ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اِک وری فیر توں مینوں کہنا چائیدا اے کہ اُو زمانہ جیس وِچ اَسی ہُنے حیاتی بسر کر رئے آں اُوہدیاں نوح دے دِناں دے نال بے شمار مماثلتاں نے۔ اَسی ایہناں مشابہتاں نوں اُوہناں واعظاں وِچ ویکھ چکے آں جِنہاں دے میں ایس موضوع تے تبلیغ کر چکیا آں:

(1) ایہہ اِرتداد دا اِک زمانہ سی جدوں بے شمار لوکی غیرنجات یافتہ سن۔

(2) ایہہ وسیع مسافت دا دور سی جدوں لوکی اِک او ای تھاں تے ٹِک کے نئیں رہندے سن۔

(3) ایہہ او زمانہ سی جدوں لوکاں دے ہجوماں دے ہجوم ناقابلِ معافی گناہ دا اِرتکاب کردے سن۔

(4) ایہہ اِک توں بوہتی شادیاں کرن دا زمانہ سی۔

(5) ایہہ اُو زمانہ سی جدوں ابلیس دا قبضہ اِک وڈے پیمانے تے ہویا کردا سی۔

(6) ایہہ او دور سی جدوں بدی دی سوچ دا دُنیا تے راج سی۔

(7) ایہہ جسمانی نیت دی موسیقی دے تسلط دا زمانہ سی۔

(8) ایہہ شدید شورش و تشدد دا زمانہ سی۔

(9) ایہہ اُو زمانہ سی جدوں سخت تبلیغ نوں مسترد کر دِتا جاندا سی۔

مگر اَج دی راتی میں چاہنا واں کہ اَسی اِک ہور مشابہت نوں ویکھیے۔ نوح دا دور شدید روحانی دھوکے دا دور سی۔ یسوع نے کہیا:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

تے مسیح نے شاگرداں نوں دسیا کہ ساڈا دور، ایس زمانے دے خاتمے دے قریب، شدید روحانی دھوکے نال بھرپور اِک دور ہووے گا۔

متی24: 3 وِچ، شاگرداں نے پُچھیا، ’’تیری آمد تے دُنیا [زمانے] دے اَخیر ہون دی علامت کی اے؟‘‘ (متی24: 3)۔ اُوہناں نوں خاتمے سی اِک ’’علامت‘] چائیدی سی۔ یسوع نے اُوہناں نوں بے شمار علامتاں پیش کیتیاں! اُوہنے اُوہناں نوں ایہہ تبنیہ پیش کرن نال آغاز کیتا:

’’خبردار! کوئی تہانوں گمراہ نہ کر دے‘‘ (متی24: 4).

فیر توں، متی24: 24 وِچ، یسوع نے کہیا:

’’کیوں جے جھوٹے مسیح تے جھوتے نبی اُٹھ کھلون گے تے ایہو جئے وڈے وڈے نشان تے عجیب عجیب کم وکھان گے کہ جے ممکن ہووے تے چُنے ہوئے لوکاں نوں وی گمراہ کر دین۔ ویکھو! میں پہلاں ای تہانوں دس دِتا اے‘‘ (متی24: 24۔25)۔

یسوع نے ایس گل نوں کافی واضح کیتا کہ ایہہ زمانہ شدید دھوکہ بازی تے روحانی فریب دے نال ختم ہووے گا۔

کی نوح دے زمانے وِچ اینج ای سی؟ تُسی شرط لگا لو! نوح دا دور روحانی بدمعاشیاں، جعل سازیاں تے فریب دہی نال بھریا پیہیا سی! تے یسوع نے کہیا:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

ساڈے زمانے دی روحانی دھوکے بازیاں تے نوح دے دور دے وِچکار بے شمار مشابہتاں نے۔

I۔ ایہہ جعلی حیاتِ نو دا اِک دور سی۔

پیدائش، چار باب، چھبیسویں آیت کھولو:

’’تے سیت دے ہاں وی اِک پُتر پیدا ہویا تے اُوہنے اُوہدا ناں انوس رکھیا۔ اُوس ویلے توں لوکی یہوواہ دا ناں لے کے دعا کرن لگے‘‘ (پیدائش4: 26)۔

بائبل سانوں دسدی اے کہ انوس نو سو پنج وریاں دی عمر تیکر جیوندہ رہیا:

ایہدا مطلب اے کہ نوح تقریباً 90 وریاں دی عمر دا سی جدوں انوس مریا۔ ایہ گل اہم کیوں اے؟ کیوں جے ایہہ ظاہر کردی اے کہ لوکی گھٹ توں گھٹ نوے وریاں توں نوح دے دورِ حیات ای وِچ تے غالباً اُوہدے کافی عرصے بعد وی خداوند دا ناں لے کے دعا کر رئے سن۔ اُوس ویلے توں لوکی یہوواہ دا ناں لے کے دعا کرن لگے‘‘ (پیدائش4: 26)۔

مگر مذھبی سرگرمی تے ’’خداوند دا ناں لے کے دعا کرن‘‘ دے باوجود وی نوح دا زمانہ روحانی فریب دہیاں نال بھریا پیہیا سی۔ ڈاکٹر ایم۔ آر۔ ڈیحان Dr. M. R. DeHaan نے کہیا:

یقینی طور تے سیلاب توں پہلاں نوح دا زمانہ شدید دھوکے بازی دا دور رہیا ہووے گا۔ حنوک دی تے نوھ دی قوت بخش تبلیغ دے باوجود… دُنیا آلیاں نے ایہناں مبلغاں دا یقین نئیں کیتا ہووے گا؛ تے جدوں سیلاب آیا، تے صرف اَٹھ لوکی سن جیہڑے بچائے گئے (ایم۔ آر۔ ڈیحان، ایم۔ ڈی۔، نوح دا زمانہ The Days of Noah، ژونڈروان Zondervan، 1963، صفحہ56)۔

اُو حقائق جیہڑے بائبل وِچ ساڈے تے ظاہر کیتے گئے ساڈی اُوس اٹل نتیجے تیکر رہنمائی کردے نے کہ نسل انسانی حنوک تے نوح دی منادی دے باوجود روحانی طور تے فریب وِچ مبتلا سی۔ حالانکہ اُوہناں نے جامع تبلیغ سُنی سی، تے حالانکہ اُو یہوواہ دا ناں لے کے دعا کرن لگے سن، اُو ہُنے تیکر فریب وِچ سن تے اُوس فیصلے دے لئی تیار نئیں سن جیہڑا اُوہناں تے عظیم سیلاب وِچ آیا سی۔

پیدائش4: 26 آیت سانوں دسدی اے، ’’اُوس ویلے لوکی یہوواہ دا ناں لے کے دعا کرن لگے۔‘‘ مگر کی اُو سزا دے لئی تیار سن؟ بائبل دا واضح سبق ایہہ اے کہ اُو تیار نئیں سن! مذھبی سرگرمی دی شدت انتہائی بوہتی سی۔ مگر لوکاں دا اِک بوہتی وڈی اکثریت غیرنجات یافتہ ای رئی سی! جدوں اَسی پیدائش چار باب توں چھ باب تیکر تاریخی ریکارڈ سنجیدگی نال تے حرف بہ حرف ویکھنے آں تے میں ویکھن چہ ناکام رہ جانا واں کہ کینج اَسی کوئی دوجا نتیجہ کڈ سکنے آں۔ تے یسوع نے کہیا:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

اُو نتیجہ جیہدے تے اَسی پہنچے بے شمار لوکاں دے لئی شدید پریشان کر دین آلا اے۔ جدوں کُج عرصہ پہلاں، میں ’’براؤنزوائلی بیداری Brownsville Awakening‘‘ (the “laughing revival”) دی اِک جشم دید گواہی تفصیل پیش کیتی، تے انجیلی بشارت دا پرچار کرن آلے دو نئے لوکی ایس قدر بے چین تے بے قرار ہو گئے کہ اُو میرے واعظ دے وِچکار توں ای اُٹھ کے کھڑے ہوئے تے شدید غصے دے عالم وِچ عبادت توں نٹھ گئے۔ مگر مینوں دہرا دینا چائیدا اے جیہڑا میں اُوس ویلے کہیا سی۔ ٹی بی این TBN ٹیلی ویژن تے ’’براؤنزوائلی بیداری Brownsville Awakening‘‘، the “laughing revival”، اُو ’’شفائیہ healing‘‘ عبادتاں تے انجیلی بشارت دا پرچار کرن آلیاں دی تعلیم وِچ ہون آلے دوجے بے شمار واقعات حقیقی حیات نو دی نقل نے۔ ایس بارے وِچ ہینک حینگراف Hank Hanegraaff نے جعلی حیاتِ نو Counterfeit Revival (Word، 1997) نامی اِک کتاب لکھی اے۔ اُوس کتاب دی جلد تے ایہہ الفاظ لکھے ہوئے نے:

مسیحی رہنما جِنہاں دا روحانی سلسلہ پھیلا ہویا اے دعویٰ کردے نے کہ اَسی انسانی تاریخ وِچ ایس ویلے عظیم ترین حیاتِ نو دے وسط وِچ نے۔ وڈی وڈی بیداریاںgreat awakening نوں اپنان دے لئی اُوہناں دی جلدی وِچ لوکاں دے ہجوماں دے ہجوم ایس دے بجائے اِک بہوتے وڈے اِرتدادgreat apostasyوِچ دھوکے نال اُلجھدے جا رئے نے…جعلی حیاتِ نوCounterfeit Revival ساریاں غلط تھاواں تے خدا نوں لبھن دے خطرے دی تحاریر پیش کردے نے۔ جدوں جعلی حیاتِ نو دے رہنما سماجی تے نفسیاتی ہیرا پھیری دی حکمت عمل نوں لاگو کردے نے تے اُوہناں دی رعایا داخلیت پسندیsubjectivism دے خطرناک جالے دا شکار ہو جاندے نے۔ کوئی وی بوہتے وڈے مشوریاں دی طاقت دے لئی مدافعت نئیں رکھدا۔ اِک وری جدوں ایہہ وبائی بیماری اِک تحریک نوں آلودہ کر دیوے، تے ایہہ کالے نوں سفید ظاہر کر سکدی اے، حقیقتاں نوں دُھندلا سکدی اے تے حماقتاں دے مزار بنا سکدی اے۔ ایہہ پوری قوت نال ذہین لوکاں دے نال نال جاہل، امیر تے غریب لوکاں تے وی یکساں طور نال دھاوا بول دیندی اے۔ کافرانہ مذاھب تے جعلی مسیحی فرقے اِک طویل عرسے توں ایہناں دے طرز عمل نوں فروغ دین دے لئی ہتھ دی صفائی تے دماغ دی صفائی نال فائدہ چُک رئے نے۔ اَج جعلی حیاتِ نو دے رہنما اُوہناں دے نقش قدم تے ٹُر رئے نے (ہینک حینگراف Hank Hanegraaff، جعلی حیاتِ نو Counterfeit Revival، Word، 1997، کتاب کی جلد پر بیان)۔

ساڈا زمانہ بہوتے وڈے روحانی دھوکے دا دور اے جِنہوں تُسی دِن ہووے یا رات، کسی وی ویلے ٹی بی این TBN ٹیلی ویژن تے ویکھ سکدے اُو تے ایہہ ساری دُنیا وِچ گرجا گھراں وِچ رونما ہو رہیا اے۔ یسوع نے کہیا:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

’’کیوں جے جھوتے مسیح تے جھوٹے نبی اُٹھ کھلون گے تے ایہو جئے وڈے وڈے نشان تے عجیب عجیب کم وکھان گے کہ جے ممکن ہووے تے چُنے ہوئے لوکاں نوں وی گمراہ کر دین۔ ویکھو! میں پہلاں ای تہانوں دس دِتا اے‘‘ (متی 24: 24۔25).

نوح دا زمانہ جھوتے حیاتِ نو تے جھوتی نجات پان آلیاں نال مخصوص کیتا گیا اے، جیویں کہ اَسی پیدائش4: 26 وِچ ویکھنے آں، جدوں لوکی ’’یہوواہ دا ناں لے کے دعا کرن لگے‘‘ نجات پائے بغیر۔

II۔ ایہہ اُو زمانہ سی جدوں بے شمار لوکاں نوں نجات دی جھوٹی اُمیداں سن۔

میں کوئی دوجا نتیجہ اخذ نئیں کر سکدا جدوں پیدائش چار توں چھ باب پڑھنا آں۔ ڈاکٹر ایم۔ آر۔ ڈیحان نے کہی:

تے فیر سب توں بوہتا دباؤ پان آلی تنبیہ اے – دھوکہ مت کھاؤ! تے سب توں بوہتی اہمیت دا حامل سوال اے – ’’کی تُسی خداوند دی آمد دے لئی تیار اُو؟‘‘ یاد رکھو، ’’جیویں نوح دے زمانہ وِچ سی،‘‘ اُو جِنہاں نے یقین کرن نوں نظر انداز کیتا، ہمیشہ دے لئی فنا ہو گئے (ایم۔ آر۔ ڈیحان، ایم۔ڈی۔، نوح دا زمانہ The Days of Noah، ژونڈروانZondervan، 1963، صفحہ57)۔

بائبل کہندی اے:

’’خدا نے… پرانے زمانے دے لوکاں نوں وی نہ چھڈیا بلکہ بے دیناں دی زمین تے طوفان پیج کے صرف راستبازی دی منادی کرن آلے نوح نوں تے سات دیگر اشخاص نوں بچا لیہا‘‘ (2۔ پطرس2: 4۔5).

نوح دے زمانے دے لوکی یہوواہ دا ناں لے کے دعا کردے سن (پیدائش4: 26)، لیکن تقریباً اُوہناں وِچوں سارے گمراہ ای رہے۔ اُوہناں دی حالت نوں مکمل طور تے 2 تیتھیمس دے تیجے باب وِچ بیان کیتا گیا اے:

’’لیکن یاد رہے کہ آخری زمانہ وِچ بُرے دِن آن گے۔ لوکی خود غرض، زردوست، شیخی باز، مغرور، بدگو، ماں دے نافرمان، ناشکرے، ناپاک، محبت توں خالی، بے رحم، بدنام کرن آلے، بے ضبط، تُند مزاج، نیکی دے دشمن، دغاباز، بے حیا، گھمندی، خدا دی نسبت عیش و عشرت نوں بوہتا پسند کرن آلے ہون گے۔ اُو دینداراں وگری وضع تے رکھن گے لیکن حیاتی وِچ دینداری دا کوئی اثر قبول نئیں کرن گے۔ ایہو جئے لوکاں توں دور ای رہنا‘‘ (2۔ تیتھیمس 3: 1، 2، 5).

تے یسوع نے کہیا:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

نوح دا زمانہ اُو دور سی جدوں بے شمار لوکی نجات دی جھوٹی اُمیداں وِچ پیہئے ہوئے سن۔ ساڈے زمانے وِچ اُوس دور نوں بوہتا زیادہ دہرایا جا رہیا اے۔

ایس انتہائی لمحے وِچ جدوں لوکاں دے ہجوماں دے ہجوم یقین کردے نے کہ اُو نجات یافتہ نے تے ساڈے زمانے وِچ بڑھدی ہوئی تاریکی ساڈے تے نازل ہوندی جا رئی اے۔ بائبل کہندی اے:

’’جے رب الاافواج ساڈے لئی کُج لوکی زندہ نہ چھڈدا تے ساڈا حال وی سدوم وانگوں ہو جاندا، تے اَسی عمورہ وانگوں ہو جاندے‘‘ (اشعیا1: 9).

ڈاکٹر مونرو Dr. Monroe ’’راہب‘‘ پارکر نوں اکثر ’’امریکی انجیلی بشارت دا پرچار کرن آلیاں دا نگران The Dean of American Evangelists‘‘ کہیا جاندا سی۔ ڈاکٹر پارکر نے کیہیا:

جےاَسی گرجا گھر دے اَدھے لوکاں نوں وی نجات دلا پائیے تے اِسی اِک عظیم حیاتِ نو نوں ویکھ پاواں گے۔ درحقیقت، میرے خیال وِچ جے اَسی امریکہ وِچ اَدھے مبلغاں نوں نجات دے پائے تے اَسی اِک بوہتا ای وڈا حیاتِ نو ویکھ پاواں گے (مونرو پارکر Monroe Parker، سایاں تے روشنیاں وِچوں: میرے پہلے ستتر ورے Through Sunshine and Shadows: My first Seventy-Seven Years، سورڈ آف دی لارڈ پبلیشرز Sword of the Lord، 1987، صفحات61۔62)۔

ایڈیٹر ڈیل بُرڈین Dale Burden نے کہیا:

کوئی وی کیسی ای روحانی پُختگی تے سمجھ بوجھ دے نال، جیہڑا اَج امریکہ دی مذھبی موسم نوں جانندا اے، اُو ایہہ گل جانندا اے کہ گرجا گھر دے بوہتے سارے لوکی نجات یافتہ نئیں ہوندے نے۔ ڈاکٹر ڈبلیو اے کرسویل Dr. W. A. Criswell، جیہڑے ڈلاس وِچ بوہتے وڈے بپتسمہ دین آلے پہلے گرجا گھر دے مشہور SBC پادری صاحب نے اُوہناں نے اپنی تبلیغ دے بعد (میں اُوتھے ای سی) چبوترے تے چند اِک پادری صاحبان نوں کہیا کہ اُو جنت وِچ اپنے 25 % اراکین دے مل جان تے حیران ہون گے۔ باب گیرے Bob Gray جیہڑے فلوڑیدا دے شہر جیکسن ویلے Jacksonville دے وڈے ٹرینیٹی بپٹسٹ گرجا گھر دے دیرینہ پادری صاحب نے، اُوہناں نے کئی ورے پہلے کہیا کہ غالباً جِنہاں نوں اُوہناں نے بپتسمہ دِتا اُوہناں وِچوں 75 % بچائے نئیں گئے سن (ڈیل بُرڈین Dale Burden، روح رواں The Gist،Spring، 1977، صفحہ5)۔

ڈاکٹر بی۔ آر۔ لاکِن Dr. B. R. Lakin کہیا کردے سن کہ اُوہںاں وِچوں پچھتر فیصد جیہڑے بائبل تے یقین کرن آلے گرجا گھراں وِچ جاندے نے گمراہ ہوندے نے۔ ڈاکٹر اے۔ ڈبلیو۔ ٹوزر Dr. A. W. Tozer نے کہا، ’’انجیلی بشارت دا پرچار کرن آلے گرجا گھراں دے وِچکار غالباً! (پیرس رائیڈھیڈ Paris Reidhead، مبشران انجیل نوں نجات دلانی Getting Evangelicals Saved، بیت عنیاہ Bethany، 1989، صفحہ46)۔

تہاڈے بارے چہ کی خیال اے؟ کی تُسی سچے طور تے نجات یافتہ اُو – یا تُسی اِک جھوٹی اُمید دے نال چمٹے ہوئے اُو – جیویں کہ نوح دے زمانے وِچ لوکاں دے ہجوم دے ہجوم اُوتھے چمٹے ہوئے سن، جیہڑے سیلاب وِچ ڈوب گئے سن تے جہنم چہ گئے سن؟ اُوہناں لوکاں دی نجات دے بارے وِچ جھوٹی اُمیداں سن۔ اُوہناں وِچوں بے شمار نے تے یقینی طور تے سوچیا سی اُو بچا لیے جان گے کیوں جے اُوہناں نے دعاواں منگیاں سن، یہوواہ دا ناں لے کے دعاواں کیتیاں سن (حوالہ ویکھو پیدائش4: 26)۔ ایس دے باوجود اُوہناں وِچوں اِک بوہتی وڈی تعداد نے جِنہاں نے دعاواں منگیاں سن سزا وِچ غرق ہو گئے سن۔ دعا کدی وی کسی نوں نئیں بچاندی! فریسی نے دعا منگی سی، ایس دے باوجود مسیح نے سانوں دسیا اُو گمراہ سی۔

کی تُسی سوچدے اُو کہ تُسی نجات دہندہ اُو کیوں جے تُسی ذھنی طور تے خدا وِچ یقین رکھدے اُو؟ بدروحاں ذھنی طور تے یسوع وِچ یقین رکھدیاں سن – تے اینج کہندیاں سن – مگر اُو بچائی نئیں گئی سن۔ جی نئیں، یسوع تے خدا دے بارے وِچ گلاں تے یقین کرنا تہانوں نئیں بچائے گا۔ دعا منگنا تہانوں نئیں بچائے گا۔ سامنے آنا، اپنے ہتھاں نوں بُلند کرنا، بپتسمہ پانا تہانوں نئیں بچائے گا۔ گرجا گھر آنا تہانوں نئیں بچائے گا۔ اپنے گناہواں دا اقرار کرنا تہانوں نئیں بچائے گا۔

ساڈے کول یقین کرن دے لئی ہر وجہ اے کہ نوح دے زمانے وِچ لوکاں نے اُو ساریاں گلاں کیتیاں، ایس دے باوجود اُو عظیم سیلاب وِچ غرق ہو گئے سن تے جہنم وِچ گئے سن۔

’’خدا نے… پرانے زمانے دے لوکاں نوں وی نئیں چھوڑا بلکہ بے دیناں دی زمین تے طوفان پیج کے صرف راستبازی دی منادی کرن آلے نوح نوں تے ست دیگر اشخاص نوں بچا لہیا‘‘ (2۔ پطرس 2: 4۔5).

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

III۔ مگر، تیجی گل، ایہہ اِک دور سی جدوں کُج لوکاں نے نجات پائی سی۔

لوکاں دی اِک چھوٹی تعداد، نوح تے اُوہدے خاندان نے نجات پائی سی۔ سانوں ایہہ گل 2 پطرس 2: 5 بتائی گئی اے، اُو آیت جیس دا میں ہںے ہُنے حوالہ دِتا۔ ایہہ کہندی اے کہ خداوند نے ’’نوح نوں بچا لہیا۔‘‘ جی ہاں، لفظ ’’بچا لیہیاsaved‘‘ اُوس آیت وِچ استعمال ہویا اے۔ 2 پطرس2: 5 دے مطابق، نوح نے نجات دا تجربہ کیتا سی۔ عبرانیوں دی کتاب دے گیارھویں باب وِچ سانوں دسیا گیا اے کہ اُوہدی ووہٹی، اُوہدے تین پُتر تے اُوہناں دیاں ووہٹیاں نے وی نجات پائی سی۔ عبرانیوں، باب گیارہ، آیت سات کہندی اے،

’’ایمان ای نال نوح نے اُوہناں گلاں دے بارے وِچ جیہڑیاں مستقبل وِچ پیش آن آلیاں سن، خدا وَلوں ہدایت پائی تے خدا ترسی دے باعث اُوہدے تے عمل کیتا تے اِک کشتی بنائی جیس وِچ اُوہدا سارا خاندان بچ نکلا…‘‘ (عبرانیوں11: 7).

ایس دا لفظ بہ لفظ مطلب ہوندا اے ’’اُوہدے اہلِ خانہ دے بچنے آلے،‘‘ یا خاندان۔ اُوہدی ووہٹی تے اُوہدے اہلِ خانہ دے ہر اِک فرد نوں ’’اُوس سیلاب نال [جیہڑا آیا سی] بے دیناں دی دُنیا تے‘‘ بچن دے لئی سچے طور تے نجات پائی سی‘‘ (2 پطرس 2: 5)۔

نوح تے اُوہدے خاندان دے لئی خدا دی سزا توں بچن دے لئی واحد راہ سچے طور تے ایمان لیہیا کے تبدیل ہون دے ذریعے توں سی۔ اُوہناں نے اصل وِچ تبدیلی دا تجربہ کیتا سی۔ تہاڈے بارے چہ کی خیال اے؟

اُو کینج بچا لیہئے گئے سن؟ عبرانیوں11: 7 وِچ، سانوں دسیا گیا اے کہ ایہہ ’’ایمان دے وسیلے‘‘ توں ہویا سی۔ تہانوں مکمل طور نال تے کُلی طور تے خداوند یسوع مسیح تے یقین کرنا چائیدا اے (حوالہ ویکھو اعمال16: 31)۔

نوح تے اُوہدے خاندان دے لئی خدا دی سزا توں بچن دے لئی واحد راہ سچے طور تے ایمان لیہیا کے تبدیل ہون دے ذریعے نال سی۔ اُوہناں نے اصل وِچ تبدیلی دا تجربہ کیتا سی۔ تہاڈے بارے چہ کی خیال اے؟

اُو کینج بچا لیہئے گئے سن؟ عبرانیوں 11: 7 وِچ، سانوں دسیا گیا اے کہ ایہہ ’’ایمان دے وسیلے‘‘ توں ہویا سی۔ تہانوں مکمل طور نال تے کُلی طور تے خداوند یسوع مسیح تے یقین کرنا چائیدا اے (حوالہ ویکھو اعمال16: 31)۔ لیکن ایس توں پہلاں کہ تُسی جان بچائے جان دے لئی یسوع تے ایمان لیہیاؤ، تہانوں گناہ تے بے بسی دے اِک احساس دے تحت آنا چائیدا اے۔ جیہڑا تہانوں مسیح نوں چاہن دے لئی تیار کردا اے۔

ہُن، نوح دے زمانہ وِچ تقریباً ہر کوئی تہانوں دس چکیا ہووے گا کہ اُوہناں دا ایمان سی۔ آخر کو، اُو یہوواہ دا ناں لے کے دعا منگا کردے سن، اُوہناں نے دعاواں منگیاں سن (پیدائش4: 26)۔ اُو تہانوں کہین گے کہ اُوہناں دا ایمان سی۔ مگر اُوہناں دا مسیح وِچ حقیقی، جان بچان آلا ایمان نئیں سی۔ تُسی کیویں جانندے اُو؟ پیدائش، سات باب پہلی آیت کھولو:

’’تے خداوند نے نوح نوں کہیا، توں اپنے سارے خاندان دے نال کشتی وِچ ٹر جا کیوں جے میں ایس نسل وِچ تیہنوں ای راستباز پایا اے‘‘ (پیدائش7: 1)۔

خداوند نے کہیا، ’’میں ایس نسل وِچوں تیہنوں ای راستباز پایا اے۔‘‘ ایہہ منسوب کیتی گئی راستبازی اے۔ نوح نوں یسوع وِچ ایمان دے وسیلے توں خدا نے اِک ’’راستباز دی حیثیت‘‘ نال ویکھیا سی۔ نوح دا قبل ازیں متجسم مسیح وِچ ایمان سی۔ چونکہ اُوہدا یسوع وِچ ایمان سی تے خدا نے نوح نوں راستباز قرار دے دِتا سی۔ رومیوں4: 5 آیت کہندی اے:

’’مگر جیہڑا شخص اپنے کم تے نئیں بلکہ بے دیناں نوں راستباز ٹھہران آلے خدا تے ایمان رکھدا اے، اُوہدا ایمان اُوہدے لئی راستبازی گِنیا جاندا اے‘‘ (رومیوں4: 5).

جدوں تُسی مکمل طور تے یسوع مسیح وِچ پرہوسا کردے اُو، تے خدا تہانوں اِک راستباز شخص دی حیثیت نال شمار کردا اے، جیہڑا مسیح دی منسوب کیتی ہوئی راستبازی دے ذریعے توں ہوندا اے۔

نوح ایس لئی نئیں بچایا گیا سی کیوں جے اُو نیک سی۔ جی نئیں! جی نئیں! خدا نے کہیا سی،

’’میں ایس نسل وِچ تیہنوں ای راستباز پایا اے‘‘ (پیدائش 7: 1)۔

خدا نے اُوہنوں اِک راستباز دی حیثیت نال ویکھیا سی کیوں جے اُوہدا یسوع وِچ ایمان سی (حوالہ ویکھو عبرانیوں11: 7) ’’ایمان دے وسیلے توں!‘‘ ’’ایمان دے وسیلے توں!‘‘ ’’ایمان دے وسیلے توں!‘‘ عبرانیوں11: 7 سانوں دسدی اے کہ نوح ایمان دے وسیلے توں بچایا گیا سی! خدا نے اُوہنوں اِک راستباز دی حیثیت نال ویکھیا سی کیوں جے اُوہدا خدا دے قبل ازیں متجسم بیٹے وِچ ایمان سی۔

تے نوح تے اُوہدا خاندان کشتی وِچ آیا سی کیوں جے اُوہناں دے ایمان نے اُوہناں نوں خدا دی فرمانبرداری کرن دے لئی تحریک دِتی سی۔ خدا نے کہیا، ’’توں اپنے پورے خاندان دے نال کشتی وِچ ٹر جا‘‘ (پیدائش7: 1)۔ ایہہ یسوع مسیح وِچ آن دی اِک تصویر اے۔ یسوع نے کہیا:

’’میرے کول آؤ… تے میں تہانوں آرام بخشاں گا‘‘ (متی 11: 28).

ایہہ ای اے جیہرا میں چاہنا واں کہ تُسی کرو۔ میں چاہنا واں کہ تُسی یسوع مسیح وِچ آؤ بالکل جیویں نوح کشتی وِچ آیا سی۔ مسیح صلیب تے تہاڈے گناہواں دی ادائیگی دے لئی مریا سی۔ مسیح نے آپ کے گناہ دھون دے لئی اپنا لہو وگایا سی۔ مگر مسیح واپس آسمان وِچ اپنے مُردیاں وِچوں جی اُٹھن دے بعد چلا گیا سی۔ مگر تُسی اینج اُوس ویلے تیکر نئیں کر سکدے جدوں تیکر کہ تُسی گناہ دے اِک گہرے احساس دے ذریعے توں دب نئیں جاندے تے ٹوٹ نئیں جاندے، اُو گناہ جیہڑا تہانوں خدا توں علیحدہ کر دیندا اے، اُو گناہ جیہڑا تہاڈی جان نوں ہمیشہ دے لئی جہنم وِچ کوسدا رئے گا۔ تہانوں گناہ دے اِک تیز، اذیت دین آلے احساس نوں قبول کرنا چائیدا اے ورنہ تُسی مسیح دی کشتی وِچ داخل نئیں ہو پاؤ گے۔

فیر، تہانوں براہ راست مسیح دے کول آنا چائیدا اے۔ بالکل جیویں نوح براہ راست کشتی وِچ آیا سی، تہانوں براہ راست مسیح وِچ آنا چائیدا اے۔ میں دعا منگنا آں کہ تُسی اینج کرو گے۔ جدوں تیکر تُسی اینج نئیں کرو گے تُسی آن آلی سزا وِچ تباہ کر دِتے جاؤ گے۔

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔