ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
سَپ تے عورت
|
جدوں اَسی پیدائش 3: 1 دے بارے چہ سوچنے آں تے سانوں اپنے ذہن توں قرون وسطیٰ دی باغ عدن وِچ آدم تے حوّا دی آزمائش تے مشتمل اُوس مصوری نوں نکال دینا چائیدا اے جیہڑی اَسی ویکھ چکے آں۔ اُو تصویراں اِک درخت دی شاخاں وِچ بل پائے ہوئے اِک سَپ نوں وکھاندیاں نے جیہڑا آدم تے حوّا نوں شاخاں نال لٹکے ہوئے اِک لال سیب نوں کھان دے لئی کہہ رہیا اے۔ ایہہ اُوس گل دی اِک مکمل غلط بیانی اے جیہڑی اَسی بائبل وِچ اصل چہ پڑھنے آں۔ پہلی گل، اُوتھے اُونج دا کوئی سَپ نئیں سی جیویں دے سَپاں نوں اَسی جاننے آں۔ ’’سَپ‘‘ دی پاویں جیہو جئی وی قسم سی، اُو یقینی طور تے اُوس طرح دی شکل دا کوئی سَپ نئیں سی جیویں کہ اَسی اَج دی دُنیا وِچ ویکھنے آں۔ ڈاکٹر رائری Dr. Ryrie قیاس کردے نے کہ اُو غیر معلون حالت وِچ، ’’ظاہری طور تے اِک خوبصورت مخلوق‘‘ سی (چارلس سی۔ رائری، پی ایچ۔ ڈی۔ Charles C. Ryrie, Ph.D.، رائری دا مطالعۂ بائبل The Ryrie Study Bible، موڈی پریسMoody Press ، 1978، صفحہ11؛ پیدائش3: 1 تے غور طلب گل)۔ شیطان نے سَپ تے قبضہ کیتا ہویا سی۔ ڈٓاکٹر گِل Dr. Gill نے کہیا، ’’شیطان دے قبضے وِچ آیا ہویا تے اُوہدی سازش دے اِک آلہ دے طور تے استعمال وِچ لیہایا گیا، جیویں کہ اُوہدے بولن دی صلاحیت، تے وجوہات دے استعمال توں ظاہر ہوندا اے، جیہڑی کہ انتہائی چال بازی تے پُرکشش انداز وِچ اپنائی گئی سی… پاک کلام ہمیشہ شیطان توں انسان دے بھٹک جان دے عمل دی وضاحت کردا اے؛ جیس نے، چونکہ اُوس سَپ دے ذریعے توں اُوہدے دھوکے توں بھرپور کردار نوں سرانجام دِتا، سَپ تے بُڈھا اژدھا، تے ابلیس تے شیطان کہلاندا اے، 2 کرنتھیوں11: 3؛ مکاشفہ12: 9‘‘ (جان گِل، ڈی۔ڈی۔ John Gill, D. D.، پرانے تے نئے عہد نامے دی اِک تفسیرAn Exposition of the Old and New Testaments، بپٹسٹ سٹینڈرڈ بیئرر The Baptist Standard Bearer، دوبارہ اشاعت1989، جلد اوّل، صفحہ22؛ پیدائش3: 1 تے غور طلب گل)۔
ایویں، میں یقین کرنا واں کہ شیطان نے ایس خوبصورت مخلوق دے مُنہ دے ذریعے توں بات چیت کیتی سی۔ حوّا حیران نئیں ہوئی سی جدوں ایہنے اُوہدے نال گل کیتی سی۔ ڈاکٹر مورسDr. Morris نے کہیا، ’’شاید اُو محض حوّا ہووے گی، اپنی معصومیت وِچ، ہُنے تیکر نئیں جانندی ہووے گی کہ عدن [دے باغ] وِچ اُوہدے اِردگرد جانور بولن دے قابل نئیں سن تے ایسے لئی جدوں سَپ نے اُوہدے نال گل کیتی تے حوّا خبردار نئیں ہوئی سی‘‘ (ھنری ایم۔ مورس، پی ایچ۔ ڈی۔ Henry M. Morris, Ph.D.، پیدائش دا ریکارڈ The Genesis Record، بیکر کُتب گھر Baker Book House، 1986 ایڈیشن، صفحہ109)۔ فیر توں ڈاکٹر مورس نے کہیا، ’’ایہہ گل واضح اے کہ محض اِک بولن آلے سَپ دی کہانی دے مقابلے وِچ ایس واقعے چہ مذید کُج ہُور وی اے۔ بائبل بعد چہ اُوس ’بُڈھے اژدھے‘ دی خود شیطان دے علاوہ کوئی ہُور نئیں سی کہ حیثیت توں پہچان کراندی اے، مکاشفہ12: 9؛ 20: 2‘‘ (مورس، ibid.، صفحہ107)۔
ایتھے پہلی وری دُنیا وِچ بُرائی دے مسئلے دے نال اَسی سامنا کرنے آں۔ جے خداوند پاک تے قادر مطلق اے تے کیوں اُوہنے بُرائی نوں دعوت دِتی، حقیقت چہ بُرائی نے سرے توں جنم ای کیوں لہیا ہووے گا؟ بدی دی وجودیت دے مسئلے دا واحد بائبلی جواب ایتھے پیدائش دے تیجے باب وِچ ای مل جاندا اے۔ ڈاکٹر مورس نے کہیا، ایس توں پہلاں کہ انسان ایس دُنیا وِچ گناہ نوں لیہیا پاندا، ایہنوں ضرور خود توں ہٹ کے اِک بیرونی آلۂ کار دے ذریعے توں گناہ دے لئی قائل کیتا گیا، چونکہ اُوتھے ہلے تیکر خود [انسان دی] فطرت وِچ [گناہ دی] اِک سمت وِچ اُوہدے اینج رہنمائی کرن دے لئی کُج وی نئیں سی‘‘ (مورس، ibid.، صفحہ106)۔
شیطان آیا کدروں سی؟ ایہدا جواب پرانے عہد نامے وِچ دو حوالے پیش کرنے آں۔ اشعیا14: 12۔15 وِچ سانوں دسیا گیا اے،
’’اے صبح دے ستارے، فجر دے پُتر، توں کیوں آسمان توں ڈِگ پیہیا! توں جیہڑا کسی زمانہ وِچ قوماں نوں زیر کردا سی، خود وی زمین تے پٹکا گیا! توں اپنے دِل وِچ کہندا سی، میں آسمان تے چڑھ جاواں گا، تے اپنا تخت خدا دے ستاریاں توں وی اُوچا کراں گا، میں جماعت دے پہاڑ تے وی تخت نشین ہوواں گا، اُوس مقدس پہاڑ دی بالائی چوٹیاں تے۔ میں بدلاں دے سِراں توں وی اُتے چڑھ جاواں گا، میں خدا تعالیٰ وانگوں بنا گا۔ لیکن توں قبر وِچ اُتاریا گیا، بالکل پاتال دی تہہ وِچ‘‘ (اشعیا14: 12۔15).
سیکوفیلڈ مطالعۂ بائبل The Scofield Study Bible کہندی اے کہ ایہہ حوالہ ’’واضح طور تے شیطان دے متعلق اے، جیہڑا، اُوس دُنیا دے نظام دے شہزادے دی حیثیت توں… اُو حقیقی اے حالانکہ اندیکھا حکمران… ایہہ زبردست حوالہ کائنات وِچ گناہ دے آغاز دی نشاندہی کردا اے۔ جدوں لوسیفر نے کہیا، ’میں [خدا تعالیٰ وانگوں] بناں گا‘ گناہ دا آغاز ہویا‘‘ (سیکوفیلڈ مطالعۂ بائبل The Scofield Study Bible، 1917 ایڈیشن، اشعیا14: 12 تے غور طلب گل)۔ ایس ای قوت توں بھرپور بُری روح دے بارے چہ حزقی ایل 28 باب وِچ گل کیتی گئی اے، جیہڑی کہندی اے،
’’توں عدن وِچ سی جیہڑا خدا دا باغ سی… تیری پیدائش دے دِن توں لے کے تیرے وِچ ناراستی سمانے تیکر تیری رَوِشاں بے گناہ سن… اپنے حسن دے باعث تیرا دِل مغرور ہویا، تے اپنے جمال دے سبب توں توں نے اپنی حکمت نوں وگاڑ لیہیا۔ ایس لئی میں تینوں زمین تے پٹک دیاں گا… توں نہایت بھیانک انجام نوں پہنچا تے ہُن باقی نہ رہے گا‘‘ (حزقی ایل 28: 13،15،17،19).
ڈاکٹر مورسDr. Morris نے کہیا، ’’[ایہناں حوالیاں] دِتے گئے بیانات محض اِک زمینی بادشاہ دے لئی کدی وی سچ نئیں ہون گے‘‘ (مورسMorris، ibid.، صفحہ 107)۔ اُو شیطان وَل حوالہ دیندے نے، جیہڑا بابل تے صُورTyre دے بادشاہواں دے پِیچھے اصل قوت سی۔ تے حزقی ایل وِچ پاک کلام دے حوالے وِچ، شیطان نوں ’’عدن جیہڑا خدا دا باغ اے‘‘ اُوہدے چہ ہُون دے بارے وِچ کہیا گیا (حزقی ایل28: 13)۔ میں یقین کرنا واں کہ ایہہ براہ راست ظاہر کردا اے کہ شیطان سَپ وِچ حوّا نال گلاں کر رہیا سی، جیویں کہ اَسی اپنی تلاوت وِچ ویکھیا،
’’خداوند خدا نے جِنہے دشتی جانور بنائے سن، سَپ اُوہناں وِچوں سب توں بوہتا چالاک سی۔ اُوہنے عورت نوں کہیا، کی واقعی خدا نے کہیا اے کہ تُسی باغ دے کسی درخت دا پھل نئیں کھانا؟‘‘ (پیدائش3: 1).
غور کرو کہ ایہہ آخیرلی وری نئیں سی کہ شیطان اِک بندے نوں لالچ دین دے لئی ظاہر ہویا سی۔ لوقا دا چوتھا باب سانوں دسدا اے کہ شیطان نے بیابان وِچ، مسیح دی منادی دے شروع ہون دے قریب نجات دہندہ نوں آزمایا سی۔ ایتھے لوقا دے چوتھے باب وِچ سانوں دسیا جاندا اے کہ یسوع،
’’روح دی ہدایت توں بیابان وِچ چلا گیا تے چالیس دِن تیکر شیطان دے ذریعہ آزمایا جاندا رہیا‘‘ (لوقا4: 1۔2).
جیویں حوّا دے نال ہویا سی، شیطان نے مسیح نال وی گل کیتی۔ مگر ایتھے اُو اِک جانور یا اِک رینگن آلے کیڑے دے ذریعے توں گل کرن دے لئی ظاہر نئیں ہویا سی۔ اُو براہ راست یسوع نال ہمکلام ہویا سی، اُوہنوں ایس ای طرح نال آزما رہیا سی، جیویں اُوہنے باغ عدن وِچ ساڈے پہلے ماں پیو نوں آزمایا سی۔ ایس دے باوجود، جیویں آدم تے حوّا شیطان دی آزمائش وِچ پھنس گئے سن، خداوند یسوع مسیح نے اُوہدی مزاحمت کیتی۔ ایہہ باغ عدن وِچ انسان دے گناہ نوں درست کرن دے لئی مسیح دا آغاز سی، جیہڑا کہ بالاآخر اُوس ویلے مکمل ہو گیا سی جدوں اُو ساڈے گناہواں دا کفارہ ادا کرن دے لئی سولی تے مریا سی تے سانوں نئی حیاتی بخشن دے لئی مُردیاں وِچ جسمانی طور تے جی اُٹھیا سی۔
شیطان، تے اُوہدے آسیبی فرشتے، خدا تے مسیح دے حریفاں دی حیثیت توں چاروں اناجیل تے اعمال دی کتاب وِچ شروع توں آخیر تیکر ظاہر ہوندے نے۔ بِلاشُبہ، دِل دی بُری ایس بدکار روح نوں ناماں وِچوں اِک دِتے گئے ناں دا مطلب ’’حریفadversary‘‘ ہوندا اے۔ ایہو ای ’’شیطان‘ ناں دا انتہائی مطلب ہوندا اے۔ اُو ساڈا حریف اے، تے اُو ایتھوں تیکر کہ اَج دے دِن تیکر خدا دا حریف تے دشمن اے۔ پطرس رسول نے لکھیا،
’’ہوشیار تے خبردار رہوو کیوں جے تہاڈا دشمن ابلیس دھاڑدے ہوئے شیر ببر وانگوں لبھدا فیردا اے کہ کیس نوں پھاڑ کھائے۔ اُوہدا مقابلہ کرو تے ایمان وِچ مضبوط رہوو۔ مت بھولو کہ تہاڈے مسیحی بھائی جیہڑے دُنیا وِچ نے اُو وی اینج ای دُکھاں نال دو چار اُو‘‘ (1۔ پطرس5: 8۔9).
سچے مسیح کو ’’ایمان چہ‘‘ ابلیس نال مزاحمت کرن دے لئی دسیا گیا اے۔ مسیح وِچ ساڈا ایمان ای ابلیس دی چالبازیاں دے خلاف ساڈا سب توں وڈا ہتھیار اے۔
لیکن جے تُسی کدی وی مسیح وِچ ایمان لیہیا کے تبدیل نئیں ہوئے اُو تے میں جاننا واں کہ تُسی عدن دے باغ وِچ حوّا دے مقابلے وِچ شیطان دے ذریعے توں چالبازی وِچ پھنسن تے دھوکہ کھان دے بوہتے لائق آں۔ درحقیقت، خدا دے فضل دے بغیر، تُسی ہمیشہ دھوکہ کھاندے ای رہوو گے۔ پولوس رسول نے کہیا،
’’جے ساڈی خوشخبری ہُنے وی پوشیدہ اے تے صرف ہلاک ہون آلیاں دے لئی پوشیدہ اے۔ چونکہ ایس جہاں دے خدا نے اُوہناں بے اعتقاداں دی عقل نوں اَنّا کر دِتا اے، ایس لئی اُو خدا دی صورت یعنی مسیح دے جلال دی خوشخبری دی روشنی نوں ویکھن توں محروم نے‘‘
(2۔ کرنتھیوں4: 3۔4).
بالکل جیویں عدن دے باغ وِچ حوّا دے نال ہویا سی، شیطان دا اصل مقصد تہانوں خوشخبری دی سچائی توں اَنّا رکھنا تے مسیح وِچ نجات پان توں دور رکھنا اے۔ اُوہنے حوّا نوں منع کیتے ہوئے پھل نوں کھان دی چالبازی وِچ پھنسا لیہیا سی، ایویں اُوہنوں حیاتی دے درخت دا پھل کھان توں دور رکھیا سی کہ کدرے اُو عدن دی خدا دی جنت وِچ ہمیشہ دے لئی حیاتی نہ گزار پائے۔
’’خداوند خدا نے جِنہے دشتی جانور بنائے سن، سَپ اُوہناں ساریاں توں بوہتا چالاک سی۔ اُوہنے عورت نوں کہیا، واقعی خدا نے کہیا اے…؟‘‘ (پیدائش3: 1).
شیطان دی پہلی خطرناک حد تیکر ناقابلِ اِعتبار چالبازی حوّا نوں جیہڑا خدا نے کہیا سی اُوہدے تے شک کروانا سی۔ کی ایہہ گل اَج وی سچی نئیں اے؟ شیطان چاہندا اے کہ تُسی خدا دے بارے وِچ اُوہناں گلاں تے شک کرو جیہڑی بائبل کہندی اے، خصوصی طور تے تہاڈی نجات دے بارے وِچ جیہڑا خدا دا کلام کہندا اے۔ شیطان دی مزاحمت کرو تے بائبل وِچ یقین کرو۔ یسوع نے کہیا،
’’اے محنت کشو تے بوجھ نال دبے ہوئے لوکو! میرے کول آؤ۔ میں تہانوں آرام بخشاں گا‘‘ (متی11: 28).
شیطان دے آزمان آلے خیالات نوں نکال باہر سُٹو، تے مسیح دے کول آؤ، تے تُسی اپنی جان دے لئی سکون تے آرام پاؤ گے جیویں کہ اُوہنے وعدہ کیتا۔ مسیح دے کول آؤ تے تُسی خدا دی نظر وِچ مکمل طور تے راستباز ٹھہرائے جاؤ گے۔ ایمان دے وسیلے توں مسیح دے کول آؤ تے ہر اِک گناہ جیہڑا تہاڈے کولوں کدی وی سرزد ہویا اے، یا کدی سرزد ہووے گا، اُسی لمحے جدوں تُسی ایمان دے وسیلے توں اُوس یسوع دے کول آؤ گے یسوع دے لہو دے ذریعے توں دُھل کے پاک صاف ہو جاؤ گے۔ جیویں کہ حمدوثنا دے گیت لکھن آلے بہوتے وڈے پیوریٹن جوزف ہارٹJoseph Hart نے کہیا،
جیس لمحے اِک گنہگار یقین کردا اے،
تے اپنے مصلوب خدا وِچ پروہسا کردا اے،
اُوہدی معافی اِک دم اُو قبول کردا اے،
اُوہدے لہو وِچ نجات مکمل ہوندی اے!
(’’جیس لمحے اِک گنہگار یقین کردا اےThe Moment a Sinner Believes‘‘ شاعر جوزف ہارٹ Joseph Hart، 1712۔1768)۔
تے میں دعا منگناں آں کہ تُسی ایمان دے وسیلے توں یسوع دے کول آؤ گے۔ آمین۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔