ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

چینی بپٹسٹ گرجا گھر وِچ میرے دیرینہ پادری صاحب ڈاکٹر ٹموتھی لِن Dr. Timothy Lin سن۔ اُوہناں دی قیادت دے ہیٹاں، گرجا گھر نے سچے حیاتِ نو دا تجربہ کیتا سی تے 50 لوکاں توں ودھ کے 2,000 لوکاں توں وی بوہتی ودھ گئی سی۔ منادی دے بارے چہ زیادہ تر جیہڑا کُج میں جاننا واں اُو ڈٓاکٹر لِن نے سیکھایا سی۔ اپنی کتاب کلیسیا دی خفیہ نشوونما دا راز The Secret of Church Growth وِچ (عنوان نوں پڑھن دے لئی کِلک کرو)، ڈاکٹر لِن نے کہیا کہ اِک کلیسیا دے کول خداوند دی برکات پان دے لئی خداوند دی حضوری ہونی چائیدی اے۔ خداوند دی حضوری پان دے لئی، کلیسیا دا خدا دے لئی مقدس ہونا تے گناہ توں جدا ہونا ضروری اے۔

بے شمار پادری صاحبان کہندے نے کہ کلیسیا نوں مقدس ہونا چائیدا اے، لیکن عملی طور تے اُو اُوس پاکیزگی دی تردید بے اعتقاداں توں، شریر یا بدکار گنہگاراں توں روپے قبول کرن نال کردے نے۔ ڈاکٹر لِن ایہنوں ’’ناجائز رقم‘‘ کہندے نے (کلیسیا دی خفیہ نشوونما دا رازThe Secret of Church Growth، 5واں باب، صفحہ 30)۔ اَج بے شمار پادری صاحبان پیسے لئی ایس قدر پُکھے ہوندے نے کہ اُو ایہنوں کِدھروں وی، کسی توں وی ایہہ سوچے بغیر کہ ایہہ کِدھروں آیا اے یا ایہہ کیوں دِتا گیا اے [ایہنوں] لے لیندے نے۔ ڈاکٹر لِن نے کہیا،

     ایہہ گل سچی اے کہ اِک پُکھا بندہ اپنی خوراک دے بارے بوہتا زیادہ انتخاب نئیں کر سکدا۔ ایویں ای، کُج گرجا گھر اپنے مالی دباؤ دی وجہ نال صحیح تے غلط وَلّوں بے حِس ہو جاندے نے۔ ’’جیہنا زیادہ پیسہ ہوندا اے اُوہناں بہتر اے‘‘ ول اُوہناں دے رویے یا [پیسہ] دین آلے دا اِرادہ یا پیسے دے ذریعے دے بارے وچ نظر اندازی نے خداوند دی کلیسیا دے پاک خزانے وچ چوری نال لُکن لئی ناراست تے ناجائز رقم لئی پھاٹک کھول دِتا اے۔ خداوند سانوں حکم دے چُکیا اے، ’’تہانوں پاک ہونا چائیدا اے کیوں جے میں پاک آں‘‘ (1پطرس1:16)۔ جدوں کلیسیا دا خزانہ غلیظ ہو جاندا اے تے فیر کیویں کلیسیا توقع کر سکدی اے کہ ساڈا پاک خداوند اُوہدے نال ہووے گا؟ (ibid.، صفحہ 30)۔

بے اعتقادے اِک گرجا گھر نوں پیسے کیوں دیندے نے؟ سائمن [شمعوُن] جادوگر نے پیسے ادا کرن دے ذریعے نال خداوند دی قوت نوں خریدن لئی کوشش کیتی سی (اعمال8:18۔19)۔ لیکن پولوس رسول نے اُوہناں دے گندے پیسے نوں ٹھکرا دِتا تے کہیا، ’’تیرے روپے تیرے نال غارت ہون کیوں جے تُوں روپیاں نال خُدا دی ایس نعمت نوں خریدنا چاہیا۔ ایس معاملے وچ تیرا کوئی وی حصہ یا بخرہ نئیں کیوں جے خُداوند دے نزدیک تیرا دِل صاف نئیں اے‘‘ (اعمال8:20۔21)۔

قرونِ وسطیٰ وچ، کُج لوکاں نے ایس لئی دِتا کیوں جے اُوہناں دا خیال سی کہ ایہہ اُوہناں دے گناہواں دی ادائیگی کر ویوے گا تے جنت وچ اُوہناں لئی راہ خرید لوے گا۔ لیکن بائبل کہندی اے کہ صرف ’’یسوع مسیح اُوہدے پُتر دا لہو ای ساڈے سارے گناہ پاک صاف کردا اے‘‘ (1یوحنا1:7)۔

اَج دے زمانے وچ، بے شمار لوکی اپنے ضمیر نوں مطمئن کرن لئی پیسے دیندے نے۔ اُو جانندے نے کہ اُو غلطی کر چُکے نے۔ اُو یسوع تے پرہوسا کرن تے اُوہناں تے ایمان لہیا کے تبدیل ہون توں انکار کردے نے۔ اُوہناں نے ہولناک گناہ کیتا ہوندا اے۔ اُوہناں نے خدا دے کلام دے اِختیار نوں تسلیم کرن توں انکار کیتا ہوندا اے۔ اُو مقامی کلیسیا نوں دُکھ دے چُکے ہوندے نے، اُوہنوں چھڈن دے ذریعے نال تے ایتھوں تیکر کہ اُوہدے تے حملہ کرن دے ذریعے نال۔

توبہ کرن دے بجائے تے مسیح ول مُڑن دے بجائے، ایہہ لوکی اِک گرجا گھر وچ یا اِک مشن پروجیکٹ وچ پیسے دے دیندے نے۔ اُو سوچدے نے، ’’جے میں روپے دیناں واں تے میں خود دے بارے وچ بہتر محسوس کرنا واں۔ میں سوچ سکنا واں، ’ہاں، میرے توں غلطی ہوئی، لیکن میں روپے دے دِتے، لہٰذا ہُن میں بہتر محسوس کرنا واں۔‘‘‘ لیکن اُوہناں دے تحائف خدا نوں عزت نئیں بخشدے۔ اُوہناں دے دِل تے خدا دے خلاف باغی تے سخت ای رہندے نے۔ اُوہناں دے مقاصد غلط ہوندے نے۔ اُو خود دے بارے وچ خود غرضانہ طور نال بہتر محسوس کرنا چاہندے نے۔ اُوہناں دے روپے خدا لئی محبت دے نال نئیں دِتے گئے سی بلکہ بُری نیت نال دِتے گئے سی۔ بائبل کہندی اے،

’’خداوند نوں شریراں دے زبیحہ نال نفرت اے‘‘ (امثال15:8)۔

شریراں دے تحائف خدا لئی اِک ہولناک جرم ہوندے نے۔ فیر، بائبل کہندی اے،

’’شریراں دی قُربانی بڑی نفرت انگیز ہوندی اے۔ خصوصاً جدوں اُو بُرے ذہن نال چڑھائی جاوے [بُری نیت]؟‘‘ (امثال21:27)۔

ڈاکٹر لِن نے کہیا،

     اُو ’’شریر لوکی‘‘ کون ہوندے نے؟ بائبل وچ تعریف یا وضاحت دے مطابق، اُو سفاکانہ مجرم، ناقابلِ معافی نئیں ہوندے، بلکہ اُو ہوندے نے جیہڑے خُدا نوں بھُل چُکے ہوندے نے‘‘ (زبور9:17؛ 50:16، 18)۔ خُدا لئی اُو بدکار تے نفرت انگیز ہوندے نے کیوں جے اُو خُدا نوں بھُل چُکے ہوندے نے۔ اُو اُوہدی محبت، اُوہدی راستبازی، تے اُوہدی پاکیزگی نوں بھُل جاندے نے! ایہہ گل سچ اے کہ اُو خدا لئی نزرانہ لے کے آندے نے، ایہدے باوجود اُوہناں دے دِل وچ خُدا دا خوف نئیں ہوندا بلکہ بُری نیت ہوندی اے۔
     ’’بُری نیت‘‘ دا کی مطلب ہوندا اے؟ ’’بُری نیت‘‘ خدا نوں رشوت دین دا اِرادہ ہوندا اے تے خود اپنے ضمیر نوں ٹھگنا ہوندا اے۔ مثال دے طور تے، اِک بندہ جیہنے جنندے بُجھدے کُج ناراست روپے قبول کیتے ہوندے نے، بعد وچ خود اپنے ای ضمیر توں پریشان ہوندا اے۔ حالانکہ کسی نوں وی اُوہدے بُرے کم دا علم نئیں ہوندا اے، فیر وی اُوہدے لئی ایہہ گل واضح ہوندی اے کہ خُدا ایہدے بارے وچ جانندا اے تے ایہدے نال نال خود اُوہدا اپنا ضمیر وی جانندا اے۔ ایہہ فعل رات دے سناٹیاں وچ اُوہدی سوچاں وچ آندا رہندا اے۔ شرمندگی تے جرم توں بوجھل تے نااہلی دے جذبات توں مغلوب، اُو ہُن وی حقیقت دا سامنا کرنا نئیں چاہندا تے نہ ای جرأت کردا اے۔ ایہدے بجائے، اُو خوش فہمی وچ تصور کردا اے کہ شاید، گرجا گھر وچ اِک بوہتا وڈا عطیہ دین نال (یا سانوں ’’رشوت دینا‘‘ کہنا چائیدا اے) خُدا شاید مہربان ہو جاوے تے ایس لئی بُرے عمل نوں نظر انداز کردا اے۔ (ibid.، صفحہ 31)۔

اُوہدے تحائف اِک گرجا گھر وچ خُدا دی برکات نوں نئیں لہیاندے۔ ایہدے بجائے، اُو ایہنوں غلیظ کردے نے۔ اُو اُوہناں دی بُرائیاں توں ایہنوں پراگندہ کردے نے تے خدا دی حضوری نوں دور کر دیندے نے۔ڈاکٹر لِن نے کہیا،

     پرانے عہد نامے وچ درج اے کہ خدا دا جلال (جیہڑٓا کہ خدا دی حضوری اے) اسرائیلیاں توں جدا ہو جاندا اے جدوں اُوہدا مقدس ہیکل بُتاں نال بھر گیا سی (حزقی ایل 8)۔ تے نیا عہدنامہ وضاحت کردا اے کہ اِک ’’… حریص بندہ… اِک بت پرست ہوندا اے…‘‘ (افسیوں5:5)۔ جدوں اِک گرجا گھر دا خزانہ غلیظ ہو جاندا اے تے اُو گرجا گھر نا صرف حریص ہوندا اے (جیہڑا کہ بت پرست دے برابر ہونا ہوندا اے)، بلکہ ناراست روپے دا وی لالچی ہو جاندا اے۔ خدا کی کرسکدا اے ماسوائے اُوہدے توں دور ہو جان دے؟ (ڈاکٹر لِن، ibid.، صفحہ 30)۔

ایتھوں تیکر کہ غیرنجات یافتہ کاہن تے فریسیاں نے وی غلیظ روپے دے تحائف نوں ٹھکرا دِتا سی۔ ڈٓکٹر لِن نے کہیا،

     اُو تی چاندی دے سکے جیہڑے یہوداہ نے یسوع نوں دھوکہ دین نال حاسل کیتے سن اُوہناں نوں ’’ہیکل دے مقدس مقام وِچ … سُٹیا‘‘ اُوہدے بعد، سردار کاہن نے چاندی دے اُو سارے تی سکے چُکے تے کہیا، ’’ایہہ رقم تے لہو دی قیمت اے، ایہنوں ہیکل دے خزانے وِچ پانا جائز نئیں‘‘ (متی27:5۔6)۔ حالانکہ ایہو ای کاہن تے فریسی جیہڑے تقویٰ نوں مادی فائدے دے لئی اِک ذریعے دے طور تے استعمال کردے سی اُوس پاک [روپے] دی مذہبی گُستاخی [آلے روپے] نال تمیز کر سکدے نے۔ آخری دِناں دی کلیسیا، تاہم، جان بُجھ کے غلط تے صحیح دے درمیان فرق نوں نظر انداز کردی اے، تے ایویں جانندے بُجھدے خدا دی پاکیزگی نوں غلیظ کرن دے لئی نارسات روپے دی اِجازت دِتی اے۔ ایہہ کوئی حیرانگی دی گل نئیں اے، فیر، خدا دی اُو حضوری اُوس توں دور ہو جائے گی (حوالہ ویکھو حزقی ایل8۔10)۔ (ibid.، صفحہ 31)۔

گرجا گھر تے انجیلی بشارت دی وزارتاں [مذہبی جماعتاں] جیہڑیاں کافراں توں پیسے لیندیاں نے چھیتی ای اُوس رقم تے انحصار کرن لگدیاں نے۔ اُو اُوہدے بغیر ٹر ای نئیں پاندیاں۔ اُوس رقم نوں [اپنے کول] رکھن دی خاطر تے مذید ہُور رقم حاصل کرن دے لئی، اُو اپنے پیغام نوں کمزور کر ڈالدِیاں نے تے اپنے معیار نوں گِرا لیندیاں نے۔ ڈٓاکٹر لِن نے کہیا،

     فیر، اُو قابلِ مذمت طکر شروع ہو جاندا اے۔ خدا دی حضوری دے بغیر، اُوس بے حِس گرجا گھر نوں یقینی طور تے مالی مشکلات دا سامنا کرنا پیہئے گا۔ جیس قدر بوہتی مشکل اُوہدی مالی صوتحال ہووے گی، اُوس قدر ای بوہتا اُوہدا قائدین فنڈز ودھان دے لئی کوشش کرن گے۔ جیس قدر بوہتا اُو فنڈز ودھان دے لئی کوشش کرن گے، اُوسی قدر بوہتا اُو ناراست ہون دے جال وِچ ڈِگدے چلے جان گے۔ جیس قدر بوہتا ناراست اُو بنن گے، اُوسی قدر ممکنہ طور تے خدا اُوہناں توں بوہتا زیادہ دور ہوندا چلا جائے گا۔ ایس قسم دے سبب تے اثر دا تعلق اکثر اِک گرجا گھر نوں بے بسی دی حالت وِچ لے آندا اے۔ (ibid.، صفحہ 30)۔

اِک گرجا گھر جیہڑا ’’ناجائز رقم‘‘ لیندا اے ناراست بن جاندا اے۔ کیوں جے اُو گرجا گھر ناپاک تے ناراست ہوندا اے، خدا اپنی حضوری نوں کِھچ لیندا اے۔ اُو گرجا گھر بالکل کسی دوجی تنظیم دی وانگوں بن جاندا اے، جیس دا مرکزی مقصد روپے ودھانا تے اپنے اِخراجات نوں ادا کرنا ہوندا اے۔ اُو گرجا گھر بوہتا توں بوہتا ناراست ہوندا چلا جاندا اے تے خدا دی حضوری جا چکی ہوندی اے۔

خدا دے کم نوں دُرست طریقے نال ای کرنا چائیدا اے۔ بائبل سانوں ’’آؤ اَسی بُرائی کریے تاں جے بھلائی پیدا ہووے‘‘ اینج سوچن دے لئی خبردار کردی اے (رومیوں8:3)۔ تُسی گناہ دی بنیاد تے خدا دے لئی اِک گھر تعمیر نئیں کر سکدے۔ تُسی گرجا گھر نوں جیہڑا کہ مسیح دا بدن ہوندا اے زہریلی خوراک نئیں کِھلا سکدے۔ تے تُسی گمراہ یا گمشدہ بدکار لوکاں دے ناجائز رقم دے نال خدا دی برکات توں مالا مال گرجا گھر نئیں حاصل کر سکدے! ڈاکٹر لِن نے کہیا،

     ’’نیک بندہ پیسے توں محبت کردا اے، لیکن اُوہنوں صحیح طریقے نال حاصل کردا اے۔‘‘ ایہہ اِک قدیم چینی تعلیم اے۔ آخری دِناں دے کُج گرجا گھر بنیادی طور تے ایس گل دی فکر نئیں کردے کہ آیا ایہہ ’’صحیح راہ‘‘ اے یا ’’غلط راہ‘‘ اے جدوں تیکر کہ پیسے حاصل کرن دا کوئی طریقہ موجود اے۔ (کُج مشنری تنظیماں ایس قدر پست نے کہ اُو تقویٰ نوں مادی فائدہ لئی استعمال کردیاں نے۔ ساڈے خداوند نال محبت کرن آلے پراہواں تے بہناں نوں ایس گل توں آگاہ رہنا چائیدا اے۔) جدوں اِک مقدس تنظیم ایویں دی خرابی ول جاندی اے تے ایہہ فیر ساڈے خداوند دی موجودگی دی توقع کیویں کر سکدی اے؟ (ڈاکٹر لِن، ibid.، صفحہ 30)۔

خُداوند اِک گرجا گھر نوں برکت نال نوازے گا جے اُو گناہ توں علیحدہ، بے داغ تے پاک ہوندا اے۔ خداوند اُوس گرجا گھر نوں برکت نال نوازے گا جے اُو ناجائز رقم دے ذریعے نال پراگندہ یا ناجائز نئیں بنیا ہوندا اے۔ ڈاکٹر لِن نے کہیا،

     ایویں دی بُری شہرت دے علاج دے طور تے، شمالی امریکہ وچ اِک چرچ نے کافراں دی پیشکشاں نوں قبول نہ کرن دا فیصلہ کیتا۔ یقیناً، اینج دے رہنما سن جیہڑے شروع چہ ایس فیصلے نال متفق نئیں سن، ایہہ سوچدے ہوئے کہ جدوں لوکاں نوں خُدا نوں پیش کرن دی خواہش ہوندی اے تے ایہہ چنگا ہونا ضروری اے۔ بہرحال، امثال دی کتاب وچ انتباہات دا بغور مطالعہ کرن دے بعد، انہاں نے نہ صرف کسی ناجائز پیسے نوں قبول کرن توں انکار کیتا، بلکہ نذرانے جمع کرن توں پہلاں واضح طور تے اعلان کر دِتا کہ کافراں نوں نذرانیاں دے نال عبات وچ حصہ نئیں لینا چائیدا اے۔ اُوس گرجا گھر وچ کل نذرانہ خداوند دے ہر دِن پچیس ہزار ڈالر توں ودھ ہوندا اے! اسی صحیح معنیاں وچ کہہ سکنے آں کہ خدا دی موجودگی نال ہر شے وچ برکت ہوندی اے۔
     مختصراً، ’’پیسے دی محبت ہر قسم دی برائی دی جڑ اے‘‘ (1 تیموتاؤس 6:10)! ایہہ تنبیہ صرف افراد لئی نئیں بلکہ گرجا لئی وی اے۔ جے کوئی [کلیسیا] گرجا گھر ایس تنبیہ تے توجہ نئیں دیندا اے، لیکن پیسے دی آرزو کردا اے تے ایہدے مالی معاملات نوں ناپاک کردا اے، تے نہ صرف اُو بعد چہ خدا دی موجودگی کھو دیوے گا، بلکہ اُو ایمان توں وی بھٹک جاوے گا تے جرم دی اِک تیز چُبھن دے نال اپنے پادریاں، بزرگاں، ڈیکناں تے بہتیرے لوکاں دی جماعت نوں چھید دیوے گا (1 تیموتاؤس 6:10)۔ (ibid.، صفحہ 32)۔

پطرس رسول نے کہیا، ’’لیکن جیہنے تہانوں سدیا اے اُو پاک اے، ایویں ای ہر طرح دی گفتگو وچ تُسی پاک اُو۔ کیوں جے لکھیا اے کہ ’’پاک ہو جاؤو؛ کیوں جے میں مقدس آں‘‘ (1 پطرس , 161:15)۔ کیوں جے خُدا پاک اے، تہانوں حکم دِتا گیا اے کہ تُسی مقدس ہوو، لفظ ’’گفتگو‘‘ توں مراد اے کہ تُسی کیویں رہندے اُو۔ آیت 15 دا ترجمہ ایویں کیتا جا سکدا اے، ’’لیکن مقدس وانگوں جیہنے تہانوں سدیا اے، اپنے سارے رویے وچ خود وی پاک رہوو‘‘ (نئی امریکی معیاری بائبل NASB)۔ ایہدا ترجمہ ایویں وی کیتا جا سکدا اے، ’’لیکن جیویں اُو جیہنے تہانوں سدیا اے مقدس اے، ایویں ای تُسی وی اپنے ہر کرن آلے کم وچ مقدس رہوو‘‘ (این آئی ویNIV)۔

ناجائز پیسے لے کے لالچ دے سامنے کدی ہتھیار نہ ڈالو! خدا دے کلام تے عمل کرو۔ پاک رہوو، گناہ توں الگ! آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔