ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
کی تُسی غالب آن والے ہوؤ گے؟WILL YOU BE AN OVERCOMER? ڈاکٹر آر۔ ایل۔ ہائیمرز، جونیئر وَلّوں سبق توں پہلاں حمدوثنا دا گیت گایا: ’’کی میں صلیب دا اِک سپاہی واں؟Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748؛ بند 1، 2 اور 4)۔ |
مہربانی نال متی22:14 آیت کھولو۔ یسوع نے کہیا،
’’سدّے ہوئے تے بہتیرے نے مگر چُنے ہوئے گھٹ نے‘‘ (متی22:14)۔
یسوع نے بالکل ایہی لفظ متی 20:16 آیت وچ کہے۔ متی دی انجیل وچ، آخیرلے زمانے ول نشاندہی کردے ہوئے، دونوں ای وری اُوہنے ایہناں لفظاں نوں نوع انسانی تے دُنیا دے حتمی مقدر نال تعلق دی ترتیب وچ کہیا۔ تبصرہ 2تیموتاؤس2:12 وچ اے،
’’جے اسی دُکھ چُکاں گے تے اُوہدے نال بادشاہی وی کراں گے۔ جے اسی اُوہدا انکار کراں گے تے اُو وی ساڈا انکار کرے گا‘‘ (2تیموتاؤس2:12)۔
جدوں خدا نے انسان نوں تخلیق کیتا تے اُوہنوں باغ عدن وچ رکھیا۔ تے خداوند نے آدم تے حوّا نوں تخلیق کردہ دُنیا تے حکمرانی کرن لئی کہیا۔ لیکن شیطان نے حوّا نوں ورغلا دِتا۔ فیر حوّا نے بدلے وچ آدم نوں چکما دِتا۔ خُدا توں اُوہناں دی نافرمانی دے نتیجے وچ دوواں ای نے اپنا حاکمانہ رُتبہ کھو دِتا۔
’’سدّے ہوئے تے بہتیرے نے۔‘‘ ہر مسیحی نوں مسیح وچ پروان چڑھن تے تقدیس پان لئی سدّیا گیا اے۔ ایہنوں رومیوں 12:1، 2 آیت وچ آشکارہ کیتا گیا اے۔
’’مگر چُنے ہوئے کم نے۔‘‘ ایہہ نشاندہی کردا اے مسیح دے نال اُوہدی 1,000 سالہ بادشاہت وچ حکمرانی کرن لئی خداوند دے وسیلے نال چُنے جان ول۔ اِک کہاوت اے، ’’تہانوں اُو مل جاندا اے جیہدی تُسی قیمت ادا کردے اُو۔‘‘ ایہدے مساوی اے، ’’اذیتاں برداشت کرن دے ذریعے نال جیویں مسیح نے کیتیاں تُسی غالب آن آلے بن جاندے اُو، تے جیویں سارے ایماندار شاگرداں نے کیتا سی۔‘‘
جے تربیت وچ آسانی ناکامی دی ماں اے تے تیاری ای کامیابی دا پیو اے۔ خود ترسی کیتے بغیر مسیح دی خاطر خاموشی نال برداشت کرو۔ سانوں کدی وی دشواریاں توں تے نا ای مشکلاں توں پرھیز کرنا چائیدا اے۔ جیہڑا لوکاں لئی ناممکن ہوندا اے خُدا لئی ممکن ہوندا اے۔ اُو تہاڈی قوت نوں فیر قائم کر دیوے گا (ویکھو اشعیا40:3۔30 تے فلپیوں 3:12)۔ خُداوند تسلسل دے نال تہاڈی قوت نوں فیر قائم کرے گا۔ میں ایس گل نوں خود میری اپنی حیاتی وچ ثابت کر چُکیا واں۔ میں اپنی حیاتی دے اِکیاسیویں برس وچ آں تے میرا ’’ریٹائر‘‘ ہون دے بارے وچ کوئی خیال نئیں اے۔
جے تُسی ایہناں گلاں نوں کردے اُو تے تُسی غالب ہون آلا بنن لئی تیار ہو جاؤ گے۔ تہانوں اپنی حیاتی دی پرواہ کرنی چھڈن لئی تیار رہنا چائیدا اے۔ تُسی ہُنے توں ای اِک غالب پان آلا بنن دے وسیلے نال مسیح دی نشاندہی وچ اِک غالب پان آلا بن جاندے اُو۔ اپنی 90 دی دہائی وچ ڈاکٹر لِن Dr. Lin نے کہیا،
غالب آن آلیاں دا مستقبل
1. اِفسیوں دی کلیسیا دے ناں، مکاشفہ 2:4۔7 .
’’مگر مینوں تیرے توں ایہہ شکایت اے کہ تُو اپنی پہلی محبت چھڈ دِتی اے۔ پس یاد کر کہ تُو کیہنی اُچوں ڈِگیا اے، توبہ کر تے پہلاں وانگوں کم کر؛ جے تُو توبہ نئیں کرے گا تے میں تیرے کول چھیتی نال آ کے تیرے چراغدان نوں اُوہدی تھاں توں ہٹا دیاں گا۔ البتہ ایہہ گل تیرے حق وچ اے کہ تُو نیکلیاں دے کماں توں نفرت کردا اے جنہاں توں میں وی نفرت کرنا واں۔ جیہدے کَن ہون اُو سُنے کہ پاک روح کلیسیاواں نوں کی فرماندا اے۔ جیہڑا غالب آئے گا میں اُوہنوں حیاتی دے درخت دا پھل کھان نوں دواں گا جیہڑا خدا دے فردوس وچ اے‘‘ (مکاشفہ2:4۔7)۔
2. سُمرنہ دی کلیسیا دے ناں، مکاشفہ 2:10۔11 .
’’جیہڑے دُکھ تیہنوں سہنے نے اُوہناں توں خوفزدہ نہ ہو: ویکھو، میں تہانوں آگاہ کرنا واں کہ شیطان تہاڈے وچوں بعض نوں قید وچ ڈالن آلا اے تاں جے تہاڈی آزمائش ہووے تے تُسی دس دِن تیکر مصیبت چُکو گے۔ جان دین تیکر وفادار رہ تے میں تیہنوں حیاتی دا تاج دواں گا۔ جیہدے کَن ہون اُو سُنے کہ پاک روح کلیسیاواں نوں کی فرماندا اے۔ جیہڑا غالب آوے گا اُوہنوں دوجی موت توں کوئی ضرور نئیں پہنچے گا‘‘ (مکاشفہ2:10۔11).
3. پرگمُن دی کلیسیا دے ناں، مکاشفہ 2:14۔17 .
’’لیکن مینوں تیرے توں چند گلاں دی شکایت اے، یعنی ایہہ کہ بعض لوکی بلعام دی تعلیم تے قائم نے جیہنے بلق نوں سِکھایا کہ بنی اسرائیل نوں حرامکاری کرن دی تے بُتاں نوں پیش کیتی گئی قربانیاں دا گوشت کھان دی ترغیب دوے۔ ایویں ای تیرے ہاں اینج دے لوکی وی نے جیہڑے نیکلیاں دی تعلیم تے عمل کردے نے۔ لہٰذا توبہ کر ورنہ میں چھیتی ای تیرے کول آواں گا تے اپنے مُنی دی تلوار نال اُوہدے نال لڑاں گا۔ جیہدے کَن ہون اُو سُنے کہ پاک روح کلیسیاواں نوں کی فرماندا اے۔ جیہڑا غالب آئے گا میں اُوہنوں پوشیدہ مَن وچوں دواں گا، میں اُوہنوں سفید پتھر وی دواں گا جیہدے تے نیا ناں لکھیا ہویا اے جیہدا علم صرف اُوہدے پان آلے ای نوں ہووے گا‘‘ (مکاشفہ2:14۔17)۔
4. تُھواتِیرا دی کلیسیا دے ناں، مکاشفہ 2:26۔29 .
’’تے اُو جیہڑا غالب آوے گا تے اخیر تیکر میری مرضی دے مطابق عمل کرے گا، میں اُوہنوں قوماں تے اِختیار دواں گا۔ اُو لوہے دے عصا نوں اُوہناں تے حکومت کرے گا تے اُو کمہار دے برتناں وانگوں چِکنا چور ہو جان گے۔ میں وی اپنے پیو توں اینج دا ای اِختیار پایا اے۔ تے میں اُوہنوں سویر دا ستارہ وی دواں گا۔ جیہدے کَن ہون اُو سُنے کہ پاک روح کلیسیاواں نوں کی فرماندا اے‘‘ (مکاشفہ2:26۔29)۔
5. سردِیس دی کلیسیا دے ناں، مکاشفہ3:5۔6 .
’’اُو جیہڑا غالب آئے گا اُوہنوں ایویں ای سفید پوشاک پہنائی جاوے گی تے میں اُوہدا ناں کتابِ حیات توں ہرگز خارج نئیں کراں گا بلکہ اپنے پیو تے فرشتیاں دے سامنے اُوہدے ناں دا اِقرار کراں گا۔ جیہدے کَن ہون اُو سُنے کہ پاک روح کلیسیاواں نوں کی فرماندا اے‘‘ (مکاشفہ3:5۔6).
6. فلدلفیہ دی کلیسیا دے ناں، مکاشفہ 3:7۔8، 12۔13 .
’’تے فلدلفیہ دے فرشتہ نوں لکھ؛ اُو جیہڑا قدوس تے برحق اے تے داؤد دی کُنجی رکھدا اے، تے جیہنوں کھولدا اے اُوہنوں کوئی بند نئیں کر سکدا تے جیہنوں بند کردا اے اُوہنوں کوئی کھول نئیں سکدا ایہہ فرماندا اے کہ میں تیرے کماں توں واقف آں۔ ویکھ! میں تیرے سامنے اِک بُوہا کھول رکھیا اے جیہنوں کوئی بند نئیں کر سکدا۔ میں جاننا واں کہ کمزور ہون دے باوجود تُو میرے کلام تے عمل کیتا اے تے میرے ناں دا اِنکار نئیں کیتا‘‘ (مکاشفہ3:7۔8)۔
’’جیہڑا غالب آئے گا میں اُوہنوں اپنے پیو دی ہیکل وچ اِک ستون بنا دیاں گا اُو اوتھوں کدی باہر نئیں نکلے گا تے میں اُوہدے تے اپنے خدا دا ناں تے اپنے خدا دے شہر دا ناں لکھاں گا یعنی نئے یروشلیم دا ناں جیہڑا میرے خداوند وَلّوں آسمان توں اُترن آلا اے تے میں اُوہدے تے اپنا نیا ناں وی تحریر کراں گا۔ جیہدے کَن ہون اُو سُن لے کہ پاک روح کلیسیاواں نوں کی فرماندا اے‘‘ (مکاشفہ3:12۔13)۔
7. لودیکیہ دی کلیسیا دے ناں، مکاشفہ 3:19۔22؛ ویکھو مکاشفہ 5:9۔10 .
’’میں جنہاں نوں پیار کرنا واں اُوہناں نوں ڈانٹدا وی آں تے تنبیہ وی کرنا واں۔ ایس لئی پُرجوش ہو تے توبہ کر۔ ویکھ! میں بُوہے تے کھلوتا آں تے کھٹکھٹا رہیا واں۔ جے کوئی میری واج سُن کے بُوہے کھول دیوے گا تے میں اندر داخل ہو کے اُوہدے نال کھانا کھاواں گا تے اُو میرے نال جیہڑا غالب آئے میں اُوہنوں اپنے نال اپنے تخت تے بِٹھاواں گا، جیویں میں غالب آیا تے اپنے پیو دے نال اُوہدے تخت تے بیہہ گیا۔ جیہدے کَن ہون اُو سُنے کہ پاک روح کلیسیاواں نوں کی فرماندا اے۔‘‘ (مکاشفہ 3:19۔22).
’’تے اُو ایہہ نیا گیت گان لگے: تُو ای ایس لائق اے کہ ایس کتاب نوں لے کے اُوہدیاں مُہراں کھولے، کیوں جے تُو ذبح ہو کے اپنے لہو نال ہر قبیلہ، ہر زبان، ہر اُمت تے ہر قوم توں لوکاں نوں خدا دے واسطے خرید لہیا۔ تے اُوہناں نوں ساڈے خُدا لئی اِک بادشاہی تے کاہن بنا دِتا تے اُو زمین تے حکمرانی کرن گے‘‘ (مکاشفہ 5:9۔10).
کِھلو جاؤ تے ساڈا حمدوثنا دا گیت گاؤ۔
کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟
کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟
یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال
(’’کی میں صلیب دا اِک سپاہی واں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748؛ بند 1، 2 اور 4)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔