ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ تیجا واعظ اے جیس دی میں ’’نوح دے زمانے‘‘ تے منادی کر چکیا آں۔ مسیح نے اپنے شاگرداں نوں دسیا سی کہ آخری ایام اُوس زمانے وانگوں ہون گے جیس وِچ عظیم سیلاب دے آن توں پہلاں نوح نے حیاتی بسر کیتی سی۔ میں چھ طریقیاں تے تبلیغ کر چکیا واں جِنہاں وِچ ساڈا زمانہ اُوہناں دِناں توں مماثلت رکھدا اے جِنہاں چہ نوح نے حیاتی بسر کیتی سی۔ میں یقین رکھنا آں کہ تُسی میرے نال متفق ہوو گے کہ اَسی تاریخ دے خاتمہ دے قریب حیاتی بسر کر رئے آں، جے تُسی پیدائش چار، پنج، تے چھ باب دا مطالعہ کرو۔ کلام پاک دے ایہہ تین ابواب سانوں دسدے نے کہ نوح دا زمانہ کیس طرح دا سی۔ تُسی اُوہدا موازنہ ساڈے زمانے نال کر سکدے اُو تے ویکھ سکدے اُو کہ ساڈی دُنیا دے کول بوہتا ویلہ نئیں بچیا اے۔

’’لیکن جیویں نوح دے دِناں چہ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37).

ایس موضوع تے پہلے دو واعظاں چہ میں ظاہر کیتا کہ،

(1) اُو اِرتداد دا اِک دور سی – اِک ویلہ جدوں بوہتے سارے لوکی خدا دی سچائی نال مُنہ موڑ چکے سن۔

(2) اُو وسیع پیمانے تے سفر کرن دا اِک دور سی – جدوں لوکی مستقل سفر چہ رہندے سن۔

(3) ایہہ اُو زمانہ سی جدوں لوکاں دی ان گنت تعداد نے ناقابلِ معافی گناہ دا اِرتکاب کیتا سی – مسیح چہ ایمان لیہان دی سچی تبدیلی نوں ٹھکران دے ذریعے نال جدوں تیکر کہ اُوہناں دے دِل اِسقدر سخت نہ ہو گئے کہ اُوہناں دے لئی نجات پانا ناممکن ہو گیا سی۔

(4) اُو اِک توں بوہتی شادیاں کرن دا زمانہ سی – جدوں لوکاں نے اِک بندے نال شادی کرن دے خدا دے اصول نوں توڑیا سی۔

(5) ایہہ اُو دور سی جدوں آسیب اِک بوہتے وڈے پیمانے تے رونما ہویا کردے سن۔

(6) ایہہ اُو دور سی جدوں تسلسل دے نال بُرا سوچیا جاندا سی۔

ہُن، اَج دی شام، میں چاہنا آں کہ تُسی ساڈے زمانے تے نوح دے دور دے وِچکار تین ہُور مشابہتاں دے بارے وِچ سوچو:

(1) ایہہ موسیقی دے اکثریت وِچ ہون دا اِک دور سی۔

(2) ایہہ شدید شورش دا اِک دور سی۔

(3) ایہہ اُو دور سی جدوں سخت تبلیغ نوں ٹھکرایا جاندا سی۔

I۔ پہلی گل، نوح دے ایام نوں موسیقی وِچ بوہتی زیادہ دلچسپی دی وجہ توں خصوصیت حاصل سی۔

میرے نال پیدائش چار باب آیت اکیس کھولو:

’’تے اُوہدے پرہا دا ناں یوبل تھا۔ اُو اُوہناں لوکاں دا پیو سی جیہڑے بربط تے بانسری وجاندے سن‘‘ (پیدائش4: 21).

ایہہ پہلی وری اے کہ بائبل سانوں موسیقی دے آلات تے موسیقی دے بارے چہ دسدی اے۔ ایتھے دوبارہ، سانوں مسیح دے الفاظ دے بارے وِچ یاد دلایا گیا اے،

’’لیکن جیویں نوح دے دِناں چہ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37).

اَج، موسیقی ہر پاسے اے۔ جدوں میں اِک بچہ ہویا کردا سی اُوہدے مقابلے چہ اَسی اَج کدرے بوہتی موسیقی سُننے آں۔ اَج تقریباً ہر عمارت چہ جیتھے تُسی داخل ہوندے اُو موسیقی جاری ہوندی اے۔ لِفٹ وِچ موسیقی چل رئی ہوندی اے۔ جیہڑی گڈی تُسی چلا رئے ہوندے اُو اُوہدے وِچ موسیقی ہوندی اے۔ جدوں میں ہر روز پارک وِچ چہل قدمی کرنا آں، تے میں موسیقی، موسیقی، موسیقی ای سُننا آں۔ جدوں میں تیرن دے لئی اپنے جمنازیم وِچ جانا آں، تے ساری عمارت وِچ میوزک بج رہیا ہوندا اے، ورزش آلے کمرے وِچ، تے ایتھوں تیکر کہ نہان آلے کمریاں وِچ وی۔ میوزک ساڈے تیکر ریکارڈنگ دے ذریعے نال، سی ڈی، ریڈیو، ٹیلی ویژن تے فلماں دے ذریعے نال پہنچاندا اے۔ لوکی اپنی گڈیاں وِچ ایس قدر اُوچا میوزک وجاندے نے کہ تُسی اُوہنوں سُنے بغیر رہ ای نئیں سکدے۔

1963 وِچ کسی دور چہ ڈاکٹر ایم۔ آر۔ ڈیحان Dr. M. R. DeHaan نے ایہہ رائے پیش کیتی سی:

ہر پاسے – موسیقی، موسیقی، موسیقی! چیخنا تے چلانا تے خالی کراہنا تے بچیاں دی گلاں تے بناوٹی ماتم کرنا، جدوں تیکر اَسی دورِ حاضرہ دی جاز موسیقی دے بار بار دہرائی جان آلی تحریک دے جادو تے تحت لوکاں دے تقریباً مکمل طور تے دیوانہ ہون دے بارے وِچ پڑھ نئیں لیندے… جی ہاں بِلاشبہ! یسوع جانندا سی کہ اُو کیس دے بارے وِچ گل کر رہیا سی جدوں اُوہنے نوح دے دِناں دا موازنہ اُوہناں دِناں دے نال کیتا سی جِنہاں وِچ اَسی ہُن حیاتی بسر کر رئے سن (ایم۔ آر۔ ڈیحان، ایم۔ ڈی۔ M. R. DeHaan, M.D.، نوح دے ایام The Days of Noah، ژونڈروان Zondervan، 1963، صفحات46۔47)۔

ڈاکٹر ڈیحان نے گل جاری رکھدے ہوئے کہیا:

ایویں وکھائی دیندا اے جیویں کُج وی موسیقی دی ہمراہی دے بغیر ہو ای نئیں سکدا: اَسی اپنی اِشیائے تجارت موسیقی دے ذریعے نال فروخت کرنے آں، اَسی اپنی تیار کردہ شیواں دی ہانک موسیقی دے ذریعے نال لگانے آں۔ لیکن اُداسی دی گل تے ایہہ اے کہ ایہنے ساڈے گرجا گھراں تے مقدس مقامات دے اِحاطیاں تے حملہ کر دِتا اے، خداوند دے پاک کلام دی تبلیغ دے لئی موسیقی نوں متبادل کر دین دے ذریعے نال۔ احمقانہ کورسز، بوہتے ناگوار روحانی عمل، خوشخبری دے لئی لوکاں دے دِلاں نوں تیار کرن دے لئی فرض کیتے جاندے نے۔ بے معنی جملیاں نوں بار بار تاکیدی تے جاز دی موسیقی دی لہراں تے دہرایا جاندا اے، جدوں تیکر کہ جذباتی طور تے تناؤ دے تحت ذہنی بیمار ٹُٹ نہ جان تے تصور کرن لگن کہ اُوہناں نے آسمان توں اِک واج سُنی اے۔ جی ہاں، بِلاشبہ! ’’جیویں ایہہ سی… اونج ای ایہہ ہووے گا…‘‘ (ibid.)۔

ڈاکٹر ڈیحان نے اُوہناں لفظاں نوں تقریباً پنجہا وریاں توں وی بوہتا عرصہ پہلاں، ماضی وِچ 1963 وِچ لکھیا سی۔ جیہڑا اُوہناں نے کہیا اُو اُوس ویلے سچ سی، تے ایتھوں تیکر کہ ایہہ اَج دے دور وِچ ایس توں وی کِدرے بوہتا سچ اے۔ گرجا گھراں وِچ جیس نوں اُو ’’احمقانہ‘‘ موسیقی کہیا کردے سی اُو ایس قدر بوہتا ودھ چکیا اے کہ زیادہ تر عبادتاں دا اَدھے توں بوہتا حصہ ایہناں خرافات دے حوالے ہو چکیا اے۔ ایس وِچوں زیادہ تر تے واضھ طور تے محض بوریت ہوندا اے! ’’ایتھے کدرے میرے دِل وِچ دُھن اےThere’s within my heart a melody‘‘ دے مذید ہُور پنج کورس گائے۔ تین یا چار طویل خوشخبری دے گیت گائے، جیس دی ہمراہی وِچ واضح طور تے بوسیدہ ’’محفوظ شُدہ canned‘‘ موسیقی۔

مینوں غلط نہ سمجھو۔ میانہ روی وِچ – میں گرجا گھر دی عبادتاں وِچ موسیقی دے خلاف نئیں آں۔ لیکن میرے خیال وِچ تقریباً ساری دی ساری موسیقی نوں اجتماعی [مذہبی جماعت] گانے ہونا چائیدا اے۔ تے میں یقین رکھنا واں کہ سانوں خدا دی حمدوثنا دے حقیقی گیت گانے چائیدے نے، محض صرف خوشخبری دے ای گیت نئیں۔ سانوں آئزک واٹز، چارلس ویزلی دے حمدوثنا دے گیت، تے پہلی تے دوجی عظیم بیداری وِچ حیاتِ نو دے دور وِچوں دوجے حمدوثنا دے گیتاں نوں گانا چائیدا اے۔

’’لیکن جیویں نوح دے دِناں چہ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37).

II۔ دوجی گل، نوح دے ایام نوں شدید ظلم و تشدد دی وجہ توں خصوصیت حاصل سی۔

مہربانی نال پیدائش چھٹے باب دی آیت گیارہ نوں کھولو:

’’ہُن زمین خدا دی نظراں وِچ وِگڑ چکی سی تے ظلم و تشّدد نال بھری ہوئی سی۔ خدا نے ویکھیا کہ زمین بہوتی وِگڑ چکی اے کیوں جے زمین تے سارے لوکاں نے اپنے طور طریقے وگاڑ لیہئے سن۔ چنانچہ خدا نے نوح نوں کہیا، میں ساریاں لوکاں دا خاتمہ کرن نوں آں کیوں جے زمین اُوہناں دی وجہ توں ظلم نال بھر گئی اے۔ ایس لئی میں یقیناً نوعِ انسانی تے زمین دوواں نوں تباہ کر دیاں گا‘‘ (پیدائش6: 11۔13).

پہلی جنگ عظیم توں ای نسل انسانی تدریجی طور تے ظلم و تشدد وَل رخ موڑ چکی اے۔ گذشتہ اَسی ورے، تاریخ دے کسی ہُور دور دے مقابلے وِچ بوہتے زیادہ ظلم و تشدد دی خصوصیات دے حامل رہ چکے نے۔ پیدائش، چار باب، تیئسویں آیت وِچ سانوں نوح دے زمانے وِچ قتل تے ظلم و تشدد دا اِک واقعہ پیش کیتا گیا اے:

’’تے لمک نے اپنی ووہٹیاں نوں کہیا، اے عَدہ تے ضِلہ! میری گل سنو، اے لمک دی ووہٹیو، میرے سخن تے کن دھرو۔ میں نے اِک بندے نوں جیس نے مینوں کیتا سی، مار ڈالیا اے، تے چوٹ کھا کے اِک جوان نوں قتل کر دِتا۔ جے قائین دا بدلہ ست گُنا لہیا جائے گا تے لمک دا ستر تے سات گنا‘‘ (پیدائش4: 23۔24).

ڈاکٹر ایم۔ آر۔ ڈیحان نے کہیا:

ایہہ سانوں اُوس زمانے دی عکاسی پیش کردا اے جیہڑی پیدائش دے چھٹے باب وِچ مذید ہُور نشوونما پا چکیا اے۔ ایہہ ظلم و تشدد قتل و غارت گری تے سفاکانہ جرائم دا اِک زمانہ سی۔ کی سانوں ایتھے رائے دین دی لوڑ پیہندی اے؟ کی تاریخ وِچ کدی وی اینج دا کوئی زمانہ رہ چکیا اے جیہڑا اَج دے مقابلے چہ بوہتا ظالمانہ تے بِلا اشتعال سفاکی یعنی حیوانی خصلت دا ریکارڈ رکھدا ہووے؟ ایہہ دوجیاں نوں درد وِچ مبتلا کر کے جنسی تسکین نوں حاصل کرن دا زمانہ اے۔ ہر اخبار اُداس کہانی دسدا اے، تے ایہہ ایس قدر پریشان کُن ہوندا جا رہیا اے کہ لوکی ہُن بوہے بند کر کے کُنڈی تالا لگا کے حیاتی بسر کردے نے، کِدرے اچانک حملہ نہ کر دِتا جائے ایتھوں تیکر کہ دِن دی روشنی وِچ اُو اینج کردے نے، تے ناصرف شہراں وِچ، بلکہ ساڈے دیہی علاقیاں وِچ وی اینج ہوندا اے۔ ساڈی سڑکاں تے خواتین محفوظ نئیں نے، تے چھوٹے بچیاں نوں ایس موجودہ بُرے زمانے دے غیرانسانی رُجحانات تے حیوانی خصلتاں دے خلاف جیہڑے تیزی دے نال سزا دے لئی تیار ہوندے جا رئے نے خصوصی تحفظ فراہم کرنا پیہندا اے۔ ایہہ موضوع بداخلاقی وگرا اے، تے اَسی ساری دی ساری جُزیات وِچ جان دی پرواہ وی نئیں کردے۔ سانوں تے بس صرف اپنے اخبارات نوں پڑھنا ہوندا اے تے جرائم وِچ شاندار اضافے دی شماریات دا مطالعہ کرنا ہوندا اے، خصوصی طور تے کمسن بابالغاں وِچ، یسوع دے الفاظ دی سچائی نوں ویکھن دے لئی، ’’جیویں کہ نوح دے دِناں وِچ ہویا سی اُونج ای اِبن آدم دی آمد دے ویلے ہووے گا‘‘ (ibid.، صفحات 48۔49)۔

ساڈے زمانے دا ظلم و تشدد دوجی جنگ عظیم توں پہلاں دے دِناں توں مکمل طور تے مختلف اے، تے خصوصی طور تے پہلی جنگ عظیم دے دِناں توں پہلاں۔ بے شمار لوکی جیہڑے تاریخ دے بارے وِچ کُج وی نئیں جانندے تہانوں دسن گے کہ ساڈے وِچ اُو ظلم و تشدد ہمیشہ توں ای رہیا اے جیہڑا اَسی اَج معاشرے وِچ ویکھنے آں، لیکن اُو لاعلم نے۔ خود میری اپنی یاداشت وِچ، ظلم و تشدد چونکہ دین دی حد تیکر ودھ چکیا اے۔ مثال دے طور تے، 11ستمبر، 2001 توں پہلاں، کسی وی امریکی نے دھشت گردی تے نیوکلیائی حملے دی مسلسل دھمکہ دی توقع نئیں کیتی سی۔ لیکن ہُن سانوں مسلسل ایہناں دھشت گرداں دے ذریعے توں تے اُوہناں دے ظلم و تشدد دے اعمال دی وجہ توں دھمکایہ جاندا اے۔ ساڈے زمانے وِچ ہر ہتھ تے بے مثل ظلم و تشدد تے دھشت گردی اے۔ یسوع نے کہیا،

’’لیکن جیویں نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37).

III۔ تیجی گل، نوح دے ایام نوں سخت منادی نوں ٹھکرا دین دی وجہ توں خصوصیات حاصل سی۔

بائبل تعلیم دیندی اے کہ عظیم سیلاب توں پہلاں دے دِناں وِچ دو عظیم مبلغین ہویا کردے سن۔ تے اُوہناں دے ناں حنوک تے نوح نے۔ اُوہناں دے واعظاں دا مرکزی موضوع سانوں بائبل وِچ پیش کیتا گیا اے۔ مہربانی نال یہودہ دی چودھویں آیت نوں پڑھن دے لئی اپنی بائبل کھولو:

’’تے حنوک نے وی جیہڑا آدم توں ساتویں پُشت وِچ سی، ایہناں دے بارے وِچ پیشن گوئی [تبلیغ] کیتی سی کہ ویکھو، خداوند اپنے لکھاں مقدساں دے نال آندا اے تاکہ ساریاں لوکاں دے اِنصاف کرے تے سارے بے دیناں نوں سزا دا حکم دے، ایس لئی کہ اُوہناں نے بے دینی توں مجبور ہو کے بہوتے سارے بے دینی دے کم کیتے نے۔ تے خداوند بے دین گنہگاراں نوں وی سزا دا حکم دے گا کیوں جے اُوہناں نے اُوہدے خلاف بڑی سخت گلاں کہیاں نے‘‘ (یہوداہ 14۔15).

حنوک نے گناہ دے خلاف انتہاجئی سخت تبلیغ کیتی سی۔ اُوہنے مسیح دی آمد ثانی دے موقع تے سزا اُتے تے قیامت تے انتہائی شدت دے نال تبلیغ کیتی سی۔ اُوہنے جہنم تے منادی کیتی۔ ایہہ اُو مرکزی موضوعات سن جِنہاں تے حنوک نے سیلاب توں پہلاں تبلیغ کیتی سی: قیامت تے جہنم وِچ سزا۔ حنوک نے سیلاب توں پہلاں بار بار ایہناں موضوعات تے تبلیغ کیتی سی۔

ہُن 2پطرس، دو باب کھولو۔ ایتھے اَسی پنجویں آیت وِچ نوح دی تبلیغ دے بارے وِچ پڑھنے آں:

’’تے پرانے زمانے دے لوکاں [سیلاب توں پہلاں دی دُنیا] نوں وی نئیں چھڈیا بلکہ بے دیناں دی زمین تے طوفان پییج کے صرف راستبازی دی منادی کرن آلے نوح نوں تے مذید ہُور ست لوکاں نوں بچا لیہیا‘‘ (2۔ پطرس2: 5).

حنوک وانگوں ای، نوح وی اِک مبلغ سی۔ اُو کوئی بائبل دا اُستاد یا اِک الہٰامی تحریک کار نئیں سی۔ جی نئیں! اُو ’’راستبازی دا اِک مبلغ‘‘ سی۔ یونانی لفظ نے ’’مبلغpreacher‘‘ دا ترجمہ ’’کیروکسkerux‘‘ کیتا اے جیس دا مطلب ہوندا اے ’’واج لگان آلے اِک عوامی بندے دی حیثیت نال پیغام رسانی کرنا، اعلان کرنا‘‘ (Strong’s Concordance، # 2783، 2784)۔

’’کیوں جے ایہو جیہا ویلہ آ رہیا اے کہ لوکی صحیح تعلیم دی برداشت نئیں کرن گے بلکہ اپنی خواہشاں دے مطابق بوہتے اُستاد بنا لین گے تاکہ اُو اُوہی کُج دسن جیہڑا اُوہناں دے کناں نوں چنگا معلوم ہووے‘‘ (2۔ تیموتاؤس4: 3).

ایتھے لفظ ’’اِساتذہteachers‘‘ یونانی وِچ ’’ڈِڈاسکالوسdidaskalos‘‘ توں اے۔ ایس دا مطلب ہوندا اے ’’تعلیم دیناto teach‘‘ (Strong’s Concordance، # 1320، 1321)۔

اَسی (اِک عوامی قاصد وانگوں اعلان کرن آلی) تبلیغ سے تقریباً مکمل طور تے مُنہ موڑ چکن دا تجربہ کر چکے آں، تے تقریباً مکمل طور تے تبلیغ نوں ’’تعلیم دین‘‘ دے نال بدل چکے آں، جیس دے بارے چہ بائبل کہندی اے کہ آخری دِناں وِچ کلیسیاواں دی خصوصیت ہووے گی (حوالہ دیکھیں 2 تیموتاؤس4: 2۔4)۔

ڈاکٹر ڈیحان نے ایہہ رائے پیش کیتی:

اَسی نوح دے دِناں دے ایس زمانے دے ایام دے نال مشابہت دی اِک وری فیر نشاندہی کرنے آں۔ متی دے 24ویں باب دے مرکز [یعنی دِل] وِچ یسوع کہندا اے کہ جیویں سیلاب توں پہلاں سی اُونج ای اُوہدے آں دے ویلے تے وی ہووے گا۔ یقینی طور تے سیلاب توں پہلاں دے نوح دے دِن بوہتی زیادہ دھوکہ بازی دے ایام رئے ہونے چاہیے۔ حنوک تے… نوح دی قوت توں بھرپور منادی دے باوجود وی، دُنیا نے ایہناں مبلغین دا یقین نئیں کیتا؛ تے جدوں سیلاب آیا، تے صرف آٹھ لوکی سن جِنہاں نے نجات پائی سی (ibid.، صفحہ56)۔

حنوک نے آں آلی قیامت تے تبلیغ کیتی سی۔ نوح نے راستبازی تے قیامت تے منادی کیتی سی۔ اُوہنے سیلاب دی آن آلی قیامت تے تبلیغ کیتی سی (حوالہ ویکھو2 پطرس2: 5؛ عبرانیوں11: 7)۔ شاذونادر ای کوئی نجات پاندا اے جدوں ایہناں دو مبلغین نے گلاں کیتیاں۔ لوکاں نے ایویں ای حیاتی گزاردے رہنا جاری رکھیا جیویں کہ کوئی وی قیامت نئیں آئی۔

اپنے بارے چہ کی خیال اے؟ کی تُسی قیامت دے لئی تیار اُو؟ کی تُسی مبلغ دی سنو گے تے توبہ کرو گے؟ کی تُسی نجات دی کشتی وِچ آؤ گے – مسیح وِچ؟

میں ایتھے تہانوں دسن دے لئی آیا آں کہ مسیح تہانوں گناہواں دی ادائیگی دے لئی صلیب تے قربان ہویا سی۔ اُو مُردیاں وِچوں جی اُٹھیا تے آسمان وِچ اُتے چلا گیا، خدا باپ دے سجے ہتھ تے۔ تُسی آن آلی قیامت دے لئی اُوس ویلے تیکر تیار نئیں ہوندے جدوں تیکر مسیح دے کول نئیں آندے۔ تہانوں اصل چہ مسیح بخود دے کول آنا چائیدا اے، ورنہ تہاڈا انصاف ہووے گا، تے جہنم وِچ جان گے، بالکل نوح دے دِناں دے لوکاں وانگوں۔

’’لیکن جیویں نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔