اپنے شاگردوں تے جی اُٹھے مسیح دا پہلا ظہور

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایسٹر ختم ہون دے بعد وی اَسی قیامت دی گل کیوں کرنے آں؟ جیوں جے اگر مسیح جی نئیں اُٹھیا تے تہاڈا ایمان باطل اے (ویکھو1کرنتھیوں15: 14)۔ مسیح دا جی اُٹھنا مسیحی عقیدے دا بنیادی نظریہ اے۔ براہِ کرم اپنی بائبل نوں لوقا24: 36 توں کھولو۔

’’یسوع آپے ای اُوہناں دے وِچکار آ کِھلوتا تے اُوہناں نوں کہیا تہاڈے تے سلامتی ہووے‘‘ (لوقا24: 36)۔

یہوداہ مر چکیا سی۔ اُوہنے مسیح نوں دھوکہ دین دے بعد خودکشی کر لئی سی۔ تھامس کسی وجہ توں اُوتھے نہیں سی۔ لیکن باقی دے دس شاگرد اُوس شامی جمع ہوئے۔ ایہہ اِتوار دا اِختتام سی، جیس دِن مسیح مُردیاں وِچوں جی اُٹھیا سی۔ اَسی یوحنا رسول دے مقروض آں کہ اُوہنے سانوں دسیا کہ ایہہ سی،

’’…ہفتے دے پہلے دِن شام دے ویلے جدوں شاگرد اِک تھاں جمع سن تے یہودیاں دے ڈر توں بوہے بند کیے بیٹھے سن، یسوع آیا تے اُوہناں دے وِچکار کِھلو کے کہن گا، تہاڈی سلامتی ہووے‘‘ (یوحنا20: 19)۔

ایہہ اِتوار دی شام سی، رومن کیلینڈر تے ’’ہفتے دا پہلا دِن‘‘۔ یسوع اِتوار دی سجری سویرے جی اُٹھیا سی – تے ہُن اُو اِتوار دی شامی اِینہاں دس شاگرداں دے اَگے ظاہر ہویا۔ ایویں اِتوار دی شامی پہلی مسیحی خدمت دا انعقاد ہویا۔ بہوتے گرجا گھراں نے اَج اِتوار دی رات نوں اِجلاس بند کر دِتے نے۔ کیہنی شرم دی گل اے! اُو ہُن اِتوار دی اُوس پہلی عبادت دی مثال دی پیروی نئیں کر رئے نے – جیہڑی شام نوں سی! سانوں بپتسمہ دین آلے پیو دادا ہمیشہ اِتوار دی رات نوں عبادت کراندے سن۔ میں کیس قدر دعا منگنا واں کہ ساڈے گرجا گھر اپنے پرانے طریقیاں دے واپس آ جان! اِتوار دی رات تقریباً ہمیشہ ہفتے وِچ بہترین عبادت ہوندی اے۔ شام دی خدمت وِچ اکثر حیاتِ نو دا آغاز ہو چکیا اے۔ جیویں کہ ایہہ شروع وِچ سی، ایویں ای ایہہ اُوس ویلے وی سی جدوں حیاتِ نو آیا سی،

’’یسوع آپئے ای اُوہناں دے وِچکار آن کِھلوتا‘‘ (لوقا24: 36)۔

غور کرو کہ شاگرداں نے جدوں یسوع نوں ویکھیا تے اُو ڈر گئے سن۔ ’’اُو خوفزدہ تے دھشت زدہ سن‘‘ (لوقا 24: 37)۔ ایس توں ظاہر ہوندا اے کہ اُو یسوع دے مُردیاں وِچ جی اُٹھن دی توقع نئیں رکھدے سن۔ اُوہنے اُوہناں ںوں کہیا سی کہ اُو [جی اُٹھے] گا، لیکن اُوہناں نے اُوہدی گل نئیں سُنی سی۔ اُوہنے اُوہناں نوں کہیا سی کہ ’’اُو اُوہنوں کوڑے مارن گے، اُوہنوں مار ڈالن گے، تے تیجے دِن اُو جی اُٹھے گا‘‘ (لوقا18: 33؛ متی20: 18؛ مرقس10: 33) – لیکن کسی نہ کسی طرح اُوہناں نوں یاد نئیں آ رہیا سی کہ اُوہنے کی کہیا سی۔ چنانچہ اُو ’’خوفزدہ‘‘ سن جدوں اُو اُوہناں تے مُردیاں وِچوں جی اُٹھ کے ظاہر ہویا سی۔ تے ایویں، اُوہناں دے خوف نوں پرسکون کر دے لئی، یسوع نے اُوہناں نوں کہیا، ’’تہاڈے تے سلامتی ہووے‘‘ (لوقا24: 36)۔

صحیفے دے ایس شاندار حوالے نال اَسی مسیح دے جی اُٹھن دی یقین دہانی، تے جی اُٹھے مسیح دے کردار دے بارے وِچ سیکھنے آں۔

’’ہلے اُو ایہہ گلاں کر ای رہیا سی کہ یسوع آپے اُوہناں دے وِچکار آن کِھلوتا تے اُوہناں نوں کہیا، تہاڈی سلامتی ہووے۔ لیکن اُو ایس قدر ہراساں تے خوفزدہ ہو گئے کہ ایویں سمجھن لگے جیویں اُوہناں نے کسی روح نوں ویکھ لہیا سی۔ تے اُوہنے اُوہناں نوں کہیا، تُسی کیوں گھبرائے ہوئے اُو تے تہاڈے دِل وِچ شکوک کیوں پیدا ہو رئے نے؟ میرے ہتھ تے پیر ویکھو، میں ای آں، مینوں چھو کے ویکھو کیوں جے روح دی ہڈیاں ای ہوندیاں نے تے نہ ای گوشت جیوں کہ تُسی میرے وِچ ویکھ رئے اُو۔ ایہہ کہن دے بعد اُوہنے اُوہناں نوں ہتھ تے پیر وکھائے‘ (لوقا24: 36۔40) ۔

جدوں [ڈاکٹر ہائیمرز] اِک آزاد خیال سیمنری وِچ سن، [اُوہناں نے] بے اعتقادے پروفیسراں نوں جدیدیت پسند ماہر الہٰیات روڈولف بلٹ مین Rudolph Bultmann دا حوالہ دیندے ہوئے سُنیا، جیس نے کہیا، ’’یسوع شاگرداں دے ذہناں وِچ مُردیاں وِچوں جی اُٹھیا سی۔‘‘ ایہہ اوہ ورچان آلا طریقہ سی جیس نال ایس جرمن لبرل نے گل کیتی، ایہہ دعویٰ کردے ہوئے کہ مسیح واقعی چہ مُردیاں وِچوں نئیں جی اُٹھیا سی – شاگرداں نے صرف سوچیا سی کہ اُوہنے اینج کیتا! لیکن ایہہ بالکل سچ نئیں سی! شاگرداں نے اُوہدے بالکل اُلٹ سوچیا سی!اُوہناں نے سوچیا کہ اُو جی نئیں اُٹھیا! ایہو ای وجہ اے کہ جدوں اُوہناں نے ویکھیا تے اُو ’’خوفزدہ تے دھشت زدہ‘‘ ہوئے (لوقا24: 37)۔

اُو جانندے سی کہ یسوع نوں ادھموا ہون تیکر کوڑے مارے گئے سن۔ اُو جانندے سی کہ اُوہنوں سولی تے کیلاں نال جڑیا گیا سی۔ اُو جانندے سی کہ اُو مر گیا سی تے اُوہنوں اِک مہربند قبر وِچ دفن کیتا گیا سی۔ اُو خوفزدہ ہو چکے سی، تے اُوس راتی خوف نال خود نوں اِک کمرے وِچ بند کر لہیا سی۔ لیکن اُو اُوتھے ای سی! اُوہنے موت دیاں بیڑیاں توڑ دِتیاں سن۔ تے ہُن اُو بالکل اُوہناں دے سامنے کِھلوتا سی!

’’یسوع آپے ای اُوہناں دے وِچکار آ کِھلوتا تے اُوہنوں نوں کہیا تہاڈی سلامتی ہووے‘‘ (لوقا24: 36)۔

تاریخ وِچ کوئی وی حقیقت مسیح دے مُردیاں وِچوں جی اُٹھن نال بہتر ثابت نئیں ہوئی اے۔ تھامس آرنلڈ Thomas Arnold، آکسفورڈ یونیورسٹی وِچ تاریخ دے پروفیسر، تے دنیا دے عظیم مؤرخین وِچوں اِک نے کہیا،

میں بنی نوع انسان دی تاریخ وِچ ایہو جئی کوئی وی حقیقت نئیں جانندا جیہڑی ہر قسم دے بہترین مکمل ثبوت نال ثابت ہووے، اِک جائز سائل دی سمجھ دے لئی، ایس عظیم نشانی نال جیہڑی خدا نے سانوں دِتی اے کہ مسیح مر گیا، تے مُردیاں وِچوں فیر توں جی اُٹھیا۔ (تھامس آرنلڈ، پی ایچ ڈی Thomas Arnold, Ph.D.، مسیحی حیاتی تے خطبات، ایہدے خوف تے ایہدے لاگے Sermons on Christian Life, Its Fears and Its Close، چھٹا ایڈیشن، لندن، 1854، صفحہ 324)۔

مسیح دے جی اُٹھن دے عظیم ثبوتاں وِچوں اِک ایہہ حققیت اے کہ اُوہنے شاگرداں نوں مکمل طور تے بدل دِتا۔ جدوں یسوع نوں گرفتار کیتا گیا سی، اُوہدی مصلوبیت توں اِک راتی پہلاں، ’’سارے شاگرد اُوہنوں چھڈ کے نٹھ گئے‘‘ (متی26: 56)۔ مسیح دے دفن ہون دے بعد، اُوہناں نے ’’خوف‘‘ نال اپنے آپ نوں اِک کمرے وِچ بند کر لہیا (یوحنا20: 19)۔ لیکن جدوں اُوہناں نے جی اُٹھے مسیح دا سامنا کیتا، تے اُو شیراں وانگوں دلیری نال باہر نکلے – تے اُوہناں لوکاں نوں ای منادی کرن لگے جنہاں نے مسیح نوں سولی تے چڑھایا سی،

’’نجات کسی ہُور دے وسیلے توں نئیں اے کیوں جے آسمان دے ہیٹاں لوکاں نوں کوئی دوجا ناں نئیں دِتا گیا اے جیس دے وسیلہ توں اَسی نجات پا سکیے‘‘ (اعمال4: 12)۔

گیارہ شاگرد بے خوف ہو کے اُوہدے مُردیاں وِچوں جی اُٹھن دا اعلان کردے ہوئے دُنیا وِچ ٹُر گئے! جی اُٹھے مسیح دا سامنا کر چکن دے بعد موت دے سوا کوئی شے اُوہناں نوں اعلان کرن توں نئیں روک سکدی سی،

’’اُوسی یسوع نوں خداوند نے زندہ کیتا جیس دے اَسی سارے گواہ نے‘‘
(اعمال2: 32)۔

[یسوع دا] جی اٹھنا بلاشبہ شروع توں ای ابتدائی کلیسیا دا مرکزی اعلان سی۔ ابتدائی مسیحی صرف یسوع دی تعلیمات دی تائید نئیں کردے سی، اُوہناں نوں یقین سی کہ اُو اُوہدی مصلوبیت دے بعد اُوہنوں زندہ ویکھ چکے سن۔ ایہو ای شے سی جِنہے اُوہناں دی حیاتی بدل دِتی سی تے کلیسیا دا آغاز ہویا۔ یقینی طور تے، چونکہ ایہہ ایہناں دا سب توں وڈا یقین سی، ایس لئی اُوہناں نے ایس گل نوں یقینی بنایا ہووے گا کہ ایہہ سچ اے (مسیحی مطالعہ بائبل دے لئی اُو معاملہ The Case for Christ Study Bible وِچ حوالہ دِتا گیا اے، لی سٹروبل Lee Strobel، جنرل ایڈیٹر، ژونڈروان، 2009، صفحہ 1505)۔

مسیح دا مُردیاں وِچوں جی اُٹھنا – ’’ایہو ای شے اے جس نے ایہناں دیاں حیاتیاں نوں بدل دِتا تے کلیسیا دا آغاز کیتا۔‘‘

ایہہ لوکی مسیح دے جی اُٹھن دا اعلان کرن دے لئی مر گئے! اُو بزدلاں توں شہیداں چہ تبدیل ہو گئے سن کیوں جے اُوہناں نے مسیح نوں قبر توں جی اُٹھن دے بعد ویکھیا سی!

زبدی دا پُتر، جیمس – اُوہد سر تن توں وکھرا کر دِتا گیا سی۔
متی دا سر تن توں وکھرا کر دِتا گیا سی۔
  جیمس ، خُداوند دا بھائی – اُوہنوں ہیکل دی بُلندی توں دھکا دِتا گیا تے فیر مرن دے لئی پیٹیا گیا سی۔
   متھیاس نوں سنگسار کر کے اُوہدا سر قلم کر دِتا گیا سی۔
    اندریاس نوں مصلوب کیتا گیا سی۔
     مرقس نوں گھسیٹیا گیا سی جدوں تیکر کہ اُو مر نئیں گیا۔
      پطرس نوں پُھٹی سولی دِتی گئی سی۔
       پولوس دا سر تن توں وکھرا کر دِتا گیا سی۔
        یہوداہ نوں مصلوب کیتا گیا سی۔
         برتلمائی نوں پیٹیا گیا سی تے مصلوب کر دِتا گیا سی۔
           لوقا نوں زیتون دے اِک درخت دے نال پھائے لہایا گیا سی۔
            یوحنا نوں تیل دے اُبلدے کڑاہے وِچ جھونک دِتا گیا سی تے پطمس دے جزیرے تے جلا وطن کر دِتا گیا سی۔
              تھامس نوں تیراں نال چھلنی کر دِتا گیا سی، تے اِک تندور دے آلاؤ وِچ سُٹ دِتا گیا سی۔
(فاکسی دی شہیداں دی نئی کتاب The New Foxe’s Book of Martyrs، بریج لوگوس پبلیشرز Bridge-Logos Publishers، 1997، صفحات 5۔10)۔

ڈاکٹر ڈی جیمز کینیڈی Dr. D. James Kennedy نے کہیا کہ لوکی ’’ایس لئی نئیں مردے کہ اُو جانندے نے کہ کی غلط اے‘‘(میں کیوں یقین کرنا واںWhy I Believe، تھامس نیلسن پبلیشرزThomas Nelson Publishers، 2005، صفحہ 127)۔ ایہہ لوکی خوفناک مصیبتاں تے خوفناک موت توں لنگہے کیوں جے اُوہناں نے منادی کیتی کہ مسیح مُردیاں وِچوں جی اُٹھیا۔ لوکی کسی ایہو جئی شے دے لئی نئیں مردے جیہڑی اُوہناں نے ویکھی ای نہ ہووے! ایہناں لوکاں نے یسوع نوں قبر توں جی اُٹھن دے بعد ویکھیا! ایہو ای وجہ اے کہ اذیت تے موت دی دھمکی ایہناں نوں ایہہ اعلان کرن توں روک نہ سکی کہ ’’مسیح مُردیاں وِچوں جی اُٹھیا اے!‘‘

’’یسوع آپے ای اُوہناں دے وِچکار آ کھڑا ہویا تے اُوہناں نوں کہیا تہادے تے سلامتی ہووے‘‘ (لوقا24: 36)۔

ایہہ جاننا ضروری اے کہ یسوع مُردیاں وِچوں جی اُٹھن دے بعد کینج دا سی۔ اَسی لوقا دے ایس حوالے توں دریافت کرنے آں کہ

’’یسوع مسیح کل تے اَج بلکہ ابد تیکر یکساں اے‘‘ (عبرانیوں13: 8)۔

یسوع مُردیاں وِچوں جی اُٹھن دے بعد وی اونج دا ای سی – تے اُو اَج وی اُونج ای اے!

اُو اپنے لوکاں دے دِلاں وِچ سکون لہیان دے لئی بے چین سی۔ جیویں ای اُو اُوہناں تے ظاہر ہویا، اُوہنے کہیا، ’’تہاڈے تے سلامتی ہووے۔‘‘ یسوع چاہندا اے کہ اَسی خوش رہیے۔ جدوں اُو زمین تے سی تے اُوہنے کہیا،

’’اپنے دِل نوں پریشان مت ہون دیو‘‘ (یوحنا14: 1)۔

اَج اُو ایہی کہندا اے۔ اُو چاہندا اے کہ مسیحی ایس وِچ اپنی خوشی حاصل کرن، تاکہ اُوہناں دی خوشی پوری ہووے۔ ایتھوں تیکر کہ جدوں اَسی پریشان ہونے آں، یسوع ساڈے نال سرگوشی کردا اے، ’’تہاڈے تے سلامتی ہووے۔‘‘ اُوس راتی کمرے وِچ اُوہنے اپنے شاگرداں دے نال پیار کیتا سی۔ اُو ڈر رئے سن کہ کی ہو سکدا اے۔ لیکن اُو اُوہناں دے کول آیا تے کہیا، ’’تہاڈے تے سلامتی ہووے‘‘ – تے فیر شاگرد خوش ہوئے۔ اُو اَج اپنے شاگرداں نوں اُوہی سکون دیندا اے – اُو امن جیہڑا انسانی سمجھ توں بالاتر اے!

اُوہنے اُوہناں دی حوصلہ افزائی وی کیتی کہ اُو اُوس تے ایمان رکھن۔ اُوہنے کہیا،

’’میرے ہتھ تے پیر ویکھو، میں ای آں۔ مینوں چھو کے ویکھو کیوں جے روح دی ہڈیاں ہوندیاں نے تے نہ ای گوشت جیویں کہ تُسی میرے چہ ویکھ رئے اُو‘‘ (لوقا24: 39)۔

اُو چاہندا سی کہ اُو جان لین کہ اُو روح نئیں اے۔ اُوہنے اُوہناں نوں کہیا کہ اُو اُوہنوں ’’چھو کے ویکھن‘‘ – اُوہنوں چھوؤن – تے ویکھن کہ ایہہ واقعی اُوہی اے – کہ ایس دا جسمانی جسم واقعی مُردیاں وِچوں جی اُٹھیا اے۔ کُج دِناں بعد ایہنے شک زدہ تھامس نوں کہیا،

’’اپنی انگلی تے میرے ہتھاں نوں ویکھ تے اپنا ہتھ ودھا تے میری پسلی نوں چھو، شک نہ کر بلکہ اعتقاد رکھ‘‘ (یوحنا20: 27)۔

خداوند جدید [آزاد خیال] ماہرین الہٰیات دا جواب دیندا اے، جیہڑے قیامت نوں جسمانی دے بجائے روحانی نال تعبیر کردے نے… اُو اُوہناں لوکاں دی وی تردید کردا اے جیہڑے ایہہ دلیل دیندے نے کہ اُوہدے شاگرداں دے لئی اُو ’’ظہور‘‘ ’’روحانی ظہور‘‘ سی، یا ایتھوں تیکر کہ فریب وی۔ ایتھوں تیکر کہ اُوہناں نے [اُوہدے شاگرداں نے] پہلاں سوچیا سی کہ اُو اِک روح اے، لیکن فیر بعد چہ اُوہنے اُوہناں نوں اُوہدے ہتھاں تے پیراں وِچ کِیلاں نال چھیدے گئے نشانات وکھائے تے ایتھوں تیکرکہ ایہناں دے سامنے مچھلی تے شہد دے چھتے دا کُج حصہ کھادا (لوقا24: 37، 40، 42)۔ اُو اُوہدے جسمانی جی اُٹھن دی حقیقت تے مذید ہُور شک نئیں کر سکدے سی، تے نا ای اُوہناں نے ایس دے بعد کدی اُوہدے تے شک کیتا سی (ہنری ایم مورس، پی ایچ ڈی Henry M. Morris, Ph.D.، بائبل دے دفاع دا مطالعہ The Defender’s Study Bible، ورلڈ پبلشنگ، 1995، صفحہ 1128-1129؛ لوقا24: 39 تے غور طلب گل)۔

ایہہ کیہنے افسوس دی گل اے کہ اَج بہتیرے مبشران انجیل یسوع نوں اِک روح سمجھدے نے۔ ایہہ بنیادی طور تے مسیح دا اِک گنوسٹک نظریہ اے۔ گنوسٹکس دا خیال سی کہ جسمانی مادہ برائی اے تے صرف روح چنگی اے۔ ایس طرح اُوہناں نے مادی طور تے مسیح دے جسمانی طور تے مُردیاں وِچوں جی اُٹھن نوں مسترد کر دِتا۔ نیو گنوسٹک ازم neo-Gnosticism دی بدعت نئے دور دے خیالات دے نال گھل مل جاندی اے، اِک جھوٹے مسیح دی تخلیق کردی اے – جیہڑا کہ صرف اِک روح اے۔ یوحنا رسول نے، اپنے پہلے خط وِچ، ایس بدعت دی تردید کیتی جدوں اُوہنے کہیا، ’’ساڈے ہتھاں نے مسیح نوں سنبھالا اے‘‘ (1یوحنا1: 1)۔ گنوسٹک، نئے دور دا ’’روح مسیح‘‘ یسوع نئیں اے! ایہہ ’’دوجا یسوع‘‘ اے (2کرنتھیوں11: 4)، حقیقی یسوع نئیں جِنہوں شاگرداں نے ویکھیا تے چھویا جدوں اُو مُردیاں وِچ جی اُٹھیا سی۔

’’جیہڑی روح یسوع مسیح دے بارے وِچ ایہہ اقرار نہ کرے کہ اُو مجسم ہو کے دُنیا وِچ آیا اُو خدا وَلوں نئیں اے‘‘

لہٰذا جیہڑے لوکی یسوع نوں اِک روح دے طور تے سوچدے نے اُو ’’خدا دے‘‘ نئیں نے – کیوں جے اُو ’’دوجے یسوع‘‘ دی گل کر رئے نے، نہ کہ حقیقی یسوع ، جیس دا گوشت تے ہڈیاں مُردیاں وِچوں جی اُٹھیاں! حقیقی یسوع نے کہیا،

’’میرے ہتھ تے پیر ویکھو، میں ای آن۔ مینوں چھو کے ویکھو کیوں جے روح دی ہڈیاں ای ہوندیاں نے تے نہ گوشت جیویں کہ تُسی میرے وِچ ویکھ رئے اُو‘‘ (لوقا24: 39)۔

اِک میگزین وِچ [ڈاکٹر ہائیمرز پڑھدے نے] مضمون جیس دا عنوان سی، ’’جدوں روح تہانوں حرکت دیندی اے‘‘ (کیتھی لین گراسمین Cathy Lynn Grossman، یو ایس اے ویک اینڈ USA Weekend، اپریل 2-4، 2010، صفحہ 6-7)۔ مصنف کہندا اے، ’’ایس مقدس موسم وِچ تُسی خدا دے کول رہ سکدے اُو – ایتھوں تیکر کہ جدوں تُسی [چرچ] مسیحی عبادت دے گرجا گھر دے لاگے نہ ہوو؛ جدوں روح تہانوں حرکت دیندی اے۔ ’’ایہہ پرانی ہپّی (بومر) نسل دی نئے دور دی تحریک دی نیو گنوسٹک ’’روحانیت‘‘ دا خلاصہ کردا اے۔ اُو ہُن ہواواں دے وِچ اُڈ رئے نے۔ 57 تے 77 وریاں دی عمر دے وِچکار، ہپی نسل ہمیشہ ’’اندرونی احساسات‘‘ تے خود ذاتی تے مرکوز عبادت نال متاثر ہوندی اے۔

لیکن بائبل سانوں اپنے اندرونی احساسات تے تجربات توں دور کردی اے۔ مسیح ’’خدا نئیں اے جیویں کہ اَسی ایہنوں سمجھنے آں۔‘‘ ارے نئیں! مسیح خدائے انسان اے جیویں کہ اَسی ایہنوں نئیں سمجھ پاندے! اُو ساڈے تے بائبل وِچ نازل ہویا اے۔ بائبل دا مسیح ماوراء اے – یعنی اُو آسمان تے اے، خدا دے داہنے ہتھ تے بیٹھا اے۔ صرف جدوں خدا دی روح سانوں اپنے آپ توں دور کردی اے تے اَسی مسیح نوں جان سکنے آں۔ خدا دی روح سانوں ساڈے گناہ ویکھاندی اے، تے سزایابی وِچ سانوں عاجز کردی اے۔ فیر، تے فیر ای، خدا دی روح سانوں، اپنے اندروں، مسیح وَل کھینچدی اے – جیہڑا آسمان وِچ خدا دے سجے ہتھ تے بیٹھا اے۔ جدوں اَسی اپنے آپ توں کھینچے جانے آں – تے مسیح تیکر – فیر اُو ساڈے نال گل کردا اے جیویں کہ اُوہنے پہلے ایسٹر اِتوار نوں کیتا سی – تے کہندا اے،

خدا تہانوں گناہ دی سزا دے تے تہانوں خاکسار بنائے۔ اُو تہانوں ’’تیجے آسمان‘‘ وِچ مسیح وَل کھینچ لئے (2۔ کرنتھیوں12: 2)۔

’’جدوں خداوند یسوع مسیح اُوہناں نال کلام کر چکیا تے اُو آسمان تے چک لہیا گیا تے خداوند دے سجے پاسے بیٹھ گیا‘‘ (مرقس16: 19)۔

’’خدا باپ دے سجے ہتھ وَل سربُلند ہویا‘‘ (اعمال2: 33)۔

’’ایتھوں تیکر کہ جیہڑا خداوند دے سجے پاسے موجود اے‘‘ (رومیوں8: 34)۔

’’آسمان تے خدا دے سجے پاسے جا بیٹھا‘‘ (عبرانیوں1: 3)۔

بائبل واضح طور تے سانوں ویکھاندی اے کہ یسوع کِتھے اے۔

جدوں تُسی گناہ دے مرتکب ہوندے اُو، تے اپنے ’’شدید شریر‘‘ دِل توں بیزار ہوندے اُو (یرمیاہ17: 9) – فیر تُسی خدا دے لئی تیار ہو سکدے اُو کہ اُو تہانوں یسوع مسیح وَل اپنے لہو نال راستبازی تے پاکیزگی دے لئی کھینچ لہیائے۔ یاد رکھیں کہ یسوع نے کہیا،

’’آپ چہ بُڑ بُڑانا بند کرو۔ میرے کول کوئی وی نئیں آندا جدوں تیکر کہ باپ جیس نے مینوں پیجیا اے اُوہنوں کھیچ نہ لہیائے…‘‘ (یوحنا6: 43۔44)۔

تہانوں دُنیا کولوں، اپنے جذبات تے احساسات توں دور، اپنے آپ توں دور کھینچا جانا چائیدا اے۔ تے تہانوں بدلاں دے اُتے، ستاریاں دے اُتے، یسوع وَل کھیچنا چائیدا اے – خدائے انسان، گناہواں دے لئی واحد قربانی، صرف اُوہی اے جیہڑا تہاڈی روح نوں خدا دے غضب توں بچا سکدا اے، صرف اُوہی اے جیہڑا اپنی قیمتی لہو دے نال تہاڈے گناہواں نوں دھو سکدا اے، تے صرف اُوہی اے جیہڑا تہانوں ابدی سکون دے سکدا اے! جدوں تُسی یسوع دے کول آؤ گے، تے ایہہ تہاڈے لئی ہووے گا جیویں کہ اُوس اِتوار دی پہلی رات نوں شاگرداں دے لئی سی۔

’’یسوع آپے ای اُوہناں دے درمیان آن کِھلوتا تے اُوہناں نوں کہیا تہاڈی سلامتی ہووے‘‘ (لوقا24: 36)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔