تیجی دنیا وِچ پینٹی کوسٹالزم | Pentecostalism in the Third World

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح نے کہیا کہ اُو ای خداوند تیکر پہنچن دے لئی واحد راہ سی۔ یسوع نجات دے لئی قطعی طور تے نہایت ضروری اے۔ اُوہدے وسیلے توں بغیر کوئی وی خدا دے کول نئیں آ سکدا۔ تُسی بُدھ یا ہندو دیوتاواں دے وسیلے توں خدا دے کول نئیں آ سکدے اُو۔ تُسی اپنے نیک اعمال توں نجات نئیں پا سکدے۔ ایتھوں تیکر کہ تہانوں روح القدس دے ذریعے توں وی نجات نئیں دی جا سکدی اے – صرف یسوع دے ذریعے! پطرس رسول نے وی ایہو ای کہیا،

’’نجات کسی ہور دے وسیلہ توں نئیں اے کیوں جے آسمان دے ہیٹاں لوکاں نوں کوئی دوجا ناں نئیں دِتا گیا اے جیس دے وسیلہ توں اَسی نجات پا سکیے‘‘ (اعمال4: 12)۔

کوئی وی جنت چہ نئیں جا سکدا ماسوائے یسوع تے پروہسا کرن دے ذریعے توں۔ اُو تے صرف اُو ای خدا دا کامل پُتر اے جیہڑا ساڈے گناہ دی ادائیگی دے لئی سولی تے مر گیا، ساڈے گناہ نوں دھون دے لئی اپنا لہو وگایا، تے سانوں حیاتی بخشن دے لئی مُردیاں وِچوں جی اُٹھیا۔ ایہہ کوئی چھوٹی جیہئی تفصیل نئیں اے۔ ایہہ بنیادی مسیحی عقیدہ اے، جیہدے تے سارے سچے مسیحی عمر بھر یقین رکھدے نے۔ افسوس دے گل ایہہ اے کہ تیجی دُنیا دے ’’مسیحی‘‘ مذہب تے غلبہ پان آلے پینٹی کوسٹلز نے ایہنوں سنجیدگی نال نئیں لہیا۔ ہاں، اُوتھے چند گرجا گھر ایہو جئے نے جیہڑے پینٹی کوسٹل نئیں نے، لیکن اُو چھوٹے نے تے تلاش کرن چہ مشکل نے۔ اُوتھے ہُن تیکر مسیحیت دی اہم شاخ پینٹی کوسٹل اِزم Pentecostalism اے۔ ایہہ گرجا گھر کی تبلیغ کردے نے؟ اُو کی کردے نے؟

میں ہندوستان تے افریقہ دے تِن مُلکاں دے مشن دے دوریاں تے گیا سی۔ جیویں کہ میں کہیا، اُوتھے تقریباً سارے گرجا گھر پینٹی کوسٹل نے۔ اُو چند جیہڑے چھوٹے تے خاموش نئیں نے۔ اُوہناں دے بارے چہ کوئی گل نئیں کردا۔ مسیحیت دی حیثیت توں شمار ہون آلی تقریباً ساریاں شیواں پینٹی کوسٹل نے۔ لیکن ایہناں وِچوں بوہتے گھٹ لوکی مسیح چہ ایمان لہیا کے تبدیل ہوئے نے۔ میں تہانوں دساں کہ میں کی ویکھیا۔

ایہناں گرجا گھراں چہ میں یسوع دے بوہتا گھٹ ذکر تے خوشخبری دا بوہتا گھٹ ذکر سُنیا۔ ایہدے بجائے، مبلغ اِک ’’جادوئی بندہ‘‘ بن گیا اے جیویں کہ اِک گرو ہندوستان چہ کردا اے۔ اِک چھوٹے جیہئے گرجا گھر دا پادری اپنے آپ نوں پادری یا مبلغ کہندا اے۔ جے اُو کسی وڈے گرجا گھر یا منسٹری دی قیادت کردا اے، تو اُو اکثر خود نوں ’’بشپ‘‘ کہندا اے۔ جے اُو واقعی چہ کامیاب ہو جاندا اے تے اُو اِک ’’رسول‘‘ بند جاندا اے۔ ایہناں مبلغاں وِچوں کُج دے لئی منیا جاندا اے کہ اُوہناں دے کول جادوئی طاقتاں نے۔ ایہناں وِچوں کُج تے غریب مُلک وِچ وی کافی امیر نے۔

خوشحال مبلغین توجہ حاصل کر لیندے نے۔ میں وڈے وڈے بل بورڈز تے ایہناں دے لئی اِشتہار ویکھا۔ ایہناں دے ٹیلی ویژن تے پروگران ہوندے نے۔ ہندوستان چہ ٹیلی ویژن تے ایہناں لوکاں وِچوں اِک بندے نے خوشحالی تے اِک لمبا واعظ دِتا۔ اَخیر چہ اُوہنے کہیا کہ جدوں تیکر تُسی نجات نئیں پا لیندے تہاڈے کول ایہہ دولت نئیں آ سکدی۔ فیر ایہنے لوکاں نوں کہیا کہ اُو گنہگاراں دی اِک دعا منگن تاکہ اُو نجات پا سکن۔ لیکن لوکاں نے اپنے گناہواں دی معافی دے لئی اُو دعا نئیں منگی۔ اُوہناں نے خوشحال ہون دے پارٹی وِچ انٹری ٹکٹ دے طور تے [ایہہ] کیتا۔ اُوہناں نے یسوع تے امیر ہون دے بوہے دی حیثیت توں ’’اعتماد‘‘ کیتا۔

میں کدی کدی کہنا واں، ’’پیسہ اُو عالمی زبان اے جِنہوں ہر کوئی سمجھدا اے۔‘‘ ایہہ یقینی طور تے پینٹی کوسٹل مبلغاں دے نال سچ اے! ہو سکدا اے اُو خوشخبری دی تبلیغ نہ کرن، لیکن اُو پیسے نوں سمجھدے نے! اِک میٹنگ چہ، اِک مبلغ نے لوکاں نوں کہیا کہ اُو اپنے ہتھ چُکن تے اُوچی واج چہ کہین، ’’میں امیر آں۔ میں امیر آں۔‘‘ لیکن جیہڑا امیر ہویا اُو صرف اُوہی مبلغ سی۔ خوشحالی دی الہٰیات یا تھیالوجی کم نئیں کردی۔ ایہہ اِک چال اے!

مینوں اِک سوال پُچھن دیو۔ مُلک توں باہر دیہاتاں تے کھیتاں وِچ غریب لوکاں نوں خوشحالی دی تبلیغ کیوں نئیں کیتی جاندی؟ کی اُوتھے دے لوکاں نوں خوشحالی دی لوڑ نئیں؟ لیکن میں مُلک وِچ خوشحالی دی مبلغ کدی وی نئیں ویکھیا۔ کیوں نئیں؟ اُوتھے دے غریب لوکاں دے کول پیسے نئیں نے کہ اُو مبلغاں وِچوں کسی نوں ایس طرح دی حیاتی وِچ سپورٹ کرن جیہڑی اُو چاہندا اے! ایہناں دے کول ایس دی فینسی کار، ہوائی جہاز دے سفر، ایہدے وڈے سارے گھر، ایہدے ووہٹی دے لئی نئے کپڑے تے ٹیلی ویژن تے ویلہ دین دے لئی پیسے نئیں نے۔ ایس لئی مبلغ غریباں دی پرواہ نئیں کردا۔ اُو جانندا اے کہ جے اُو ایس دی گل سُن وی لین تاں وی اُو امیر نئیں ہون گے۔ اُو جانندا اے کہ اُو ایہنوں بوہتا [پیسہ] نئیں دے سکدے۔ میں ایہناں شہراں وِچ خوشحالی دے مبلغاں نوں ای ویکھیا جیہدروں صرف پیسہ لیہنا سی۔ لومڑی اُوتھے نئیں جاندی جیتھے مرغیاں نہ ہون!

لیکن صرف ایہو ای سب کُج نئیں سی جیہڑا میں ویکھیا۔ میں ویکھیا کہ لوکی اِک مبلغ دے ذریعے توں چھوئے جان دے لئی قطار چہ کِھلوتے نے۔ فیر اُو ہیٹاں ڈِگے تے چند منٹاں دے لئی بے ہوش پیہئے رئے، کدی مُڑدے یا جھٹکے پیندے۔ ایہنوں ’روح دی مار پیہنا‘‘ دی کیفیت چہ ہونا کہا جاندا اے۔ لیکن روح القدس نے ایہناں دے نال کُج نئیں کیتا۔ ایس توں پہلا کہ مبلغ ایہناں نوں چھوندا، لوکی اپنے گُوڈیاں نوں جھکاندے، پِیچھے وَل جھک جاندے، تے اپنے سر نوں پِچھے کردے۔ مبلغ اپنا ہتھ اُوہناں دے متھے تے رکھدا تے ہولی نال اُوہناں نوں پِیچھے دھکیل دیندا۔ اگر ایہہ حقیقی سی، تے روح القدس ایہناں دے نال نمٹ لئے گا پاویں اُو اپنی لتاں موڑن یا نئیں! ایہہ جعلی سی – بہترین طور توں – ایس توں وی بدتر ایہہ شیطانی سی۔

ہندوستان وِچ اِک بندہ دوڑدا ہویا میرے کول آیا تے میرے پیر پھر لئے۔ میں ایہنوں پُچھیا کہ ایہنے اینج کیوں کیتا۔ ایہنے اِک مترجم دے ذریعے جواب دِتا کہ اُو مینوں چھو کے میرے توں نجات حاصل کرنا چاہندا اے۔ میں اینہوں کہیا کہ میں تیہنوں نجات نئیں دے سکدا۔ میں صرف اِک بندہ سی، جیویں کہ اُو سی۔ میں ایہنوں دسیا کہ میرے توں وڈا اِک ہُور بندہ اے جیہڑا میرے نئے دوست نوں نجات دیوے گا جے اُو ایہدے کول آئے تے ایہدے تے پروہسا کرے۔ ایس بندے دا ناں یسوع اے۔ میں ایہنوں یسوع دے بارے چہ دسیا کہ اُو کون اے تے اُوہنے کی کیتا سی۔ فیر میں ایس غریب ہندوستانی بندے دی مسیح تیکر پہنچن چہ رہنمائی کیتی۔ ایہنے یسوع تے پروہسا کیتا۔ اِک میہنے بعد ایہہ بندہ مر گیا تے جنت چہ ٹر گیا۔

ہندوستان وِچ بے شمار پینٹی کوسٹل مبلغین اِک گرو دے کردار چہ بھیس وٹ چکے نے، اِک روحانی ’’آقا‘‘ جیہڑا اپنے شاگرداں نوں توانائی تے سہارا فراہم کردا اے۔ میں ایہنوں کئی وری ویکھیا۔ واعظ دے بعد لوکی مبلغ نوں (یا مینوں!) اپنے درخواستاں چہ – شفا، رقم، یا کُج ہُور دسن دے لئی اَگے آئے۔ اُوہناں نے اپنے ہتھ جوڑے تے ہیٹاں جھک گئے جیویں اُو اِک ہندو گرو دے لئی کردے نے۔ اُوہناں نے مینوں کہیا کہ میں ایہناں دے متھے تے ہتھ رکھاں تے ایہناں دے لئی دعا منگاں۔ جدوں اُو گل کردے نے تے اُو اِک مسیحی مبلغ دے لئی اُوہی لفظ استعمال کردے نے جیہڑے اُو اِک گرو دے لئی کردے نے۔ اُو کہندے نے ’’خدا دا بندہ‘‘۔ دوویں قسم دے مَرداں دے لئی تلفظ بالکل اِکو جیہا ہوندا اے۔ ایہناں لوکاں دے لئی واعظ اہم نئیں ہوندا اے۔ اہم گل ایہہ ہوندی اے کہ بعد چہ کیا آندا اے – اُو برکت جیہڑی لوکاں نوں مبلغ دے لمس توں مِلدی اے۔

ہندوستان تے افریقہ چہ میں کدی وی حمدوثنا دا روایتی گیت گاندے ہوئے نئیں سُنیا۔ میں زباناں نئیں جانندا، لیکن میں دُھناں نوں پہنچان لہیا ہوندا! میں وڈے گرجا گھراں چہ راک موسیقی سُنی، بالکل ایویں ای جیویں گرجا گھر امریکہ چہ کردے نے۔ میں اکثر لوکاں نوں گانا گاندے ہوئے سُنیا۔ ہندوستان دے اِک غریب گرجا گھر چہ ایہناں دے کول الیکٹرک گٹار تے وڈے لاؤڈ سپیکر آلے راک بینڈ دے لئی پیسے نئیں سی۔ لیکن ایہناں دے کول ڈھول یا تبلا سی۔ میں لوکاں نوں بار بار وی منٹاں تیکر ’’یسایاہ‘‘ گاندے ہوئے سُنیا جدوں تبلا یا ڈھول وج رہیا سی۔ میں اِک ہاتھی دے بارے چہ سوچیا جیہڑا سڑک تے ہولی ہولی تال دے نال چل رہیا اے – ایہہ ڈھول یا تبلا دی تھاپ دا طریقہ سی۔ ’’یسایاہ‘‘ اُوہناں دے لئی یسوع دا ناں اے۔ لیکن ایہہ ناں اِک منتر جاپن دے طور تے گایا گیا سی، نہ کہ ستائش دے طور تے۔

اگرچہ یسوع دا ذکر کیتا جا سکدا اے، مسیح تے ایہدی خوشخبری ایہناں گرجا گھراں دے لئی مرکزی نئیں اے۔ دوجی شیواں مرکزی نے – روح القدس، اِک مبلغ دا لمس، خوشحالی – کُج وی، ماسوائے گناہ دی ادائیگی دے لئی سولی تے مردے ہوئے لہولہان مسیح دے۔

افریقہ چہ اِک میٹنگ وِچ میں واعظ توں اِک گھنٹہ پہلاں موسیقی سُنی جیس چہ لوکی اسٹیج اُوتے تے ایہدے اَگے نچ رئے سن۔ موسیقی دے ختم ہون تے پادری میرے کول آیا تے کہیا کہ ایہہ اینج دے لوکی نے جیہڑے فیر توں جنم لیہنا چاہندے نے۔ لیکن اُوہناں نے خوشخبری نئیں سُنی سی! اُو کی ’’نیا جنم‘‘ حاصل کرن گے؟ میں پادری نوں کہیا کہ میں کسی ایہو جئے بندہ نوں مشورہ نئیں دیاں گا جِنہے پہلاں خوشخبری نئیں سُںی ہووے۔ اُو حیران ہویا! واعظ دے بعد میں لوکاں نوں مشورہ دِتا تے اُوہناں نوں مسیح دے کول لہیان دی کوشش کیتی۔

ایہہ اُوتھے ’’بدترین‘‘ لوکی سن جِنہاں دے مسیح چہ ایمان لہیا کے تبدیل ہون دے بوہتے اِمکانات سن۔ میں سُنیا کہ کُج مرد تے عورتاں جادو ٹونے چہ ملوث رئے سن۔ واعظ دے بعد میں پادری نوں کہیا کہ اُو صرف اُوہناں دے لئی اِک خصوصی دعوت دین، جِنہوں پادری نے چکمہ دے دِتا۔ میرے چوتھی وری اِصرار کرن تے ایہنے آخر کار انگریزی وِچ دعوت نامہ دِتا تے ایہنوں مقامی زبان چہ دہرایا۔ چھ ست لوکی آئے۔ اُو جانندے سن کہ اُوہناں نے غلط کیتا اے۔ اُوہناں نے ایہہ نئیں سوچیا سی کہ اُو تے پہلاں توں ای مسیح سن۔ اُو جانندے سی کہ اُو مصیبت چہ نے۔ میں ایہناں نوں مشورہ دِتا تے ایہناں دے آسیب وِچ ملوث ہون نال نمٹیا۔ فیر میں خوشخبری پیش کیتی تے تے اُوہناں نوں مسیح وَل لے گیا۔

پینٹی کوسٹل اِزم Pentecostalism وِچ جذبات بوہتے نے، لیکن نجات بوہتی گھٹ اے۔ تُسی وریاں تیکر، دہائیاں تیکر اپنی ساری حیاتی مسیح چہ ایمان لہیا کے تبدیل ہوئے بغیر لنگہا سکدے اُو۔ تُسی اِک پینٹی کوسٹل دے طور تے جہنم چہ جا سکدے اُو جیویں تُسی اِک ہندہ یا کافر دے طور تے جہنم چہ جا سکدے اُو۔

کیہڑی شے پینٹی کوسٹل گرجا گھراں نوں معیاری مسیحیت توں مختلف بناندی اے؟ معیاری پروٹسٹنٹ گرجا گھر وِچ، سب توں اہم شے جیہڑی ہوندی اے اُو واعظ اے۔ پادری خدا دے کلام دی تبلیغ کردا اے۔ خوشخبری پیش کی جاندی اے۔

پینٹی کوسٹل گرجا گھر چہ سب توں اہم شیواں جذبات تے تجربات نے۔ لوکی موسیقی نال پُرجوش ہو جاندے نے۔ اَخیر چہ اُو پادری کولوں دعا حاصل کردے نے۔ اُو دولت دی راہ دی توقع کر سکدے نے۔ بعض اوقات اُو ’’روح‘‘ دے ذریعہ توں نرغے وِچ آ جاندے نے تے ڈِگ جاندے نے۔ لیکن ایہہ سارے احساسات نے۔ ایہہ نجات نئیں اے! ایہہ ویلے دا بہترین ضیاع اے، تے بدترین طور تے شیطانی اے۔

کوئی سوچ سکدا اے، ’’ایہہ اُوہی اے جیہڑا تُسی تیجی دُںیا چہ ویکھیا۔ اَسی ایتھے امریکہ چہ بہتر آں۔‘‘ نئیں نئیں! ایتھے اینج کی مختلف اے؟ آخر کار، تیجی دُنیا دے پینٹی کوسٹلز نے ساڈے مُلک دے پاگل پینٹی کوسٹلز توں پاگل ہونا سیکھیا۔

کُج وریاں پہلاں جیک نعانJack Ngann تے میں پینٹی کوسٹل میٹنگ دا دورہ کیتا۔ ایہہ حیاتِ نو دا اِک اِجلاس تصور کیتا جاندا سی۔ ایہدا آغاز اُوچی واج چہ راک موسیقی نال ہویا۔ آخر کار اِک مرد تے اِک عورت آئے جیہڑے سرکس چہ ٹریپیز ایکروبیٹس وانگوں چھت توں لمکی ہوئی رسیاں تے اَگے پِچھے جھول رئے سن۔ جدوں اُو واقعی بُلندی تے جھوم رئے سن، لفظ REVIVAL! اسکرین تے بوہتے وڈے حروف وِچ وکھایا گیا سی۔ یقیناً ایہہ کوئی حیاتِ نو نئیں سی! لیکن لوکاں نے تالیاں وجائیاں۔ فیر کُج پادری بولے۔ پیغامات دے اِک گھنٹے وِچ، یسوع دا ذکر صرف اِک وری ہویا سی۔ خوشخبری دا ذکر نئیں کیتا گیا سی۔ مینوں ایریزونا توں آن آلا اِک پادری یاد اے جِنہے کہیا سی کہ ایس دے لوکی ’’اَگ دی سُرنگاں‘‘ توں لنگ رئے نے۔ مینوں ایہہ سوچنا یاد اے، ’’بائبل چہ اَگ دی کوئی سُرنگاں نئیں نے۔‘‘ لیکن اُو ایہناں ساریاں عظیم شیواں دے بارے چہ بوہتے پرجوش سن جیہڑیاں ہو رہیاں سن! آخر چہ لیڈر پادری نے لوکاں نوں کہیا کہ جے اُو چاہن تے دعا کیتی جائے تے اُو اسٹیج تے آ سکدے نے۔ لوکی اسٹیج تے چڑھ گئے تے پادریاں نے ایہناں تے ہتھ رکھ کے ایہناں دے لئی دعا کیتی۔ لوکی چیخدے ہوئے، لرزدے ہوئے تے جھٹکے جیہئے ماردے ہوئے ڈِگ پیہئے۔ پادریاں وِچوں اِک نے چیخ کے کہیا، ’’نگرانوں‘‘ ایہہ اُو لوکی سن جیہڑے ڈِگن تے لوکاں نوں پھڑن دے لئی پہلاں توں تیار سن۔ ایہہ سب کُج منصوبے نال ہویا سی! آخرکار رات 9:30 بجے ایہہ میٹنگ مُک گئی۔ ویکھیا تے کمرہ کرائے دا سی تے میٹنگ ساڑھے نو وجے مُکنی سی۔ ایس لئی کرائے تے لئی گئی ’’روح القدس‘‘ 9:30 وجے کمرے توں نکل گئی۔ لوکی باہر نکل آئے، بالکل اُونج ای جیویں اُو اندر گئے سن، سوائے ایہدے کہ اُو بوہتے زیادہ شیطانی اثر وِچ سن۔ ایہنوں اِک حیاتِ نو ہونا چائیدا سی، لیکن ایہہ اینج نئیں سی۔

ہر پینٹی کوسٹل یا کرشماتی گرجا گھر ایہنا جنگلی نئیں ہوندا اے۔ لیکن اِصرار اِکو جیہا ای ہوندا اے – خوشخبری نئیں بلکہ تفریح یا جوش۔ امریکہ وِچ بوہتے گرجا گھر چہ، خوشخبری دا ذکر شاذونادر ای ہوندا اے تے تقریباً کدی ایہدی تبلیغ نئیں کیتی جاندی۔ ایہاں دے لئی یسوع اِک مدد گار اے جیہڑا لوکاں نوں اُوہناں دے تعلقات وِچ رہنمائی کردے ہوئے جنت دے لئی آسان ٹکٹ دیندا اے۔ ایہدا بنیادی کم معاف کرنا نئیں بلکہ لوکاں نوں خوش کرنا ہوندا اے۔ پینٹی کوسٹل گرجا گھر احساسات تے تجربات پیش کردے نے۔ اُو لوکاں نوں پرجوش کرن دے لئی وائلڈ راک موسیقی پیش کردے نے! پینٹی کوسٹل زباناں، دولت دی اُمید، تے شفاء پیش کردے نے۔ لیکن اُو سولی دے مسیح نوں پیش نئیں کردے۔

ایس دا جواب کی اے؟ یسوع نے ایہدا جواب پیش کیتا،

’’راہ، حق تے حیاتی میں آں: میرے وسیلے توں بغیر کوئی پیو دے کول نئیں آ سکدا‘‘ (یوحنا14: 6)۔

پادری صاحب، ایس گل نوں یقینی بناؤ کہ تُسی خود یسوع تے پروہسا کیتا اے۔ فیر یسوع مسیح دی تبلیغ تے تعلیم دیو! ایہہ واضح کرو کہ یسوع کون اے تے ایس نے ساڈے لئی کی کیتا اے۔ خوشخبری دی تبلیغ اِحتیاط نال کرو – تے خوشخبری دے علاوہ کُج نئیں۔ سنڈے سکول چہ خوشخبری دی تعلیمات تے بائبل دے مطالعے وِچ ایہدی پیروی کرو۔ مسیح تے اُوہدی نجات نوں اپنے گرجا گھر وِچ اہم موضوع بناؤ۔ روحانی تحائف تے خوشحالی دی برکات دے بارے چہ کوئی اعتراض نہ کرو۔ لوکی امیر نئیں ہون گے۔ لیکن اُو اُونج وی امیر نئیں ہون گے۔ زباناں دے بارے چہ کوئی اعتراض نہ کرو۔ زباناں نے کدی کسی دا بھال نئیں کیتا۔ یسوع مسیح دی تبلیغ تے تعلیم دیو!

اپنے گرجا گھر چہ ہر فرد نال انفرادی طور تے گل کرو۔ ایس گل نوں یقینی بنان دے لئی ہر ممکن کوشش کرو کہ لوکی خوشخبری نوں سمجھدے نے تے یسوع تے پروہسا کردے نے۔ فیر اُو حقیقی مسیحی ہون گے۔ ایہہ تہاڈی حقیقی خدمت اے۔ خدا تہانوں برکت دے جیویں تُسی ایہہ کردے اُو۔ یسوع دے ناں چہ، آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔