بشراں دے – ماہی گیر! | Soul-Fishers!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح نے پطرس تے اندریاس نوں کہیا، ’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔ بنیادی نکتہ ایہہ اے کہ تُسی لوکاں دے ماہی گیر ہوئے بغیر مسیح دے پیروکار نئیں ہو سکدے۔ ڈاکٹر آر اے ٹورے Dr. R. A. Torrey نے کہیا، ’’اُو یونانی لفظ جیہنے ’ماہی گیر fishers‘ دا ترجمہ کیتا اِک عجیب لفظ اے۔ ایہہ اِک اینج دے [بندے] ول اشارہ کردا اے جیہڑا کدی کدی [بطور کھیل] ای مچھلی نئیں پھڑدا اے بلکہ جیہدا کاروبار ای ماہی گیری اے – اِک ماہی گیر۔‘‘ ڈاکٹر ٹورے نے کہیا کہ لوکاں دا ماہی گیر ہونا ہر مسیحی دی حیاتی وچ سب توں اہم شے ہونی چائیدی اے! (ڈاکٹر آر اے ٹورے، ڈی۔ڈی۔R. A. Torrey, D.D نے کہیا، ’’کیوں ہر مسیحی نوں بشراں دا جِتّن آلا اُوہدی اپنی حیاتی دا کاروبار بنا لینا چائیدا اے‘‘)۔ یسوع نے کہیا،

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

’’اَج اسی کٹّاں گے، نئیں تے اپنی سُنہری فصل نوں کھو دیاں گے!‘‘

اَج اسی کٹاں گے، نئیں تے اپنی سُنہری فصل نوں کھو دیاں گے!
اَج سانوں کھوئے ہوئے بشراں نوں جِتن لئی موقع دِتا گیا اے۔
ہائے فیر کُج پیاریاں نوں جلائے جان توں بچان لئی،
اَج اسی جاواں گے کُج گنہگاراں نوں [گرجا گھر دے] اندر لہیان لئی۔
(’’کیہناں گھٹ ویلہ So Little Time ‘‘ شاعر ڈاکٹر جان آر۔ رائس Dr. John R. Rice، 1895۔1980 )۔

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

ایہدا مطلب ایہہ نئیں اے کہ ہر مسیحی نوں مبلغ یا مشنری بننا چائیدا اے۔ ایہدا مطلب ایہہ ہوندا اے کہ تہاڈی دُنیاوی ملازمت توں کوئی فرق نئیں پیندا، تہانوں اپنی حیاتی وچ لوکاں دی ماہی گیری نوں سب توں اہم بنانا چائیدا اے!

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

اِک بڑی جھوٹی تعلیم اے کہ ایہہ گل صرف رسولاں نوں کہی گئی سی، تے اَج ساڈے نال نئیں۔ لیکن ایہہ اِک احمقانہ گل اے۔ کسی وڈے مفسر نے ایہنوں کدی نئیں سکھایا۔ سب توں پہلی تھاں تے تے، جے ایہہ صرف رسولاں لئی ہوندا تے خدا ایہدا اندراج ایتھے متی وچ کیوں کردا؟ خدا سانوں ایہہ لفظ کیوں دیوے گا جیہڑے سانوں الجھان، سانوں ایہہ سوچن تے مجبور کرن کہ سانوں بندیاں دے ماہی گیر بننا چائیدا اے، جے اُو نئیں چاہندا کہ اسی بندیاں دے ماہی گیر بنئیے؟ اعمال دی پوری کتاب وچ ایہہ واضح اے کہ ابتدائی مسیحیاں نے اُوہنوں اپنے وچوں ہر اِک لئی بندیاں دے ماہی گیر ہون دے حکم دے طور تے لہیا سی۔ ایہی وجہ اے کہ مسیحیت پہلی صدی وچ اِک عالمی تحریک وچ پھوٹی سی!

ایتھے بہتیری وجوہات وچوں تِن نے کہ ساڈے وچوں ہر اِک نوں روحاں دا ماہی گیر ہونا چائیدا اے۔

I۔ پہلی گل، تہانوں لوکاں دی ماہی گیری کرنی چائیدی اے کیوں جے مسیح ایسی مقصد دے لئی آیا سی۔

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

اِک حقیقی مسیحی کی کردا اے؟ اُو مسیح دی مثال دی پیروی کردا اے۔ مسیح نے کی کیتا سی؟ اُوہنے کہیا اُو آیا سی

’’جیہڑا گواچیا سی اُوہنوں لبّن تے بچان لئی …‘‘ (لوقا19: 10)۔

جیویں مسیح نے کہیا اُوہناں لفظاں وچ اوہی بازگشت سی جیہڑی پولوس نے کہی جدوں اُوہنے کہیا،

’’مسیح یسوع دُنیا وچ گنہگاراں نوں بچان لئی آیا‘ (1 تیموتاؤس1: 15)۔

مسیح دے کَم دا کُل مقصد زمین تے لوکاں نوں نجات دلانا سی! اُو ’’کھوئے ہوئے نوں لبّن تے بچان آیا سی۔ اُو ’’گنہگاراں نوں بچان لئی دُنیا وچ آیا سی۔‘‘ مسیح دا پیروکار بنن لئی، تہاڈے کول اوہی مقصد تے اوہی ہدف ہونا چائیدا اے جیہڑا اُوہدا سی۔ مسیح دی پیروی کرن لئی، تہانوں ’’گواچے ہوئے نوں بچان لئی… تلاش کرنا اے‘‘ جیویں کہ اُوہنے کیتا سی (لوقا 19:10). ایس ای لئی مسیح نے کہیا،

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

کوئی وی جیہڑا تہانوں دسدا اے کہ اُو مسیح دا پیروکار اے، لیکن بشراں دی ماہی گیری نئیں کردا، خود فریبی اے۔ کوئی وی، مسیح دے اُوہدے مرکزی کَم – بشراں نوں بچان وچ، اُوہدی پیروی کیتے بغیر اُوہدا پیروکار نئیں ہو سکدا جدوں تیکر کہ اُو بیمار نہ ہووے۔ اُو ’’گنہگاراں نوں بچان لئی دُنیا وچ آیا سی۔‘‘ لہٰذا ہر اُو بندہ جیہڑا واقعی مسیح دی پیروی کردا اے اُوہنوں گنہگاراں نوں وی بچانا چائیدا اے!

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

مسیح دی پیروی کرو! بشراں دے ماہی گیر بنو۔ اُوہدے پیروکار بنن دا کوئی دوجا راستہ نئیں اے۔ تہانوں اُوہدے پیروکار بنن لئی مسلسل بشراں دی ماہی گیری کرنی پیندی اے۔

II۔ دوجی گل، تہانوں لوکاں نوں مسیح دی موجودگی دا شعور حاصل کرن دے لئی لوکاں دی ماہی گیری کرنی چائیدی اے۔

’’ایس لئی تُسی جاؤ تے ساری قوماں نوں شاگرد بناؤ تے اُوہناں نوں پیو، پُتر تے پاک روح دے ناں نال بپتسمہ دوو۔ تے اُوہناں نوں ایہہ تعلیم دوو کہ اُوہناں ساریاں گلاں تے عمل کرن جنہاں دا میں تہانوں حکم دِتا اے تے ویکھو! میں دُنیا دے آخر تیکر ہمیشہ تہاڈے نال آں۔ آمین‘‘ (متی28: 19۔20)۔

ایہناں لفظاں تے توجہ دیو، ’’تے ویکھو، میں ہمیشہ تہاڈے نال آں۔‘‘ میں ڈاکٹر ٹورےDr. Torrey نال پوری طرح اتفاق کرنا واں جدوں اُوہناں نے کہیا، ’’ساڈے خداوند لئی ذاتی رفاقت وچ ساڈے نال رہن لئی، سانوں شاگرد بنانے چائیدے نے… اُودوں، تے صرف اُوہدوں ای، اسی اُوہدے اپنے نال ہون تے اعتماد کر سکنے آں‘‘ (ibid.)۔

ڈپریشن دا بہترین علاج بشراں دی ماہی گیری کرنا اے! بہتر محسوس کرن دا بہترین طریقہ ایہہ اے کہ مسیح وچ نجات پان وچ کسی ہور دی مدد کرن دے بارے وچ سوچو۔ انجیل دے اِک پرانے گیت نے کہیا، ’’اَج کسی دی مدد کرو۔‘‘

اَج کسی دی مدد کرو، کسی دی حیاتی دے راستے تے ٹُردے ہوئے،
ودھدی دوستی دے نال، ساری تنہائی ختم ہوندی اے،
اوہ، اَج کسی دی مدد کرو!
(’’اَج کسی دی مدد کرو Help Somebody Today‘‘ شاعر کیری ای۔ بریَک Carrie E. Breck، 1855۔1934)۔

تہاڈے تے اُوہناں دے، دوواں دے دُکھ ’’ختم‘‘ کرن دا بہترین طریقہ ایہہ اے کہ یسوع وانگوں ’’گنہگاراں دا بیلی‘‘ بن جاؤ!

ویکھو، میں ہمیشہ تہاڈے نال آں‘‘ دی اِک شرط اے۔ مسیح صرف شعوری رفاقت وچ رہن دا وعدہ کردا اے جے اسی کھوئے ہوئے لوکاں نوں شاگرد بنان لئی کم کر رئے آں! تُسی مسیح دی اطاعت دے بغیر اپنی حیاتی وچ مسیح دی موجودگی حاصل نئیں کر سکدے! اُوہنے کہیا،

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

’’میں تہانوں بندیاں دا مچھیرا بناؤاں گا۔‘‘

میں تہانوں بندیاں دا مچھیرا بناؤاں گا،
   بندیاں دا مچھیرا، بندیاں دا مچھیرا،
میں تہانوں بندیاں دا مچھیرا بناؤاں گا
   جے تُسی میرے مگر ہو لوو۔
جے تُسی میرے مگر ہو لوو، جے تُسی میرے مگر ہو لوو،
   میں تہانوں بندیاں دا مچھیرا بناؤاں گا
جے تُسی میرے مگر ہو لوو۔
(’’میں تہانوں بندیاں دا مچھیرا بناؤاں گا I Will Make You Fishers of Men‘‘ شاعر ھیری ڈی۔ کلارک Harry D. Clarke، 1927)۔

جدوں اَسی گمراہ ہوئے نوں بچان دی تلاش چہ مسیح دی پیروی کرنے آں تے اُو ساڈے نال ہووے گا تے اَسی اُوہدی موجودگی دی خوشی دا تجربہ کراں گے۔ بشراں دی ماہی تے صرف بشراں دی ماہی گیری دے لئی مسیح نے کہیا، ’’ویکھو، میں ہمیشہ تہاڈے نال آں‘‘ (متی20: 28)۔

III۔ تیجی گل، تہانوں لوکاں دی ماہی گیری کرنی چائیدی اے جے تُسی خدا کولوں تہانوں روح القدس دی قوت دین دی اُمید رکھدے اُو۔

’’لیکن جدوں پاک روح تہاڈے تے نازل ہووے گا تے تُسی قوت پاؤ گے تے میرے گواہ ہوو گے‘‘ (اعمال1: 8)۔

خدا، پاک روح صرف سانوں خوش کرن دے لئی نئیں دیندا! خدا بشراں دے ماہی گیر بنن دے لئی روح القدس دیندا اے! ایس لئی اُو مسیحیاں نوں روح القدس دی قوت بخشدا اے! اعمال1: 8 پڑھو! اُوہنے اُوہناں نوں روح القدس ایس لئی نئیں دِتا کہ اُو اُوہناں نوں ’’خوش کرے،‘‘ یا [اُو] ٹپدے پھرن، یا جنون چہ اپنے ہاتھ ہوا چہ لہران! نئیں، خدا نے اُوہناں نوں بشراں دی ماہی گیری دا ’’گواہ‘‘ بنان دے لئی روح القدس دی قوت بخشی! ڈاکٹر ٹورے نے کہیا، ’’جدوں تیکر اَسی دوجیاں نوں مسیح دے کول لہیان دے لئی استعمال ہون دے لئی تیار نہ ہوئیے، مسیحی کتاباں پڑھن یا [بائبل دا مطالعہ کرن دے لئی] جان یا دعا چہ گھتم گُتھا ہون نال، سانوں اُو نعمت نئیں لبھے گی جیہدی تلاش اَسی کرنے آں… کوئی مسیحی روح القدس دی طاقت تے موجودگی دی معموری، تے خوشی تے فتح جیہڑی ایس معموری دے نال ہوندی اے اُوس توں لطف اندوز نئیں ہو سکدا، جدوں تیکر کہ اُو یقینی طور تے اپنے آپ نوں خدا دے ہتھاں وِچ نئیں سونپ دیندا کہ اُو دوجیاں نوں مسیح دے لئی فتح کرن وِچ ایہدا استعمال کرے‘‘ (ibid.)

’’میرے مگر ہو لوو تے میں تہانوں بندیاں دا پھڑن آلا بنا دیاں گا‘‘ (متی4: 19)۔

کافی عرصہ پہلاں1971 وِچ لیونارڈ ریون ہلLeonard Ravenhill نے کہیا،

میری رائے… ایس بارے چہ اے کہ نام نہاد مسیحی ممالک وِچ کوئی وی حقیقت چہ کسی وی وڈے تناسب وِچ گمراہ ہوئے لوکاں تیکر نئیں پہنچ رہیا اے (لیونارڈ ریون ہلLeonard Ravenhill، صدوم دی کوئی بائبل نئیں سیSodom Had No Bible، ریوین ہل کُتبRavenhill Books، 1971، صفحہ 65)۔

جے ماضی وِچ اُوس ویلے، 1971 وِچ ایہہ سچ سی (تے ایہہ سچ سی) تے اَج ہور وی بوہتا سچ اے! بوہتے مبلغین ہُن گمراہ ہوئے بشراں نوں فتح کر کے اپنے گرجا گھر بنان دی کوشش نئیں کردے۔ ایہدے بجائے، اُو دوجے گرجا گھراں توں لوکاں نوں ’’چوری‘‘ کرن دے لئی ہر ممکن ’’چال‘‘ دا استعمال کردے نے! نتیجتاً اَج ساڈے گرجا گھرایہنی افسوسناک خرابی وِچ نے! لوکی ’’بہتر موسیقی‘‘ یا بہتر نوجواناں دے پروگرام‘‘ دے لئی، اِک گرجا گھر توں دوجے گرجا گھر وِچ آن جان دی ’’منتقلی‘‘ کردے نے، یا کوئی ہُور فضول حرکت کردے نے! اینج لگدا اے کہ اَج دی مبلغاں نوں معلوم نئیں اے کہ باہر دی دُنیا توں بشراں نوں کینج لہیا جائے۔ مینوں یقین نئیں اے کہ اَسی وی ایہہ سب کُج سمجھ لہیا اے! لیکن میں جاننا آں – اَسی کدی وی دوجے گرجا گھراں توں لوکاں نوں نئیں چراواں گے – تے اَسی ایہنوں دُرست کرن دے لئی پہلے توں کدرے بوہتا قریب نے!

ویکھیا تُسی، بشراں دی ماہی گیری لوکاں دے سوچن دے مقابلے وِچ کدرے آسان ترین اے۔ تہانوں ’’بشراں نوں فتح‘‘ کرن دے بارے وِچ لمبی تعلیمات دے لوڑ نئیں اے۔ تہانوں کسی کتابچہ یا علمی ادب دی لوڑ نئیں اے۔ تہانوں ہر سوال دا جواب دین دے قابل ہونا ضروری نئیں اے۔ بس ’’باہر نکلو… تے اُوہناں نوں گرجا گھر آن تے مجبور کرو‘‘ (لوقا14: 23)۔ تہانوں ساڈی ہمدردی دی لوڑ اے۔ تہانوں جیس شے دی لوڑ اے اُو محبت اے – لوکاں نال محبت۔ ایہہ بس ایہنا ای سَوکھا اے!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔