ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بوہتے مسیحی دعویٰ کرن آلے ایہہ نئیں جانندے کہ خدا ایہناں دے حیاتی دا کوئی مقصد رکھدا اے۔ کُج سُوچدے نے کہ ایہناں دی حیاتی دا واحد مقصد فوری دعا کرنا اے، یا ’’اَگے ودھنا‘‘ اے تاکہ اُو جنت وِچ جا سکن۔ ایہناں وچوں بہوتے لوکی سوچدے نے کہ اُوہناں نوں مقامی گرجا گھر وِچ شامل ہون تے خداوند دے لئی کوئی کم کرن دی لوڑ نئیں اے۔ اُو اکثر سوچدے نے، ’’میں پہلاں ای توں نجات پا چکیا واں۔ مینوں کسی گرجا گھر دا حصہ بنن تے مسیح دے لئی کوئی کم کرن دی لوڑ نئیں اے۔ اینج جیہا بندہ صرف اِک برائے نام مسیحی اے – صرف ناں دا مسیحی – حقیقی مسیحی نئیں اے۔ حقیقی مسیحی ’’مسیح یسوع وِچ نیک کماں دے لئی پیدا کیتے گئے نے،‘‘ ’’بچائے گئے‘‘ نئیں نے تاکہ اُو اِتوار نوں گھر رہ سکن یا کم کر سکن! حقیقی مسیحی ’’مسیح یسوع وِچ نیک کماں دے لئی پیدا کیتے گئے نے‘‘ (افسیوں2: 10)۔

دوجیاں دا خیال اے کہ ایہناں دی حیاتی دا اِکلوتا مقصد بائبل دا مطالعہ کرنا اے۔ اُو سمجھدے نے کہ صرف بائبل دا مطالعہ ای اِک مسیحی دی حیاتی دا مقصد اے۔ اُو مطالعہ کردے نے تے مطالعہ کردے نے تے مطالعہ کردے نے – گویا بائبل دا مطالعہ ایہناں دی حیاتی دا واحد مرکز سی۔ اکثر ایہہ ایہناں دے پادری دی غلطی ہوندی اے، جیہڑا بائبل دے علم نوں اپنے آپ وِچ ای ختم کر دیندا اے۔ فیر وی اَسی ویکھیا اے کہ ایہناں وِچوں بائبل دا مطالعہ کرن آلے بُہتیرے طلباء نے کدی وی نئے جنم دا تجربہ نئیں کیتا اے۔ اُو نیکودیمس وانگوں نے، جہیڑا اِک مشہور عالمِ بائبل تے اُستاد سی، لیکن نئے جنم دے بارے چہ کُج نئیں جانندا سی (یوحنا3: 1۔10)۔ بائبل کہندی اے کہ ایہو جئے لوکی ’’سیکھن دی کوشش تے کردے نے لیکن کدی وی ایس قابل نئیں ہو پاندے کہ حقیقت نوں پہچان سکن‘‘ (2۔ تیموتاؤس3: 7)۔ اُو کدی وی اپنے گرجا گھر وِچ حاضری دے علاوہ مسیح دے لئی کوئی وی کم نئیں کردے کیوں جے اُو کدی وی ’’مسیح یسوع وِچ نیک کماں دے لئی پیدا نئیں ہوئے‘‘ (افسیوں2: 10)۔

فیر اُو لوکی نے جیہڑے گرجا گھر وِچ حوصلہ افزائی کرن تے اپنے بارے وِچ بہتر محسوس کرن دے لئی آندے نے۔ اُو اپنے چنگے جذبات دی ہفتہ وار خوراک حاصل کرن دے لئی گرجا گھرآندے نے۔ تے، فیر، اُو لوکی نے جیہڑے مختلف قسم دی جدید موسیقی توں محظوظ ہوندے نے۔ کینج کوئی وی حقیقی مسیحی، ہفتے در ہفتے ہر قسم دی عبادت توں گزرن دے لئی برقرار رہ سکدا اے ایہہ میرے لئی اِک معمہ اے! مینوں بہوتا ڈر لگدا اے کہ زیادہ تر لوکی جیہڑے ایہناں دوواں وِچوں کسی اِک توں مطمئن نے کدی وی فضل توں نئیں بچائے گئے (افسیوں2: 8۔9)، کیوں جے جیہڑے لوکی فضل توں بچائے گئے نے اُو ’’اُوہدی کاریگری نے، جیہڑے مسیح یسوع وِچ نیک کماں دے لئی پیدا کیتے گئے نے‘‘۔ (افسیوں2: 10)۔

’’مسیح یسوع وِچ پیدا کیتا گیا‘‘ دا مطلب اے کہ خدا نے اُوہناں نوں ’’زندہ‘‘ کیتا اے، نئے جنم دے ذریعے مُردیاں وِچوں زندہ کیتا اے (افسیوں2: 1، 5)۔ لیکن جیہڑا بندہ حقیقی معنیاں دی وِچ فیر توں پیدا نئیں ہویا اُو اپنی حیاتی دے لئی خدا دے مقصد نوں نئیں جان سکے گا۔ اینج جیہا مذہبی گواچیا ہویا بندہ ایہہ نئیں سمجھ سکے گا کہ ’’اَسی اُوہدی کاریگری نے، جیہڑے مسیح یسوع وِچ نیک کماں دے لئی پیدا کیتے گئے نے‘‘ (افسیوں2: 10) کیونکہ،

’’جیس وِچ خدا دا پاک روح نئیں اُو خدا دی گلاں قبول نئیں کردا… تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ توں ای سمجھی جا سکدیاں نے‘‘ (1کرنتھیوں2: 14)۔

صرف اُوہی لوکی جیہڑے حقیقی معنیاں چہ مسیح وِچ خدا دے فضل توں نئے سرے توں پیدا ہوئے نے رسول دے الفاظ نوں صحیح معنیاں وِچ سمجھ سکدے نے،

’’کیوں جے تہانوں ایمان دے وسیلہ توں فضل ای توں نجات ملی اے تے ایہہ تہاڈی کوششاں دا نتیجہ نئیں اے بلکہ خدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے۔ کیوں جے اَسی خداوند دی کاریگری آں تے سانوں مسیح یسوع وِچ نیک کم کرن دے لئی پیدا کیتا گیا اے جِنہاں نوں خداوند نے پہلاں ای توں ساڈے کرن دے لئی تیار کر رکھیا اے‘‘ (افسیوں2: 8۔10)۔

جے تُسی واقعی وِچ نجات پا چکے اُو، تے تہاڈی حیاتی دے لئی خدا دا مقصد چنگے کماں نوں پیدا کرنا اے!

ہُن، ایہہ کیہڑے نیک کم نے جیہڑے خدا چاہندا اے کہ سچے مسیحی کرن؟ برائے مہربانی افسیوں4: 11۔12 آیتاں وَل رجوع کرو۔

’’اُوسی نے بعض نوں رسول مقرر کیتا، بعض نوں نبی، بعض نوں مبشر تے بعض نوں کلیسیا دے پاسبان تے بعض نوں اُستاد۔ تاکہ مقدس لوکی خدمت کرن دے لئی مکمل طور تے تربیت پان تے مسیح دے بدن دی ترقی دا باعث ہون‘‘ (افسیوں4: 11۔12)۔

گیارہویں آیت وِچ اَسی ویکھنے آں کہ مسیح نے رسولاں، نبیاں، مبشراں، پادریاں تے کلیسیاواں نوں اُستاد بخشے نے۔ لیکن خداوند نے سانوں ایہو جئے بندے کیوں دِتے؟ کیوں جے اَسی ساریاں نوں مذہبی خادم بنن دے لئی سکھایا جا سکدا اے تے حوصلہ افزائی کیتی جا سکدی اے۔ ایہنے ایہناں نعمتی لوکاں نوں بخشیا،

’’تاکہ مقدس لوکی خدمت کرن دے لئی مکمل طور تے تربیت پان تے مسیح دے بدن دی ترقی دا باعث ہون‘‘ (افسیوں4: 12)۔

ایتھے لفظ ’’مقدس‘‘ توں مراد ہر نئے پیدا ہون آلے مسیحی وَل نشاندہی کرنا اے۔ آیت گیارہ وِچ لوکاں نوں مسیحیاں دی ’’مذہبی خدمت دے کم دے لئی‘‘ تیار کرن دے لئی دِتا گیا اے۔ ’’مذہبی خدمت یا منادی دا کم‘‘ کی اے؟ ایہہ ’’بدن [یعنی کلیسیا] نوں ودھانا‘‘ اے (افسیوں4: 16)۔ ڈاکٹر جان آر رائس Dr. John R. Rice نے درست کہیا، ’’مبشراں نوں گرجا گھر نوں دِتا جاندا اے تاکہ اُو مسیحیاں وِچوں بشراں نوں فتح کرن آلے بنان… مبشر، رسولاں، نبیاں، پادریاں تے اُستاداں دے نال رَل کے ’بدن [یعنی کلیسیا] وِچ اضافہ‘ کردے نے۔ ایہدا لازمی مطلب ایہہ اے کہ [او] مسیحیاں نوں بشراں دا فاتح بناندے نے، گرجا گھراں نوں بشراں نوں جِتن آلے گرجا گھر بناندے نے‘‘ (جان آر. رائس، ڈی ڈی، John R. Rice, D.D.، دی ایونجیلسٹ تے ایہدا کم The Evangelist and His Work، سورڈ آف دی لارڈ پبلشرز Sword of the Lord Publishers، 1968، صفحہ 35)۔

آخر کار، کی بشر نوں جِیتنا ’’مذہبی خدمت یا منادی دا کم‘‘ نئیں اے؟ کی برگشتہ یا گمراہ لوکاں نوں انجیل دے سُنن دے لئی مقامی گرجا گھر وِچ لہیانا ای اُو واحد طریقہ نئیں اے جیس دی تبلیغ اَسی کر سکنے آں (یونانی: oikodomēn، ’’تعمیرکرنا،‘‘ رابرٹسنRobertson) ’’مسیح دا بدن،‘‘ اُو مقامی گرجا گھر؟ کی بشر نوں جِتنا ای ’’بدن [یعنی کلیسیا] وِچ اِضافہ‘‘ کرن دا واحد طریقہ نئیں اے؟ (افسیوں4: 16)۔

مینوں یقین اے کہ بشراں نوں جِتنا ای ’’مذہبی خدمت یا منادی دا کم‘‘ اے۔ متی28: 19۔20 آیتاں وِچ؛ مرقس16: 15؛ لوقا14: 23؛ 24: 47؛ یوحنا20: 21؛ اعمال1: 8 وِچ تے نئے عہدنامے وِچ بُہتیریاں دوجی تھاواں تے، عظیم مقصد وِچ مسیحیاں دے بنیادی کم دی حیثیت توں مسیح نے آپئے بشراں نوں جِتیا۔

سانوں کہنا پیہئے گا، کہ بائبل وِچ، جیہڑا وی ’’مسیح یسوع وِچ پیدا کیتا گیا اے‘‘ اُوہدا بنیادی ہدف بشراں نوں فتح کرنا اے۔ بشر فتح کرنا اِک مسیحی دی حیاتی دا بنیادی مقصد اے! ڈاکٹر جان آر رائس نے کہیا،

     بشراں نوں جِتنا ظاہر اے کہ اُو سب توں اہم معاملہ اے جیہڑے مسیحیاں دے ذہناں تے کوششاں تے قابض ہو سکدا اے… [لوقا16: 19۔31 آیات میں] خداوند یسوع دے الفاظ دے مطابق۔ اِک بندہ دو ہزار وریاں توں جہنم دے شعلیاں وِچ ’’عذاب‘‘ دا شکار اے، پانی دا اِک قطرہ وی منگ رہیا اے جیہڑا ایہنوں کدی نئیں ملیا۔ بشراں نوں بچان وگری اہم ترین گل دے بارے وِچ کون سوچ سکدا اے؟
     اَسی جاننے آں کہ مسیح نے… ہر مسیحی نوں بشراں نوں فتح کرن دا حکم دِتا اے۔ اَسی جاننے آں کہ نئے عہدنامے دے مسیحیاں دا ایہہ رواج سی کہ اُو ہر تھاں جاندے سی تے [بشراں نوں فتح کردے پھردے سی]… ایتھوں تیکر کہ نئے مذہب تبدیل کرن آلے وی جِنہاں دے کول ایس مقدس کم دے بارے وِچ فوری طور تے کوئی تربیت نئیں سی۔ جدوں اَسی ایس معاملے تے چنگی طرح غور کرنے آں، تے سانوں معلوم ہوندا اے کہ بشراں نوں فتح کرن دا فرض مسیحیت دی فطرت وِچ شامل اے… کوئی وی بندہ کیویں خداوند یسوع نال محبت کرن دا دعویٰ بخوبی کر سکدا اے [جے اُو بندہ] اُو کم کرن نال محبت نئیں کردا جیس نال یسوع محبت کردا اے، تے اُوس انتہائی گل دے لئی فکرمند نئیں ہوندا تے جنون نئیں رکھدا جیہڑی نجات دہندہ دے دِل وِچ سب توں بوہتی عزیز تر اے؟ ایہہ خدا دا منصوبہ اے کہ ہر مسیحی نوں بشراں نوں فتح کرنا چائیدا اے۔ ساڈے وِچوں ہر کوئی کُج [لوکاں نوں] فتح کر سکدا اے جیہڑے گمراہ ہو جان گے یا گواچ جان گے جے اَسی اپنے حصے دا کم نئیں کراں گے… خدا نے ایہہ منصوبہ نئیں بنایا اے کہ ایہہ سارا کم، تنخواہ دار کارکناں، پیشہ ور کارکناں، کُل وقتی کارکناں، تربیت یافتہ کارکُناں دے ذریعے توں کیتا جائے۔ ایس طرح دے مقدس کم دے لئی ہر مسیحی دی ہمدردانہ محنت تے اَتھرو تے دعاواں تے انتھک کوششاں درکار ہوندیاں نے (جان آر رائس، ڈی ڈی John R. Rice, D.D.، ذاتی کامیابی نال بشراں نوں فتح کرن دا سُنہری راستہ The Golden Path to Successful Personal Soul Winning ، سورڈ آف دی لارڈ پبلشرز Sword of the Lord Publishers، 1961، صفحات 55، 58، 60 )۔

’’کیوں جے اَسی خداوند دی کاریگری نے تے سانوں مسیح یسوع وِچ نیک کم کرن دے لئی پیدا کیتا گیا اے‘‘ (افسیوں2: 10)۔

آؤ اَسی ایس شہر دے کالجاں، بازاراں تے گلیاں وِچ نکلیے تے گمشدہ گنہگاراں نوں خوشخبری سُنن دے لئی گرجا گھر وِچ لیہائیے! آؤ اَسی لوکاں نوں فتح کرن دے بارے چہ مسلسل سوچدے رہیے، ایہدے بارے چہ پُرجوش دعا کریے، تے جوش دے نال ایہدے تے کم کریے۔ مسیح دی صلیب دے کُج دشمناں نوں کہن دیے، بپتسہ دین آلی اُوس عبادت گاہ وِچ اُو احمق پاگل لوکی! اُو صرف بشراں نوں فتح کرن دے بارے وِچ سوچدے نے! اُوہناں نوں ایہہ کہن دیو! اُو لوکاں نوں بچان دی خاطر مسیح دے بارے وِچ بُرا بولدے سن۔ اُوہناں نے پولوس رسول نے ماریا تے بشراں نوں فتح کرن دی وجہ توں جیل چہ سُٹ دِتا! یسوع نے کہیا،

’’مبارک نے اُو جیہڑے راستبازی دے سبب توں ستائے جاندے نے کیوں جے آسمان دی بادشاہی اُوہناں دی اے۔ مبارک ہو تُسی جدوں لوکی تہانوں میرے سبب توں لعن طعن کرن تے ستان تے طرح طرح دی بُڑی گلاں تہاڈے بارے وِچ ناحق کہن۔ تُسی خوش ہونا تے جشن منان کیوں جے آسمان تے تہاڈا اجر وڈا اے۔ ایس لئی کہ لوکاں نے پرانے زمانے دے نبیاں نوں ایس طرح ای ستایا سی‘‘ (متی5: 10۔12)۔

اوہ! بشراں نوں فتح کرن دے لئی شاید تُسی جیہڑا احساس کر چکے اُو گل ایس توں کدرے بوہتی بلکہ کدرے بوہتی زیادہ وڈی اے۔ اَسی ماضی وِچ گئے سی۔ سانوں ایہان دے ناں تے فون نمبر مل گئے۔ اَسی اُوہناں نوں فون کیتا تے اُوہناں نوں اپنی گڈیاں وِچ عبادت دے لئی لہیان دا انتظام کیتا۔ اَسی اُوہناں نوں انجیل دی منادی کیتی۔ اَسی اُوہناں نوں کِھلایا۔ لیکن ایس دے علاوہ ہُور وی اے۔ سانوں ایہناں دا خیال رکھنا چائیدا اے۔ سانوں اُوہناں دے لئی دعا منگنی چائیدی اے۔ سانوں اُوہناں دے نال دوستی کرنی چائیدی اے۔ سانوں اُوہناں دی مدد کرنی چائیدی اے۔ جیویں کہ ایس گل نوں اِک پرانا گیت اینج کہندا اے،

ختم ہوندے ہوئے لوکاں نوں بچاؤ، مردے ہویاں دی دیکھ بھال کرو،
   اُوہناں نوں گناہ تے قبر نال ہمدردی وِچ تھامو؛
غلطی آلیاں تے روئیں، گمراہ ہوئیاں نوں چُکو،
   اُوہناں نوں یسوع دے بارے چہ دسو، نجات دے لئی اُوہی طاقتور اے۔
ختم ہوندے ہوئے لوکاں نوں بچاؤ، مردے ہویاں دی دیکھ بھال کرو،
   یسوع رحمدل اے، یسوع نجات دے گا۔
(’’ختم ہوندے ہوئے لوکاں نوں بچاؤ Rescue the Perishing‘‘ شاعر فینی جے۔ کراسبی Fanny J. Crosby، 1820۔1915)۔

بشراں نوں فتح کرنا! ایہہ تہاڈی حیاتی دے لئی خدا دا مقصد اے! ایہنوں دِل تے لے لہوؤ! ختم ہوندے ہوئے لوکاں نوں بچاؤ! مرن آلیاں دا خیال رکھو! یسوع رحمدل اے! یسوع نجات دلائے گا! آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔