچ گناہ دی کوئی فطرت نہئیں لبھی سی۔ اُو ہلے گمراہ ہوئی مخلوق نہئیں سن۔ ماحول تے وراثت اُوہنے دے گناہ دا سبب نہئیں سن۔ اُوہناں نوں شیطان نے آزمایا تے فیر جان بُجھ کے خدا دی نافرمانی کیتی۔

جیس جنت وِچ اُو رہندے سن، اُو فوراً ای اُوہناں دے لئی اِک خوفناک، تاریک جنگل بن گئی۔ اُو خدا دے خوف توں درختاں دے گھنے پن چہ نٹھ گئے۔ لیکن اُو خدا دی واج توں بچن دے لئی ایہنی دور نہئیں جا سکدے سن۔ اُو اُوہنوں ’’تُسی کیتھے اُو؟‘‘ (پیدائش3: 9) پکاردے ہوئے سُن سکدے سن۔ خدا دی واج اُوہناں دے دِلاں تیکر پہنچ چکی سی۔ اُوہناں نے پہلاں اُوہدی واج سُںی سی، لیکن ہُن اُوہناں دے دِل گھبرا گئے سن۔ خدا نے اُوہناں دا پتہ لگایا سی۔ تے خدا نے اُوہناں نوں دو سوال پُچھے۔ ایہہ اُوہی سوال نے جیہڑے اَج گمراہ ہوئے گنہگاراں کولوں پُچھے جاندے نے۔ اَج دی دوپہر خدا تہانوں ایہو ای سوالات پُچھدا اے۔

I۔ تہانوں کیہنے دسیا کہ تُسی ننگے اُو؟

’’ٹھیک اے،‘‘ تُسی کہندے اُو، ’’مینوں ایہ [گل] کدی وی نہئیں دسی گئی!‘‘ فیر مینوں ڈر لگدا اے کہ میرے کول تہانوں کہن دے لئی کُج وی نہئیں اے۔ میں تہانوں انجیل دے بنیادی حقائق دس سکنا آں،

’’کہ کتابِ مقدس دے مطابق مسیح ساڈے گناہواں دے لئی قربان ہویا، تے اُوہنوں دفنایا گیا سی تے پاک صحائف دے مطابق اُو تیجے روز مُردیاں وِچوں زندہ ہو گیا سی‘‘ (I۔کرنتھیوں15: 3۔4)۔

میں انجیل دے ایہناں عظیم موضوعات تے منادی کر سکنا آں، تے میں کرنا آں۔ فیر وی انجیل دی پیغام تہانوں اُوس ویلے تیکر متحر نہئیں کرے گا جدوں تیکر کہ ایس سوال دا سامنا نہ کیتا جائے،

’’تیہنوں کیہنے دسیا کہ توں ننگا اے؟‘‘ (پیدائش3: 11الف)

ایہہ اُو سَپ نہئیں سی جِنہے اُوہناں نوں ایہہ دسیا سی۔ شیطان کسی گنہگار نوں کدی وی نہئیں کہندا کہ اُو گمراہ ہو گیا اے۔ شیطان تے گنہگاراں نوں سون دے لئی کہندا اے۔ اُو تے اُوہی اے جیہڑا تہانوں دسدا اے کہ تُسی جیس طرح دے اُو اُونج ای بہتر اُو۔ اُو اُوہی اے جیہڑا تہانوں دسدا اے کہ تُسی خطرے وِچ نہئیں اُو۔ اُو اُوہی اے جیہڑا کہندا اے کہ خدا تہانوں سزا نہئیں دے گا۔ اُوہی اے جیہڑا کہندا اے کہ قیامت دا دِن نہئیں ہوئے گا۔ اُوہی اے جِنہے

’’اُوہناں بے اعتقاداں دی عقل نوں اَنّا کیتا…‘‘ (II۔کرنتھیوں4: 4)۔

اُو اے

’’اُوہی پرانا سَپ جیہدا ناں ابلیس تے شیطان اے تے جیہڑا ساری دُنیا نوں گمراہ کردا اے‘‘ (مکاشفہ 12: 9)۔

اَج کل لوکاں نوں ایہہ کہندے ہوئے سُننا بوہتا عام اے کہ شیطان اُوہی اے جیہڑا تہانوں قصوروار محسوس کراندا اے۔ ایہہ کیہو جیہا فریب اے! شیطان اینج کیوں کرے گا؟ جے اُوہنے اینج کیتا تے اُو اپنے خلاف کم کرے گا۔ نہئیں، شیطان اُو نہئیں اے جیہڑا گمراہ ہوئے گنہگاراں نوں اپنے جرم دا احساس دِلاندا اے۔ ایہہ خدا دی روح دا کم اے۔

’’جدوں اُو آ جائے گا… اُو دُنیا نوں مجرم قرار دیوے گا‘‘ (یوحنا16: 8)۔

ایہہ خدا دی روح اے جیہڑی گمراہ ہوئے لوکاں نوں دسدی اے کہ اُو گنہگار نے، تے خدا دی نظر وِچ ننگے نے۔ جدوں تیکر روح القدس تہانوں خدا دی نظر وِچ تہاڈی برہنگی نہئیں وکھائے گا، تُسی جان نہئیں پاؤ گے

’’… توں بدبخت، بیچارہ، غریب، انّا تے ننگا اے‘‘ (مکاشفہ3: 17)۔

’’تیہنوں کیہنے دَسیا کہ توں ننگا اے؟‘‘ (پیدائش3: 11الف)

کیوں، ایہہ خدا دی روح سی جِنہے اُوہنوں دسیا۔ تے اَج وی اینج ای اے۔ جیہڑا کدی وی نہئیں بدلیا۔

تُسی یسوع دی اپنے لہو نال تہاڈے گناہواں نوں ڈھانپن دی لوڑ نوں کدی وی نہئیں ویکھ پاؤ گے جدوں تیکر کہ روح القدس تہانوں خدا دی نظر وِچ تہاڈی برہنگی نہ وکھائے۔ تُسی کدی وی نہئیں ویکھو گے کہ بائبل کیوں کہندی اے،

’’مبارک نے اُو… جِنہاں دے گناہ ڈھانپے گئے‘‘ (رومیوں4: 7)۔

جدوں تیکر روح القدس پہلاں تہانوں ایہہ نہ وکھائے کہ تُسی ’’اَنّے تے ننگے‘‘ اُو (مکاشفہ 3: 17)۔

II۔ دوجی گل، کی تُسی خدا دے حکماں نوں توڑ چکے اُو؟

ساڈی تلاوت تے فیر توں نظر پاؤ۔

’’تے اُوہنے کہیا، ’’تیہنوں کیہنے دِسیا کہ توں ننگا اے؟ کی توں اُوس درخت دا پھل کھادا اے، جِنہوں کھان توں میں تیہنوں منع کیتا سی؟‘‘ (پیدائش3: 11)۔

کی تُسی ’’درخت دا پھل‘‘ کھادا اے جیس دا کہ ’’میں تہانوں حکم دِتا سی کہ تُسی مت کھانا؟‘‘ ایہہ اُوہی اے جیہڑا خدا اَج دی راتی کہہ رہیا اے۔ کی تُسی میرے حکماں نوں توڑیا اے؟ کی تُسی میرا کوئی قانون توڑیا اے؟ کی تُسی گنہگار اُو؟ کی تہاڈے دِل تے دماغ وِچ خدا دے خلاف گناہ اے؟ کی تہاڈے اندر کوئی گناہ چُھپیا ہویا اے؟

’’اے خدا، توں مینوں جانچ تے میرے دِل نوں پہچان، مینوں آزما تے میرے مضطرب خیالات نوں جان لے۔ ویکھ میرے چہ کوئی بُری روش تے نہئیں…‘‘ (زبور139: 23۔24)۔

تے، جے تُسی داؤد دی اُو دعا منگی، تے کی تُسی کہہ سکدے اُو، ’’نہئیں، میرے چہ کوئی بُری روش نہئیں اے‘‘؟ کی تُسی ایمانداری نال ایہہ الفاظ خدا نوں کہہ سکدے اُو؟

’’کی توں اُوس درخت دا پھل کھادا اے، جِنہوں کھان توں میں تیہنوں منع کیتا سی؟‘‘ (پیدائش3: 11ب)۔

لوتھر نے کہیا

ایتھے خدا نے آدم دے ضمیر نوں شدت نال جھنجھوڑیا سی۔ اُوہنے اُوہنوں کہیا، ’’تیہنوں شرم نہئیں آئی کیوں جے توں ننگا سی۔ نہ ای میری واج نے تیہنوں ڈرایا۔ لیکن تیرے ضمیر نے تیرے تے الزام لاہیا‘‘ … چنانچہ، خدا دے دباؤ چہ آ کے، آدم نے اپنے آپ نوں موت تے جہنم دے خوف وِچ پایا… تے ہُن اُوہنوں خداوند دے مُنہ توں اُوہی خیالات سُننا پیہئے جیہڑے اُوہدے ذہن وِچ سن (مارٹن لوتھرMartin Luther، ٹی ایچ۔ ڈیTh. D.,، لوتھر دا پیدائش دی کتاب تے تبصرہLuther’s Commentary on Genesis ، زونڈروان پبلشنگ ہاؤسZondervan Publishing House ، دوبارہ اشاعت 1958، جلد اول، صفحہ 76)۔

میتھیو ھنری نے کہیا،

ممنوعہ پھل کھان وِچ، اَسی اِک عظیم تے مہربان خدا نوں ناراض کیتا اے، اِک منصفانہ تے راست قانون نوں توڑیا اے … تے خدا دے فضل نوں ضائع کر کے تے اپنے آپ نوں اُوہدے غضب تے لعنت دے اَگے لیہیا کے اپنی قیمتی جاناں تے ظلم کیتا اے (میتھیو ہنری دا ساری بائبل تے تبصرہ Matthew Henry’s Commentary on the Whole Bible، ہینڈرکسن پبلشرز Hendrickson Publishers، 1991 دوبارہ اشاعت، جلد اول، صفحہ 23)۔

’’تیہنوں کیہنے دِسیا کہ توں ننگا اے؟ کی توں اُوس درخت دا پھل کھادا اے، جِنہوں کھان توں میں تیہنوں منع کیتا سی؟‘‘

خدا نے ایہہ سوالات کیوں پُچھے؟ سِکھنا ایہہ نہئیں سی کہ اُوہناں نے کی کیتا۔ خدا دا سب کُج ویکھن آلی اَکھ پہلاں توں ای جانندی سی کہ اُوہناں نے گناہ کیتا اے۔ خدا نے ایہہ سوالات اُوہناں دے ضمیراں دی جانچ کرن، اُوہناں دی حوصلہ افزائی دے لئی، اُوہناں نوں اُوہناں دی گناہ نوں تسلیم کرن دے لئی تے تحریک دین دے لئی پُچھے۔ لیکن اُوہناں نے اینج نہئیں کیتا۔ اُوہناں نے صرف اپنے آپ نوں درست ثابت کرن دی کوشش کیتی، کسی ہُور تے الزام لگان دی کوشش کیتی۔ ڈاکٹر ھنری ایم مورس نے کہیا، ’’اُوہدے مطابق، خدا دے لئی سزا دین دے سِوا کوئی جواز نہئیں سی‘‘ (ہنری ایم مورس، پی ایچ ڈی Henry M. Morris, Ph.D.,، پیدائش دی کتاب دا ریکارڈ The Genesis Record، بیکر کتاب گھر Baker Book House، 1986 ایڈیشن، صفحہ117)۔

ایہہ ایس گل دی عکاسی اے کہ جے تُسی اپنے گناہ دا بہانہ بناندے رہوو گے تے تہاڈے نال کی ہووے گا۔

’’جے میں اپنی [قانون شکنی] اپنے سینہ چہ آدم وانگوں چھپا کے ہُور لوکاں وانگوں پردہ پاواں‘‘ (ایوب31: 33)۔

تہاڈے نال کی رونما ہووے گا؟ اُودھوں فیر تُسی

’’… اپنے اُتے آن آلی مصیبتاں تے روؤ تے ماتم کرو گے‘‘ (یعقوب5: 1)۔

تہانوں آخری عدالت وِچ خدا دے تخت دے اَگے گھسیٹیا جائے گا۔ تُسی

’’… [اپنے آپ نوں] تخت دے اَگے کِھلوتا ویکھو گے تے اُودھوں کتاباں کھولیاں [جان گئیاں]… سارے مُردیاں دا اِنصاف اُوہناں دے اعمال دے مطابق کیتا [جائے گا] جیہڑے اُوہناں دی کتاباں وِچ درج سن۔‘‘

ڈاکٹر جان آر۔ رائس نے کہیا،

یعنی انسان دے [گناہواں] دا ریکارڈ ’’تے مُردیاں دا فیصلہ اُوہناں شیواں نال کیتا گیا جیہڑیاں کتاباں وِچ لکھیاں گئیاں سن‘‘…[خدا] انساناں دے سارے [گناہواں]، تے سارے خیالات تے احساسات دا ریکارڈ رکھدا اے۔ جیس دے تحت اُو کم کردے نے… ایتھے کوئی رحم نہئیں اے۔ معافی دے بارے چہ، خدا دے فضل دے بارے وِچ، کفارہ دے بارے چہ کُج نہئیں کہیا جاندا اے۔ ایہناں ساریاں نوں لعن طعن کیتا گیا اے۔ ہُن صرف راستباز فیصلہ لاگو ہوندا اے۔ لوکی جہنم وِچ جان گے کیوں جے اُوہناں نوں جانا چائیدا اے۔ اُو جہنم دے مستحق نے… ’’دھوکہ نہ کھاؤ؛ خدا دا مذاق نہئیں اُڑایا جاندا: کیوں جے بندہ جو کُج بوندا اے اُوہی کٹے گا‘‘ (گلتیوں6: 7)… گناہ دا بدلہ چُکانا چائیدا اے۔ اُو لوکی جیہڑے مسیح دی قربانی نوں مسترد کردے نے اُوہناں نوں دائمی… ناقابلِ معافی گناہ… دے لئی خود اپنا قرض ادا کرنا چائیدا اے… جیہڑا کوئی وی بُرائی کرنا چاہندا اے یا [جے اگر اُوہنوں موقع لبھے] تے اُو کرے گا یا جے اُو بے نقاب ہون توں نہئیں ڈردا تے اُوہناں گناہواں توں جیہڑے اُوہدے دِل دِچ نے قصوروار ہوندا اے۔ اوہ، اُوس خوفناک دِن [دِل دے] گناہ خدا دی ریکارڈ دی کتاباں وِچوں پڑھے جان گے! (جان آر. رائس، ڈی ڈی John R. Rice, D.D.,، دیکھو، اُو آندا اے Behold, He Cometh ، سورڈ آف دی لارڈ پبلشرز Sword of the Lord Publishers، 1977، صفحہ 304-305)۔

’’اُوس دِن جدوں خدا بندیاں دیاں پوشیدہ گلاں دا اِنصاف کرے گا‘‘ (رومیوں2: 16)۔

ہائے سزا دا اُو دِن آن آلا اے! خداوند دیاں کتاباں کُھل جان گئیاں۔ تہاڈے سارے خفیہ گناہ خدا دی کتاباں وِچوں پڑھے جان گے۔ کُج وی نہئیں چھپے گا۔ تہاڈے دِل تے حیاتی دے سارے گناہ خدا دی کتاباں توں پڑھے جان گے، تے تہاڈے گناہواں دا کامل ریکارڈ تہانوں مجرم ٹھہرائے گا۔ فیر مسیح تہانوں کہے گا،

’’اے لعنتی لوکو، میرے سامنے توں دور ہو جاؤ تے اُوس ہمیشہ بلدی رہن آلی اَگ وِچ ٹر جاؤ‘‘ (متی25: 41)۔

اوہ، میں تہانوں نصیحت کرنا آں، میں تہانوں اِلتجا کرنا آں کہ تُسی ’’روزِ عدالت دے خوفناک اِنتظار تے اُوس اَگ [دے بارے وِچ] جیس دا غضب ہُنے باقی اے تے جیہڑی خدا دے دشمناں نوں کھا لئے گی‘‘ سوچو۔

ہائے، ہُن مذید ہُور خدائے برتر دے مخالف تے دشمن نہ بنو! یاد رکھو

’’جیہڑا اپنے گناہ چھپاندا اے کامیاب نہئیں ہوندا لیکن جیہڑا اقرار کر کے اُوہناں نوں ترک کردا اے اُوہدے تے رحم کیتا جائے گا‘‘ (اِمثال28: 13)۔

اپنے گناہواں دا خدا دے سامنے اِقرار کرو، جیویں داؤد نے کیتا جدوں اُوہنے کہیا،

’’کیوں جے میں اپنی خطاواں نوں جاننا آں تے میرا گناہ ہمیشہ میرے سامنے اے‘‘ (زبور51: 3)۔

’’جیہڑا اپنے گناہ چھپاندا اے کامیاب نہئیں ہوندا لیکن جیہڑا اقرار کر کے اُوہناں نوں ترک کردا اے اُوہدے تے رحم کیتا جائے گا‘‘ (اِمثال28: 13)۔

اپنے گناہواں تے پردہ پاہنا چھڈ دیو۔ تُسی واقعی وِچ، اُونج وی ایہو جیہا نہئیں کر سکدے! خدا دی سب ویکھن آلی اَکھ پہلاں ای توں تہاڈے گناہ دے بارے وِچ سب کُج جانندی اے! ہر گناہ جیہڑا تُسی کیتا اے اُو خدا دی کتاباں وِچ درج اے تے آخری عدالت وِچ تہانوں مجرم ٹھہرائے گا۔ چھیتی کرو، دوستو، ہُنے وی ویلہ اے! اپنے گناہواں دا اعتراف کرو ایس توں پہلاں کہ بوہتی دیر ہو جائے! بائبل کہندی اے کہ تہانوں ’’[یسوع دے] لہو دے وسیلے توں راستباز ٹھہرایا جانا چائیدا اے‘‘۔ تہانوں ’’[یسوع] دے ذریعے غضب توں بچایا جانا چائیدا اے‘‘ (رومیوں5: 9)۔

’’تیہنوں کیہنے دِسیا کہ توں ننگا اے؟ کی توں اُوس درخت دا پھل کھادا اے، جِنہوں کھان توں میں تیہنوں منع کیتا سی؟‘‘ (پیدائش3: 11)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔