ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یہودیت وِچ سال دا سب توں مقدس دِن یوم کفور ہوندا اے ایہنوں بعض ویلیاں تے سبتاں [سبت دی جمع] دا سبت وی کہیا جاندا اے۔ لفظ ’’یوم‘‘ دا ترجمہ ’’دِن‘‘ کیتا جاندا اے تے ’’کفور‘‘ دا ترجمہ ’’ڈھکنا‘‘ یا ’’کفارہ‘‘ کیتا گیا اے۔ ایہدی ابتدا اُوس ویلے وَل اشارہ کردی اے جدوں ہارون دے پُتر ناداب تے ابیہو دی موت دے بعد خدا نے موسیٰ نال گل کیتی سی، جِنہاں نوں خدا نے ’’عجیب اَگ‘‘ پیش کرن دے بعد مار ڈالیا سی (احبار10: 1)۔ فیر خداوند نے موسیٰ نوں ہارون نال گل کرن نوں کہیا ’’کہ اُو جدوں دِل چاہے پردہ دے پیچھے پاک ترین مقام وِچ کفارہ دے سرپوش دے اَگے جیہڑا صندوق تے اے نہ آیا کرے ورنہ مر جائے گا‘‘ (احبار16: 2)۔ کفارہ دے دِن، ہارون نوں جماعت دے گناہواں دے کفارے دے لئی قربانی دے لئی اِک جوان بیل، دو مینڈھے تے دو بکرے لہیان دی ہدایت کیتی گئی۔ گناہ دے مسئلے نوں حل کرنا سی۔

احبار، باب16 تے اپنی تفسیر دے تعارف وِچ، میتھیو ہنری نے کہیا،

ایس باب وِچ ساڈے کول فدیہ یا کفارہ دے دِن دی سالانہ تقدیر دا دستور یا رواج اے، جیس وِچ ایہنی ای خوشخبری سی جیہنی شاید رسمی قانو دی تقرریاں وِچوں کسی وِچ…

ایس پیغام وِچ، اَسی خیمہ وِچ ہارون دی پیشکشاں تے یسوع دی قربانی دا موازنہ کراں گے۔

I. پہلی گل، ہارون تے سردار کاہناں نوں خود دے لئی اِک کفارہ ادا کرنا پیندا سی۔

’’تے ہارون خود اپنی خطا دی قُربانی لئی اُوس بچھڑے نوں لہیائے تاں جے اپنے لئی تے اپنے گھرانے لئی کفارہ دیوے تے اُو اپنی خطا دی قربانی لئی اُوس بچھڑے نوں ذبح کرے‘‘ (احبار16: 11)۔

جیویں کہ میتھیو ہنری نے اُتے بیان کیتا اے، ایس باب وچ ایہنی ای خوشخبری اے جیہنی شاید رسمی قانون دی تقریراں وچوں کسی وچ اے۔ کفارہ دے دِن وچ شامل ہر اِک جانور نے اِک خاص مقصد پورا کیتا۔ بیل نوں گناہ دی قربانی لئی خود سردار کاہن لئی پیش کیتا جانا سی۔ جماعت دے گناہ دا کفارہ نئیں دِتا جا سکدا جدوں تیکر کہ سردار کاہن دے گناہ دا پہلاں کفارہ نہ ہووے۔ اگرچہ ہارون نوں خدا نے سردار کاہن لئی چُنیا سی، اُو ہُن وی اِک آدمی سی۔ تے اِک آدمی دے طور تے، اُوہنوں اپنے گناہ دا حساب دینا پیا۔ تاہم، یسوع دا اپنا کوئی گناہ نئیں سی۔ اُو بے عیب بھیڑ دا بچہ سی۔ ویکھو کہ رسول نے عبرانیوں دی کتاب وچ یسوع دے بارے وچ کی لکھیا،

’’فیر ایہہ ویکھ کے کہ ساڈے کول اِک عظیم سردار کاہن اے، جیہڑا آسمان تے گیا اے، یسوع ابنِ خُدا، آؤ اسی اپنے پیشے نوں مضبوطی نال تھامئیے۔ کیوں جے ساڈے کول کوئی سردار کاہن نئیں اے جیہنوں ساڈی کمزوریاں دے احساس نال چھُوا نئیں جا سکدا۔ لیکن ہر گل وچ جیویں سانوں آزمایا جاندا اے آزمائش کیتی گئی، فیر وی بغیر گناہ دے‘‘ (عبرانیوں4: 14-15؛ صفحہ 1294)۔

اپنے لوکاں نوں چھڑان تے ساڈے گناہواں دا کفارہ دین دے قابل ہون لئی، یسوع نوں بے گناہ ہونا سی۔ آخر، یسوع گناہ تے کیویں فتح یاب ہو سکدا اے جے اُو خود ایہدا غلام اے؟ جے یسوع دا کوئی گناہ سی، تے اُوہنوں خود اِک نجات دہندہ دی ضرورت ہوندی۔ پیدائش 22 وچ ابراہیم تے اسحاق دا بیان یاد رکھو جیتھے ابراہام اسحاق نوں خدا لئی بھسم ہون آلی قربانی لئی قربان کرن آلا سی۔ ایس بیان وچ، اسحاق مسیح دی اِک تشبیہہ اے۔ ڈاکٹر ایم آر ڈیحان نے کہیا، ’’ایتھے ٹائپولوجی [تشبیہہ دی درجہ بندی دا مطالعہ] بدل جاندی اے تے ساڈے کول دوہری تشبیہہ دی مثال موجود اے۔ اسحاق صرف ہُن تیکر مسیح دی اِک تشبیہہ ہو سکدا اے تے ایہدے توں اَگے نئیں، کیوں جے اسحاق خود [اِک گنہگار سی] اِک متبادل دی لوڑ سی جیہنوں اُوہدی تھاں قتل کیتا جانا چائیدا اے۔ تے ایویں ایہہ شکل اسحاق توں مسیح دی تصویر دے طور تے، اسحاق دے متبادل دے طور تے اِک مینڈھے وچ بدل جاندی اے۔‘‘ ایہہ اوہی اے جیہڑی اسی ہارون تے اعلی کاہناں دے نال ویکھنے آں۔ اُوہناں نوں پہلاں اپنے لئی کفارہ ادا کرنا سی۔

II. دوجی گل، ہارون تے سردار کاہناں نے لوکاں لئی کفارہ دِتا۔

’’تے فیر اُو اُوہناں دوواں بکریاں نوں لے کے خیمہ اجتماع دے مدخل تے خداوند دے حضور وچ کھڑا کرے… فیر اُو لوکاں دی خاطر خطا دی قربانی دے بکرے نوں ذبح کرے…‘‘ (احبار16: 7، 15)۔

لوکاں وَلّوں دو بکرے چڑھائے گئے تے سردار کاہن خیمہ وچ لے گئے۔ دوواں بکریاں تے قرعہ پایا گیا تاں جے ایہہ طے کیتا جا سکے کہ کیہڑا بکرا خداوند نوں قربان کیتا جائے گا تے کیہڑا بکرا عزازیل [دُوجیاں دیاں غلطیاں تے سزا کھان آلا قُربانی دا بکرا] دا بکرا ہووے گا۔

’’تے ہارون اُوہناں دوواں بکریاں تے قرعہ پائے گا؛ اِک قرعہ خداوند لئی تے دوجا قرعہ [دُوجیاں دیاں غلطیاں تے سزا کھان آلا قربانی دا بکرا] عزازیل لئی۔ تے ہارون اُوس بکرے نوں جیہدا قرعہ خداوند دے ناں نکلے لہیا کے اُوہنوں خطا دی قربانی لئی گزرانے۔ لیکن بذریعہ قرعہ عزازیل لئی چُنے جان آلے بکرے نوں زندہ ای خداوند دے حضور وچ لہیایا جائے تاں جے اُوہنوں بیابان وچ عزازیل لئی چھڈ کے بطور کفارہ استعمال کیتا جائے‘‘ (احبار16: 8۔10)۔

ایہہ دوویں بکرے تصویراں نے، مسیح دی تشبیہات نے۔ جیہڑا بکرا گناہ دی قربانی دے طور تے پیش کیتا جائے گا اُو سردار کاہن دے ذریعہ ذبح کیتا جائے گا، تے بکرے دا لہو فیر پردے وچ لے جایا جائے گا، جیہڑا پاک تر ترین مقدس اے، تے لہو نوں کفارہ دے سرپوش تے تے کفارہ دے سرپوش دے سامنے چھڑکیا جائے گا۔ نشست (احبار 16: 15)۔ دوجے بکرے نوں قربانی دا بکرا بنایا جائے۔

’’تے اپنے دوویں ہتھ اُوہدے سر تے رکھ کے اُوہدے اُتے بنی اسرائیل دی ساری بدکرداری تے نافرمانی یعنی اُوہناں دے سارے گناہواں دا اقرار کرے تے اُوہناں نوں اُوس بکرے دے سر ڈال دیوے تے اُو اُوس بکرے نوں کسی مقررہ بندے دے وسیلے بیابان وچ بھیج دے۔ اُو بکرا اُوہناں دے سارے گناہ چُک کے کسی ویرانے وچ لے جائے گا تے اُو بندہ اُوس بکرے نوں بیابان وچ چھڈ دیوے گا‘‘ (احبار16: 21۔22)۔

ہُن میرے نال اِک لمحے لئی غور کرو کہ ایہہ مثالاں مسیح دی عکاسی کیویں کردیاں نے۔ اپنے آپ نوں گتسمنی دے باغ وچ رکھو۔ یسوع باقی شاگرداں نوں باغ دے مضافات وچ چھڈ دیندا اے، تے پطرس، یعقوب تے یوحنا نوں اپنے نال مزید اندر باغ وچ لے جاندا اے۔ ایتھوں تیکر کہ اُوہناں تِنّاں دی اُو مضبوط تر ہستیاں وی زیادہ اندر تیکر ساتھ نہ دے پائیاں۔ صرف یسوع ای باغ دے انھیرے دی گہرائیاں وچ منتقل ہوندا اے تے اکیلے ای علامتی کفارے دے سرپوش یعنی پاک تر ترین مقدس وچ اعلی کاہن تے قربان ہون [آلی ہستی] دوواں دی حیثیت نال داخل ہوندا اے۔ رات دی خاموشی صرف اذیت بھری دعا دی آہاں نال کٹدی اے۔ نہ صرف اسرائیل دے بلکہ پوری دُنیا دے ماضی، حال تے مستقبل دے گناہواں نوں اُوہدے تے لدّیا جاندا اے۔ لنگھن آلے ہر لمحے دے نال، اُو اُوہناں ای زیادہ بوجھ محسوس کردا جاندا اے۔ وزن دی وجہ نال اُو تقریباً ڈِگ جاندا اے۔ ایہدے بیلی تے دشمن ایس غم توں غافل نے جیہدا اُو سامنا کر رہیا اے۔ کُچلن آلا بوجھ ناقابلِ برداشت ہو جاندا اے، تے یسوع موت دے قریب ہوندا جاندا اے۔ گناہ دا وزن ایہناں وڈا اے۔ تاہم، اُوہدا پیو اُوہنوں سُنندا اے تے اُوہنوں تقویت دین لئی اِک فرشتہ بھیجدا اے۔ اُوہدا لہو پسینے دی وڈی وڈی بونداں وانگوں ٹپکنا شروع ہو جاندا اے۔ اُو مار پیٹ، کوڑے تے سولی چڑھان دے اِک سلسلے دے ذریعے بوجھ چُکدا اے تے آخرکار [یسوع دی جان دے] نذرانے نوں قتل کر دِتا جاندا اے۔ فیر وی اپنی موت وچ، اُو دُنیا دے گناہ نوں ایہناں ای دور لے جاندا اے جیہناں مشرق مغرب توں اے! (زبور103: 12)۔ جیویں قُربانی دے بکرے نوں اِک موزوں آدمی بیابان وچ لے گیا سی تاں جے کِتھے نظر نہ آئے، ایویں ای یسوع دُنیا دے گناہ چُک کے لے جا چُکیا اے۔

’’ویکھو خدا دا برّہ جیہڑا جہاں دے گناہ چُک لے جاندا اے‘‘ (یوحنا1: 29)۔

اُو اپنے لہو نوں آسمانی مقدس دے حقیقی مقدس مقام تیکر لے جاندا اے تے لہو نوں کفارہ دے سرپوش تے تے کفارہ دے سرپوش دے سامنے چھڑکدا اے! (احبار16: 15)۔ صرف اُوہدی موت کفارہ لئی کافی نئیں سی۔

’’کیوں جے جسم دی جان اُوہدے لہو وچ ہوندی اے تے اُوہنوں میں تہانوں ایس لئی دِتا اے کہ اُو مذبح تے تہاڈے لئی کفارہ ہووے۔ ایہہ لہو ای اے جیہڑا کسی جان لئی کفارہ دیندا اے‘‘ (احبار17: 11)۔

احبار وچ ایہہ لفظ وی خود یسوع دے منہ توں نکلے ہون گے۔ اُوہنے اپنا لہو تہانوں قربان گاہ تے دِتا اے تاں جے تہاڈی روح دا کفارہ ہووے۔ ایہہ گناہ دی قربانی لئی کامل قربانی نے جیہنوں دہران دی لوڑ نئیں اے۔ لیکن اُوہدی قربانی تہاڈے لئی کی معنی رکھدی اے؟ اپنے آپ نوں اوہی سوال پُچھو جیہڑا پیلاطُس نے پُچھیا سی، ’’فیر میں یسوع دے نال جیہڑا مسیح کہلاندا اے کی کراں؟‘‘ قربانی، درد تے لہو دے پِچھے محبت سی۔ محبت ای وجہ سی کہ خُدا نے یسوع نوں ساڈے لئی مرن لئی بھیجیا سی۔ محبت ای اُو وجہ سی جیہنے یسوع نوں تہاڈے چھٹکارے نوں خریدن لئی ایس قدر شرمندگی تے اذیت نوں برداشت کرن تے مجبور کیتا۔ کی تُسی ایویں پیار کرن آلے نجات دہندہ تے پرہوسا نئیں کرو گے؟

’’لیکن خُداوند ساڈے لئی اپنی محبت ایویں ظاہر کردا اے کہ جدوں اسی گنہگار ای سن تے مسیح نے ساڈی خاطر اپنی جان قُربان کر دِتی‘‘ (رومیوں5: 8)۔

’’کیوں جے خدا نے دُنیا نال ایس قدر محبت کیتی کہ اپنا اِکلوتا پُتر بخش دِتا تاں جے جیہڑا کوئی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 16)۔

میں دعا منگنا آں کہ تُسی محبت کرن آلے نجات دہندہ تے پرہوسا کرو گے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔