مسیح دی گرفتاری تے اُوہدے نال غداری

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جدوں یسوع تیجی وری گتسمنی وچ دعا منگ چُکیا تے اُو سوئے ہوئے شاگرداں دے کول آیا تے کہیا،

’’اُٹھو، ٹُرو، ویکھو میرا پھڑوان آلا نزدیک آ پہنچیا اے‘‘ (متی 26: 46).

فیر اندھیرے وچوں سپاہیاں دا 300 توں ودھ دا اِک بوہتا وڈا ہجوم نمودار ہویا،

’’… اُوہدے نال چند رُومی فوجی تے ہیکل دے سپاہی وی سن جیہڑے فریسیاں تے سردا کاہناں وَلّوں بھیجے گئے سن۔ اُو اپنے ہتھاں وچ مشعلاں، چراغ تے ہتھیار لیے ہوئے سن‘‘ (یوحنا 18: 3).

یہوداہ نے اُوہناں دی اوتھے تیکر رہنمائی کیتی سی کیوں جے

’’اُوہدا پھڑوان آلا یہوداہ اُوس تھاں توں واقف سی کیوں جے یسوع کئی وری اپنے شاگرداں نال اوتھے جا چُکیا سی‘‘ (یوحنا 18: 2).

یہوداہ یسوع دے کول آیا تے اُوہنوں بوسہ دِتا، ایویں سپاہیاں نوں نشاندہی کیتی کہ یسوع کیہڑا سی۔ اُوہنے مسیح نوں اِک بوسے دے نال دھوکہ دِتا سی۔

یسوع نے سپاہیاں نوں کہیا، ’’تُسی کیہنوں لب رئے اُو؟‘‘ اُوہناں نے کہیا، ’’ناصرت دے یسوع نوں۔‘‘ یسوع نے کہیا، ’’اُو میں آں۔‘‘ جدوں یسوع نے ایہہ کہیا تے اُو گھبرا کے پِچھے ہٹے تے ’’زمین تے ڈِگ پئے۔‘‘ ایہہ خُدا دا پُتر ہون دی حیثیت نال اُوہدی قوت نوں ظاہر کردا اے۔ فیر یسوع نے کہیا، ’’میں کہہ تے دِتا اُو میں آں جے تُسی لوکی مینوں لبدے اُو تے میرے شاگرداں نوں جان دیو‘‘ (یوحنا18: 8)۔

اُوسی لمحے پطرس جاگ اُٹھیا، اپنی تلوار کڈی، تے حرکت وچ آ گیا۔ تاریکی وچ اپنی تلوار نوں لہراندے ہوئے اُوہنے سردار کاہن دے ملازم دے سجے کَن نوں کٹ ڈالیا۔ یسوع نے ’’اُوہدے کَن نوں چھوا تے اُوہنوں شفا بخشی‘‘ (یوقا22: 51)۔ فیر یسوع نے پطرس نوں کہیا۔

’’تلوار نوں نیام وچ رکھ لے کیوں جے جیہڑے تلوار چلاندے نے، تلوار ای توں ہلاک ہون گے۔ تیہنوں پتہ نئیں کہ جے میں اپنے پیو توں مدد منگاں تے اُو ایس ای ویلے فرشتیاں دے بارہ لشکر بلکہ اُوہناں توں وی زیادہ میرے کول بھیج دیوے گا؟‘‘ (متی 26: 52۔53).

I۔ پہلا، مسیح اپنے آپ نوں بچان لئی ہزاروں فرشتیاں نوں بُلوا سکدا سی۔

رومیوں دا اِک لشکر 6,000 سپاہیاں تے مشتمل ہوندا سی۔ یسوع نے کہیا کہ اُو اپنے خُدا باپ نوں کہہ سکدا سی تے اُو اُوسی لمحے فرشتیاں دے بارہ لشکراں نوں بھیج سکدا اے۔ جے اُو ایہناں سپاہیاں دے ہتھاں توں بچنا چاہندا تے اُو خُدا نوں کہہ چُکیا ہوندا، تے 72,000 فرشتے حاضر ہو جاندے۔ ڈاکٹر جان گِل نے نشاندہی کیتی کہ ’’اِک اکیلے فرشتے نے اِک ای رات وچ اِک لاکھ بچاسی ہزار بندے مار ڈالے، 2 سلاطین19: 35۔ ایس لئی جے مسیح دی اُوس موجودہ خطرے توں بچن لئی ذرا جئی وی مرضی ہوندی تے اُوہنوں پطرس دی تلوار دی کوئی لوڑ نئیں سی‘‘ (ڈاکٹر جان گِل Dr. John Gill، نئے عہد نامے دی اِک تفسیرAn Exposition of the New Testament، دی بپٹسٹ سٹینڈرڈ بیئرر The Baptist Standard Bearer، دوبارہ اشاعت 1989، جلد اوّل، صفحہ340)۔

مسیح دے لفظ تے اعمال ظاہر کردے نے کہ ساری صورتحال اُوہدے مکمل اختیار وچ سی۔ جدوں اُوہنے کہیا، ’’اُو میں آں،‘‘ تے سپاہی خُدا دی قوت دے تحت پِچھے ہٹے سی۔ جدوں پطرس نے ملاکُس Malchus دے کَن نوں کٹیا سی، جیہڑا سردار کاہن دا ملازم سی، تے یسوع نے شائستانہ طور تے اُوہدے زخم نوں چھوا تے اُوہنوں شفا بخشی۔ تے ہُن مسیح سکون دے نال پطرس نوں دسدا اے کہ خُدا اُوہنوں ہزاروں نہایت زورآور فرشتیاں دی طاقت دے وسیلے نال چُھڑا سکدا اے جے اُوہنے ایس قسم دی آزادی لئی دعا منگی ہوندی۔ لیکن اُوہنے بچائے جان لئی دعا نئیں منگی سی۔

اُوہناں نے یسوع دے ہتھاں نوں باغ وچ بَن دِتا جیتھے اُوہنے دعا منگی سی،
اُو اُوہنوں بے عزت کردے ہوئے سڑکاں توں لے گئے۔
اُوہناں نے اُوس نجات دہندہ دے مُنہ تے تھُکیا جیہڑا ایس قدر خالص تے گناہ توں آزاد سی،
اُوہناں نے کہیا، ’’ایہنوں صلیب دیو؛ ایہدا ای قصور اے۔‘‘
اُو دس ہزار فرشتیاں نوں بُلوا چُکیا ہوندا
دُنیا نوں تباہ کرن تے اُوہنوں آزاد کروان لئی۔
اُو دس ہزار فرشتیاں نوں بُلوا چُکیا ہوندا،
لیکن اُو تہاڈے تے میرے لئی کلیاں ای قربان ہو گیا۔
(’’دس ہزار فرشتے Ten Thousand Angels‘‘ شاعر رے اُورھالٹ Ray Overholt، 1959)۔

سانوں کدی وی نئیں سوچنا چائیدا اے کہ مسیح نوں باغ وچ اچانک ای گرفتار کیتا گیا سی۔ اُوس رات اُوہدے گرفتار ہون توں بوہتی پہلاں ای توں اُو جانندا سی کی ہون آلا سی۔

کئی دِن پہلاں ای اُو شاگرداں نوں یروشلیم لے گیا سی، اُوہنے اُوہناں نوں دسیا سی کی ہون آلا سی۔ اُوس ویلے اُوہدے گرفتار ہون توں کئی دِن پہلاں، یسوع نے جو کہیا سی لوقا درج کردا اے،

’’ویکھو، اسی یروشلیم جا رئے آں تے نبیاں نے جو کُج اِبنِ آدم دے بارے وچ لکھیا اے اُو پُورا ہووے گا۔ اُو غیر یہودی لوکاں دے حوالہ کیتا جائے گا۔ اُو اُوہنوں ٹھٹھیاں وچ اُڑان گے، بے عزت کرن گے تے اُوہدے تے تُھکن گے۔ اُوہنوں کوڑیاں نال مارن گے تے قتل کر دین گے۔ لیکن تیجے دِن اُو فیر زندہ ہو جاوے گا‘‘ (لوقا 18: 31۔33).

ایہہ گل ظاہر کردی اے کہ جدوں اُو یروشلیم پہنچے سن تے اُو [یسوع] بجا طور تے جانندا سی کہ اُوہدے نال کی ہون آلا سی۔ لیکن اُو فیر وی گیا۔ اُو جان بُجھ کے اپنے دُکھاں تے مصلوبیت لئی گیا، آزادانہ طور تے تے رضامندی نال۔

دو وری یسوع نے کہیا کہ ایس ای لمحے تے ایس ای مقصد لئی آیا سی۔ اُوہنے شاگرداں نوں دسیا،

’’ہُن میرا دِل گھبراندا اے۔ تے کی میں ایہہ کہواں کہ اَے پیو مینوں ایس گھڑی توں بچا؟ ہر گز نئیں، کیوں جے ایس ای لئی تے میں آیا واں کہ ایس گھڑی تیکر پہنچاں‘‘ (یوحنا 12: 27).

فیر، جدوں اُو رومی گورنر پینطُس پیلاطُوس دے سامنے کھلوتا سی تے اُوہنے کہیا، ’’دراصل میں ایس ای لئی پیدا ہویا تے ایس ای مقصد نال دُنیا وچ آیا‘‘ (یوحنا18: 37)۔

یسوع جان بُجھ کے سپاہیاں دے نال صلیب تیکر گیا سی کیوں جے اُو جانندا سی اُو ایس ای مقصد لئی پیدا ہویا سی – انسان دے گناہ دا کفارہ ادا کرن دی خاطر صلیب تے قربان ہون لئی۔ اوتھے اُوہدی گرفتاری کوئی حادثہ یا غلطی نئیں سی۔ اُو اپنی ساری حیاتی وچ ایہہ گل جانندا سی کہ ایہہ ہون آلا سی۔ ’’ایس ای لئی تے میں آیا واں کہ ایس گھڑی تیکر پہنچاں‘‘ (یوحنا12: 27)۔ ’’دراصل اِیس ای لئی میں پیدا ہویا‘‘ (یوحنا18: 37)۔

مسیح رضامندی نال کوڑیاں دا سامنا کرن تے مصلوب ہون لئی سپاہیاں دے نال گیا سی، اپنی حیاتی لئی خُدا دے منصوبے دی فرمانبرداری دی خاطر۔ مسیح نے

’’اپنے آپ نوں خالی کر دِتا، تے غُلام دی صورت اِختیار کر کے، انساناں دے مشابہ ہو گیا۔ اُوہنے اِنسانی شکل وچ ظاہر ہو کے، اپنے آپ نوں فروتن کر دِتا تے مَوت بلکہ صلیبی مَوت تیکر فرمانبردار رہیا‘‘ (فلپیوں 2: 7۔8).

’’پُتر ہون دے باوجود اُوہنے دُکھ چُک چُک کے فرمانبرداری سِکھی تے اُوہدے وچ کمال تیکر پہنچ کے اُوہناں ساریاں لئی نجات دا باعث ہُویا جیہڑے اُوہدی فرمانبرداری کردے نے‘‘ (عبرانیوں 5: 8۔9).

جدوں سپاہیاں نے اُوہنوں گتسمنی دے باغ وچ گرفتار کیتا، اُو اُوہناں دے نال خاموشی نال تے بغیر کسی احتجاج دے ٹُر گیا سی، اپنے پیو خُدا دی فرمانبرداری وچ۔

’’اُو ستایا گیا تے زخمی ہویا، فیر وی اُوہنے اپنا مُنہ نہ کھولیا: اُو برّہ وانگوں ذبح کرن لئی لے جایا گیا، جیویں اِک بھیڑ اپنے بال کترن آلیاں دے سامنے خاموش رہندی اے، اُوویں ای اُوہنے وی اپنا مُنہ نہ کھولیا‘‘ (اشعیا 53: 7).

اُوہدے قیمتی سر تے اُوہناں نے کنڈیاں دا تاج رکھیا،
اُوہناں نے مذاق اُڑایا تے کہیا، ’’بادشاہ نوں ویکھو۔‘‘
اُوہناں نے اُوہنوں پیٹا تے گالیاں دِتیاں،
تے اُوہدے مقدس ناں دا تمسخر اُڑایا۔
تن تنہا اُوہنے ہر اِک گل نوں سہیا۔
اُو دس ہزار فرشتیاں نوں بُلوا چُکیا ہوندا
دُنیا نوں تباہ کرن تے اُوہنوں آزاد کروان لئی۔
اُو دس ہزار فرشتیاں نوں بُلوا چُکیا ہوندا،
لیکن اُو تہاڈے تے میرے لئی کلیاں ای قربان ہو گیا۔

مسیح خُدا دی فرمانبرداری وچ رضامندی نال صلیب تے اپنی اذیت وچوں لنگھیا سی۔ ’’اُو برّہ وانگوں ذبح کرن لئی لے جایا گیا‘‘ (اشعیا53: 7)۔

ایس بارے وچ سوچو کہ ساڈے نال کی ہویا ہوندا جے اُوس رات مسیح ’’برّہ وانگوں ذبح ہون لئی‘‘ سپاہیاں نال نہ گیا ہوندا۔ کی ہویا ہوندا جے اُوہنے بوہتی وڈی تعداد وچ فرشتیاں دے اُوہناں جُھنڈاں نوں بلوا لہیا ہوندا تے صلیب توں بچ جاندا؟ تہاڈے تے میرے نال کی ہویا ہوندا؟

پہلی گل، صلیب تے ساڈے گناہواں دی متبادلیاتی طور تے قیمت چُکان لئی ساڈے کول کوئی وی نہ ہوندا۔ ساڈے کول کوئی متبادل نہ ہوندا، گناہ لئی ساڈی تھاں تے مرن لئی کوئی نہ ہوندا۔ ایہہ گل سچے طور تے سانوں اِک ہولناک حالت وچ چھڈ چُکی ہوندی۔ سانوں ساری ابدیت تیکر لئی جہنم دے تاریک گڑھیاں وچ خود اپنے گناہ دی قیمت چُکانی پیندی۔

دوجی گل، جے مسیح اُوہناں سپاہیاں دے نال ’’بّرہ وانگوں ذبح ہون لئی‘‘ نہ گیا ہوندا، تے ساڈے تے اِک پاک تے منصف خدا دے وچکار کوئی ثالثی نہ ہوندا۔ سانوں اخیرلی عدالت وچ خُدا دا سامنا کرنا پیندا جیتھے خُدا توں ساڈے لئی مصالحت کروان آلا کوئی نہ ہوندا،

’’کیوں جے خُدا اِک اے تے خُدا تے اِنساناں دے وچکار اِک صلح کران آلا وی موجود اے یعنی مسیح یسوع جیہڑا اِنسان اے‘‘ (1۔ تیموتاؤس 2: 5).

جے مسیح صلیب تیکر جان لئی سپاہیاں دے نال نہ گیا ہوندا جدوں اُوہناں نے اُوہنوں گرفتار کیتا، تے ساڈے کول کوئی صلح کران آلا نہ ہوندا۔ ایہہ گل اِک اینج دے بندے ول حوالہ دیندی اے جیہڑا اِک کشمکش نوں حل کرن لئی دو گروہاں دے وچکار مداخلت کردا اے۔ یسوع مسیح واح ثالث اے جیہڑا خُدا تے گنہگاراں دے وچکار امن بحال کر سکدا اے۔ صرف خُدا بیٹا ای خُدا باپ تے گناہ نال بھرپور انسان نوں اِکٹھا کر سکدا اے۔ جے مسیح اپنی مصلوبیت لئی سپاہیاں دے نال نہ گیا ہوندا، تے ساڈے کول اِک پاک خُدا دے نال امن نال بھرپور تعلق وچ لہیان لئی کوئی وی نہ ہوندا۔

تیجی گل، جے مسیح اُوہناں سپاہیاں دے نال ’’برّہ وانگوں ذبح ہون لئی‘‘ نہ گیا ہوندا تے اسی ہمیشہ دی حیاتی وچ داخل ہون دے قابل نہ ہوئے ہوندے۔ بائبل وچ سب توں بہترین جانی جان آلی آیت کہندی اے،

’’کیوں جے خُدا نے دنیا نال ایس قدر محبت کیتی کہ اپنا اِکلوتا پُتر بخش دِتا تاں جے جیہڑا کوئی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 16).

جے مسیح سپاہیاں دے نال نہ گیا ہوندا جدوں اُوہناں نے اُوہنوں گرفتار کیتا، تے یوحنا 3: 16 سچی نہ ہوندی، تے تُہاڈے کول ہمیشہ دی حیاتی پان دی کسی وی قسم دی کوئی اُمید نہ ہوندی۔

چوتھی گل، جے مسیح اُوہناں سپاہیاں دے نال ’’برّہ وانگوں ذبح ہون لئی‘‘ نہ گیا ہوندا، تے اُو لہو جیہڑا اُوہنے صلیب تے اگلے ای روز وگایا تہاڈے لئی مہیا نہ ہوندا – تہانوں تہاڈے گناہ توں پاک صاف کرن لئی۔ جے اُوہنے خُداوند دی نافرمانی کیتی ہوندی، تے صلیب توں بچ نکلدا، تے تہاڈے لئی کوئی وی مصلوبیت آلا لہو تہاڈے گناہواں نوں دھو ڈالن لئی نہ ہوندا۔ لیکن اُوس رات مسیح اُوہناں دے نال ضرور گیا سی، تہاڈے گناہواں دی خاطر مصلوب ہون لئی۔ تے ہُن پولوس رسول جرأت دے نال کہہ سکدا اے،

’’خُدا نے یسوع نوں مقرر کیتا کہ اُو اپنا لہو وگائے تے اِنسان دے گناہ دا کفارہ بن جائے‘‘ (رومیوں 3: 24۔25).

اوتھے لہو نال بھریا اِک چشمہ اے
عمانوئیل دی رگاں توں کھِچیا گیا:
تے گنہگار، اُوس سیلاب دے تھلے ڈبکی لگاندے نے،
اپنے سارے قصوراں دے دھبے دھو لیندے نے؛
(’’اوتھے اِک چشمہ اےThere Is a Fountain ‘‘ شاعر ولیم کاؤپر William Cowper، 1731۔1800)۔

کی تُسی آؤ گے تے مسیح تے پرہوسا کرو گے؟ اُو تہاڈے گناہواں دی قیمت چُکائے گا۔ اُو تہاڈا صلح کروان آلا بن جائے گا، تہانوں خُدا دے نال حمایت وچ لے آئے گا۔ تہانوں ہمیشہ دی حیاتی مل جائے گی۔ تہاڈے سارے دے سارے گناہ خُدا دے ریکارڈ وچوں مٹ جان گے، مسیح دے قیمتی لہو دے وسیلے نال دائمی طور تے دُھل جان گے۔

میں بہت خوش آں کہ یسوع نے خُدا باپ دی مرضی نوں پورا کیتا تے اُوس رات جدوں باغ وچ اُوہناں سپاہیاں نے اُوہنوں گرفتار کیتا تے اُوہناں دے نال ٹُر گیا۔ جے اُو اُوہناں دے نال اپنی تذلیل، اپنے دُکھاں تے صلیب لئی نہ گیا ہوندا، تے میں تہانوں ایہناں وچوں کسی وی قیمتی شے نوں پیش نہ کر پاندا۔

اُوہنے چیخاں ماردے ہوئے اُوس ہجوم دے حوالے خود نوں کر دِتا، اُو رحم لئی نئیں چِلایا۔
شرمندگی دی صلیب اُوہنے کلیاں چُکی۔
تے جدوں اُو چِلایا، ’’ایہہ تمام ہویا،‘‘
تے اُوہنے خود نوں موت دے حوالے کر دِتا؛
نجات دا شاندارانہ منصوبہ پورا ہویا سی۔
اُو دس ہزار فرشتیاں نوں بُلوا چُکیا ہوندا
دُنیا نوں تباہ کرن تے اُوہنوں آزاد کروان لئی۔
اُو دس ہزار فرشتیاں نوں بُلوا چُکیا ہوندا،
لیکن اُو تہاڈے تے میرے لئی کلیاں ای قربان ہو گیا۔

تے ہُن میں تہانوں پُچھنا واں، کی تُسی خُدا دے اُوس برّے تے پرہوسا کرو گے جیہڑا جہاں دے گناہ چُک لے جاندا اے؟ تُسی اِک طویل مدت تیکر اُوہدی مزاحمت کر چُکے اُو۔ تُسی کئی وری نجات دہندہ دے خلاف اپنے دِل نوں سخت کر چُکے اُو۔ اَج دی رات، تُسی اُوہدے سامنے گھٹنے ٹیک دیو گے؟

اوہ، اُوہناں ظالم سپاہیاں وانگوں مت بنو جنہاں نے اُوہدا مذاق اُڑایا سی! اُوس مغرور تے سخت دِل سردار کاہن وانگوں مت بنو جیہنے اُوہنوں مسترد کیتا، تے اُوہناں فریسیاں وانگوں مت بنو جنہاں نے اُوہدے مُنہ تے تُھکیا تے اُوہدے تے پرہوسا کرن توں انکار کیتا! میں تہانوں التجا کرنا واں کہ ہُن مذید ہور اُوہناں لوکاں وانگوں مت بنے رہوو! تُسی اُوہناں وانگوں کافی عرصہ تیکر رہ چُکے اُو، کافی عرصہ توں وی ودھ! سادہ جئے ایمان وچ یسوع نوں اپنا دِل دے دیو۔ کی تُسی یسوع ’’خُدا دے اُوس برّے تے جیہڑا جہاں دے گناہواں نوں چُک لے جاندا اے‘‘ پرہوسا کرو گے؟ (یوحنا1: 29)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔