انجیلی بشارت وِچ غائبر – مقامی کلیسیا وِچ محبت | The Missing Element in Evangelism

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

فسح دا کھانا ختم ہو چکیا سی۔ لیکن یسوع نے عشائے ربانی نوں شروع کرن توں پہلاں انتظار کیتا۔ اُوہنے اِک تولیہ لہیا، اِک برتن چہ پانی پرہیا، تے شاگرداں دے پیر دھوتے۔ اُوہنے ایہناں ساریاں دے [پیراں نوں] دھویا تے خشک کیتا، بشمول یہوداہ دے پیر، جیہڑا اُوہنوں دھوکہ دے گا۔ فیر کہیا،

’’میں تہانوں اِک نمونہ پیش کیتا اے کہ جیویں میں کیتا اے تُسی وی کیا کرو‘‘ (یوحنا13: 15)۔

اُوہدا [یسوع دا] کی مطلب سی؟ ایہہ اِک علامتی عمل سی جِنہے اِک تصویر وانگوں ساڈی تلاوت دے معنیاں نوں ظاہر کر دِتا،

’’میں تہانوں اِک نیا حکم دینا واں کہ اِک دوجے نال محبت رکھو۔ جیویں میں تہاڈے نال محبت کیتی تُسی وی اِک دوجے نال محبت کرو۔ جے تُسی اِک دوجے نال محبت کرو گے تے سارے لوکی جان لین گے کہ تُسی میرے شاگرد ہو‘‘ (یوحنا13: 34۔35)۔

مسیح نے کہیا، ’’میں تہانوں اِک نیا حکم دینا واں کہ تُسی اِک دوجے نال محبت رکھو۔‘‘ اُوہدے حکم چہ نئی گل کی سی؟ پرانے عہد نامے وِچ احبار 19: 18 آیت وِچ لکھیا اے، ’’توں اپنے پڑوسی نال اپنے وانگوں محبت کر۔‘‘ تے فیر ایہہ کیویں، اِک نیا حکم بنندا اے؟ پرانا حکم کہندا اے کہ توں اپنے پڑوسی نال ’’اپنے وانگوں‘‘ محبت کر۔ نیا حکم ایہہ اے، ’’کہ جیویں میں تہاڈے نال محبت رکھی تُسی وی اِخ دوجے نال محبت رکھو۔‘‘ سپرجیئن Spurgeon نے کہیا، ’’کہ اُو [پرانا حکم] احسان [یا مہربانی] دی محبت اے، لیکن ایہہ [نیا حکم] تعلق[رشتہ] تے قریبی تعلق دی محبت اے‘‘ (سی ایچ سپرجیئن C.H. Spurgeon، ’’مسیح دا نیا حکم،‘‘دی میٹروپولیٹن عبادت گاہ دی واعظ گاہ The Metropolitan Tabernacle Pulpit، نمبر 2,936، جلد 51، صفحہ 242)۔ ایس توں علاوہ وی مسیح دے ’’نئے‘‘ حکم توں مراد عام طور تے دوجیاں نال مہربان ہونا نئیں اے، بلکہ ’’ایہہ کہ تُسی اِک دوجے نال محبت کرو۔‘‘ ایہہ مقامی کلیسیا وِچ اِک دوجے نال محبت کرن آلے مسیحیاں وَل اشارہ کردا اے

آخر، کی ایہہ 12 شاگرد نئے عہدنامے دی پہلی کلیسیا دا دِل نئیں سن؟ یقیناً اُو سن! تے، ایس طرح، مسیح دا ’’نیا‘‘ حکم مقامی کلیسیا وِچ مسیحیاں نوں کہندا اے کہ ’’اِک دوجے نال محبت رکھو؛ جیویں کہ میں تہاڈے نال محبت کیتی اے۔‘‘ مقامی مذھبی جماعت دے پراہواں تے بہناں نوں مسیح نے کہیا اے کہ اُو اِک دوجے نال اینج ای پیار کرن جیویں اُو شاگرداں نال پیار کردا سی۔ اُوہناں دے لئی اُوہدی محبت محض اِک لنگہن آلا جذبہ نئیں سی۔ ایہہ اصلی سی۔ اُوہنے خود نوں اُوہناں دے نال ونڈ لہیا یا شامل کر لہیا سی۔ اُوہنے اُوہناں دا خیال رکھیا سی۔اُوہنے اُوہناں دے پیر دھوتے۔ اُوہنے اُوہناں دے لئی اپنی جان دے دِتی۔ تے اُو کہندا اے کہ سانوں ’’اِک دوجے نال محبت کرنی اے؛ جیویں کہ میں تہاڈے نال محبت کیتی اے۔‘‘

اَسی کم کرنے آں تے اپنی مقامی کلیسیا دے لئی مسیح دے نئے حکم دی تعمیل کرن دے لئی دعا کرنے آں۔ اَسی اپنے آپ نوں اِک دوجے دے نال اشتراکت کرن، اِک دوجے دی دیکھ بھال کرن، اِک دوجے دی خدمت کرن دے لئی اپنے سارے دِل دے نال کوشش کرنے آں۔

اِک نیا نوجوان آندا اے تے نجات پا جاندا اے۔ سانوں اُوہنوں پراہا وانگوں گلے نال لگانا چائیدا اے۔ ایہناں دے قدر کیتی جانی چائیدی اے تے ایہناں دے دیکھ بھال کی جانی چائیدی اے، تے ایہناں نال گہری محبت کیتی جانی چائیدی اے۔

ساڈی شادی توں پہلاں [جیک نعانJack Ngann تے اُوہناں دی ووہٹی]، جدوں میں تے میری ووہٹی ہلے کالج دے طالب علم سن، ڈاکٹر تے مسز ہائیمز مینوں اپنے گھر لے آئے۔ مسٹر تے مسز سینڈرز میری ووہٹی نوں اپنے گھر لے گئے۔ ایہہ محبت تے مہربانی دا اِک عمل سی جِنہوں اَسی اَج تیکر پسند کرنے آں۔

مسیحی محبت دے ایہہ تاثرات مسیح دے نئے حکم نوں پورا کرن وِچ کدرے بوہتے اَگے نے، ’’کہ تُسی اِک دوجے نال محبت کرو۔ جیویں کہ میں تہاڈے نال محبت کیتی اے۔‘‘

لیکن مقامی کلیسیا وِچ مسیحی محبت دے ایس اظہار دا گمراہ ہوئے لوکاں تے اثر پیندا اے جیہڑا کافی گہرا اے۔ ایتھے مقامی کلیسیا وِچ بے ایماناں، غیر نجات یافتہ لوکاں تے محبت دے تین اثرات نے جِنہاں نوں انجیلی بشارت دے ذریعے توں ساڈے وِچکار لہیا گیا اے۔

I۔ سب توں پہلاں، مقامی کلیسیا وِچ مسیحی محبت بے اعتقادی دُنیا دے لئی اِک نشانی اے کہ اَسی مسیح دے شاگرد آں۔

’’ایس نال سارے لوکی جان لین گے کہ تُسی میرے شاگرد اُو، جے تُسی اِک دوجے نال محبت رکھدے اُو‘‘ (یوحنا13: 35)۔

ایہہ محبت جیہڑی ساڈی اِک دوجے دے نال اے اُو سب توں وڈی نشانی اے جیہڑی دُنیا کدی ویکھے گی کہ اَسی مسیح یسوع دے شاگرد تے پیروکار آں۔

اَسی نظریاتی واعظاں دی تبلیغ کر سکنے آں، اُو واعظ جیہڑے آرتھوڈوکس تے بالکل سچے نے، تے مضبوط انجیلی بشارت تے مبنی نے، لیکن جے اُو گمراہ لوکی جیہڑے ساڈی عبادتاں وِچ آندے نے، ساڈی کلیسیا وِچ مسیحی محبت دا گہرا اثر نئیں ویکھدے، تے اُو ساڈے چہ کوئی غیر معمولی شے نئیں ویکھن گے۔ اُو ایہہ نئیں سوچن گے کہ ایتھے کوئی بوہتی اہم گل ہو رئی اے۔ لیکن جدوں اُو عبادتاں تے رفاقت دے اوقات وِچ آندے نے تے حقیقت وِچ سانوں اِک دوجے نال محبت کردے ہوئے ویکھدے نے – فیر اُو ایہہ کہن دے لئی متاثر ہون گے، ’’ایہہخدا دے لوکی نے۔ ایہہ اُو لوکی نے جیہڑے یسوع نوں جانندے نے تے ایس دے پیروی کردے نے۔

’’ایس نال سارے لوکی جان لین گے کہ تُسی میرے شاگرد اُو، جے تُسی اِک دوجے نال محبت رکھدے اُو‘‘ (یوحنا13: 35)۔

سپرجیئن نے کہیا، ’’میں تہانوں ایہدی اِک بوہتی ای قابل ذکر مثال دسنا آں۔ مسیحیت دے ابتدائی دِناں وِچ، اسکندریہ چہ اِک خوفناک [وبا] پُھٹ پیہئی سی۔ بیماری چہ پیہئے بندے دے کول رہنا بوہتا خطرناک سی، تے ایہو جئے بندے نوں ہتھ لان دا مطلب تقریباً یقینی موت اے۔ جدوں [وبا] پھیلی تے اسکندریہ وِچ کافراں نے ہر اُس بندے نوں اپنے گھروں [دھکے مار کے] کڈ دِتا جیہدے تے ایس بیماری دا معمولی جیہا وی نشان سی، تے ایہنوں بُھکا رہن لئی چھڈ دِتا، تے چھوت دے خوف نال ایہناں دی لاشوں نوں دفن وی نئیں کیتا۔ لیکن مسیحی اِک دوجے دی عیادت کردے سی جدوں اُو [ایس مرض نال] بیمار سی، تے کسی مسیحی نوں [کلیاں] مرن لئی نئیں چھڈیا گیا سی۔ اُو جان دے لئی تے اِک دوجے نوں مِلن [تے دیکھ بھال کرن دے] لئی پُرجوش سن، حالانکہ اُو جانندے سی کہ اُو [بیماری نوں] ہر ممکن طور [خود نوں] لگا لین گے۔ تے اسکندریہ دی دیواراں دے باہر لاشاں دے وِچکار کسی مسیحی دی اِک وی لاش نئیں لبھی… تے قوماں نے کہیا، ’ایس دا کی مطلب اے؟‘ تے پورے مصر چہ جواب دِتا گیا، ’ایہہ ناصرت دے یسوع دا مذھب اے، کیوں جے ایہہ مسیحی اِک دوجے نال محبت کردے نے۔‘‘ دُنیا وِچ کوئی واعظ مسیح دی محبت دا حقیقی مظہر نئیں ہو سکدا۔ تے جدوں خدا اپنے گرجا گھر نوں حقیقی، دِلی تے مخلص محبت نال بحال کردا اے… اُدھوں دُنیا خوشخبری توں بوہتی متاثر ہووے گی جیہنی کہ ایس ویلے اے‘‘ (ibid.، صفحات 249۔250)۔

اِک کلیسیا دے طور تے ساڈا مقصد اِک دوجے نال ایس قدر شدید محبت کرنا اے کہ،

’’ایس نال سارے لوکی جان لین گے کہ تُسی میرے شاگرد اُو، [کیوںکہ] جے تُسی اِک دوجے نال محبت رکھدے اُو‘‘ (یوحنا13: 35)۔

جان پیٹر لانگ John Peter Lange، عظیم جرمن ماہرِ الہیات، نے نشاندہی کیتی کہ مسیحیت دے ابتدائی دِناں وِچ، ’’کافر قوماں [اکثر] حیرانی نال کہندیاں سن: ’ویکھو ایہہ مسیحی اِک دوجے نال کیہو جئی محبت کردے نے، تے اِک دوجے دے لئی مرن دے لئی کینج تیار نے۔‘ لوسیئن Lucian [اِک کافر مصنف] نے طنزیہ انداز چہ کہیا، ’’ایہناں نوں شریعت دین آلے [مسیح] نے ایہناں نوں قائل کیتا اے کہ اُو سارے [پراہا تے بہناں] نے‘‘ (پاک صحائف تے لانگ دا تبصرہ، جان، Lange’s Commentary on the Holy Scriptures, John، صفحہ 427)۔

اَج وی، تیجی دُنیا چہ، چین، جنوب مشرقی ایشیا، ہندوستان، افریقہ، تے لاطینی امریکہ چہ، اَسی مسیحیاں دی اِک دوجے دے لئی ایس محبت نوں کئی وری ویکھنے آں – بالکہ قابلِ ذکر طریقیاں نال – اکثر انتہائی مشکل حالات وِچ۔ ایس نال زیادہ تر مغربی مسیحیاں نوں شرمندہ ہونا چائیدا اے۔ خدا ساڈی کلیسیا دی ابتدائی مسیحیاں تے تیجی دُنیا دے مسیحیاں وانگوں بنن وِچ مدد کرے۔ آؤ اَسی مسیح دے لفظاں نوں یاد رکھیے،

’’ایس نال سارے لوکی جان لین گے کہ تُسی میرے شاگرد اُو، جے تُسی اِک دوجے نال محبت رکھدے اُو‘‘ (یوحنا13: 35)۔

مقامی کلیسیا وِچ مسیحیاں دا اِک دوجے نال محبت کرنا بے ایمان دُنیا دے لئی اِک طاقتور نشانی اے کہ اَسی یسوع مسیح دے سچے پیروکار آں!

II۔ دوجی گل، مقامی کلیسیا وِچ مسیحی محبت تے اتحاد بے ایمان دُنیا دے لئی اِک عظیم ثبوت اے کہ ساڈا ایمان حقیقی اے۔

’’کہ اُو سارے اِک ہو جان جیویں تو میرے چہ تے میں تیرے چہ آں آے باپ، کاش اُو ساڈے وِچ وی اِک ہو جان تاں جے ساری دُنیا ایمان لہیائے کہ تو ای مینوں پیجیا اے‘‘ (یوحنا17:21)۔

ایہہ سانوں اِک قدم گاں لے جاندا اے۔ یوحنا35: 13 چہ یسوع نے کہیا کہ دُنیا جان لئے گی کہ اَسی مسیح دے شاگرد آں جے اَسی ’’اِک دوجے نال محبت رکھاں گے۔‘‘ لیکن ایتھے، یوحنا17: 21 وِچ، مسیح گہرائی وِچ جاندا اے۔ اُو ساڈی اِک دوجے نال محبت دے ذریعے توں دُنیا نوں متاثر کرن توں وی اَگے لنگ جاندا اے۔ جدوں اُو اُتے آلے کمرے توں نکلیا تے گتسمنی وَل گیا، اُوہنے باپ کولوں دعا منگی، ’’کاش اُو ساڈے وِچ وی اِک ہو جان تاں جے ساری دُنیا ایمان لہیائے کہ توں ای مینوں پیجیا اے‘‘ (یوحنا 17:21)۔

ایس آیت دا اَج بوہتے لوکاں نے ’’آفاقی تحریک ecumenical movement‘‘ وِچ غلط استعمال کیتا اے۔ ایہنوں ایکومینیسزم ecumenicism تے لاگو کرنا مضحکہ خیز اے، تے ایہہ کہنا کہ ایس دا مطلب اے سارے فرقیاں نوں، جِنہاں وِچوں بے شمار بدعتاں تے بے ایمان ارکین توں بھرے ہوئے نے، نوں اِکٹھا ہونا چائیدا اے۔ مسیح اینج دا کُج نئیں کہہ رہیا اے! اُو کہندا اے، ’’تاں جے اُو وی اِک ہو جان۔‘‘ اُو کیہدے لئی دعا منگ رہیا اے؟ اُو اُوس پہلی مقامی کلیسیا دے مرکز دے لئی دعا کر رہیا سی! جدوں اِک مقامی کلیسیا وِچ اِتحاد ہوندا اے، تے اُو محبت تے اتحاد نال بھری ہوندی اے، تے دُنیا’’یقین کرے گی کہ توں ای مینوں پیجیا اے۔‘‘

لیکن آیت23 وِچ مسیح ایس توں وی مذید ہُور گاں گہرائی وِچ دسدا اے۔

’’میں اُوہناں وِث تے توں میرے وِچ، تاں جے اُو کامل طور تے اِک ہو جان تے دُنیا جان لے کہ توں ای مینوں پیجیا اے تے جیس طرح توں نے میرے نال محبت رکھی اُوسی طرح اُوہناں نال وی رکھی‘‘ (یوحنا17: 23)۔

یوحنا13: 35 وِچ یسوع نے کہیا کہ دُنیا جان لئے گی کہ اَسی اُوہدے پیروکار آں ’’جے اَسی اِک دوجے نال محبت رکھاں گے۔‘‘ یوحنا17: 21 وِچ، اُوہنے کہیا کہ ساڈا اتحاد تے محبت دُنیا نوں قائل کرے گی کہ خدا نے اُوہنوں اُوہناں دے گناہواں دی خاطر قربان ہون دے لئی تے اُوہناں نوں حیاتی بخشن دے خاطر مُردیاں وِچوں جی اُٹھن دے لئی پیجیا اے۔ مقامی گرجا گھر وِچ مسیحیاں دا اتحاد تے محبت ایہناں عقائد دے نامنن آلیاں نوں قائل کرے گی۔

لیکن اکیلا نظریہ نجات نئیں دیندا۔ تے اینج، اِک وری فیر، یوحنا17: 23 وِچ، ایس وری گمراہ دُنیا دے لئی وسیلہ دی حیثیت نال اُوہناں دے لئی خوشخبری نوں جانندے ہوئے مسیح مقامی کلیسیا وِچ اتحاد تے محبت وَل واپس ٹُر جاندا اے، فیر غور نال سُنو،

’’تاں جے اُو [مسیحی] کامل طور تے [مکمل ہو جان] اِک ہو جان تے دُنیا جان لے کہ توں ای مینوں پیجیا اے تے جیس طرح توں میرے نال محبت رکھ اُوسی طرح اُوہناں نال وی رکھی‘‘ (یوحنا17: 23)۔

اَسی اُودھوں تیکر تبلیغ کر سکنے آں جدوں تیکر کہ ساڈے چہرے نیلے نہ ہو جان [یعنی مر نہ جائیے]۔ اَسی گواہی دے سکنے آں جدوں تیکر کہ ساڈے جوتے [گِھس گِھس کے] مُک نہ جان۔ لیکن جے گمراہ ہوئے لوکی مسیحی محبت تے اتحاد نوں نئیں ویکھدے جدوں اُو ساڈے مقامی گرجا گھر وِچ آندے نے تے اُو ’’جان‘‘ نئیں پان گے کہ انجیل سچ اے۔ اُو نئیں جان پان گے کہ مسیح نے ’’اُوہناں نال محبت کیتی اے۔‘‘

جے، دوجی وَل، اِک گمراہ بندہ ساڈے گرجا گھر وِچ آندا اے تے اِک دوجے دے لئی ساڈی یگانگت تے محبت نوں ویکھدا اے، تے اُو ’’جان لین گے کہ توں ای مینوں پیجیا اے، تے اُوہناں نال محبت کیتی اے…‘‘ (یوحنا17: 23)۔

میں عام طور تے جان آر ڈبلیو اسٹاٹ John R. W. Stottدی تحریراں دی پرواہ نئیں کرنا آؓں۔ لیکن مینوں ایس نے پچھلے ورے لکھی اِک گل نے متاثر کیتا، جیہڑی مینوں یقین اے کہ گہرا تے صحیفائی طور تے سچ اے۔ سٹوٹ نے کہیا،

اُوہی غیر مرئی خدا جیس نے کدی اپنے آپ نوں یسوع وِچ ظاہرکیتا سی ہُن مسیحی [کلیسیا] وِچ خود نوں ظاہر کردا اے، جے اَسی اِک دوجے نال محبت کرنے آں۔ تے انجیل دے سارے زبانی اعلان دی کوئی اہمیت نئیں اے جدوں تیکر کہ ایہہ [محبت نال بھری کلیسیا] وَلوں نہ کیتی جائے۔ میرا یقین اے کہ انجیلی بشارت خاص طور تے مقامی گرجا گھر دے ذریعے، [ایس دی] برادری دے ذریعے ہوندی اے، بجائے ایس دے کہ انفرادی [اکیلے بندے] دے ذریعے توں۔ کہ گرجا گھر اِک متبادل معاشرہ ہونا چائیدا اے، بادشاہی دی اِک ظاہری نشانی (ڈاکٹر جان آر ڈبلیو اسٹوٹ Dr. John R. W. Stott، اَج دی مسیحیت مسیحیت Christianity Today، اکتوبر 2006، صفحہ 97-98)۔

سٹوٹ نے کہیا کہ گمراہ لوکی خدا نوں نئیں ویکھ سکدے۔ اُو سوچدے نے کہ کی کوئی خدا اے؟ لیکن جدوں ’’مقامی گرجا گھر‘‘ وِچ مسیحی لوکی اِک دوجے نال ایہنی شدت نال محبت کردے نے کہ اُو ’’اِک متبادل معاشرہ‘‘ بن جاندے نے، تے گمراہ ہوئے لوکی اُوس معاشرے دا حصہہ بننا چاہن گے – تے اُو مقامی گرجا گھر دے ذریعے توں خدا دی محبت تے حقیقت نوں محسوس کرن گے۔ اُو اِک اینگلیکن سی – لیکن اُو یقینی طور تے ایس زمرے وِچ اِک پرانے زمانے دے بپتسمہ دین آلے وَل لگدا اے – تے میرے خیال چہ اُو بالکل درست سی!

تے ایسی لئی سانوں اپنے گرجا گھر دی گرمجوشی تے رفاقت وِچ گمراہ ہوئے لوکاں نوں خوشخبری سُںن تے ایس مقامی گرجا گھر دی رفاقت وِچ تے ایس دے ذریعے توں مسیح دی محبت دا تجربہ کرن دے لئی لہیانا چائیدا اے۔ ایہو ای وجہ اے کہ اَسی ہمیشہ کہنے آں، ’’کلّے کیوں رہیے؟ گھر آؤ – گرجا گھر وِچ! کیوں گواچے رہیے؟ گھر آؤ – خدا دے پُتر، یسوع مسیح دے کول!

ایس لئی آؤ اَسی اِک دوجے نال محبت کرن، اِک دوجے دے نال رہن دے لئی – اِک دوجے دے لئی دعا تے مدد کرن دے لئی ہر ممکن کوشش کریے۔ فیر، جدوں کسی نوں ساڈے گرجا گھر وِچ لہیا جائے گا تے اُو کہن گے، ’’ایہہ مسیح دے پیروکار نے! خدا نے یسوع نوں پیجیا ہووے گا ورنہ ایہہ لوکی ایہنا پیار کرن آلے نہ ہوندے! تے مینوں منادی سُنن دے بعد، تے ساڈے پیار نال بھرے گرجا گھر وِچ ہون دے بعد، اُو آخر کار کہین گے، ’’مٰں جاننا واں کہ خدا نے یسوع نوں پیجیا اے۔ ایہہ ایہنا ای آسان اے جیہنا کہ میں جاننا واں کہ یسوع میرے نال محبت کردا اے!

III۔ تیجی گل، ایس دے باوجود اِک مقامی کلیسیا وِچ مسیحی محبت دی غیر موجودگی چُنیدہ لوکاں نوں مسیح دے کول آن نال نئیں روک پائے گی۔

یوحنا13: 27 نوں فیر پڑھو۔ ویکھو یہوداہ دے بارے وِچ ایہہ کی کہندی اے۔

’’تے اُوس نوالے دے بعد شیطان اُوہدے وِچ سما گیا۔ فیر یسوع نے اُوہنوں کہیا جو کُج تیہنوں کرنا اے چھیتی کر لے‘‘ (یوحنا13: 27)۔

’’جیویں ای اُوس [یہوداہ] نے روٹی د ا نوالہ لہیا فوراً باہر ٹُر گیا۔ تے رات ہو چکی سی‘‘ (یوحنا13: 30)۔

ایہہ کلیسیا دی اصل تقسیم اے۔ ایہہ اُوس ویلے ہویا جدوں مسیح نے اُوہناں دے پیر دھوتے تے اُوہناں نوں خداوند دا عشائیہ [آخری کھانا] دِتا۔ کی ایہنے باقی شاگرداں نوں اِک دوجے نال محبت کرن توں روک دِتا؟ ہاں، اُوہنے تھوڑے جئے ویلے دی لئی کیتا، لیکن بوہتی دیر تیکر نئیں۔ اُوہناں نے چھیتی ای ایہہ سمجھ لہیا کہ یہوداہ اُوہناں دے وِچکار صرف اِک بُرا کافر سی۔ ایہدے جان دے بعد، اُو اِک دوجے نال فیر پیار کرن لگ گئے، تے گمراہ ہوئے لوکاں نوں ایس مقامی گرجا گھر یا کلیسیا دی گرمجوشی تے محبت بھری رفاقت وِچ لہیائے۔

ہُن، میں ایس واعظ نوں اُوہناں نوجواناں دے لئی اِک تنبیہ دے نال ختم کرنا آں جیہڑے گرجا گھر وِچ نے۔ تُسی ویکھیا اے کہ یہوداہ وگرے [بندے]، لوکاں نوں مصیبت وِچ پاندے نے۔ تُسی اُوہناں نوں گرجا گھر توں نکلدے ویکھیا اے۔ تُسی اُوہناں نوں مسیح نوں دھوکہ دیندے ویکھیا اے۔ اُوہناں نوں [یہوداہ وگرے لوکاں نوں] تہانوں اِک محبت کرن آلا مسیحی بنن توں روکن نہ دیو! یہودہ وگرے ہر دھوکہ دین آلے دے لئی، مقامی گرجا گھر وِچ بُہتیرے دوجے لوکی نے جیہڑے وفادار مسیحی نے، تے کلیسیا یہوداہ دے بغیر محبت بھری رفاقت وِچ اَگے ودھدی اے! یہوداہ دی وجہ توں اپنے آپ نوں مسیحی بنان وِچ حیاتی بھر دی رکاوٹ نہ بنن دیو۔ آؤ تے ایسی گرجا گھر نوں بنان وِچ ساڈی مدد کرو جِنہوں ڈاکٹر اسٹوٹ نے ’’اِک متبادل معاشرہ‘‘ کہیا اے، اِک مردے ہوئے شہر وِچ محبت نال بھریا ہویا اِک گرجا گھر، اِک وکھردی ہوئی تہذیب وِچ پہاڑی تے قائم اِک مینارہ! خدا تہانوں اینج کرن وِچ مدد کرے! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔