ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح نے اپنے شاگرداں نوں دسیا کہ اُو اُوہدی آمدِ ثانی تے ایس زمانے دے خاتمے دے بارے چہ عمومی ویلہ بتا پان گے۔ اُوہنے سانوں بے شمار علامتاں پیش کیتیاں۔ لیکن سب توں بوہتی اہم علامت ساڈی تلاوت وِچ پیش کیتی گئی سی:

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

مسیح نے شاگرداں نوں دسیا کہ اَخیرلے دِناں چہ سیلاب توں پہلاں حالات دا دہرایا جانا ہووے گا۔ اُوہنے کہیا، جدوں تُسی دُنیا چہ اُوہی حالات ویکھو جیہڑے نوح دے زمانے چہ سن تے فیر تُسی جان جاؤ گے کہ زمانے دا خاتمہ تے میری آمدِ ثانی انتہائی قریب آ رئی اے۔

پچھلی وری میں ساڈے زمانے تے نوح دے زمانے دے وچکار تین مماثلتاں تے گل کیتی سی۔ میں ظاہر کیتا کہ اُوس ویلے سی

1.    اِرتداد – تے ساڈے کول اُونج دا ای اِرتداد اَج آ چکیا اے۔

2.   ودھدی ہوئی مسافت – کہ اَج ساڈے کول مسافت چہ اضافہ ہو چکیا اے۔

3.  بے شمار لوکی ناقابلِ معافی گناہ دا اِرتکاب کر رئے نے – کہ اَج بے شمار لوکی ناقابلِ معافی گناہ دا اِرتکاب کر رئے نے۔

ہُن، میں چاہواں گا کہ تُسی تین مذید ہُور نکات دے بارے چہ سوچو جِنہاں چہ نوح دا زمانہ ساڈے زمانے وانگوں اے۔

(1) اِک توں زائد شادیاں۔

(2) < وسیع پیمانے تے شیطانی بُرائی یا بدکاری۔

(3) تسلسل دے نال بُری سوچاں دی روایت۔

I۔ پہلی گل، نوح دے زمانے چہ اِک توں زائد شادیاں ہوندیاں سن۔

ساڈی تلاوت دے بعد آلی آیت کہندی اے:

’’کیوں جے طوفان توں پہلاں دے دِنا چہ لوکی کھاندے پیندے تے شادی بیاہ کردے کراندے سن۔ نوح دے کشتی چہ داخل ہون دے دِن تیکر ایہہ سب کُج ہوندا رہیا‘‘ (متی 24: 38).

میتھیو ھنری نشاندہی کردے نے کہ،

اُو ایس وِچ غیر معقول سن ]کھان پین، شادی کرنا تے شادی کرانا]، عقل دی لذتاں تے دُنیا دے فائدے دے حصول چہ بے جا تے مکمل۔ اُو مکمل طور تے ایہناں شیواں دے نال چُکے گئے سن (میتھیو ہنری کی تفسیرMathew Henry’s Commentary، متی 24: 38 تے غور طلب گل)۔

ہُن میرے نال پیدائش چار باب آیت اُنیس کھولو:

’تے لمک نے دو عورتاں نال ویاہ کیتا، اُوہناں وِچوں اِک دا ناں عَدہ تے دوجی دا ضِلہ سی‘‘ (پیدائش4: 19)۔

نوح دے زمانے چہ شادی تے زور، جسی دے بارے چہ یسوع نے گل کیتی، ایس قدر ودھ چکیا سی کہ لوکاں نے اِک توں بوہتی ووہٹیاں نال بیاہ رچانے شروع کر دِتے سن۔ تاریخ چہ لمک انتہائی پہلا بندہ سی جیس نے خدا دی شریعت نوں توڑیا تے اِک دوجہ بیوی نال شادی کیتی۔

یسوع نے پیدائش2: 24 دا حوالہ دِتا جدوں اُوہنے فریسیاں نال گل کیتی:

’’کی تُسی نئیں پڑھیا کہ ابتدا چہ خالق نے اُوہناں نوں مرد تے عورت بنایا تے کہیا، ایس سبب توں مرد اپنے ماں پیو کولوں جدا ہو کے اپنی ووہٹی دے نال رہے گا تے اُو دوویں اِک تن ہون گے؟ لہٰذا اُو دو نئیں بلکہ اِک تن نے۔ ایس لئی جِنہوں خدا نے جوڑا اے اُوہنوں انسان جدا نہ کرے‘‘ (متی19: 4۔6).

’’جیہڑا کوئی اپنی ووہٹی نوں اُوہدی بدکاری دے سِوا کسی ہُور سبب توں چھوڑ دیندا اے تے کسی دوجی نال شادی کر لیندا اے، زنا کردا اے تے جیہڑا کوئی اُوس چھڈی ہوئی نال شادی کردا اے اُو وی زنا کردا اے‘‘ (متی19: 9).

جدوں میں اِک بچہ سی تے طلاق دے بارے چہ تقریباً سُنن چہ ای نئیں آندا سی۔ ایہہ انتہائی غیر معمولی سی۔ اُوس زمانے چہ ایہہ اِک بوہتی زیادہ شرم دی گل سی، اِک بدنامی یا رسوائی سی۔ لیکن طلاق ایس قدر ودھ چکی اے کہ مذید ہُور کوئی وی ایس تے غور کردا ہویا وکھائی نئیں دیندا۔ دراصل، بے شمار نوجوان لوکی تے ایتھوں تیکر کہ اَج شادی کرنا گوارا ای نئیں کردے۔ اُو بس اِک نال ہوندے نے تے اکٹھے حیاتی بسر کرنا شروع کر دیندے نے۔

تہانوں سمجھ جانا چائیدا اے کہ ایہہ سارے دا سارا اِک طرح دا دھرایا جانا اے جیہڑا ماضی چہ نوح دے زمانے چہ ہویا سی۔ امریکہ نوجوان لوکاں دی اِک مکمل نسل دے نال بھردا جا رہیا اے جِنہاں نے کدی وی اِک خوشگوار گھر دی مسرت نوں جانیا ای نئیں اے۔ جرم، منشیات دا استعمال، شراب نوشی، جنسی گمراہی، اِسقاطِ حمل، تے بے شمار دوجے معاشرتی مسئلیاں دے اضافے دے پِیچھے گھرانیاں دا ٹُٹ جانا سب توں وڈا واحد عنصر اے۔ ساڈی ثقافت نوں توڑن دے لئی کسی دوجے عنصر نے ایس توں بوہتا اہم کردار ادا نئیں کیتا۔ ڈاکٹر ایم۔ آر۔ ڈیحان Dr. M. R. DeHaan نے کہیا،

سیلاب توں پہلاں دے زمانے دے بعد دی تاریخ چہ پہلے کدی وی ایس قدر عام طورع تے ایہہ حالت موجود نئیں سی، تے ایہہ بلاشک و شبہ ایہو ای اے کہ جیس دا حوالہ خداوند نے دِتا سی جدوں اُوہنے کہیا، ’’جیویں کہ سیلاب توں پہلاں دے دِناں چہ ہویا سی اُونج ای ابنِ آدم دی آمد دے ویلے وی ہووے گا‘‘ (ایم۔ آر۔ ڈیحان، ایم۔ ڈی۔ نوح دا زمانہ The Days of Noah، ژونڈروان Zondervan، 1971، صفحہ44)۔

II۔ دوجی گل، وسعی پیمانے تے شیطانی بُرائی یا بدکاری رونما ہو رئی سی۔

میرے نال پیدائش، چھ باب، آیت اِک نوں کھولو:

’’جدوں روئے زمین تے آدمیاں دی تعداد ودھنے لگی تے اُوہناں دے دھیہیاں پیدا ہوئیاں تے خدا دے پُتراں نے ویکھیا کہ آدمیاں دی دھیہیاں خوبصورت نے تے اُوہناں نے جِنہاں جِنہاں نوں چُنیا اُوہناں دے نال ویاہ رچا لہیا۔ فیر خداوند نے کہیا،، میری روح انسان دے نال ہمیشہ مزاحمت نہ کردی رہے گی کیوں جے اُو فانی اے۔ اُوہدی عمر اِک سو وی ورے ہووے گی۔ اُوہناں دِناں چہ زمین تے وڈے قدآور تے مضبوط لوکی موجود سن بلکہ بعد چہ وی سن جدوں خدا دے پُتر انساناں دی دھیہیاں دے کول گئے تے اُوہناں توں اولاد پیدا ہوئی۔ ایہہ قدیم زمانہ دے سورما تے وڈے نامور لوکی سن‘‘ (پیدائش6: 1۔4).

ایس حوالے دی عام وضاحت ایہہ اے کہ خدا دے پُتر سیت دی خدائی نسل سی، تے اِنساناں دی دھیہیاں قائین دی نسل سن۔ پیدائش6: 4 تے غور طلب گل وِچ ایہہ نظریہ سیکوفیلڈ بائبل پیش کردی اے۔ لیکن ڈٓاکٹر ایم۔ آر۔ ڈیحان چار وجوہات دی نشاندہی کردے نے کہ ایہہ نظریہ دُرست نئیں اے (ibid.، صفحہ141)۔ ایتھے اُوہناں وِچوں دو نے:

(1) کی سیت دی ساری نسل ای مردانہ سی تے قائین دے ساری نسل عورتاں سن؟ کی سیت دی ساری نسل ایماندار سی تے قائین دی ساری نسل بے اعتقادی سی؟

(2) اَسی دیو یا جنات دی پیدائش آلی گل دی وضاحت کیویں پیش کریے جیہڑے بوہتی وڈی قدوقامت تے غیرمعمولی ذہانت دے لوکی سن، تے بے اعتقاداں تے ایمانداراں دے مِلاپ دا نتیجہ سن؟… جدوں اِک مسیحی اِک غیرنجات یافتہ ہستی نال شادی کردا اے تے اُوہناں دے بچے دوسریاں دے بچیاں توں کوئی مختلف نئیں ہوندے (جسمانی، جذباتی تے ذہنی طور تے)۔ کسی دا ایمان کوئی جسمانی اثر کسی دی اولاد تے نئیں پاندا۔ فیر اَسی ایس حقیقت دی وضاحت کیویں کریے کہ پیدائش 6 باب وِچ ایس مِلاپ توں پیدا ہون آلی اولادیں اُو غیرمعمولی انسان سن جیہڑے دیو یا جنات کہلائے؟

[ ڈاکٹر ڈیحان نے کہیا، ’’تنہا ایہو ای حقائق اُوس عام طور تے مانے جان آلے بیان نوں کافی حد تیکر ناقابلِ مدافعت بنا ڈٓالڈے نے۔ ایس لئی اَسی ایس گل تے قائم آں کہ ایہہ گناہ… اِنسان دے بچیاں تے گمراہ فرشتیاں [آسیباں] دے درمیان فوق الفطرت مِلاپ نال سی، نتیجتاً اُوہناں غیرمعمولی جسامت آلے انساناں دی پیدائش سی جیہڑی دیو یا جنات کہلائے…‘‘ (ibid.، صفحات142)۔ ]

ایوب دی کتاب چہ، پہلے باب وِچ سانوں پتا چلدا اے ’’خدا دے پُتر‘‘ کون سن:

’’ہُن اِک دِن خدا دے پُتر آئے تاکہ خداوند دے روبرو حاضر ہون تے شیطان وی اُوہناں دے نال آیا‘‘ (ایوب1: 6).

فیر ایوب دی کتاب وِچ، باب دو، پہلی آیت وِچ اَسی ایہو ای گل پڑھنے آں:

’’دوبارہ اِک ہُور دِن خدا دے پُتر آئے تاکہ خداوند دے روبرہ پیش ہون تے شیطان وی اُوہناں دے نال آیا تاکہ اُو وی خداوند دے سامنے پیش ہون‘‘ (ایوب2: 1).

اِن آیتاں وِچ فرشتیاں نوں ’’خدا دے پُتر‘‘ کہیا گیا تے شیطان اُوہناں دے نال آیا سی۔ ایس دا مطلب ہوندا اے کہ شیطان تے سارے دے سارے گمراہ فرشتے خدا دے وسیلے توں تخلیق کیتے گئے سن، گناہ کرن توں پہلاں، اُو اُوہدی مخلوق سن۔ ایہہ ای وجہ اے کہ ایوب دی کتاب وِچ ایہناں آیات چہ شیطان تے گمراہ فرشتیاں نوں ’’خدا دے پُتر‘‘ کہیا گیا اے۔

ہُن پیدائش6: 4 تے نظر پاؤ۔ لفظ ’’دیو یا جناتgiants‘‘ دا جیہڑا ترجمہ کیتا گیا اے اُو عبرانی لفظ نیفہیلیمnephilim‘‘ توں لہیا گیا اے، جیس دا مطلب ہوندا اے ’’گمراہ ہون آلے۔‘‘ اُوہناں دا ناں اِک ہُور نشاندہی اے کہ ایتھے گمراہ فرشتیاں دا حوالہ دِتا گیا اے۔

ڈاکٹر میریل ایف۔ اونگر Dr. Merrill F. Unger، جیہڑے ڈلاس چہ علم الہٰیات دی سیمنری وِچ پرانے عہد نامے دے مرحوم پروفیسر سن، اُوہناں نے وی ایہو ای نکتۂ نظر اپنایا۔ اُوہناں نے کہیا:

ایس دامطلب ہوندا اے کہ ایہہ اُوس ویلے ہویا سی جدوں فرشتہ صفت لوکاں دا مِلاپ انسانی دھیہیاں نال ہویا سی کہ زمین تے نفہیلیمnephilimنمودار ہوئے… قدرتی دائرے وِچ فرشتے انسانی سمجھ توں باہر اِک طریقے نال مردانگی آلے فرض کیتے جا سکدے نے تے انسانی نسل دی عورتاں دے نال مرد تے عورت دا باہمی جنسی تعلق کر سکدے سن۔ ملکوتی [نٖظر نہ آن آلی] طاقتاں دا ادب ایس طرح دے فوق البشر مظہراں نال بھریا پیہیا اے جیہڑے پُراسرار قوتاں تے یقین کرن آلی تعلیم [جادویت] دی عام لاقانونیت دی مثال پیش کردا اے… (میریل ایف۔ اُونگر، پی ایچ۔ ڈی۔ Merrill F. Unger, Ph. D.، پرانے عہد نامے تے اُونگر دا تبصرہ Unger’s Commentary on the Old Testament، موڈی پریس Moody Press، 1981، جلد اوّل، صفحہ 37)۔

بائبل سانوں ’’جِنہاں فرشتیاں نے اپنے اعلیٰ مرتبے دا خیال نئیں کیتا بلکہ اپنے مقررہ مقام نوں چھڈ دِتا‘‘ اُوہناں دے بارے چہ دسدی اے (یہوداہ6)۔ اگلی ای آیت چہ سانوں دسیا گیا اے کہ اُو ’’بدفعلی‘‘ کرن لگے سن۔ ایہہ شے ایس گل نوں واضح کر دیندی اے کہ ڈاکٹر اُونگر دی جانچ دُرست راہ تے اے۔ ذاتی طور تے میں یقین کرنا واں کہ شیطانی صفت رکھن آلے لوکی زیادہ تر اُونج ای ہوندے نے جِنہاں دا حوالہ پیدائش6: 1۔4 وِچ پیش کیتا گیا اے۔ یسوع نے کہیا:

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

ایہہ گل ویکھن دے لئی شیطان اُوہی دہرا رہیا اے جیہڑا اُوہنے نوح دے زمانے چہ کیتا سی کسی روحانی جن دی لوڑ نئیں پیہندی۔ بلیس لوکاں نوں بدچلنی وِچ، جادویت تے جنسی بدسلوکی وِچ گھسیٹ رہیا اے۔ ایہہ شے بے شمار لوکاں نوں اَج آسیب زدہ بنن وِچ گھسیٹ رئی اے۔ عُریاں فلماں، جادوئی تے غیراِخلاقی جنسی سرگرمیاں دے ذریعے توں آسیب لوکاں دی حیاتیاں تے قابو پاندے جا رئے نے، بالکل جیویں اُوہناں نے نوح دے زمانے وِچ کیتا سی۔

III۔ تیجی گل، نوح دے زمانے وِچ بُری سوچاں دی روایت تسلسل دے نال سی۔

مہربانی نال پیدائش چھ باب، آیت پنج کھولو:

’’تے خداوند نے ویکھیا کہ زمین تے انسان دی بدی بوہتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش6: 5)۔

ڈاکٹر اُونگر کہندے نے:

جیہڑی پہلاں ای توں بیان کیتی جا چکی ہوندی اے اُوسی دے زریعے توں انسان دی بدکاری دی گہرائی نوں ظاہر کیتا جاندا اے – قدرت دے کُرّہ تے بُرائی دی فق الفطرت دُنیا دے ذریعے توں حملہ… پُراسرار قوتاں دا مذھب [جادویت]… شیطان تے آسیبی قوتاں نے پہلاں سوچن دے عمل تے قابو پایا تے فیر دقیانوسی لوکاں دے کردار تے مسلط ہو گئے‘‘ (اُونگر Unger، op. cit.، صفحہ37)۔

بائبل سانوں دسدی اے کہ شیطان تے آسیبی قوتاں نے سوچ نوں قابو چہ کیتا سی تے فیر اَج لوکاں دے کردار تے مسلط نے۔ دراصل، بائبل تعلیم دیندی اے کہ ہر غیرنجات یافتہ شخص آسیبی طور تے متاثر ہوندا اے۔ شیطان نوں ’’اُو روح جیہڑی ہُنے تیکر لوکاں وِچ تاثیر کردی اے‘‘ کہا گیا اے (افسیوں2: 2)۔ جے خدا تہاڈا ساتھ چھڈ دے تے تُسی بالکل اُوہناں لوکاں وانگوں ہو جاؤ گے جیہڑے سیلاب توں پہلاں سن۔ جے خدا تہانوں تہاڈی مرضی کرن دیوے، ’’تے [تہاڈے] دِل دے خیالات ہمیشہ بدی وَل مائل [رہن گے]‘‘ (حوالہ ویکھو پیدائش6: 5)۔

شیطان پہلاں ای تہاڈے ذہن نون اَنہا کر چکیا اے تاکہ تُسی انجیل دا یقین نہ کرو تے صرف مسیح ای تے پروہسا نہ کرو۔

’’جے ساڈی خوشخبری ہُنے وی پوشیدہ اے تے صرف ہلاک ہون آلیاں دے لئی پوشیدہ اے۔ چونکہ ایس جہاں دے خدا نے اُوہناں بے اعتقاداں دی عقل نوں اَنّہا کر دِتا اے…‘‘ (2۔ کرنتھیوں4: 3۔4).

خوشخبری کے بارے چہ تہاڈی تردید انتہائی وثوق دے نلا کُج نہ کُج آسیبی اے۔ تُسی اِک گواچی ہوئی حالت چہ رہندے اُو کیوں جے تُسی اِک پُتلی بن چکے اُو – جیس دی ڈوریاں شیطان کِھیچ رہیا اے۔ چھیتی ای شیطان تہانوں اِک کھلونے دی حیثیت نال استعمال کردے کردے تنگ آ جائے گا، تے فیر اُو تہانوں اِک پاسے سُٹ دے گا جیویں اِک بچہ پرانی کھیڈن آلی شے نوں دور سُٹ دیندا اے۔ جدوں شیطان دھاگے کھیچدے کھیچدے تنگ آ جائے گا، تے تُسی مذید ہُور اُوہدی پُتلی نئیں رہوو گے۔ تہانوں فیر جہنم چہ جھونک دِتا جائے گا – ہمیشہ دی اذیت چہ جلدے رہن دے لئی۔

میں کہنا واں کہ تُسی اِک احمق اُو جیہڑے شیطان دی پُتلی دی حیثیت نال حیاتی جاری رکھدے اُو۔ اپنے دِل تے نظر پاؤ – جیہڑا تکبر تے گناہ نال بھریا پیہیا اے۔ اپنے ذہن تے نظر پاؤ – تاریکی تے بُری سوچاں نال بھریا ہویا۔ اپنی حیاتی تے نظر پاؤ – ایہہ خدا دے بغیر کدرے وی نئیں جا رئی اے۔ اپنے مستقبل تے نظر پاؤ – مسیح دے بغیر ایہہ بے اُمید اے۔

میں تہانوں اپنے دِل تے حیاتی دا معائنہ کرن تے خود نوں بچان دی ساری اُمید نوں چھڈن دے لئی کہہ رہیا آن۔ تے فیر میں تہانوں اپنے گناہ توں مُنہ موڑن تے خدا دے پتر یسوع مسیح وَل آن دے لئی کہہ رہیا اں۔ اُو آسمان چہ جیوندا اے۔ مسیح وَل رخ کرو تے اُو اپنے لہو دے نال تہاڈے گناہواں نوں دھو ڈالے گا – تے اُو تہانوں آسیباں دی فوقیت توں آزادی دلائے گا۔ مسیح تہانوں بچان تے نجات دلان دے لئی آیا اے۔ ہُنے ای مکمل طور تے اُوہدے وَل رُخ کرو تے اُوہدے تے یقین کرو! فیر تُسی گا پاؤ گے،

حیرت انگیز فضل! کیس قدر مِٹھی اُو واج اے،
     جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
اَنّا سی لیکن ہُن ویکھنا واں۔
     (’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔