ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نوں اُوہناں دوویں اَنّے بندیاں تے ترس آ گیا سی۔ ترس اُوس درد نوں محسوس کرنا ہوندا اے جیہڑا کوئی دوجا محسوس کر رہیا ہوندا اے، تے اُوس نوں ایس حد تیکر محسوس کرنا کہ اُوہدے بارے چہ کُج نہ کُج کرن دا سوچنا، تے فیر اصل وِچ کُرنا وی۔ یسوع نے اُوہناں اَنّے بندیاں تے ترس آ گیا سی۔ تے اُوہنے کُج کیتا – اُوہنے اُوہناں نوں شفا بخشی۔

کیمونسٹ یعنی اشتراکیت پسند کہندے نے اُو لوکاں دی مدد کرنا چاہندے نے۔ لیکن جدوں اُو اقتدار وِچ آ جاندے نے تے اُو لوکاں دے لئی کُج وی نئیں کردے۔ اُو اُوہناں نوں صرف غلام بناندے نے۔ ایہہ ایس لئی ہوندا اے کیوں جے اُوہناں نوں ترس نئیں آندا۔ اُو واقعی چہ دوجے لوکاں دے بارے وِچ کُج محسوس نئیں کردے۔

اُو لفظ ’’ترس آ گیاhad campassion‘‘ اک یونانی لفظ سپلینشینس تھیئس splanchnistheis دا ترجمہ اے۔ جیہڑا کہ یونانی لفظ سپلینژناsplanxna توں آندا اے، جیس دا مطلب ’’اُو اندرونی حصے… دِل، پھیپھڑے، جگر، گُردے‘‘ ہوندا اے۔ جیس دا سادہ سا مطلب ’’انتڑیاںguts‘‘ ہوندا اے، جیویں کہ اَسی اَج کل ایہنوں استعمال کرنے آں۔ اَسی اپنی تلاوت دا اینج وی ترجمہ کر سکنے آں ’’اُوہنوں اُوہناں تے ترس آ گیا، اُوہنے ایہنوں اپنی انتڑیاں چہ محسوس کیتا‘‘ ایہہ اے جِنہوں ترس کھانا کہندے نے۔

یسوع دا اُو درد، محبت تے چاہت صرف الفاظ ای وِچ نئیں وکھائی دِتا سی۔ اُو کوئی نظریہ یا اصول نئیں سی۔ اُو کوئی ’’نیک تصور‘‘ نئیں سی۔ اُوہدی ہمدردی یا ترس کُج اینج سی جِنہے اُوہدے احساسات وِچ اُوہنوں اپنی انتڑیاں تیکر وِچ ترس کھان تے مجبور کر دِتا۔ یسوع دی ہمدردی [شدید چاہت] نے لوکاں دے لئی کُج نہ کُج کرن تے اُوہنوں مجبور کر دِتا سی۔ یسوع دی ہمدردی یا شدید چاہت اُوہدے کردار تے اُوہدی حیاتی دا اِک اہم حصہ سی۔ اَج میں مسیح دی شدید چاہت یا ہمدردی دے بارے وِچ تِن نکات سامنے لہیاواں گا۔

I. پہلی گل، مسیح نے اپنی تعلیمات وِچ ہمدردی تے شدید چاہت نوں پیش کیتا۔

یسوع نے لوکاں نوں ہمدردی کرن دے لئی تعلیم دِتی تے ایہنوں محبت دے مخصوص اعمال دے ذریعے توں ظاہر کرن دے لئی کہیا۔ لوقا10:25 آیت کھولو۔ جدوں میں ایہنوں پڑھاں تے سُنو۔

’’تے، ویکھو، اِک مخصوص عالمِ شریعت اُٹھیا تے یسوع نوں آزمان دی غرض توں کیہن لگا، اے اُستاد، مینوں ابدی حیاتی دا وارث بنن دے لئی کی کرنا پیہئے گا؟ یسوع نے اُوہنوں کہیا، شریعت وِچ کی لکھیا اے؟ تو کیویں پڑھدا اے؟ تے اُوہنے جواب دیندے ہوئے کہیا کہ خداوند اپنے خدا نال اپنے سارے دِل تے اپنی جان تے اپنی ساری طاقت تے ساری عقل نال محبت رکھ تے اپنے پڑوسی نال اپنے برابر پیار کر۔ یسوع نے اُوہنوں کہیا، توں ٹھیک کہیا، ایہی کر تے تُو جیوندا رہوے گا‘‘ (لوقا10:25۔28)۔

یسوع نے سب توں بوہتے گہرے تے سادے سچ دی تعلیم دِتی سی: خدا نال محبت رکھ تے دوجیاں نال محبت رکھ ایہہ حکم ایس قدر سادہ اے تے ایس دے باوجود اکثر توڑیا جاندا اے۔ انسان، جیہڑا یسوع دا مطلب سی اُوہدے توں کتران دی کوشش کردا اے، اُوہنے کہیا، ’’تے میرا پڑوسی کون اے؟‘‘ (لوقا10:29)۔ یسوع نے اُوہنوں نیک سامری دی تمثیل پیش کیتی۔

اُوس تمثیل وِچ، ڈٓاکوؤاں نے اِک بندے تے حملہ کیتا، اُوہناں نے اُوہنوں لُٹیا، اُوہنوں ماریا تے اُوہنوں ادھموا چھڈ کے ٹُر گئے۔ اِک کاہن تے اِک لاوی اُوتھے اُوس سڑک توں لنگہے تے کُج وی نئیں کیتا۔ لیکن اِک سامری (جیہڑا یہودی نئیں سی) ’’اُوہنوں اُوہدے تے ترس آیا‘‘ – اپنے باطن [انتڑیاں] وِچ اُوہدے لئی محسوس کیتا (لوقا10:33)۔ سامری نے اُوس بندے دی دیکھ بھال کیتی، اُوہدے زخماں تے پٹی بنّہی تے اُوہنوں اِک سرائے وِچ لے کے گیا۔ اُوہنے صرف لفظ نال ای دیکھ بھال نئیں کیتی سی۔ اُوہنے صرف جذبات وِچ ای دیکھ بھال نئیں کیتی سی۔ اُوہنے اُوس بیچارے بندے دی مدد کرن دے لئی اُو کم کیتے سن۔ یسوع نے شریعت دے عالم نوں کہیا، ’’جا توں وی اینج ای کر‘‘ (لوقا10:37)۔

یسوع نے سانوں دوجیاں دے لئی احساسات رکھن تے اُوہناں دی مدد کرن دے لئی کُج نہ کُج کرن دی تعلیم دِتی۔ ایہہ ایس قدر سادہ جیہئی اِک سچائی اے تے ایس دے باوجود اکثر ایہنوں ادا نئیں کیتا جاندا۔

مسیح نے سانوں نا صرف اپنے بیلیاں دا خیال رکھن بلکہ اپنے دشمناں دا وی خیال رکھن دی تعلیم دِتی۔ اُوہنے کہیا،

’’تُسی ایہہ سُنیا اے کہ کہیا گیا سی کہ اپنے پڑوسی نال محبت رکھو تے اپنے دشمن نال عداوت۔ لیکن میں تہانوں کہنا واں اپنے دشمناں نال محبت رکھو، جیہڑے تہاڈے نال کینہ رکھدے نے اُوہناں دے لئی برکت چاہو، جیہڑے تہاڈے کولوں نفرت کردے نے اُوہناں دے نال نیکی کرو تے جیہڑے تہانوں ستاندے نے تے اذیت دیندے نے اُوہناں دے لئی دعا منگو‘‘ (متی5:43، 44)۔

تے مسیح نے اینج کرن دے لئی سانوں خاص طریقے دَسے نے:

’’جے کوئی تیرے اِک گال تے چنڈ مارے تے توں دوجا وی اُوہدے وَل پھیر دے۔ جے کوئی تیرا چوغہ لے لیندا اے توں کُرتا لین توں وی مت رُوک۔ جیہڑا تیرے توں منگدا اے اُوہنوں دے تے جے کوئی تیرا مال تیرے توں کھو لیندا اے توں اُوس توں واپس مت منگ۔ جیویں تُسی چاہندے اُو کہ لوکی تہاڈے نال کرن تُسی وی اُوہناں دے نال اُونج ای کرو‘‘ (لوقا6:29۔31)۔

31ویں آیت ’’سنہرا اصول‘‘ کہلائی جاندی اے – جیویں تُسی چاہندے اُو کہ لوکی تہاڈے نال کرن تُسی وہ اُوہناں دے نال اُونج ای کرو۔ یسوع نے تعلیم دِتی، ’’تُسی اپنے دشمناں نال محبت رکھو، بھلا کرو تے قرض دیو تے اُوہدے وصول پان دی اُمید نہ رکھو‘‘ (لوقا6:35)۔

عشائے ربانی یعنی خداوند دی دعا وِچ اَسی دعا مانگنے آں ’’ساڈے قصور سانوں بخش جیس طرح اَسی اپنے خلاف دوجیاں دے قصور اُوہناں نوں بخش دینے آں‘‘ – ایس قدر پیارے الفاظ، لیکن ایس قدر اکثر نظر انداز کر دِتے جاندے نے۔ مسیح نے کہیا،

’’جے تُسی لوکاں دے قصور معاف کرو گے تے تہاڈا آسمانی باپ وی تہانوں معاف کرے گا تے جے تُسی لوکاں دے قصور معاف نئیں کرو تے تے تہاڈا باپ وی تہاڈے قصور معاف نئیں کرے گا‘‘ (متی6:14۔15)۔

اِک سخت تے معاف نہ کرن آلا دِل ای اِک غیرنجات یافہت بشر دا ثبوت ہوندا اے۔ پولوس رسول نے کہیا،

’’ہر اِک دے نال مہربانی تے نرم دِلی دے نال پیش آؤ، جیس طرح خدا نے تہاڈے قصور معاف کیتے نے تُسی وی اِک دوجے دے قصور معاف کر دیا کرو‘‘ (افسیوں4:32)۔

ایہہ اے اُو ترس یا ہمدردی یا رحمدلی جیس دی تعلیم یسوع نے دِتی۔ خدا کرے تُسی وی جاؤ تے اینج ای کرو!

II. دوجی گل، مسیح نے اپنی منادی وِچ ایس ہمدردی نوں جیا سی۔

یسوع نے بس محض ترس کھان دی ای تعلیم نئیں دِتی سی۔ اُوہنے ایہنوں عملی طور تے کیتا وی۔ اُوہدی رحمدلی، اُوہدے دِل وِچ گھر کر جان آلے احساس نے اُوہنوں مخصوص کم کرن تے مجبور کیتا۔ اپنی منادی دی ابتدا وِچ، اِک کوڑھی یسوع دے کول آیا سی۔ یسوع نے اُس بندے نوں جیہو جیہا اُو سی اُونج ای نئیں چھڈ دِتا سی۔ بائبل کہندی اے،

’’تے یسوع نے اُوہدے تے ترس کھا کے اپنا ہتھ ودھایا تے اُوہنوں چُھوا تے اُوہنوں کہیا، میں چاہنا واں کہ توں پاک صاف ہو جائے۔ تے اُسی ویلے جدوں اُوہنے کہیا، فوراً اُس [بندے] کولوں کوڑھ جاندا رہیا تے اُو پاک صاف ہو گیا‘‘ (مرقس1:41، 42)۔

بعد چہ، یسوع اِک ویران تھاں وِچ سی۔ لوکاں نوں پتا چلیا تے اُو شہر شہر توں نکل کے پیدال ای اُوہدے پِچھے ٹُر پیہئے‘‘ (متی14:13)۔ بائبل کہندی اے،

’’تے یسوع اَگے ودھیا، تے لوکاں دے اِک وڈے ہجوم نوں ویکھیا تے اُوہنوں اُوہناں تے ترس آیا تے اُوہنے اُوہناں دے بیماراں نوں شفا بخشی‘‘ (متی14:14)۔

ایہدے وی بعد، شاگرداں دے کول خوراک گھٹ پیہہ گئی۔ اُس ویران تھاں تے اُوہناں دے نال لوکاں دا اِک وڈا ہجوم سی۔ بائبل کہندی اے،

’’فیر یسوع نے [اپنے کول] اپنے شاگرداں نوں بُلایا تے کہیا، مینوں ایہناں لوکاں تے ترس آندا اے، کیوں جے ایہہ تین دِناں توں برابر میرے نال نے تے اُوہناں دے کول کھان نوں کُج وی نئیں تے میں اُوہناں نوں بُھوکا رخصت کرنا نئیں چاہندا، کِدرے اینج نہ ہووے کہ ایہہ راہ وِچ ای پیہئے رہ جان‘‘(متی 15:32)۔

یسوع نے اُوہناں دے لئی کُج کیتا۔ اِک معجزے دے ذریعے، اُوہنے جیہڑی خوراک اُوہناں دے کول سی اُوہنوں وَدھا دِتا۔ اُوہنے ’’عورتاںتے بچیاں دے علاوہ چار ہزار لوکاں نوں کھانا کھلایا‘‘ (متی15:38)۔

یوحنا رسول نے کہیا، ’’میرے چھوٹے بچو، ہم محض کلام تے زبان نال ای نئیں بلکہ سچائی دے نال اپنے عمل توں وی محبت دا اِظہارکریے‘‘ (1یوحنا3:18)۔ مسیح نے نہ ای زبان توں نہ ای لفظاں توں محبت وکھائی بلکہ جو کُج اُوہنے کیتا اُوہدے چہ محبت وکھائی۔ جیویں پطرس نے کہیا، یسوع اِک بندہ سی ’’جیہڑا تھاں تھاں جا کے بھلا کردا سی‘‘ (اعمال10:38)۔ ایہہ گل مینوں تیجے موضوع تے لے آندی اے۔

III. تیجی گل، یسوع نے اپنی موت تے جی اُٹھن وِچ ہمدردی دا اِظہارکیتا۔

مسیح نوں گرفتار کیتا گیا سی، کوڑے مارے گئے، تے مصلوب کیتا گیا۔ اَسی سمجھ جانے آں جے اُوہنوں غصہ چڑھ جاندا۔ لیکن اُو غصے وِچ نئیں آیا۔ یسوع نے محبت تے پیار دے نال عمل کیتا ایتھوں تیکر کہ اُوہناں دے نال وی جیہڑے اُوہنوں مرن دے لئی لے کے آئے سن۔ یہوداہ نے اُوہنوں دھوکہ دِتا سی تے سپاہیاں دے نال اُوہنوں گرفتار کروان آیا سی۔ بائبل کہندی اے،

’’تے یسوع نے اُس [یہوداہ!] نوں کہیا، دوست، جیس کم نال آیا اے اُوہنوں کر؟‘‘ (متی26:50)۔

اِک غدار دی حیثیت توں یسوع یہوداہ تے لعنت پیج چکیا ہوندا، کیوں جے اُو [لعنتی] سی۔ لیکن سیکوفیلڈ دی مرکزی غور طلب گل ’’ایفf‘‘ بجا طور تے کہندی اے، ’’شاید بائبل وِچ سب توں زیادہ متاثر کر دین آلی گل۔ خداوند نے یہوداہ نوں پرایا نئیں کیتا۔‘‘ جے یہوداہ توبہ کر چکیا ہوندا تے مسیح تے پرہوسا کر چکیا ہوندا تے اُوہنوں معاف کیتا جا چکیا ہوندا – ایتھوں تیکر کہ اُودھوں وی۔

چھیتی ای بعد چہ۔ پطرس نے یسوع دا انکار کیتا، جیویں کہ یسوع نے کہیا سی اُو کرے گا – تے جیویں کہ پطرس نے دعویٰ کیتا سی اُو کدی وی نئیں کرے گا۔ بائبل کہندی اے،

’’پطرس نے کہیا، بندے، میں نئیں جانندا کہ تو کی کہندا اے۔ تے اُو ہلے ایہہ گل کہہ ای رہیا سی کہ مرغ نے بانگ دے دِتی تے خداوند نے مُڑ کے پطرس وَل ویکھیا تے پطرس نے خداوند دی اُو گل یاد کیتی جیہڑی اُوہنے پطرس نوں کہی سی کہ اَج مرغ دے بانگ دین توں پہلاں توں میرا تِن وری انکار کریں گے۔ تے پطرس باہر جا کے زار زار رویا‘‘ (لوقا22:60۔62)۔

پطرس نوں یسوع توں کوئی لیکچر نئیں ملیا سی۔ مسیح نے اُوہدی کوئی بے عزتی نئیں کیتی۔ اُوہنے کدی وی نئیں کہیا، ’’ویکھا، میں نے کہیا سی اینج ہووے گا۔‘‘ ایہدے بجائے یسوع نے محض پطرس وَل ویکھیا۔ اُوسی نے ساری گل کہہ دِتی سی۔ پطرس سزایابی دے تحت آ گیا تے زار زار رویا۔

اگلے دِں مسیح نوں کوڑھے مارے گئے تے فیر مصلوب کر دِتا گیا۔ ظالم لوکاں نے اُوہدے ککمر تے کوڑے مارے جدوں تیکر کہ اُو لہولہان ہو کے تباہ نہ ہو گئی۔ دوجے بدکار لوکاں نے اُوہدے ہتھاں تے پیراں وِچ کِیل ٹھونکے۔ مذید دوجے لوکی اُوہدے تے چلائے تے اُوہدا تمسخر اُڑایا۔ لیکن یسوع نے کسی نوں وی بُرا بھلا نئیں کہیا۔ اُوہنے اُوہناں لئی دعا منگی۔ بائبل کہندی اے،

’’فیر یسوع نے کہیا، اے باپ، ایہناں نوں معاف کر کیوں جے ایہہ نئیں جانندے ایہہ کی کر رئے نے‘‘ (لوقا23:34)۔

صلیب تے یسوع نے آپئے اپنی تعلیمات تے جی کے وکھایا سی، ’’جیہڑے تہاڈے نال کینہ رکھدے نے اُوہناں دا بھلا کرو‘‘ (لوقا6:28)۔

جدوں یسوع مُردیاں وِچوں جی اُٹھیا، اُوہنے اپنے شاگرداں دی نٹھ جان تے ملامت نئیں کیتی سی۔ اُوہنے نئیں کہیا سی، ’’میں کہیا سی تُسی اینج کرو گے۔‘‘ اُوہنے اُوہناں دی اُوہناں دے خوف دی وجہ توں بے عزتی نئیں کیتی سی۔ ایس دے بجائے، اُو پُرسکوں رہیا سی۔ بائبل کہندی اے،

’’ہفتے دے پہلے دِن شام دے ویلے جدوں شاگرد اِک تھاں تے جمع سن تے یہودیاں دے ڈر توں بوہے بند کیتی بیٹھے سن، یسوع آیا تے اُوہناں دے وِچکار کھڑا ہو کے کیہن لگا، تہاڈے تے سلام‘‘ (یوحنا20:19)۔

اُوسا راتی توما اُوتھے نئیں سی۔ بعد چہ توما نے کہیا، ’’جدوں تیکر میں کِیلّاں دے سوراخ اُوہدے ہتھاں وِچ ویکھ کے اپنی اُنگلی اُوہناں وِچ ڈال نہ لیہواں تے اپنے ہتھ نال اُوہدی پسلی نہ چُھو لیہواں، اُودھوں تیکر یقین نئیں کراں گا‘‘ (یوحنا20:25)۔ اِک ہفتے بعد توما دوجے شاگرداں دے نال سی۔ بائبل کہندی اے،

’’تے اِک ہفتے بعد یسوع دے شاگرد فیر اُسی تھاں موجود سن تے توما وی اُوہناں دے نال سی۔ اگرچہ بوہے بند سن، یسوع آ کے اُوہناں دے وچکار کھڑا ہو گیا تے اُوہناں نوں کہیا، تہاڈے تے سلام۔ فیر اُوہنے توما نوں کہیا، اپنی اُنگلی لا تے میرے ہتھاں نوں ویکھ تے اپنا ہتھ ودھا تے میری پسلی نوں چُھو، شک نہ کر بلکہ اعتقاد رکھ‘‘ (یوحنا20:26، 27)۔

یسوع توما دے نال ناراض نئیں سی۔ اُوہنے آرام نال اُو پیش کیتا سیج جیس دا توما نے کہیا سی، اپنے ہتھاں تے پسی نوں وِکھا کے۔ اُو مسیح دی محبت سی۔

صلیب تے اُوہدے موت گنہگاراں دے لئی اُوہدی محبت تے ہمدردی دی عظیم تر تے گہری ترین مثال سی – اُوس [یسوع] دی دشمناں دے لئی محبت۔ اُو اُوہناں دی پرواہ کردا سی تے کُج کیتا سی – اُو اُوہناں دے لئی قربان ہو گیا سی۔ جیسی یسوع نے تعلیم دِتی، اُوہنے اُونج ای کیتا وی۔ بائبل کہندی اے،

’’جدوں اَسی گنہگار ای سن تے مسیح نے ساڈی خاطر اپنی جان قربان کر دِتی‘‘ (رومیوں5:8)۔

اُو اے جیہڑا یسوع نے ساڈی خاطر کیتا! ایتھے ہمدردی اے! بائبل کہندی اے، ’’محبت ایہہ نئیں کہ اَسی اُوہدے نال محبت کیتی [اَسی نئیں کردے] بلکہ ایہہ اے کہ اُوہنے ساڈے نال محبت کیتی تے اپنے پُتر [یسوع] نوں پیجیا تاکہ اُو ساڈے گناہواں دا کفارہ [ادائیگی] ہووے‘‘ (1 یوحنا4:10)۔

صلیب تے ساڈی خاطر یسوع دی لہولہانہ موت، محبت تے ہمدردی دا اِک عمل سی، سب توں عظیم ترین۔ لیکن اُوہدی محبت تے ہمدردی تہاڈے سوچ توں ودھ کے بوہتی اَگے لنگ جاندی اے۔ مسیح ساری نسل انسانی دے لئی مریا سی۔ بائبل کہندی اے، ’’اُو ساڈے گناہواں دا کفارہ اے تے نہ صرف ساڈے ای گناہواں دا بلکہ ساری دُںیا دے گناہواں دا کفارہ اے‘‘ (1یوحنا2:2)۔ اُو کیوں سارے لوکاں دے لئی قربان ہو گیا، ایہہ جانندے ہوئے وی کہ بوہتی سارے تے اُوہنوں مسترد کر دین گے؟ اُو تعلیم دے چکیا سی، ’’تُسی اپنے دشمناں نال محبت کرو، بھلا کرو تے قرض دو تے اُوس دے وصول پان دی اُمید نہ رکھو‘‘ (لوقا6:35)۔ اُوہنے ساریاں دے لئی اپنی جان پیش کر دِتی۔ ایہہ جانندے ہوئے وی کہ بوہتے سارے اُوہنوں مسترد کر دین گے۔ اُوہنے اپنے دشمناں دا بھلا کیتا تے اُوہناں نال محبت کیتی، بدلے وِث کسی گل دی توقع نئیں کیتی۔ اُو اے ساڈا نجات دہندہ!

نتیجہ

تُسی کی کر سکدے اُو؟ میں تہانوں کہنا چاہنا واں کہ مسیح دی محبت تے ہمدردی نوں دِل چہ بسا لو تے اپنی ساری حیاتی اِسی نوں اپنا کر بسر کرو۔ جی ہاں، ایہہ اے جیہڑا کرنا اے۔ لیکن ایہہ شاید تہانوں بوہتا سارا لگے، تے ایہہ بوہتا سارا اے۔ تُسی ایہنوں کامل طور تے حیاتی وِچ شامل نئیں کیتا اے تے نہ ای میں کیتا اے۔

کوئی کہندا اے، ’’مینوں اینی بوہتی ہمدردی نئیں اے۔‘‘ ہو سکدا اے تہاڈے وِچ نہ ہووے۔ لیکن کی تُسی ایس طرح نال عمل کر سکدے اُو جیویں کہ تہاڈے کول اے؟خدا سے ہمدردی پان دے لئی دعا منگو۔ لیکن پاویں تُسی ایس قدر بوہتا نہ وی محسوس کردے ہوو تے کیوں نہ ایہو جیہئے عمل کریے جیویں تُسی اینج کیتا ہووے؟ کیوں نہ ایہنوں اِک بندے دے لئی محض اِک کم کرن دے ذریعے توں شروع کیتا جائے؟ اِک ایہو جیہئے بندے دی تلاش کرو جِنہوں ایہدی لوڑ ہووے تے اُس بندے دی مدد کرو۔ کیوں نہ اِک بندے دی محض صرف اِک غلطی نوں معاف کرن توں شروع کیتا جائے؟ ایہنوں دِل تے نہ لیجیے گا۔ اُوس بندے دے خلاف کڑواہٹ نہ رکھو۔ صرف اُوہنوں معاف کر دیو۔ تُسی اِک بندے دے لئی اِک وری تے ایہہ کر ای سکدے اُو۔ کی نئیں کر سکدے؟ تُسی کر سکدے اُو تے میں وی کر سکنا واں۔ جدوں تُسی اِک بندے دے لئی اِک کم کر چکے ہوو تے اُوہدے بعد اِک دوجے بندے تے اِک دوجے کم دے لئی سوچو۔ چھیتی ای تُسی اپنی راہ تے ہو جاؤ گے۔ اینج کرن دے لئی خداوند تہاڈی مدد کرے!

کھڑے ہوو تے ’’ھیلیلویاہ، کیہو جیہا اِخ نجات دہندہ!Hallelujah, What a Saviour!‘‘ گاؤ۔

’’رنج و الم دا انسان،‘‘ کی ناں اے خدا دے پُتر لئی جیہڑا آیا سی
تباہ حال تے خستہ حال گنہگاراں نوں بچان لئی! ھیلیلویاہ! کیہو جیہا اِک نجات دہندہ!

بے عزتی تے بیہودہ مخول نوں برداشت کردے ہوئے، میری تھاں تے سزا پا کے اُو کِھلوتا سی؛
اپنے لہو نال میری معافی نوں مہر لائی؛ ھیلیلویاہ! کیہو جیہا اِک نجات دہندہ!

قصوروار، ٖغلیظ تے بے بس، اَسی؛ اُو خُدا دا بے داغ برّہ سی؛
’’مکمل کفارہ کی ہو سکدا اے؟ ھیلیلویاہ! کیہو جیہا اِک نجات دہندہ!

مرن لئی اُو چُکیا گیا، ’’ایہہ پورا ہویا اے،‘‘ اُوہدی چیخ سی؛
ہُن آسمان تے اُوچے درجے تے؛ ھیلیلویاہ! کیہو جیہا اِک نجات دہندہ!
   (’’ھیلیلویاہ! کیہو جیہا اِک نجات دہندہ! Hallelujah, What a Saviour! ‘‘
شاعر فلپ پی۔ بِلس Philip P. Bliss، 1838۔1876؛ بند نمبر 1، 2، 3، تے 4)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔