ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مینوں یقین اے کہ اَسی ہُن ایس ویلے چہ رہ رئے آں جیس دے بارے چہ یسوع نے کلام پاک دی ایس آیت چہ کہیا سی۔ ساڈے زمانے تے نوح دے زمانے دے وِچکار اِک بہوتی وڈی مماثلت اے۔ یسوع نے کہیا کہ زمین تے حالات نوح دے زمانے وانگوں ہون گے جیویں مسیح دی واپسی تے دُنیا دے ختم ہون توں پہلاں سن۔

جیہڑا نوح دے زمانے چہ سی اُونج ای ہووے گا جدوں ایس زمانے دا خاتمہ آئے گا۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی24: 37)۔

اَسی نو طریقیاں نوں ویکھیا اے جِنہاں وِچ نوح دے دِن ساڈے زمانے نال ملدے جُلدے سن:

(1)  ایہہ اِرتداد دا زمانہ سی، جدوں زیادہ تر لوکی خدا کولوں مُنہ موڑ چکے سن۔

(2)  ایہہ وسیع سفر دا ویلہ سی، جدوں لوکی زمین تے گھومدے پھردے سن۔

(3)  ایہہ اُو ویلہ سی جدوں لاتعداد لوکاں نے ناقابلِ معافی گناہ دا اِرتکاب کیتا، تے خدا وَلوں چھڈ دِتے گئے۔

(4)  ایہہ اِک توں بوہتی شادیاں دا زمانہ سی، جدوں لوکی اِک توں بوہتی شادیاں کردے سن۔

(5)  ایہہ اُو ویلہ سی جدوں بدروحواں دا قبضہ وڈے پیمانے تے ہوندا سی۔

(6)  ایہہ اُو ویلہ سی جدوں روئے زمین تے بُرے خیالات دا غلبہ سی۔

(7)ایہہ اُو ویلہ سی جدوں جسمانی [لذت آلی] موسیقی دا غلبہ سی۔

(8) ایہہ زبردست تشدد تے قتل و غارت دا زمانہ سی۔

ایہہ اُو ویلہ سی جدوں مضبوط تبلیغ نوں رد کر دِتا گیا سی۔

ایہہ سارا کُج ساڈے زمانے وِچ، پچھلی کئی دہائیاں چہ دہرایا گیا اے۔ ایس لئی مینوں یقین اے کہ اَسی ہُن اُوس ویلے چہ رہ رئے آں جیس دے بارے چہ یسوع نے کہیا سی:

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی24: 37)۔

اَج دی دوپہر میں تہاڈی توجہ اِک ہُور طریقہ وَل دلاںاں چاہنا آں کہ کیویں ساڈا زمانہ ںوح دے زمانے نال مِلدا اے۔

براہِ کرم اپنی بائبل چہ پیدائش، چار باب، پچیسویں آیت نوں کھولو:

’’تے فیر آدم وی اپنی ووہٹی دے کول گیا تے اُوہدے ہاں بیٹا پیدا ہویا تے اُوہدا ناں سیت رکھیا تے کہیا: خدا نے مینوں ہابل دی تھاں جِنہوں قائین نے قتل کیتا دوسرا فرزند عطا فرمایا۔ سیت دے ہاں وی اِک پُتر پیدا ہویا تے اُوہنے اُوہدا ناں انوس رکھیا۔ اُوس ویلے توں لوکی یہوواہ دا ناں لے کے دعا کرن لگے‘‘ (پیدائش4: 25)۔

ایس آیت نوں سمجھن چہ ساڈی مدد کرن دے لئی، میں تین سوالات پُچھاں گا۔

I۔ سب توں پہلاں، کی لوکاں دے دو گروہ سن، اِک ’’خدائی نوں منن آلا‘‘ تے اِک ’’بے دینی نوں مانن آلا‘‘؟

ساڈے وِچوں بہتیرے لوکاں نوں سکھایا گیا اے کہ سیلاب دے ویلے زمین تے لوکاں دے دو گروہ سن، ’’خدائی‘‘ نوں مانن آلے جیہڑے سیت دی اولاداں وِچوں سن، تے بے دینی نوں مانن آلے جیہڑے قائین دی اولاداں وِچوں سن۔ سیکوفیلڈ دا مطالعۂ بائبل The Scofield Study Bible پیدائش، باب چھ، آیت چار تے اپنی غور طلب گل سانوں ایہو ای سکھاندی اے:

یکساں عبرانی تے مسیحی تشریح ایہہ کہندی رئی اے کہ آیت 2 سیت دی خدائی نوں مانن آلے لوکاں تے قائین دی بدینی نوں مانن آلے لوکاں دے درمیان علیحدگی نوں ٹوٹن دی نشاندہی کراندی اے، تے ایویں ای یہوواہ دی گواہی دی ناکامی سیت دے لوکاں دے نال وابستہ اے۔

میں کئی وریاں تیکر ایس تشریح تے یقین کردا رہیا۔ جدوں کہ سیکوفیلڈ دی غور طلب گل کہندی اے کہ ایہہ ’’یکساں عبرانی تے مسیحی تشریح‘‘ اے، ایہہ ڈاکٹر میر ایف اُونگر، یا ڈاکٹر ایم آر ڈیحان (حوالہ ویکھو ایم آر ڈیحان، ایم ڈیMr. R. DeHaan, M.D.، ںوح دا زمانہ The Days of Noah،ژونڈروان Zondervan، 1963، صفحہ 139-151) ) دی تشریح نئیں سی۔ ڈاکٹر ڈیحان نے کہیا:

ایس عجیب و غریب بیان دی دو تشریحات نے [پیدائش 6:1-7 میں]۔ خدا دے پُتراں تے آدمیاں دی دھیہیاں دے مِلاپ دی عام طور تے قبول شدہ وضاحت ایہہ اے کہ پہلے لوکی سیت دی خدا پرست اولاد سن، تے مرداں دی دھیہیاں شریر قائین دی اولاد سن۔ ڈاکٹر سی آئی سیکوفیلڈ Dr. C. I. Scofield نے ایس حوالے تے اپنی غور طلب گل چہ ایس عام طور تے قبو شدہ نظریہ دا خلاصہ کیتا اے…
ایہہ نوح دے زمانے چہ ایہناں جنات دی پیدائش دا عام طور تے قبول شدہ نظریہ اے۔ تاہم، اَسی محسوس کرنے آں کہ ایہہ وضاحت مکمل طور تے غلط اے تے ایہہ کہ خدا دے پتر درحقیقت ڈِگے [آسمان توں کڈے] ہوئے فرشتے سن، لفظی شیاطین جِنہاں نے انساناں دی دھیہیاں دے مافوق الفطرت تصور نال جنات کہلان آلے شیطاناں دی اِک نسل پیدا کیتی سی…
جدوں اَسی بے شمار لوکاں دے ایس استدلال دا جائزہ لیہنے آں کہ ایس توں مُراد سیت دی خدا پرست اولاد (ساریاں عورتاں) تے قائین دے بے ایمان اولاد (سارے مرد) دی شادی اے، تے سانوں معلوم ہوندا اے کہ ایہہ قریبی جانچ دے تحت قائم نئیں ہوسکدا، کیوں جے ایہہ بوہتی زیادہ مشکلات تے مسائل نوں پیش کردا اے۔ جے حوالہ سیت دی خدا پرست دھیہیاں تے قائین دے بے دین پتراں دا اے تے سانوں وضاحت کرنی چائیدی اے:

1. ایہہ مِلاپ صرف سیت دی اولاداں وِچوں عورتاں دے نال تے قائین دی اولاداں وِچوں مرداں دے وچکار ای کیوں سی تے کیوں سیت دی نسلاں وِچوں (مرداں دے پتراں) تے قائین دی نسلاں وِچوں عورتاں (خدا دی دھیہیاں) دے وِچکار نئیں سی۔

2. کی سیت دی ساریاں اولاداں عورتاں تے قائین [دی ساریاں اولاداں] مرداں دی سن؟ کی سیت دی ساریاں اولاداں مومنین تے قائین دی ساریاں اولاداں کافر سن؟

3. اَسی جنات دی پیدائش، وڈے قد دے تے غیہر معمولی ذہانت دے حامل انساناں نوں، ایمانداراں دے نال کافراں دے مِلاپ دے نتیجے دا کیویں حساب دینے آں؟ … تے فیر اَسی ایس حقیقت دا حساب کیوں لیواں گا کہ پیدائش6 باب وِچ ایس ملاپ نال ہون آلی اولاداں ایہہ غیر معمولی انسان سن جِنہاں نوں جنات کہیا جاندا اے؟

4. جے خدا دے ایہہ پُتر خدا پرست سیت دی اولاد سن تے انساناں دی دھیہیاں شریر قائین دی اولاد سن، تے ایس دا قطعی مطلب ایہہ نئیں اے کہ ایہناں دی مخلوط شادی اِک وڈا گناہ سی جیس نے سیلاب دے فیصلے نوں جنم دِتا۔ ایہہ محض انساناں دی مخلوط شادی دا غیر مساوی جوڑا نئیں ہو سکدا سی۔

صرف ایہہ حقائق ای عام طور تے قبول شدہ وضاحت نوں ناقابلِ قبول بنا دیندے نے۔ (ایم آر ڈیحان، ایم ڈی۔ M. R. DeHaan, M.D.، نوح دا زمانہThe Days of Noah، ژونڈروان Zondervan، 1963، صفحات140۔142)۔

ڈٓاکٹر ڈیحان نے پیدائش 6: 4 دے بارے چہ بالکل اُوہی موقف اِختیار کیتا جیویں کہ میرل ایف اُونگر، پی ایچ ڈی، ٹی ایچ ڈی، ڈیلاس تھیولوجیکل سیمنری وِچ عہدنامہ قدیم دے مرحوم پروفیسر نے اِختیار کیتا سی (حوالہ ویکھو پرانے عہدنامے تے اُونگر دا تبصرہ Unger’s Commentary on the Old Testament، موڈی پریسMoody Press، 1981، جلد 1، صفحہ 36-37)۔ مینوں یقین اے کہ ڈاکٹر اُونگر تے ڈاکٹر ڈیحان نے جیہڑا کُج کہیا سی اُو صحیح سی۔

II۔ دوجی گل، کی مسیح پرست اولاداں نوں نام نہاد کہلائی جان آلی ’’خدا پرست اولاداں‘‘ دے نال اُلجھایا گیا اے؟

ناں نہاد کہلائی جان آلی ’’سیت دی خدا پرست اولاداں‘‘ پیدائش6: 4 دی جھوٹ تے مبنی سمجھ دی بنیاد تے اے، تے لوقا3: 23۔38 وِچ دِتی گئی مسیح پرست اولاداں دے وِچکار تے نام نہاد کہلائی جان آلی ’’خدا پرست اولاداں‘‘ دے وِچکار اِک اُلجھن تے مبنی اے۔ جے پیدائش6: 4 وِچ ’’سیت دی خدا پرست اولاداں‘‘ دا حوالہ نئیں دِتا گیا اے تے نوح دے زمانے وِچ ’’دیندار‘‘ لوکاں دے اینج دے گروہ دے لئی کوئی صحیفائی حمایت نئیں اے۔ تہاڈے نال صرف مسیح پرست اولادیں رہ گئیاں نے، تے کوئی دیندار گروہ موجود نئیں اے۔ مسیح پرست اولاداں فی نسل صرف اِک فرد تے مشتمل اے! ایہہ لوکاں دی کوئی نام نہاد کہلائی جان آلی ’’دیندار اولاداں‘‘ تے مشتمل نئیں اے۔

میں کہنا واں کہ مسیح پرست اولاداں ہر نسل وِچ صرف اِک بندے تے مشتمل سن۔ سانوں پیدائش، باب پنج وِچ ایہو ای پیش کیتا گیا اے۔ جے تہانوں لگدا اے کہ میں غلط آں تے اپنے آپ کولوں پوچھو کہ کی میں نوح دے بارے چہ غلط آں! نوح مسیح پرست اولاداں دے سلسلے وِچوں واحد بندہ سی جیہڑا بچایا گیا سی (حوالہ ویکھو، پیدائش5: 29-32؛ 6: 8؛ II پطرس2: 5)۔ بائبل خاص طور تے سانوں دسدی اے کہ خدا نے ’’اَٹھویں بندے نوں نوں بچایا… بے دیناں دی دُنیا تے سیلاب لیہایا‘‘ (2۔ پطرس2: 5)۔ ایہہ آیت سانوں وکھاندی اے کہ سیلاب وِچ صرف اَٹھ لوکی بچائے گئے سن، تے باقی سارے ’’بے دین‘‘ سن۔ ایس توں ایہہ گل بالکل واضح ہو جاندی اے کہ سیت دی کوئی ’’دیندار اولاداں‘‘ نئیں سن۔ نوح دے زمانے وِچ ایہو جئی ’’اولاداں دا سلسلہ‘‘ موجود نئیں سی! ایہنوں مفسراں نے ایجاد کیتا اے تے خدا دے کلام وِچ نئیں مِلدا!

جے تہانوں دو شیواں دا احساس ہووے تے سیت دی ’’دیندار اولاداں‘‘ غائب ہو جاندیاں نے:

(1)   مسیح پرست اولاداں، جیہڑیاں پیدائش پنجویں باب چہ دِتی گئیاں نے، ہر نسل وِچوں صرف اِک بندے تے مشتمل نے، جیس دا ناں پیدائش پنجویں باب وِچ اے۔

(2)   خدا دے پُتر تے لوکاں دیاں دھیہیاں آسیباں تے انسانی عورتاں دا حوالہ دیندے نے، نہ کہ کسی قائین دے ’’بے دین‘‘ یا سیت دی ’’دیندار اولاداں‘‘ دا حوالہ۔

میں ایس گل تے قائم آں کہ سیت دی ’’دیندار اولاداں‘‘ وگری کوئی گل نئیں سی۔ میں کہنا آں کہ ایہہ اِک غلط خیال اے، جِنہوں سیکوفیلڈ نے مقبول کیتا، تے [ایہہ گل] خود بائبل وِچ نئیں پائی جاندی۔ میں سیکوفیلڈ مطالعۂ بائبل Scofield Study Bible وِچ ہر گل دی مذمت نئیں کر رہیا آں۔ زیادہ تر غور طلب گلاں چنگیاں تے کلامی نے۔ میں ہر عبادت وِچ سیکوفیلڈ بائبل توں تبلیغ کرنا آں۔ لیکن ایہہ خاص تشریح میرے خیال چہ غلط اے۔

III۔ تیجی گل، ایہہ موضوع ایس قدر مبہم تے اُلجھا ہویا کیوں اے؟

میرے خیال چہ ایس دی دو بنیادی وجوہات نے:

(1)   اَج کل بُہتیرے لوکی آسیباں تے شیطان نوں سنجیدگی نال نئیں لیندے نے۔

(2)  نئے جنم دی تبلیغ دے بجائے اِک سطحی، ’’فیصلہ کُن‘‘ تشریح و تفسیر کیتی گئی اے۔

پہلی وجہ ایہہ اے کہ ’’سیت دی دیندار اولاداں دے سلسلے – قائین دے بے دین اولاداں دے سلسلے نوں اپنایا گیا سی کیوں جے آسیباں تے شیطان نوں بُہتیرے لوکی سنجیدگی نال نئیں لیندے سن۔ کیا! کی اَسی ایہہ من لیہیے کہ انسانی تاریخ دی سب توں وڈی تباہی بائبل وِچ درج شیطانی سرگرمیاں دا ذکر کیتے بغیر ہوئی؟ میں ایہدے تے یقین نئیں کر سکدا۔ واضح طور تے، شیطان نوح دے دِناں وِچ دُنیا چہ کم کر رہیا سی۔ اِک روحانی بندہ ایہنوں پیدائش6: 4 وِچ ویکھ سکدا اے،

’’اُوہناں دِناں چہ زمین تے وڈے قدآور تے مضبوط لوکی موجود سن؛ بلکہ بعد چہ وی سن، جدوں خدا دے پُتر انساناں دی دھیہیاں دے کول گئے تے اُوہناں توں اولاد پیدا ہوئی۔ ایہہ قدیم زمانے دے سورما تے وڈے نامور لوکی سن‘‘ (پیدائش6: 4)۔

ڈلاس تھیولوجیکل سیمنری دے ڈاکٹر میرل ایف انگر نے نشاندہی کیتی کہ ایہہ ’’[آسمان توں] ڈِگے ہوئے [گمراہ] فرشتیاں دے نال مل کے رہن دے انسان دے گناہ‘‘ نوں بیان کردا اے۔ (پرانے عہد نامے تے اُونگر دا تبصرہUnger’s Commentary on the Old Testament، صفحہ 36)۔ لیکن ڈاکٹر سیکوفیلڈ نے کہیا کہ ایہہ ناممکن اے کیوں جے ’’فرشتیاں دے بارے چہ بے جنس طریقے نال گل کیتی جاندی اے‘‘ (پیدائش6: 4 تے غور طلب گل)۔ سیکوفیلڈ دا خیال متی 22: 30 تے مبنی اے، جیہڑا کہندا اے،

’’کیوں جے جدوں قیامت ہووے گی تے [لوکی] شادی بیاہ نئیں کرن گے بلکہ آسمان تے فرشتیاں وانگوں ہون گے‘‘ (متی22: 30)۔

لیکن ایہہ آیت صرف ’’آسمان چہ خدا دے فرشتیاں‘‘ دی گل کردی اے۔ ایہہ [آسمان توں] ڈِگے ہوئے [گمراہ] فرشتیاں دا کوئی ذکر نئیں کردی! ایس طرح، میں منناں آں کہ ڈاکٹر سیکوفیلڈ نے پیدائش6: 4 تے اپنی غور طلب گل وِچ متی 22 باب دا غلط حوالہ ایہہ کہہ کے دِتا، ’’شادی فرشتیاں وِچ انجانی گل اے۔‘‘ یسوع صرف آسمانی فرشتیاں دی گل کر رہیا سی!

شیطان تے آسیباں دی طاقت نوں گھٹ کرن نال، بہتیرے مبصراں نے لوکاں نوں ساڈے زمانے چہ شیطانی فریب دے خطرناک خطرے توں خبردار نئیں کیتا اے۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی24: 37)۔

دوجی گل، اِک سطحی ’’فیصلہ کُن‘‘ تشریح کیتی گئی اے۔ سیکوفیلڈ ’’سیت دی خدائی اولاداں دے سلسلے تے قائین دے بے دین اولاداں دے سلسلے‘‘ دے وِچکار علیحدگی دے ٹوٹ جان دے بارے چہ گل کردا اے، تے ایویں یہوواہ دی گواہی دی ناکامی سیت دی بے دین اولاداں دے سلسلے تے قائم اے‘‘ (پیدائش6: 4 تے سیکوفیلڈ دی غور طلب گل)۔ میں کہنا آں – ایہہ گل بکواس اے! جے تُسی پیدائش6: 4 آیت دی ایس غلط تشریح نوں توڑدے اُو تے ایس طرح دے خیال دی پشت پناہی کرن دے لئی کوئی الہٰامی صحیفہ نئیں اے۔

نیز، نجات ایس طرح پہلے مقام تے کم نئیں کردی اے! تُسی گرجا گھر دی بچاں نوں اِک دوجے نال شادی کرن تے گرجا گھر وِچ نہ آں آلے بچاں نوں اِک دوجے نال شادی کرن تے گرجا گھر نہ آن آلے بچیاں توں الگ رہن دے ذریعے کسی فرقے یا مقامی کلیسیا نوں ’’محفوظ‘‘ نئیں رکھ سکدے۔ ایہہ گل تے بالکل اینج اے جیہڑا فریسیاں نے سِکھایا، لیکن ایہہ بائبل دے لئی ؟غلط اے۔ بائبل ایہہ نئیں سِکھاندی اے کہ تُسی اُوہناں نوں کافراں نال شادی کرن توں روک کے اِک ’’دیندار اولاداں دے سلسلے‘‘ نوں ودھا سکدے اُو! نئیں! نئیں! نئیں! ہر ’’کلیسیا دے ہر اِک بچے‘‘ نوں فیر توں جنم لینا چائیدا اے(یوحنا3: 3، 7)۔ تخلیق نو دے بغیر علیحدگی فریسیاں دی تعلیم [فریسی ازم] نوں جنم دیندی اے ہُور کُج نئیں!

میں بوہتا ڈرنا آں کہ نوح دے دِناں وِچ ’’علیحدگی دی تنزلی‘‘ دے بارے چہ سیکوفیلڈ دی تعلیم ایہناں عقائد وِچوں اِک اے جیس نے ساڈے گرجا گھراں نوں مسیح وِچ ایمان نہ لیہائے ہوئے [غیر نجات یافتہ] ’’کلیسیا دے بچاں‘‘ نال بھرن چہ مدد کیتی اے۔ ایہناں بچیاں نے ’’یسوع نوں اپنے دِلاں وِچ آں نوں کہیا‘‘ تے ’’بُلاہٹ دے ویلے‘‘ تے اپنے ہتھ کھڑے کیتے – لیکن اُو ہُنے وی قائین دی اولاداں نے! اُو سطحی طور تے ہتھ چک کے یا کسی مشینی دعا دے طوطے وانگوں رٹے رٹائے الفاظ نوں ادا کر کے کسی نام نہاد کہلان آلی ’’سیت دی دیندار اولاداں دے سلسلے‘‘ وِچ شامل نئیں ہوئے! اُو بپتسمہ دین آلے گھر چہ پیدا ہو کے یا بپتسمہ دین آلے سکول چہ جا کے ’’سیت دی دیندار اولاداں دی سلسلے وِچ شامل نئیں ہوئے! اُو ہلے وی ’’قائین دے بے دین اولاداں دے سلسلے‘‘ وِچ نے – تے اُو ہُنے وی خدا دی سزا دے تحت آن گے۔ ’’جدوں تیکر اِک انسان نئے سرے توں جنم نئیں لیندا اُو خدا دی بادشاہی نوں نئیں ویکھ سکدا‘‘ (یوحنا3: 3)۔

میں سمجھنا آں کہ اَج بے شمار گرجا گھراں وِچ ایہدی منادی نئیں کیتی جا سکدی – کیوں جے ایہناں وِچوں بُہتیرے گرجا گھراں نوں ’’قائین دے بے دین اولاداں دے سلسلے‘‘ دے ذریعے کنٹرول کیتا جاندا اے – بشمول مُناد حضرات تے سنڈے سکول دے اِساتذہ – تے ایتھوں تیکر کہ کُج مبلغین وی! نیا جنم ساڈے بے شمار گرجا گھراں وِچ اِک غیر ملکی نظریہ اے جیویں وائٹ فیلڈ تے ویزلی دے دِناں وِچ انگلستان دے گرجا گھراں وِچ سی! وائٹ فیلڈ تے ویزلی دوواں نوں گرجا گھراں توں باہر کڈ دِتا گیا سی کیوں جے پادریاں نوں ڈر سی کہ ’’نئے جنم‘‘ تے ایہناں دے واعظ اُوہناں دے گرجا گھراں نوں تقسیم کر دین گے۔ ایہہ اَج کل بے شمار ’’قدامت پسند‘‘ گرجا گھراں وِچ سچ اے۔ ’’ساڈے کول نئے جنم تے مضبوط واعظ نئیں ہونے چائیدے نے،‘‘ اُو کہندے نے! لہٰذا، ساڈے زمانے وِچ انجیلی بشارت دے بے شمار لوکی گمراہ نے – جہنم چہ جا رئے نے!

تہانوں نئے سرے توں جنم لیہنا چائیدا اے، تہانوں نئے سرے توں جنم لیہنا چائیدا اے
میں بار بار تہانوں کہنا آں، تہانوں نئے سرے توں جنم لیہنا چائیدا اے
    (’’ تہانوں نئے سرے توں جنم لیہنا چائیدا اےYe Must Be Born Again‘‘ شاعر ولیم ٹی سلیپرWilliam T. Sleeper، 1819۔1904)۔

نوح دے زمانے دے لوکی مذھبی تے سن لیکن گمراہ سن۔ مہربانی نال پیدائش4: 26 آیت نوں ویکھو،

’’تے سیت دے ہاں وی اِک پُتر پیدا ہویا تے اُوہنے اُوہدا ناں انوس رکھیا۔ اُوس ویلے توں لوکی یہوواہ دا ناں لے کے دعا کرن لگے‘‘ (پیدائش4: 26)۔

’’ایہہ لوکی نماز پڑھ رئے سن۔ اُو خداوند دا ناں پکار رئے سن۔ لیکن ایہناں وِچوں شاید ای کوئی نجات پا سکیا۔ نام نہاد ’’سیت دی دیندار اولاداں دا سلسلہ‘‘ سیلاب چہ ڈُب گیا! اُوہناں نے خدا دا ناں پکاریا سی، لیکن اُو جہنم چہ ٹر گئے – ایہناں وِچوں لکھاں! حقیقت ایہہ اے کہ پوری دُنیا چہ صرف اَٹھ لوکی بچائے گئے! خدا

یہ لوگ نماز پڑھ رہے تھے۔ وہ خداوند کا نام پکار رہے تھے۔ لیکن ان میں سے شاید ہی کوئی نجات پا سکا۔ نام نہاد ’’سیت کی دیندار اولادوں کا سلسلہ‘‘ سیلاب میں ڈوب گیا! انہوں نے خُداوند کا نام پکارا تھا، لیکن وہ جہنم میں چلے گئے – ان میں سے لاکھوں! حقیقت یہ ہے کہ پوری دنیا میں صرف آٹھ لوگ بچائے گئے! خدا نے

’’اَٹھویں بندے نوح نوں بچایا… بے دیناں دی دُنیا تے سیلاب لیہایا‘‘ (2۔ پطرس2: 5)

تے ساڈے زمانے چہ – ایہہ ایسی طریقے نال فیر توں اے۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی24: 37)۔

’’بعد چہ باقع کنواریاں وی آ گئیاں تے کہن لگیاں، اے خداوند، اے خداوند، ساڈے لئی دروازہ کھول دے۔ لیکن اُوہنے جواب دِتا، سچ تے ایہہ اے کہ میں تہانوں جانندا اے نئیں۔ لہٰذا جاگدے رہوو کیوں جے تہانوں نہ تے اُوس دِن دا پتا اے نہ اُوس گھڑی دی خبر اے‘‘ (متی25: 11۔13)۔

میں تہانوں خبردار کرنا آں کہ ہںے جدوں کہ ویلہ باقی اے مسیح دے کول ٹرے آؤ! جیویں کہ اشعیا نبی ایہنوں تحریر کردا اے،

’’جدوں تیکر خداوند مل سکدا اے اُوہدے طالب رہو‘‘ (اشعیا55: 6)۔

تُسی اپنے پورے دِل تے دماغ دے نال اینج کرو! آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔