ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیت ایہناں لفظاں دے نال ختم ہوندی اے، ’’اُونج ای ابنِ آدم دی آمد دے ویلے ہووے گا‘‘ (متی24: 37)۔ بائبل تعلیم دیندی اے کہ خداوند یسوع مسیح آسمان دے بدلاں وِچ فیر توں واپس آ رہیا اے۔ یسوع نے کہا:

’’میں واپس آ کے تہانوں اپنے نال لے جاواں گا تاکہ جیتھے میں ہوواں تُسی وی ہوو‘‘ (یوحنا 14:3).

یسوع آسمان چہ واپس چُک لہیا گیا سی، ایہہ گل نظر آندی اے تے واقعی چہ اینج ہویا سی۔ شاگرد اُوہنوں زمین توں اُٹھدا ہویا ویکھ سکدے سن۔ اُوہدا مُردیاں وِچوں جی اُٹھیا جسم بُلند ہویا تے بدلاں چہ غائب ہو گیا۔ فیر بائبل کہندی اے:

’’جدوں اُو ٹِکٹکی بنہے اُوہنوں آسمان وَل جاندے ہوئے ویکھ رئے سن تے ویکھو دو مرد سفید لباس وَچ اُوہناں دے کول آن کھلوتے تے کہن لگے، اے گلیلی بندیو! تُسی کھلوتے کھلوتے آسمان وَل کیوں تک رئے اُو؟ ایہو ای یسوع جیہڑا تہاڈے کولوں آسمان تے چُکیا گیا اے، اینج ای فیر آئے گا جیویں تُسی لوکاں نے ایہنوں آسمان تے جاندے ہوئے ویکھیا اے‘‘
     (اعمال 1:10۔11).

ایس تلاوت دے الفاظ واضح تے اصلی نے: ’’ایہو ای یسوع … اینج ای فیر توں آئے گا جیویں تُسی لوکاں نے ایہنوں آسمان وِچ جاندے ہوئے ویکھیا اے۔‘‘ یسوع زمین تے واپس اینج ای آئے گا جیویں اُو اُوتے گیا سی – بدلاں وِچوں دی! یسوع واپس ایہسے تھاں تے آئے گا – کوہ زیتون دی چوٹی تے۔ یسوع اُوسی مُردیاں وِچوں جی اُٹھے بدن دے نال آئے گا، اُوسی آسمان وِچوں اُوسی کوہ زیتون تے۔

ہُن، ایہہ گل سمجھنی بوہتی اہم اے کہ جدوں یسوع واپس آئے گا تے زمین کینج ہووے گی۔ یسوع نے سانوں دسیا کہ ایہہ نوح دے زمانے وگری ہووے گی! جدوں اُو واپس آئے گا تے چند ای حقیقی مسیحی لوکی ہون گے:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

I۔ پرانا عہد نامہ سانوں دسدا اے کہ مسیح فیر توں آئے گا۔

یسوع جدوں پہلی وری آیا سی تے لوکاں نے اُوہدے توں توقع کیتی سی کہ اُو اپنی بادشاہی قائم کرے گا۔ اُوہناں نے پرانے عہدنامے دے اُوہناں حوالیاں نوں نظر انداز کر دِتا سی جیہناں وِچ لکھیا سی کہ مسیحا نوں دُکھ چکنے پیہن گے تے مرنا پیہئے گا (حوالہ ویکھو اشعیا53؛ زبور22، وغیرہ)۔ لیکن اَج، ایہدے بالکل اُلٹ ہو چکیا اے – لوکی اُوہدی زمینی حیاتی تے موت دے بارے چہ بوہتا سوچدے نے لیکن اُوہدی جلالی آمد ثانی نوں نظر انداز کر دیندے نے۔ اُوہدیاں دوویں اُمیداں اہم نے۔ اُوہنوں صلیب تے مرنا ای سی تاکہ ساڈے گناہ معاف کیتے جا سکدے۔ اُوہنوں ایس زمین تے اپنی بادشاہت قائم کرن دے لئی فیر توں آنا ای چائیدا اے!

حنوک، جیہڑا آدم دے بعد ستویں پُشت توں سی اُوہنے مسیح دی آمد ثانی تے نوح دے دِناں وِچ منادی کیتی سی۔ مہربانی نال اپنی بائبل وِچوں یہوداہ، آیت چودہ کھولو۔ ایتھے پاک روح سانوں پیغام دیندا اے کہ حنوک نے عظیم سیلاب توں پہلاں منادی کیتی سی:

’’حنوک نے وی جیہڑا آدم توں ستویں پُشت وِچوں سی ایہناں دے بارے چہ پیشن گوئی [منادی] کیتی سی کہ ویکھو! خداوند اپنے لکھاں مقدساں دے نال آندا اے‘‘ (یہوداہ 14).

حنوک ایس حقیقت تے منادی کر رہیا سی کہ مُردیاں وِچوں جی اُٹھے مسیحی، جدوں یسوع زیتوں دے پہاڑ دی چوٹی تے بدلاں وِچ ہیٹاں آئے گا تے اُوہندے نال واپس آن گے۔ ’’دس ہزار‘‘ دُرست تعداد نئیں اے۔ ایہ بچائے گئے لوکاں دی ساری دی ساری آسمانی جماعت وَل اشارہ کردی اے۔ دس ہزار نمائندگی کرن آلی اِک عددد اے، جیس دا مطلب ہوندا اے ’’سارے دے سارے مقدسین۔‘‘ سارے دے سارے مُردیاں وِچوں جی اُٹھے ایماندار زیتون دے پہاڑ تے آسمان توں ہیٹاں نازل ہون گے، مسیح دے لئی دُنیا دی بادشاہتاں لین دے لئی۔

فیر حنوک نے کہیا مسیح تے اُوہدی پیروی کرن آلے آن گے،

’’تاکہ سارے لوکاں دا اِنصاف کرے تے سارے بے دیناں نوں سزا دا حکم دے، ایس لئی کہ اُوہناں نے بے دینی توں مجبور ہو کے بوہتے بے دینی دے کم کیتے نے۔ تے خداوند بے دینب گنہگاراں نوں وی سزا دا حکم دیوے گا کیوں جے اُوہناں بے دیناں نے اُوہدے خلاف بوہتی سخت گلاں کیتیاں نے‘‘ (یہوداہ 15).

جدون یسوع تے اُوہدی پیروی کرن آلے ایس زمین تے واپس آن گے، تے مسیح باغی قوماں دے خلاف شدید انصاف کرے گا تے سزا دا حکم دے گا۔

حنوک دے واعظ دا ایہہ موضوع رواج دے مطابق اپنا لہیا گیا سی، تے بعد وِچ حنوک دی غیرمستند کتاب وِچ نقل کیتا گیا سی۔ لیکن پاک روح نے ایہنوں ایتھے یہوداہ وِچ درج کیتا، ایہہ ظاہر کرن دے لئی کہ ایہہ اصل پیغام اے جیس دی حنوک نے عظیم سیلاب توں پہلاں منادی کیتی سی – مسیح دی آمدثانی دے بارے وِچ اِک پیغام!

ایوب نے بائبل دی قدیم ترین کتاب تحریر کیتی سی، جیہڑی موسیٰ دے زمانے توں وی پہلاں تقریباً 1520 قبل از مسیح وِچ لکھی گئی سی۔ مہربانی نال ایوب19: 25 آیت کھولیں۔ ایتھے اُو اے جیہڑا ایوب نے مسیح دی دوجی آمد دے بارے چہ کہیا:

’’میں جاننا آں کہ میرا نجات دہندہ زندہ اے، تے کہ اُخریلے ویلے اُو زمین تے کھلوتا ہووے گا۔ تے حالانکہ میرا جسم فنا ہو جائے گا، مین اپنے جسم سمیت ای خدا نوں ویکھاں گا، میں ای خود اُوہنوں ویکھاں گا خود اپنی اَکھاں نال میں اُوہدے تے نظر پاواں گا، کوئی ہُور نئیں۔ (اُوس گھڑی دے لئی) میرا دِل اندر ای اندر کیس قدر بے قرار ہو رہیا اے!‘‘ (ایوب 19:25۔27).

ایہہ آیات ظاہر کردیاں نے کہ ایوب انسانی بدن دے اصل وِچ مُردیاں وِچ جی اُٹھن وِچ یقین کردا سی۔ اُو ایہہ وی ظاہر کردیاں نے کہ اُو اصل وِچ یسوع مسیح دی جسمانی طور تے دوجی آمد وِچ یقین کردا سی۔ اُو مثبت طور تے قائل ہو چکیا سی کہ مسیح آئے گا تے ’’آخیرلا ویلے‘‘ تے زمین تے کھلوتا ہووے گا، بائبل وِچ استعمال کیتی گئی اصطلاح جیہڑی آخیرلے دِناں نوں واضح کردی اے۔ ایویں، ایوب نبی دی کتاب وِچ، جیہڑی کہ بائبل دی قدیم ترین کتاب اے، یسوع مسیح دی دوجی آمد دی واضھ طور تے تعلیم دِتی گئی اے۔

ایویں، اَسی آمدثانی دی ابتدائی ترین کیتے گئے تین تذکریاں وِچوں دو نوں ویکھ چکے آں: نوح دی منادی تے ایوب دی پیشن گوئی۔ لیکن ہُن آؤ مسیح دی آمد ثانی دے انتہائی ابتدائی ترین تذکرے تے نظر پائیے۔ اپنی بائبل پیدائش، تین باب، آیت پندرہ دے لئی کھولو:

’’تے میں تیرے تے عورت دے وِچکار، تے تیری نسل تے اُوہدی نسل دے وِچکار عداوت پاواں گا تے اُو تیرا سر کُچلے گا تے توں اُوہدی ایڑی تے کاٹے گا‘‘ (پیدائش 3:15).

خداوند نے ابلیس نال مسیح تے اژدھے دے وِچکار دو واضھ مختلف کشمکشاں دے بارے چہ گل کیتی۔ ’’عورت دا بیج‘‘ یسوع مسیح اے۔ پیدائش3: 15 سانوں دسدی اے کہ شیطان اُوہدی ’’ایڑی‘‘ نوں کاٹے گا۔ ایس پیشن گوئی نوں پورا کرن دے لئی کلوری دی صلیب تے مسیح دی ایڑی نوں ’’کُچلا‘‘ گیا سی۔ مگر پیشن گوئی دا دوجا حصہ مسیح دا ابلیس دے سر نوں کچلن دے بارے وِچ گل کردا اے۔ ایہہ اُوس ویلے تیکر نئیں ہووے گا جدوں تیکر مسیح زمین تے اپنی بادشاہت قائم کرن دے لئی فیر توں نئیں آندا تے ابلیس نوں اِک ہزار وریاں تیکر دے لئی بنھ نئیں دیندا (حوالہ ویکھو مکاشفہ20: 2)، تے فیر اُوہنوں ہمیشہ دے لئی گندھک تے اَگے دی جھیل وِچ سُٹ نئیں دیندا (مکاشفہ20: 10)۔

پیدائش3: 15 دی پہلی پیشن گوئی مسیح دے ذریعے توں صلیب تے پوری ہو گئی سی۔ دوجی پیشنگوئی اُوس ویلے پوری ہووے گی جدوں مسیح فیر توں آئے گا تے ابلیس نوں بنھے گا تے اُوہدا فیصلہ کرے گا۔ صحائف وِچ مسیح دی دوجی آمد دے بارے وِچ درج اے انتہائی پرانی پیش گوئی اے۔

ایویں، اَسی اُوس پیشنگوئی نوں ویکھ چکے آں جیہڑی خدا نے بوہتا عرصہ پہلاں دوجی آمد دے بارے چہ باغ عدن وِچ پیش کیتی سی، اَسی آمدثانی دی اُوس پیشن گوئی نوں ویکھ چکے آں جیس دی منادی عظیم سیلاب توں پہلاں حنوک نے کیتی سی تے اَسی اُوس پیشنگوئی نوں وی ویکھ چکے آں جیہڑی موسیٰ دے زمانے توں پہلاں ایوب نبی دے ذریعے توں دوجی آمد دے بارے وِچ کیتی گئی سی۔

ہُن، زکریا، چودہ باب دی چوتھی آیت نوں ویکھو:

’’اُوس دِن اپو کوہِ زیتون تے جیہڑا یروشلم دے مشق وِچ اے کھڑا ہووے گا تے کوہِ زیتون وِچکار توں دو حصیاں وِچ پھٹ جائے گا تے مشرق توں مغرب تیکر اِک وڈی وادی ہو جائے گی کیوں جے اَدھا پہاڑ شمال وَل سرک جائے گا تے اَدھا جنوب نوں۔ تُسی میرے پہاڑ دی وادی توں نٹھو گے کیوں جے ایہہ آضل تیکر ودھ جائے گی۔ جیس طرح تُسی شاہ یہوداہ عزیاہ دے عہد وِچ زلزے توں نٹھے سی۔ تے فیر خداوند میرا خدا آئے گا تے سارے مقدس لوکی اُوہدے نال ہون گے‘‘ (زکریاہ 14:4۔5).

ٹِم لا ہائی دی مطالعۂ بائبل دی پیشن گوئی Tim LaHaye Prophecy Study Bible ایہہ تبصرہ پیش کردی اے:

زکریاہ تباہ کُن جنگ وِچ مسیحا دی حتمی فتح دی پیشن گوئی کردا اے جدوں غیر قوماں، دشمنِ مسیح [دجال] دی رہنمائی وِچ یسوع مسیح دی دوجی آمد دے موقع تے شکست کھان گئیاں۔ زکریا خداوند نوں جدوں اُو واپس آندا اے کوہِ زیتون تے کھلوتا ہویا ویکھدا اے۔ بالکل اُوسی تھاں تے جیتھے یسوع آسمان وِچ واپس چکیا گیا سی، اُو فیر توں واپس آئے گا، تے ایس وری پہاڑ دو حصیاں وِچ پھٹ جائے گا، جیہڑا بحیرہ روم [سمندر] توں لیکر بحیرۂ مُردار تیکر اِک بوہتا وڈا شگاف وادی تخلیق کر دیوے گا (زکریاہ14:1۔8 تے غور طلب گل)۔

زکریاہ نے مسیح دی آمد ثانی دے بارے وِچ ایہہ الفاظ پرانے عہد نامے دی آخیر وِچ درج کیتے سن۔

ہپں ملاکی، باب تین آیت اِک نوں سنو۔ ایتھے سانوں دسیا گیا اے،

’’خداوند جیس دے تُسی طالب ہو ناگہاں اپنی ہیکل وِچ آ جائے گا‘‘ (ملاکی 3:1).

ایہہ پرانے عہدنامے دی آخری کتاب اے، تے ایہہ مسیح دی آمدثانی دے بارے چہ واضح پیغام پیش کردی اے۔

ایس آیت نوں زکریاہ 14: 4۔5 دے نال اِکٹھا کرن نال، اَسی ویکھنے آں کہ مسیح کوہ زیتون دی چوٹی تے آسمان توں فیر توں واپس ہیٹاں آئے گا، تے اُو فیر توں پہاڑ توں ہیٹاں اُترے گا کیدرون دی جھیلBrook Kedron نوں پار کر کے، اُتے کوہ زیتون دے پہلو وِچ، تے اُوس ہیکل وِچ جائے گا جیہڑی وڈی مصیبتاں دے زمانے چہ تعمیر کیتی گئی سی۔

اپنی زمینی منادی دے دوران، مسیح نے ہیکل نوں دو وری پاک کیتا سی، اِک وری اپنی منادی دے شروع وِچ (یوحنا2: 13۔17) تے دوجی وری اپنی زمین حیاتی دے اَخیر وِچ (متی21: 12۔13)۔ دوویں ایں معاملیاں وِچ اُوہنے صرافیاں تے کبوتر فروشاں دیاں میزاں اُلٹ دِتیاں۔ اُوہنے اِک کوڑا بنایا تے اُوہناں ساریاں نوں پیھڈاں تے بیلاں دے نال نال ہیکل توں نٹھا دِتا۔ اُوہنے کہیا، ’’میرا گھر دعا دا گھر کہلائے گا لیکن تُسی ایہنوں ڈاکوواں دا اڈا بنا رکھیا اے‘‘ (متی21: 13)۔ بلاشک و شبہ یسوع اینج دے ای کم کرے گا، تے اینج دے ای الفاظ ادا کرے گا، جدوں اُو اپنی دوجی آمد تے ’’اچانک ہیکل وِچ آئے گا‘‘ (ملاکی3: 1)۔

II۔ نیا عہدنامہ وی سانوں دسدا اے کہ مسیح فیر توں واپس آئے گا۔

یسوع نے کہیا:

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

مسیح نے تعلیم دِتی کہ اُو فیر توں آ رہیا اے۔ جے تُسی متی24 تے 25 باب تے لوقا21 باب پڑھو تے تسی ویکھو گے کہ اہم گلاں جیہڑیاں یسوع نے ایہناں باباں وِچ کیتیاں اُو اُوہدی آمد دی علامتاں سن، تے اصل وِچ اُو خود دوجی آمد دی علامتاں سن۔ اُوس انتہائی اَخیرلے واعظ وِچ جیہڑا یسوع نے پانے شاگرداں نوں دِتا، اُوہنے کہیا:

’’میں فیر توں واپس آواں گا‘‘ (یوحنا 14:3).

اُو انتہائی پہلا وعدہ جیہڑا فرشتیاں نے اُوس [یسوع] دے آسمان چہ ٹر جان دے بعد کیتا سی، ’’ایہو ای یسوع… اینج ای او فیر توں آئے گا جیویں تُسی لوکاں نے ایہنوں جاندے ہوئے ویکھیا اے‘‘ (اعمال1: 11)۔

مسیح دی آمد ثانی دی تعلیم نئے عہدنامے وِچ سارے مراسلیاں وِچ دِتی گئی اے۔ مہربانی نال 1کرنتھیوں، پندرہ باب تے اِکیاون آیت کھولو:

’’ویکھو، میں تہانوں اِک راز دی گل دسنا آں۔ اَسی سارے موت دی نیند نئیں سوواں گے لیکن بدل ضرور جاواں گے۔ ایہہ پلک جھپکدے ای ہو جائے گا یعنی اِک دم جدوں آخیرلا نرسنگا پھونکیا جائے گا۔ کیوں جے سارے مُردے نرسنگے دے پھونکے جان تے غیرفانی جسم پاک کے زندہ ہو جان گے تے اَسی سارے بدل جاواں گے‘‘ (1۔ کرنتھیوں 15:51۔52).

پھر 1تسالونیکیوں، چار باب آیت سولہ وِچ:

’’کیوں جے خداوند آپئے وڈی للکار تے مقرب فرشتہ دی آواز تے خدا دے نرسنگے دے پھونکے جان دے نال آسمان توں ہیٹاں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہون گے اُوہناں دے نال بدلاں وِچ چُک لیہئے جان گے تاکہ ہوا وِچ خداوند دا اِستقبال کریے تے ہمیشہ اُوہدے نال رہیے‘‘ (1۔ تسالونیکیوں 4:16۔17).

1یوحنا، تین باب، آیت دو وِچ فیر توں:

’’عزیزو! ایس ویلے اَسی خدا دے فرزند آں لیکن ہُنے تیکر ایہہ ظاہر نئیں ہویا کہ ہُور کی ہوواں گے لیکن ایہنا ضرور جاننے آں کہ جدوں اُو ظاہر ہووے گا تے اَسی وی اُوہدی ای وانگوں ہوواں گے کیوں جے اَسی اُوہنوں اُونج دا ای ویکھاں گے جینج دا اُو اے۔ تے جیہڑا کوئی اُوہدے توں ایہہ اُمید رکھدا اے کہ اُو اپنے آپ نوں پاک رکھدا اے، جیویں کہ اُو پاک اے‘‘ (1۔ یوحنا 3:2۔3).

نئے عہدنامے وِچ مسیح دی آمد ثانی تے صحائف دے دوجے بے شمار حوالے نے، لیکن میں ایس پیغام نوں ختم کرن وِچ اُوہناں وِچوں صرف دو نوں پیش کراں گا۔

پہلا حوالہ مکاشفہ، بائیس باب اُوہدی بیسویں آیت وِچ اَسی یسوع دے آخیرلے ریکارڈ کیتے گئے لفظاں نوں پڑھنے آں:

’’ایہناں گلاں دی گواہی دین آلی فرماندا اے کہ بے شک میں چھیتی آن آلا واں، آمین! اے خداوند یسوع، آ‘‘ (مکاشفہ 22:20).

تے واعظ نوں ختم کرن دے لئی سُنو جیہڑا یسوع نے کہیا:

’’پس تُسی وی تیار رہوو کیوں جے جیس گھڑی تہانوں خیال تیکر نہ ہووے گا ابنِ آدم آ جائے گا‘‘ (لوقا 12:40).

جے تسی مسیح وِچ ایمان لیہیا کے تبدیل نئیں ہوئے اُو تے تُسی اُوہدی آمد دے لئی تیار نئیں اُو۔ تہانوں مسیح وِچ ایمان لیہیا کے تبدیل ہو جانا چائیدا اے ورنہ تُسی جدوں مسیح آئے گا تے اُوہنوں ملن دے لئی تیار نئیں ہوو گے۔ مسیح وِچ ایمان لیہا کے تبدیل ہون دے لئی تہانوں اپنی گناہ توں بھرپور طرز حیاتی توں مُنہ موڑنا ہووے گا تے یسوع وَل رُخ کرنا ہووے گا۔ فیر اُوہدا لہو تہاڈے گناہواں نوں دھو ڈالے گا تے تُسی خداوند دی بادشاہت دے لئی تیار ہو جاؤ گے۔

اَج بے شمار لوکی مسیح وِچ ایمان لیہیا کے تبدیل نئیں ہوئے نے۔ بے شمار لوکی مسیح دی آمد دے لئی تیار نئیں ہون گے۔

’’جیویں نوح دے دِناں چہ ہویا سی اُونج ای ابنِ آدم دی آمد دے ویلے ہووے گا‘‘ (متی 24:37).

ایس گل نوں یقینی بناؤ کہ تُسی نئے سرے توں جنم لے لہیا اے۔ ایہہ ای مسیح دی واپسی دے لئی تیار رہن دا طریقہ اے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔