ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُج ہفتے پہلاں، میں ’’پیتل دا سَپ‘‘ دے عنوان نال اِک پیغام لہایا سی جیہڑا اصل وِچ میرے پادری ڈاکٹر آر ایل ہائیمرز جونیئر نے لکھیا سی تے ایہدی تبلیغ کیتی سی۔ ایس پیغام وِچ سانوں خدا تے موسیٰ دے خلاف بنی اسرائیل دے بڑبڑان دی یاد دلائی گئی سی۔ مصر وِچ غلامی توں چھٹکارا پان دے باوجود ایس دنیا نے سب توں وڈے معجزے ویکھے سن۔ فیر اَسی بُڑبڑان دا نتیجہ ویکھیا جدوں آخیر کار خدا نے اپنا تحفظ دا ہتھ چُک لہیا تے سَپاں نے جیہڑا شروع شروع وِچ کیمپ توں دور رہندے سن ہُن ایہدے تے حملہ کیتا تے بنی اسرائیل نوں کٹ کے ماریا۔ آخیر وِچ، اَسی ویکھیا کہ کسی طرح خدا نے اپنے فضل نال پیتل دے سَپ دے ذریعے توں سزا دا علاج فراہم کیتا تے ایس دا مسیح دی قربانی نال کینج قریب توں موازنہ کیتا جا سکدا اے۔ جوں جوں میں ایہناں آیتاں تے مذید غورکرنا شروع کیتا، تے اُوتھے مینوں اضافی نکات لبھے جِنہاں دے ذریعے توں اخذ کیتا جا سکدا اے کہ اُو گمراہ ہوئے [لوکاں] تے نجات پائے ہوئے [لوکاں] دوواں تے لاگو ہوندے نے۔

سب توں پہلاں، ڈاکٹر ہائیمرز نے اِک وری نشاندہی کیتی سی کہ پیتل دے سَپ وَل ویکھنا ایہناں لوکاں نوں نجات دلان دے لئی کافی سی جیہڑے مصیب وِچ سن۔ اَسی گنتی دی کتاب دے 1 باب توں سیکھنے آں کہ اُوتھے 600,000 توں زیادہ لوکی سن جیہڑے اسرائیل دے مختلف قبائل دے پُتر سن۔ ایہہ تعداد اسرائیل دی فوج تے مشتمل سی تے ایس وِچ صرف 20 ورے دی عمر تے ایس توں بوہتی عمر دے مرد شامل سن جیہڑے لڑن دے قابل سن۔ لہٰذا، جے اَسی عورتاں نوں، تے بچیاں نوں تے دیگر لوکاں نوں شامل کریے تے ایہہ تعداد 10 لاکھ توں بوہتی ہووے گی۔ 10لاکھ توں بوہتے لوکی تے ایہناں دے ریوڑ، سامان، گڈیاں تے خیمے سارے نال نال مضبوطی نال بھرے ہوئے، پیتل دے سَپ نوں ویکھنا مشکل ہووے گا پاویں اُو وڈا ای کیوں نہ ہووے تے بوہتے اُوچے کھمبے تے ای کیوں نہ ہووے۔ لیکن جے بنی اسرائیل جسمانی طور تے پیتل دے سَپ نوں نئیں ویکھ سکدے سی تے اُو کیویں بچ سکدے سی؟ ایہہ اُو تھاں اے جیتھے انجیل دی خوبصورتی چمکدے رہنا جاری رکھدی اے۔ آؤ یوحنا3: 14۔15 آیات نوں ویکھیے۔

’’جیویں موسیٰ نے بیابان وِچ پِتل دے سَپ نوں لکڑی تے لمکا کے اُوچا کیتا، اویں ای ضروری اے کہ ابنِ آدم وی اُوچا کیتا جائے: تاں جے جیہڑا کوئی وی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 14۔15)۔

ایتھے اَسی ویکھنے آں کہ مسیح وِچ ایمان دا اُو عمل اے جیہڑا نجات دے لئی شمار ہوندا اے، جسمانی طور تے ایہنوں ویکھن نال [شمار] نئیں ہوندا۔ جے نجات دے لئی ویکھنا ضروری سی، تے مسیح دے آسمان تے چُکے جان دے بعد اَسی سارے بد قسمتی دا شکار ہو گئے ہوندے۔ یسوع نے آپئے ایس آیت وِچ وضاحت فراہم کیتی جیس نوں اَسی ہُنے ہُنے پڑھیا اے، ’’کہ جیہڑا کوئی ایمان لہیائے ہلاک نہ ہو، بلکہ ہمیشہ دے حیاتی پائے۔‘‘ لہٰذا، کیمپ دے مضافات وِچ رہن آلے اِک مصیبت زدہ اسرائیلی دے نال کی ہووے گا جیہڑا تیز بخار نال اپنی بینائی گنوا بیٹھا سی، جیہڑا دھشت ناک سَپ دے کٹن نال ہویا سی۔ کی اُو انیہرے وِچ انّا دُھند گھمدا پھردا اے؟ جے اینج ہوندا تے اَسی ایہدے کولوں سوال نئیں پُچھاں گے، کیوں جے سانوں یاد رکھنا چائیدا اے کہ ایہہ ایس دے اپنے گناہ دا نتیجہ سی۔ لیکن خدا نے اپنی رحمت نال پیتل دے سَپ وِچ علاج فراہم کیتا۔ جے اُو ایمان دے نال سَپ وَل ویکھدا تے اُو وی جیوندا رہندا۔

دوجی گل، اَسی ویکھنے آں کہ جیہڑے لوکی سَپ نوں ویکھدے سن اُو جیوندا رہندے سن، لیکن ایس دا ایہہ مطلب نئیں کہ اُوہناں نوں تکلیف نئیں ہوئی۔ اگرچہ میں انساناں دی بدحالی دی گہرائیاں تے حیران نئیں ہوواں گا، لیکن مینوں ایہہ یقین کرنا مشکل سی کہ مصیبت زدہ بنی اسرائیل اپنے آلے دوالے دے لوکاں نوں معجزانہ طور تے ٹھیک ہوندے ویکھ کے پیتل دے سَپ نوں ویکھن توں انکار کر دین گے۔ لیکن میری سوچ وِچ اِک خامی سی۔ بائبل نے کدی نئیں کہیا کہ بنی اسرائیل پیتل دے سَپ نوں ویکھ کے شفا پان گے، بائبل صرف بار بار کہندی اے کہ اُو جیوندے رہن گے۔

’’فیر اُو لوکی موسیٰ دے کول آ کے کہن لگے کہ اَسی گناہ کیتا اے کہ اَسی خداوند تے تیرے خلاف زبان درازی کیتی۔ دعا کر کہ خداوند ایہناں سَپاں نوں ساڈے توں دور کر دے۔ چناچہ موسیٰ نے لوکاں دے لئی دعا کیتی۔ خدا نے موسیٰ نوں کہیا کہ اِک سَپ بنا لے تے اُوہنوں کھمبے تے لمکا تے سَپ دا ڈسیا ہویا جہیڑا کوئی اُوہنوں ویکھ لئے گا اُو جیوندا بچے گا۔ چناچہ موسیٰ نے پیتل دا اِک سَپ بنا کے اُوہنوں کھمبے تے لمکا دِتا۔ فیر جدوں کدی کسی نوں سَپ ڈس لیہندا اُو اُوس پیتل دے سَپ وَل ویکھدا تے جیوندا بچ جاندا‘‘ (گنتی21: 7۔9)۔

’’ایہہ کیوں ضروری سے؟‘‘ تُسی پُچھ سکدے اُو؟ ایہہ ایس لئی اے کہ باہر توں، گمراہ ہویا تے بچایا ہویا اِک وگرے ظاہر ہو سکدے نے۔ اَسی ظاہری شکل نوں ویکھ کے ایہہ تعین نئیں کر سکدے کہ کوئی گمراہ ہو گیا یا بچ گیا۔ ایہناں مصیبت زدہ بنی اسرائیلیاں وانگوں جِنہاں ںوں دھشت ناک سَپاں دے کٹن دے بعد پیتل دے سَپ تے نظر پان دے بعد درد، تیز بخار تے تشنج [وگری بیماریاں] ہوئیاں سن، اُو ہُنے وی اُوسی درد، تیز بخار تے تشنج [دے دورے] محسوس کر رئے ہون گے… فرق ایہہ اے کہ اُو مرے نئیں سن۔ اِک مسیحی اینج دیاں آزمائیشاں وِچوں دُنیا دے اِک بچے وانگوں لنگہے گا۔ دوویں ای آزمائشاں، مصیبتاں تے بیماریاں تے دُکھاں وِچوں لنگہن گے۔ دوویں دے وِچکار فرق ایہہ اے کہ آیا اُو اُوس تے ایمان رکھدے نے تے ہمیشہ دی حیاتی پاندے نے۔ جے تہانوں یقین اے کہ مسیح وِچ ایمان لہیان دے تبدیلی دے بعد حیاتی سُکھی ترین تے خوشیاں نال بھرپور ہو جائے گی، تے مینوں، تہانوں ایہہ دسدے ہوئے افسوس ہو رہیا اے کہ اینج نئیں اے۔ سارے مسیحی حیاتی وِچ بُلندی تے پستی دا تجربہ کرن گے۔ جیویں کہ پہلاں بیان کیتا گیا اے، اَسی دُنیا دے بہوتی ایہو جئی آزمائشاں تے فتنیاں وِچوں لنگہاں گے۔ ایس دے علاوہ، مسیح وی شیطان تے شیطانی حملیاں دا تجربہ کرن گے۔ جے اینج اے تے اَسی مسیح تے پروہسا کیوں کریے؟ آؤ یوحنا دے 3 باب نوں فیر توں ویکھنے آں۔

’’جیویں موسیٰ نے بیابان وِچ پِتل دے سَپ نوں لکڑی تے لمکا کے اُوچا کیتا، اویں ای ضروری اے کہ ابنِ آدم وی اُوچا کیتا جائے: تاں جے جیہڑا کوئی وی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 14۔15)۔

حیاتی۔ اِک مسیحی ہلاک نئیں ہووے گا بلکہ ہمیشہ دی حیاتی پائے گا۔ یسوع تے پروہسا کرن دے بعد، اِک مسیحی ہمیشہ دی حیاتی پائے گا۔ اَسی اوچ نیچ دا تجربہ کراں گے، جِنہوں میں طب وِچ EKG مشین نال تشبیہ دینا آں۔ چوٹیاں تے وادیاں دا ہونا ایس گل دا ثبوت اے کہ تُسی زندہ انسان اُو۔ خوش قسمتی نال پہاڑ دا خدا وی وادی دا خدا اے۔ جے تہانوں چوٹیاں تے وادیاں دا تجربہ نئیں اے، تے تُسی [سب کُج] ملیا میٹ کر لہیا اے تے کسی نوں ایہہ چیک کرن دے لوڑ اے کہ آیا تُسی جیوندہ وی اُو۔ جی ہاں، اِک مسیحی نوں ہَلے وی دُنیا دی ایہو جئی بے شمار آزمائشاں تے مصیبتاں دا سامنا کرنا پیہئے گا۔ جی ہاں، اُو شیطان تے شیاطین دا نشانہ بن جائے گا۔ جی ہاں، ابدی حیاتی دا رستہ غدار ہووے گا تے دُکھاں تے اَتھروواں تے شاید لہو نال ہموار ہووے گا… لیکن مسیحی اِیس سڑک تے اکیلے نئیں ٹُرے گا۔ دوجے لوکی جیہڑے ساڈے توں پہلاں ایس راہ تے ٹُر چکے نے اُو ساڈی رہنمائی دے لئی حاضر ہو سکدے نے۔ ڈاکٹر ہائیمرز نے اپنے واعظاں تے ای میل دے جوابات دے ذریعے ایس گرجا گھر وِچ تے گرجا گھر توں باہر آلیاں نوں وی انمول رہنمائی فراہم کیتی اے۔ ایس توں ودھ کے، خدا نے وعدہ کیتا اے کہ اُو تہانوں ایہو جئی آزمائشاں توں لنگہن نئیں دیوے گا جِنہاں نوں تُسی برداشت نئیں کر سکدے۔

’’تُسی کسی ایہو جئی آزمائش وِچ نئیں پیہئے جیہڑی انسان دی برداشت توں باہر ہووے۔ خدا تے پروہسا رکھو اُو تہانوں تہاڈی قوتِ برداشت توں بوہتی سخت آزمائش وِچ پیہن ای نئیں دیوے گا۔ بلکہ جدوں آزمائش آوے گی تے ایس توں بچ نکلن دی راہ وی پیدا کر دیوے گا تاکہ تُسی برداشت کر سکو‘‘ (1 کرنتھیوں10: 13)۔

دُنیا بھر وِچ ساڈے بھائی تے بہناں زندہ شہید نے۔ اُو خاندان، دوستاں، پڑوسیاں تے حکومت وَلوں آزمائشاں تے مصیبتاں دا سامنا کر رئے نے۔ ایہناں دی مذمت کیتی جا رئی اے، ماریا تے پیٹیا جا رہیا اے، قید کیتا جا رہیا اے، تشدد کیتا جا رہیا اے، تے ایتھوں تیکر کہ مار دِتا جا رہیا اے۔ فیر وی اُو وفاداری نال ایس راہ تے ٹُردے رہندے نے جیہڑی ابدی حیاتی وَل جاندی اے۔ جے تُسی کسی نوں اِک پاسے کِھچو تے ایہناں نوں پُچھو اُو اینج دیاں مشکلاں وِچ لنگہن دے لئی کیوں تیار نے، تے اُو تباہی دے شہر توں نڈھدے ہوئے زائرین دی ترقPilgrim’s Progress آلے مسیحی وانگوں جواب دین گے، ’’حیاتی، حیاتی، ابدی حیاتی۔‘‘ یسوع نے ساڈے نال وعدہ نئیں کیتا کہ مسیحی حیاتی سُہوکھی ہووے گی۔ ایہنے دراصل ایس دے برعکس کہیا، ایہنے سانوں دسیا کہ،

’’تُسی دُنیا وِچ مصیبتاں چکدے اُو مگر ہمت نال کم لوؤ۔ میں دُنیا تے غالب آیا آں‘‘ (یوحنا16: 33)۔

’’میری ایہہ گل یاد رکھو کہ کوئی نوکر اپنے مالک توں وڈا نئیں ہوندا۔ جے دُنیا آلیاں نے مینوں ستایا اے تے اُو تہانوں وی ستان گے…‘‘ (یوحنا15: 20)۔

تے پطرس نے سانوں 1 پطرس 2 باب وِچ دسیا:

’’تُسی وہ ایسی قسم دے چال دے لئی بُلائے گئے اُو: کیوں جے مسیح نے تہاڈی خاطر دُکھ چُک کے اِک مثال قائم کر دِتی تاکہ تُسی اُوہدے نقشِ قدم تے ٹُر سکو‘‘ (1پطرس2: 21)۔

ایہناں آیتاں توں، اَسی ویکھنے آں کہ مشکل یا مصیبت اِک عام معیار یا معمول اے۔ آسانی نال یقین کر لین آلی تعلیم دا مذہب تے مقصد تے تحت لنگہائی جان آلی حیاتی تے خوشحالی دی الہٰیات عام معیار معمول نئیں نے، تے میں کہین دے لئی ایس حد تیکر جاواں گا کہ ایہہ مسیحیت نئیں اے! اُو مختلف مذاہب نے! اِک مبلغ کہندا اے، ’’مسیحی حیاتی سُہوکھی ہون آلی اے!‘‘ میرا جواب، ’’ایہہ رچرڈ ورمبرانڈRichard Wurmbrand نوں دَسو جِنہاں نے مسیح دے لئی بولن تے 14 ورے قید تے اذیتاں برداشت کیتیاں۔‘‘ اِک مبلغ کہندا اے، ’’مقصد دے تحت حیاتی لنگہانا تہانوں ایک لمبے عرصے تیکر جیوندا رہن وِچ مدد دے گا۔‘‘ میرا جواب، ’’ایہہ ڈیٹریچ بونہوفر Dietrich Bonhoeffer نوں دسو جیہڑے 39 وریاں دی عمر وِچ جرمنی چہ نازیاں دے ہتھوں مارے گئے سن۔‘‘ اِک مبلغ کہندا اے، ’’خدا چاہندا اے کہ تُسی امیر بنو!‘‘ میرا جواب، ’’ایہہ گل پولوس رسول نوں دسو جیس نے ہر شے دا نقصان چُکیا تے اُوہناں [شیواں] نوں گوئے دے طور تے شمار کیتا تاکہ مسیح نوں جیت سکے۔‘‘ ایہہ پولوس رسول ای سی جیس نے لکھیا،

’’تے صرف ایہہ ای نئیں اَسی اپنی مصیبتاں وِچ وی خوش ہونے آں کیوں جے اَسی جاننے آں کہ مصیبت نال صبر پیدا ہوندا اے۔ تے صبر نال مستقل مزاجی تے مستقل مزاجی نال اُمید پیدا ہوندی اے۔ ایہو جئی اُمید سانوں مایوس نئیں کردی کیوں جے جیہڑا پاک روح سانوں بخشا گیا اے اُوس دے وسیلہ توں خدا دی محبت ساڈے دِلاں وِچ پائی گئی اے‘‘ (رومیوں5: 3۔5)۔

ہُن اِسی ویکھنے آں کہ بائبل دی بُہتیری آیتاں ایس خیال دی تائید کردیاں نے کہ دھشت ناک سَپ دے کٹے جان آلا اسرائیلی فوری طور تے شفا پان دے بجائے مصیبت وِچ مبتلا رہیا ہووے گا۔ آزمائشاں تے مصیبتاں نوں خدا وَلوں مسیحی دے ایمان نوں جانچن دے لئی استعمال کیتا جاندا اے۔ پرانے زمانے دا حمدوثنا دا اِک عظیم گیت کہندا اے:

جدوں شدید آزمائشاں دے راستے توں تو لنگہے گا،
     میرا فضل مکمل طور تے تیری ڈھال ہووے گا؛
کہ شعلے تیہنوں نقصان نئیں پہنچان؛ میں نے واحد تدبیر کیتی اے
     تیری گندگی نوں ہڑپن دے لئی، تےتیرے سونے نوں کُندن بنان دے لئی۔‘‘
     (’’کیہو جئی مضبوط اِک بنیاد How Firm a Foundation،‘‘ حمدوثنا دے گیتاں دی ریِپون Rippon دی سلیکشن ’’K‘‘ وِچوں، 1787)۔

تیجی گل، غور کرو کہ خدا نے اسرائیلیاں نوں بالکل اُوہی نئیں دِتا جیس دے لئی اُوہناں نے دعا کیتی سی۔ گنتی دی کتاب وِچ 21: 7 نوں فیر توں ویکھو۔

’’فیر اُو لوکی موسیٰ دے کول آ کے کہن لگے کہ اَسی گناہ کیتا اے کہ اَسی خداوند دے تے تیرے خلاف زبان درازی کیتی۔ دعا کر کے کہ خداوند ایہناں سَپاں نوں ساڈے توں دور کر دے۔ چنانچہ موسیٰ نے لوکاں دے لئی دعا کیتی‘‘ (گنتی21: 7)۔

بنی اسرائیل نے موسیٰ دے سامنے اپنے گناہ دا اقرار کیتا تے اُوہنوں التجا کیتی کہ خُدا توں سپّاں نوں دور کرن لئی کہوے۔ تاہم، خُدا نے سپّاں نوں نئیں ہٹایا، بلکہ سپ دے کٹّن دے حتمی اثر نوں بے اثر کرن دا اِک طریقہ فراہم کیتا۔ ایہہ اِک اہم سوچ اے۔ ایہدے نال بھلا کی فائدہ ہووے گا کہ دھشت ناک سپّاں دے ڈیرے توں اِک وری چھٹکارا حاصل کیتا جائے جے اُوہناں دا سامنا بعد وچ ایہناں ای سپّاں نال ہو جاوے تے فیر۔ ایہہ ملیریا توں چھٹکارا پان لئی افریقہ وچ مچھراں نوں ختم کرن لئی خُدا نوں کہن دے مترادف اے، تے خُدا ایس دعا دا جواب اِک اینج دی ویکسین فراہم کر کے دیندا اے جیہڑا تہانوں پیراسائٹparasite [دوجیاں دے لہو تے پلن آلی مخلوق] توں محفوظ بناندا اے۔ اسی ایتھے کی ویکھنے آں کہ خُدا سانوں اُو دے رہیا اے جیہدی سانوں لوڑ اے، ضروری نئیں کہ اسی چاہندے کی آں، تے یسوع دے لہو دے مقابلے وچ دُنیا نوں کسی ہور شے دی لوڑ نئیں اے۔ خُدا نے یسوع نوں انسان دے گناہ دا فدیہ ادا کرن دی خاطر صلیب تے مرن لئی بخش دِتا۔ ایہدے نال تہاڈی لوڑ پوری ہوندی اے۔ لیکن خُدا مہربان وی اے، تے اُو تہاڈی خواہشات تے محبتاں نوں بدل کے تہانوں یسوع ول وی کھِچے گا تاں جے تُسی اُوہدی چاہت کرو، ایویں تہاڈی خواہش تے تہاڈی لوڑ نوں اُوہدے پیارے پُتر تے سادہ ایمان دے نال متحد کرو۔ میں دعا کرنا آں کہ تُسی قیمتی نجات دہندہ تے پرہوسا کرو گے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔