ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

شاگرداں نے یسوع نوں پُچھیا سی، ’’تیری آمد تے دُنیا [زمانے] دے اَخیر ہون دا نشان کی اے؟‘‘ (متی24: 3)۔ اُوہناں دا سوال انتہائی سادہ سی: اَسی کیویں جان سکنے آں کہ توں فیر توں آ رہیا اے؟‘‘ مسیح نے واضح طور تے اُوہناں نوں دَسیا کہ اُو فیر آئے گا۔ اُوہنے کہیا، ’’مٰں فیر توں آواں گا‘‘ (یوحنا14: 3)۔ اُوہنے اُوہناں نوں دَسیا کہ اُو آسمان دے بادلاں وِچوں آئے گا، اُو اِبنِ آدم نوں آسمان دے بدلاں وِچوں آندا ہویا ویکھن گے‘‘ (متی24: 30)۔

مگر اُو کیویں دِس پان گے کہ اُو کدوں آ رہیا سی؟ اُو جاننا چاہندے سی۔ اُو اِک نشان چاہندے سن۔ تے مسیح نے اُوہناں نوں بے شمار نشانیاں دِتیاں۔ مگر سب توں وَڈی نشانی کہ اُو آ رہیا اے نیڑے آ رہئی اے اُو سی جدوں اُوہنے کہیا،

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

ڈاکٹر ایم۔ آر۔ ڈیحانDr. M. R. DeHaan نے لکھیا،

یسوع کہندا اے، جے تُسی میری آمد دی نشانیاں جاننا چاہندے اُو تے سیلاب دے آں توں پہلاں نوح دے زمانے دا مطالعہ کرو۔ جدوں اُو حالات جیہڑے سیلاب دے آں توں پہلاں سن دہرائے جان گے، فیر جان لینا کہ ویلہ نیڑے آ چکیا اے (ایم۔ آر۔ ڈیحان، ایم۔ ڈی۔ M. R. DeHaan, M.D.، نوح دا زمانہ The Days of Noah، ژونڈروانZondervan، 1971، صفحہ 20)۔

سانوں صرف پیدائش دی کتاب، باب چار توں لے کے چھ تیکر پڑھن دی لوڑ اے۔ بائبل وِچ ایہہ تین ابواب سانوں بالکل صحیح طریقے نال دسدے نے کہ نوح دا زمانہ کینج دا سی۔ جدوں اُو حالات فیر توں دُنیا دے منظر وِچ نمودار ہون گے، اُودھوں مسیح دی آمد ثانی تے زمانے دا اِختتام جیویں کہ اَسی ایہنوں جاننے آں نیڑے اے۔

لہٰذا، نوح دے زمانے وِچ حالات کینج سن؟ ایس واعظ وِچ، میں تہانوں ساڈے زمانے تے نوح دے زمانے دے وِچکار تین مشہابتی نقاط پیش کراں گا۔ جے تُسی ایہناں مشہابتاں نوں ویکھو تے میں یقین کرنا آں تُسی ویکھ پاؤ گے کہ اَسی ہُن اُوسی زمانے وِچ حیاتی بسر کر رئے آں۔ یسوع نے کہیا،

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

ایتھے ساڈے زمانے تے نوح دے زمانے دے وِچکار مشہابت دے تِن نقاط نے جیہڑے پیدائش4: 1۔16 تے پیدائش6: 3 وِچ پیش کیتے گئے نے، اُو سن،

1. اِرتداد دا دور

2. سفر دا دور

3. اُو ویلہ جدوں بے شمار لوکی ناقابلِ معافی گناہ دا اِرتکاب کرن گے۔

ایہہ حالات اَج ساڈے اردگرد دُہرائے جا رئے نے۔

I۔ پہلی گل، اُو اِرتداد دا دور سی۔

اپنی بائبل وِچوں پیدائش، چار باب کھولو۔ ایتھے اَسی دو بندیاں دے بارے چہ پڑھنے آں، قائین تے اُوہدا بھرا ہابل۔ ایہہ اُوہناں دو مذھباں نوں پیش کردے نے جہیڑے اَج دُنیا چہ موجود نے۔ پیدائش4: 1 تے سیکوفیلڈ دی بائبل دی غور طلب گل کہندی اے،

قائین دا (’’حصول‘‘) زمین دے انسان دی صرف شبیہہ اے۔ اُوہدا مذہب گناہ دے کسی مناسب احساس دا یا کفارے دی لوڑ دا محتاج سی۔

قائین لوکاں دی اُوس کثیر اکثریت دی جیہڑے اَج خود نوں مسیحی کہلاندے نے اِک تصویر اے۔ پیدائش، باب چار، آیت تین تے غور کرو:

’’کُج عرصہ دے بعد قائین زمین دی پیداور وِچوں خداوند دے لئی ہدیہ لہایا‘‘ (پیدائش4: 3)۔

قائین دا ہدیہ لہو دے بغیر سی۔ اَسی ایس حقیقت نون جاننے آں کہ خدا نے اُوہدے والدین نوں لباس زیب تن کرن دے لئی اِک جانور نوں ذبح کیتا سی (ویکھو حوالہ پیدائش3: 21) کہ اُوہنوں لہو دا ہدیہ گزراننا چائیدا اے۔ مگر ایس دے بجائے اُوہنے خدا نوں سبزیاں دا ہدیہ پیش کیتا۔ ایہہ ای وجہ اے کہ سیکوفیلڈ دی بائبل دی غور طلب گل کہندی اے، ’’اُوہدا مذھب گناہ دے کسی احساس دا یا کفارے دی لوڑ دا محتاج سی۔‘‘

اَسی اُوس ردعمل دے زریعے نال جدوں خدا نے اُوہدے ہدیے نوں نامنظور کیتا ایہہ وی ویکھنے آں کہ اُوہنوں گناہ دا کوئی حقیقی احساس نئیں سی۔ آیت پنج تے نظر پاؤ:

’’لیکن قائین تے اُوہدے ہدیے نوں [خدا نے] منظور نئیں کیتا۔ تے قائین بوہتا برہم [ناراض] ہویا، تے اُوہدا چہرہ وِگڑ گیا‘‘ (پیدائش4: 5)۔

قائین نے صحیح گل نوں کرن تے لہو دا ہدیہ لہیاں توں انکار کیتا۔ جدوں اُوہدے مذھب نوں خدا نے ٹھکرایا تے اُوہنے توبہ نئیں کیتی تے ناراض ہو گیا۔

قائین دا پراہا ہابل صحیح ہدیہ لیہایا سی تے خدا نے اُوہنوں منظور کیتا۔ آیت چار نوں پڑھو:

’’تے ہابل وی اُنی بھیڑ بکریاں دے چند پہلوٹھے بچے تے اُوہناں دی چربی لے آیا۔ تے خداوند نے ہابل تے اُوہدے ہدیے نوں منظور کیتا‘‘ (پیدائش4: 4)۔

خدا نے لہو دی قربانی دے ہابل دے مذہب نوں منظور کیتا، تے قائین دے لہو دے بغیر آلے ہدیے نوں نامنظور کیتا۔ قائین ناراض ہو گیا۔ اُوہنے توبہ نئیں کیتی تے اپنے مذہب دے نظریے نوں نئیں بدلا۔ ایہدے بجائے، اپوہنے اپنے خدائی پراہا [ہابل] نوں قتل کر دِتا۔ آیت آٹھ سانوں دسدی اے:

’’فیر قائین نے اپنے پراہا ہابل نوں کہیا: چل اَسی کھیت وَل چلیے، تے جدوں اُو کھیت وِچ سن تے قائین نے اپنے پراہا ہابل تے حملہ کیتا تے اُوہنوں قتل کر دِتا‘‘ (پیدائش4: 8)۔

ہُن ایہہ سیلاب توں پہلاں دے زمانے وِچ ہویا سی تے نوح دے زمانے وِچ قائین دا مذہب دُنیا وِچ حکمرانی کر رہیا سی جیویں کہ اَسی آیت سولہ توں لے کے چووی تیکر ویکھنے آں۔ پیدائش دی کتاب، چار باب، سترھویں آیت تے سیکوفیلڈ دی بائبل دی غور طلب گل کہندی اے،

’’اُو پہلی تہذیب، جیہڑی سیلاب دی سزا وِچ فنا ہو گئی سی، اُو اپنی ابتدا وِچ، کردار وِچ، تے منزل وِچ قائینی سی… قائینی تہذیب شاید ایہنی ای شاندار رئی ہووے جِنہی کہ یونان یا روم دی رئی سی، مگر الہٰی سزا اخلاقی حالت دی مطابق سی ناکہ مادی حالت دے۔

قائین دی آل اولاد دی اُوہی مذھب سی جیہڑا اُوہدا سی۔ اُوہدے اولاد لمک نے ایہہ الفاظ اپنی ووہٹیاں نال کہے جیہڑی آیات تیئیس تے چووی وچ درج نے:

’’میری واج سنو! اے لمک دی بیویو، میرے سُخن تے کن دھرو: میں اِک بندے نوں جِنہے مینوں زخمی کیتا، مار ڈالیا اے۔ جے قائین دا بدلہ ست گُنا لہیا جائے گا، تے لمک دا ستر تے ست گنا‘‘ (پیدائش4: 23۔24)۔

اینج دا مذہب نوح دے زمانے وِچ سی۔ ایہہ دیندار لوکاں دے لئی غصے تے ناراضی نال بھریا پیہیا سی۔ اَسی ویکھنے آں کہ بُہتیرے لوکی خدا دے ناں نوں پکار رئے سن، بلاشک و شبہ جیویں قائین تے اُوہدی آل اولاد پکار رئے سن۔‘‘ آیت چھبیس دسدی اے، ’’فیر لوکاں نے خداوند دا ناں لیہنا شروع کیتا۔‘‘

ایس گل دی کوئی نشاندہی نئیں اے کہ ایہناں لوکاں وِچوں کوئی وی بت پرست سی۔ اُو خدا وِچ یقین رکھنے دا اِقرار کردے سن۔ اُو اُوہدے ناں نوں پکاردے سن۔ مگر ایہہ غیرنجات یافتہ لوکی سی۔ سیلاب توں پہلاں دی زمین تے لوکاں دی اِک بوہتی وڈی تعداد قائین وانگوں سی۔ اُو مذہبی تے سن مگر گمراہ ہوئے سن۔ ایہہ ای وجہ اے کہ بائبل سانوں دسدی اے کہ نوح دے زمانے وِچ سیلاب دے دور چہ ’’چند، یعنی کہ ، آٹھ جاناں بچائی گئی سن (1پطرس3: 20)۔ اُو جیہڑے دُنیا وِچ سن اُوہناں دی اِک کثیر اکثریت دے کول قائین دا اُو اِرتدادی، لہو دے بغیر دا مذہب سی تے ایس لئی گمراہ ہو گئے سن تے جدوں نوح دے زمانے چہ سیلاب آیا تے جہنم چہ گئے سن۔ یسوع نے کہیا،

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

کی اینج ای نئیں اے کہ اَج بوہتے زیادہ لوکی اینج ای نے؟ اُو شاید مذہبی ہون دا دعویٰ کردے نے۔ اُو شاید مسیحی ہون دا وی دعویٰ کردے نے، مگر اُوہناں دا مذھب، قائین ای وانگوں ’’گناہ دے کسی مناسب احساس دا یا کفارے دی لوڑ دا محتاج سی‘‘ (سیکوفیلڈ بائبل دی پیدائش4: 1 تے غور طلب گل)۔

ہُن، جے تُسی نجات پانا چاہندے اُو تے تہانوں ہابل وانگوں بننا چائیدا اے۔ تہانوں مسیح دی خونی قربانی دے ذریعے توں خداوند دے کول آنا چائیدا اے، جیہڑا تہاڈے گناہواں دا کفارہ ادا کرن دے لئی صلیب تے مریا۔ تُسی مسیح دے لہو دے وسیلے توں اپنے گناہواں نوں پاک صاف کروائے بغیر خدا دے کول نئیں آ سکدے۔

’’کیوں جے خدا اِک اے تے خدا تے انساناں دے وِچکار صلح کروان آلا وی موجود اے یعنی مسیح یسوع جیہڑا انسان اے‘‘ (1تیموتاؤس2: 5)۔

’’اُو آپئے اپنے ای پینڈے تے ساڈے گناہواں دا بوجھ چُکے ہوئے سولی تے چڑھ گیا تاکہ اَسی گناہواں دے اعتبار توں مُردہ ہو جان مگر راستبازی دے اعتبار توں زندہ ہو جان۔ اُوہدے ای مار کھان نال تُسی شفا پائی (1پطرس2: 24)۔

نجات پان دے لئی کوئی دوجی راہ نئیں اے۔ یسوع نے کہیا، ’’میرے وسیلے دے بغیر کوئی باپ دے کول نئیں آندا‘‘ (یوحنا14: 6)۔ اُو واحد راہ جیس نال تُسی خدا دے کول آ سکدے اُو اُو یسوع مسیح دے ذریعے توں آن نال اے، جیہڑا تہاڈے گناہواں دا کفارہ ادا کرن دے لئی سولی تے مریا سی، تے جیہڑا فیر توں جی اُٹھیا تے ہُن آسمان چہ خدا دے سجّے ہتھ تے بیٹھا اے۔

اَج بوہتے سارے لوکی کھوئے ہوئے نے، بالکل جیویں اُو نوح دے زمانے وِچ سن۔ تہاڈے بارے چہ کی خیال اے؟ کی تُسی یسوع دے کول آؤ گے تے اپنے گناہواں نوں اُوہدے لہو دے وسیلے نال پاک صاف کرواؤ گے جیویں ہابل نے کروایا سی؟ یا کی تُسی قائین وانگوں گناہ چہ حیاتی بسر کردے رہنا جاری رکھو گے تے جہنم وِچ جاؤ گے؟

اَج بے شمار مسیحی اِرتدادی نے۔ اُوہناں نے مسیح دے لہو توں مُنہ موڑ لہیا اے جیہڑا انسان دے گناہ دا واحد علاج اے۔ اُو اکثر نئے جنم تے تبدیلی تے کم توجہ دیندے نے۔ اُو اکثر مسیح دے نجات دین آلے شعور تے اُوہدے لہو دے وسیلے توں پاک صاف ہون نوں اِک ادنیٰ جیہے ’’فیصلے‘‘ نال بدل دینے نے۔

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

تے اِک ہُور گل: ’’قائین نے اپنے پراہا ہابل تے حملہ کیتا تے اُوہنوں قتل کر دِتا‘‘ (پیدائش4: 8)۔ 1۔یوحنا، تین باب، آیت گیارہ وِچ اَسی پڑھنے آں،

’’ایہہ اُو پیغام اے جیہڑا تُسی شروع توں سُنیا کہ اِک دوجے نال محبت رکھو۔ قائین وانگوں نہ بنو جیہڑا اُوس شریر توں سی، اُوہنے اپنے پراہا نوں قتل کیتا۔ اُوہنے اُوہنوں [کیوں] قتل کیتا؟ ایس لئی کہ اُوہدے سارے کم بدی دے سن مگر اُوہدے پراہا دے راستبازی دے سن۔ لیکن پراہوو، جے دُنیا تہاڈے نال دشمنی رکھدی اے تے تعجب نہ کرو‘‘ (1۔یوحنا3: 11۔13)۔

اِک طریقے نال ہووے یا دوجے طریقے نال، ایہہ ’’دُںیا سچے مسیحیاں نوں نقصان پہنچان دی تلاش چہ رہے گی۔ جے تُسی سچے طور تے بچائے گئے اُو تے تہانوں توقع کرنی چائیدی اے کہ غیر نجات یافتہ لوکی تہاڈے بارے چہ بے رحم گلاں کرن تے کہین گے۔ تے اُو اینج ایس لئی کرن گے کیوں جے تُسی اِک حقیقی مسیحی اُو۔

میں پہلے موضوع تے بوہتی زیادہ ویلہ لا چھڈیا اے لیکن ایہہ اِک نہایت اہمیت آلا موضوع سی۔ اِرتداد تے جھوٹا مذھب اَج بہتات چہ نے۔

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

II۔ دوجی گل، اُو وسیع مسافت دا دور سی۔

یاد رکھو کہ یسوع نے سانوں دسیا کہ سیلاب توں پہلاں دے حالات زمانے دے اِختتام چہ دہرائے جان گے، ہُن، پیدائش، چار باب چہ، اَسی پہلی وری بائبل چہ سفر دے تزکرے دا سُننے آں۔ مہربانی نال پیدائش، چار باب، آیت سولہ کھولو:

’’تے قائین خدا دے حضور توں نکل گیا تے عدن دے مشرق چہ نود دے علاقہ چہ جا بسیا‘‘ (پیدائش4: 16)۔

بین الااقوامی بائبل دے انسائیکلوپیڈیا International Bible Encyclopdia نے کہیا کہ، ’’قائین نے نود دی زمین تے اپنا ٹھکانا بنایا (’آوارہ گردی دی‘)، تے اُوتھے اِک شہر تعمیر کیتا‘‘ (عئیرڈمینزEerdmans، 1976، جلد اوّل، صفحہ 539)۔ ’’نود‘‘ دی زمین دا لفظی مطلب ’’آوارہ گردی دی زمین‘‘ ہوندا اے۔ ایہہ سانوں دسدی اے کہ قائین اِک تھاں توں دوجی تھاں تے بھٹکدا پھریا۔ ڈاکٹر ڈیحانDr. DeHaan نے سانوں دسیا کہ ’’روایت اے کہ قائین انڈیا تے چین تے دوجے دُور دے جزیریاں چہ ٹُر گیا‘‘ (نوح دے زمانے The Days of Noah، ژونڈروان Zondervan، 1971، صفحہ 33)۔ ایہہ شاید صرف اِک قیاس آرائی ہووے۔ مگر بائبل سانوں دسدی اے کہ قائین نے زمین چہ آوارہ گردی کیتی۔ خدا نے کہیا، ’’توں بے چین ہو کے زمین تے مارا مارا پھردا رہے گا‘‘ (پیدائش4: 12)۔ ڈاکٹر ڈیحان نے کہیا،

ایہہ اِک بے چینی، بے قراری تے تحقیق تے تفتیش دی تجویز دیندی اے۔ چونکہ بائبل چہ اِک تھاں توں دوجی تھاں تے بھٹکدے پھرن دا ایہہ پہلا تزکرہ اے، ایہہ یسوع دے الفاظ دی روشنی چہ اِک حقیقی اہمیت پا لہیندا اے، ’’جیویں نوح دے دِناں چہ ہویا سی اُونج ای اِبنِ آدم دی آمد دے ویلے ہووے گا۔‘‘ یاد رکھو، ایہہ سیلاب توں پہلاں سی تے ایسی لئی یسوع دے الفاظ چہ یقینی طور تے اُوہدی آمدِ ثانی دی نشانی دی حیثیت نال شامل ہویا (ایم۔ آر۔ ڈیحان، ایم۔ڈی۔ M. R. DeHaan, M. D.، ibid.، صفحہ33)۔

اَج ایس قدر شدت دے نلا نقل و حرکت تے سفر ہوندا اے کہ کسی نے ایس توں پہلاں کدی وی نئیں ویکھیا ہووے گا۔ ایس دی دانی ایل دی کتاب چہ اِختتام دی نشانی دے طور تے پیشن گوئی کیتی جا چکی سی۔ دانی ایل دی کتاب چہ باب بارہ، آیت چار چہ اَسی پڑھنے آں،

’’لیکن توں اے دانی ایل، ایس طومار دے الفاظ نوں زمانہ دے اَخیر تیکر بند کر کے مہر لگا: کئی لوکی اپنی معلومات چہ اِضافہ کرن دے لئی اِیتھے اُوتھے تحقیق و تفتیش کردے پھرن گے‘‘ (دانی ایل12: 4)۔

غور کرو کہ ایہہ آیت ’’زمانہ دے اَخیر‘‘ اِختتام دے دِناں دے بارے چہ گل کردی اے۔ فیر سانوں ’’زمانے دے اَخیر‘‘ دے بارے چہ دو گلاں دسی گئیاں نے۔

(1) بُہتیرے اِیتھے اُوتھے نڈھن گے

(2) معلومات چہ اِضافہ ہووے گا۔

ڈاکٹر چارلس رائیری Dr. Charles Ryrie نے ایہہ رائے پیش کیتی، ’’جدوں خاتمہ نیڑے پہنچے گا، لوکی سفر کرن گے…‘‘ (رائیری دا مطالعۂ بائبل Ryrie Study Bible، دانی ایل12: 4 تے غور طلب گل)۔ نئی انٹرنیشنل بائبل New International Version حالانکہ بُہتیرے طریقیاں چہ اِک قابلِ اعتماد ترجمہ نئیں اے، آیت دے پہلے اَدھے حصے دا دُرست طور تے ترجمہ ایویں کردی اے، ’’بُہتیرے اِیتھے اُوتھے جان گے۔‘‘ تے ڈاکٹر ڈبلیو۔ اے۔ کرسویل Dr. W. A. Criswell کہندے نے کہ دانی ایل12: 4 سانوں دسدی اے کہ ’’اَخیرلے دِناں دے لئی حیران کُن کر دین آلی نقل و حرکت دے دور تے معلومات چہ اضافے دے یادگار لمحے دے دور دی پیشن گوئی کیتی جا چکی اے‘‘ (کرسویل دا مطالعۂ بائبل The Criswell Study Bible، دانی ایل 12: 4 تے غور طلب گل)۔

ایس حیران کر دین آلی نقل و حرکت نوں انسانی معلومات چہ اضافے نے ممکن بنا دِتا اے۔ بھاپ دے انجن دی دریافت توں پہلاں، کوئی وی 15 توں 18 میل فی گھنٹے توں بوہتا تیز سفر نئیں کر پاندا سی۔ بھاپ دے انجناں نے ریل گاڑی دے ذریعے توں اُوہنے تقریباً 60 میل فی گھنٹہ تیز کر دِتا اے۔ اِک ابتدائی گاڑی نے اُوس رفتار نوں تقریباً 70 میل فی گھنٹہ تے پہنچا دِتا۔ ابتدائی ہوائی جہازاں نے اُوس نوں تقریباً 250 میل فی گھنٹہ تے پہنچا دِتا۔ فیر جیٹ ہوائی جہازاں نے اُوہنوں تقریباً 600 میل فی گھنٹہ تے پہنچا دِتا۔

19ویں صدی دے آواخر وِچ جیولز ورنے Jules Verne نے دُنیا دے اِردگرد اسی دِناں چہ Around the World in Eight Days دے عنوان توں اِک کتاب لکھی۔ ایہہ اُوس ویلے دے لوکاں (تقریبا130 سال پہلاں) دے لئی حیرت انگیز وکھائی دیندی سی، تقریباً ناقابل یقین کہ اِک بندہ زمین دے اِردگرد اِک غبارے چہ صرف اَسی دِناں چہ جا سکدا اے! لیکن اَج تُسی اِک جیٹ طیارے چہ دُنیا دے اِردگرد دو دِناں چہ سفر کر سکدے نے۔ سپیس شٹل چہ اِک بندہ ½ 1 گھنٹے چہ ہو کے آ سکدا اے!

’’کئی لوکی اپنی معلومات چہ اضافہ کرن دے لئی اِیتھے اُوتھے تحقیق و تفتیش کردے پھرن گے‘‘ (دانی ایل12: 4)۔

یاد رکھو کہ بالکل اینج ای سیلاب توں پہلاں دے دِناں چہ رونما ہویا سی، جدوں قائین ’’اِک مفرور تے اِک آوارہ…زمین تے ہووے گا‘‘ (پیدائش4: 12)، تے جدوں اُوہنے عدن دے مشرق چہ نود نامی جگہ دا سفر کیتا – جیس دا مطلب ’’آوارہ گردی‘‘ کرنا ہوندا اے۔ یسوع نے کہیا،

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

لوکی مسلسل نقل و حمل چہ، مسلسل بے چینی چہ، مسلسل ساڈے زمانے چہ بدل رئے نے۔ ماڈل ٹی فورڈModel T Ford دی آمد توں پہلاں، لوکی شاید اِک دفہ سفر کردے تے فیر اپنی باقی دی حیاتی اِک ای تھاں تے رہ کر گزاردے۔ مگر ماڈل ٹی فورڈ نے اُوہناں دی نقل و حمل نوں بار بار تے بار بار کرنا ممکن بنا دِتا۔

میں یقین کرنا آں کہ ایہہ نقل و حمل ساڈے دور دے بے شمار مسائل دے پِچھے اے۔ ایہہ اِک بندے دی حیاتی نوں بار بار تے بار بار پھرن نال تباہ کر ڈالدا اے۔ ٹک جاؤ۔ اپنی جڑاں قائم کرو۔ کہوو، ’’میں فیر توں تھاں نئیں بدلاں گا،‘‘ تے ایہدے تے قائم رہوو۔ عبادت کرنے کے لیے گرجا گھر آئیں، تے ایتھے ای ٹھہرو رہوو! اِک توں دوجے گرجا گھر پھرنا اکثر زمانے دے اِختتام دی بے چین روح دا نتیجہ ہوندا اے۔

’’لیکن شریر موجزن سمندر دی طرح نے جیہڑا کدی ساکن نئیں رہ سکدا‘‘ (اشعیا57: 20).

ساڈے مادیت پرست زمانے چہ تبدیلی دی سمندر چہ تے مسلسل نقل و حمل چہ پُھدکدے پھرن توں باز رہوو۔ اپنی جڑاں نوں اِک انجیلی تبلیغ آلے گرجا گھر چہ قائم کرن تے اُوتھے ای رُک جان، پاویں کُج وی ہو جائے!

تے فیر مسیح دے کول آؤ۔ خود نوں خدا دے پُتر دے حوالے کر دو تے اُوہدے وسیلے توں نجات پاؤ۔ اُوہدے تے پروہسا کرو تے اُوہدا لہو تہاڈے گناہ دھو ڈالے گا۔ اُو تہاڈے گناہواں دا کفارہ ادا کرن دے لئی سولی تے مریا سی۔ اُو مُردیاں وِچوں جی اُٹھیا تے آسمان چہ خدا دے سجے ہتھ تے بیٹھا ہویا اے۔ یسوع دے کول آؤ تے نجات پاؤ۔

III تیجی گل، ایہہ او دور سی جدوں بُہتیرے لوکاں نے ناقابلِ معافی گناہ دا اِرتکاب کیتا سی۔

مہربانی نال اپنی بائبل وِچوں پیدائش چھ باب، آیت تین کھولو:

’’تے خداوند نے کہیا، میری روح انسان دے نال ہمیشہ مزاحمت نہ کردی رہوے گی کیوں جے اُو فانی اے۔ اُوہدی عمر اِک سو بیس برس دی ہو گی‘‘ (پیدائش 6: 3).

خداوند نے کہیا کہ انسان دی عمر صرف اِک سو بیس برس دی ہووے گی، جیہڑی کہ اَج دی انسان دی حیاتی چہ دس یا گیارہ دے برابر سی۔ اُوہدے بعد خدا اُوہناں دا نال چھڈ دیوے گا کیوں جے اُوہناں نوں ناقابلِ معافی گناہ دا اِرتکاب کیتا سی۔

شماریات دسدی اے کہ ساری تبدیلیاں دا نوے فیصد تیس وریاں دی عمر توں پہلاں رونما ہوندا اے، تے اسی فیصد بیس وریاں دی عمر توں پہلاں رونما ہوندا اے۔ بیس ورے دے بعد، تبدیلیاں دی تعداد حیرت انگیز طور تے ڈگ جاندی اے۔ لوکاں دی اِک بہوتی وڈی تعداد جیہڑی بیس ورے لنگہا دیندی اے کدی وی نئیں تبدیل ہوندی۔ کیوں؟ میرے خیال چہ ایہہ ایس لئی ہوندا اے کیوں جے خدا نے اُوہناں دا نال چھڈ دِتا ہوندا اے۔ اُوہناں دے دِل بچائے جان دے لئی انتہائی سخت ہو چکے ہوندے نے۔ اُوہناں نوں مذید ہُور اپنے گناہواں تے کوئی سزایابی محسوس نئیں ہوندی۔ تہاڈے بارے چہ کی خیال اے؟ کی تُسی گناہ دی سزایابی نوں محسوس کرن دے لئی پہلاں توں ای اپنے دِل چہ ایس قدر سخت ہو چکے نے؟ کی تُسی پہلاں ای توں خدا وَلوں چھڈے جا چکے نے؟

یاد رکھو، صرف چند لوکی ای (صرف آٹھ) نوح دے زمانے چہ بچائے گئے سن۔ بائبل کہندی اے،

’’جیس وِچ صرف آٹھ ہستیاں سورا ہو کے پانی توں صحیح سلامت بچ نکلے سن‘‘ (1۔ پطرس3: 20).

جے تُسی بچا لئے جاندے اُو تے تُسی اُوہناں چند وِچوں اِک ہون گے جیہڑے ایہناں بدکار دِناں چہ بچا لئے جاندے نے۔

’’جیویں کہ نوح دے دِناں وِچ ہویا سی اُونج ای اِبنِ آدم دی آمد دے ویلے ہووے گا‘‘ (متی24: 37)۔

اَج دی سویرے خداوند تہانوں کہندا اے،

’’میری روح انسان دے نال ہمیشہ مزاحمت نہ کردی رہوے گی‘‘ (پیدائش6: 3).

اپنے خیالات نوں اپنے گناہواں تے آں آلی قیامت تے مرکوز رکھو۔ فیر تے صرف فیر ای، تُسی یسوع مسیح تے اُوہدے لہو دے ذریعے توں نجات دی لوڑ نوں ویکھ پاؤ گے۔

ایتھے اِک لکیر اے جیہڑی ساڈے خُداوند نوں مُسترد کرن تے کھِچی گئی اے،
     جیتھے اُوہدی روح دی اواج کھو جاندی اے،
تے تُسی دیوانے ہجوم دے نال چھیتی کرو –
     کی تُسی اندازہ لگایا، کی تُسی قیمت دا اندازہ لگایا؟
کی تُسی قیمت دا اندازہ لگایا جے تہاڈی روح کھو جاندی اے،
     حالانکہ تُسی اپنے لئی پوری دُنیا حاصل کر لوو گے؟
ہو سکدا اے کہ ہُن وی تُسی جیہڑی لکیر پار کر چُکے اُو،
     کی تُسی اندازہ لگایا، کی تُسی قیمت دا اندازہ لگایا؟
(‘‘کی تُسی قیمت دا اندازہ لگایا؟Have You Counted the Cost? ‘‘ شاعر اے. جے. ہاجA. J. Hodge، 1923).

قیمت دا اندازہ لگاؤ! تہاڈی جان جہنم چہ ہمیشہ دے لئی کھو جائے گی! قیمت د ااندازہ لگاؤ! پاک روح تہاڈے توں جدا ہو جائے گی۔ تہاڈا نال چھڈ دِتا جائے گا – بالکل جیویں نوح دے زمانے چہ لوکاں وانگوں۔ اُو دروازہ بند ہو جان دے بعد کشتی دے باہر ست دِناں تیکر کھلوتے رئے۔ ست دِن لنگ گئے! لیکن اُوس ویلے تیکر بہوتی دیر ہو چکی سی! اُوہناں نے ناقابلِ معافی گناہ دا اِرتکاب کیتا سی۔ خدا نے اُوہناں دا نال چھڈ دِتا سی! میں تہانوں خبردار کرنا آں – ناقابلِ معافی گناہ دا اِرتکاب مت کرو! پاک روح دے سامنے گھٹنے ٹیک دیو! اپنے گناہواں دے بارے چہ سوچو! مسیح دے پاس آؤ – ایہہ کہہ لین دیو، ’’اُوہناں تے افسوس کیوں جے ایہہ قائین دی راہ تے چلے‘‘ (یہوداہ11)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔